فتاویٰ ختمِ نبوّت

پیش لفظ

بِسْمِ اﷲِ الرَّحْمٰنِ الرَّحِیْمِ

اَلحَمدُ لِلّٰہِ وَسَلٰمٌ عَلٰی عِبَادِہِ الَّذِینَ اصطَفٰی!

اللّٰہ تبارک وتعالیٰ نے حضرت آدم علیہ الصلوٰۃ والسلام کی تخلیق کی، ان سے اَمّاں حوا رضی اللّٰہ تعالیٰ عنہا کو وجود دِیا، پھر دونوں کے ملاپ سے اولادِ آدم وجود میں آئی۔ اولادِ آدم کو سمجھانے اور ان کی ہدایت وراہنمائی کے لئے اللّٰہ تبارک وتعالیٰ نے نبوّت کا سلسلہ جاری فرمایا اور اس کے لیے انبیائے کرام علیہم السلام کو منتخب فرمایا، جیسا کہ قرآنِ کریم میں ہے:

1:۔۔۔ ’’اللہُ یَصْطَفِیْ مِنَ الْمَلَائِکَۃِ رُسُلاً وَمِنَ النَّاسِ إِنَّ اللہَ سَمِیْعٌ بَصِیْرٌ ‘‘

(الحج:۷۵)

’’اللّٰہ تعالیٰ منتخب کرلیتا ہے فرشتوں میں سے اَحکام پہنچانے والے اور آدمیوں میں سے، یقینی بات ہے کہ اللّٰہ تعالیٰ خوب سننے والا خوب دیکھنے والا ہے۔‘‘

2:۔۔۔ ’’اللہُ أَعْلَمُ حَیْثُ یَجْعَلُ رِسَالَتَہُ‘‘

(الانعام:۱۲۴)

’’اس موقع کو تو خدا ہی خوب جانتا ہے جہاں جہاں اپنا پیغام بھیجتا ہے۔‘‘

سب سے پہلے نبی حضرت آدم علیہ السلام اور آخری نبی حضرت محمد مصطفی احمد مجتبیٰ صلی اللّٰہ علیہ وسلم ہیں۔ آپ صلی اللّٰہ علیہ وسلم کی آمد کے ساتھ دِینِ متین کی تکمیل ہوگئی، نعمتِ رُوحانی تام ہوگئی اور دِینِ اِسلام کو اللّٰہ تعالیٰ نے پسندیدہ دِین قرار دِیا، جیسا کہ ارشاد ہے:

’’الْیَوْمَ أَکْمَلْتُ لَکُمْ دِیْنَکُمْ وَأَتْمَمْتُ عَلَیْکُمْ نِعْمَتِیْ وَرَضِیْتُ لَکُمُ الإِسْلاَمَ دِیْناً ‘‘

(المائدۃ:۳)

’’آج کے دن تمہارے لئے تمہارے دِین کو میں نے کامل کردیا اور میں نے تم پر اپنا اِنعام تمام کردیا اور میں نے اِسلام کو تمہارے دِین بننے کے لئے پسند کرلیا۔‘‘

قرآنِ کریم اور اَحادیثِ متواترہ کی بنا پر اُمتِ مسلمہ کا قطعی اور متواتر عقیدہ چلا آرہا ہے کہ آپ صلی اللّٰہ علیہ وسلم خاتم النّبیین ہیں، آپ صلی اللّٰہ علیہ وسلم کے بعد کسی شخص کو منصبِ نبوّت پر قائم نہیں کیا جائے گا، اور یہ کہ جو شخص آپ صلی اللّٰہ علیہ وسلم کے بعد نبوّت کا دعویٰ کرے گا، آپ صلی اللّٰہ علیہ وسلم کے فرمان کے مطابق وہ کذّاب ، دجال ہوگا، جیسا کہ آپ صلی اللّٰہ علیہ وسلم نے پیش گوئی فرمائی:

’’سیکون فی اُمّتی کذّابون ثلاثون، کلہم یزعم انہ نبی، انا خاتم النّبیین لا نبی بعدی‘‘

(ابوداؤد ج:۲ ص:۲۲۸)

ترجمہ:۔۔۔ ’’میری اُمت میں تیس جھوٹے ہوں گے، ہر ایک کا یہ خیال ہوگا کہ وہ نبی ہے، میں خاتم النّبیین ہوں، میرے بعد کوئی نبی نہیں۔‘‘

مسیلمہ کذّاب نے آپ صلی اللّٰہ علیہ وسلم کو جب یہ خط لکھا:

’’من مسیلمۃ رسول ﷲ إلٰی محمد رسول ﷲ، سلام علیک، امّا بعد! فإنی قد اشرکت فی الأمر وإن لنا نصف الأمر ولقریش نصف الأمر، لٰکن قریش قوم یعتدون‘‘

(دلائل النّبوّۃ ج:۵ ص:۳۳۱)

ترجمہ:۔۔۔ ’’یہ خط ہے مسیلمہ رسول اللّٰہ کی طرف سے محمد رسول اللّٰہ کے نام، بعد اس کے میں بھی تمہاری نبوّت میں شریک کردیا گیا ہوں۔ آدھی حکومت ہماری اور آدھی حکومت قریش کی، لیکن قریش ایسی قوم ہے جو زیادتی کرتی ہے۔ ‘‘

تو اس کے جواب میں آپ صلی اللّٰہ علیہ وسلم نے بایں الفاظ اس کو خط کا جواب لکھا:

’’من محمد رسول ﷲ إلٰی مسیلمۃ الکذَّاب، سلام علٰی من اتبع الہدیٰ، امّا بعد! فإن الأرض ﷲ یورثہا من یشاء من عبادہ والعاقبۃ للمتقین۔‘‘

(دلائل النّبوّۃ ج:۵ ص:۳۳۱)

ترجمہ:۔۔۔ ’’ محمد رسول اللّٰہ کی جانب سے مسیلمہ کذّاب کے نام، سلامتی اُس پر ہو جو ہدایت کی پیروی کرے۔ اما بعد! زمین اللّٰہ کی ہے،اللّٰہ جس کو چاہتا ہے اس کا وارث بنادیتا ہے، اور اچھا انجام متقیوں کے لئے ہے۔‘‘

یمامہ کے مدعیٔ نبوّت مسیلمہ کو آپ صلی اللّٰہ علیہ وسلم نے اس خط میں ’’کذّاب‘‘ لکھا، اسی لئے علمائے اُمت اور بزرگانِ دِین نے آپ صلی اللّٰہ علیہ وسلم کے بعد نبوّت کا دعویٰ کرنے والوں کو کذّاب اور دجال ہی قرار دِیا ہے۔ اور تیس تو بڑے بڑے دجال وکذّاب ہوں گے، چھوٹوں کی کیا تعداد ہوگی؟ اس کا کسی کو معلوم نہیں۔ بہرحال اسلامی تاریخ میں بہت سے طالع آزماؤں نے نبوّت، رسالت، مسیحیت اور مہدویت کے دعوے کرکے اللّٰہ تعالیٰ کی مخلوق کو دامِ تزویر میں لینے کی کوشش کی اور ان کو شکار کرنا چاہا، ان میں سے ایک ہندوستان کے شہر قادیان کا باسی مرزا غلام احمد قادیانی ہے، جس نے گزشتہ صدی میں سب سے پہلے مبلغِ اسلام، مجدّدِ اِسلام، مثیلِ مسیح، ظلِ مسیح، مسیحِ موعود اور نبی ہونے کا دعویٰ کیا اور ابلہ فریبی سے قرآن وحدیث کی نصوص میں تحریف کی، انبیائے کرام علیہم السلام اور سلف صالحین کی توہین وتذلیل کی، علمائے اُمت کو مغلظات سے نوازا اور سادہ لوح مسلمانوں کو دِینِ اِسلام سے منحرف کرکے، اپنے آپ کو کفر کا سرغنہ اور انہیں مرتدین کی صفوں میں لاکھڑا کیا۔

علمائے اُمت نے شروع دن سے ہی اسے کافر، مرتد اور دائرۂ اِسلام سے خارج قرار دِیا اور اس کے خلاف ہر طبقے کے علمائے کرام نے فتاویٰ دئیے۔ انہی فتاویٰ کو جمع کرکے ’’فتاویٰ ختمِ نبوّت ‘‘کے نام سے مسلمان بھائیوں کے سامنے پیش کیا جارہا ہے۔ اس کی سبیل کیا ہوئی اور کس طرح ان فتاویٰ کو جمع کرنے کا کام شروع ہوا؟ اس بارے میں شاہینِ ختمِ نبوّت مخدومِ مکرم حضرت مولانا اللّٰہ وسایا صاحب دامت برکاتہم العالیہ تحریر فرماتے ہیں:

’’بیس سال قبل ایک بار ضمناً کسی بات کے تذکرے میں مخدومنا المحترم حضرت مولانا عزیزالرحمن جالندھری مدظلہٗ نے فرمایا کہ: ’’آج تک قادیانیت کے خلاف اُمت ِ مسلمہ کے جو فتاویٰ جات شائع ہوئے ہیں، انہیں یکجا کردینا چاہئے!‘‘ بہت اہم امر تھا، تب سوچ لیا کہ اِسے کرنا ضروری ہے۔ شہیدِ اِسلام حضرت مولانا محمد یوسف لدھیانویؒ اور شہیدِ ختمِ نبوّت حضرت مولانا مفتی محمد جمیل خانؒ سے تذکرہ کیا، انہوں نے تصویب وتائید سے سرفراز فرمایا۔

لیکن ’’کل أمر مرھون بأوقاتہا‘‘ کے بموجب اس پر عمل درآمد میں تاخیر ہوتی گئی۔ شہیدِ اِسلام حضرت لدھیانویؒ کی شہادت کے بعد اِحساس ہوا کہ حضرت مرحوم کی زندگی میں اور ان کی زیرِ نگرانی یہ کام ہوجاتا تو ’’نورٌ علٰی نورٍ‘‘ کا مصداق ہوتا۔ بہرحال اب مزید تاخیرنہیں ہونی چاہئے۔ چنانچہ مخدوم ومحترم حضرت مولانا

مفتی محمد جمیل خانؒ اور حضرت مولانا سعید احمد جلالپوری رئیس دارالافتاء ختمِ نبوّت کراچی کی مشاورت سے اس کام کو ہنگامی بنیادوں پر کرنے کا فیصلہ کیا۔ ان ہر دو حضرات نے جامعۃ العلوم الاسلامیہ علامہ محمد یوسف بنوری ٹاؤن کراچی کے فاضل اور دارالافتاء ختمِ نبوّت کراچی کے رکن حضرت مولانا مفتی فخرالزمان صاحب کی ڈیوٹی لگائی کہ وہ ملتان دفتر مرکزیہ جاکر اس کام کو سراَنجام دیں۔ کچھ عرصہ بعد وہ ملتان تشریف لائے، طریقۂ کار کے خطوط متعین کئے اور کام شروع کردیا، چنانچہ فتاویٰ جات کی ان کتب کو حاصل کیا گیا، ان کو پڑھ کر ان سے وہ فتاویٰ جات جو قادیانیت کے خلاف دئیے گئے تھے، ان کو جمع کیا گیا، ان کی تخریج وتحقیق کی گئی۔

قرآن، حدیث، فقہ، تاریخ اور کتبِ قادیانیہ کے حوالہ جات کو ایڈیشنوں کی قید کے ساتھ مکمل کیا گیا۔ یہ کام برادرِ عزیز مولانا مفتی فخرالزمان، مولانا عبدالستار حیدری اور جناب عزیزالرحمن رحمانی نے سراَنجام دیا۔

مولانا مفتی فخر الزمان صاحب اس پورے مسوّدے کو کراچی ساتھ لے گئے، حضرت مولانا مفتی سعید احمد جلال پوری مدظلہٗ نے ترتیب کے لئے خاکہ مرتب کیا، ایک ایک فتویٰ پر سرخی قائم کی، پھر تبویب وترتیب قائم کی۔ آپ کے گرامیٔ قدر رُفقاء مولانا مفتی محمد نعیم امجد سلیمی اور مولانا مفتی عبدالقیوم دین پوری نے بھی آپ کی راہ نمائی میں اس کام پر نظر ڈالی، یوں تقریباً اڑھائی سال کی محنت کے بعد مسوّدہ اس قابل ہوا کہ اسے کمپوزر کے سپرد کرسکیں۔‘‘

’’فتاویٰ ختمِ نبوّت‘‘ ابھی زیورِ طبع سے آراستہ ہونے کے مراحل میں ہی تھا کہ عالمی مجلس تحفظ ختمِ نبوّت کی شوریٰ کے اہم رکن اور جامعہ علوم اسلامیہ علامہ محمد یوسف بنوری ٹاؤن کے شیخ الحدیث حضرت مولانا مفتی نظام الدین شامزی، شہید کردئیے گئے، اس کے چارماہ دس دن بعد عالمی مجلس تحفظ ختمِ نبوّت کے بیرون ملک اُمور کے سفیر حضرت مولانا مفتی محمد جمیل خان اور ختمِ نبوّت کراچی کے مبلغ حضرت مولانا نذیر احمد تونسوی نوّر اللّٰہ مراقدہما کو بھی دن دیہاڑے شہید کردیا گیا۔ بہرحال ’’فتاویٰ ختمِ نبوّت‘‘ کی طباعت کے مراحل ان سانحات وحوادثات کی بنا پر کچھ عرصہ معرضِ التوا میں رہے، لیکن اللّٰہ تعالیٰ کے فضل وکرم اور ختمِ نبوّت کے صدقے اس کا پہلا ایڈیشن شائع ہوا، اور ہاتھوںہاتھ بک گیا۔

اب جب اس نئے ایڈیشن کو نظرِثانی کے بعد جدید کمپوزنگ کے ساتھ شائع کیا جارہا ہے تو افسوس کے ساتھ لکھنا پڑ رہا ہے کہ اس وقت اس کام کے سرخیل اور عظیم راہنما حضرت اقدس مولانا سعید احمد جلالپوری اور حضرت مولانا فخرالزمان، بھائی محمد حذیفہ اور بھائی عبدالرحمن سری لنکن بھی مرتبۂ شہادت پر فائز ہوچکے ہیں۔ اللّٰہ تبارک وتعالیٰ ان تمام شہداء کی شہادتوں کو قبول فرمائیں اور ان کی قربانیوں کی بدولت اُمتِ مسلمہ کو ہر زیغ وضلال، باطل فتنوں اور خصوصاً قادیانیت، غامدیت اور ہر راہ زن کی راہ زنی سے محفوظ فرمائے۔

یہ اس کتاب کا دُوسرا ایڈیشن ہے، جس کی راقم الحروف نے نئے سرے سے کمپوزنگ کراکر اس کی پروف ریڈنگ کی ہے، تمام حوالہ جات کی اصل مأخذ کو سامنے رکھ کر تصحیح کی گئی ہے اور جہاں جہاں مزید تخریج کی ضرورت تھی، وہاں تخریج کی گئی ہے، اس کام کے لئے حضرت مولانا مفتی محمد عبداللّٰہ حسن زئی صاحب اور مفتی محمد زکریا صاحب نے اَنتھک محنت اور معاونت کی ہے، اللّٰہ تعالیٰ ان کی اس محنت کو قبول فرمائے۔

وصلی ﷲ تعالٰی علٰی خیر خلقہٖ سیدنا محمد وعلٰی آلہٖ وصحبہٖ اجمعین

محمد اعجاز مصطفی

۴؍رجب۱۴۳۵؁ھ

۴؍مئی۲۰۱۴؁ء

حرفِ چند

بِسْمِ اﷲِ الرَّحْمٰنِ الرَّحِیْمِ

اَلحَمدُ لِلّٰہِ وَسَلٰمٌ عَلٰی عِبَادِہِ الَّذِینَ اصطَفٰی!

محض اللّٰہ رَبّ العزّت کے فضل وکرم، احسان وتوفیق، عنایت ورحمت سے ’’فتاویٰ ختمِ نبوّت‘‘ کی مکمل تین جلدیں پیشِ خدمت ہیں۔ پہلی جلد میں تقریباً انتیس(۲۹) متداول فتاویٰ جات سے قادیانیت کے خلاف سینکڑوں فتاویٰ کو جمع کیا گیا ہے۔ جلدِثانی میں ان پندرہ(۱۵) رسائل کو جمع کردیا گیا ہے جو مختلف اوقات میں قادیانیت کے خلاف شائع ہوتے رہے۔ تیسری جلد میں بیس(۲۰) رسائل شامل ہیں، ان رسائل میں قادیانی ارتداد کی شرعی وقانونی حیثیت پر بحث کی گئی ہے۔ اللّٰہ رَبّ العزّت اپنے فضل وکرم کی بارش نازل فرمائیں ان حضرات کی اَرواحِ طیبہ پر جنہوں نے قادیانیت کے خلاف فتویٰ کے میدان کو سر کیا۔

چند توضیحات

1:۔۔۔ اس کتاب میں جواہر الفقہ جلد اول سے ’’وصول الافکار‘‘شامل نہیں، اس لئے کہ وہ ’’احتسابِ قادیانیت‘‘ جلد تیرہ میں شائع ہوچکا ہے۔

2:۔۔۔ بعض فتاویٰ جات ترک کردئیے گئے، مثلاً ’’فتاویٰ رضویہ‘‘ اور ’’احسن الفتاویٰ‘‘ کے بعض فتاویٰ جات ترک کرنے پڑے، اس لئے کہ ہر دو بزرگ حضرات فتنۂ قادیانیت کے خلاف فتویٰ دیتے وقت فتاویٰ جات کو صرف رَدِّ قادیانیت تک محدود نہ رکھ سکے۔

3:۔۔۔ فتاویٰ حکیمیہ کے بعض فتاویٰ کو مختصر اور بعض کو قلم زَد کرنا پڑا، اس لئے کہ اس میں بعض دوسرے فتاویٰ جات کے فتووں کو من وعن اپنا فتویٰ ظاہر کیا گیا ہے، بعض دُوسرے حضرات کے رسالہ جات کو نام لئے بغیر اپنے فتویٰ کا جزو بنایا گیا، اور دُوسروں کے رسالہ جات کو اپنے فتویٰ میں ضم کرنے کے لئے سوال تیار کیا گیا، وغیرہ۔ ان تسامحات کے ہوتے ہوئے ہمارے لئے اس کے بغیر اور کوئی چارۂ کار نہ تھا کہ اس کو ترک کرتے یا اختصار کرتے۔ علاوہ ازیں افسوس کہ اس فتویٰ میں بعض مقام پر فتویٰ کی جگہ خطابت نے لے لی ہے۔

4:۔۔۔ اس کے علاوہ تقریباً تمام فتاویٰ جات سے رَدِّ قادیانیت کے موضوع پر فتاویٰ شامل ہوگئے ہیں، کہیں سہو ہوا ہو تو

اللّٰہ رَبّ العزّت سے معافی کے طلب گار ہیں۔ ہر فتویٰ کے آخر میں جس کتاب سے وہ فتویٰ لیا گیا، اصل کتاب کا حوالہ بقید صفحہ وجلد دے دیا گیا ہے۔

5:۔۔۔ اس میں صرف مطبوعہ فتاویٰ جات کو جمع کیا گیا ہے اور وہ بھی وہ جو فتاویٰ کی کتب میں مل گئے۔ غیرمطبوعہ یا دیگر رسائل وغیرہ میں قادیانیت کے خلاف جو فتاویٰ شائع ہوئے، ان کو ہم اس میں شامل نہیں کرپائے۔

6:۔۔۔ اس کتاب میں شامل فتاویٰ جات پر مزید محنت کی ضرورت تھی ۔۔۔۔جو ہم نہیں کرپائے۔۔۔۔ تاہم جو کچھ ہوسکا، وہ پیش خدمت ہے، حق تعالیٰ اسے شرفِ قبولیت سے سرفراز فرمائیں۔

7:۔۔۔ پہلے ایڈیشن کی پروف ریڈنگ کے لئے حضرت مولانا عزیزالرحمن ثانی، حضرت مولانا عبدالرزاق مجاہد، جناب الحاج رانا محمد طفیل جاوید اور برادرم قاری محمد حفیظ اللّٰہ نے معاونت کی۔ غرض ہر وہ شخص جس نے اس کتاب کی اِشاعت کے کسی مرحلے میں کسی بھی قسم کا تعاون فرمایا، وہ سب عنداللّٰہ اجرِ عظیم اور عندالناس شکریہ کے مستحق ہیں۔ حق تعالیٰ شانہ‘ ان سب دوستوں اور بزرگوں کو دارین میں جزائے خیر نصیب فرمائیں، آمین!

پہلی جلد میں شامل فتاویٰ جات جن کتب سے لئے گئے ہیں، ان کی تفصیل درج ذیل ہے:

1:... فتاویٰ دارالعلوم دیوبند، 2:... کفایت المفتی، 3:... آپ کے مسائل اور اُن کا حل، 4:... خیرالفتاویٰ، 5:... فتاویٰ مفتی محمودؒ، 6:... فتاویٰ محمودیہ، 7:... فتاویٰ رحیمیہ، 8:... امداد الفتاویٰ، 9:... امداد الاحکام، 10:... فتاویٰ حقانیہ، 11:... اَحسن الفتاویٰ، 12:... فتاویٰ نذیریہ (غیرمقلد)، 13:... فتاویٰ ثنائیہ (غیرمقلد)، 14:... فتاویٰ مولانا عبداللّٰہ روپڑی (غیرمقلد)، 15:... اَحکام ومسائل، 16:... فتاویٰ نعیمیہ (بریلوی)، 17:... فتاویٰ مہریہ (بریلوی)، 18:... اَحکامِ شریعت (بریلوی)، 19:... فتاویٰ رضویہ (بریلوی)، 20:... منہاج الفتاویٰ (بریلوی)، 21:... تفہیم الاحکام (مودودی)، 22:... فتاویٰ جماعتیہ (جماعت اسلامی)، 23:... فتاویٰ نظامیہ، 24:... فتاویٰ امجدیہ (بریلوی)، 25:... فتاویٰ حکیمیہ (بریلوی)، 26:... عبقات (علامہ خالد محمود)، 27:... فتاویٰ علماء اہلِ حدیث (غیرمقلد)، 28:... نظام الفتاویٰ، 29:... جواہر الفقہ

جلد دوم میں شامل کئے گئے رسائل کی تفصیل درج ذیل ہے:

1:... اقتباس اَز فتاویٰ قادریہ( مولانا محمد قادری)

2:... رجم الشیاطین بر اغلوطات البراہین( مولانا غلام دستگیر قصوری)

3:... فتویٰ علمائے پنجاب وہندوستان بحق مرزا غلام احمد ساکن قادیان( مولانا محمد حسین بٹالویؒ)

4:... فتاویٰ تکفیر منکر عروجِ جسمی ونزولِ عیسیٰ علیہ السلام( مولانا قاضی عبیداللّٰہ)

5:... درّہ زاہدیہ بر فرقہ احمدیہ( مولانا قاضی محمد زاہد الحسینیؒ)

6:... قہر یزدانی بر دجالِ قادیانی( حافظ سیّد پیر ظہور شاہ قادریؒ)

7 :... القول الصحیح فی مکائد المسیح (مولانا محمد سہولؒ دیوبند)

8 :... فتویٰ تکفیرِ قادیان ( کتب خانہ اعزازیہ دیوبند)

9:... استنکاف المسلمین عن مخالطۃ المرزائیین (انجمن حفظ المسلمین امرتسر)

10:... مرزائی کا جنازہ اور مسلمان (مولانا احمد سعید گوجرانوالہ)

11:... مرزائی کا جنازہ اور اس کے نہ پڑھنے کا حکم ( حافظ عبدالحقؒ سیالکوٹ)

12:... عرب وعجم کے دیوبندی، بریلوی، اہل حدیث اور شیعہ علماء کا متفقہ فتویٰ ( اہلیان علاقہ مانسہرہ)

13:... علمائے اسلام کا متفقہ فیصلہ: قادیانیوں کی طرح لاہوری مرزائی بھی کافر ہیں ( اراکین مسجد ووکنگ انگلینڈ)

14:... القادیانیۃ فی نظر علماء الاُمّۃ الإسلامیۃ (علمائے حرمین وشام)

15:... قادیانیوں کا مکمل بائیکاٹ، اسلامی عدل وانصاف کے عین مطابق ہے ( مولانا مفتی ولی حسن ٹونکی)

جلد سوم میں شامل کئے گئے رسائل کی تفصیل درج ذیل ہے:

1:... استفسارات حول الطائفۃ القادیانیۃ (مجمع الفقہ الاسلامی جدہ)

2:... مسلمانوں کے قبرستان میں قادیانیوں کو دفن کرنا جائز نہیں ( مولانا عبداللّٰہ کلام)

3:... فتویٰ حیاتِ مسیح علیہ السلام ( مولانا منظور احمد چنیوٹی ؒ)

4:... علمی وتحقیقی فتویٰ (مولانا عبیداللّٰہ عفیف)

5:... فتویٰ شریعت غرّا (ا،۲) (انجمن اہل حدیث، وزیر آباد)

6:... اسلام میں مرتد کی شرعی حیثیت (مولانا محمد مراد صاحب مدظلہٗ)

7:... مرتد کے اَحکام اسلامی قانون میں ( جسٹس تنزیل الرحمن)

8:... قادیانیوں کی شرعی وقانونی حیثیت ( مولانا علامہ خالد محمود)

9:... گستاخِ رسول کی سزا قتل ( سیّد احمد سعید کاظمی)

10:... سوشل بائیکاٹ کی شرعی حیثیت ( مفتی محمد امین)

11:... اہلِ قبلہ کی تحقیق ( مولانا محمد مسلم عثمانی دیوبندی)

12:... التحفۃ القادریۃ عن أسئلۃ المرزائیۃ ( صاحبزادہ مفتی عبدالقادر)

13:... اسلام میں شاتمِ رسول کی سزا ( مولانا مفتی انعام الحق)

14:... حرمۃ تدفین المرتدین فی مقابر المسلمین ( مولانا سیف اللّٰہ حقانی)

15:... مرتد کی سزا اسلامی قانون میں ( سیّد ابوالاعلیٰ مودودی)

16:... اِظہارِ حقیقت واِبطالِ قادیانیت ( ابوالسعود محمد سعداللّٰہ المکی)

17:... السوء العقاب علی المسیح الکذاب (مولوی احمد رضاخان)

18:... دفع الإلحاد عن حکم الإرتداد ( مولانا نور محمد خان)

19:... لاہوری اور قادیانی مرزائی، دونوں کافر ہیں ( مفتی ولی حسن ٹونکی)

20:... حفظِ ایمان از فتنۂ قادیان ( بابوپیربخش خان لاہوری)

: فقیر نے تحاریک ہائے ختمِ نبوّت پر کام شروع کیا، تو تحریکِ ختمِ نبوّت ۱۹۵۳ء پر ضخیم کتاب شائع ہوگئی۔ تحریکِ ختمِ نبوّت ۱۹۷۴ء کی رُوئیداد تین ضخیم جلدوں میں مکمل ہوگئی۔ البتہ تحریکِ ختمِ نبوّت ۱۹۸۴ء پر لکھنا شروع کیا، تو وہ کام نہ صرف ادھورا رہ گیا، بلکہ اب تو اس کا مسوّدہ بھی نہیں مل رہا۔

: ’’اِحتسابِ قادیانیت‘‘ کی اٹھاون جلدوں پر کام ہوا، لیکن ابھی تک یہ سلسلہ جاری ہے۔

: البتہ فتاویٰ ختمِ نبوّت پر تین جلدوں کے بعد کسی حد تک کام مکمل ہوگیا۔ اس کام کی تکمیل پر جتنی خوشی ہونی چاہئے، اس کا جو قارئین اندازہ فرمائیں، ان سے دُعاؤں کی درخواست ہے کہ اللّٰہ تعالیٰ بقیہ متذکرہ بالا کام بھی مکمل کرادیں، وما ذٰلك علی ﷲ بعزیز! حق تعالیٰ اپنے فضل وکرم سے عالمی مجلس تحفظ ختمِ نبوّت کی ان خدمات کو اپنی بارگاہ میں شرفِ قبولیت نصیب فرمائیں۔ جو کچھ ہوا کریم کے کرم سے ہوا، جو ہوگا کریم کے کرم سے ہوگا۔

عالمی مجلس تحفظ ختمِ نبوّت کا پلیٹ فارم قادیانی فتنے کے خلاف پوری اُمت کو جمع کرنے کا داعی ہے، گویا آگ اور پانی کو ایک ساتھ لے کر چلنا۔ فتاویٰ جات کی تمام جلدوں میں بالعموم، تیسری جلد میں بالخصوص متضاد سمتوں میں پھیلے ہوئے آگ کے الاؤ اور پانی کے سیلابوں کے بہاؤ کو ایک پُل سے نیچے سے گزارنے کی کوشش کی گئی ہے۔ اس میں کس حد تک کامیاب ہوئے؟ یہ قارئین کے فیصلے پر منحصر ہے! ہماری مجبوری کو معاف کردیں تو بھی جان بچی لاکھوں پائے۔ اللّٰہ رَبّ العزّت جو دِل کے بھیدوں کو جاننے والی ذات ہے، کو گواہ بنا کر عرض کرتے ہیں کہ قادیانی فتنے کی چیرہ دستیوں اور سفاکانہ وارداتوں نے اُمتِ مسلمہ کو اِرتداد کے وہ چِرکے لگائے ہیں کہ جس سے اُمتِ محمدیہ مضمحل ہوگئی ہے۔ جس طرح بکریوں کے ریوڑ سے ایک ایک کرکے اِرتدادی بھیڑیے ہر روز اپنے لئے نیا تر نوالہ تلاش کرتے چلے جارہے ہیں، ہمیں اِرتدادی بھیڑیے سے ریوڑ کے بچاؤ کا اِہتمام کرنا ہے اور بس!

اللّٰہ تعالیٰ پوری اُمت کو قادیانی فتنے کی سنگینی کا احساس عنایت فرمائے۔ محراب ومنبر، مسجد ومدرسہ، مسندِ اِرشاد، ومسندِ اِفتاء سب اپنی ذمہ داری کا خیال فرمائیں تو اُمت کے درد کا کچھ درماں ہوجائے۔

اے اُمتِ محمدیہ! اس یقین کو اپنے دِل میں مستحکم کر، کہ قادیانی فتنہ دراصل آنحضرت صلی اللّٰہ علیہ وسلم کی ذاتِ اقدس سے بغاوت کی تحریک ہے۔ اس سے بچنا اور پوری اُمت کو بچانا، اپنے اپنے دائرے میں ہر مسلمان پر فرضِ عین ہے۔ اے مولائے پاک! تو سب کو اس کا اِدراک نصیب فرمادے، تیرے لئے کیا مشکل ہے۔۔۔؟ آمین بحرمۃ النبی الکریم! (a)

فقیر اللّٰہ وسایا

دفتر مرکزیہ ملتان

✨ 🌟 ✨

فہرست

کتاب العقائد

1. بابِ اوّل: قادیانی اور کلمہ طیبہ۳۳
2. کلمہ شہادت اور قادیانی۳۳
3. مسلمان اور قادیانی کے کلمے اور اِیمان میں بنیادی فرق۳۴
4. "لا اِلٰہ اِلَّا اللّٰہ ایوب خان رسول اللّٰہ" کا قائل کافر ہے۳۸
5. بابِ دوم: قادیانیوں کا اِنکارِ ختمِ نبوّت۳۹
6. نبوّت کے متعلق عقائد کی وضاحت۳۹
7. خصوصیاتِ نبوّت۳۹
8. معجزے کی قسمیں۴۱
9. معجزہ، کرامت اور سحر میں فرق۴۱
10. خاتم النّبیین کا صحیح مفہوم وہ ہے جو قرآن وحدیث سے ثابت ہے۴۲
11. عقیدے کی اہمیت۴۲
12. ختمِ نبوّت یا اِجرائے نبوّت؟۴۳
13. ختمِ نبوّت کے وقت کے تعین کی تحقیق۴۴
14. ختمِ نبوّت۴۶
15. تکمیلِ نبوّت۴۶
16. قرآن اور ختمِ نبوّت۴۶
17. خاتم النّبیین ہونا کمالِ جامعیت کی دلیل ہے۴۶
18. ختمِ نبوّت۴۷
19. فتنۂ اِنکارِ ختمِ نبوّت۴۹
20. نبوّت ورِسالت کی اقسام۴۹
21. نبوّت تشریعی وغیرتشریعی۴۹

1. مرزا ظلّی وبروزی نبی۴۹
2. مہاتمابدھ کے متعلق عقیدۂ نبوّت دُرست نہیں۵۲
3. ختمِ نبوّت کا منکر کافر ہے۵۳
4. منکرینِ ختمِ نبوّت کو مسلمان سمجھنا کفر ہے۵۴
5. ختمِ نبوّت کی تحریک کی اِبتدا کب ہوئی؟۵۵
6. بابِ سوم: قادیانی عقائد۵۶
7. قادیانی عقیدے کے مطابق مرزا غلام احمد قادیانی ہی ….نعوذباللّٰہ…. محمد رسول اللّٰہ ہیں۵۶
8. مرزا قادیانی کا دعویٔ نبوّت۵۷
9. قادیانی عقائد۵۸
10. مرزا غلام احمد قادیانی کا معراجِ جسمانی کا اِنکار واِقرار۶۰
11. عقائدِ قادیانی۶۱
12. قادیانی کے جھوٹے خدا۶۲
13. قادیانی اور اس کی کتابیں۶۳
14. مرزا کا قول کہ: "اللّٰہ نے مجھ سے ہم بستری کی اور مجھے حمل قرار پایا"۶۵
15. الف:…. مرزا کا حیض اور بچہ۶۵
16. ب:…. اللّٰہ تعالیٰ کا نطفہ۶۵
17. ج:…. اللّٰہ تعالیٰ سے ہم بستری (نعوذباللّٰہ)۶۵
18. د:…. اِستقرارِ حمل۶۶
19. یہ دعویٰ کہ: "مجھ میں رسول اللّٰہ کی رُوح حلول کرگئی ہے" کفر ہے۶۶
20. اللّٰہ تعالیٰ سے ہم کلامی کا دعویٰ کرنا۶۶
21. مرزا غلام احمد قادیانی کا اپنی عمر کے بارے میں جھوٹا اِلہام۶۷
22. مرزا قادیانی کی عمر پر پہلا اِستدلال۶۸
23. مرزا قادیانی کی عمر پر دُوسرا اِستدلال۶۸
24. مرزائی حضرات سے دُوسرا سوال۷۰
25. قادیانی عقائد۷۱
26. قادیانی شبہات۷۲
27. مفتری علی اللّٰہ کے خائب ہونے کا مفہوم۷۲

1. مرزا غلام احمد قادیانی اور اس کی اُمت کے کفر کے اسباب!۷۳
2. چودھویں صدی ہجری کی شریعت میں کوئی اہمیت نہیں۷۵
3. کیا چودھویں صدی آخری صدی ہے؟۷۵
4. پندرھویں صدی اور قادیانی بدحواسیاں۷۵
5. کیا آنحضرت صلی اللّٰہ علیہ وسلم کی کنگن پہننے والی پیش گوئی غلط ثابت ہوئی؟۷۶
6. مباہلہ اور خدائی فیصلہ۷۷
7. قادیانی تحریک کی بنیاد۷۹
8. مرزا قادیانی کی تردیدِ عیسائیت کی غرض؟۸۰
9. علامہ اقبالؒ نے قادیانیوں کو علیحدہ اقلیت قرار دینے کی تحریک کی تھی۸۲
10. معراجِ نبوی، سیر رُوحانی تھا یا جسمانی؟۸۴
11. "ثُمَّ اسْتَیْقَظْتُ" کی روایات کا جواب۸۶
12. پہلا جواب۸۶
13. دُوسرا جواب۸۶
14. تیسرا جواب۸۷
15. معراج خواب تھا یا حقیقی رُؤیت؟۸۸
16. خواب میں زیارتِ نبوی اور مرزاقادیانی۸۹
17. بابِ چہارم: قادیانیوں کا شرعی حکم۹۶
18. کافر کو کافر کہنا حق ہے۹۶
19. مرزائی کافر ہیں۹۶
20. باتفاقِ علماء، قادیانی کافر ہیں۹۷
21. قادیانی اور اس کے پیروکار کافر ہیں۹۸
22. قادیانیوں کا کفر قرآن وحدیث کی روشنی میں۹۸
23. مرزا غلام احمد قادیانی اور اس کے متبعین کے کفر میں شبہ نہیں ہے۹۹
24. مرزائیوں کا لاہوری فرقہ بھی کافر ہے۱۰۰
25. قادیانی کافر ہیں، روافض میں تفصیل ہے۱۰۰
26. قادیانی اہلِ کتاب نہیں ہیں۱۰۲
27. کیا مرزائی اہلِ کتاب کے حکم میں ہیں؟۱۰۴

1. مذاہب: مرزائی، رافضی، چکڑالوی وغیرہ کافر ہیں یا نہیں؟۱۰۵
2. صحیح العقیدہ مسلمان کو بلاتحقیق قادیانی کہنا صحیح نہیں۱۰۶
3. اہلِ قبلہ کو کافر کہنے کا مطلب!۱۰۶
4. اہلِ قبلہ کی تکفیر نہ کرنے کا مطلب۱۰۷
5. دارُالاسلام میں غیرمسلمین کو تبلیغی اِجتماع کی اِجازت نہیں۱۰۸
6. مدینہ منوّرہ کے علاوہ کسی دُوسرے شہر کو "منوّرہ" کہنا۱۰۹
7. جھوٹے نبی کا انجام۱۰۹
8. جھوٹے مدعی مسیحیت کا شرعی حکم۱۰۹
9. حکم قائل بہ وفاتِ مسیح علیہ السلام۱۱۰
10. بابِ پنجم: لاہوری مرزائیوں کے متعلق شرعی حکم۱۱۱
11. لاہوری مرزائیوں کا حکم۱۱۱
12. مجدّد کو ماننے والوں کا کیا حکم ہے؟۱۱۱
13. چودھویں صدی کے مجدّد حضرت مولانا محمد اشرف علی تھانویؒ تھے۱۱۲
14. مرزا غلام احمد کو مجدّد اور فیضِ نبوّت سے مستفید سمجھنے والے بھی کافر ہیں۱۱۲
15. وحی، کشف واِلہام کی تعریف، مجدّد اور مہدی کی علامات۱۱۳
16. تجدیدِ دِین اور مرزا غلام احمد قادیانی۱۱۸
17. مرزا قادیانی مجدّد نہیں، کافر ومرتد تھا۱۲۳
18. بابِ ششم: قادیانیوں کو مسلمان سمجھنے والوں کے بارے میں حکم۱۲۵
19. قادیانیوں کے کفر میں شک کرنے والے کا حکم۱۲۵
20. قادیانیوں کو مسلمان سمجھنے والے کا شرعی حکم۱۲۶
21. مرزائیوں کو مسلمان سمجھنے والے کا حکم۱۲۶
22. مرزاقادیانی کو سچا ماننے والے کا حکم۱۲۶
23. مرزائی کو کافر نہ سمجھنے والے کا حکم۱۲۷
24. مرزاقادیانی کے دعویٔ مسیحیت ومہدویت سے واقف ہونے کے باوجود اس کو مسلمان کہنے والے کا حکم۱۲۸
25. مرزاقادیانی کی تعریف کرنے والے کا حکم۱۲۸
26. قادیانیوں سے نرمی کرنے والے کا حکم۱۲۹
27. مسلمان کو مرزائی کہنے والے کا حکم۱۲۹

1. بابِ ہفتم: ظہورِ مہدی وفتنۂ دجال۱۳۰
2. حضرت مہدیؓ کے بارے میں اہلِ سنت کا عقیدہ۱۳۰
3. حضرت مہدیؓ کا ظہور کب ہوگا اور وہ کتنے دِن رہیں گے؟۱۳۱
4. حضرت مہدیؓ کا زمانہ۱۳۲
5. حضرت مہدیؓ کے ظہور کی کیا نشانیاں ہیں؟۱۳۳
6. مرزا قادیانی کے علاوہ پوری اُمت نے مہدی اور مسیح کو الگ قرار دیا۱۳۴
7. فرقۂ مہدویہ کے عقائد۱۳۴
8. الامام المہدیؓ ….سنی نظریہ!۱۳۵
9. کیا اِمام مہدیؓ کا درجہ پیغمبروں کے برابر ہوگا؟۱۴۴
10. کیا حضرت مہدیؓ وعیسیٰ علیہ السلام ایک ہی ہیں؟۱۴۴
11. ظہورِ مہدیؓ اور چودہویں صدی۱۴۵
12. پہلی نماز کے علاوہ باقی پر حضرت عیسیٰ علیہ السلام اِمام ہوں گے۱۴۶
13. مسیح اور مہدی دو الگ شخصیتیں!۱۴۶
14. حضرت مہدیؓ کے کارنامے۱۴۷
15. بعد میں پیدا ہونے والوں کو پیشگی "رضی اللّٰہ عنہ" کہنا۱۴۷
16. حضرت مہدیؓ کی پیدائش کی سند؟۱۴۸
17. نزولِ مسیح کے ساتھ ہی حضرت مہدیؓ کے مشن کی تکمیل۱۴۸
18. اِمام مہدیؓ کے آنے کے منکر کا حکم۱۴۸
19. اِمام مہدیؓ کے بارے میں روایات کی تحقیق۱۴۹
20. اِمام مہدی علیہ الرضوان۱۴۹
21. علاماتِ ظہورِ مہدی۱۵۰
22. رفعِ عیسیٰ وظہورِ مہدی علیٰ نبینا وعلیہما السلام کے دلائل۱۵۳
23. دجال کی آمد۱۵۵
24. ایک قادیانی کے پُرفریب سوالات کے جوابات۱۵۶
25. ظہورِ مہدی کے بعد دجال کا خروج اور اس کے فتنہ فساد کی تفصیل۱۵۷
26. کیا پاکستانی آئین کے مطابق کسی کو مہدی، مصلح یا مجدّد ماننا کفر ہے؟۱۶۰
27. فرقۂ ذِکریان۱۶۱

1. مرزا غلام احمد قادیانی کا دعویٔ مہدویت ونبوّت جھوٹا ہے۱۶۲
2. بابِ ہشتم: مسیحِ موعود کی پہچان۱۶۴
3. حضرت عیسیٰ علیہ السلام کا "رُوح اللّٰہ" ہونا۱۶۸
4. حضرت عیسیٰ علیہ السلام کو کس طرح پہچانا جائے گا؟۱۶۹
5. حضرت عیسیٰ علیہ السلام کا مدفن کہاں ہوگا؟۱۷۰
6. حضرت مریمؓ کے بارے میں عقیدہ۱۷۰
7. حضرت عیسیٰ علیہ السلام کے متعلق چند شبہات کا اِزالہ۱۷۱
8. مسیحِ موعود سے عیسیٰ ابن مریم ہی مراد ہیں۱۷۲
9. حضرت عیسیٰ علیہ السلام کا مثلِ آدم علیہ السلام ہونا۱۷۳
10. حدیث: "لو کان موسٰی وعیسٰی حیّین" کی تحقیق۱۷۴
11. تحقیق اِستدلال بربطلان دعویٔ مرزا بہ آیت:"فلما جآء ہم" ۱۷۵
12. رفع تردّدات بعض مائلین سوئے قادیانی۱۷۶
13. مرزا غلام احمد قادیانی، حضرت عیسیٰ علیہ السلام کے معجزۂ اِحیائِ موتیٰ کا کیوں منکر تھا؟۱۷۸
14. مسیحِ موعود کا دعویٰ کرنے والے کا حکم۱۷۹
15. ظہورِ اِمام مہدیؓ اور نزولِ عیسیٰ علیہ السلام کے بارے میں فتویٰ۱۸۰
16. کیا قتلِ خنزیر نبوّت کے منافی ہے؟۱۸۴
17. ایک قادیانی کے چند سوالات مع جوابات۱۸۴
18. مرزا غلام احمد قادیانی جھوٹا ہے۱۸۶
19. بابِ نہم: حیاتِ عیسیٰ علیہ السلام۱۸۹
20. حضرت عیسیٰ علیہ السلام کی حیات ونزول قرآن وحدیث کی روشنی میں۱۸۹
21. ۱:…. حضرت عیسیٰ علیہ السلام۱۹۱
22. ۲:…. حضرت عیسیٰ علیہ السلام کی دوبارہ تشریف آوری۱۹۳
23. پہلی آیت۱۹۳
24. دُوسری آیت۱۹۵
25. تیسری آیت۱۹۸
26. چوتھی آیت۲۰۰
27. ۳:…. حیاتِ عیسیٰ علیہ السلام پر شبہات۲۰۱

1. آخری گزارش!۲۰۱
2. حضرت عیسیٰ علیہ السلام آسمان پر زِندہ ہیں۲۰۳
3. سیّدنا مسیح علیہ السلام کی بغیر باپ کے پیدائش۲۰۳
4. ایک قادیانی نوجوان کے جواب میں۲۰۴
5. حضرت عیسیٰ علیہ السلام کا مشن کیا ہوگا؟۲۰۶
6. حیاتِ عیسیٰ علیہ الصلوٰۃ والسلام۲۰۸
7. ایک شبہ کا جواب۲۱۱
8. حضرت عیسیٰ علیہ السلام کی آسمانوں پر زکوٰۃ ونماز کی ادائیگی؟۲۱۳
9. حیاتِ عیسیٰ علیہ السلام کا عقیدہ نصِ قرآنی سے ثابت ہے۲۱۵
10. فرقۂ مرزائیہ کے آٹھ اہم اِشکالات کے جوابات۲۱۵
11. اسی مضمون کا ایک اور خط اور اُس کا جواب۲۲۶
12. حضرت عیسیٰ علیہ السلام آسمان پر زِندہ ہیں۲۲۸
13. حضرت عیسیٰ علیہ السلام کی حیات کیسی؟۲۲۹
14. بحث مرزائی گروہ۲۲۹
15. حیاتِ عیسیٰ علیہ السلام کی تحقیق۲۳۴
16. حیاتِ عیسیٰ علیہ السلام کے متعلق اِشکال کا جواب۲۳۵
17. "لو کان موسٰی وعیسٰی حیَّین" کی تحقیق۲۳۵
18. حیاتِ عیسیٰ علیہ السلام پر شبہ کا جواب۲۳۶
19. ایضاً السوال۲۳۷
20. حیاتِ عیسیٰ واِدریس علیہما السلام۲۳۸
21. بابِ دہم: حضرت عیسیٰ علیہ السلام کا رَفعِ جسمانی۲۴۰
22. حضرت عیسیٰ علیہ السلام کا رَفعِ جسمانی اور قرآن۲۴۰
23. رفعِ عیسیٰ علیہ السلام کا قرآن سے ثبوت۲۴۱
24. مفتیٔ اعظم مصر اُستاذ العلماء شیخ حسنین محمد مخلوف کا علمی وتحقیقی فتویٰ حضرت عیسیٰ علیہ السلام کا رَفعِ آسمانی اور کفریاتِ مرزا غلام احمد قادیانی۲۴۲
25. حیات ورفع الی السماء پر اِشکال کا جواب۲۴۵
26. رفع الی السماء کے وقت عمرِ عیسیٰ علیہ السلام پر اِشکال کا جواب۲۴۵

1. رفع ونزولِ مسیح علیہ السلام۲۴۶
2. بابِ یازدہم: نزولِ حضرت عیسیٰ علیہ السلام۲۵۲
3. شبہات۲۵۴
4. نزولِ عیسیٰ علیہ السلام کے وقت ان کی پہچان کیونکر ہوگی؟۲۵۴
5. حضرت عیسیٰ علیہ السلام کس عمر میں نازل ہوں گے؟۲۵۶
6. قادیانی عقیدے میں مسیح کی رُوحانیت کے متعدّد نزول۲۵۷
7. احادیث اور نزولِ مسیح علیہ السلام۲۵۸
8. حیات ونزولِ حضرت عیسیٰ علیہ السلام حدیث کی روشنی میں۲۵۸
9. حکمتِ نزولِ عیسیٰ علیہ السلام بلحاظِ ختمِ نبوّت۲۶۰
10. حکمتِ نزولِ مسیح علیہ السلام بلحاظِ فتنِ عالمی واِصلاحِ عمومی۲۶۱
11. نزولِ مسیح علیہ السلام قرآن وسنت کی روشنی میں۲۶۲
12. نزولِ عیسیٰ علیہ السلام پر اِجماعِ اُمت۲۶۳
13. قرآن اور حیاتِ مسیح علیہ السلام۲۶۳
14. لفظ "توفی" کی تفسیر۲۶۴
15. حضرت عیسیٰ علیہ السلام پر لفظِ "توفی" کے اِستعمال کی حکمت۲۶۴
16. یہودی محاصرے کے وقت حضرت عیسیٰ علیہ السلام کی پریشانی کی وجوہات۲۶۴
17. آیت کے چند اُمور۲۶۴
18. حضرت عیسیٰ علیہ السلام کا قیامت کی علامت ہونے کی وجہ۲۶۸
19. نزولِ عیسیٰ علیہ السلام کا ثبوت تواتر سے۲۶۹
20. نزولِ رُوحانی کی نہیں، جسمانی کی ضرورت ہے۲۷۰
21. نزولِ عیسیٰ علیہ السلام کے متعلق قرآن وحدیث کی وضاحت۲۷۰
22. کیا یہ عقیدہ یہود یا شیعہ سے نقل ہوکر ہمارے ہاں آگیا ہے؟۲۷۲
23. بیان اِمام الہند مولانا ابوالکلام آزاد۲۷۵
24. خروجِ دجال ونزولِ عیسیٰ علیہ السلام۲۷۷
25. بابِ دوازدہم: بعد نزولِ عیسیٰ علیہ السلام کی حیثیت نبی کی یا اُمتی؟۲۸۲
26. عیسیٰ علیہ السلام بحیثیت نبی کے تشریف لائیں گے یا بحیثیت اُمتی کے؟۲۸۲
27. حضرت عیسیٰ علیہ السلام بعد نزول نبی ہوں گے یا اُمتی؟۲۸۲

1. بعد نزول حضرت عیسیٰ علیہ السلام کی نبوّت کی حیثیت۲۸۴
2. حضرت عیسیٰ علیہ السلام وقتِ نزول نبی ہوں گے یا اُمتی؟۲۸۶
3. رفع ونزولِ مسیح ختمِ نبوّت کے منافی؟۲۸۶
4. نزولِ مسیح ختمِ نبوّت کے منافی نہیں۲۸۷
5. قربِ قیامت میں حضرت عیسیٰ علیہ السلام کا نزول ختمِ نبوّت کے منافی نہیں۲۸۷
6. حضرت عیسیٰ علیہ السلام کا بعد اَز نزول تعلیم حاصل کرنا۲۸۸
7. بابِ سیزدہم: قادیانی شبہات کے جوابات۲۸۹
8. علمائے حق کی کتب سے تحریف کرکے قادیانیوں کی دھوکادہی۲۸۹
9. قادیانی اپنے کو "احمدی" کہہ کر فریب دیتے ہیں۲۹۲
10. ایک قادیانی کا خود کو مسلمان ثابت کرنے کے لئے گمراہ کن اِستدلال۲۹۳
11. قرآن پاک میں احمد کا مصداق کون ہے؟۲۹۷
12. قادیانی کے دروازۂ نبوّت تاقیامت کھولنے کے معنی۲۹۷
13. قادیانیوں کے دلائل اور ان کے جوابات۲۹۸
14. لفظِ "خاتم" کی لغوی تحقیق۳۰۱
15. غلام احمد قادیانی کے وسوسوں کا جواب۳۰۲
16. مسئلۂ ختمِ نبوّت پر ایک دِلچسپ مناظرہ۳۰۴
17. حضور صلی اللّٰہ علیہ وسلم کے خاتم النّبیین ہونے پر اِشکال اور اس کا جواب۳۰۷
18. عقیدۂ اِجرائے نبوّت اور شیخ ابنِ عربیؒ کا قول۳۰۷
19. دفع شبہ قادیانی وتفسیر آیت۳۰۷
20. مرزاقادیانی کا "ولو تقول علینا بعض الاقاویل" سے اِستدلال باطل ہے۳۰۸
21. اِزَالَۃُ الْاَوْھَامِ عَنْ خَتْمِ النُّبُوَّۃِ وَالرِّسَالَۃِ وَمَعْنَی الْوَحْیِ وَالْإِلْھَامِ فرقۂ قادیانیہ کے اقوال کی تردید میں۳۰۹
22. دفعِ شبۂ قادیانی۳۲۲
23. دعویٔ نبوّت کے بعد زِندہ رہنے والا۳۲۲
24. نبوّتِ تشریعی اور غیرتشریعی میں فرق۳۲۴
25. کیا نبوّت جاری ہے؟۳۲۵
26. جھوٹا مدعیٔ نبوّت اور طوالتِ عمر۳۲۶
27. حیاتِ عیسیٰ علیہ السلام کا عقیدہ اہلِ سنت کا عقیدہ ہے۳۲۷

1. نزولِ مسیح کے وقت ساتھ آنے والے فرشتوں کی پہچان۳۲۸
2. دفع شبہ قادیانی متعلقہ دعویٰ علامت مسیح درخود۳۲۹
3. نزولِ عیسیٰ اور "ورافعك" پر مطابقت۳۳۰
4. "خاتم النّبیین" اور حضرت عیسیٰ علیہ السلام۳۳۰
5. حضرت عیسیٰ آسمان پر نماز وزکوٰۃ کیسے ادا کرتے ہیں؟۳۳۱
6. حضرت عیسیٰ علیہ السلام کا نزول حدیث: "لَا نَبِیَّ بَعْدِیْ" کے منافی نہیں۳۳۲
7. نزولِ مسیح اور مسلمانوں کے سخت فقر وفاقہ اور مال وزَر کی کثرت پر تعارض کا اِشکال۳۳۳
8. حیاتِ مسیح اور "توفی" کے معنی۳۳۴
9. حیات ونزولِ عیسیٰ پر بارہ اِشکالات وجوابات۳۳۵
10. بحث "توفی" عیسیٰ علیہ السلام۳۴۳
11. وفاتِ عیسیٰ علیہ السلام پر چند اِشکالات اور ان کا جواب۳۴۷
12. حدیث: "عاش مائۃ وعشرین سنۃ" سے وفاتِ مسیح کا شبہ اور اس کا جواب۳۴۸
13. آنحضرت صلی اللّٰہ علیہ وسلم کو آسمان پر کیوں نہ اُٹھایا گیا؟۳۴۸
14. "قد خلت من قبلہ الرسل" اور اموات غیر احیآء" سے وفاتِ مسیح پر اِستدلال صحیح نہیں۳۴۹
15. شبہ وفاتِ عیسیٰ کی حقیقت۳۵۱
16. جواب بعض شبہات قادیانی۳۵۲
17. سوائے عیسیٰ علیہ السلام کے اور انبیاء کی لغزش قرآن میں مذکور ہونے سے فضیلت پر اِستدلال کا جواب اِلزامی وتحقیقی۳۵۲
18. رُجوعِ موتیٰ پر شبہ کا جواب۳۵۳
19. دفع شبہ قادیانی متعلقہ وفاتِ مسیح۳۵۴
20. دفع شبہ عدم حیاتِ عیسوی از حدیث از واقعہ وفات نبینا علیہ السلام۳۵۵
21. دفع شبہ اَز آیت بر وفاتِ عیسیٰ علیہ السلام۳۵۵
22. کیا قادیانیوں کو جبراً قومی اسمبلی نے غیرمسلم بنایا ہے؟۳۵۶
23. "قد خلت من قبلہ الرسل" کا صحیح مفہوم۳۵۶
24. حضرت عیسیٰ علیہ السلام کی شہادت کا عقیدہ رکھنا کفر ہے۳۵۷
25. بابِ چہاردہم: کلماتِ کفر، اِرتداد۳۵۹
26. خدا اور رسول اللّٰہ صلی اللّٰہ علیہ وسلم کے بارے میں گستاخانہ کلمات کہنے والے کا شرعی حکم۳۵۹
27. "ساب الانبیاء" کے بارے میں شرعی حکم۳۶۱

1. آنحضرت صلی اللّٰہ علیہ وسلم کی شان میں فحش کلمات کہنے والا مرتد ہے۳۶۲
2. انبیاء علیہم السلام کی شان میں سب وشتم کرنے والا کافر ہے۳۶۳
3. حضور صلی اللّٰہ علیہ وسلم کی ادنیٰ گستاخی بھی کفر ہے۳۶۳
4. شانِ اقدس ….صلی اللّٰہ علیہ وسلم…. میں گستاخی۳۶۳
5. حضور صلی اللّٰہ علیہ وسلم کی توہین کرنا اِرتداد ہے۳۶۴
6. شاتمِ رسول مرتد ومباح الدم ہے۳۶۴
7. رسول اللّٰہ صلی اللّٰہ علیہ وسلم کو گالی دینے والے کا حکم۳۷۱
8. وجوہِ اِرتداد۳۷۲
9. نبوّت کو کسبی کہنا کفر ہے۳۷۴
10. آنحضرت صلی اللّٰہ علیہ وسلم کے بعد دعویٔ نبوّت کفر ہے۳۷۴
11. آنحضرت صلی اللّٰہ علیہ وسلم کے بعد دعویٔ نبوّت کفر واِرتداد ہے۳۷۷
12. حضور صلی اللّٰہ علیہ وسلم کے منکر کا کیا حکم ہے؟۳۷۸
13. شاتمِ رسول کی توبہ مقبول ہے۳۷۸
14. رسول اللّٰہ صلی اللّٰہ علیہ وسلم کی شان میں گستاخی کرنے والے کی توبہ۳۷۹
15. بلاوجہ توہینِ رسالت کے بارے میں سوال بھی توہین ہے۳۸۰
16. کیا گستاخِ رسول کو حرامی کہہ سکتے ہیں؟۳۸۱
17. اِجرائے نبوّت کے قائل کا حکم۳۸۱
18. بابِ پنج دہم: موجباتِ کفر، وجوہِ کفر۳۸۵
19. ضروریاتِ دِین جن کا اِنکار کفر ہے۳۸۵
20. کافر کی قسمیں اور مرزائیوں کو کیوں اقلیت قرار دیا گیا؟۳۸۶
21. قادیانی کفریات۳۸۹
22. کافر بودن پیروان مرزا غلام احمد قادیانی۳۹۰
23. قادیانی کسی غیرمسلم کی سند سے مسلمان نہیں ہوسکتے۳۹۱
24. دعویٔ نبوّت واقوالِ کفریہ قادیانی کی تحریر کے آئینے میں۳۹۳
25. مسیح ہونے کا دعویٰ۳۹۵
26. حضرت عیسیٰ علیہ السلام پر فضیلت کا دعویٰ۳۹۵
27. حضرت عیسیٰ علیہ السلام کی توہین۳۹۶

1. حضرت عیسیٰ علیہ السلام کے معجزات کی نسبت مرزاقادیانی کے خیالات۳۹۶
2. حضرت یوسف علیہ السلام پر فضیلت کا دعویٰ۳۹۷
3. میں سب کچھ ہوں۳۹۸
4. معجزات کی کثرت۳۹۸
5. احادیث کے متعلق مرزاقادیانی کا خیال۳۹۹
6. فرقۂ قادیانیہ ومرزائیہ۳۹۹
7. علمی لطیفہ۴۰۰
8. قادیانی اور لاہوری دونوں کافر، قادیانی کے تفصیلی اَحکام۴۰۲
9. نماز کا اِنکار کرنے والا اِنسان کافر ہے۴۰۶
10. غیرمسلم کے زُمرے میں کون لوگ آتے ہیں؟۴۰۷
11. معاش کے لئے کفر اِختیار کرنا۴۰۸
12. شہریت کے حصول کے لئے اپنے کو کافر لکھوانا۴۰۹
13. نکاح۴۰۹
14. مرتد کی توبہ قبول ہے۴۱۰
15. فسخِ نکاح۴۱۰
16. بابِ شش دہم: مرتد واِرتداد کے اَحکام۴۱۱
17. کافر، زِندیق، مرتد کا فرق۴۱۱
18. مرتد اور زِندیق میں فرق۴۱۲
19. اپنے کو خدا ورسول کہنے والا کافر ومرتد وملحد ہے۴۱۳
20. مرتد ہونے کے لئے شرائط۴۱۴
21. آنحضرت صلی اللّٰہ علیہ وسلم کے بعد جو لوگ مرتد ہوگئے۴۱۴
22. مرتد سے سمجھوتا۴۱۵
23. مرزائیت سے توبہ کی ضروری شرط۴۱۶
24. مرتد کی توبہ کی شرائط۴۱۶
25. بابِ ہفت دہم: اِرتداد کی سزا۴۱۸
26. منکرینِ ختمِ نبوّت کے لئے اصل شرعی فیصلہ کیا ہے؟۴۱۸
27. جنگِ یمامہ مسیلمہ کذّاب کے دعویٔ نبوّت کی وجہ سے تھی۴۱۸

1. گستاخِ رسول واجب القتل ہے۴۲۰
2. گستاخانہ کلام میں تأویل کی گنجائش۴۲۳
3. کیا گستاخانہ کلام میں نیت کا اِعتبار ہوگا؟۴۲۴
4. گستاخِ رسول کے واجب القتل ہونے کی وجوہات۴۲۶
5. مرزائی مرتد ہیں۴۲۷
6. قتلِ مرتد۴۲۸
7. خط اَز مولانا عبدالباریؒ بنام مولانا حسین احمدؒ (دہلی)۴۲۸
8. خط اَز مولانا شوکت علیؒ بنام مولانا عبدالباری۴۲۹
9. خط مولانا حسین احمدؒ بنام مولانا عبدالباریؒ۴۳۰
10. جواب خط مذکور اَز مولانا عبدالباری بنام مولانا حسین احمد۴۳۴
11. خط اَز مولانا کفایت اللّٰہ بنام مولانا عبدالباری فرنگی محلی۴۳۵
12. مرزا قادیانی کا کلمہ پڑھنے پر سزا کا گمراہ کن پروپیگنڈا۴۳۷
13. وفاقی شرعی عدالت پاکستان کا حکمِ شرعی۴۳۷
14. آئینِ پاکستان میں گستاخیٔ رسول ایکٹ میں ترمیم کا حکم۴۳۸

کتاب الصلٰوۃ

15. بابِ اوّل: مرزائی اور تعمیرِ مسجد۴۴۱
16. "مسجد" مسلمانوں کی عبادت گاہ کا نام ہے۴۴۱
17. مسجد اِسلام کا شعار ہے۴۴۲
18. تعمیرِ مسجد عبادت ہے، کافر اس کا اہل نہیں۴۴۳
19. تعمیرِ مسجد صرف مسلمانوں کا حق ہے۴۴۶
20. غیرمسلموں کی تعمیر کردہ مسجد "مسجدِ ضرار" ہے۴۴۶
21. کافر ناپاک، اور مسجدوں میں ان کا داخلہ ممنوع۴۴۷
22. منافقوں کو مسجدوں سے نکال دیا جائے۴۵۰
23. منافقوں کی مسجد، مسجد نہیں۴۵۱
24. منافقوں کے مسلمان ہونے کی شرط۴۵۱
25. کسی غیرمسلم کا مسجد کے مشابہ عبادت گاہ بنانا۴۵۲
26. مسجد کا قبلہ رُخ ہونا اِسلام کا شعار ہے۴۵۴

1. محراب اِسلام کا شعار ہے۴۵۵
2. اَذان۴۵۷
3. مسجد کے مینار۴۵۸
4. قادیانیوں کو مسجد بنانے سے جبراً روکنا کیسا ہے؟۴۵۹
5. قادیانی کی بنائی ہوئی مسجد کے بارے میں۴۶۰
6. قادیانیوں کا "مسجد" کے نام سے عبادت گاہ بنانا۴۶۰
7. مسلمانوں کے چندے سے بنائی گئی مسجد پر قادیانیوں کا کوئی حق نہیں۴۶۱
8. قادیانیوں کو مسجد میں آنے سے منع کرنا چاہئے۴۶۳
9. قادیانیوں کا شعائرِ اِسلام کا اِستعمال کرنا۴۶۳
10. مرزائی کی تعمیرکردہ مسجد میں نماز کی ادائیگی۴۶۶
11. مسجد کی بجلی سے قادیانی کو کنکشن دینا۴۶۶
12. قادیانی کا مسجد کے لئے جائیداد وقف کرنا۴۶۷
13. لاہوری مرزائی کا مسجد کے لئے چندہ۴۶۷
14. قادیانی کا چندہ مسجد میں لگانا۴۶۸
15. مسجد کے لئے قادیانی سے چندہ لینا۴۶۸
16. مسجد کے لئے قادیانی چندے کا حکم۴۶۹
17. مرتدوں کو مساجد سے نکالنے کا حکم۴۶۹
18. دارُالاسلام میں غیرمسلمین کو نئی عبادت گاہ بنانے کی اِجازت نہیں۴۶۹
19. اسلامی مملکت میں غیرمسلموں کی نئی عبادت گاہ تعمیر کرنے کا حکم۴۷۱
20. غیرمسلم متروکہ اراضی پر مسلمان مسجد بنالیں تو وہ شرعاً مسجد ہے۴۷۱
21. بابِ دوم: اِمامت اور جماعت کے متعلق اَحکام۴۷۶
22. منکرِ رِسالت کی نجات کا عقیدہ رکھنے والے کی اِمامت کا حکم۴۷۶
23. اپنے کو مرزائی کہنے والے کی اِمامت۴۷۶
24. قادیانی کی اِمامت دُرست نہیں ہے۴۷۷
25. قادیانی کی اِمامت دُرست ہے یا نہیں؟۴۷۷
26. قادیانی کی اِمامت۴۷۷
27. دِین دار انجمن کا اِمام کافر، مرتد ہے، اس کے پیچھے نماز نہیں ہوتی۴۷۷

1. مرزائیوں کو کافر نہ سمجھنے والے کی اِمامت کا حکم۴۷۸
2. قادیانی کو مسلمان کہنے والے کی اِمامت۴۷۸
3. قادیانی سے لڑکی کی شادی کرنے والے کی اِمامت۴۷۹
4. لاہوری مرزائی کی اِمامت کا حکم۴۷۹
5. مرزائی سے تنخواہ لے کر اِمامت کرنا۴۸۰
6. اِمام کا مرزائی سے تنخواہ لینے کا حکم۴۸۰
7. مرزائی کا نکاح پڑھانے والے کی اِمامت کا حکم۴۸۱
8. مرزائی متولّی کی ولایت میں اِمامت دُرست نہیں۴۸۲
9. مرزائی سے تعلق رکھنے والے کی اِمامت۴۸۲
10. مرزائیوں سے میل ملاپ والے کی اِمامت۴۸۲
11. مرزائیوں سے تعلقات رکھنے والے کی اِمامت کا حکم۴۸۳
12. مرزائیوں سے تعلق رکھنے والے کی اِمامت کا حکم۴۸۳
13. مرزائیوں کے رکھے ہوئے اِمام کے پیچھے نماز کا حکم۴۸۴
14. مرزائیوں کے خلاف تحریک میں جیل جانے کے بعد معافی پر رہائی حاصل کرنے والے کی اِمامت کا حکم۴۸۵
15. مرزائیوں کے لئے اِمام بننے کا حکم۴۸۵
16. مرزائی کا جنازہ پڑھانے والے کی اِمامت کا حکم۴۸۶
17. مرزائی کا جنازہ پڑھانے والے کی اِمامت کا حکم۴۸۶
18. قادیانی کا جنازہ پڑھانے والے اِمام کا حکم۴۸۷
19. مرزائی کے لئے دُعائے مغفرت کرنے والے کی اَذان کا حکم۴۸۸
20. مرزائی اگر جماعت میں شریک ہوجائے تو نماز مکروہ نہیں ہوگی۴۸۸
21. قادیانی کا مسجد میں نماز کے لئے آنا۴۸۹
22. جمعہ کے خطبے میں منکرینِ ختمِ نبوّت کی تردید کرنا۴۸۹
23. ایک ہی مسجد میں مسلمانوں اور قادیانیوں کی نماز۴۹۰

کتاب الجنائز

24. بابِ اوّل: قادیانی جنازہ۴۹۱
25. قادیانیوں کا جنازہ جائز نہیں۴۹۱
26. مرزائیوں کے ملحدانہ عقائد حسبِ ذیل ہیں۴۹۴

1. قادیانی کا جنازہ پڑھنا۵۰۰
2. کافر کی صرف تعزیت جائز ہے، جنازہ پڑھنا یا قبرستان جانا جائز نہیں۵۰۱
3. ایسے کلمہ پڑھنے کا اِعتبار نہیں۵۰۲
4. مرزائی کا جنازہ پڑھنے والے مسلمان کو توبہ کرنا ضروری ہے۵۰۲
5. کسی مرزائی کے قبولِ اسلام کے حق میں گواہیوں کے سبب جنازہ پڑھانے کا حکم۵۰۳
6. جنازہ پڑھانے والا خود گواہ ہے کہ متوفی مرزائیت سے تائب ہوگیا تھا۵۰۳
7. مرزائی کے جنازے کا حکم۵۰۴
8. قادیانی کی نمازِ جنازہ دُرست نہیں۵۰۴
9. قادیانیوں پر نمازِ جنازہ پڑھنے اور ان سے مناکحت جائز قرار دینے والے شخص کا حکم۵۰۵
10. مرزائیوں اور شیعوں کی نمازِ جنازہ پڑھانے والوں اور پڑھنے کا حکم۵۰۶
11. قادیانی کا جنازہ پڑھنے اور پڑھانے والا توبہ وتجدیدِ نکاح کرے۵۰۶
12. قادیانیوں کا جنازہ پڑھنے والوں کا حکم۵۰۷
13. بدعقیدہ سے میل جول اور نمازِ جنازہ پڑھنے کا شرعی حکم۵۰۸
14. قادیانی کی نمازِ جنازہ پڑھنے کا حکم۵۱۰
15. قادیانی کے ساتھ تعلقات اور اس کا جنازہ پڑھنے کا حکم۵۱۱
16. قادیانی کے جنازے کی نماز۵۱۱
17. قادیانی کی نمازِ جنازہ کا حکم۵۱۲
18. مرزائی کو مسلمان سمجھنے والا نکاح کی تجدید کرے۵۱۲
19. جس کی نمازِ جنازہ غیرمسلم نے پڑھائی، اس پر دوبارہ نماز ہونی چاہئے۵۱۳
20. لاہوری مرزائی کی اِقتدا میں جنازہ پڑھنے کا حکم۵۱۳
21. بابِ دوم: قادیانی مُردے کا حکم۵۱۶
22. قادیانی مُردے کو مسلمانوں کے قبرستان میں دفن کرنا اور فاتحہ، دُعا واِستغفار کرنا حرام ہے۵۱۶
23. قادیانی مُردہ مسلمانوں کے قبرستان میں دفن کرنا ناجائز ہے۵۱۶
24. فقہِ حنفی۵۱۷
25. فقہِ مالکی۵۱۹
26. فقہِ شافعی۵۱۹
27. فقہِ حنبلی۵۲۰

1. "دِین دار انجمن" کے پیروکار مرتد ہیں، ان کا مردہ مسلمانوں کے قبرستان میں دفن نہ کیا جائے۵۲۵
2. مرزائی میّت کو مسلمانوں کے قبرستان میں دفن کرنا۵۲۶
3. مرزائی کا جنازہ پڑھنا اور مسلمانوں کے قبرستان میں دفنانا جائز نہیں۵۲۷
4. قادیانیوں کو مسلمانوں کے قبرستان میں دفن کرنے کا حکم۵۲۷
5. بابِ سوم: قادیانی وراثت کے اَحکام۵۲۸
6. اِرتداد کی وجہ سے مال مِلک سے نکل جاتا ہے۵۲۸
7. قادیانی مسلمانوں کے ترکہ کے وارث نہیں بن سکتے۵۲۸
8. مرتد، مسلمانوں کے ترکہ کا وارث نہیں۵۲۹
9. قادیانی مسلمان کا وارث نہیں بن سکتا۵۲۹
10. قادیانی کی وراثت کا حکم۵۳۰

کتاب الذبائح

11. بابِ اوّل: قادیانی ذبیحہ۵۳۱
12. مرزائی کا ذَبیحہ حرام ہے۵۳۱
13. قادیانیوں کا کیا حکم ہے؟ اور ان کا ذَبیحہ حلال ہے یا حرام؟۵۳۱
14. قادیانیوں کو قربانی کے جانور میں شریک کرنا اور اس کا ذَبیحہ۵۳۲
15. قربانی کی کھال بیچ کر رَدِّقادیانیت کی کتابیں منگوانا۵۳۸
16. اِستفتاء۵۳۸
17. مرتد کے اَحکام۵۳۹
18. مرتد کی اولاد کا حکم۵۴۲
19. مرتد کی اولاد کا ذَبیحہ۵۴۳
20. کفرِ زَندقہ۵۴۳
21. قادیانی زِندیق ہیں۵۴۷
22. زِندیق کا حکم۵۵۰
23. خلاصۂ بحث۵۵۳
24. قادیانیوں کے معاملے میں اِشکال کی وجہ۵۵۴

کتاب النکاح

25. بابِ اوّل: قادیانی کا مسلمان سے نکاح۵۵۵

1. قادیانی لڑکے سے مسلمان لڑکی کا نکاح جائز نہیں۵۵۵
2. قادیانی کی منگنی کی مٹھائی۵۵۶
3. مرزائی اور سنی میں مناکحت کا حکم۵۵۶
4. عدم جواز نکاح زَنِ مسلمہ باقادیانی۵۵۷
5. قادیانی کا مسلمان عورت سے نکاح جائز نہیں۵۵۹
6. مرزائی کی لڑکی سے نکاح اور اس سے تعلقات کا کیا حکم ہے؟۵۶۰
7. مسلمان لڑکی کا قادیانی سے نکاح۵۶۰
8. مسلمان خاتون کسی قادیانی کے نکاح میں نہیں رہ سکتی۵۶۰
9. مسلمان لڑکی کا قادیانی سے نکاح نہیں ہوسکتا۵۶۱
10. مرزائی کو بیٹی کا رِشتہ دینے والے کا حکم۵۶۳
11. مرزائی سے سُنّیہ کا نکاح دُرست نہیں ہے۵۶۳
12. مسلم عورت سے قادیانی کے نکاح کا حکم۵۶۳
13. مرزائی کے ساتھ نکاح بالاتفاق ناجائز ہے۵۶۵
14. مرزائی دائرۂ اِسلام سے خارج ہیں، مناکحت جائز نہیں ہے۵۶۶
15. مرتد کسی سے نکاح نہیں کرسکتا۵۶۷
16. قادیانی باتفاقِ اُمت کافر ہیں، ان کے ساتھ مناکحت ناجائز ہے۵۶۷
17. مرزائی اور مسلمان کا باہم نکاح حرام ہے۵۶۸
18. مرزائی سے نکاح کا حکم۵۶۸
19. لاہوری مرزائی سے نکاح کا حکم۵۶۹
20. قادیانیوں سے رِشتہ قائم کرنے والے کا حکم۵۶۹
21. مسلمان لڑکی کا قادیانی سے نکاح کرنے والے مُلَّا کے اِیمان ونکاح کا حکم۵۷۱
22. قادیانی عورت سے نکاح حرام ہے۵۷۱
23. قادیانی عورت سے نکاح کرنے والے سے تعلقات کا حکم۵۷۳
24. مسلمان کا قادیانی لڑکی سے نکاح جائز نہیں، شرکاء توبہ کریں۵۷۳
25. اگر کوئی جانتے ہوئے قادیانی عورت سے نکاح کرلے تو اس کا شرعی حکم۵۷۴
26. قادیانی عورت سے نکاح جائز نہیں۵۷۵
27. قادیانی عورت سے مسلمان مرد کا نکاح باطل ہے۵۷۵

1. مسلمان لڑکے کا مرزائی لڑکی سے نکاح۵۷۶
2. ملاحدہ اور زَنادقہ سے نکاح کا حکم۵۷۶
3. مرزائی مرتدین کا کسی سے نکاح نہیں ہوسکتا۵۷۷
4. قادیانی سے نکاح کا حکم۵۷۸
5. قادیانیت سے تائب مسلمان لڑکی کا قادیانی سے نکاح۵۷۹
6. باپ کی رضامندی پر قاضی (مرزائی) کا پڑھایا ہوا نکاح صحیح ہے۵۸۰
7. توہینِ رسالت کرنے والے کے نکاح کا حکم۵۸۱
8. مرزائی کی مسلمان اولاد سے رشتہ کرنا۵۸۲
9. مشتبہ مرزائی کی پہلے تحقیق۵۸۲
10. مرزائی کے پڑھائے ہوئے نکاح کا حکم۵۸۳
11. نکاح خواں کا کافر ہونا نکاح کے لئے مضر نہیں ہے۵۸۴
12. نابالغ اولاد مذہب میں باپ کی تابع ہوتی ہے، مرزائی باپ کے لڑکے سے مناکحت جائز نہیں ہے۵۸۴
13. کیا قادیانی، نکاح کا وکیل ہوسکتا ہے؟۵۸۵
14. قادیانی کی وکالت سے نکاح۵۸۶
15. مرزائی باپ نابالغہ کا ولی نہیں ہوسکتا۵۸۶
16. قادیانی سے بیع وشراء اور مناکحت کا حکم۵۸۷
17. "دِین دار اَنجمن" اور "میزان انجمن" والے قادیانیوں کی بگڑی ہوئی جماعت ہیں۵۸۸
18. بابِ دوم: قادیانی سے فسخِ نکاح کے اَحکام۵۹۰
19. شادی کے ذریعے مسلم نوجوانوں کو مرتد بنانے کا جال۵۹۰
20. خاوند مرزائی ہوگیا تو فوراً نکاح جاتا رہا۵۹۲
21. مرزائی کا دھوکا دے کر سنی عورت سے نکاح کرنا۵۹۲
22. اپنے کو مسلمان ظاہر کرکے مسلمان لڑکی سے قادیانی کا نکاح کرنا۵۹۲
23. شوہر مرزائی ہوگیا تو نکاح فسخ ہوگیا یا نہیں؟۵۹۳
24. نکاح کے بعد شوہر قادیانی ہوجائے تو کیا حکم ہے؟۵۹۴
25. عورت مرزائی ہوجائے تو نکاح فسخ ہوگا یا نہیں؟۵۹۴
26. سنی لڑکی کا نکاح قادیانی سے دُرست نہیں، شوہر اگر بعد نکاح قادیانی ہوگیا تو نکاح باطل ہوگیا۵۹۴
27. شوہر کے قادیانی ہونے سے فسخِ نکاح۵۹۵

1. قادیانی سے جس عورت نے نکاح کیا، وہ بغیر طلاق دُوسرے مسلمان سے شادی کرسکتی ہے یا نہیں؟۵۹۵
2. احدالزوجین کے اِرتداد سے نکاح ٹوٹ جاتا ہے۵۹۶
3. اِرتداد سے نکاح فسخ ہوجاتا ہے۵۹۶
4. قادیانی ہوجانے پر نکاح کا حکم۵۹۶
5. مرزائی سے نکاح۵۹۸
6. چار بچوں کے بعد معلوم ہوا کہ شوہر قادیانی ہے، کیا کرے؟۵۹۹
7. قادیانیوں کو لڑکی دینا ناجائز ہے۵۹۹
8. کسی قادیانی کا اپنا مذہب چھپاکر مسلمان لڑکی سے نکاح کرنا۵۹۹
9. قادیانی سے مسلمان لڑکی کا نکاح ناجائز ہے، تفریق لازم، شرکت کرنے والے گنہگار ہیں۶۰۰
10. شوہر کے ظلم سے جو عورت قادیانی ہوئی، پھر مسلمان، اس کی شادی۶۰۰
11. مرزائی شوہر سے فسخِ نکاح کے بعد عدّت ومہر کا کیا حکم ہے؟۶۰۱
12. قادیانی کی بیوی کا مسلمان رہنے کا دعویٰ غلط ہے۶۰۱
13. قادیانی ہونے سے نکاح فسخ ہوجاتا ہے۶۰۲
14. مرزائی کا نکاح مسلمان عورت سے جائز نہیں۶۰۲
15. مرتد ہونے اور پھر تجدیدِ اِسلام کرنے والے کے نکاح کا حکم۶۰۳
16. شوہر کے قادیانی ہونے سے نکاح فسخ ہوجاتا ہے۶۰۴
17. قادیانی ہوجانے سے نکاح فسخ ہوگیا۶۰۴
18. شوہر مرزائی یا عیسائی ہوجائے تو عورت پر عدّت واجب ہے۶۰۵
19. لاعلمی میں قادیانی سے نکاح کا حکم۶۰۵
20. خاوند کے قادیانی ہوجانے سے نکاح کا حکم۶۰۶
21. جو شخص قادیانی ہوجائے اس کا نکاح برقرار نہیں رہتا۶۰۶
22. قادیانیت سے جو توبہ کرچکا، اس سے نکاح جائز ہے۶۰۶
23. مرزائی کے ساتھ نکاح نہیں ہوتا۶۰۷
24. کسی کو قادیانی کہنے والے کے نکاح کا حکم۶۰۷
25. مرزائی لڑکے سے مسلمان عورت کا نکاح حرام اور باطل ہے۶۰۸
26. مسلمان، قادیانی ہوکر پھر مسلمان ہوجائے تو اس کے نکاح کا حکم۶۱۱
27. بیوی قادیانی ہوگئی، قادیانی سے شادی کرلی، اب اس کی لڑکی سے نکاح کرسکتا ہے یا نہیں؟۶۱۱

1. غلام احمد قادیانی کو جو پیغمبر مانے وہ مرتد ہے، اس سے نکاح دُرست نہیں۶۱۲
2. قادیانی کا مسلمان عورت سے نکاح۶۱۲
3. قادیانی میاں بیوی ایک ساتھ مسلمان ہوئے تو نکاح باقی رہے گا۶۱۲
4. بیان مفتیٔ اعظم مفتی کفایت اللّٰہ دہلویؒ بمقدمہ فسخِ نکاح بوجۂ اِرتداد۶۱۳
5. بابِ سوم: قادیانی سے ثبوتِ نسب کے اَحکام۶۶۴
6. قادیانی سے نکاح اور ثبوتِ نسب۶۶۴
7. قادیانی سے نکاح دُرست نہیں اور نہ اس سے بچے کا نسب ثابت ہوگا۶۶۴
8. مرزائیہ سے نکاح کرلے تو اولاد کے نسب کا حکم۶۶۵
9. مرزائی سے نکاح کیا تو اولاد ثابت النسب نہ ہوگی۶۶۵

کتاب الحظر والإِباحۃ

10. بابِ اوّل: جائز وناجائز۶۶۷
11. قادیانیوں سے میل جول رکھنا۶۶۷
12. مرتد کے ساتھ تعلقات قائم کرنا۶۶۷
13. قادیانیوں کے ساتھ مسلمانوں جیسے تعلقات قائم کرنا ناجائز ہے۶۶۸
14. مرزائیوں کے ساتھ تعلقات رکھنے والا مسلمان۶۶۸
15. قادیانیوں کے ساتھ تعلقات۶۶۹
16. قادیانیوں سے کسی قسم کا تعلق رکھنا ناجائز ہے۶۶۹
17. قادیانیوں سے تعلق رکھنے کا حکم۶۷۰
18. قادیانیوں سے تعلق۶۷۱
19. قادیانیوں سے تعلقات کا حکم۶۷۳
20. قادیانیوں سے دوستی کا حکم۶۷۳
21. قادیانی فتنے کا ضرر۶۷۴
22. قادیانی سے مقاطعہ جائز ہے۶۷۵
23. قادیانیوں سے میل جول کی ممانعت۶۷۶
24. دِین واِیمان کے تحفظ کے لئے مرزائیوں سے قطع تعلق کیا جائے۶۷۶
25. قادیانیوں سے اِختلاط۶۷۷
26. قادیانیوں سے میل جول کی حرمت۶۷۷

1. قادیانیوں سے تعلقات۶۷۸
2. قادیانیوں کی تقریب میں شریک ہونا۶۷۸
3. مسلمان ہونے والے قادیانی کا اپنے خاندان سے تعلق۶۷۹
4. قادیانیوں سے میل جول کا شرعی حکم۶۷۹
5. مرزائیوں سے دوستی ممنوع ہے۶۸۰
6. خوش اخلاقی قادیانیوں کا دامِ فریب ہے۶۸۰
7. قادیانیوں سے خاندانی واخلاقی روابط حرام ہیں۶۸۱
8. قادیانیوں سے میل جول کا حکم۶۸۲
9. مرزائیوں کے ساتھ تعلقات کے مفصل اَحکام۶۸۴
10. قادیانی مذہب والوں سے تعلقات کیسے ہونے چاہئیں؟۶۸۵
11. مرزائیوں کو ملاقات کے دوران سلام کرنا اور ان کو اپنی دعوتوں میں شریک کرنا کیسا ہے؟۶۸۶
12. قادیانی کو سلام اور جواب۶۸۷
13. بیمار قادیانی کی تیمارداری۶۸۸
14. قادیانی کی تجہیز وتکفین اور ان کے نکاح میں شرکت۶۸۸
15. قادیانی کے گھر مسلمان کے لئے فاتحہ خوانی کا شرعی حکم۶۸۹
16. قادیانیوں کے ساتھ اِشتراکِ تجارت اور میل ملاپ حرام ہے۶۹۰
17. قادیانیوں سے لین دین کرنے کا حکم۶۹۰
18. قادیانی کی زمین اِجارہ پر لینا۶۹۱
19. مرزا کے نام کی مشابہت سے اِحتراز۶۹۱
20. قادیانیوں کے مرتب کردہ قاعدہ یسرنا القرآن سے اِحتراز کیا جائے۶۹۲
21. قاعدہ "یسرنا القرآن" کے اثرات۶۹۲
22. قادیانی قاعدہ کے پڑھانے کا حکم۶۹۳
23. قادیانی کو کسی اِسلامی جلسے یا اِدارے میں شریکِ کار بنانا۶۹۵
24. مسلمانوں اور مرزائیوں کی متحدہ جماعت کو ووٹ دینے کی شرعی حیثیت۶۹۶
25. قادیانی کسی اسلامی انجمن کے ممبر نہیں بن سکتے۶۹۶
26. قادیانی نواز وکلاء کا حشر۶۹۷
27. قادیانی جماعت کو چندہ دینا۶۹۷

1. مختلف مذاہب کے لوگوں کا اِکٹھے کھانا کھانا۶۹۸
2. مرزائیوں سے خلط ملط ناجائز ہے۶۹۹
3. مرزائی کے گھر اِفطار کرنا۶۹۹
4. قادیانی کی دعوت کھانا۷۰۰
5. قادیانیوں کی دعوت کھانا جائز نہیں۷۰۰
6. دانستہ قادیانی کے گھر کھانا کھانے والے کا حکم۷۰۰
7. قادیانی کی دعوت اور اِسلامی غیرت۷۰۰
8. قادیانیوں کے ساتھ کھانا پینا خطرناک ہے۷۰۱
9. مرزائی کی دعوتِ طعام قبول کرنا۷۰۱
10. کسی کے ساتھ کھانا کھانے کے بعد معلوم ہوا کہ وہ قادیانی تھا تو کیا کیا جائے؟۷۰۲
11. قادیانیوں کے ساتھ میل جول سے توبہ کے بعد اِلزام نہ دیا جائے۷۰۲
12. محمد علی لاہوری قادیانی کی تفسیر کا حکم۷۰۲
13. قادیانی روزہ۷۰۳
14. غیرمسلموں کو زکوٰۃ دینا۷۰۴

✨ 🌟 ✨

کتاب العقائد

بابِ اوّل

قادیانی اور کلمہ طیبہ

کلمہ شہادت اور قادیانی

سوال:۔۔۔ اخبار ’’جنگ‘‘ میں ’’آپ کے مسائل اور اُن کا حل‘‘ کے عنوان کے تحت آنجناب نے ایک سائل کے جواب میں کہ کسی غیرمسلم کو مسلم بنانے کا طریقہ کیا ہے؟ فرمایا ہے کہ:

’’غیرمسلم کو کلمۂ شہادت پڑھادیجئے، مسلمان ہوجائے گا۔‘‘

اگر مسلمان ہونے کے لئے صرف کلمۂ شہادت پڑھ لینا کافی ہے تو پھر قادیانیوں کو باوجود کلمۂ شہادت پڑھنے کے غیرمسلم کیسے قرار دیا جاسکتا ہے؟ اَزراہِ کرم اپنے جواب پر نظرِثانی فرمائیں۔ آپ نے تو اس جواب سے سارے کئے کرائے پر پانی پھیردیا ہے۔ قادیانی اس جواب کو اپنی مسلمانی کے لئے بطورِ سند پیش کرکے سادہ لوح مسلمانوں کو گمراہ کریں گے اور آپ کو بھی خدا کے حضور جوابدہ ہونا پڑے گا۔

جواب:۔۔۔ مسلمان ہونے کے لئے کلمۂ شہادت کے ساتھ خلافِ اسلام مذاہب سے بیزار ہونا اور ان کو چھوڑنے کا عزم کرنا بھی شرط ہے۔(۱) یہ شرط میں نے اس لئے نہیں لکھی تھی کہ جو شخص اسلام لانے کے لئے آئے گا، ظاہر ہے کہ وہ اپنے سابقہ عقائد کو چھوڑنے کا عزم لے کر ہی آئے گا۔ باقی قادیانی حضرات اس سے فائدہ نہیں اُٹھاسکتے، کیونکہ ان کے نزدیک کلمۂ شہادت پڑھنے سے آدمی مسلمان نہیں ہوتا، بلکہ مرزاقادیانی کی پیروی کرنے اور ان کی بیعت کرنے میں شامل ہونے سے مسلمان ہوتا ہے۔ یہی وجہ ہے کہ وہ دُنیا بھر کے مسلمانوں کو کافر کہتے ہیں۔ مرزا غلام احمد قادیانی کہتا ہے کہ خدا نے انہیں یہ اِلہام کیا ہے کہ:

’’جو شخص تیری پیروی نہیں کرے گا اور تیری بیعت میں داخل نہیں ہوگا اور تیرا مخالف رہے گا وہ خدا اور رسول کی نافرمانی کرنے والا اور جہنمی ہے۔‘‘

(تذکرہ طبع جدید ص:۳۳۶)

(۱) فلا یکون مسلمًا بالشھادتین، حتی یتبرأ من دینہ الذی یدین بہ۔ (الفقہ الحنفی وأدلّتہ ج:۲ ص:۴۲۳، کتاب السیر، بماذا یصیر الکافر مسلما، طبع دار الکلم الطیب، بیروت)۔

نیز مرزاقادیانی اپنا یہ اِلہام بھی سناتا ہے کہ:

’’خدا تعالیٰ نے میرے پر ظاہر کیا ہے کہ ہر ایک شخص جس کو میری دعوت پہنچی اور اس نے مجھے قبول نہیں کیا، وہ مسلمان نہیں ہے۔‘‘

(تذکرہ مجموعہ اِلہامات ص:۶۰۷ طبع دوم)

مرزاقادیانی کے بڑے صاحب زادے مرزا محمود احمد قادیانی لکھتے ہیں:

’’کل مسلمان جو حضرت مسیحِ موعود کی بیعت میں شامل نہیں ہوئے خواہ انہوں نے حضرت مسیحِ موعود کا نام بھی نہیں سنا وہ کافر اور دائرۂ اسلام سے خارج ہیں۔‘‘

(آئینہ صداقت ص:۳۵)

مرزاقادیانی کے منجھلے لڑکے مرزا بشیر احمد ایم اے لکھتے ہیں:

’’ہر ایک ایسا شخص جو موسیٰ کو تو مانتا ہے مگر عیسیٰ کو نہیں مانتا، یا عیسیٰ کو مانتا ہے مگر محمد کو نہیں مانتا، یا محمد کو مانتا ہے مگر مسیحِ موعود (غلام احمد قادیانی) کو نہیں مانتا وہ نہ صرف کافر، بلکہ پکا کافر اور دائرۂ اسلام سے خارج ہے۔‘‘

(کلمۃ الفصل ص:۱۱۰)

قادیانیوں سے کہئے کہ ذرا اس آئینے میں اپنا چہرہ دیکھ کر بات کیا کریں۔

(آپ کے مسائل اور اُن کا حل ج:۱ ص:۱۹۹،۲۰۰ طبع مکتبہ لدھیانوی)

مسلمان اور قادیانی کے کلمے اور اِیمان میں بنیادی فرق

سوال:۔۔۔ انگریزی دان طبقہ اور وہ حضرات جو دِین کا زیادہ علم نہیں رکھتے، لیکن مسلمانوں کے آپس کے اِفتراق سے بیزار ہیں، قادیانیوں کے سلسلے میں بڑے گومگو میں ہیں۔ ایک طرف وہ جانتے ہیں کہ کسی کلمہ گو کو کافر نہیں کہنا چاہئے، جبکہ قادیانیوں کو کلمہ کا بیج لگانے کی بھی اجازت نہیں ہے۔ دُوسری طرف وہ یہ بھی جانتے ہیں کہ مرزا غلام احمد قادیانی نے جھوٹا دعویٔ نبوّت کیا تھا۔ برائے مہربانی آپ بتائیے کہ قادیانی جو مسلمانوں کا کلمہ پڑھتے ہیں، کیونکر کافر ہیں؟

جواب:۔۔۔ قادیانیوں سے یہ سوال کیا گیا تھا کہ اگر مرزا غلام احمد قادیانی نبی ہیں، جیسا کہ ان کا دعویٰ ہے، تو پھر آپ لوگ مرزاقادیانی کا کلمہ کیوں نہیں پڑھتے؟ مرزاقادیانی کے صاحب زادے مرزا بشیر احمد قادیانی ایم اے نے اپنے رسالے ’’کلمۃ الفصل‘‘ میں اس سوال کے دو جواب دئیے ہیں۔ ان دونوں جوابوں سے آپ کو معلوم ہوجائے گا کہ مسلمانوں اور قادیانیوں کے کلمے میں کیا فرق ہے؟ اور یہ کہ قادیانی صاحبان ’’محمد رسول اللّٰہ‘‘ کا مفہوم کیا لیتے ہیں؟

مرزا بشیر احمد قادیانی کا پہلا جواب یہ ہے کہ:

’’محمد رسول اللّٰہ کا نام کلمے میں تو اس لئے رکھا گیا ہے کہ آپ نبیوں کے سرتاج اور خاتم النّبیین ہیں، اور آپ کا نام لینے سے باقی سب نبی خود اندر آجاتے ہیں، ہر ایک کا علیحدہ نام لینے کی ضرورت نہیں ہے۔ ہاں! حضرت مسیحِ موعود (مرزاقادیانی) کے آنے سے ایک فرق ضرور پیدا ہوگیا ہے اور وہ یہ کہ مسیحِ موعود

(مرزاقادیانی) کی بعثت سے پہلے تو محمد رسول اللّٰہ کے مفہوم میں صرف آپ سے پہلے گزرے ہوئے انبیاء شامل تھے، مگر مسیحِ موعود (مرزاقادیانی) کی بعثت کے بعد ’’محمد رسول اللّٰہ‘‘ کے مفہوم میں ایک اور رسول کی زیادتی ہوگئی۔ غرض اب بھی اسلام میں داخل ہونے کے لئے یہی کلمہ ہے، صرف فرق اتنا ہے کہ مسیحِ موعود (مرزاقادیانی) کی آمد نے محمد رسول اللّٰہ کے مفہوم میں ایک رسول کی زیادتی کردی ہے اور بس۔‘‘

(کلمۃ الفصل ص:۱۵۸)

یہ تو ہوا مسلمانوں اور قادیانی غیرمسلم اقلیت کے کلمے میں پہلا فرق! جس کا حاصل یہ ہے کہ قادیانیوں کے کلمے کے مفہوم میں مرزاقادیانی بھی شامل ہے، اور مسلمانوں کا کلمہ اس نئے نبی کی ’’زیادتی‘‘ سے پاک ہے۔

اب دُوسرا فرق سنئے! مرزا بشیر احمد قادیانی ایم اے لکھتا ہے:

’’علاوہ اس کے اگر ہم بفرضِ محال یہ بات مان بھی لیں کہ کلمہ شریف میں نبی کریم صلی اللّٰہ علیہ وسلم کا اسم مبارک اس لئے رکھا گیا ہے کہ آپ آخری نبی ہیں تو تب بھی کوئی حرج واقع نہیں ہوتا، اور ہم کو نئے کلمے کی ضرورت پیش نہیں آتی، کیونکہ مسیحِ موعود (مرزاقادیانی) نبی کریم صلی اللّٰہ علیہ وسلم سے کوئی الگ چیز نہیں ہے، جیسا کہ وہ (یعنی مرزاقادیانی) خود فرماتا ہے: ’’صار وجودی وجودہ‘‘ (یعنی میرا وجود محمد رسول اللّٰہ ہی کا وجود بن گیا ہے ۔۔۔اَز ناقل)۔ نیز:’’مَن فرَّق بینی وبین المصطفٰی فما عرفنی وما راٰی‘‘ (یعنی جس نے مجھ کو اور مصطفی کو الگ الگ سمجھا، اس نے مجھے نہ پہچانا، نہ دیکھا ۔۔۔ناقل) اور یہ اس لئے ہے کہ اللّٰہ تعالیٰ کا وعدہ تھا کہ وہ ایک دفعہ اور خاتم النّبیین کو دُنیا میں مبعوث کرے گا، (نعوذباللّٰہ ۔۔۔ناقل) جیسا کہ آیت اٰخَرِینَ مِنہُم سے ظاہر ہے۔

پس مسیحِ موعود (مرزاقادیانی) خود محمد رسول اللّٰہ ہے، جو اِشاعتِ اسلام کے لئے دوبارہ دُنیا میں تشریف لائے۔ اس لئے ہم کو کسی نئے کلمے کی ضرورت نہیں۔ ہاں! اگر محمد رسول اللّٰہ کی جگہ کوئی اور آتا تو ضرورت پیش آتی ۔۔۔۔۔۔ فتدبروا۔‘‘

(کلمۃ الفصل ص:۱۵۸، مندرجہ رسالہ ریویو آف ریلجنز جلد:۱۴، نمبر:۳،۴ باب ماہ مارچ واپریل ۱۹۱۵ء)

یہ مسلمانوں اور قادیانیوں کے کلمے میں دُوسرا فرق ہوا کہ مسلمانوں کے کلمہ شریف میں ’’محمد رسول اللّٰہ‘‘ سے آنحضرت صلی اللّٰہ علیہ وسلم مراد ہیں، اور قادیانی جب ’’محمد رسول اللّٰہ‘‘ کہتے ہیں تو اس سے مرزا غلام احمد قادیانی مراد ہوتے ہیں۔

مرزا بشیر احمد قادیانی ایم اے نے جو لکھا ہے کہ ’’مرزا قادیانی خود محمد رسول اللّٰہ ہیں جو اشاعتِ اسلام کے لئے دُنیا میں دوبارہ تشریف لائے ہیں‘‘ یہ قادیانیوں کا بروزی فلسفہ ہے۔ جس کی مختصر سی وضاحت یہ ہے کہ ان کے نزدیک آنحضرت صلی اللّٰہ علیہ وسلم کو دُنیا میں دو بار آنا تھا۔ چنانچہ پہلے آپ صلی اللّٰہ علیہ وسلم مکہ مکرمہ میں تشریف لائے اور دُوسری بار آپ صلی اللّٰہ علیہ وسلم نے مرزا

غلام احمد قادیانی کی بروزی شکل میں ۔۔۔معاذاللّٰہ۔۔۔ مرزا غلام مرتضیٰ کے گھر میں جنم لیا۔ مرزاقادیانی نے تحفۂ گولڑویہ، خطبہ اِلہامیہ اور دیگر بہت سی کتابوں میں اس مضمون کو بار بار دُہرایا ہے۔ (دیکھئے: خطبہ اِلہامیہ ص:۲۵۴، خزائن ج:۱۶ ص:۲۵۴) یاد رہے کہ قادیانیوں کا یہ بروزی فلسفہ بعینہٖ ہندوؤں کا اواگون ہے۔

اس نظریے کے مطابق قادیانی اُمت مرزاقادیانی کو ’’عین محمد‘‘ سمجھتی ہے۔ اس کا عقیدہ ہے کہ نام، کام، مقام اور مرتبے کے لحاظ سے مرزاقادیانی اور محمد رسول اللّٰہ صلی اللّٰہ علیہ وسلم کے درمیان کوئی دوئی اور مغائرت نہیں ہے، نہ وہ دونوں علیحدہ وجود ہیں، بلکہ دونوں ایک ہی شان، ایک ہی مرتبہ، ایک منصب اور ایک ہی نام رکھتے ہیں۔ چنانچہ قادیانی ۔۔۔غیرمسلم اقلیت۔۔۔ مرزا غلام احمد قادیانی کو وہ تمام اوصاف والقاب اور مرتبہ ومقام دیتی ہے جو اہلِ اسلام کے نزدیک صرف اور صرف محمد رسول اللّٰہ صلی اللّٰہ علیہ وسلم کے ساتھ مخصوص ہے۔ قادیانیوں کے نزدیک مرزاقادیانی بعینہٖ محمد رسول اللّٰہ ہیں، محمدِ مصطفی ہیں، احمدِ مجتبیٰ ہیں، خاتم الانبیاء ہیں، اِمامُ الرسل ہیں، رحمۃللعالمین ہیں، صاحبِ کوثر ہیں، صاحبِ معراج ہیں، صاحبِ مقامِ محمود ہیں، صاحبِ فتحِ مبین ہیں، زمین وزمان اور کون ومکان صرف مرزاقادیانی کی خاطر پیدا کئے گئے، وغیرہ وغیرہ۔

اسی پر بس نہیں بلکہ اس سے بڑھ کر بقول ان کے مرزاقادیانی کی ’’بروزی بعثت‘‘ آنحضرت صلی اللّٰہ علیہ وسلم کی اصل بعثت سے رُوحانیت میں اعلیٰ واکمل ہے، آنحضرت صلی اللّٰہ علیہ وسلم کا زمانہ رُوحانی ترقیات کی اِبتدا کا زمانہ تھا، اور مرزاقادیانی کا زمانہ ان ترقیات کی اِنتہا کا۔ وہ صرف تائیدات اور دفع بلیات کا زمانہ تھا، اور مرزاقادیانی کا زمانہ برکات کا زمانہ ہے۔ اُس وقت اسلام پہلی رات کے چاند کی مانند تھا ۔۔۔جس کی کوئی روشنی نہیں ہوتی۔۔۔ اور مرزاقادیانی کا زمانہ چودہویں رات کے بدرِ کامل کے مشابہ ہے۔ آنحضرت صلی اللّٰہ علیہ وسلم کو تین ہزار معجزے دئیے گئے تھے، اور مرزاقادیانی کو دس لاکھ، بلکہ دس کروڑ، بلکہ بے شمار۔ حضور صلی اللّٰہ علیہ وسلم کا ذہنی اِرتقا وہاں تک نہیں پہنچا جہاں تک مرزاقادیانی نے ذہنی ترقی کی۔ آنحضرت صلی اللّٰہ علیہ وسلم پر بہت سے وہ رُموز واَسرار نہیں کھلے جو مرزاقادیانی پر کھلے۔

مرزاقادیانی کی آنحضرت صلی اللّٰہ علیہ وسلم پر فضیلت وبرتری کو دیکھ کر ۔۔۔قادیانیوں کے بقول۔۔۔ اللّٰہ تعالیٰ نے حضرت آدم علیہ السلام سے لے کر حضرت محمد رسول اللّٰہ صلی اللّٰہ علیہ وسلم تک تمام نبیوں سے عہد لیا کہ وہ مرزاقادیانی پر اِیمان لائیں اور ان کی بیعت ونصرت کریں۔

خلاصہ یہ کہ قادیانیوں کے نزدیک نہ صرف مرزاقادیانی کی شکل میں محمد رسول اللّٰہ صلی اللّٰہ علیہ وسلم خود دوبارہ تشریف لائے ہیں، بلکہ مرزا غلام مرتضیٰ قادیانی کے گھر پیدا ہونے والا قادیانی ’’محمد رسول اللّٰہ‘‘ اصلی محمد رسول اللّٰہ صلی اللّٰہ علیہ وسلم سے اپنی شان میں بڑھ کر ہے، نعوذباللّٰہ، استغفر اللّٰہ!

چنانچہ مرزاقادیانی کے ایک مرید ۔۔۔یا قادیانی اِصطلاح میں مرزاقادیانی کے ’’صحابی‘‘۔۔۔ قاضی ظہورالدین اکملؔ نے مرزاقادیانی کی شان میں ایک ’’نعت‘‘ لکھی، جسے خوش خط لکھواکر اور خوبصورت فریم بنواکر قادیان کی ’’بارگاہِ رسالت‘‘ میں پیش کیا،

مرزاقادیانی اپنے نعت خواں سے بہت خوش ہوئے اور اسے بڑی دُعائیں دیں۔ بعد میں وہ قصیدۂ نعتیہ مرزاقادیانی کے ترجمان ۔۔۔اخبار ’’بدر‘‘ جلد:۲ نمبر۴۳۔۔۔ میں شائع ہوا۔ وہ پرچہ راقم الحروف کے پاس محفوظ ہے۔ اس کے چار شعر ملاحظہ ہوں:

1. اِمام اپنا عزیزو! اس جہاں میں

   غلام احمد ہوا دارُ الاماں میں

2. غلام احمد ہے عرشِ رَبِّ اکبر

   مکاں اس کا ہے گویا لامکاں میں

3. محمد پھر اُتر آئے ہیں ہم میں!

   اور آگے سے ہیں بڑھ کر اپنی شاں میں

4. محمد دیکھنے ہوں جس نے اکمل

   غلام احمد کو دیکھے قادیاں میں

(اخبار ’’بدر‘‘ قادیان، ۲۵؍اکتوبر ۱۹۰۶ء)

یہ ہے قادیانیوں کا ’’محمد رسول اللّٰہ‘‘ جس کا وہ کلمہ پڑھتے ہیں۔۔۔!

چونکہ مسلمان، آنحضرت صلی اللّٰہ علیہ وسلم پر اِیمان رکھتے ہیں اور آپ صلی اللّٰہ علیہ وسلم کو خاتم النّبیین اور آخری نبی مانتے ہیں، اس لئے کسی مسلمان کی غیرت ایک لمحے کے لئے بھی یہ برداشت نہیں کرسکتی کہ آپ صلی اللّٰہ علیہ وسلم کے بعد پیدا ہونے والے کسی بڑے سے بڑے شخص کو بھی منصبِ نبوّت پر قدم رکھنے کی اِجازت دی جائے۔ کجا کہ ایک ’’غلامِ اَسوَد‘‘ کو ۔۔۔نعوذباللّٰہ۔۔۔ ’’محمد رسول اللّٰہ‘‘ بلکہ آپ صلی اللّٰہ علیہ وسلم سے بھی اعلیٰ وافضل بنا ڈالا جائے۔ بنابریں قادیان کی شریعت مسلمانوں پر کفر کا فتویٰ دیتی ہے۔ مرزا بشیر احمد ایم اے لکھتے ہیں:

’’اب معاملہ صاف ہے، اگر نبی کریم کا اِنکار کفر ہے تو مسیحِ موعود (غلام احمد قادیانی) کا اِنکار بھی کفر ہونا چاہئے، کیونکہ مسیحِ موعود نبی کریم سے الگ کوئی چیز نہیں ہے، بلکہ وہی ہے۔‘‘

’’اور اگر مسیحِ موعود کا منکر کافر نہیں تو (نعوذباللّٰہ) نبی کریم کا منکر بھی کافر نہیں، کیونکہ یہ کس طرح ممکن ہے کہ پہلی بعثت میں تو آپ کا اِنکار کفر ہو، مگر دُوسری بعثت (قادیان کی بروزی بعثت ۔۔۔ناقل) میں جس میں بقول مسیحِ موعود آپ کی رُوحانیت اقویٰ اور اَکمل اور اَشد ہے ۔۔۔۔۔۔ آپ کا اِنکار کفر نہ ہو۔‘‘

(کلمۃ الفصل ص:۱۴۷)

دُوسری جگہ لکھتے ہیں:

’’ہر ایک ایسا شخص جو موسیٰ کو تو مانتا ہے مگر عیسیٰ کو نہیں مانتا، یا عیسیٰ کو مانتا ہے مگر محمد کو نہیں مانتا، یا محمد کو

مانتا ہے مگر مسیحِ موعود (مرزا غلام احمد قادیانی) کو نہیں مانتا، وہ نہ صرف کافر، بلکہ پکا کافر اور دائرۂ اسلام سے خارج ہے۔‘‘

(کلمۃ الفصل ص:۱۱۰)

ان کے بڑے بھائی مرزا محمود احمد قادیانی لکھتے ہیں:

’’کل مسلمان جو حضرت مسیحِ موعود (مرزا غلام احمد قادیانی) کی بیعت میں شامل نہیں ہوئے، خواہ انہوں نے حضرت مسیحِ موعود کا نام بھی نہیں سنا، وہ کافر اور دائرۂ اسلام سے خارج ہیں۔‘‘

(آئینۂ صداقت ص:۳۵)

ظاہر ہے کہ اگر قادیانی بھی اسی محمد رسول اللّٰہ صلی اللّٰہ علیہ وسلم کا کلمہ پڑھتے ہیں جن کا کلمہ مسلمان پڑھتے ہیں، تو قادیانی شریعت میں یہ ’’کفر کا فتویٰ‘‘ نازل نہ ہوتا۔ اس لئے مسلمانوں اور قادیانیوں کے کلمے کے الفاظ گو ایک ہی ہیں، مگر ان کے مفہوم میں زمین وآسمان اور کفر واِیمان کا فرق ہے۔

(آپ کے مسائل اور اُن کا حل ج:۱ ص:۱۹۴ تا ۱۹۹ مکتبہ لدھیانوی)

’’لا اِلٰہ اِلَّا اللّٰہ ایوب خان رسول اللّٰہ‘‘ کا قائل کافر ہے

سوال:۔۔۔ ایک شخص نے بھری مجلس میں کہا کہ: ’’اگر صدر صاحب غلہ روک دیں اور لوگوں کو غلہ نہ ملے تو ہم ’’لا اِلٰہ اِلَّا اللّٰہ ایوب خان رسول اللّٰہ‘‘ کہیں گے۔‘‘ ایسے شخص کے بارے میں شریعت کا کیا حکم ہے؟

جواب:۔۔۔ کلمۂ طیبہ میں ’’ایوب خان رسول اللّٰہ‘‘ کے الفاظ اگر اِعتقاد اور اس معنی سے کہے گئے ہوں کہ کسی وقت ’’ایوب خان‘‘ بھی ’’رسول اللّٰہ‘‘ ہوسکتا ہے تو یہ کفریہ عقیدہ ہے، کیونکہ رسول اللّٰہ صلی اللّٰہ علیہ وسلم کے بعد کسی کے لئے بھی نبوّت ورِسالت کا اِعتقاد رکھنا کفر ہے۔

اور اگر یہ اِعتقاد کی وجہ سے نہ ہو، بلکہ کسی پر بطورِ تعریض کہے گئے ہوں، مثلاً قوم کی خوشامدی اور ذہنی غلامی پر طنز کے طور پر یہ کلمات کہے گئے ہو کہ یہ قوم اب اس قدر ذہنی غلامی میں گرفتار ہے کہ اپنے حکمرانوں کو کسی وقت بھی خدا کا پیغمبر کہنے کو تیار ہوسکتی ہے، تو یہ کفرنہیں۔

صورتِ مسئولہ میں چونکہ ’’ایوب خان رسول اللّٰہ‘‘ کہنے والے کے اِعتقاد کا ہمیں پورا علم نہیں ہے، اس لئے یقینی حکم اس پر نہیں لگایا جاسکتا۔

’’قال العلَّامۃ ظفر احمد العثمانیؒ: قال الموفق فی المغنی: ومن ادعی النبوّۃ أو صدق من ادعاھا فقد ارتد، لأن مسیلمۃ لما ادعی النبوّۃ فصدقہ قومہ صاروا بذالک مرتدین۔

(إعلاء السُّنن ج:۲ ص:۵۹۸، باب من ادعی النبوۃ او صدق من ادعاھا، طبع إدارۃ القرآن والعلوم الإسلامیۃ)

(فتاویٰ حقانیہ ج:۱ ص:۱۷۴)

✨ 🌟 ✨

بابِ دوم

قادیانیوں کا اِنکارِ ختمِ نبوّت

نبوّت کے متعلق عقائد کی وضاحت

سوال:۔۔۔ ایک عام مسلمان کو نبوّت ورِسالت کے بارے میں کیا عقیدہ رکھنا چاہئے؟ اور ختمِ نبوّت کے بارے میں بھی وضاحت کریں کہ ایک مسلمان کو ختمِ نبوّت پر کس طرح اِیمان رکھنا چاہئے تاکہ قادیانیوں کے فتنہ وشر سے مسلمان محفوظ رہ سکیں، کیونکہ وہ خود بھی کہتے اور لکھتے ہیں کہ آنحضور صلی اللّٰہ علیہ وسلم خاتم النّبیین ہیں۔ لہٰذا مہربانی فرماکر تفصیلی جواب سے نوازیں۔

صابر حسین، میرپور

جواب:۔۔۔ نبوّت ورِسالت کے بارے میں ایک مسلمان کو جو عقیدہ رکھنا چاہئے، ان کو ہم خصوصیاتِ نبوّت کے نام سے بھی تعبیر کرسکتے ہیں۔ باقی جہاں تک قادیانیوں کی بدلتی ہوئی نئی پالیسی ہے، اس کے بارے میں صرف اتنا ہی عرض کروں گا کہ یہ لوگ زمانہ ساز ہیں، اسی طرح مرزاقادیانی بھی متلوّن مزاج تھا، اس نے خود اپنی زندگی میں اتنے دعوے کئے جن کی ضخیم کتاب تیار کی جاسکتی ہے، اور ہر روز نئے دعوؤں کے ساتھ آنا اس چیز کی دلیل ہے کہ ایسا آدمی جھوٹا ہے، اور جھوٹ کی کوئی بنیاد نہیں ہوا کرتی۔ اس لئے جھوٹا آدمی بھیس بدل بدل کر اِیمان پر ڈاکا ڈالتا ہے۔

یہ بات ذہن نشین کرلیجئے کہ ختمِ نبوّت کا عقیدہ رکھ کر منکرینِ ختمِ نبوّت کی تکذیب کرنا بھی ضروری ہے۔ جو شخص ختمِ نبوّت پر اِیمان رکھتا ہو مگر منکرِ ختمِ نبوّت کو وَلی، یا غوث، یا قطب، یا اللّٰہ تعالیٰ کو مان کر شیطان کو دوست رکھتا ہو، اور مسلمان ہوکر کافر کو بھی اس کے کفر کے باوجود مسلمان سمجھتا ہو، ایسا شخص بھی دائرۂ اسلام سے خارج ہے۔ لہٰذا محض ختمِ نبوّت پر ہی اِیمان لانے سے اِیمان معتبر نہیں ہوگا، بلکہ منکرینِ ختمِ نبوّت کی تکذیب کرنا بھی ضروری ہے۔

اب ہم اس طرف آتے ہیں کہ ایک مسلمان کو نبوّت ورِسالت کے بارے میں کیا عقیدہ رکھنا چاہئے؟ اس کا جواب حسبِ ذیل ہے:

خصوصیاتِ نبوّت

’’نبوّت عہدۂ وہبی ہے، کسبی نہیں۔‘‘اللہُ أَعْلَمُ حَیْثُ یَجْعَلُ رِسَالَتَہُ (الانعام:۱۲۴) ’’ اللّٰہ تعالیٰ خوب جانتا ہے کہ عہدۂ رِسالت کس کو دینا چاہئے؟‘‘

کوئی اپنی کوشش ومحنت اور ریاضت وعبادت سے نبی نہیں بن سکتا۔ (۱) ایسی آرزو سے عبادت وریاضت کرنے والا جھوٹا

(۱) ولا یبلغ ولی درجۃ الأنبیاء۔ (شرح العقائد النسفیۃ ص:۱۶۴)

کذّاب ہے اور ایسا شخص واجب القتل ہے۔ نبی کے علوم وہبی ہوتے ہیں، کسبی نہیں۔ وہ زمین کے کسی اُستاد سے تعلیم حاصل کیا ہوا نہیں ہوتا، اللّٰہ تعالیٰ تعلیم کرتا ہے۔ بالخصوص آنحضرت صلی اللّٰہ علیہ وسلم کو جو علوم عطا فرمائے گئے ہیں، ان کا تعدّد وشمار اِحاطۂ اِنسانی سے باہر ہے۔ انہیں گننا اور شمار کرنا حماقت ہے، اور نفی کرنا بھی بدعقیدگی ہے۔ ہاں تمام علوم عطائی ہیں ذاتی نہیں۔ انبیاء حسنِ صورت وسیرت کے لحاظ سے بھی پوری اُمت پر ممتاز ہوتے ہیں۔ علمی اور عملی کمال یعنی نبی کا علم اور عمل دونوں کامل ہوتے ہیں۔ کمالِ علم یہ ہے کہ اس میں کوئی غلطی نہیں ہوتی، اور نبی کا عمل کامل ہوتا ہے۔ ہر گناہ سے پاک ہوتے ہیں (۱) چونکہ وہ اُمت کے لئے نمونۂ عمل ہوتے ہیں، ان کی طرف کسی قسم کی غلطی اور خطا کی نسبت کرنا گمراہی ہے۔ نبی مزکی ومطہر ہوتا ہے، وہ لوگوں کا تزکیہ کرتا ہے، یہی وجہ ہے کہ ان کے تربیت یافتگان دیگر تمام اشخاص سے ممتاز ومنفرد ہوتے ہیں۔

نبی انسانوں کا خیرخواہ ہوتا ہے، وہ ہر وقت اِنسانوں کی فلاح کا چاہنے والا ہوتا ہے۔ ان کی تمام مساعیٔ جلیلہ کا مدعا نجاتِ انسانیت ہے۔ نبی کی معاشی زندگی اور اخلاقی کردار، امارت اور فقر دونوں صورتوں میں یکساں ہوتی ہے۔

نبی کی پوشاک، خوراک، مسکن میں، جو سادگی فقر کی حالت میں ہوتی ہے، بادشاہی، حکومت حاصل ہونے پر بھی وہی ہوتی ہے، دونوں حالتوں میں تواضع واِنکساری ہوتی ہے۔ وہ مفادِ عوام پر ذاتی مفاد کو قربان کرتے ہیں۔ غلبہ وسلطنت حاصل ہونے پر بھی ان کے عجز ونیاز اور شانِ عبدیت اور تواضع پر کسی قسم کا اثر نہیں پڑتا۔ ان کے قلب ورُوح کی پاکیزگی کسی بھی ماحول سے متأثر نہیں ہوتی۔ نبی کی زندگی میں بناوَٹ، تکلف، نمائش، علو ذات، نمود وشخصیت کا کوئی اثر نہیں ہوتا۔ ان کا حب وبغض رَبّ العالمین کے لئے ہوتا ہے، وہ حقِ نفس کو معاف کرنے والا ہوتا ہے، لیکن حق اللّٰہ کو معاف نہیں کرتا۔ نبی اِطاعتِ اِلٰہی کا عملی نمونہ ہوتا ہے۔ خلوَت، جلوَت، گھر میں، گھر سے باہر، دوستوں اور دُشمنوں میں، غصہ اور خوشی، الغرض کسی حالت میں بھی رضائے اِلٰہی کی راہ سے سرِمو تجاوز نہیں کرتا۔ حق کی اطاعت اس کی فطرت میں شامل ہوتی ہے۔ نبی کے دعویٔ نبوّت کی تائید میں خوارق اور معجزات کا ظہور ہوتا ہے، معجزے کے لئے سات شرطیں بیان کی گئی ہیں:

(۱) منزھون ای معصومون عن الصغائر والکبائر۔ (شرح فقہ اکبر ص:۶۸، طبع مجتبائی دھلی)۔

(۲) معجزۃ وھی امر یظھر بخلاف العادۃ علٰی ید مدعی النبوۃ عند تحدی المنکرین علٰی وجہ یعجز المنکرین عن الإتیان بمثلہ۔

وفی الحاشیۃ: قولہ وھی أمر إلخ اشترط فی المعجزۃ امور تضمن ھٰذا التعریف الإشارۃ إلیھا۔ الأول: ان یکون فعلہ تعالٰی او ما یقوم مقامہ من الترک لیتصور کونہ تصدیقًا منہ تعالٰی ویفھم ذالک من قولہ امر یظھر إذ الأمر یتناول الفعل والترک ویفھم إسنادہ إلی اﷲ تعالٰی مما سبق من ان کل ما یظھر ویحدث من اجزاء العالم فمحدثہ ھو اﷲ تعالٰی۔ الثانی: أن یکون خارقًا للعادۃ، إذ لا إعجاز دونہ وقد دلَّ علیہ قولہ بخلاف العادۃ۔ الثالث: ان یکون ظھورہ علٰی ید مدعی النبوۃ لیعلم انہ تصدیق لہ، وقد صرح بہ۔ الرابع: ان یکون مقاربًا للدعویٰ إذ لا شھادۃ قبل الدعویٰ والتأخیر عنہ بزمان متطاول آیۃ الکذب، ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ (باقی اگلے صفحے پر)

۔۔۔۔۔۔۔۔۔ نبی خالق ومخلوق کے درمیان وسیلہ ہوتا ہے، نبی کو علمِ غیب سے نوازا جاتا ہے، اس کی نفی کرنا جہالت وحماقت ہے، ہر نبی کی طرف وحی آتی ہے، ہر رسول نبی ہوتا ہے، لیکن ہر نبی رسول نہیں ہوتا۔(۱) رسول صاحبِ کتاب وصحیفہ ہوتا ہے اور نبی کی طرف کتاب کا نازل ہونا لازمی نہیں ہوتا۔ نفسِ نبوّت میں سب انبیاء برابر ہیں، لیکن درجات ومراتب میں فرق ہے۔ (۲)

معجزے کی قسمیں

معجزے کی اُصولی دو قسمیں ہیں:

۱:۔۔۔ معجزۂ معنویہ۔ ۲:۔۔۔ معجزۂ حسیّہ۔

معجزۂ معنویہ خواص کے لئے ہوتا ہے، جیسے قرآن اور دیگر کتب وغیرہ۔ معجزۂ حسیّہ عوام کے لئے ہوتا ہے، جیسے شق القمر، تکثیر طعام ومیاہ، تکلم حیوانات وجمادات۔ معجزاتِ معنویہ کو ’’عقلی معجزات‘‘ بھی کہتے ہیں۔

نوٹ:۔۔۔ بنی اسرائیل کے اکثر معجزات حسی تھے، جس کی وجہ یہ تھی کہ وہ قوم بڑی کندذہن اور کم فہم تھی۔ اور اُمتِ محمدیہ ۔۔۔علیٰ صاحبہا الصلوٰۃ والسلام۔۔۔ کے زیادہ تر معجزات عقلی ہیں، اس کی دو وجوہ ہیں: ایک وجہ اس اُمت کے افراد کی ذکاوت اور عقل کا کمال ہے۔ دُوسری وجہ یہ ہے کہ شریعتِ محمدیہ چونکہ تاقیامِ قیامت رہنے والی ہے، اس لئے اسے باقی رہنے والا معجزہ بصورت قرآن دیا گیا۔

معجزہ، کرامت اور سحر میں فرق

معجزہ وکرامت دونوں فعلِ خداوندی ہیں۔ معجزے کا ظہور نبی پر ہوتا ہے، اور کرامت کا مظہر ولی ہوتا ہے(۳) دونوں غیراِختیاری ہیں، کسب اور اِکتساب اور تعلیم وتعلّم کو اس میں کوئی دخل نہیں، دونوں کا سبب محض اِرادۂ اِلٰہی ہے۔ اس کے برعکس سحر ایسا

(بقیہ حاشیہ صفحۂ گزشتہ) ۔۔۔۔۔۔۔۔واما التأخیر بزمان قصیر فھو فی حکم العدم دلَّ علیہ قولہ عند تحدی المنکرین۔ الخامس: ان یکون موافقًا للدعویٰ إذ المخالف لا تفید تصدیقًا کشف الحل بعد فلق البحر۔ (شرح عقائد ص:۱۳۴، طبع مکتبہ خیر کثیر کراچی)۔

______________

(۱) النبی إنسان بعثہﷲ لتبلیغ ما اوحی إلیہ وکذا الرسول وقد یخص بمن لہ شریعۃ وکتاب فیکون اخص من النبی۔ (شرح المقاصد ج:۲ ص:۱۷۳، طبع دار المعارف النعمانیۃ، لاھور)۔

ایضًا: والصحیح الذی علیہ الجمھور ان کل رسول نبی من غیر عکس۔ (شرح فقہ اکبر ص:۷۳، طبع دھلی)۔/p>

(۲) قولہ تعالٰی: تِلْکَ الرُّسُلُ فَضَّلْنَا بَعْضَہُمْ عَلَی بَعْضٍ مِّنْہُم مَّن کَلَّمَ اللّہُ وَرَفَعَ بَعْضَہُمْ دَرَجَاتٍ (البقرۃ:۲۵۳)۔

(۳) والحاصل ان الأمر الخارق للعادۃ ھو بالنسبۃ إلی النبی صلی ﷲ علیہ وسلم معجزۃ، سواء ظھر من قِبَلِہ او قِبَل اُمَّتہ، لدلالتہ علٰی صدق نبوّتہ وحقّیۃ رسالتہ، فبھٰذہ الإعتبار جعل معجزۃ لہ، وإلَّا فحقیقۃ المعجزۃ ان تکون مقارنۃ للتحدی علٰی ید المدعی، وبالنسبۃ إلی الولی کرامۃ۔ (شرح فقہ اکبر ص:۹۶)۔

ایضًا: ان المعجزۃ لا بُدّ أن تکون ممن یدعی الرسالۃ تصدیقًا لدعواہ، والولی لا بُدّ من ان یکون تابعًا لنبی وتکون کرامتہ معجزۃ لنبیہ، لأنہ لا یکون ولیًّا ما لم یکن محقًّا فی دیانتہ واتباعہ لنبیہ حتّٰی لو ادعی الإستقلال بنفسہ وعدم المتابعۃ لم یکن ولیًّا بل یکون کافرًا ولا تظھر لہ کرامۃ۔ فالحاصل ان الأمر الخارق للعادۃ بالنسبۃ إلی النبی معجزۃ سواء ظھر من قِبَلہ او من قِبَل آحاد اُمَّتہ وبالنسبۃ إلی الولی کرامۃ لخلوّہ عن دعوی النبوۃ۔ (فتاویٰ شامی ج:۱ ص:۵۵۱، طبع ایچ ایم سعید کراچی)۔

فعل وعمل ہے جو مخفی اسباب پر مبنی ہو، یہ انسانی فعل ہے اور اس کے اِختیار میں ہے۔ سحر، تعلیم وتعلّم اور کسب واِکتساب اور مشق وتجربہ سے حاصل ہوسکتا ہے۔ (۱)

(فتاویٰ حکیمیہ ص:۱۵۹، ۱۶۰)

خاتم النّبیین کا صحیح مفہوم وہ ہے جو قرآن وحدیث سے ثابت ہے

سوال:۔۔۔ ایک بزرگ نے ’’خاتم النّبیین‘‘ یا ’’خاتمیت‘‘ کی تشریح کرتے ہوئے لکھا ہے:

’’اسلام کو خاتم الادیان کا اور پیغمبرِ اِسلام کو خاتم الانبیاء کا خطاب دیا گیا ہے۔ خاتمیت کے دو معنی ہوسکتے ہیں۔ ایک یہ کہ کوئی چیز ناقص اور غیرمکمل ہو اور وہ رفتہ رفتہ کامل ہوجائے۔ دُوسرے یہ کہ وہ چیز نہ اِفراط کی مد پر ہو، نہ تفریط کی مد پر، بلکہ دونوں کے درمیان ہو، جس کا نام اِعتدال ہے۔ اسلام دونوں پہلوؤں سے خاتم الادیان ہے، اس میں کمال اور اِعتدال دونوں پائے جاتے ہیں۔ رسولِ خدا صلی اللّٰہ علیہ وسلم نے فرمایا ہے کہ میں اس عالیشان عمارت کی آخری اِینٹ ہوں، جس کو گزشتہ انبیاء تعمیر کرتے آئے ہیں۔ یہ اسلام کے کمال کی طرف اِشارہ ہے۔ اسی طرح قرآن مجید میں ہے کہ مذہب اسلام ایک معتدل اور متوسط طریقے کا نام ہے، اور مسلمانوں کی قوم ایک معتدل قوم پیدا کی گئی ہے۔ اس سے اسلام کے اِعتدال کا ثبوت ملتا ہے۔‘‘

کیا ’’خاتم النّبیین‘‘ کا یہ مفہوم صحیح ہے اور سبھی فرقوں کا اس پر اِتفاق ہے؟ راہ نمائی فرماکر ممنون فرماویں۔

جواب:۔۔۔ ’’خاتم الانبیاء‘‘ کا وہی مفہوم ہے جو قرآن(۲) وحدیث کے قطعی نصوص سے ثابت اور اُمت کا متواتر اور اِجماعی عقیدہ ہے کہ آنحضرت صلی اللّٰہ علیہ وسلم ’’آخری نبی‘‘ ہیں، آپ صلی اللّٰہ علیہ وسلم کے بعد کسی کو نبوّت عطا نہیں کی جائے گی۔ (۳)

اس مفہوم کو باقی رکھ کر اس لفظ میں جو نکات بیان کئے جائیں، وہ سر آنکھوں پر! اپنی عقل وفہم کے مطابق ہر صاحبِ علم نکات بیان کرسکتا ہے، لیکن اگر ان نکات سے متواتر مفہوم اور متواتر عقیدے کی نفی کی جائے، تو یہ ضلالت وگمراہی ہوگی اور ایسے نکات مردود ہوں گے۔

(آپ کے مسائل اور اُن کا حل ج:۱ ص:۲۴۱،۲۴۲)

عقیدے کی اہمیت

سوال:۔۔۔ عقیدہ اور اعمال کا باہمی کیا تعلق ہے؟ اور آپ صلی اللّٰہ علیہ وسلم کی ذات کے بارے میں کیا عقیدہ رکھنا چاہئے؟ دلائل سے جواب دیں۔

محمد اِعجاز، میرپور

جواب:۔۔۔ اِیمانِ کامل کے دو اَجزاء ہیں:

(۱) والسحر ھو علم یستفاد منہ حصول ملکۃ نفسانیۃ یقتد بھا علٰی أفعال غریبۃ لأسباب خفیۃ۔ (فتاویٰ شامی ج:۱ ص:۴۴ طبع ایچ ایم سعید کراچی)

(۲) مَّا کَانَ مُحَمَّدٌ أَبَا أَحَدٍ مِّن رِّجَالِکُمْ وَلَکِن رَّسُولَ اللَّہِ وَخَاتَمَ النَّبِیِّیْنَ وَکَانَ اللَّہُ بِکُلِّ شَیْء ٍ عَلِیْما (الأحزاب:40)

(۳) عن ثوبان قال: قال رسول اﷲ صلی اﷲ علیہ وسلم: لا تقوم الساعۃ حتّٰی تلحق قبائل من اُمّتی بالمشرکین وحتّٰی یعبدوا الأوثان، وانہ سیکون فی اُمّتی ثلاثون کذّابون کلھم یزعم انہ نبی، وانا خاتم النبیین لا نبی بعدی۔ (ترمذی ج:۲ ص:۴۵، باب ما جاء لا تقوم الساعۃ حتّٰی یخرج کذّابون)۔

۱:۔۔۔ عقائد، ان کا تعلق دِل سے ہے۔

۲:۔۔۔ اعمال، ان کا صدور اعضائے ظاہری سے ہوتا ہے۔

عقائد، اِیمانِ کامل میں اصل اور اَساس کی حیثیت رکھتے ہیں، اور اَعمال فروع کا درجہ رکھتے ہیں۔ گویا کہ عقیدہ رُوح ہے اور اعمال جسم، اِیمان پھول کا نام ہے اور اس میں خوشبو عقیدے کا نام ہے، اور پھول کی پتیاں اعمال ہیں، اِیمان واِسلام ایک درخت ہے اور ان میں عقیدہ جڑ ہے، شاخیں اور ٹہنیاں اعمال ہیں۔ پس عقیدۂ صحیحہ سے دِل کی طہارت ہوتی ہے، بغیر دُرستیٔ عقیدہ کے کوئی عمل مقبول نہیں ہے۔ اور اِختلافِ مذاہب کا مدار اِختلافِ عقائد پر ہے نہ کہ اِختلافِ عمل پر، اسی لئے مذاہبِ اَربعہ باوجود اِختلافِ اعمال کے وحدتِ عقیدہ کی وجہ سے اہلِ سنت والجماعت کہلاتے ہیں۔

(فتاویٰ حکیمیہ ص:۱۷۱)

ختمِ نبوّت یا اِجرائے نبوّت؟

سوال:۔۔۔ ’’خاتم النّبیین‘‘ کے کیا معنی ہیں؟ اور جناب محمد رسول اللّٰہ صلی اللّٰہ علیہ وسلم کے بعد سلسلہ نبوّت کا قائم رہے گا یا نہیں؟

جواب:۔۔۔ ہمارے پیارے نبی علیہ الصلوٰۃ والسلام کے بعد کسی قسم کا نیا نبی نہیں آئے گا۔ چنانچہ قرآن مجید میں ہے:

’’وَخَاتَمَ النَّبِیِّیْنَ وَکَانَ اللَّہُ بِکُلِّ شَیْء ٍ عَلِیْماً یعنی ختم ﷲ بہ النبوۃ فلا نبوۃ بعدہ ای ولا معہ قال ابن عباس: یرید لو لم اختم بہ النبیین لجعلت لہ ابنا یکون بعدہ نبیا۔ وعنہ قال: ان ﷲ لما حکم ان لا نبی بعدہ لم یعطنی ولدًا یصیر رجلًا (وَکَانَ اللَّہُ بِکُلِّ شَیْء ٍ عَلِیْماً ) ای دخل فی علمہ انہ لا نبی بعدہ فإن قلتَ: قد صلح ان عیسٰی علیہ السلام ینزل فی آخر الزمان بعدہ وھو نبی، قلتُ: ان عیسٰی علیہ السلام ممن نُبِّیئَ قبلہ وحین ینزل فی آخر الزمان ینزل عاملًا بشریعۃ محمد صلی ﷲ علیہ وسلم ومصلیًّا إلٰی قبلتہ کأنہ بعض اُمَّتہ۔‘‘

(نقل از تفسیر خازن ج:۵ ص:۲۱۸)

’’ختم کردی اللّٰہ تعالیٰ نے آپ کے وجودِ گرامی پر نبوّت اور کسی قسم کی نبوّت آپ کے بعد نہ ہوگی، کیونکہ ’’لا نبی‘‘ میں ’’لَا‘‘ نفیٔ جنس کا ہے اس لئے بعد آپ صلی اللّٰہ علیہ وسلم کی ذات کے کوئی نبی نہیں آسکتا۔ حضرت ابنِ عباسؓ فرماتے ہیں کہ اس آیت کے یہ معنی ہیں کہ اگر میں آپ صلی اللّٰہ علیہ وسلم کے وجود پر سلسلہ نبوّت کا ختم نہ کرتا تو آپ کے لئے کوئی بیٹا عطا کرتا، جو بعد آپ کے نبی ہوتا۔ اور آپ صلی اللّٰہ علیہ وسلم ہی سے مروی ہے کہ جب خداوند کریم نے حکم دیا ہے کہ میرے بعد کوئی نبی نہ ہوگا، تو اس نے مجھے نرینہ اولاد نہ دی جو زِندہ رہتی اور خدا کے علم میں یہ پہلے ہی سے تھا کہ آپ صلی اللّٰہ علیہ وسلم کے بعد کوئی نبی نہیں ہوگا۔ اگر کوئی اِعتراض کرے کہ حضرت عیسیٰ علیہ السلام کا جو اَخیر زمانے میں نزول ہوگا تو وہ نبی ہوں گے، تو اس کا جواب یہ

ہے کہ وہ پہلے نبی مبعوث ہوچکے ہیں اور آپ صلی اللّٰہ علی وسلم کی ذات خاتم النّبیین ہے اور ان کا دوبارہ آنا خاتم النّبیین کے منافی نہیں، اور حضرت عیسیٰ علیہ السلام آپ صلی اللّٰہ علیہ وسلم کی شریعت کے عامل ہوں گے اور یہی بیت اللّٰہ ان کا قبلہ ہوگا۔‘‘

بخاری شریف (ج:۱ ص:۵۰۱) میں بہ ایں طور ہے:

’’عن ابی ھریرۃ ان النبی صلی ﷲ علیہ وسلم قال: ان مثلی ومثل الأنبیاء من قبلی کمثل رجل بنی بیتًا فأحسنہ وأجملہ إلَّا موضع لبنۃ من زاویۃ، فجعل الناس یطوفون بہ ویتعجبون لہ ویقولون: ھلا وضعت ھٰذہ اللبنۃ! قال: فأنا اللبنۃ وانا خاتم النّبیین۔‘‘

’’حضرت ابوہریرہؓ سے مروی ہے کہ نبی صلی اللّٰہ علیہ وسلم نے ارشاد فرمایا کہ میری اور ان پیغمبروں کی مثال ایسی ہے جیسے ایک شخص نے ایک گھر بنایا، اس کو خوب آراستہ پیراستہ کیا، مگر ایک کونے میں ایک اِینٹ کی جگہ چھوڑ دی، لوگ اس گھر میں پھرتے ہیں اور تعجب کرتے ہیں کہ ایسا آراستہ گھر! یہ اِینٹ کیوں نہ لگائی؟ تو وہ اِینٹ میں ہوں اور میں خاتم النّبیین ہوں۔‘‘

اور ایسا ہی ترمذی (ج:۲ ص:۴۵) وابوداؤد (ج:۲ ص:۱۲۷) میں ہے کہ فرمایا آنحضور صلی اللّٰہ علیہ وسلم نے کہ:

’’انہ سیکون فی اُمّتی کذّابون ثلاثون، کلّھم یزعم انہ نبی ﷲ، وانا خاتم النّبیین لا نبی بعدی۔‘‘

’’قریب ہے کہ میری اُمت میں تیس کذّاب ہوں گے، وہ دعویٰ نبوّت کا کریں گے، لوگ ان کو نبی تصوّر کریں گے، اور حالانکہ میں نبوّت کے سلسلے کو ختم کرچکا ہوں، میرے بعد کسی قسم کا نبی نہیں آئے گا۔‘‘

پس ان تمام دلائل سے ثابت ہوا کہ جناب نبی کریم صلی اللّٰہ علیہ وسلم کی ذات پر سلسلہ نبوّت کا ختم ہوچکا ہے، ان کے بعد کوئی نبی صادق نہیں آئے گا، اگر آئیں گے تو وہ کذّاب اور بے دِین ہوں گے۔

(فتاویٰ نظامیہ ج:۴ ص:۳۱۱ تا ۳۱۳)

ختمِ نبوّت کے وقت کے تعین کی تحقیق

سوال:۔۔۔ حضرت محمد صلی اللّٰہ علیہ وسلم کو خاتم النّبیین کس وقت سے تسلیم کرنا چاہئے؟ ولادت کے بعد سے یا نبوّت ملنے کے بعد سے یا بعد الوفات؟ مقصد یہ ہے کہ وحی کا دروازہ کس وقت سے بند تصوّر کیا جائے؟

جواب:۔۔۔ حضور نبی کریم صلی اللّٰہ علیہ وسلم اِبتدائے امر سے ہی خاتم النّبیین ہیں۔ یعنی اللّٰہ تعالیٰ نے آپ صلی اللّٰہ علیہ وسلم کو اس منصب مبارک کے لئے ازل سے ہی منتخب فرمادیا تھا۔

مشکوٰۃ (ص:۵۱۳) میں حضرت ابوہریرہ رضی اللّٰہ عنہ سے روایت ہے کہ صحابہ کرامؓ نے حضور نبی کریم صلی اللّٰہ علیہ وسلم

سے عرض کیا کہ آپ کو نبوّت کب ملی؟ ارشاد فرمایا: جبکہ حضرت آدم علیہ السلام کی خلقت بھی نہیں ہوئی تھی۔

البتہ عالمِ اجساد میں آپ صلی اللّٰہ علیہ وسلم سب انبیاء کے بعد آئے اور جب عمر مبارک چالیس برس ہوئی تو نبوّت ملی اور وحی کا نزول شروع ہوا، آپ صلی اللّٰہ علیہ وسلم کو نئی شریعت اور نئی کتاب ملی، جو تمام انبیائے سابقین کی شریعتوں کے لئے ناسخ بنادی گئی، لہٰذا آپ صلی اللّٰہ علیہ وسلم کے بعد کوئی ایسا نبی نہیں آئے گا جو آپ صلی اللّٰہ علیہ وسلم کی شریعت کو منسوخ کردے، تاہم نصوصِ قطعیہ سے ثابت ہے کہ حضرت عیسیٰ علیہ السلام زندہ آسمانوں پر اُٹھائے گئے ہیں اور قیامت کے قریب نزول فرمائیں گے اور شریعتِ محمدی کا اِحیا ء اور اس کی اِتباع کریں گے۔ اور احادیثِ صحیحہ سے یہ بھی ثابت ہے کہ آپ پر وحی بھی آئے گی لیکن یہ وحی شریعتِ مصطفی صلی اللّٰہ علیہ وسلم کو بدلنے کے لئے نہ ہوگی، بلکہ اس وقت کے ضروری اُمور کے متعلق ہوگی، گویا اِنقطاعِ وحی سے مراد وہ وحی ہے جو حضور انور صلی اللّٰہ علیہ وسلم کی شریعت کو منسوخ کرے۔

لما ورد فی الحدیث: قال ابوھریرۃ رضی ﷲ عنہ: قالوا: یا رسول ﷲ! متٰی وجبت لک النبوۃ؟ قال: والآدم بین الروح والجسد۔‘‘

(رواہ الترمذی، مشکوٰۃ ص:۵۱۳ باب فضل سید المرسلین صلی ﷲ علیہ وسلم، الفصل الثانی)

’’قال العلامۃ مُلَّا علی القاریؒ فی شرح ھٰذا الحدیث: وجبت لی النبوۃ والحال ان آدم بین الروح والجسد یعنی وانہ مطروح علی الأرض بلا روح والمعنیٰ انہ قبل تعلق روحہٖ بجسدہٖ۔ وروی ابو نُعیم فی الدلائل وغیرہ من حدیث ابی ھریرۃ مرفوعًا: کنتُ اوّل النبیین فی الخلق وآخرھم فی البعث۔‘‘

(مرقاۃ المصابیح ج:۵ ص:۳۶۷ طبع اصح المطابع بمبئی)

’’وقال العلَّامۃ جلال الدین السیوطی رحمہ ﷲ فبیناہ کذالک إذ اوحی ﷲ إلیہ یا عیسٰی! انی قد اخرجت عبادًا لی لا بد لأحد بقتالھم حول عبادی إلی الطور۔ وقال صحیح علی شرط الشیخین۔ ذالک صریح فی انہ وحی حقیقی، لا وحی إلھام والثانی ان ماتو ھمہ ھٰذا الزاعم من تعذر الوحی الحقیقی فاسد لأن عیسٰی علیہ السلام نبی فأی مانع من نزول الوحی إلیہ؟ فإن تخیل فی نفسہ ان عیسٰی علیہ السلام قد ذھب عنہ وصف النبوۃ وانسلخ منہ فھٰذا قول یقارب الکفر لأن النبی لا یذھب عنہ وصف النبوۃ ابدًا ولا بعد موتہٖ وإن تخیل اختصاص الوحی للنبی صلی ﷲ علیہ وسلم بزمن دون زمن فھو [قول] لا دلیل علیہ ویبطلہ ثبوت الدلیل علٰی خلافہ خاتمہ فی ان ما اشتھر علی السنۃ الناس ۔۔۔۔۔إلخ۔‘‘

(الحاوی للفتاویٰ ج:۲ ص:۱۶۵، طبع دار الکتب العلمیۃ، بیروت)

(فتاویٰ حقانیہ ج:۱ ص:۳۸۹، ۳۹۰)

ختمِ نبوّت

سوال:۔۔۔ ختمِ نبوّت پر عقیدہ رکھنا کیوں ضروری ہے؟ کیا اس کے بغیر اِیمان معتبر نہیں؟ مہربانی فرماکر جواب سے نوازیں۔

محمد احمد سعیدی، لاہور

جواب:۔۔۔ دِینِ اسلام کی اصل رُوح عقیدۂ ختمِ نبوّت ہے اور اسی عقیدے پر پختہ اِیمان ہی اسلام کی بنیاد ہے۔ اس عقیدے میں کسی قسم کا ریب وشک، گویا پورے دِین کو منہدم کرنے کے مترادف ہے، لہٰذا ختمِ نبوّت کا عقیدہ بنیادی اور اساسی عقیدہ ہے۔ اس کے بغیر کسی کا بھی عقیدہ واِیمان مسلمانوں کے نزدیک معتبر نہیں ہوسکتا۔

تکمیلِ نبوّت

کمالاتِ نبوّت ایسی اِنتہا کو پہنچ کر مکمل ہوگئے جو اَب تک نہ ہوئے تھے، اور اَب جو نبوّت قائم ہے وہ خاتم کی ہے اور اس کامل نبوّت کے بعد کسی نئی نبوّت کی ضرورت باقی نہیں رہی۔ نبوّت جب سے شروع ہوئی اور جن کمالات کو لے کر شروع ہوئی تھی اور آخرکار جس حد پر رُکی اور ختم ہوئی اور اس کے اوّل سے آخر تک جس قدر بھی کمالاتِ نبوّت طبقہ انبیاء میں سے کسی کو ملے وہ سب کے سب خاتم النّبیین میں آکر جمع ہوگئے۔ یہ کمال جامعیت آپ صلی اللّٰہ علیہ وسلم کی نبوّت کے ساتھ خاص ہے۔

قرآن اور ختمِ نبوّت

قرآنِ حکیم کی ایک سو سے زائد آیات میں مسئلۂ ختمِ نبوّت بیان کیا گیا ہے، چند آیات یہ ہیں:

’’مَّا کَانَ مُحَمَّدٌ أَبَا أَحَدٍ مِّن رِّجَالِکُمْ وَلَکِن رَّسُولَ اللَّہِ وَخَاتَمَ النَّبِیِّیْنَ وَکَانَ اللَّہُ بِکُلِّ شَیْء ٍ عَلِیْماً‘‘

(الاحزاب:40)

’’محمد صلی اللّٰہ علیہ وسلم باپ نہیں کسی کے تم مردوں میں سے، لیکن اللّٰہ کے رسول ہیں۔‘‘

اور انبیائے کرام میں کوئی بھی اس کمالِ جامعیت سے متصف نہیں ہوا، ورنہ جہاں بھی کمالِ جامعیت کا اِجتماع ہوتا وہیں پر نبوّت ختم ہوجاتی اور آگے بڑھ کر یہاں تک نہ پہنچتی۔

خاتم النّبیین ہونا کمالِ جامعیت کی دلیل ہے

خاتم النّبیین کا جامع علومِ نبوّت، جامع اخلاقِ نبوّت، جامع احوالِ نبوّت، اور جامع شئونِ نبوّت ہونا ضروری ٹھہرا، پس آپ صلی اللّٰہ علیہ وسلم کی ذات جملہ انبیائے کرام کے کمالات کا خلاصہ ہوئی، بلکہ کائنات کے جملہ خصائل وفضائل کا خلاصہ ہوئی۔ ہر کمال آپ صلی اللّٰہ علیہ وسلم کی ذات میں جمع ہے اور ہر جمال آپ صلی اللّٰہ علیہ وسلم کی ذات سے متصف ہے۔ گویا ہر جمال وکمال وخوبی وحسن وہی ہوگا جو آپ صلی اللّٰہ علیہ وسلم کی ذات میں جمع ہو، ورنہ وہ خوبی وکمال نہیں ہوگا۔ پس دامنِ مصطفی سے جدا ہوکر کوئی شے کمالِ خوبی کے نام سے تعبیر نہیں کی جاسکتی۔ علم کمال ہے، بے علمی کمال نہیں۔ تصرف کمال ہے، عاجزی کمال نہیں۔ حیات کمال ہے،

موت کمال نہیں۔ لہٰذا جب آپ صلی اللّٰہ علیہ وسلم کو جامع کمالات تسلیم کرنا ضروری ٹھہرا پھر آپ صلی اللّٰہ علیہ وسلم کے علمی کمال اور تصرف کے کمال کو بعد از وصال حیات کے کمالات کو تسلیم کرنا ضروری ہوگا۔ جیسے کمالات کی حد ہوئی اسی طرح شریعت بھی مکمل ہوئی، کیونکہ کمالات علم وعمل پر ہی شریعتوں کی بنیاد ہے۔ جب یہ کمالات اپنے آخری کنارے کو پہنچے تو اس کا صاف مطلب یہ نکلا کہ شریعت اور دِین بھی آکر خاتم پر مکمل ہوگیا اور شریعت ودِین کا بھی کوئی تکمیل طلب حصہ باقی نہیں رہا کہ اسے پہنچانے اور مکمل کرنے کے لئے کسی اور نبی کوبھیجا جائے، اس لئے جب آپ صلی اللّٰہ علیہ وسلم خاتم النّبیین ہوئے تو خاتم الشرائع، خاتم الادیان اور خاتم الکتب یا بالفاظِ دیگر کامل الشریعت، کامل الدین اور کامل الکتاب ہونا بھی ضروری ہوا۔ اور یہ ایک حقیقت ہے کہ کامل ہی ناقص کے لئے ناسخ بن سکتا ہے، نہ کہ ناقص کامل کے لئے، اس لئے شریعتِ محمدی بوجہ اپنے اِنتہائی کمال اور ناقابلِ تغیر وتبدل ہونے کے سابقہ شریعتوں کو منسوخ کرنے کی حق دار ٹھہرتی ہے، اور یہ ایک حقیقت ہے کہ ناسخ آخر میں آتا ہے اور منسوخ اس سے مقدم ہوتا ہے، آنحضرت صلی اللّٰہ علیہ وسلم فرماتے ہیں:

’’انا خاتم النبیین لَا نبی بعدی‘‘(۱)

’’حالانکہ میں آخری نبی ہوں، میرے بعد کسی کو نبوّت نہیں مل سکتی۔‘‘

ختمِ نبوّت

لا اِلٰہ اِلَّا اللّٰہ میں ’’اِلٰہ‘‘ نکرہ ہے جو عموم پر دال ہے، اور جب نکرہ پر حرفِ نفی داخل ہوجائے تو معنی حصر کا ہوتا ہے کہ اللّٰہ تعالیٰ کے سوا کسی طرح کا کوئی معبود نہیں، نہ اصلی، نہ ظلّی، نہ بروزی، نہ مراقی، نہ مذاقی۔ اسی طرح ہی’’لَا نبی بعدی‘‘ کہ میرے بعد کوئی نبی نہیں۔ آپ صلی اللّٰہ علیہ وسلم نے فرمایا:

’’انی عبدﷲ وخاتم النبیین‘‘ (رواہ البیھقی)

’’میں اللّٰہ تعالیٰ کا بندہ اور خاتم النّبیین ہوں۔‘‘

آپ صلی اللّٰہ علیہ وسلم نے نبوّت کو قصر (محل) سے تشبیہ دے کر اپنی ختمِ نبوّت کی حقیقت یوں واضح فرمائی:

’’فکنت انا سددت موضع تلک اللبنۃ فتم بی البنیان وختم بی الرسل‘‘

(کنز العمال ج:۱۱ ص:۴۵۳، حدیث نمبر:۳۲۱۲۷ طبع مؤَسسۃ الرسالۃ)

خاتم، خَتَمٌ سے بنا ہے، اس کے معنی افضل نہیں، ورنہ ’’خَتَمَ اللہُ عَلَی قُلُوبِہمْ وَعَلَی سَمْعِہِمْ ‘‘ (البقرۃ:۷) کے معنی یہ ہوتے اور کئے جاتے کہ اللّٰہ تعالیٰ نے کافروں کے دِل اور کان افضل کردئیے (العیاذباللّٰہ)۔ ختم کا معنی آخری ہی ہے جیسے آنحضرت صلی اللّٰہ علیہ وسلم نے حضرت عباس رضی اللّٰہ عنہ کو فرمایا:

’’انت خاتم المھاجرین‘‘(۲)

(۱) ابو داوٗد ج:۲ ص:۲۲۸، کتاب الفتن، طبع ایچ ایم سعید کراچی۔

(۲) حدیث کے الفاظ یہ ہیں: إطمئن یا عم فإنک خاتم المھاجرین فی الھجرۃ۔ إلخ (کنز العمال ج:۱۳ ص:۵۱۹، طبع مؤَسسۃ الرسالۃ

’’تم مہاجرین میں آخری مہاجر ہو۔‘‘

کیونکہ انہوں نے فتحِ مکہ کے دن ہجرت کی، اس کے بعد ہجرت بند ہوگئی۔

آنحضرت صلی اللّٰہ علیہ وسلم نے فرمایا:

’’لَا ھجرۃ الیوم‘‘(۱)

’’آج کے بعد اب مکہ سے ہجرت نہ ہوگی۔‘‘

یعنی مکہ فتح ہوجانے کے بعد مسلمانوں کے پاس ہی رہے گا۔ خاتم المہاجرین کے معنی افضل المہاجرین نہیں کئے جاسکتے۔

تمام مفسرین نے خاتم النّبیین کی یہی تفسیر کی ہے کہ آنحضرت صلی اللّٰہ علیہ وسلم کے بعد کسی کو نبوّت نہیں مل سکتی۔ آنحضرت صلی اللّٰہ علیہ وسلم اللّٰہ کے رسول ہیں اور خاتم النّبیین، آپ صلی اللّٰہ علیہ وسلم پر نبوّت کو ختم کیا اور اس پر مہر لگادی۔ پس آپ صلی اللّٰہ علیہ وسلم کے بعد نبوّت کسی پر نہ کھولی جائے گی قیامت قائم ہونے تک۔ اور ایسا ہی اَئمہ تفسیر، صحابہؓ وتابعینؒ نے فرمایا۔ کسی قادیانی کے عقلی ڈھکوسلوں پر کان نہیں دھرنے چاہئیں، کیونکہ دِین نقل سے پہنچا ہے، عقل سے نہیں۔ دِین عقل کے مطابق ہے، لیکن ہر کس وناکس کی عقل میں دِین کی ہر ہر بات کا آجانا ضروری نہیں۔ باقی اگر اپنے اِیمان کو محفوظ کرنا چاہتے ہیں تو اس کا ایک ہی طریقہ ہے کہ صحبتِ بد کو ترک کردو۔ اِسلام کا آغاز ہی’’لا الہ الا ﷲ محمد رسول ﷲ‘‘ سے ہوا ہے، اِثبات بعد میں ہے، نفی پہلے ہے، لہٰذا توحید میں غیرِخدا کی نفی کرنا شرطِ اوّل ہے، اسی طرح محمد رسول اللّٰہ صلی اللّٰہ علیہ وسلم کی غلامی کی پہلی شرط دشمن وگستاخ اور منکرِ ختمِ نبوّت کا قولی وعملی رَدّ ہے۔ سو بار غلامی کا دعویٰ کیا جائے لیکن ان کی صحبت ترک نہ کی جائے تو یہ دعویٰ کامل نہیں ہوسکتا۔ لہٰذا ان قادیانیوں کی صحبت سے خود بھی بچو اور دُوسروں کو بھی بچاؤ۔ اللّٰہ تعالیٰ ہم سب کو ختمِ نبوّت کے منکرین کے عقلی ڈھکوسلوں سے بچنے کی توفیق عطا فرمائے، آمین!

نوٹ:۔۔۔ مذکورہ بالا بحث کی مزید تفصیل کے لئے قاری محمد طیب صاحب مہتمم دارالعلوم دیوبند کی ’’ختمِ نبوّت‘‘ کتاب لائقِ مطالعہ ہے۔

(فتاویٰ حکیمیہ ص:۱۶۱ تا ۱۷۰)

✨ 🌟 ✨

(۱) وحدثنی الأوزاعی عن عطاء بن ابی رباح قال زرت عائشۃ مع عبید بن عمیر اللیثی فسألناھا عن الھجرۃ فقالت: لا ھجرۃ بعد الیوم۔ (بخاری ج:۱ ص:۵۵۱) باب ھجرۃ النبی صلی اﷲ علیہ وسلم واصحابہ إلی المدینۃ، (طبع نور محمد کتب خانہ)۔

فتنۂ اِنکارِ ختمِ نبوّت

نبوّت ورِسالت کی اقسام

نبوّت تشریعی وغیرتشریعی

سوال:۔۔۔ صاحبِ شریعت کس نبی کو کہتے ہیں؟ اس کی تعریف کیا ہے؟ غیرتشریعی نبی کس کو کہتے ہیں؟ اس کی تعریف کیا ہے؟

جواب:۔۔۔ حامدًا ومصلّیًا! جس کی شریعت مستقل ہو۔ (وہ صاحبِ شریعت نبی کہلاتا ہے ۔۔۔ناقل) اور جو دُوسرے نبی کے تابع ہو۔ (وہ غیرتشریعی نبی کہلاتا ہے ۔۔۔ناقل)

(فتاویٰ محمودیہ ج:۱ ص:۳۷۲)

مرزا ظلّی وبروزی نبی

سوال مرزائی:۔۔۔ کیا مرزا قادیانی نبی ظلّی وبروزی تھے؟

جواب حنفی:۔۔۔ نبی کریم صلی اللّٰہ علیہ وسلم کے بعد جو شخص دعویٰ نبوّت کا نئے سرے سے کرے وہ کافر ومفتری وجہنمی ہے، کیونکہ یہ سلسلۂ نبوّت ختم ہے۔ ہاں! البتہ عالم، فاضل، مجدد، غوث، قطب، ہادی، مہدی، متبع نبی کے ہوکر، تااِنتظامِ عالم تک آتے رہیں گے، جن کے ذریعے سے تبلیغ اسلام ہر دور و ہر فرد کے کانوں تک پہنچتی رہے گی، اور قلبِ مؤمنین انوار تجلیاتِ اِلٰہیہ سے اپنے اپنے مقامات کو مشاہدہ فرماتے رہیں گے، لیکن یاد رکھنا کہ خاتم الانبیاء صاحبِ جامع کمالات والبرکات محمد صلی اللّٰہ علیہ وسلم کے بعد نئے نبی کا آنا محال ہے، چنانچہ ذیل کے دلائل سے ظاہر ہوتا ہے:

’’مَّا کَانَ مُحَمَّدٌ أَبَا أَحَدٍ مِّن رِّجَالِکُمْ وَلَکِن رَّسُولَ اللَّہِ وَخَاتَمَ النَّبِیِّیْنَ وَکَانَ اللَّہُ بِکُلِّ شَیْءٍ عَلِیْماً‘‘

(الاحزاب:۴۰)

’’وَمَا أَرْسَلْنَاکَ إِلَّا کَافَّۃً لِّلنَّاسِ ‘‘

(سبا:۲۸)

’’ یَا أَیُّہَا النَّاسُ إِنِّیْ رَسُولُ اللہِ إِلَیْکُمْ جَمِیْعاً ‘‘

(الاعراف:۱۵۸)

’’تَبَارَکَ الَّذِیْ نَزَّلَ الْفُرْقَانَ عَلَی عَبْدِہِ لِیَکُونَ لِلْعَالَمِیْنَ نَذِیْراً ‘‘

(الفرقان:۱)

’’الْیَوْمَ أَکْمَلْتُ لَکُمْ دِیْنَکُمْ وَأَتْمَمْتُ عَلَیْکُمْ نِعْمَتِیْ وَرَضِیْتُ لَکُمُ الإِسْلاَمَ دِیْناً‘‘

(المائدۃ:۳)

’’وَمَا أَرْسَلْنَاکَ إِلَّا رَحْمَۃً لِّلْعَالَمِیْنَ ‘‘

(الانبیاء:۱۰۷)

’’وَمَا أَرْسَلْنَا مِن رَّسُولٍ إِلاَّ لِیُطَاعَ بِإِذْنِ اللہِ ‘‘

(النساء:۶۴)

’’وَمَا أَرْسَلْنَا مِن رَّسُولٍ إِلاَّ بِلِسَانِ قَوْمِہِ‘‘

(ابراہیم:۴)

’’فَبَعَثَ اللہُ النَّبِیِّیْنَ مُبَشِّرِیْنَ وَمُنذِرِیْنَ وَأَنزَلَ مَعَہُمُ الْکِتَابَ بِالْحَقِّ لِیَحْکُمَ بَیْنَ النَّاسِ‘‘

(البقرۃ:۲۱۳)

’’لَقَدْ أَرْسَلْنَا رُسُلَنَا بِالْبَیِّنَاتِ وَأَنزَلْنَا مَعَہُمُ الْکِتَابَ وَالْمِیْزَانَ‘‘

(الحدید:۲۵)

’’فَإِنَّہُ نَزَّلَہُ عَلَی قَلْبِکَ بِإِذْنِ اللہِ ‘‘

(البقرۃ:۹۷)

’’إِنَّا أَوْحَیْنَا إِلَیْکَ کَمَا أَوْحَیْنَا إِلَی نُوحٍ وَالنَّبِیِّیْنَ مِن بَعْدِہِ‘‘

(النساء:۱۶۳)

’’وَمَا أَرْسَلْنَا مِن قَبْلِکَ إِلاَّ رِجَالاً نُّوحِیْ إِلَیْہِم‘‘

(یوسف:۱۰۹)

پس ان دلائلِ قاطعہ سے ثابت ہوا کہ بعد نبی صلی اللّٰہ علیہ وسلم کے کسی نئے نبی کے آنے کی ضرورت نہیں، کیونکہ نبیٔ کامل اور اکمل نبی آچکے تو پھر کامل اور اکمل کے بعد ناقص کا آنا کون سی عقل ہے؟ اور خود مرزاقادیانی لکھتے ہیں:

’’من نیستم رسول ونیا وردہ ام کتاب۔‘‘

(ایک غلطی کا ازالہ ص۷، خزائن ج۱۸ ص۲۱۱)

خود مرزا قادیانی لکھتے ہیں کہ:

’’قرآنِ کریم بعد خاتم النّبیین کے کسی رسول کا آنا جائز نہیں رکھتا، خواہ وہ نیا رسول ہو یا پُرانا، کیونکہ رسول کو علم دین بواسطہ جبرائیل ملتا ہے اور باب نزولِ جبرائیل بہ پیرایۂ وحیٔ رسالت مسدود ہے، اور یہ بات خود ممتنع ہے کہ دُنیا میں رسول تو آوے مگر سلسلۂ وحیٔ رسالت نہ ہو۔‘‘

(عبارت ازالہ اوہام ص:۷۶۱ ایضاً)

اسی طرح کتاب ’’انجام آتھم‘‘ (ص:۲۷، خزائن ج:۱۱ ص:۲۷) میں ہے

’’ومن قال بعد رسولنا وسیدنا انی نبی او رسول علٰی وجہ الحقیقۃ والإفتراء وترک القرآن واحکام الشریعۃ الغراء فھو کافر کذَّاب‘‘

اور ’’شہادت القرآن‘‘ (ص:۲۸، خزائن ج:۶ ص:۳۲۳،۳۲۴) میں یوں لکھتے ہیں کہ:

’’ہمارے سیّد ورسول صلی اللّٰہ علیہ وسلم خاتم الانبیاء ہیں اور آنحضرت صلی اللّٰہ علیہ وسلم کے بعد کوئی نبی نہیں آسکتا ہے۔ اس لئے اس شریعت میں نبی کے قائم مقام محدث رکھے گئے۔‘‘

اور ایسے ہی ’’تریاق القلوب‘‘ (ملخص ص:۳۰۴، خزائن ج:۱۵ ص:۴۳۲) میں ہے کہ:

’’میرا منکر کافر نہیں چونکہ میں ایک ملہم ہوں، انبیاء کا منکر کافر ہوتا ہے۔‘‘

اور مرزا لکھتے ہیں:

1. "ہست او خیر الرسل خیر الانام

   ہر نبوّت را برو شد اختتام"

(دُرِّثمین فارسی ص:۱۱۴)

پس ان عباراتِ مرزا سے خود واضح ہوا کہ جو شخص بعد خاتم الانبیاء صلی اللّٰہ علیہ وسلم کے دعویٔ نبوّت کرے وہ خود کافر ودجال ومفتری ہے، لہٰذا مرزاقادیانی ان الفاظ کے مصداق ہوئے۔

اور چند کذب مرزاقادیانی کے بطورِ نمونہ پیش کئے جاتے ہیں تاکہ ناظرین خود موازنہ کرلیں کہ مرزاقادیانی کس نمبر کے کذّاب تھے، وہو ھٰذا:

کتاب ’’حقیقۃ الوحی‘‘ (ص:۱۰۱، خزائن ج:۲۲ ص:۱۰۴ حاشیہ) میں بایں طور مسطور ہے کہ:

’’خدا کا قرآن شریف گواہی دیتا ہے کہ وہ مرگیا ہے اور اس کی قبر سری نگر کشمیر میں ہے۔‘‘

اور اسی طرح ’’کشتی نوح‘‘ (ص:۵، خزائن ج:۱۹ ص:۵) میں مرقوم ہے کہ:

’’قرآن مجید میں بلکہ توراۃ کے بعض صحیفوں میں یہ خبر موجود ہے کہ مسیحِ موعود کے وقت طاعون پڑے گی۔‘‘

’’تریاق القلوب‘‘ (برحاشیہ ص:۸۰، خزائن ج:۱۵ ص:۲۰۸) پر موجود ہے کہ:

’’احادیثِ نبویہ پر غور کرنے سے بصراحت معلوم ہوگا کہ وہ مسیحِ موعود حارث کہلائے گا۔ یعنی زمین دار اور زمین داری کے خاندان سے ہوگا۔‘‘

کتاب ’’حقیقۃ الوحی‘‘ (ص:۲۰۱، خزائن ج:۲۲ ص:۲۰۸) پر ہے کہ:

’’احادیثِ صحیحہ سے بھی ثابت ہوتا ہے کہ مسیحِ موعود چھٹے ہزار میں پیدا ہوگا، سو وہ میں ہوں۔‘‘

’’ضمیمہ تحفۂ گولڑویہ‘‘ (ص:۱۷، خزائن ج:۱۷ ص:۵۳) پر مرزا نے لکھا ہے کہ:

’’ضروری تھا کہ قرآن شریف اور احادیث کی وہ پیش گوئیاں پوری ہوتیں جن میں لکھا تھا کہ مسیحِ موعود جب ظاہر ہوگا تو اِسلامی علماء کے ہاتھ سے دُکھ اُٹھائے گا، وہ اس کو کافر قرار دیں گے اور اس کے قتل کے لئے فتوے دئیے جائیں گے اور اس کی سخت توہین کی جائے گی اور اس کو دائرۂ اسلام سے خارج اور دِین کا تباہ کرنے والا خیال کیا جائے گا۔ سو ان دنوں میں وہ پیشین گوئی انہیں مولویوں نے اپنے ہاتھوں پوری کی۔‘‘

کتاب ’’شہادت القرآن‘‘ (ص:۴۱، خزائن ج:۶ ص:۳۳۷) پر تحریر ہے کہ:

’’وہ خلیفہ جس کی نسبت بخاری میں لکھا ہے کہ آسمان سے اس کے لئے آواز آئے گی: ’’ھٰذا خلیفۃ ﷲ المہدی‘‘ آپ سوچو کہ یہ حدیث کس پایہ اور مرتبہ کی ہے جو اسی کتاب میں درج ہے جو ’’اصح

الکتب بعد کتاب ﷲ‘‘ ہے جس کا نام بخاری ہے۔‘‘

ناظرین انصاف کریں کہ کس حدیثِ صحیح میں ہے کہ قبر کشمیر میں ہے؟ پس ان تمام عبارتوں سے ثابت ہوتا ہے کہ مرزاقادیانی اپنے دعوے میں خود جھوٹے تھے، کیونکہ نہ تو کسی حدیثِ صحیح میں قبرِ حضرت عیسیٰ علیہ السلام کا کشمیر میں ہونے کا ذِکر ہے اور نہ ہی ان کے زمانے میں طاعون پڑنے کا ذِکر ہے، اور نہ ہی ان کے زمین دار ہونے کا بیان ہے، اور نہ ہی کہیں یہ لکھا ہے کہ مسلمان لوگ اس کے قتل کے لئے فتوے دیں گے اور اس کی توہین کریں گے اور حضرت عیسیٰ علیہ السلام کو دائرۂ اسلام سے خارج کریں گے، اور نہ ہی بخاری شریف میں ’’ھٰذا خلیفۃ ﷲ المہدی‘‘ لکھا ہے۔

ناظرین! مرزاقادیانی آنجہانی کے اِفترا وکذبات ہیں، اگر کوئی مرزائی یہ کلمات پیش کردہ دِکھادے تو یک صد روپیہ اِنعام حاصل کرے۔ اور علاوہ اس کے خود مرزا آنجہانی اپنی کتاب ’’آئینۂ کمالاتِ اسلام‘‘ (ص:۲۸۸، خزائن ج:۵ ص:۲۸۸) میں لکھتا ہے کہ:

’’ہمارے صدق وکذب جانچنے کے لئے ہماری پیشین گوئی سے بڑھ کر اور کوئی محک امتحان نہیں ہوسکتا۔‘‘

اور ’’چشمہ معرفت‘‘ (ص:۲۲۲، خزائن ج:۲۳ ص:۲۳۱) میں لکھتا ہے کہ:

’’جب کوئی ایک بات میں کوئی جھوٹا ثابت ہوجائے تو پھر دُوسری باتوں میں بھی اس پر اِعتبار نہیں رہتا۔‘‘

پس میں دعوے سے کہتا ہوں کہ مرزاقادیانی کی یہ سب باتیں جھوٹی ہیں، لہٰذا کذّاب ودجال ٹھہرا۔ اگر کسی مرزائی کو شک ہو تو مردِ میدان بن کر ان سب باتوں میں سے ان کی ایک بات ہی صحیح کردے، اور علاوہ اس کے کتاب ’’قہرِیزدانی برقلعۂ قادیانی‘‘ میں حیات وممات حضرت عیسیٰ علیہ السلام پر بدلائل قاطعہ پوری پوری بحث کی گئی ہے۔

(فتاویٰ نظامیہ ص:۸۹۱ تا ۸۹۵)

مہاتمابدھ کے متعلق عقیدۂ نبوّت دُرست نہیں

سوال:۔۔۔ قرآن مجید میں اللّٰہ تعالیٰ کا ارشاد ہے: ۱:۔۔۔’’لِکُلِّ قَوْمٍ ہَادٍ‘‘ (الرعد:۷)۔ ۲:۔۔۔ ’’وَإِن مِّنْ أُمَّۃٍ إِلَّا خلَا فِیْہَا نَذِیْرٌ‘‘ (فاطر:۲۴) ان آیات سے معلوم ہوتا ہے کہ ہر قوم کے لئے کوئی نہ کوئی پیغمبر آیا ہے۔ تو ہندوستان میں بھی کوئی پیغمبر آیا ہوگا، جبکہ مہاتمابدھ کی تعلیمات بھی انبیائے کرام کی تعلیمات کے مطابق ہیں، تو کیا اس کو بھی نبی ماننا دُرست ہے یا نہیں؟

جواب:۔۔۔ مذکورہ بالا آیتوں کا مطلب یہ ہے کہ حضور انور صلی اللّٰہ علیہ وسلم سے پہلے کوئی قوم یا اُمت ایسی نہیں گزری ہے جس میں ہادی (راہ بتلانے والا)، نذیر (ڈرانے والا) نہ آیا ہو۔ لیکن اس سے یہ نتیجہ نکالنا صریح غلطی ہے کہ جو بھی مذہبی راہ نما دُنیا میں گزرے ہیں، وہ پیغمبر ہی ہوں گے تاکہ ’’مہاتمابدھ‘‘ بھی نبی بن سکے۔

گزشتہ اقوام کے نبیوں کے بارے میں اسلامی شریعت کا قطعی فیصلہ یہ ہے کہ جن انبیاء کے متعلق کتاب وسنت میں کوئی تصریح نہ ہو تو ان کے متعلق ہم اِجمالی طور پر یہ عقیدہ رکھیں گے کہ جس کو اللّٰہ تعالیٰ نے مخلوق کی ہدایت کے لئے بھیجا ہے وہ نبی ہوگا، اور جس کویہ منصب نہیں ملا وہ نبی نہیں، اگرچہ اس کی تعلیمات شرائع آسمانی کے مطابق ہی کیوں نہ ہوں۔ زیادہ سے زیادہ اگر اس کے بارے میں کچھ کہہ سکتے ہیں تو وہ یہ کہ اس کی تعلیمات اگر شرک سے پاک اور توحید پر مشتمل ہوں تو وہ ایک نیک آدمی ہوگا۔

الحاصل! حضور انور صلی اللّٰہ علیہ وسلم سے پہلے بجز ان حضرات کے جن کی نبوّت پر قرآن وحدیث میں تصریح کی گئی ہو، کسی دُوسرے شخص کے بارے میں خصوصی طور پر یہ نہیں کہا جاسکتا کہ وہ نبی ہے اور نہ یہ کہا جاسکتا ہے کہ وہ نبی نہیں، اِحتمال ہے کہ نبی ہو اور یہ بھی اِحتمال ہے کہ نبی نہ ہو۔

باقی رہا حضور انور صلی اللّٰہ علیہ وسلم کے بعد کا معاملہ تو اس کے متعلق اسلام کا قطعی فیصلہ یہ ہے کہ حضور انور صلی اللّٰہ علیہ وسلم کی بعثت کے بعد تاقیامت کسی شخص کو کسی قسم کی نئی نبوّت نہیں مل سکتی، خواہ وہ تشریعی ہو یا غیرتشریعی! اور جس کسی نے بھی نئی قسم کی نبوّت کا دعویٰ کیا تو وہ کافر ہوکر دائرۂ اسلام سے خارج ہوگا اور جو بھی اس کو نبی مانے گا وہ بھی کافر ہوگا۔

’’قال الشیخ ظفر احمد العثمانی: قال الموفق فی ’’المغنی‘‘: ومن ادعی النبوۃ او صدق من ادعاھا فقد ارتد لأن مسیلمۃ لما ادعی النبوۃ فصدقہ قومہ صاروا بذالک مرتدین ۔۔۔۔۔۔إلخ۔‘‘

(إعلاء السُّنن ج:۱۲ ص:۵۹۸، باب من ادعی النبوۃ او صدق من ادعاھا)

(فتاویٰ حقانیہ ج:۱ ص:۱۵۶، ۱۵۷)

ختمِ نبوّت کا منکر کافر ہے

سوال:۔۔۔ حضور اکرم صلی اللّٰہ علیہ وسلم کی ختمِ نبوّت کا عقیدہ رکھنا فرض ہے یا سنت یا مستحب؟ اور اِنکارِ ختمِ نبوّت کفر ہے یا معمولی گناہ؟

جواب:۔۔۔ عقیدۂ ختمِ نبوّت بنص قرآن وحدیث فرض ہے۔ رسول اللّٰہ صلی اللّٰہ علیہ وسلم کو خاتم الانبیاء والمرسلین اور آپ صلی اللّٰہ علیہ وسلم کے لائے ہوئے دِین کو خاتم الادیان سمجھنا فرض ہے۔ آپ صلی اللّٰہ علیہ وسلم کی ختمِ نبوّت کا منکر اور آپ صلی اللّٰہ علیہ وسلم کے بعد کسی نئے نبی کے آنے کا معتقد کافر اور دائرۂ اسلام سے خارج ہے۔

قال ﷲ تبارک وتعالٰی:

’’مَّا کَانَ مُحَمَّدٌ أَبَا أَحَدٍ مِّن رِّجَالِکُمْ وَلَکِن رَّسُولَ اللَّہِ وَخَاتَمَ النَّبِیِّیْنَ‘‘

’’عن ابی ھریرۃ رضی ﷲ عنہ قال: قال رسول ﷲ صلی ﷲ علیہ وسلم: مثلی ومثل الأنبیاء کمثل قصر احسن بنیانہ تُرِکَ منہ موضع لبنۃٍ، فطاف بہ النظَّار یتعجبون من حسن بنیانہ إلَّا موضع تلک اللبنۃ، فکنتُ اَنَا فسَدَدْتُ موضع اللبنۃِ، ختم بی البنیان وختم بی الرُّسل۔ وفی

روایۃ: فأنا اللبنۃ وانا خاتم النبیین۔‘‘ متفقٌ علیہ

(بخاری ج:۱ ص:۵۰۱، أیضًا: مشکوٰۃ ص:۵۱۱، باب فضائل سید المرسلین، الفصل الأوّل، طبع قدیمی)

(فتاویٰ حقانیہ ج:۱ ص:۱۴۸)

منکرینِ ختمِ نبوّت کو مسلمان سمجھنا کفر ہے

سوال۱:۔۔۔ کیا جس جماعت میں خدا کے منکر کمیونسٹ، ختمِ نبوّت کے منکر مرزائی، جنت دوزخ، عذاب ثواب اور فرشتوں کے منکر نیچری بحیثیت مسلم شامل ہوں، اس جماعت میں شامل ہونا اور اسے مسلمانوں کی واحد نمائندہ جماعت قرار دینا، اور اس جماعت کے نمائندے کو مسلمانوں کا نمائندہ سمجھ کر اِنتخاب میں کامیاب بنانے کی کوشش کرنا، یا ووٹ دینا، شرعاً حلال ہے یا حرام؟ اور یہ تینوں گروہ مسلمان ہیں یا کافر؟ نیز ان تینوں گروہوں کے عقائدِ باطلہ سے واقف ہونے کے باوجود ان کو مسلمان قرار دینے والوں کا کیا حکم ہے؟

۲:۔۔۔ کیا جو شخص سوِل میرج ایکٹ کو اپنا ذاتی عقیدہ قرار دے، جس میں ہر مسلمان مرد اور عورت کا نکاح غیرمسلم عورت مرد سے جائز قرار دِیا گیا ہو، اور نکاح کے وقت فریقین کو اپنے مذہبی عقائد سے اِنکار کرنا پڑتا ہے، اس شخص کا کیا حکم ہے؟ اور جو لوگ ایسے شخص کے اس قسم کے عقیدے سے واقف ہونے کے باوجود اسے مسلمان قرار دیں، ان کا کیا حکم ہے؟

۳:۔۔۔ کیا وہ شخص جو اِسلام کا دعویٰ کرتا ہو لیکن ایسے قرآنی اَحکام کو جو نصِ قرآنی سے ثابت ہیں، جیسے عقدِ نکاح، تقسیمِ وراثت وغیرہ کو موجودہ دورِ ترقی میں رُکاوٹ سمجھتا ہو، اور اَحکامِ قرآن کے خلاف جو قانون حکومت نے پاس کئے ہوں، ان کی پیروی کی ترغیب دیتا ہو، تاکہ مسلمان مقتضیاتِ زمانہ اور موجودہ ضروریات کا ساتھ دے سکیں، مسلمان ہے یا کافر؟ اور ایسے شخص کے اس قسم کے عقائد سے واقف ہونے کے باوجود اسے مسلمان قرار دینے والے کے متعلق کیا حکم ہے؟

۴:۔۔۔ کیا جو شخص قرآنِ کریم کے صریح اَحکام کی مخالفت کرنے والوں کو ترقی پذیر اور مبنی براِنصاف قرار دے ۔۔۔جیسا کہ مسٹر محمد علی جناح صاحب نے سوِل میرج ایکٹ کی ترمیم پر تقریر کرتے ہوئے ارشاد فرمایا ہے۔۔۔ ایسا شخص مسلمان ہے یا کافر؟ اور ایسے شخص کے اس قسم کے عقائد سے واقف ہونے کے باوجود اسے مسلمان قرار دینے والوں کے متعلق کیا حکم ہے؟

۵:۔۔۔ کیا جو شخص کلمہ گو ہونے کے باوجود مندرجہ بالا عقائد رکھتا ہو، مسلمان ہے یا کافر؟ اور ایسے شخص کو مسلمان قرار دینے والوں کا کیا حکم ہے؟

المستفتی: محمد یٰسین نعت خواں (لدھیانہ)

مورخہ ۲۰؍محرم ۱۳۶۵ھ

جواب۱:۔۔۔ جو شخص خدا کے منکروں، ختمِ نبوّت کے منکروں، عذاب وثواب کے منکروں کو مسلمان سمجھے، وہ خود بھی

اسلام سے خارج ہے۔(۱)

۲:۔۔۔ جو شخص سوِل میرج ایکٹ کے ماتحت نکاح کرے اور اپنے مذہب سے قطعی منکر ہوجائے، وہ اسلام سے خارج ہے اور جب تک توبہ کرکے دوبارہ اسلام نہ لائے، مسلمان نہیں۔

۳:۔۔۔ قرآنی اَحکام کو موجودہ دورِ ترقی کے خلاف اور مانعِ ترقی سمجھنا صریح گمراہی ہے، ایسا شخص اسلام کے خلاف ہے۔

۴:۔۔۔ جو شخص قرآنی اَحکام کے خلاف کرنے والوں کو ترقی پذیر بتائے اور ان کے افعال کو مبنی براِنصاف سمجھے، وہ مسلمان نہیں۔

۵:۔۔۔ ایسا شخص جو مذکورہ بالا عقائد رکھتا ہو، صرف نام کا مسلمان ہے، ورنہ اسلامی عقائد واَحکام کا مخالف اور حقیقی اسلام سے خارج ہے۔

محمد کفایت اللّٰہ کان اللّٰہ لہٗ ، دہلی

(کفایت المفتی ج:۹ ص:۴۴۳، ۴۴۴)

ختمِ نبوّت کی تحریک کی اِبتدا کب ہوئی؟

سوال:۔۔۔ ختمِ نبوّت کی تحریک کی اِبتدا کب ہوئی؟ آیا رسول اللّٰہ صلی اللّٰہ علیہ وسلم کی وفات کے بعد جب جھوٹے مدعیانِ نبوّت نے دعویٰ کیا تھا، یا کسی اور دور میں؟

جواب:۔۔۔ ختمِ نبوّت کی تحریک آنحضرت صلی اللّٰہ علیہ وسلم کے ارشاد: ’’انا خاتم النبیین لَا نبی بعدی‘‘ سے ہوئی۔ حضرت صدیق اکبر رضی اللّٰہ عنہ نے مدعیانِ نبوّت کے خلاف جہاد کرکے اس تحریک کو پروان چڑھایا۔(۲)

(آپ کے مسائل اور اُن کا حل ج:۱ ص:۲۴۵)

✨ 🌟 ✨

(۱)إذا رأی منکرًا معلومًا من الدین بالضرورۃ فلم ینکرہ ولم یکرھہ ورضی بہ واستحسنہ کان کافرًا۔ (مرقاۃ شرح مشکوٰۃ ج:۵ ص:۳، باب الأمر بالمعروف، طبع بمبئی)

(۲)البدایۃ والنھایۃ ج:۶ ص:۳۱۱-۳۱۶، فصل فی تصدی الصدیق لقتال اھل الردۃ ومانعی الزکوۃ، (طبع دار الفکر بیروت)

بابِ سوم

قادیانی عقائد

قادیانی عقیدے کے مطابق مرزا غلام احمد قادیانی ہی ۔۔نعوذباللّٰہ۔۔ محمد رسول اللّٰہ ہیں

سوال:۔۔۔ اخبار ’’جنگ‘‘ میں ’’آپ کے مسائل اور اُن کا حل‘‘ کے زیرِ عنوان آپ نے مسلمان اور قادیانی کے کلمے میں کیا فرق ہے؟ مرزا بشیر احمد قادیانی کی تحریر کا حوالہ دے کر لکھا ہے کہ:

’’یہ مسلمانوں اور قادیانیوں کے کلمے میں دُوسرا فرق ہے کہ مسلمانوں کے کلمہ شریف میں ’’محمد رسول اللّٰہ‘‘ سے آنحضرت صلی اللّٰہ علیہ وسلم مراد ہیں، اور قادیانی جب ’’محمد رسول اللّٰہ‘‘ کہتے ہیں تو اس سے مرزا غلام احمد قادیانی مراد ہوتے ہیں۔‘‘

مکرم جناب مولانا صاحب! میں خدا کے فضل سے احمدی ہوں اور اللّٰہ تعالیٰ کو حاضر وناظر جان کر حلفیہ کہتا ہوں کہ میں جب کلمہ شریف میں ’’محمد رسول اللّٰہ‘‘ پڑھتا ہوں تو اس سے مراد آنحضرت صلی اللّٰہ علیہ وسلم ہی ہوتے ہیں، ’’مرزا غلام احمد قادیانی‘‘ نہیں ہوتے۔ اگر میں اس معاملے میں جھوٹ بولتا ہوں تو اللّٰہ تعالیٰ، اس کے فرشتوں اور تمام مخلوق کی طرف سے مجھ پر ہزار بار لعنت ہو۔ اور اسی یقین کے ساتھ یہ بھی کہتا ہوں کہ کوئی احمدی کلمہ شریف میں ’’محمد رسول اللّٰہ‘‘ سے مراد بجائے آنحضرت صلی اللّٰہ علیہ وسلم کے ’’مرزا غلام احمد قادیانی‘‘ نہیں لیتا۔ اگر آپ اپنے دعوے میں سچے ہیں تو اسی طرح حلفیہ بیان اخبار ’’جنگ‘‘ میں شائع کروائیں کہ درحقیقت احمدی لوگ (یا آپ کے قول کے مطابق ’’قادیانی‘‘) کلمہ شریف میں ’’محمد رسول اللّٰہ‘‘ سے مراد آنحضرت صلی اللّٰہ علیہ وسلم نہیں، بلکہ مرزا غلام احمد قادیانی لیتے ہیں۔ اگر آپ نے ایسا حلف شائع کروادیا تو سمجھا جائے گا کہ آپ اپنے بیان میں مخلص ہیں، اور پھر اللّٰہ تعالیٰ فیصلہ کردے گا کہ کون اپنے دعوے یا بیان میں سچا اور کون جھوٹا ہے۔ اگر آپ نے ایسا نہ کیا تو ظاہر ہوجائے گا کہ آپ کے بیان کی بنیاد، خلوص، دیانت اور تقویٰ پر نہیں، بلکہ یہ محض ایک کلمہ گو جماعت پر اِفترا اور اِتہام ہوگا، جو ایک عالم کو زیب نہیں دیتا۔

نوٹ:۔۔۔ اگر آپ اپنا حلف شائع نہ کرسکیں تو میرا یہ خط شائع کردیں تاکہ قارئین کو حقیقت معلوم ہوسکے۔

جواب:۔۔۔ نامہ کرم موصول ہوکر موجبِ سرفرازی ہوا۔ جناب نے جو کچھ لکھا، میری توقع کے عین مطابق لکھا ہے۔ مجھے یہی توقع تھی کہ آپ کی جماعت کی نئی نسل جناب مرزاقادیانی کے اصل عقائد سے بے خبر ہے، اور جس طرح عیسائی ’’تین ایک‘‘، ’’ایک تین‘‘ کا مطلب سمجھے بغیر اس پر اِیمان رکھتے ہیں، اور ساتھ ہی توحید کا بھی بڑے زور وشور سے اِعلان کرتے ہیں،

آپ نے لکھا ہے کہ آپ ’’محمد رسول اللّٰہ‘‘ سے مرزاقادیانی کو نہیں، بلکہ آنحضرت صلی اللّٰہ علیہ وسلم ہی کی ذاتِ عالی کو مراد لیتے ہیں، اور یہ کہ اگر آپ ایسا عقیدہ رکھتے ہوں تو فلاں فلاں کی ہزار لعنتیں آپ پر ہوں۔ مگر آپ کے مراد لینے نہ لینے کو میں کیا کروں؟ مجھے تو یہ بتائیے کہ میں نے یہ بات بے دلیل کہی یا مدلل؟ اور اپنی طرف سے خود گھڑ کر کہہ دی ہے یا مرزاقادیانی اور ان کی جماعت کے حوالوں سے؟ جب میں ایک بات دلیل کے ساتھ کہہ رہا ہوں تو مجھے قسمیں کھانے کی کیا ضرورت؟ اور اگر قسموں ہی کی ضرورت ہے تو میری طرف سے اللّٰہ تعالیٰ ’’اِنَّكَ لَرَسُولُ ﷲِ‘‘ کی قسمیں کھانے والوں کے مقابلے میں ’’اِنَّ المُنٰفِقِینَ لَكٰذِبُونَ‘‘ کی قسم کھاچکا ہے۔

میرے بھائی! بحث قسموں کی نہیں، عقیدے کی ہے۔ جب آپ کی جماعت کا لٹریچر پکار رہا ہے کہ مرزاقادیانی ’’محمد رسول اللّٰہ‘‘ ہیں، وہی رحمۃللعالمین، وہی ساقیٔ کوثر ہیں، انہی کے لئے کائنات پیدا کی گئی، انہی پر اِیمان لانے کا سب نبیوں سے (بشمول محمد رسول اللّٰہ صلی اللّٰہ علیہ وسلم کے) عہد لیا گیا، اور مصطفی اور مرزا میں سرے سے کوئی فرق ہی نہیں، بلکہ دونوں بعینہٖ ایک ہیں، وغیرہ وغیرہ، اور اسی پر بس نہیں، بلکہ یہ بھی فرمایا جاتا ہے کہ: ’’مرزاقادیانی بعینہٖ محمد رسول اللّٰہ ہیں، اس لئے ہمیں کسی اور کلمے کی ضرورت نہیں، ہاں! کوئی دُوسرا آتا تو ضرورت ہوتی۔‘‘ اور پھر اسی بنیاد پر پُرانے محمد رسول اللّٰہ صلی اللّٰہ علیہ وسلم کے ماننے والوں کو منہ بھرکر کافر بھی کہا جاتا ہے، کیونکہ وہ نئے محمد رسول اللّٰہ کے منکر ہیں، تو فرمائیے کہ آپ کے ان سب عقائد کو جاننے کے باوجود میں کس دلیل سے تسلیم کرلوں کہ آپ نئے محمد رسول اللّٰہ کا نہیں بلکہ اسی پُرانے محمد رسول اللّٰہ صلی اللّٰہ علیہ وسلم کا کلمہ پڑھتے ہیں۔۔۔؟ اگر جناب کو میرے درج کردہ حوالوں میں شبہ ہو تو آپ تشریف لاکر ان کے بارے میں اِطمینان کرسکتے ہیں۔

(آپ کے مسائل اور اُن کا حل ج:۱ ص:۲۰۰ تا ۲۰۲)

مرزا قادیانی کا دعویٔ نبوّت

سوال:۔۔۔ ثابت کریں کہ مرزا غلام احمد قادیانی نے نبوّت کا دعویٰ کیا، ان کی تحریروں کے حوالے دیں۔ ہمارے محلے کے چند قادیانی اس بات کو تسلیم نہیں کرتے کہ مرزا نے نبوّت کا دعویٰ کیا۔

جواب:۔۔۔ مرزاقادیانی کے ماننے والوں کے دو گروہ ہیں: ایک لاہوری، دُوسرا قادیانی (جن کا مرکز پہلے قادیان تھا، اب چناب نگر ہے) ان دونوں کا اس بات پر تو اِتفاق ہے کہ مرزاقادیانی کے الہامات اور تحریروں میں باصرار وتکرار نبوّت کاد عویٰ کیا گیا ہے۔ لیکن لاہوری گروہ اس دعوائے نبوّت میں تأویل کرتا ہے، جبکہ قادیانی گروہ کسی تأویل کے بغیر مرزاقادیانی کے دعوائے نبوّت پر اِیمان لانا ضروری سمجھتا ہے۔

آپ سے جن صاحب کی گفتگو ہوئی ہے، وہ غالباً لاہوری گروہ کے ممبر ہوں گے۔ ان کی خدمت میں عرض کیجئے کہ یہ جھگڑا تو وہ اپنے گھر میں نمٹائیں کہ مرزاقادیانی کے دعوائے نبوّت کی کیا توجیہ وتأویل ہے؟ ہمارے لئے اتنی بات بس ہے کہ مرزاقادیانی

نے نبوّت کا دعویٰ کیا ہے اور دعویٰ بھی انہی لفظوں میں جن الفاظ میں آنحضرت صلی اللّٰہ علیہ وسلم نے کیا تھا، مثلاً:

’’یَا أَیُّہَا النَّاسُ إِنِّیْ رَسُولُ اللہِ إِلَیْکُمْ جَمِیْعاً‘‘

(الاعراف:۱۵۸)

’’قُلْ إِنَّمَا أَنَا بَشَرٌ مِّثْلُکُمْ یُوحَی إِلَیَّ‘‘

(الکہف:۱۱۰)

وغیرہ وغیرہ۔ مرزا کا انہیں الفاظ میں دعویٔ نبوّت کے لئے دیکھیں: تذکرہ ص:۳۵۲، ۸۹، ۲۴۵۔

اگر ان الفاظ سے بھی دعویٔ نبوّت ثابت نہیں ہوتا، تو یہ فرمایا جائے کہ کسی مدعیٔ نبوّت کو نبوّت کا دعویٰ کرنے کے لئے کیا الفاظ استعمال کرنے چاہئیں۔۔۔؟

رہیں دعویٔ نبوّت کی تأویلات! تو دُنیا میں کس چیز کی لوگ تأویلیں نہیں کرتے، بتوں کو خدا بنانے کے لئے لوگوں نے تأویلیں ہی کی تھیں، اور عیسیٰ علیہ السلام کو خدا کا بیٹا ماننے والے بھی تأویلیں ہی کرتے ہیں۔ جس طرح کسی اور کھلی ہوئی غلط بات یا غلط عقیدے کی تأویل لائقِ اِعتبار نہیں، اسی طرح حضرت خاتم النّبیین صلی اللّٰہ علیہ وسلم کے بعد نبوّت کا دعویٰ بھی قطعی غلط ہے اور اس کی کوئی تأویل ۔۔۔خواہ خود مدعی کی طرف سے کی گئی ہو، یا اس کے ماننے والوں کی جانب سے۔۔۔ لائقِ اِعتبار نہیں۔ دسویں صدی کے مجدد مُلَّا علی قاریؒ شرح فقہ اکبر ص:۲۰۲ میں فرماتے ہیں:

’’دعوی النبوۃ بعد نبینا صلی ﷲ علیہ وسلم کفرٌ بالإجماع‘‘

ترجمہ:۔۔۔ ’’ہمارے نبی صلی اللّٰہ علیہ وسلم کے بعد نبوّت کا دعویٰ بالاجماع کفر ہے۔‘‘

آگے چل کر وہ لکھتے ہیں کہ:

’’اگر نبوّت کا دعویٰ کرنے والا ہوش وحواس سے محروم ہو تو اس کو معذور سمجھا جائے گا، ورنہ اس کی گردن اُڑادی جائے گی۔‘‘(۱)

(آپ کے مسائل اور اُن کا حل ج:۱ ص:۲۰۲، ۲۰۳)

قادیانی عقائد

سوال:۔۔۔ مرزا غلام احمد قادیانی کے اقوال مندرجہ ذیل ہیں:

۱:۔۔۔ ’’آیت ’’مبشراً برسول یاتی من بعدی اسمہ احمد‘‘ کا مصداق میں ہوں۔‘‘

(ازالہ اوہام طبع اوّل ص:۶۷۳، خزائن ج:۳ ص:۴۶۳)

۲:۔۔۔ ’’مسیحِ موعود کے آنے کی خبر اَحادیث میں آئی ہے میں ہوں۔‘‘

(ازالہ اوہام طبع اوّل ص:۶۶۶، ۶۶۷، خزائن ج:۳ ص:۴۶۰)

۳:۔۔۔ ’’میں مہدی مسعود اور بعض نبیوں سے افضل ہوں۔‘‘

(معیار الاخیار ص:۱۱)

(۱) فإن تاب فبھا وإلَّا قُتِل۔ (شرح فقہ اکبر ص:۲۰۲، طبع بمبئی ھند)

۴:۔۔۔ ’’ان قدمی ھٰذہ علٰی منارۃ ختم علیہ کل رفعۃ‘‘

(خطبہ اِلہامیہ ص:۷۰، خزائن ج:۱۶ ص:۷۰)

۵:۔۔۔ ’’لا تقیسونی بأحد ولا احدًا بی‘‘

(خطبہ اِلہامیہ ص:۵۲، خزائن ج:۱۶ ص:۵۲)

۶:۔۔۔ ’’میں مسلمانوں کے لئے مسیح مہدی اور ہندوؤں کے لئے کرشن ہوں۔‘‘

(لیکچر سیالکوٹ ص:۳۳، خزائن ج:۲۰ ص:۲۲۸)

۷:۔۔۔ میں اِمام حسین سے افضل ہوں۔‘‘

(دافع البلاء ص:۱۳، خزائن ج:۱۸ ص:۲۳۳)

۸:۔۔۔

”وانی قتیل الحب لٰكن حسینكم

قتیل العدی فالفرق اجلی واظھر‘‘

(اعجاز احمدی ص:۸۱، طبع اوّل خزائن ج:۱۹ ص:۱۹۳)

۹:۔۔۔ ’’یسوع مسیح کی تین دادیاں اور تین نانیاں زناکار تھیں۔‘‘

(ضمیمہ انجام آتھم ص:۷، خزائن ج:۱۱ ص:۲۹۱)

۱۰:۔۔۔ ’’یسوع مسیح کو جھوٹ بولنے کی عادت تھی۔‘‘

(ضمیمہ انجام آتھم ص:۵، خزائن ج:۱۱، ص:۲۸۹)

۱۱:۔۔۔ ’’یسوع مسیح کے معجزات مسمریزم تھے، اس کے پاس بجز دھوکے کے اور کچھ نہ تھا۔‘‘

(ملخصاً ازالہ اوہام ص:۳۰۲،۳۰۳، خزائن ج:۳ ص:۲۵۹، وضمیمہ انجامِ آتھم ص:۷ خزائن ج:۱۱ ص:۲۹۱)

۱۲:۔۔۔ ’’میں نبی ہوں اور اس اُمت میں نبی کا نام میرے لئے مخصوص ہے۔‘‘

(حقیقۃ الوحی ص:۳۹۱، خزائن ج:۲۲ ص:۴۰۶، ۴۰۷)

۱۳:۔۔۔ ’’مجھے الہام ہوا: یا ایھا الناس إنّی رسول ﷲ إلیکم جمیعًا‘‘

(معیار الاخیار ص:۱۱)

۱۴:۔۔۔ ’’میرا منکر کافر ہے۔‘‘

(حقیقۃ الوحی ص:۳۹۱، خزائن ج:۲۲ ص:۱۶۷)

۱۵:۔۔۔ ’’میرے منکروں، بلکہ متأملوں کے پیچھے بھی نماز جائز نہیں۔‘‘

(فتاویٰ احمدیہ اوّل)

۱۶:۔۔۔ ’’مجھے خدا نے کہا: اسمع ولدی! اے میرے بیٹے سن۔‘‘

(البشریٰ ص:۴۹)

۱۷:۔۔۔ ’’لولاک لما خلقت الأفلاک‘‘

(حقیقۃ الوحی ص:۹۹، خزائن ج؛۲۲ ص:۱۰۲)

۱۸:۔۔۔ ’’میرا اِلہام ہے: وما ینطق عن الھوٰی‘‘

(اربعین ص:۳۶-۴۳، خزائن ج:۱۷ ص:۳۸۵)

۱۹:۔۔۔ ’’وما ارسلناک إلَّا رحمۃ للعالمین‘‘

(حقیقۃ الوحی ص:۸۲، خزائن ج:۲۲ ص:۸۵)

۲۰:۔۔۔ ’’انک لمن المرسلین‘‘

(حقیقۃ الوحی ص:۱۰۷، خزائن ج:۲۲ ص:۱۱۰)

۲۱:۔۔۔ ’’آتانی ما لم یؤْت احدًا من العالمین‘‘

(حقیقۃ الوحی ص:۱۰۷، خزائن ج:۲۲ ص:۱۱۰)

۲۲:۔۔۔ ’’ان ﷲ معک ان ﷲ یقوم اینما قمت‘‘

(ضمیمہ انجامِ آتھم ص:۱۷، خزائن ج:۱۱ ص:۳۰۱)

۲۳:۔۔۔ ’’مجھے حوضِ کوثر ملا ہے، انا اعطینٰک الکوثر‘‘

(انجامِ آتھم ص:۵۸، خزائن ج:۱۱ ص:۵۸)

۲۴:۔۔۔ ’’میں نے خواب میں دیکھا کہ میں ہوبہو اللّٰہ ہوں۔رایتنی فی المنام عین ﷲ وتیقنت اننی ھو ۔۔۔۔۔۔۔۔ فخلقت السمٰوٰت والأرض‘‘

(آئینہ کمالات ص:۵۶۴، ۵۶۵، خزائن ج:۵ ص:ایضاً)

۲۵:۔۔۔ ’’میرے مرید کسی غیرمرید سے لڑکی نہ بیاہا کریں۔‘‘

(فتاویٰ احمدیہ ص:۷)

جو شخص مرزاقادیانی کا ان اقوال میں مصدق ہو، اس کے ساتھ مسلم غیرمصدق کا رِشتۂ زوجیت کرنا جائز ہے یا نہیں؟ اور تصدیق بعد نکاح موجبِ افتراق ہے یا نہیں؟ بینّوا توجروا!

جواب:۔۔۔ مرزا غلام احمد قادیانی کے یہ اقوال جو سوال میں نقل کئے گئے ہیں اکثر ان میں سے میرے دیکھے ہوئے ہیں۔ ان کے علاوہ بھی ان کے بے شمار اقوال ایسے ہیں جو ایک مسلمان کو مرتد بنانے کے لئے کافی ہیں۔ پس خود مرزاقادیانی، اور جو شخص ان کا ان کلماتِ کفریہ میں مصدق ہو، سب کافر ہیں،(۱) اور ان کے ساتھ اسلامی تعلقات مناکحت وغیرہ رکھنا حرام ہے(۲) (۲) تعجب ہے کہ مرزاقادیانی اور ان کے جانشین تو اپنے مریدوں کو غیرمرزائی کا جنازہ پڑھنا بھی حرام بتائیں، اور غیراَحمدی انہیں مسلمان سمجھ کر ان کے ساتھ رشتے ناتے کریں۔ آخر غیرت بھی کوئی چیز ہے۔۔۔!

کفایت اللّٰہ، دہلی

(کفایت المفتی ج:۱ ص:۳۱۲، ۳۱۳)

مرزا غلام احمد قادیانی کا معراجِ جسمانی کا اِنکار واِقرار

سوال:۔۔۔ ’’دعوت‘‘ کی کسی سابقہ اِشاعت میں نظر سے گزرا تھا کہ معراج شریف کے جسمانی ہونے پر تمام صحابہؓ کا

(۱) ومن رضی بکفر الغیر یصیر کافرًا۔ (فتاویٰ قاضی خان ج:۳ ص:۵۷۲)۔

ایضًا: إذا راٰی منکرًا معلومًا من الدِّین بالضرورۃ فلم ینکرہ ولم یکرھہ ورضی بہ واستحسنہ کان کافرًا۔ (مرقاۃ، لمُلَّا علی القاری ج:۵ ص:۳، باب الأمر بالمعروف، طبع بمبئی)۔

(۲) ولا یجوز للمرتد أن یتزوّج مرتدۃ ولا مسلمۃ ولا کافرۃ اصلیۃ وکذالک لا یجوز نکاح المرتدۃ مع احد، کذا فی المبسوط۔ (عالگمیری ج:۱ ص:۲۸۲، طبع رشیدیہ کوئٹہ)۔

اِجماع ہے۔ مرزائی کہتے ہیں کہ: ’’یہ بالکل غلط ہے، اکثر صحابہؓ معراج کو رُوحانی مانتے تھے، یہ معراج جسمانی کا عقیدہ بہت بعد کی پیداوار ہے جو حضرت عیسیٰ علیہ السلام کے جسمانی طور پر اُوپر اُٹھائے جانے کے خیال کی تائید کے لئے وضع کیا گیا تھا۔‘‘ اس اِجماع کا حوالہ مطلوب ہے۔

منصور علی، از کیمل پور

جواب:۔۔۔ مرزا غلام احمد قادیانی خود لکھتے ہیں کہ:

’’اس بارہ میں کہ وہ جسم سمیت شب معراج میں آسمانوں کی طرف اُٹھائے گئے تقریباً تمام صحابہ کا یہی اِعتقاد ہے۔‘‘

(ازالہ اوہام ص:۱۴۷، خزائن ج:۳ ص:۲۴۷)

مرزاقادیانی نے اس کتاب کے ص:۱۴۸ کی آٹھویں سطر میں اس کے لئے اِجماعِ صحابہؓ کا لفظ بھی بیان کیا ہے۔

(ازالہ اوہام ص:۱۴۸، خزائن ج:۳ ص؛۲۴۸)

اُمید ہے کہ اب آپ کے مرزائی دوست کا کوئی شبہ باقی نہیں رہا ہوگا۔ باقی رہا نہ ماننا! تو یہ دِلوں کی مہر کا ایک ظاہری نشان ہے۔(۱) حق تعالیٰ اِتباعِ حق کی توفیق عطا فرمائیں۔

واللّٰہ اعلم بالصواب!

کتبہ‘ خالد محمود عفا اللّٰہ عنہ

۱۸؍جنوری ۱۹۶۳ء

(عبقات ص:۸۹،۹۰)

عقائدِ قادیانی

★ ۔۔۔ ’’انا انزلناہ قریبًا من القادیان‘‘ قرآن میں ہونا۔

(حقیقۃ الوحی ص:۹۱، خزائن ج:۲۲ ص:۹۱)

★ ۔۔۔ اور مرزاقادیانی کا زمین وآسمان نئے سرے سے بنانا۔

(کتاب البریہ ص:۸۷، خزائن ج:۱۳ ص:۱۰۵)

★ ۔۔۔ اور حضور صلی اللّٰہ علیہ وسلم کے معراجِ جسمی سے اِنکار کرنا۔

(ازالہ اوہام ص:۴۷، خزائن ج:۳ ص:۱۲۶)

★ ۔۔۔ اور قرآن مجید کو اپنے منہ کی باتیں کہنا۔

(اشتہار لیکھ رام، مارچ ۱۸۹۷ء، مجموعہ اشتہارات ج:۲ ص:۳۳۷)

★ ۔۔۔ اور فرشتے کواکب کا نام تصور کرنا، فرشتوں کا نزول زمین پر نہ ہونا۔

(حمامۃ البشریٰ ص:۱۱۰، خزائن ج:۷ ص:۲۷۶)

★ ۔۔۔ اور انبیاء کا کاذب سمجھنا۔

(ازالہ ص:۶۲۹، خزائن ج:۳ ص:۴۳۹)

★ ۔۔۔ اور آپ صلی اللّٰہ علیہ وسلم کی وحی کو غلط کہنا۔

(ازالہ ص:۳۷۳، خزائن ج:۳ ص:۴۷۳)

★ ۔۔۔ اور حضرت عیسیٰ علیہ السلام کو یوسف نجار کا فرزند سمجھنا۔

(ازالہ اوہام ص:۱۵۴، خزائن ج:۳ ص:۲۵۴)

★ ۔۔۔ اور مسجد اپنے والد کی بنی ہوئی کو مسجدِ حرام سمجھنا۔

(خطبہ اِلہامیہ ص:۱۵، خزائن ج:۱۶ ص:۱۵)

★ ۔۔۔ اور معجزات کو مسمریزم کہنا۔

(ازالہ اوہام حاشیہ ص:۳۰۵، خزائن ج:۳ ص:۲۵۶)

(۱) خَتَمَ اللہُ عَلَی قُلُوبِہمْ وَعَلَی سَمْعِہِمْ وَعَلَی أَبْصَارِہِمْ غِشَاوَۃٌ وَلَہُمْ عَذَابٌ عظِیْمٌ (البقرۃ:۷)

★ ۔۔۔ اور اپنی کتاب براہین کو خدا کا کلام تصور کرنا۔

(خطبہ اِلہامیہ ص:۲۱، خزائن ج:۱۶ ص:۲۱)

★ ۔۔۔ اور اپنے آپ کو سچا نبی اور رسول سمجھنا۔

(دافع البلاء ص:۱۱، خزائن ج:۱۸ ص:۲۳۱)

★ ۔۔۔ اور خداوند کریم کے لئے اولاد کا ثبوت کرنا، انت مِنِّی بمنزلۃ ولدی وانت مِنِّی انا منک۔

(دافع البلاء ص:۶، خزائن ج:۱۸ ص:۲۲۷)

★ ۔۔۔ اور عیسیٰ علیہ السلام کو اپنے سے حقیر سمجھنا، وہ یہ ہے:

1. ابنِ مریم کے ذِکر کو چھوڑو

   اس سے بہتر غلام احمد ہے

(دُرِّثمین اُردو ص:۵۳)

علیٰ ھٰذا القیاس مشتے نمونہ از خروارے لکھے گئے۔

(فتاویٰ نظامیہ ج:۱ ص:۴۰،۴۱)

قادیانی کے جھوٹے خدا

مرزا ایسے کو ’’خدا‘‘ کہتا ہے:

★ ۔۔۔ جس نے چار سو جھوٹوں کو اپنا نبی کیا، ان سے جھوٹی پیشین گوئیاں کہلوائیں۔

(ازالہ اوہام ص:۶۲۹، خزائن ج:۳ ص:۴۳۹)

★ ۔۔۔ جس نے ایسے کو ایک عظیم الشان رسول بنایا جس کی نبوّت پر اصلاً دلیل نہیں بلکہ اس کی نفیٔ نبوّت پر دلائل قائم، جو (خاک بدہنِ ملعونان) ولدالزنا تھا۔

(اعجازِ احمدی ص:۱۳، خزائن ج:۱۹ ص:۱۲۰)

★ ۔۔۔ جس کی تین دادیاں نانیاں زناکار کسبیاں تھیں۔

(ضمیمہ انجامِ آتھم ص:۷، خزائن ج:۱۱ ص:۲۹۱)

★ ۔۔۔ ایسے کو جس نے ایک بڑھئی کے بیٹے کو محض جھوٹ کہہ دیا کہ ہم نے بِن باپ کے بنایا اور اس پر یہ فخر کی جھوٹی ڈینگ ماری کہ یہ ہماری قدرت کی کیسی کھلی نشانی ہے۔

(کشتی نوح ص:۱۶، خزائن ج:۱۹ ص:۱۸حاشیہ)

★ ۔۔۔ ایسے کو جس نے ایک بدچلن، عیاش کو اپنا نبی کیا۔

(ضمیمہ انجامِ آتھم ص:۷، خزائن ج:۱۱ ص:۲۹۱)

★ ۔۔۔ جس نے ایک یہودی فتنہ گر کو اپنا رسول کرکے بھیجا، جس کے پہلے ہی فتنے نے دُنیا کو تباہ کردیا۔

(مواہب الرحمن ص:۷۲، خزائن ج:۱۹ ص:۲۹۰)

★ ۔۔۔ ایسے کو جو اسے ایک بار دُنیا میں لاکر دوبارہ لانے سے عاجز ہے۔

(دافع البلاء ص:۱۵، خزائن ج:۱۸ ص:۲۳۵)

★ ۔۔۔ وہ جس نے ایک شعبدہ باز کی مسمریزم والی مکروہ حرکات، قابلِ نفرت حرکات، جھوٹی بے ثبات کو اپنی آیاتِ بینات بتایا، ایسے کو جس کی آیاتِ بینات لہو ولعب ہیں، اتنی بے اصل کہ عام لوگ ویسے عجائب کرلیتے تھے اور اب بھی کر دکھاتے ہیں، بلکہ آج کل کے کرشمے ان سے زیادہ بے لاگ ہیں، اہلِ کمال کو ایسی باتوں سے پرہیز رہا ہے۔ ایسے کو جس نے اپنا سب سے پیارا بروزی

خاتم النّبیین دوبارہ قادیان میں بھیجا، مگر اپنی جھوٹ، فریب، تمسخر، ٹھٹول کی چالوں سے اس کے ساتھ بھی نہ چوکا، اس سے کہہ دیا کہ تیری جورو کے اس حمل سے بیٹا ہوگا جو انبیاء کا چاند ہوگا، بادشاہ اس کے کپڑوں سے برکت لیں گے، بروزی بیچارہ اس کے دھوکے میں آکر اسے اِشتہاروں میں چھاپ بیٹھا، اسے تو یوں ملک بھر میں جھوٹا بننے کی ذِلت ورُسوائی اوڑھنے کے لئے یہ جل دیا اور جھٹ پٹ میں اُلٹی کل پھرادی بیٹی بنادی، بروزی بیچارے کو اپنی غلط فہمی کا اقرار چھاپنا پڑا، اور اَب دُوسرے پیٹ کا منتظر رہا، اب کی یہ مسخرگی کی کہ بیٹا دے کر اُمید دِلائی اور ڈھائی برس کے بچے ہی کا دَم نکال دیا، نہ نبیوں کا چاند بننے دیا، نہ بادشاہوں کو اس کے کپڑوں سے برکت لینے دی، غرضیکہ اپنے چہیتے بروزی کا جھوٹا، کذّاب ہونا خوب اُچھالا اور اس پر مزہ یہ کہ عرش پر بیٹھا اس کی تعریفیں گا رہا ہے، اس پر بھی صبر نہ آیا بروزی کے چلتے وقت کمالِ بے حیائی کی ذِلت ورُسوائی تمام ملک میں طشت از بام ہونے کے لئے اسے یوں چاؤ دِلایا کہ اپنی بہن احمد بیگ کی بیٹی محمدی کا پیام دے، بروزی بیچارے کے منہ میں پانی بھر آیا، پیام پر پیام، لالچ پر لالچ، دھمکی پر دھمکی، اُدھر احمد بیگ کے دل میں ڈال دیا کہ ہر گز نہ پسیج، یوں لڑائی ٹھنواکر اپنے امدادی وعدوں سے بروزی کی اُمید بڑھائی کہ دیکھ محمدی کا باپ اگر دُوسری جگہ اس کا نکاح کردے گا تو ڈھائی برس میں وہ مرے گا، اور تین برس میں وہ شوہر، یا بالعکس، بروزی جی تو ہمیشہ اس کی چالوں میں آجاتے تھے، اسے بھی چھاپ بیٹھے، یہاں تک تو وہی جھوٹی پیشین گوئیاں رہتیں جو سدا کی تھیں۔ اب اس قادیانی کے خودساختہ خدا کو اور شرارت سوجھی، جھٹ بروزی کو وحی پھنٹادی کہ ’’زَوَّجْنَاکَھَا‘‘ محمدی سے ہم نے تیرا نکاح کردیا۔ اب کیا تھا، بروزی جی اِیمان لے آئے کہ اب محمدی کہاں جاسکتی ہے؟ یوں جل دے کر بروزی کے منہ سے اسے اپنی منکوحہ چھپوادیا، تاکہ وہ حد بھر کی ذِلت جو ایک چمار بھی گوارا نہ کرے کہ اس کی جورو اور اس کے جیتے جی دُوسرے کی بغل میں، یہ مرتے وقت بروزی کے ماتھے پر کلنک کا ٹیکا ہوا، اور رہتی دُنیا تک بے چارے کی فضیحت وخواری وبے عزّتی وکذّابی کا ملک میں ڈنکا ہوا، اِدھر تو عابد ومعبود کی یہ وحی بازی ہوئی، اُدھر سلطان محمد آیا اور نہ عابد کی چلنے دی نہ معبود کی، بروزی جی کی آسمانی جورو سے بیاہ کر ساتھ لیا، یہ جا، وہ جا، چلتا بنا، ڈھائی تین برس پر موت دینے کا وعدہ تھا، وہ بھی جھوٹا گیا، اُلٹے بروزی جی زمین کے نیچے چل بسے وغیرہ وغیرہ خرافاتِ ملعونہ۔۔۔!

یہ ہے قادیانی اور اس کا ساختہ خدا، کیا وہ خدا کو جانتا تھا، یا اب اس کے پیرو جانتے ہیں۔۔۔؟حاش ﷲ، سبحٰن ربّ العرش عمّا یصفون۔۔۔!

(فتاویٰ رضویہ ج:۱۵ ص:۵۴۱ تا ۵۴۳)

قادیانی اور اس کی کتابیں

سوال:۔۔۔ میں تبلیغی جماعت کا ایک خادم ہوں۔ ایک سفر میں میری ملاقات ایک قادیانی سے ہوگئی، میں نے اس سے دریافت کیا کہ علمائے دیوبند تم لوگوں کو کافر کہتے ہیں۔ اس نے کہا کہ ان لوگوں نے ہماری کتابوں کا مطلب غلط سمجھا، حالانکہ ان حضرات کو ہم سے مطلب معلوم کرنا چاہئے تھا اور کافر نہیں کہنا چاہئے تھا۔ میں نے کہا کہ ان کتابوں کے نام کیا ہیں؟ انہوں نے ان کتابوں کے نام بتائے: ۱:۔۔۔ایک غلطی کا اِزالہ، ۲:۔۔۔انجامِ آتھم، ۳:۔۔۔حقیقۃ الوحی، ۴:۔۔۔ازالہ اوہام۔ سوال یہ ہے کہ یہ کتابیں کہیں ہیں اور اس پر عمل کرنا کیسا ہے؟ اس شخص کا کہنا دُرست ہے یا غلط؟

جواب:۔۔۔ حامداً ومصلیاً! مرزا غلام احمد قادیانی نے دعویٔ نبوّت کیا، اور ختمِ نبوّت کا اِنکار کیا ہے، حالانکہ حضرت رسولِ مقبول صلی اللّٰہ علیہ وسلم سب سے آخری نبی ہیں، اور آپ صلی اللّٰہ علیہ وسلم کے بعد کوئی نبی نہیں آئے گا۔ اور یہ مسئلہ قرآن پاک اور احادیثِ مشہور اور اِجماع سے ثابت ہے۔ اس دعوے کی وجہ سے مرزا کافر ہے، اور جو شخص اس کے اس دعوے کی تصدیق کرتا ہے وہ بھی اس کے حکم میں ہے۔ مرزا کی زندگی میں اس سے مناظرہ کیا گیا اور اس کے ہر غلط دعوے کی تردید قرآنِ پاک اور اَحادیث کے ذریعے سے کی گئی، اور اس پر کفر کا فتویٰ لگایا گیا۔ وہ خود اپنی عبارات اور کتابوں کا کوئی صحیح مطلب نہیں بیان کرسکا، تو آج اس کے ماننے والے کس شمار میں ہیں۔۔۔؟ اگر وہ کوئی ایسا مطلب بیان بھی کریں جس کے خلاف صراحۃً مرزا نے اپنی کتابوں میں لکھا ہے تو وہ خود ان کا مطلب ہے، مرزا کا مطلب نہیں ہوگا۔ اس کی تردید کے لئے ہدیۃ المفتری، إکفار الملحدین ، عقیدۃ الاسلام فی حیات عیسیٰ علیہ السلام، ختمِ نبوّت، عشرہ کاملہ وغیرہ بہت سی کتابیں تصنیف ہوکر عرصہ ہوا شائع ہوچکی ہیں۔ جن میں ان کی کفریات ایک دو نہیں بلکہ بڑی مقدار میں پوری تفصیل کے ساتھ درج ہیں۔ اس لئے اس کی کتابوں کا مطالعہ عوام ہرگز نہ کریں۔ اہلِ علم حضرات تردید کے لئے ان کی کتابوں کا مطالعہ کرکے اس کی اور کفریات کو ظاہر کرتے ہیں۔ مرزا غلام احمد قادیانی نے ایک شعر کہا ہے:

1. ابنِ مریم کے ذِکر کو چھوڑو

   اس سے بہتر غلام احمد ہے

(دُرِّثمین اُردو ص:۵۳)

حضرت عیسیٰ علیہ السلام کے متعلق لکھا ہے کہ:

’’انہوں نے اپنے باپ یوسف کے ساتھ بائیس سال کی عمر تک نجاری (بڑھئی) کا کام سیکھا۔

(ازالہ اوہام ص:۳۰۳، خزائن ج:۳ ص:۲۵۴)

اور خود ان کی قبر کشمیر میں ہے۔

(راز حقیقت ص:۱۱، خزائن ج:۱۴ ص:۱۶۳)

اور ان کی تین دادیاں اور تین نانیاں زانیہ تھیں۔

(ضمیمہ انجامِ آتھم ص:۷، خزائن ج:۱۱ ص:۲۹۱)

حالانکہ حضرت عیسیٰ علیہ السلام بغیر باپ کے پیدا ہوئے، اور زِندہ آسمان پر اُٹھائے گئے، اور ان کی والدہ اور ان کی نانی کا تذکرہ قرآن شریف میں اِحترام کے ساتھ کیا گیا اور فرمایا گیا ہے: ’’وامہ صدیقۃ‘‘ غرض مرزا غلام احمد قادیانی نے کفریات لکھنے میں کچھ کمی نہیں کی۔ اس لئے وہ تمام علماء کے نزدیک کافر ہے۔

فقط واللّٰہ تعالیٰ اعلم!

(فتاویٰ محمودیہ ج:۱۱ ص:۳۲،۳۳)

مرزا کا قول کہ: ’’اللّٰہ نے مجھ سے ہم بستری کی اور مجھے حمل قرار پایا‘‘

سوال:۔۔۔ ایک دفعہ جنابِ والا نے قادیانی ملعون کا تذکرہ فرماتے ہوئے اس کا ایک اِلہام ذِکر فرمایا تھا کہ: ’’آج رات خدا نے میرے سے قوّتِ رُجولیت کا اِظہار کیا (ہم بستری کی) جس کے نتیجے میں مجھے حمل قرار پاگیا۔‘‘ یہ اِلہام کس کتاب میں ہے؟ جنابِ والا کو یاد ہو تو تحریر فرماویں۔

جواب:۔۔۔ حامداً ومصلیاً! صفحہ تو محفوظ نہیں، لیکن مرزا کی کتابوں سے ’’عشرہ کاملہ‘‘ میں بھی نقل کیا ہے۔ (۱) فقط واللّٰہ اعلم!

حررہ العبد محمود عفی عنہ دارالعلوم دیوبند

۶؍۱۱؍۱۳۸۵ھ

مرزا کے اِلہاماتِ ذیل پر غور کریں:

الف:۔۔۔ مرزا کا حیض اور بچہ

یریدون ان یروا طمثک ۔ اس اِلہام کی تشریح مرزاقادیانی یوں بیان کرتے ہیں: بابو اِلٰہی بخش چاہتا ہے کہ تیرا حیض دیکھے یا کسی پلیدی اور ناپاکی پر اِطلاع پائے، مگر اللّٰہ تعالیٰ تجھے اپنے اِنعامات دِکھلائے گا جو متواتر ہوں گے اور تجھ میں حیض نہیں بلکہ وہ بچہ ہوگیا ہے ایسا بچہ جو بمنزلہ اطفال اللّٰہ کے ہے۔

(تتمہ حقیقۃ الوحی ص:۱۴۳، خزائن ج:۲۲ ص:۵۸۱)

ب:۔۔۔ اللّٰہ تعالیٰ کا نطفہ

انت من مائنا وھم من فثل ۔ یعنی اے مرزا! تو ہمارے پانی (نطفے) سے ہے، اور دُوسرے لوگ خشکی سے۔

(اربعین ص:۳۴، خزائن ج:۱۷ ص:۴۲۳)

ج:۔۔۔ اللّٰہ تعالیٰ سے ہم بستری (نعوذباللّٰہ)

زناشوئی کے فعل کا وقوع۔ مرزاقادیانی کے ایک خاص مرید یار محمد صاحب بی او ایل پلیڈر اپنے ٹریکٹ نمبر۳۴ موسوم بہ اسلامی قربانی مطبوعہ ریاض ہند پریس امرتسر میں لکھتے ہیں کہ: ’’جیسا کہ حضرت مسیحِ موعود (مرزا) نے ایک موقع پر اپنی حالت یہ ظاہر

(۱) اسلامی قربانی ص:۱۲۔

فرمائی ہے کہ کشف کی حالت آپ پر اس طرح طاری ہوئی کہ گویا آپ عورت ہیں اور اللّٰہ تعالیٰ نے رُجولیت (مردانہ) طاقت کا اِظہار فرمایا۔ سمجھنے والے کے لئے اِشارہ کافی ہے۔‘‘

(اسلامی قربانی ص:۱۲)

د:۔۔۔ اِستقرارِ حمل

مرزاقادیانی ’’کشتی نوح‘‘ ص:۴۷، خزائن ج:۱۹ ص:۵۰ پر لکھتے ہیں کہ: ’’مریم کی طرح عیسیٰ کی رُوح مجھ میں نفخ کی گئی اور اِستعارہ کے رنگ میں مجھ حاملہ ٹھہرایا گیا اور کئی ماہ بعد جو دس ماہ سے زیادہ نہیں بذریعہ اِلہام مجھے مریم سے عیسیٰ بنایا گیا۔‘‘

(فتاویٰ محمودیہ ج:۱۰ ص:۱۱۶،۱۱۷)

یہ دعویٰ کہ: ’’مجھ میں رسول اللّٰہ کی رُوح حلول کرگئی ہے‘‘ کفر ہے

سوال:۔۔۔ ایک شخص دعویٰ کرتا ہے کہ: ’’رسول اللّٰہ صلی اللّٰہ علیہ وسلم کی رُوح مبارک اور حضرت اِمام مہدیؓ کی رُوح میرے بدن میں حلول کرگئی ہیں‘‘ وغیرہ، اس اِعتقاد کی نسبت کیا حکم ہے؟

جواب:۔۔۔ عقائدِ مذکورہ کفر کے عقائد ہیں۔ مدعیٔ مذکور گمراہ اور بے دِین ہے۔ (درمختار ج:۳ ص:۳۲۴، ۳۲۵، طبع رشیدیہ) اس سے مرید ہونا اور اس کا اِتباع کرنا دُرست نہیں ہے۔ وہ شخص مصداق ’’ضَلُّوْا فَاَضَلُّوْا‘‘ کا ہے، اس کی صحبت سے بچیں،ولنعم ما قال فی المثنوی المعنوی:

اے بسا ابلیس آدم روئے ہست

پس بہر دستے نباید داد دست

(فتاویٰ دارالعلوم دیوبند ج:۱۲ ص:۳۳۵)

اللّٰہ تعالیٰ سے ہم کلامی کا دعویٰ کرنا

سوال:۔۔۔ اللّٰہ جل جلالہٗ کا کلام کرنا اپنے بندے سے، اور بندے کا اللّٰہ تعالیٰ سے، یہ منصب ودرجہ خاص انبیاء علیہم السلام کا ہے یا عام ہے؟ اگر خاص انبیاء علیہم السلام کا ہے اور نبوّت ختم ہوچکی ہے، اب فی زمانہ اگر کوئی شخص یہ کہے کہ اللّٰہ تعالیٰ نے مجھ سے یہ کلام فرمایا ہے تو اس پر اور اس کلام کو حق جاننے والا اور اس کے معتقد پر شرعاً کیا حکم ہوگا؟ بیّنوا بسند الکتاب، توجروا من ﷲ الوھّاب!

جواب:۔۔۔ اللّٰہ تعالیٰ کا کلام بالمشافہ اور بطور وحی کے خاصہ انبیاء علیہم السلام ہے، جو آنحضرت صلی اللّٰہ علیہ وسلم کے بعد قطعاً منقطع ہے، اور مدعی اس کا کافر ہے۔صرّح بہ فی شرح الشفاء۔

البتہ بصورت اِلہام عامۂ مؤمنین کو حاصل ہوسکتا ہے، لیکن اس کو عرفاً کلام نہیں کہا جاتا، اس لئے ایسے الفاظ بولنا کہ (اللّٰہ تعالیٰ نے مجھ سے کلام فرمایا) اگر اس کی مراد یہ ہے کہ بطور وحی کے بالمشافہ فرمایا، تب تو کفر ہے، اور اگر مراد اس سے بطور اِلہام دِل

میں ڈالنا ہے تب بھی دُرست نہیں۔ کیونکہ اس میں ایہام ہوتا ہے اِدّعائے وحی کا، اور کفر کے ایہام سے بچنا بھی ضروری ہے۔

(امداد المفتین ج:۲ ص:۱۲۸)

مرزا غلام احمد قادیانی کا اپنی عمر کے بارے میں جھوٹا اِلہام

سوال:۔۔۔ مکرمی ومحترمہ جناب علامہ صاحب قبلہ!

السلام علیکم ورحمۃاللّٰہ! آپ نے رحیم یارخاں مجلس کے دوران فرمایا تھا کہ مرزا غلام احمد قادیانی نے اپنی عمر کے متعلق جو اِلہام شائع کیا تھا وہ اَمرِ واقع کی روشنی میں بالکل غلط نکلا۔ قادیانی اس کا اِنکار کرتے ہیں اور حوالہ مانگتے ہیں۔ براہِ کرم مجھے اس کے مفصل حوالہ جات سے مطلع کریں۔ ممکن ہے اس سے کچھ لوگوں کے عقائد دُرست ہوجائیں۔

سائل: عبدالخالق، رحیم یارخان

جواب:۔۔۔ وعلیکم السلام ورحمۃ اللّٰہ!

مرزاقادیانی نے جولائی ۱۸۸۷ء میں یہ پیش گوئی کی تھی کہ اللّٰہ تعالیٰ نے مجھے مخاطب کرکے فرمایا ہے:

’’یأتی علیک زمان مختلف بأرواح مختلفۃ وتری نسلًا بعیدًا ولنحیینک حیاۃً طیبۃ ثمانین حولًا او قریبًا من ذالک۔‘‘

(ازالہ اوہام ج:۲ ص:۶۳۵)

خط کشیدہ عبارت کا ترجمہ یہ ہے:

ترجمہ:۔۔۔ ’’اور ہم تجھے ضرور ایک پاکیزہ زندگی عطا فرمائیں گے، اسّی سال یا اس کے قریب قریب۔‘‘

مرزاقادیانی نے اپنی اس پیش گوئی کا اِشتہار شائع کیا تھا اور پھر اس اِلہام کو اپنی کتاب ’’ازالہ اوہام، حصہ دوم‘‘ میں بھی نقل فرمایا۔ مرزاقادیانی اسے نقل کرنے کے بعد لکھتے ہیں:

’’اب جس قدر میں نے بطور نمونہ کے پیش گوئیاں بیان کی ہیں، درحقیقت میرے صدق یا کذب کے آزمانے کے لئے یہی کافی ہے۔‘‘

(ازالہ اوہام حصہ دوم ص:۶۳۵، خزائن ج:۳ ص:۴۴۳)

اس تصریح سے یہ امر واضح ہے کہ اسّی سال عمر ہونے کی یہ پیش گوئی مرزاقادیانی کے صدق یا کذب کو جانچنے کے لئے کافی ہے۔ ہاں! مرزاقادیانی نے اس پیش گوئی کو’’او قریبًا من ذالک‘‘ یعنی یا اس کے قریب قریب کے الفاظ سے جس طرح گول کیا ہے، اب ہم اس کی بھی تحدید کئے دیتے ہیں کہ اس سے مراد کیا تھی۔

مرزاقادیانی حقیقۃ الوحی میں اپنا یہ اِلہام پیش کرتے ہیں:

’’اطال ﷲ بقاءک اسّی یا اس پر پانچ چار زیادہ یا پانچ چار کم۔‘‘

(حقیقۃ الوحی ص:۹۶، خزائن ج:۲۲ ص:۱۰۰)

پھر مرزاقادیانی نے احتیاطاً اس کی اور توسیع کی، خود لکھتے ہیں:

’’خدا نے صریح لفظوں میں اِطلاع دی تھی کہ تیری عمر ۸۰برس کی ہوگی اور یا یہ کہ پانچ چھ سال

زیادہ یا پانچ چھ سال کم۔‘‘

(براہین احمدیہ حصہ پنجم ص:۹۷، ضمیمہ خزائن ج:۲۱ ص:۲۵۸)

ان تصریحات کی روشنی میں مرزاقادیانی کی عمر کم از کم ۷۴سال اور زیادہ سے زیادہ ۸۶سال ہونی چاہئے تھی۔ مگر افسوس کہ مرزاقادیانی ان تمام پیش گوئیوں کو غلط ثابت کرتے ہوئے ۱۳۲۶ھ میں تقریباً ۶۶سال کی عمر میں فوت ہوگئے، اور وہ پیش گوئی جسے انہوں نے خود اپنے صدق وکذب کا معیار ٹھہرایا تھا، انہیں یکسر کاذِب ٹھہراگئی۔

مرزا قادیانی کی عمر پر پہلا اِستدلال

مرزاقادیانی لکھتے ہیں:

’’جب میری عمر چالیس برس تک پہنچی تو خدا تعالیٰ نے اپنے اِلہام اور کلام سے مجھے مشرف کیا، اور یہ عجیب اِتفاق ہوا کہ میری عمر کے چالیس برس پورے ہونے پر صدی کا سر بھی آپہنچا۔ تب خدا تعالیٰ نے اِلہام کے ذریعے سے میرے پر ظاہر کیا کہ تو اس صدی کا مجدّد اور صلیبی فتنوں کا چارہ گر ہے۔‘‘

(تریاق القلوب ضمیمہ۲ ص:۶۸، خزائن ج:۱۵ ص:۲۸۳)

’’غلام احمد قادیانی اپنے حروف کے اعداد سے اشارہ کر رہا ہے یعنی ۱۳۰۰ کا عدد جو اس نام سے نکلتا ہے، وہ بتلا رہا ہے کہ تیرھویں صدی کے ختم ہونے پر یہی مجدّد آیا جس کا نام تیرہ سو کا عدد پورا کر رہا ہے۔‘‘

(تریاق القلوب ص:۱۶، خزائن ج:۱۵ ص:۱۵۷،۱۵۸)

مرزاقادیانی کی مندرجہ بالا تحریروں سے یہ دو باتیں ثابت ہیں:

۱:۔۔۔ مرزاقادیانی تیرھویں صدی کے ختم ہونے پر مجدّد مبعوث ہوئے۔

۲:۔۔۔ اس وقت مرزاقادیانی کی عمر پورے چالیس برس کی تھی۔

مرزاقادیانی کی وفات بالاتفاق ۱۳۲۶ھ میں ہوئی ہے، چودھویں سدی کے یہ چھبیس سال، چالیس میں جمع کئے جائیں تو آپ کی کل عمر ۶۶سال کے قریب بنتی ہے۔

مرزا قادیانی کی عمر پر دُوسرا اِستدلال

’’خدا تعالیٰ نے مجھے ایک کشف کے ذریعے سے اِطلاع دی ہے کہ سورۃالعصر کے اعداد سے بحساب ابجد معلوم ہوتا ہے کہ حضرت آدم علیہ السلام سے آنحضرت صلی اللّٰہ علیہ وسلم کے مبارک عصر تک جو عہدِ نبوّت ہے یعنی تیئس برس کا تمام وکمال زمانہ یہ کل مدّت گزشتہ زمانہ کے ساتھ ملاکر ۴۷۳۹برس اِبتدائے دُنیا سے آنحضرت صلی اللّٰہ علیہ وسلم کے روزِ وفات تک قمری حساب سے ہیں۔‘‘

(تحفۂ گولڑویہ ص:۹۴، خزائن ج:۱۷ ص:۲۵۱، ۲۵۲)

اس کا حاصل یہ ہے کہ آنحضرت صلی اللّٰہ علیہ وسلم کی ہجرت کے وقت دُنیا کی عمر ۴۷۳۹ سے گیارہ برس سے کم یعنی

۴۷۲۸برس تھی۔ مرزاقادیانی کی وفات ۱۳۲۶ھ میں ہوئی، جس سے واضح ہوتا ہے کہ مرزاقادیانی کی وفات کے وقت دُنیا کی عمر ۴۷۲۸+۱۳۲۶=۶۰۵۴برس کے قریب تھی۔ اب مرزاقادیانی کی پیدائش کا وقت ان کے اپنے بیان کی رُو سے ملاحظہ کیجئے:

’’اس حساب سے میری پیدائش اس وقت ہوئی جب چھ ہزار میں سے گیارہ برس رہتے تھے۔‘‘

(حاشیہ تحفۂ گولڑویہ ص:۹۵، خزائن ج:۱۷ ص:۲۵۲)

چھ ہزار سے گیارہ نکال دیں تو باقی ۵۹۸۹ رہ جاتے ہیں، اس کا حاصل یہ ہے کہ مرزاقادیانی کی پیدائش ۵۹۸۹ کے آغاز یا ۵۹۸۸ کے آخر میں کسی وقت ہوئی۔

خلاصہ اینکہ مرزاقادیانی کی پیدائش اس وقت ہوئی جب دُنیا کی پیدائش پر تقریباً ۵۹۸۸سال گزرچکے تھے اور وفات اس وقت ہوئی جب دُنیا کی عمر ۶۰۵۴برس کے قریب تھی۔ اس مدّت سے ۵۹۸۸ نکال دینے سے باقی ۶۶سال ہی رہ جاتے ہیں۔ مرزاقادیانی کی عمر کا یہ تعین ان کے دعوؤں اور اِلہامات پر مبنی ہے۔ ان کی بعثت اگر تیرھویں صدی کے ختم پر چودھویں صدی کے آغاز سے کچھ ایک دو سال پہلے تجویز کی جائے تو زیادہ سے زیادہ اس عمر کا تصور ۶۷ یا حد ۶۸سال ہوسکے گا، اس سے زیادہ کسی صورت میں ممکن نہیں۔ مشہور انگریز سرلیپل گریفن نے ’’پنجاب چیفس‘‘ (Punjab Chiefs) کے نام سے پنجاب کے زمین داروں کی ایک اہم تاریخ مرتب کی تھی، اس کی دُوسری جلد میں مرزاقادیانی کے خاندان کا بھی تذکرہ ہے، مورخ موصوف اس میں لکھتے ہیں:

’’غلام احمد جو غلام مرتضیٰ کا چھوٹا بیٹا تھا، مسلمانوں کے ایک مشہور مذہبی فرقہ احمدیہ کا بانی ہوا، یہ شخص ۱۸۳۹ء میں پیدا ہوا۔‘‘

(پنجاب چیفس ج:۲ ص:۶۲)

مرزاقادیانی کی وفات انگریزی حساب سے ۱۹۰۸ء کے اوائل میں واقع ہوئی۔ ۱۸۳۹ء میں پیدائش ہو تو ۱۹۰۷ء کے اِختتام تک مرزاقادیانی کی عمر ۶۸سال بنتی ہے۔

قادیانی سلسلے کے خلیفہ اوّل جناب حکیم نورالدین صاحب بھی اپنی کتاب ’’نورالدین‘‘ میں (جو مرزاقادیانی کی زندگی میں ہی لکھی گئی تھی اور ۱۹۰۴ء میں شائع ہوئی) مرزاقادیانی کی تاریخِ پیدائش ان الفاظ میں لکھی ہے:

’’سنہ پیدائش حضرت صاحب مسیحِ موعود ومہدی مسعود ۱۸۳۹ء۔‘‘

(نورالدین ص:۱۷۰، مطبع ضیاء الاسلام قادیان)

اِلہامات پر مبنی عمر ۶۶سال ہو یا تاریخی واقعات پر مبنی ۶۸ سال ہو، ہر دو اَعدادِ عمر مرزا غلام احمد کے اس اِلہام کو غلط ثابت کرنے کے لئے ۔۔۔کہ ان کی عمر کم از کم ۷۴سال ہوگی اور زیادہ سے زیادہ ۸۶سال کی ہوگی۔۔۔ کافی ووافی ہیں۔

اب ہم مرزاقادیانی کی اس عبارت کو پھر پیش کرتے ہیں جو انہوں نے اسّی سال کی عمر کی پیش گوئی تحریر فرمانے کے متصل بعد لکھی ہے:

’’اب جس قدر میں نے بطور نمونہ کے پیش گوئیاں بیان کی ہیں، درحقیقت میرے صدق یا کذب

کے آزمانے کے لئے یہی کافی ہے۔‘‘

(ازالہ اوہام ص:۶۳۵، خزائن ج:۳ ص:۴۴۳)

نہایت افسوس کا مقام ہے کہ قادیانیوں نے مرزاقادیانی کی خلافِ اِلہام وفات سے سبق لینے کی بجائے آپ کے واقعاتِ عمر میں ہی رَدّ وبدل کرنا شروع کردیا۔ وفات کی تاریخ تو وہ نہ بدل سکتے تھے، ناچار انہوں نے تاریخِ پیدائش میں اختلاف کرنا شروع کردیا، تاکہ کسی نہ کسی بہانے واقعات کو پیش گوئی پر منطبق کیا جاسکے۔

یاد رہے کہ مرزاقادیانی کی زندگی میں ان کی پیدائش کبھی زیرِ اِختلاف نہیں آئی۔ ہم نے مرزائیوں کو بارہا چیلنج دیا ہے کہ مرزاقادیانی کی تاریخِ پیدائش کا کوئی اختلاف وہ مرزاقادیانی کی زندگی کے واقعات سے پیش کریں اور بتائیں کہ کبھی ان کے حینِ حیات بھی اس موضوع میں کوئی اِختلاف رُونما ہوا ہو۔ اگر یہ اِختلافات سب مرزاقادیانی کی وفات کے بعد ہی اُٹھے ہیں تو کیا یہ خود اس امر کا ثبوت نہیں کہ اس کا واحد سبب مرزاقادیانی کی وہ اِلہامی پیش گوئی ہے جس پر مرزاقادیانی کی مدّتِ حیات کسی طرح منطبق نہ اُترسکی۔ مرزا بشیرالدین محمود نے ’’سیرتِ مسیحِ موعود‘‘ کے نام سے ایک مختصر رسالہ لکھا تھا، جو اَب پانچویں بار رَبوہ کے مرکزِ جدید سے شائع ہوا ہے، اس میں جماعت کے خلیفہ نے سرلیپل گریفن کی کتاب ’’پنجاب چیفس‘‘ سے مرزاقادیانی کا سنہ پیدائش نقل کرنے میں کھلم کھلا تحریف اور خیانت کی ہے، مرزا محمود اس رسالے کے صفحہ:۵ پر اسے یوں نقل کرتے ہیں:

’’غلام احمد جو غلام مرتضیٰ کا چھوٹا بیٹا تھا، مسلمانوں کے ایک مشہور مذہبی فرقہ احمدیہ کا بانی ہوا، یہ شخص ۱۸۳۷ء میں پیدا ہوا۔‘‘

(سیرتِ مسیحِ موعود ص:۵، مصنفہ: مرزا بشیرالدین محمود)

قارئینِ ’’دعوت‘‘ مطلع رہیں کہ اصل کتاب میں ۱۸۳۷ء نہیں بلکہ ۱۸۳۹ء ہے۔ یہ تحریف مرزاقادیانی کی عمر کو محض لمبا کرنے کے لئے عمل میں لائی گئی ہے تاکہ اسے کچھ تو پیش گوئی کے قریب لایا جاسکے، لیکن افسوس کہ اس پر بھی مرزاقادیانی آنجہانی کی پیش گوئی واقعات کا ساتھ نہیں دے سکی۔

مرزائی حضرات سے دُوسرا سوال

۱:۔۔۔ اپنے قدیم تحریری ذخائر سے یہ ثابت کریں کہ مرزاقادیانی کی تاریخِ پیدائش کے متعلق اِختلاف کبھی ان کی زندگی میں بھی اُٹھا ہو۔

۲:۔۔۔ مرزا محمود نے ’’پنجاب چیفس‘‘ کے حوالے سے قادیانی کا سنہ پیدائش نقل کرنے میں تحریف اور خیانت نہیں کی؟ نقل کو اَصل کے مطابق ثابت کرکے خلیفہ قادیانی سے بددیانتی کے اس داغ کو دُور کریں۔

الحاصل! مرزاقادیانی کی عمر ۶۶ اور ۶۷ سال کے قریب ہی بنتی ہے، اور کسی صورت میں بھی ۷۴ سال ثابت نہیں ہوتی۔ مرزاقادیانی اپنی خلافِ اِلہام وفات سے اپنے دعوؤں کی پوری طرح تکذیب کرچکے ہیں۔

واللّٰہ اعلم بالصواب!

کتبہ‘ خالد محمود عفا اللّٰہ عنہ

۲؍اکتوبر ۱۹۶۴ء

(عبقات ص:۳۶۰ تا ۳۶۴)

قادیانی عقائد

سوال:۔۔۔ کیا فرماتے ہیں علمائے دِین اس مسئلے میں کہ زید کہتا ہے کہ: ’’آنحضرت صلی اللّٰہ علیہ وسلم سورۂ زلزال کے معنی غلط سمجھے‘‘، وہ کہتا ہے کہ: ’’حضرت عیسیٰ علیہ السلام یوسف نجار کے بیٹے تھے‘‘، وہ کہتا ہے کہ: ’’حضرت رسولِ اکرم صلی اللّٰہ علیہ وسلم کو ابنِ مریم اور دجال کی خبر نہیں دی گئی‘‘، وہ کہتا ہے کہ: ’’حضرت عیسیٰ کا اِنتقال ہوگیا، کشمیر میں قبر ہے۔‘‘ ایسے شخص کی اِقتدا موجبِ نجات ہے یا نار؟ ایسا عقیدہ رکھنے والا کیسا ہے؟ اور وہ مدعی ہے کہ: ’’عیسیٰ موعود میں ہوں، اور کوئی عیسیٰ نہیں آئے گا، حضرت رسولِ اکرم خاتم النّبیین نہیں۔‘‘ اس کے اور ایسے صدہا عقیدے ہیں۔بیّنوا توجروا!

جواب:۔۔۔ ایسا عقیدہ رکھنے والا بلاشبہ دائرۂ اسلام سے خارج ہے اور ایسے شخص کی اِقتدا، سراسر ضلالت وموجبِ نار ہے۔ جتنی باتیں اس شخص کے سوال میں نقل کی گئی ہیں، وہ محض غلط وباطل ہیں، اور اِلحاد وزَندقہ کی باتیں ہیں، اس نالائق شخص نے رسول تو رسول خود اللّٰہ تعالیٰ کو جھوٹا بنایا (العیاذباللّٰہ) اللّٰہ تو فرماتا ہے: ’’وَمَا یَنطِقُ عَنِ الْہَوَی3 إِنْ ہُوَ إِلَّا وَحْیٌ یُوحَی4 ‘‘ (النجم:۳،۴) اور فرماتا ہے: ’’ثُمَّ إِنَّ عَلَیْنَا بَیَانَہُ‘‘ (القیامۃ:۱۹) یعنی قرآن کے معنی اور مطلب کا بیان کردینا اور آپ صلی اللّٰہ علیہ وسلم کو سمجھا دینا ہمارے ذمہ ہے، اور یہ نالائق کہتا ہے کہ آپ صلی اللّٰہ علیہ وسلم نے سورۂ زلزال کے معنی غلط سمجھے۔ نعوذ باللّٰہ من ذالک!

اللّٰہ تعالیٰ فرماتا ہے:

’’قَالَتْ أَنَّی یَکُونُ لِیْ غُلَامٌ وَلَمْ یَمْسَسْنِیْ بَشَرٌ وَلَمْ أَکُ بَغِیّاً. قَالَ کَذَلِکِ قَالَ رَبُّکِ ہُوَ عَلَیَّ ہَیِّنٌ وَلِنَجْعَلَہُ آیَۃً لِلنَّاسِ وَرَحْمَۃً مِّنَّا وَکَانَ أَمْراً مَّقْضِیّاً‘‘

(مریم:۲۰،۲۱)

یہ آیت اور مثل اس کے اور آیتیں صاف صاف ناطق ہیں کہ عیسیٰ علیہ السلام بِن باپ کے پیدا ہوئے اور یہ نالائق کہتا ہے کہ عیسیٰ علیہ السلام یوسف نجار کے بیٹے تھے۔

اللّٰہ تعالیٰ فرماتا ہے:

’’مَاکَانَ مُحَمَّدٌ أَبَا أَحَدٍ مِّن رِّجَالِکُمْ وَلَکِن رَّسُولَ اللہِ وَخَاتَمَ النَّبِیِّیْنَ‘‘

(الاحزاب:۴۰)

اور یہ نالائق کہتا ہے کہ آپ صلی اللّٰہ علیہ وسلم خاتم النّبیین نہیں تھے۔

رسول اللّٰہ صلی اللّٰہ علیہ وسلم تو قسم کھاکر فرماتے ہیں کہ عیسیٰ علیہ السلام اُتریں گے اور پھر آپ صلی اللّٰہ علیہ وسلم نے ان کے نازل ہونے کا پورا قصہ ونیز دجال کا مفصل حال بیان فرمایا ہے، کما ھو مروی فی کتب الأحادیث ، اور یہ نالائق مردُود کہتا ہے کہ آپ کو ابنِ مریم اور دجال کی خبر نہیں دی گئی، اور عیسیٰ کا انتقال ہوگیا اور اپنے آپ کو یہ مردُود عیسیٰ موعود بتاتا ہے، الحاصل! یہ شخص بالکل ملحد اور ضال ومضل اور دجال وکذّاب ہے، جمیع اہلِ اسلام کو لازم ہے کہ ایسے شخص سے نہایت ہی اِحتراز کریں۔

حررہٗ محمد علی عفی عنہ، سیّد محمد نذیر حسین

(فتاویٰ نذیریہ ج:۱ ص:۹،۱۰)

قادیانی شبہات

مفتری علی اللّٰہ کے خائب ہونے کا مفہوم

سوال:۔۔۔ قادیانی کہتے ہیں کہ مرزاقادیانی نے نبوّت کا دعویٰ کیا، اگر یہ محض افترا اور جھوٹ تھا تو وہ حیاتِ طبعی تک زندہ کیسے رہے؟ جو شخص خدا پر اِفترا باندھے وہ نہایت ذِلت کی موت مرتا ہے، حیاتِ طبعی تک زندہ نہیں رہ سکتا۔ مگر مرزاقادیانی کا سلسلہ تو ان کے بعد بھی قائم ہے، اس مغالطے کی وضاحت کیجئے۔

سائل: فضل رحیم از شیخوپورہ

جواب:۔۔۔ ’’فلاح نہ پانا اور فائز المرام نہ ہونا‘‘ یہ صرف انہیں کفار سے خاص نہیں جو اللّٰہ رَبّ العزّت پر اِفترا کرکے اللّٰہ پر جھوٹے دعوے کریں، بلکہ قرآن کی رُو سے کوئی کافر بھی فوز وفلاح کا مستحق نہیں، قرآنِ کریم میں ہے:

’’إِنَّہُ لَا یُفْلِحُ الْکَافِرُونَ‘‘

(المؤمنون:۱۱۷)

ترجمہ:۔۔۔ ’’بے شک کافر فلاح نہیں پائیں گے۔‘‘

اس آیت کی رُو سے کوئی کافر خواہ وہ ہندو ہو یا عیسائی، دہریہ ہو یا یہودی، ہرگز فلاح نہیں پائیں گے۔ اب اس فلاح نہ پانے اور کامیاب نہ ہونے کو کسی خاص قسم کے کافروں سے مخصوص کرنا اور یہ کہنا کہ جو شخص نبوّت کا جھوٹا دعویٰ کرے وہ فلاح نہیں پائے گا۔ یہ محض سینہ زوری اور تحکم ہے۔ قرآنِ کریم اس خیال کی تائید نہیں کرتا۔ وہ شخص جو خدا پر اِفترا باندھے اور وہ شخص جو اللّٰہ کی آیتوں اور نشانیوں کو جھٹلائے، قرآن میں دونوں کو ایک ہی لڑی میں پرویا گیا ہے، اور پھر دونوں کا ایک ہی حکم ہے کہ ایسے ظالم ہرگز فلاح نہیں پائیں گے، قرآن پاک کہتا ہے:

’’وَمَنْ أَظْلَمُ مِمَّنِ افْتَرَی عَلَی اللہِ کَذِباً أَوْ کَذَّبَ بِآیَاتِہِ إِنَّہُ لاَ یُفْلِحُ الظَّالِمُونَ‘‘

(انعام:۲۱)

ترجمہ:۔۔۔ ’’اور اس شخص سے بڑھ کر کون ظالم ہوسکتا ہے؟ جو خدا پر جھوٹ باندھے یا اس کی نشانیوں کو جھٹلائے، بے شک ایسے ظالم ہرگز فلاح نہیں پائیں گے۔‘‘

پھر ایک دُوسرے مقام پر اِرشاد ہوتا ہے:

’’فَمَنْ أَظْلَمُ مِمَّنِ افْتَرَی عَلَی اللہِ کَذِباً أَوْ کَذَّبَ بِآیَاتِہِ إِنَّہُ لاَ یُفْلِحُ الْمُجْرِمُونَ‘‘

(یونس:۱۷)

ترجمہ:۔۔۔ ’’اس شخص سے بڑھ کر کون ظالم ہے؟ جس نے خدا پر جھوٹ باندھا یا اس کی آیات کی تکذیب کی، ایسے گنہگار یقینا فلاح نہیں پائیں گے۔‘‘

ان آیاتِ کریمہ میں ’’مفتری علی اللّٰہ‘‘ اور ’’مکذّب بآیاتِ اللّٰہ‘‘ دونوں کو ایک ہی حکم میں داخل کیا گیا ہے، پس اس عدمِ فلاح اور ناکامی کو مفتری علی اللّٰہ سے خاص کرنا فہمِ قرآن سے خالی ہونے کی وجہ سے ہے۔

فلاح نہ پانے سے یہ مراد لینا کہ وہ عمرِ طبعی پوری نہ کریں گے، یا دُنیا میں کسی قسم کی عزّت نہ پائیں گے، یہ نظریہ بالکل غلط اور ہدایت کے خلاف ہے۔ جن لوگوں نے تاریخِ عالم کے نشیب وفراز دیکھے ہیں اور نیکوں اور بدوں کی دُنیوی تاریخ ان کی نظر سے اوجھل نہیں، انہیں یقین ہے کہ ان آیاتِ قرآنیہ میں کامیابی سے مراد دُنیا کی کامیابی نہیں، بلکہ آخرت کی فوز وفلاح مقصود ہے۔

حضرت موسیٰ علیہ السلام نے فرعون اور اس کے تمام ساتھیوں سے خطاب فرمایا تھا:

’’قَالَ لَہُم مُّوسَی وَیْلَکُمْ لَا تَفْتَرُوا عَلَی اللہِ کَذِباً فَیُسْحِتَکُمْ بِعَذَابٍ وَقَدْ خَابَ مَنِ افْتَرَی‘‘

(طٰہٰ:۶۱)

ترجمہ:۔۔۔ ’’موسیٰ علیہ السلام نے انہیں کہا کہ تمہارے حال پر افسوس ہے! خدا تعالیٰ پر تم اِفترا نہ باندھو، ایسا کرنے سے خدا تمہیں کسی عذاب سے برباد کردے گا، بے شک جس نے خدا پر اِفترا باندھا وہ نامراد اور خاسر رہا۔‘‘

اس آیتِ شریفہ میں فرعون اور اس کے ماننے والوں سب کو مفتری علی اللّٰہ کہا گیا ہے، اور پھر سب کے لئے کہا گیا ہے کہ وہ یقینا نامراد رہیں گے۔ فرعون نے چار سو برس تک حکومت کی اور اس مدّتِ دراز میں اسے کبھی سردَرد دتک نہ ہوا، مگر بایں ہمہ وہ قرآن کی رُو سے خائب وخاسر اور محروم الفلاح تھا۔ مرزاقادیانی اس آیت کا آخری جملہ ’’قَد خَابَ مَنِ افتَرٰی‘‘ تو پیش کرتے ہیں مگر پوری آیت نقل نہیں کرتے تاکہ بات کھل نہ جائے اور حقیقت سے پردہ نہ اُٹھ جائے کہ خدا پر اِفترا باندھنے والے چار سو برس تک بھی کامیابی سے زندہ رہ سکتے ہیں۔ یہ محض دُنیوی زندگی ہے، حقیقی زندگی میں یہ لوگ ایک آنِ واحد کے لئے بھی فائز الفلاح نہیں کہے جاسکتے۔

واللّٰہ اعلم بالصواب!

خالد محمود

(عبقات ص:۲۲۰، ۲۲۱)

مرزا غلام احمد قادیانی اور اس کی اُمت کے کفر کے اسباب!

سوال:۔۔۔ براہِ کرم ہفت روزہ ’’دعوت‘‘ میں مندرجہ ذیل اُمور کا جواب دیں۔ دلائل ایسے قطعی ہوں کہ ان کی تأویل نہ کی جاسکتی ہو:

۱:۔۔۔ مرزا غلام احمد قادیانی نبی کیوں نہیں تسلیم کئے جاتے؟

۲:۔۔۔ مرزا قادیانی مجدّد کیوں نہیں تسلیم کئے جاتے؟

۳:۔۔۔ مرزا قادیانی عالم کیوں نہیں تسلیم کئے جاتے؟

۴:۔۔۔ مرزا قادیانی عابد وزاہد کیوں نہیں تسلیم کئے جاتے؟

۵:۔۔۔ مرزا غلام احمد قادیانی مسلمان کیوں نہیں تسلیم کئے جاتے؟

آپ کا مخلص: نذیر احمد بٹ، رحیم اسٹریٹ، سردارپور، اچھرہ، لاہور

جواب۱:۔۔۔ مرزاقادیانی نبی اس لئے نہیں تسلیم کئے جاسکتے کہ وہ حضور صلی اللّٰہ علیہ وسلم کے بعد تیرھویں صدی میں پیدا ہوئے، اور حضور خاتم النّبیین کے بعد میں پیدا ہونے والا کوئی شخص کبھی نبی نہیں ہوسکتا۔ حضرت عیسیٰ علیہ السلام اپنی آمد پر محض اس لئے نبی تسلیم کرلئے جائیں گے کہ وہ حضور ختمی مرتبت صلی اللّٰہ علیہ وسلم سے بہت پہلے کے پیدا ہوئے ہیں، مگر آنحضرت صلی اللّٰہ علیہ وسلم کے بعد پیدا ہونے والا کوئی شخص نبی نہیں ہوسکتا، کیونکہ ہر طرح کی نبوّت حضور صلی اللّٰہ علیہ وسلم پر ختم ہوچکی ہے اور وحیٔ نبوّت کا سلسلہ منقطع ہوچکا ہے۔ علاوہ ازیں پیغمبروں کی شان یہ ہے کہ وہ اللّٰہ رَبّ العزّت کے سواء کسی سے نہیں ڈرتے،قال ﷲ تعالٰی:

’’الَّذِیْنَ یُبَلِّغُونَ رِسَالَاتِ اللہِ وَیَخْشَوْنَہُ وَلَا یَخْشَوْنَ أَحَداً إِلَّا اللہَ ‘‘

(الاحزاب:۳۹)

ترجمہ:۔۔۔ ’’جو لوگ اللّٰہ تعالیٰ کی رِسالت آگے پہنچاتے ہیں اور وہ اسی سے ڈرتے ہیں، اور اس کے سوا کسی سے نہیں ڈرتے۔‘‘

اور مرزاقادیانی انگریزوں سے ڈرتے تھے، مسلمانوں سے ڈرنے کا ثبوت یہ ہے کہ انہوں نے حج نہیں کیا تھا، اور محض اس لئے نہیں کیا تھا کہ انہیں حجاز کے مسلمانوں سے جان کا خوف تھا۔ اور پھر یہ نہیں کہ یہ ڈر کوئی اَمرِ وقتی تھا، بلکہ زندگی بھر مرزاقادیانی کے ساتھ رہا۔ اور انگریزوں سے ڈرنے کی دلیل یہ ہے کہ ڈوئی کی عدالت میں انہوں نے محض ڈرتے ہوئے اپنے طریق کار کے خلاف آئندہ ضمانت کے طور پر دستخط کردئیے تھے، اور پھر ساری عمر انگریزوں کی مدح خوانی اور سلطنتِ برطانیہ کی قصیدہ خوانی کرتے رہے۔ پس ایسے اشخاص کے متعلق جن کی قلبی اور ذہنی کیفیت اس قدر کمزور ہو، نبوّت کے تصوّر کا سوال ہی پیدا نہیں ہوتا۔

۲:۔۔۔مرزاقادیانی مجدّد اس لئے تسلیم نہیں کئے جاسکتے کہ مجدّد کا کام قوم کو پہلی بدعات اور پہلی آلائشوں سے نجات دِلانا ہے، جو زمانے کے تاثرات اور رسم ورِواج سے وہ داخلِ دِین کرچکے ہوں، اور وہ بھی زیادہ تر علمی میدان میں، معروف کے قیام اور منکرات کی روک تھام کے لئے عمل میں آتا ہے۔ مرزاقادیانی بجائے اس کے کہ قوم کو کسی پہلے اِنتشار سے نجات دِلاتے، خود ایک وجۂ اِنتشار بن گئے۔ بجائے اس کے کہ پہلی فرقہ بندی میں کچھ کمی ہوتی، ایک اور فرقے کا ان میں اِضافہ ہوگیا، اور وہ فرقہ بھی ایسا بنا جو پوری قوم سے کٹ کر ایک جداگانہ ملت بن گیا۔ پس جبکہ مرزاقادیانی کا کوئی کام مجدّدینِ سابقین کے منہاج پر نہ تھا، انہیں مجدّد کس طرح تسلیم کیا جاسکتا ہے۔۔۔؟

۳:۔۔۔ مرزاقادیانی کو ایک عالم اس لئے تسلیم نہیں کیا جاتا کہ وہ معقول، منقول اور ادب ہر اِعتبار سے کمزور اور خام تھے۔ ادب عربی کے اِعتبار سے وہ متعدّد غلطیوں کے مرتکب ہوئے، جن کی تفاصیل سب اپنی اپنی جگہ موجود ہیں۔ منقول میں بھی انہوں نے بہت سی غلطیاں کی ہیں۔ حدیث کی بحث کرتے ہیں تو قواعدِ محدثین اور آدابِ محدثین سے ناواقف دِکھائی دیتے ہیں۔ تفسیر کرتے ہیں تو قرآنی علوم سے خالی نظر آتے ہیں۔ علیٰ ھٰذاالقیاس ان میں کوئی علمی ممتاز شان نہ تھی کہ انہیں اِمتیازی طور پر عالم تسلیم کیا جائے۔

۴:۔۔۔ مرزاقادیانی کا غیرمحرَم عورتوں سے عام اِختلاط اور متعدّد غلط بیانیوں کا اِرتکاب، انہیں ایک زاہد اور پرہیزگار اِنسان سمجھنے کی اِجازت نہیں دیتا۔

۵:۔۔۔ مرزاقادیانی کو مسلمان تسلیم کرنے سے یہ اُمور مانع ہیں:

1۔۔۔ انہوں نے مراق سے اِفاقے کی حالت میں بھی ختمِ نبوّت کے ان معنوں کا اِنکار جاری رکھا جو آنحضرت صلی اللّٰہ علیہ وسلم سے لے کر آخر تک اُمتِ مسلمہ نے بالاجماع سمجھ رکھے تھے اور ختمِ نبوّت کا یہ اِنکار ایک مستقل وجۂ کفر ہے۔

2۔۔۔ انہوں نے حضرت عیسیٰ علیہ السلام کی توہین کی اور انہیں بہت سے نامناسب الفاظ کے ساتھ ذِکر کیا، اور قاعدۂ شرعیہ ہے کہ نبی کی توہین اور اس کی شان میں کسی قسم کی گستاخی ہر دو موجبِ کفر ہیں۔

3۔۔۔ مرزاقادیانی نے بعض ان اُمورِ شرعیہ کو جو حضور ختمی مرتبت صلی اللّٰہ علیہ وسلم کی شریعت میں عبادات تھے، حرام قرار دے کر تحریمِ حلال اور تحلیلِ حرام کا اِرتکاب کیا، جیسے جہاد کو حرام قرار دینا وغیرہ۔

واللّٰہ اعلم بالصواب!

کتبہ‘ خالد محمود عفا اللّٰہ عنہ

(عبقات ص:۱۹۴-۱۹۶)

چودھویں صدی ہجری کی شریعت میں کوئی اہمیت نہیں

سوال:۔۔۔ چودھویں صدی ہجری کی اسلام میں کیا اہمیت ہے؟ اور جناب کسی شخص نے مجھ سے کہا کہ ’’چودھویں صدی میں نہ تو کسی کی دُعا قبول ہوگی اور نہ ہی اس کی عبادات‘‘ آخر کیا وجہ ہے؟

جواب:۔۔۔ شریعت میں چودھویں صدی کی کوئی خصوصیت اہمیت نہیں۔ جن صاحب کا قول آپ نے نقل کیا ہے، وہ غلط ہے۔

(آپ کے مسائل اور اُن کا حل ج:۱ ص۲۷۹)

کیا چودھویں صدی آخری صدی ہے؟

سوال:۔۔۔ بعض لوگ کہتے ہیں کہ: ’’چودھویں صدی آخری صدی ہے، اور چودھویں صدی ختم ہونے میں ڈیڑھ سال باقی ہے، اس کے بعد قیامت آجائے گی‘‘ جبکہ میں اس بات کو غلط خیال کرتا ہوں۔

جواب:۔۔۔ یہ بات سراسر غلط ہے۔ قرآنِ کریم اور حدیثِ نبوی میں قیامت کا معین وقت نہیں بتایا گیا(۱) اور اس کی بڑی بڑی جو علامتیں بیان فرمائی گئی ہیں، وہ ابھی شروع نہیں ہوئیں، ان علامتوں کے ظہور میں بھی ایک عرصہ لگے گا۔ اس لئے یہ خیال محض جاہلانہ ہے کہ چودھویں صدی ختم ہونے پر قیامت آجائے گی۔

(آپ کے مسائل اور اُن کا حل ج:۱ ص:۲۷۸،۲۷۹)

(۱) إِنَّ اللہَ عِندَہُ عِلْمُ السَّاعَۃِ (لقمان:۳۴)

عن عمر بن الخطاب رضی اﷲ عنہ قال: بینما نحن عند رسول اﷲ صلی اﷲ علیہ وسلم ذات یوم، إذ طلع علینا رجل شدید بیاض الثیاب، شدید سواد الشعر ۔۔۔۔۔۔۔۔۔ قال: فأخبرنی عن الساعۃ؟ قال: ما المسئول عنھا بأعلم من السائل ۔۔۔إلخ۔ (مشکوٰۃ ص:۱۲، کتاب الإیمان، الفصل الأوّل، طبع قدیمی)۔

پندرھویں صدی اور قادیانی بدحواسیاں

سوال:۔۔۔ جناب مولانا صاحب! پندرھویں صدی کب شروع ہورہی ہے؟ باعثِ تشویش یہ بات ہے کہ بندہ نے قادیانیوں کا اخبار ’’الفضل‘‘ دیکھا، اس میں اس بارے میں متضاد باتیں لکھی ہیں، چنانچہ مورخہ ۷؍ذی الحجہ ۱۳۹۹ھ، ۲۹؍اکتوبر ۱۹۷۹ء کے پرچے میں لکھا ہے کہ:

’’سیّدنا حضرت خلیفۃ المسیح الثالث نے غلبۂ اِسلام کی صدی کے اِستقبال کے لئے جس کے شروع ہونے میں دس دن باقی رہ گئے ہیں، ایک اہم پروگرام کا اعلان فرمایا ہے۔‘‘

مگر ’’الفضل‘‘ ۱۲؍ذی الحجہ ۱۳۹۹ھ، ۳؍نومبر ۱۹۷۹ء کے اخبار میں لکھا ہے کہ سیّدنا وامامنا حضرت خلیفۃ المسیح الثالث پر آسمانی اِنکشاف کیا گیا ہے کہ پندرھویں صدی جس کی اِبتدا اگلے سال ۱۹۸۰ء میں ہو رہی ہے ۔۔۔۔۔۔۔

اور ربوہ (چناب نگر) کے ایک قادیانی پرچے ’’انصار اللّٰہ‘‘ نے ربیع الثانی ۱۳۹۹ھ، مارچ ۱۹۷۹ء کے شمارے میں ’’چودھویں صدی ہجری کا اِختتام‘‘ کے عنوان سے ایک اِدارتی نوٹ میں لکھا ہے کہ:

’’اسلامی کیلنڈر کے مطابق چودھویں صدی کے آخری سال کے چوتھے ماہ کا بھی نصف گزرچکا ہے، یعنی آج پندرہ ربیع الثانی ۱۳۹۹ھ ہے اور چودھویں صدی ختم ہونے میں صرف ساڑھے آٹھ ماہ کا عرصہ رہ گیا ہے، پندرھویں صدی کا آغاز ہونے والا ہے (گویا محرم ۱۴۰۰ھ سے)۔‘‘

آپ ہماری رہنمائی فرمائیں کہ پندرھویں صدی کب سے شروع ہو رہی ہے؟ اس ۱۴۰۰ھ سے یا اگلے سال محرم ۱۴۰۱ھ سے؟ یا ابھی دس سال باقی ہیں؟

جواب:۔۔۔ ’’صدی‘‘ سو سال کے زمانے کو کہتے ہیں۔ چودھویں صدی ۱۳۰۱ھ سے شروع ہوئی تھی، اب اس کا آخری سال محرم ۱۴۰۰ھ سے شروع ہو رہا ہے، اور محرم ۱۴۰۱ھ پندرھویں صدی کا آغاز ہوگا۔ باقی قادیانی صاحبان کی اور کون سی بات تضادات کا گورکھ دھندا نہیں ہوتی۔۔۔! اگر نئی صدی کے آغاز جیسی بدیہی بات میں بھی تضاد بیانی سے کام لیں تو یہ ان کی ذہنی ساخت کا فطری خاصہ ہے، اس پر تعجب ہی کیوں ہو۔۔۔؟

(آپ کے مسائل اور اُن کا حل ج:۱ ص:۲۷۹،۲۸۰)

کیا آنحضرت صلی اللّٰہ علیہ وسلم کی کنگن پہننے والی پیش گوئی غلط ثابت ہوئی؟

سوال:۔۔۔ یہاں قادیانی یہ اِعتراض کرتے ہیں کہ نبی کریم صلی اللّٰہ علیہ وسلم نے خواب میں دیکھا تھا کہ میرے دونوں ہاتھوں میں سونے کے کنگن ہیں، لیکن وہ کنگن حضور صلی اللّٰہ علیہ وسلم نہ پہن سکے۔ اس کا مطلب ہے کہ ان کی پیش گوئی جھوٹی نکلی (نعوذباللّٰہ)۔ یہ حدیث کیا ہے؟ کس کتاب کی ہے؟ وضاحت سے لکھیں۔

جواب:۔۔۔ دو کنگنوں کی حدیث دُوسری کتابوں کے علاوہ صحیح بخاری، کتاب المغازی، باب قصۃ الاسود

العنسی ج:۲ ص:۶۲۸، اور کتاب التعبیر، باب النفخ فی المنام ج:۲ ص:۱۰۴۲ میں بھی ہے۔ حدیث کا متن یہ ہے: (۱)

ترجمہ:۔۔۔ ’’میں سو رہا تھا تو میں نے دیکھا کہ میرے پاس زمین کے خزانے لائے گئے اور میرے ہاتھوں پر دو کنگن سونے کے رکھے گئے، میں ان سے گھبرایا اور ان کو ناگوار سمجھا، مجھے حکم ہوا کہ ان پر پھونک دو، میں نے پھونکا تو دونوں اُڑگئے، میں نے اس کی تعبیر ان دو جھوٹوں سے کی جو دعویٔ نبوّت کریں گے، ایک اسود عنسی اور دُوسرا مسیلمہ کذّاب۔‘‘

اس خواب کی جو تعبیر آپ صلی اللّٰہ علیہ وسلم نے فرمائی، وہ سو فیصد سچی نکلی، اس کو ’’جھوٹی پیش گوئی‘‘ کہنا قادیانی کافروں ہی کا کام ہے۔

(آپ کے مسائل اور اُن کا حل ج:۱ ص:۲۹۴)

مباہلہ اور خدائی فیصلہ

سوال:۔۔۔ مباہلے کی کیا حقیقت ہے؟ اس بارے میں کلام مجید کی کون کون سی آیات کا نزول ہوا ہے؟

جواب:۔۔۔ مباہلہ کا ذِکر سورۂ آل عمران، آیت:۶۱ میں آیا ہے، جس میں نجران کے نصاریٰ کے بارے میں فرمایا گیا ہے:

ترجمہ:۔۔۔ ’’پھر جو کوئی جھگڑا کرے تجھ سے اس قصے میں بعد اس کے کہ آچکی تیرے پاس خبر سچی تو تو کہہ دے: آؤ! بلائیں ہم اپنے بیٹے اور تمہارے بیٹے، اور اپنی عورتیں اور تمہاری عورتیں اور اپنی جان اور تمہاری جان، پھر اِلتجا کریں ہم سب، اور لعنت کریں اللّٰہ کی ان پر جو جھوٹے ہیں۔‘‘(۲)

(ترجمہ شیخ الہندؒ)

اس آیتِ کریمہ سے مباہلہ کی حقیقت واضح ہوجاتی ہے کہ جب کوئی فریق حق واضح ہوجانے کے باوجود اس کو جھٹلاتا ہو اس کو دعوت دی جائے کہ آؤ! ہم دونوں فریق اپنی عورتوں اور بچوں سمیت ایک میدان میں جمع ہوں اور گڑگڑاکر اللّٰہ تعالیٰ سے دُعا کریں کہ اللّٰہ تعالیٰ جھوٹوں پر اپنی لعنت بھیجے۔ رہا یہ کہ اس مباہلے کا نتیجہ کیا ہوگا؟ مندرجہ ذیل احادیث سے معلوم ہوجاتا ہے:

۱:۔۔۔ مستدرک حاکم (ج:۲ ص:۵۹۴) میں ہے کہ نصاریٰ کے سیّد نے کہا کہ ان صاحب سے (یعنی آنحضرت صلی اللّٰہ علیہ وسلم سے) مباہلہ نہ کرو، اللّٰہ کی قسم! اگر تم نے مباہلہ کیا تو دونوں میں سے ایک فریق زمین میں دفنادیا جائے گا۔(۳)

۲:۔۔۔ حافظ ابونعیمؒ کی ’’دلائل النبوۃ‘‘ میں ہے کہ سیّد نے عاقب سے کہا: ’’اللّٰہ کی قسم! تم جانتے ہو کہ یہ صاحب نبیٔ برحق ہیں، اور اگر تم نے اس سے مباہلہ کیا تو تمہاری جڑ کٹ جائے گی، کبھی کسی قوم نے کسی نبی سے مباہلہ نہیں کیا کہ پھر ان کا کوئی بڑا باقی رہا

(۱) وقال رسول اﷲ صلی اﷲ علیہ وسلم: بینا انا نائم إذ اوتیت خزائن الأرض فوضع فی یَدیّ سواران من ذھب فکبرا علیّ واھمّانی فأوحی إلیّ ان انفخھما فنفختھما فاولتھما الکذابین الذَیْنِ أنا بینھما صاحب صنعاء وصاحب الیمامۃ۔ (بخاری ج:۲ ص:۱۰۴۲، کتاب التعبیر، باب النفخ فی المنام)۔

(۲) قال تعالٰی: ’’فَمَنْ حَآجَّکَ فِیْہِ مِن بَعْدِ مَا جَاء کَ مِنَ الْعِلْمِ فَقُلْ تَعَالَوْاْ نَدْعُ أَبْنَاء نَا وَأَبْنَاء کُمْ وَنِسَاء نَا وَنِسَاء کُمْ وَأَنفُسَنَا وأَنفُسَکُمْ ثُمَّ نَبْتَہِلْ فَنَجْعَل لَّعْنَۃَ اللہِ عَلَی الْکَاذِبِیْنَ‘‘ (آل عمران:۶۱)۔

(۳) عن جابر أن وفد نجران أتوا النبی صلی اﷲ علیہ وسلم ۔۔۔۔۔۔۔۔ فقال رئیسھم: لا تلاعنوا ھٰذا الرجل فواﷲ! لئن لاعنتموہ لیخسفن بأحد الفریقین۔ (الدر المنثور ج:۲ ص:۳۹، طبع إیران)۔

ہو یا ان کے بچے بڑے ہوئے ہوں۔‘‘(۱)

۳:۔۔۔ ابنِ جریرؒ، عبد بن حمیدؒ اور ابونعیم نے ’’دلائل النبوۃ‘‘ میں حضرت قتادہؓ کی روایت سے آنحضرت صلی اللّٰہ علیہ وسلم کا یہ ارشاد نقل کیا ہے کہ: ’’اہلِ نجران پر عذاب نازل ہوا چاہتا تھا، اور اگر وہ مباہلہ کرلیتے تو زمین سے ان کا صفایا کردیا جاتا۔‘‘ (۲)

۴:۔۔۔ ابنِ ابی شیبہؒ، سعید بن منصورؒ، عبد بن حمیدؒ، ابنِ جریرؒ اور حافظ ابونعیمؒ نے ’’دلائل النبوۃ‘‘ میں اِمام شعبیؒ کی سند سے آنحضرت صلی اللّٰہ علیہ وسلم کا یہ اِرشاد نقل کیا ہے کہ: ’’میرے پاس فرشتہ اہلِ نجران کی ہلاکت کی خوشخبری لے کر آیا تھا اگر وہ مباہلہ کرلیتے تو ان کے درختوں پر پرندے تک باقی نہ رہتے۔‘‘(۳)

۵:۔۔۔ صحیح بخاری، ترمذی، نسائی اور مصنف عبدالرزاق وغیرہ میں حضرت ابنِ عباسؓ کا اِرشاد نقل کیا ہے کہ: ’’اگر اہلِ نجران آنحضرت صلی اللّٰہ علیہ وسلم سے مباہلہ کرلیتے تو اس حالت میں واپس جاتے کہ اپنے اہل وعیال اور مال میں سے کسی کو نہ پاتے۔‘‘(۴)

(یہ تمام روایات دُرِّمنثور ج:۲ ص:۳۹ میں ہیں)

ان احادیث سے واضح ہوتا ہے کہ سچے نبی کے ساتھ مباہلہ کرنے والے عذابِ اِلٰہی میں اس طرح مبتلا ہوجاتے کہ ان کے گھربار کا بھی صفایا ہوجاتا اور ان کا ایک فرد بھی زندہ نہیں رہتا۔

یہ تو تھا سچے نبی کے ساتھ مباہلہ کرنے کا نتیجہ! اب اس کے مقابلے میں مرزا غلام احمد قادیانی کے مباہلے کا نتیجہ بھی سن لیجئے۔۔۔!

۱۰؍ذیقعد ۱۳۱۰ھ مطابق ۲۷؍مئی ۱۸۹۳ء کو مولانا عبدالحق غزنوی مرحوم سے ایک دفعہ مرزاقادیانی کا عیدگاہ امرتسر کے میدان میں مباہلہ ہوا۔

(مجموعہ اِشتہارات مرزا غلام احمد قادیانی ج:۱ ص:۴۲۷، ۴۲۸)

مباہلے کے نتیجے میں مرزاقادیانی کا مولانا مرحوم کی زندگی میں انتقال ہوگیا (مرزا قادیانی نے ۲۶؍مئی ۱۹۰۸ء کو اِنتقال کیا، اور مولانا عبدالحق مرحوم، مرزاقادیانی کے نو سال بعد تک زندہ رہے، ان کا انتقال ۱۶؍مئی ۱۹۱۷ء کو ہوا)۔

(رئیس قادیان ج:۲ ص:۱۹۲)

مرزاقادیانی نے اپنی وفات سے ساتھ مہینے چوبیس دن پہلے (۲؍اکتوبر ۱۹۰۷ء کو) فرمایا تھا:

(۱) وأخرج أبو نُعیم فی الدلائل ۔۔۔۔۔۔۔۔ قال السید للعاقب: قد واﷲ! علمتم ان الرجل نبی مرسل ولئن لاعنتموہ انہ یستأصلکم وما لاعن قوم نبیًّا فبقی کبیرھم ولا نبت صغیرھم ۔۔۔إلخ۔ (الدر المنثور ج:۲ ص:۳۹، طبع إیران)۔

(۲) واخرج عبد بن حمید وابن جریر وابو نُعیم فی الدلائل عن قتادۃ ۔۔۔۔۔۔۔۔ قال: ان کان العذاب لقد نزل علٰی اھل نجران ولو فعلوا لاستؤْصلوا عن جدید الأرض۔ (الدر المنثور ج:۲ ص:۳۹، طبع إیران)۔

(۳) واخرج ابن ابی شیبۃ وسعید بن منصور وعبد بن حمید وابو نُعیم عن الشعبی ۔۔۔۔۔۔۔۔۔ فقال النبی صلی اﷲ علیہ وسلم: لقد أتانی البشیر بھلکۃ اھل نجران حتی الطیر علی الشجر لو تموا علی الملاعنۃ۔ (الدر المنثور ج:۲ ص:۳۹ طبع إیران)۔

(۴) واخرج عبدالرزاق والبخاری والترمذی والنسائی وابن جریر وابن المنذر وابن ابی حاتم وابن مردویہ وابو نُعیم فی الدلائل عن ابن عباس قال: لو باھل اھل نجران رسول ﷲ صلی اﷲ علیہ وسلم لرجعوا لا یجدون أھلًا ولا مالًا۔

(الدر المنثور ج:۲ ص:۳۹، طبع إیران)

’’مباہلہ کرنے والوں میں سے جو جھوٹا ہو، وہ سچے کی زندگی میں ہلاک ہوجاتا ہے۔‘‘

(ملفوظات مرزا غلام احمد قادیانی ج:۹ ص:۴۴۰)

مرزاقادیانی نے مولانا مرحوم سے پہلے مرکر اپنے مندرجہ بالا قول کی تصدیق کردی اور دو اور دو چار کی طرح واضح ہوگیا کہ کون سچا تھا اور کون جھوٹا تھا۔۔۔!

(آپ کے مسائل اور اُن کا حل ج:۱ ص:۳۹۷،۳۹۸)

قادیانی تحریک کی بنیاد

سوال:۔۔۔ ’’عبقات‘‘ پڑھنے کا موقع ملا ہے، ماشاء اللّٰہ! مطالعۂ شیعیت میں یہ حرفِ آخر ہے۔ لیکن اس میں جو قادیانی مباحث لکھے ہیں، اگر وہ نہ ہوتے تو یہ کتاب ایک موضوع پر رہتی۔ ملتمس ہوں کہ نئے ایڈیشن میں قادیانیوں کے رَدّ کو اس کتاب سے علیحدہ کردیں، اس میں زیادہ فائدہ ہوگا۔

سائل: عبداللطیف انور

جواب:۔۔۔ مرزا غلام احمد قادیانی کی تحریک دراصل شیعہ تحریکوں کی ہی ایک کڑی ہے۔ شیعیت میں چھپے مہدی کے تصوّر نے بہت سے لوگوں کو مہدی بننے کا شوق دیا۔ محمد علی باب کی تحریک، اور بہاء اللّٰہ ایرانی کی تحریک بھی دراصل اسی شیعہ عقیدے کی صدائے بازگشت تھی۔ مرزا غلام احمد قادیانی بھی اِبتدا میں اسی راستے پر چلا ہے، سو قادیانیت کو بھی اس پہلو سے شیعیت کی ایک بدلی ہوئی صورت کہہ سکتے ہیں۔ مرزا غلام احمد نے مصر کے ایک مشہور محقق علامہ رشید رضا مصری کو ایک خط لکھا اور اس میں اپنے دعاوی کا ذِکر کیا، علامہ رشید رضا نے وہ خط اور اس کا رَدّ اپنے رسالے ’’المنار‘‘ میں دے دیا۔ مرزا غلام احمد نے پھر اپنی تحریرات میں علامہ رشید رضا کو بہت بُرابھلا کہا اور اسے: ’’سیھزم فلا یریٰ‘‘ (اسے شکست ہوگی اور پھر وہ کہیں دیکھا نہ جائے گا) کے لفظوں سے موت کی دھمکی دی اور گمان کیا کہ یہ وحی ہے جو اپنے خدا کی طرف سے ملی ہے۔

علامہ رشید رضا لکھتے ہیں:

’’وتوعدنی بقولہ عنی ’’سیھزم فلا یریٰ‘‘ وزعم ان ھٰذا بنأوحی جائہ من ﷲ جل وعلا وقد کان ھو الذی انھزم ومات۔

کان ھٰذا الرجل یستدل بموت المسیح ورفع إلی السماء کما رفعت ارواح الأنبیاء علٰی انہ ھو المسیح الموعود بہ ولا یزال اتباعہ یستدلون بذالک وقد جری علٰی طریقۃ ادعیاء المھدویۃ من شیعۃ إیران (کالباب والبھاء) فی إستنباط الدلائل الوھمیۃ علٰی دعوتہ من القرآن ۔۔۔۔۔۔۔۔ وھو یجد عن جاھلی اللغۃ وفاقدی الإستقلال العقلی من یقبل منہ کل دعویٰ۔‘‘

(تفسیر المنار ج:۶ ص:۵۸)

ترجمہ:۔۔۔ ’’اس شخص نے مجھے میرے بارے میں یہ کہہ کر ڈرایا کہ یہ عنقریب پسپا ہوگا، پھر کہیں دیکھا نہ جاسکے گا (میری موت کی پیش گوئی کردی)، اور گمان کیا کہ یہ وحی کی خبر ہے جو اسے خدا جل وعلا سے ملی ہے،

اور بات یوں نکلی کہ وہ خود ہی پسپا ہوا اور مرگیا۔ یہ شخص (اپنے لئے) موت مسیح سے مسیحِ موعود ہونے پر اِستدلال کرتا تھا اور اس بات سے کہ حضرت مسیح کی رُوح بھی اسی طرح آسمانوں میں چلی گئی ہے جس طرح اور انبیاء کے ساتھ ہوا۔ اور اس کے پیرو اس بات سے برابر اِستدلال کرتے چلے آرہے ہیں اور مرزا غلام احمد اس میں ایران کے شیعہ مدعیانِ مہدویت کے طریق پر چلا ہے، اپنے دعوے کے وہمی دلائل قرآن سے اخذ کرنے میں۔۔۔۔۔۔۔۔۔ جو لوگ عربی زبان سے جاہل ہیں اور ان کی عقل اپنی جگہ قائم نہیں، ان میں ایسے بھی ہیں جو اس کے ہر دعوے پر اس کی ہاں میں ہاں ملا رہے ہیں۔‘‘

سو اس میں کوئی شک نہیں کہ قادیانیت ایک بگڑی ہوئی شیعیت کا ہی دُوسرا نمود ہے۔ سو عبقات میں ان پر تنقید اپنے موضوع سے باہر نہیں۔ اور یہ بات تو آپ سے مخفی نہ ہوگی کہ عبقات کوئی مستقل کتاب نہیں، ہفت روزہ ’’دعوت‘‘ لاہور کے باب الاستفسار (جو مختلف موضوعات پر ہوئے تھے) کی ہی ایک مجموعی پیش کش ہے،فیتقبل ﷲ مِنّا ومنکم!

خالد محمود عفا اللّٰہ عنہ

(عبقات ص:۴۸۳،۴۸۴)

مرزا قادیانی کی تردیدِ عیسائیت کی غرض؟

سوال:۔۔۔ مرزا غلام احمد قادیانی کے متعلق یہ مشہور ہے کہ وہ سلطنتِ برطانیہ کا خیرخواہ اور انگریزوں کا ایجنٹ تھا، مگر اس کے برعکس ہم دیکھتے ہیں کہ عیسائیوں کی تردید میں وہ بہت پیش پیش تھا، اگر وہ واقعی ان عیسائی قوموں کا نمک خوار تھا تو وہ پھر عیسائیوں کی تردید میں اس قدر کام کیوں کرتا رہا؟ اس کا جواب ہفت روزہ ’’دعوت‘‘ میں دیں۔

جواب:۔۔۔ سلسلۂ مرزائیت کے سربراہ اور قادیانیوں اور لاہوریوں ہر دو طبقوں کے پیشوا مرزا غلام احمد قادیانی خود اس تناقض سے پردہ اُٹھاچکے ہیں۔ ان کی اپنی تحریر سے زیادہ کوئی بیان اس مسئلے کی وضاحت نہیں کرسکتا۔ مرزا قادیانی آنجہانی ۱۸۹۹ء کی ایک تحریر میں عیسائی پادریوں کی سخت تحریروں کا تذکرہ کرتے ہوئے لکھتا ہے:

’’مجھے ایسی کتابوں اور اخباروں کے پڑھنے سے دِل میں یہ اندیشہ پیدا ہوا کہ مبادا مسلمانوں کے دِلوں پر جو ایک جوش رکھنے والی قوم ہے، ان کلمات کا کوئی سخت اِشتعال دینے والا اثر پیدا ہو، تب میں نے ان جوشوں کو ٹھنڈا کرنے کے لئے اپنی صحیح اور پاک نیت سے یہی مناسب سمجھا کہ اس عام جوش کے دبانے کے لئے حکمتِ عملی یہی ہے کہ ان تحریرات کا کسی قدر سختی سے جواب دیا جائے تاکہ سریع الغضب انسانوں کے جوش فرو ہوجائیں اور ملک میں کوئی بے امنی پیدا نہ ہو، تب میں نے بمقابل ایسی کتابوں کے جن میں کمال سختی سے بدگمانی کی گئی تھی، چند ایسی کتابیں لکھیں جن میں کسی قدر بالمقابل سختی تھی، کیونکہ میرے کانشنس نے مجھے

قطعی طور پر مجھے فتویٰ دیا کہ اسلام میں جو بہت سے وحشیانہ جوش والے آدمی موجود ہیں، ان کے غیظ وغضب کی آگ بجھانے کے لئے یہ طریق کافی ہوگا کیونکہ عوض معاوضہ کے بعد کوئی گلہ باقی نہیں رہتا۔ سو یہ میری پیش بینی کی تدبیر صحیح نکلی اور ان کتابوں کا یہ اثر ہوا کہ ہزارہا مسلمان جو پادری عمادالدین وغیرہ لوگوں کی تیز اور گندی تحریروں سے اِشتعال میں آچکے تھے، ایک دفعہ ان کے اِشتعال فرو ہوگئے، کیونکہ انسان کی یہ عادت ہے کہ جب سخت الفاظ کے مقابل اس کا عوض دیکھ لیتا ہے تو اس کا وہ جوش نہیں رہتا۔ بایں ہمہ میری تحریر پادریوں کے بالمقابل بہت نرم تھی۔ گویا کچھ بھی نسبت نہ تھی۔ ہماری محسن گورنمنٹ خوب سمجھتی ہے کہ مسلمان سے یہ ہرگز نہیں ہوسکتا کہ اگر کوئی پادری ہمارے نبی صلی اللّٰہ علیہ وسلم کو گالی دے تو ایک مسلمان اس کے عوض میں حضرت عیسیٰ علیہ السلام کو گالی دی، کیونکہ مسلمانوں کے دِلوں میں دُودھ کے ساتھ ہی یہ اثر پہنچایا گیا ہے کہ وہ جیسا کہ اپنے نبی صلی اللّٰہ علیہ وسلم سے محبت رکھتے ہیں، ایسا ہی وہ حضرت عیسیٰ علیہ السلام سے محبت رکھتے ہیں۔ سو کسی مسلمان کا یہ حوصلہ ہی نہیں کہ تیز زبانی کو اس حد تک پہنچائے جس حد تک ایک متعصب عیسائی پہنچا سکتا ہے۔ اور مسلمانوں میں یہ ایک عمدہ سیرت ہے جو فخر کرنے کے لائق ہے کہ وہ تمام نبیوں کو جو آنحضرت صلی اللّٰہ علیہ وسلم سے پہلے ہوچکے ہیں، ایک عزّت کی نگاہ سے دیکھتے ہیں اور حضرت مسیح علیہ السلام سے بعض وجوہ سے ایک خاص محبت رکھتے ہیں، جس کی تفصیل کے لئے اس جگہ موقع نہیں۔ سو مجھ سے پادیروں کے مقابل جو کچھ وقوع میں آیا یہی ہے کہ حکمتِ عملی سے بعض وحشی مسلمانوں کو خوش کیا گیا، اور میں دعوے سے کہتا ہوں کہ میں تمام مسلمانوں میں سے اوّل درجے کا خیرخواہ گورنمنٹ انگریزی کا ہوں، کیونکہ مجھے تین باتوں نے خیرخواہی میں اوّل درجے پر بنادیا ہے۔ اوّل والد مرحوم کے اثر نے۔ دوم اس گورنمنٹ کے اِحسانوں نے۔ تیسرے خدا تعالیٰ کے اِلہام نے۔ اب میں اس گورنمنٹِ محسنہ کے زیرِ سایہ ہر طرح سے خوش ہوں۔‘‘

(تبلیغ رسالت ج:۸ ص:۵۱-۵۳، مجموعہ اِشتہارات ج:۳ ص:۱۴۲)

اس تحریر سے یہ بات نہایت واضح ہے کہ قادیانیوں کا مسیحی تبلیغات کا مقابلہ کرنا اسلام کی خیرخواہی کے لئے ہرگز نہ تھا۔ عیسائی قوتوں کو ہر ممکن اِضمحلال اور کمزوری سے بچانے کے لئے یہ ان کا ایک حکیمانہ طریقِ کار تھا۔ اسلام کی خیرخواہی اگر کچھ بھی ان کے دِلوں میں موجود ہوتی تو یہ آنحضرت صلی اللّٰہ علیہ وسلم کی نبوّتِ جامعہ اور رِسالتِ جاریہ کے بعد کسی قسم کی نبوّت کے ملنے کے ہرگز قائل نہ ہوتے اور ان کا مرکزِ عقیدت مدینہ منوّرہ کی بجائے کسی صورت میں قادیان قرار نہ پاتا۔ یہ کیسے ہوسکتا ہے کہ انگریز کا خودکاشتہ پودا خود عیسائیوں کے ہی خلاف کام کرنے لگے؟ یہ جو کچھ دِکھائی دے رہا ہے، یہ فقط ظاہر ہے، حقیقت وہی ہے جسے مرزا قادیانی آنجہانی خود سپردِ قلم کرچکے ہیں۔ اس پر تعجب نہ کیا جائے کہ انہوں نے اپنا راز خود کیسے کھول دیا؟ یہ انگریزوں کو مطمئن کرنے کے لئے

ضروری تھا۔ مرزا غلام احمد قادیانی نے اسے صرف ایک اشتہار میں لکھا تھا، کتاب میں نہیں، اس کے پیروؤں نے یہ کیا کہ اس کے تمام اِشتہارات کتابی شکل میں جمع کردئیے۔

واللّٰہ اعلم بالصواب!

کتبہ‘ خالد محمود عفا اللّٰہ عنہ

۲۶؍جون ۱۹۶۴ء

(عبقات ص:۳۳۱ تا ۳۳۳)

علامہ اقبالؒ نے قادیانیوں کو علیحدہ اقلیت قرار دینے کی تحریک کی تھی

سوال:۔۔۔ بخدمت جناب حضرت علامہ دامت برکاتہم السلام علیکم

سمندری میں ۲۲؍اپریل کو دفتر بلدیہ سمندری کے چیئرمین کی زیرِ صدارت یومِ اقبال منایا گیا۔ جس میں چند مرزائی بھی مدعو تھے، میں نے اقبال اور ختمِ نبوّت کے موضوع پر تاریخی روشنی ڈالی، جس پر مرزائی مبلغ نے اِعتراض کیا کہ یہ واقعہ غلط ہے۔ میں نے بیان کیا تھا کہ کشمیر کمیٹی میں جب مرزا بشیرالدین محمود صدر تھے، ڈاکٹر اقبال نے استعفیٰ دیا تھا اور انجمن حمایتِ اسلام میں جب ڈاکٹر اقبال صدر تھے تو انہوں نے مرزائی ارکان انجمن حمایتِ اسلام سے خارج کردئیے تھے۔ میں نے یہ بھی بیان کیا تھا کہ ڈاکٹر اقبال نے مرزائیوں کو علیحدہ اقلیت قرار دینے پر بھی ایک بیان دیا تھا۔ مرزائی مبلغین نے ان سب اُمور کا اِنکار کیا ہے، اس لئے آپ ان موضوعات کے متعلق ’’دعوت‘‘ کے باب الاستفسارات میں تفصیلاً بیان فرمائیں، بہت مشکور ہوں گا۔

محمد علی جانباز

جواب:۔۔۔ یہ صحیح ہے کہ علامہ اقبالؒ جب انجمن حمایتِ اسلام لاہور کے صدر تھے تو ان کی تحریک اور عام مسلمانوں کی تائید سے انجمن حمایتِ اسلام نے ۱۹۳۶ء کے اوائل میں ایک قرارداد منظور کی تھی، جس کی رُو سے مرزائی، انجمن حمایتِ اسلام کے ممبر نہیں ہوسکتے تھے۔ اور اس قرارداد کے مطابق اس وقت جتنے بھی مرزائی ممبر تھے، سب انجمن حمایتِ اسلام کی رُکنیت سے خارج ہوگئے تھے۔ سمندری کے مرزائی مبلغ نے غلط بیانی سے کام لیتے ہوئے ان حقائق پر پردہ ڈالنے کی ناکام کوشش کی ہے۔ آپ اسے لاہور لاکر انجمن حمایتِ اسلام کا ریکارڈ دِکھاسکتے ہیں، ایسے روشن حقائق کا اِنکار بہت موجبِ تعجب ہے۔

پنڈت جواہر لال نہرو نے ۱۹۳۶ء کے وسط میں پنجاب کے مختلف مقامات کا دورہ کیا تھا، اور مرزائیوں کی ایک سیاسی انجمن نے اس دوران میں پنڈت جی کو ایک دعوتِ استقبالیہ بھی دی تھی۔ اس پر بعض حلقوں سے مرزائیوں پر کافی اِعتراضات ہوئے اور مرزا بشیرالدین محمود خلیفہ قادیان نے اپنے خطبۂ جمعہ میں ان اِعتراضات کے جوابات دئیے تھے۔ ان جوابات کے ضمن میں مرزا بشیرالدین نے بیان کیا تھا کہ ڈاکٹر اقبال نے احمدیوں کو عام مسلمانوں سے علیحدہ اقلیت قرار دینے کی تحریک کی تھی، اور پنڈت جواہر لال نہرو نے اس کا رَد کیا تھا۔ اس لئے ایسے شخص کا اِستقبال بالکل حق بجانب ہے۔ خلیفہ قادیان کا یہ خطبہ اخبار ’’الفضل‘‘ میں شائع بھی ہوا۔ الفاظ یہ ہیں:

’’اگر پنڈت جواہر لال نہرو اِعلان کردیتے کہ احمدیت کو مٹانے کے لئے وہ اپنی تمام طاقت خرچ

کردیں گے، جیسا کہ احرار نے کیا ہوا ہے، تو اس قسم کا اِستقبال بے غیرتی ہوتا، لیکن اس کے برخلاف یہ مثال موجود ہو کہ قریب کے زمانے میں ہی پنڈت صاحب نے ڈاکٹر اقبال کے ان مضامین کا رَدّ لکھا ہے جو انہوں نے احمدیوں کو مسلمانوں سے علیحدہ قرار دئیے جانے کے لئے لکھے تھے اور نہایت عمدگی سے ثابت کیا ہے کہ ڈاکٹر صاحب کا احمدیت پر اِعتراض اور احمدیوں کو علیحدہ کرنے کا سوال بالکل نامعقول اور خود ان کے گزشتہ رویے کے خلاف ہے، تو ایسے شخص کا جبکہ وہ صوبے میں مہمان کی حیثیت سے آرہا ہو، ایک سیاسی انجمن کی طرف سے اِستقبال بہت اچھی بات ہے۔‘‘

(اخبار ’’الفضل‘‘ ۱۱؍جون ۱۹۳۶ء جلد:۲۲ شمار نمبر:۲۸۷ خطبہ جمعہ)

اس عبارت میں نہایت واضح اِقرار ہے کہ مرزائیوں کو علیحدہ اقلیت قرار دینے کے محرکِ اوّل علامہ اقبالؒ ہی تھے۔ پس سمندری کے مرزائی مبلغ کا اِنکار حقیقت پر مبنی نہیں۔

ڈاکٹر یعقوب بیگ انجمن حمایتِ اسلام کے ایک پُرانے سرگرم کارکن تھے۔ وہ مرزائیوں کی لاہوری جماعت سے وابستہ تھے۔ علامہ اقبالؒ کی اسی مذکورہ بالا تحریک کی بنا پر وہ بھی انجمن حمایتِ اسلام کی رُکنیت سے علیحدہ کردئیے گئے، اس لئے علامہ اقبالؒ کی یہ تحریک لاہوری جماعت پر بھی بہت گراں تھی۔ انہی دِنوں لاہوری جماعت کے امیر مولوی محمد علی صاحب کی طرف سے بھی اخبار ’’پیغامِ صلح‘‘ میں یہ بیان شائع ہوا تھا:

’’علامہ اقبال جیسے بلند پایہ انسان جسے آج سے چار برس پہلے ایک مسلمان کمیٹی کا صدر بنائیں، آج اسے کافر قرار دیں۔ مرزا محمود احمد قادیانی کو کشمیر کمیٹی کا صدر بنانے میں سر محمد اقبال پیش پیش تھے اور جس جماعت کو سولہ سترہ سال پیشتر ٹھیٹھ اسلامی سیرت کا نمونہ بتائیں، آج اسے کافروں کی جماعت قرار دیں، پس مناسب ہے کہ جو کچھ فتویٰ دیں وہ آج کی تحریرات پر دیں۔‘‘

(اخبار ’’پیغامِ صلح‘‘ جلد:۲۴ شمارہ:۲۸، فروری ۱۹۳۶ء)

گو ہمیں اس سے اتفاق نہیں کہ مرزا بشیرالدین محمود کو کشمیر کمیٹی کا صدر بنانے کے محرک علامہ اقبالؒ تھے، اس وقت اس سے بھی بحث نہیں کہ پھر علامہ اقبالؒ نے اس کمیٹی سے آخر کیوں اِستعفیٰ دے دیا تھا، اس وقت ہمیں صرف یہ دِکھانا ہے کہ قادیانی اور لاہوری دونوں جماعتوں کے بیان کے مطابق مرزائیوں کو مسلمانوں سے علیحدہ اقلیت قرار دینے کو محرکِ اوّل علامہ اقبال مرحوم ہی تھے۔

ڈاکٹر یعقوب بیگ (لاہوری مرزائی) انجمن حمایتِ اسلام کے اس فیصلے کے پورے ایک ہفتے بعد فوت ہوگئے تھے، اور مرزائی اخبارات نے لکھا تھا کہ ڈاکٹر صاحب کی وفات اسی صدمے سے ہوئی کہ ملتِ اسلامیہ انہیں کس طرح پوری ملت سے کٹا ہوا سمجھتی ہے۔

پھر اخبار ’’پیغامِ صلح‘‘ کی اسی جلد کے شمارہ نمبر:۶۰ کی اِشاعت میں یہاں تک مذکور ہے کہ ’’ان دِنوں اسمبلی کے اُمیدوار

یہ عہد کرتے پھرتے تھے کہ اسمبلی میں جاکر احمدیوں کو مسلمانوں سے علیحدہ اقلیت منظور کرانے کی کوشش کروں گا۔‘‘

(پیغامِ صلح ص:۹، ستمبر ۱۹۳۶ء)

علامہ اقبالؒ کو اگر ایک وقت تک مرزائیوں کے تفصیلی نظریات کی اِطلاع نہ ہوسکی تو اس کا مطلب یہ نہیں کہ علامہ اقبالؒ کے اپنے نظریات میں کوئی کمزوری تھی۔ نہیں! ان کا اپنا اعتقاد اس وقت بھی اتنا ہی پختہ تھا جتنا کہ وہ بعد میں ظاہر ہوا۔ علامہ ڈاکٹر محمد اقبالؒ کا ایک مضمون ۱۹۱۴ء کی اِبتدا میں ’’لمعات‘‘ شائع ہوا تھا، جسے اخبار ’’الفضل‘‘ نے بھی جلد نمبر:۳ کے شمارہ نمبر:۱۰۵ میں نقل کیا تھا:

’’وہ (ڈاکٹر اقبال) لکھتے ہیں کہ جو شخص نبی کریم صلی اللّٰہ علیہ وسلم کے بعد کسی ایسے نبی کے آنے کا قائل ہے جس کا اِنکار مستلزمِ کفر ہو، وہ خارج اَز دائرۂ اسلام ہے۔ اگر قادیانی جماعت کا بھی یہی عقیدہ ہے تو وہ بھی دائرۂ اسلام سے خارج ہے۔‘‘

(الفضل ص:۱۱، اپریل ۱۹۱۴ء)

رہا یہ مسئلہ کہ قادیانی فرقے کے نزدیک مرزا غلام احمد قادیانی کا اِنکار ’’مستلزم‘‘ کفر ہے یا نہیں؟ سو اس کے لئے اتنی بات یاد رکھیے کہ علامہ اقبال مرحوم کے والد مرحوم پہلے مرزا غلام احمد قادیانی کے وابستگان میں سے تھے، پھر جب وہ مرزائیت کی حقیقت سے واقف ہوئے تو انہوں نے ان کی جماعت سے علیحدگی اختیار کرلی۔ اس پر مرزاقادیانی نے انہیں لکھا کہ آپ کا نام نہ صرف جماعت سے بلکہ اسلام سے ہی کاٹ دیا گیا ہے۔ اس واقعے کا کچھ تذکرہ مرزا بشیرالدین کے بھائی مرزا بشیراحمد نے بھی ’’سیرت المہدی‘‘ (دوسرا ایڈیشن مطبوعہ ۱۹۳۵ء) کی تیسری جلد، ص:۲۴۹ میں کیا ہے۔ اور اس مسئلے کی بحث کہ مرزائیوں کے نزدیک مرزا غلام احمد قادیانی کا اِنکار ’’مستلزم‘‘ کفر ہے یا نہیں؟ احقر کی کتاب ’’عقیدۃ الاُمَّۃ فی معنیٰ ختم النُّبوَّۃ‘‘ میں نہایت مفصل طور پر موجود ہے۔ بہرحال اس سے اِنکار نہیں ہوسکتا کہ علامہ اقبالؒ کی اسلامی خدمات میں سے عقیدۂ ختمِ نبوّت کی خدمت ملتِ اسلامیہ پر ایک ایسا احسان ہے کہ اسے بیان کرنے کے بغیر یادِ اِقبال کا کوئی حق ادا نہیں ہوسکتا۔ آپ کی (مولانا محمد علی صاحب) یہ ہمت لائقِ تحسین ہے کہ آپ نے سمندری کے اس جلسہ یومِ اقبال میں علامہ اقبالؒ کی اس عظیم اسلامی خدمت کو تفصیل سے بیان کیا۔ رَبّ العزّت آپ کو جزائے خیر دے۔

والسلام!

احقر خالد محمود عفا اللّٰہ عنہ

(عبقات ص:۳۱۴ تا ۳۱۷)

معراجِ نبوی، سیر رُوحانی تھا یا جسمانی؟

سوال:۔۔۔ آنحضرت صلی اللّٰہ علیہ وسلم کی سیر، معراج کے متعلق صحیح عقیدہ کیا ہے؟ حضور انور صلی اللّٰہ علیہ وسلم کو یہ سیر جسمانی طور پر کرائی گئی یا یہ ایک رُوحانی سیر تھی؟ اگر یہ ایک جسمانی سیر تھی تو پھر بعض روایات میں واقعۂ معراج مذکور ہونے کے بعد یہ الفاظ کیوں کہے: ’’ثم استیقظت‘‘ کہ ’’پھر میں جاگ پڑا‘‘ اس سے پتا چلتا ہے کہ پہلے کا سارا واقعہ ایک خواب کا واقعہ تھا۔ پھر یہ معراج جسمانی طور پر کیسے صحیح ہوا؟

سائل: عبدالرزاق، از سعدی پارک، لاہور

جواب:۔۔۔ جمہور اہلِ اسلام کا یہی عقیدہ ہے کہ آنحضرت صلی اللّٰہ علیہ وسلم کو یہ سیر جسدِ عنصری کے ساتھ بحالتِ بیداری کرائی گئی اور معراج شریف کا واقعہ جسمانی طور پر ہی عمل میں آیا اور یہی ہمارا اہلِ سنت کا عقیدہ ہے۔

۱:۔۔۔ حافظ ابنِ قیمؒ فرماتے ہیں:

’’ثم اسری برسول ﷲ صلی ﷲ علیہ وسلم بجسدہ علی الصحیح۔‘‘

(زاد المعاد ج:۱ ص:۹۹، طبع المنار الإسلامیۃ، بیروت)

ترجمہ:۔۔۔ ’’صحیح یہ ہے کہ آنحضرت صلی اللّٰہ علیہ وسلم کو سیرِ معراج آپ کے جسدِ اَطہر سمیت کرائی گئی۔‘‘

۲:۔۔۔ حضرت اِمام شاہ ولی اللّٰہ صاحب محدث دہلویؒ فرماتے ہیں:

’’اسری بہ صلی ﷲ علیہ وسلم إلی المسجد الأقصٰی ثم إلٰی سدرۃ المنتھٰی وإلٰی ما شاء ﷲ وکل ذالک بجسدہ صلی ﷲ علیہ وسلم فی الیقظۃ‘‘

(حجۃ ﷲ البالغۃ ج:۲ ص:۲۰۶، مطبوعہ نور محمد کتب خانہ کراچی)

ترجمہ:۔۔۔ ’’آنحضرت صلی اللّٰہ علیہ وسلم کو مسجدِ اقصیٰ تک، پھر وہاں سے سدرۃالمنتہیٰ تک، اور پھر وہاں سے اس مقام تک جہاں بھی خدا کو منظور تھا، حضور صلی اللّٰہ علیہ وسلم کی سیر کرائی گئی اور یہ سب کچھ جسدِ اَطہر کے ساتھ عالم بیداری میں واقع ہوا۔‘‘

۳:۔۔۔ دارالعلوم دیوبند کے محدثِ جلیل شیخ الاسلام علامہ شبیر احمد عثمانی ؒلکھتے ہیں:

’’ان الإسراء والمعراج وقعا فی لیلۃ واحدۃ فی الیقظۃ بجسد النبی صلی ﷲ علیہ وسلم وروحہ بعد المبعث وإلٰی ھٰذا ذھب الجمھور من العلماء المحدثین والفقھاء والمتکلمین وتواردت علیہ ظواھر الأخبار الصحیحۃ ولا ینبغی العدول عن ذالک إذ لیس فی العقل ما یحیلہ حتّٰی یحتاج إلٰی تأویل قلت ولا سیما فی ھٰذا العصر الذی شاھد الناس فیہ من التجارب الروحیۃ والأعمال الکھربائیۃ ما ترک الأوھام حائرۃ۔‘‘

(فتح الملھم ج:۱ ص:۳۱۶)

ترجمہ:۔۔۔ ’’حافظ عسقلانی لکھتے ہیں کہ اسراء اور معراج دونوں ایک ہی رات میں آنحضرت صلی اللّٰہ علیہ وسلم کے جسدِ اَطہر اور رُوحِ انور کے مجموعے کے ساتھ عالمِ بیداری میں واقع ہوئے اور یہ واقعہ بعثت شریفہ کے بعد عمل میں آیا، جمہور علماء محدثین، فقہاء اور متکلمین کا یہی فیصلہ ہے۔ صحیح احادیث کے ظاہر فیصلے بھی یہی ہیں جن سے روگردانی کرنا صحیح نہیں۔ عقل اسے محال قرار نہیں دیتی کہ اس کی کوئی تأویل کرنی پڑے۔ میرے خیال میں اس زمانے میں تو خاص کر اس کے اِنکار کی کوئی گنجائش نہیں، کیونکہ رُوحی تجربات اور برقی اعمال نے انسانی فکر وگمان کو نہایت حیرت میں ڈال رکھا ہے۔‘‘

۴:۔۔۔ نواب صدیق حسن خاں صاحب تفسیر ’’فتح البیان‘‘ میں لکھتے ہیں:

’’جس امر کی کثرت سے احادیثِ صحیحہ دلالت کرتی ہیں وہ، وہ ہے جس کی طرف سلف وخلف کے اکثر اکابر گئے ہیں کہ اسراء آپ صلی اللّٰہ علیہ وسلم کے جسد شریف اور رُوح کے ساتھ عالمِ بیدای میں تھا۔‘‘

(فتح البیان ج:۳ ص:۲۸)

’’ثُمَّ اسْتَیْقَظْتُ‘‘ کی روایات کا جواب

پہلا جواب

معراج شریف کا واقعہ اتنا طویل البیان ہے اور اس کی جزئیات اس قدر طویل ہیں کہ اس کے تذکرے میں بعض اُمور کا آگے پیچھے ہوجانا کوئی تعجب خیز بات نہیں۔ یہاں جس جاگنے کا بیان ہے یہ وہ جاگنا ہے جو پہلے مسجدِ حرام میں واقع ہوا تھا، جبکہ حضرت جبریل آنحضرت صلی اللّٰہ علیہ وسلم کو لینے آئے تھے، اس وقت حضور صلی اللّٰہ علیہ وسلم بیدار ہوئے اور پھر یہ واقعہ معراج عمل میں آیا۔ کسی راوی نے اس جاگنے کا یہ جز آخر میں بیان کردیا، جس سے یہ وہم ہونے لگا کہ شاید یہ واقعہ خواب کا ہو۔ آئیے دیکھیں کہ اس حدیث کی روایات میں کوئی ایسا راوی تو نہیں جو تقدم وتأخر کا مرتکب ہوا ہو۔ صحیح بخاری، کتاب التوحید (ج:۲ ص:۱۱۲۰ سطر:۳، طبع دہلی) میں شریک بن عبداللّٰہ سے مروی ’’فاستیقظ‘‘ کی روایت موجود ہے کہ ’’حضور صلی اللّٰہ علیہ وسلم پھر جاگ پڑے، اور شریک بن عبداللّٰہ تقدم وتاخر کا مرتکب ہوا ہے۔ صحیح مسلم کے متن میں واقعہ معراج میں ہی اِمام مسلمؒ کی یہ تصریح موجود ہے:

’’قدم فیہ شیئًا واخّر وزاد ونقص۔‘‘ (صحیح مسلم ج:۱ ص:۹۲)

ترجمہ:۔۔۔ ’’شریک نے مضمون کو آگے پیچھے کردیا ہے اور کمی بیشی کا مرتکب ہوا ہے۔‘‘

حافظ ابن کثیرؒ نے معراج کی روایات میں راویوں کے ذِکر وحذف، اِختصار واِجمال اور تفسیر وتشریح کے ایک عمومی صورت میں واقع ہونے کی تصریح فرمائی ہے۔

(البدایہ والنہایہ ج:۳ ص:۱۱۷ طبع مصر)

حافظ ابنِ قیمؒ نے زادالمعاد میں اس روایت کا جواب شریک بن عبداللّٰہ پر جرح کی صورت میں ہی پیش کیا ہے (دیکھئے: زادالمعاد ج:۱ ص:۹۹،۱۰۰، طبع مکتبۃ المنار الاسلامیہ بیروت)۔ علاوہ ازیں حافظ ابنِ حجر عسقلانی ؒ نے بھی ’’فتح الباری‘‘ (ج:۴ ص:۷۷۱ طبع دہلی) میں اسے ایک جواب کی صورت میں جگہ دی ہے۔ حافظ ابنِ کثیرؒ کہتے ہیں کہ شریک بن عبداللّٰہ کی روایت میں جوثُمَّ اسْتَیْقَظْتُ کے الفاظ وارِد ہیں وہ شریک کی اغلاط میں شمار ہیں (البدایہ والنہایہ ج:۳ ص:۱۱۴)۔

دُوسرا جواب

اگر اس جاگنے کو آخری احوال پر محمول کیا جائے تو اس سے وہ جاگنا مراد ہے جو سیرِ معراج سے واپسی اور آنحضرت صلی اللّٰہ علیہ وسلم کے پھر سوجانے کے بعد حسبِ معمول ظہور پر آیا، علامہ قرطبیؒ لکھتے ہیں:

’’یحتمل ان یکون استیقاظًا من نومۃ نامھا بعد الإسراء لأن إسرائہ لم یکن طول لیلۃ۔‘‘

(البدایۃ والنھایۃ ج:۱ ص:۱۱۴)

ترجمہ:۔۔۔ ’’ہوسکتا ہے کہ اس میں وہ جاگنا مراد ہو جو آپ صلی اللّٰہ علیہ وسلم معراج سے واپسی پر سونے کے بعد پھر جاگے، کیونکہ سیرِ معراج ساری رات تو ہوتی نہ رہی تھی۔‘‘

تیسرا جواب

عربی محاورہ میں ایک حالت سے دُوسری حالت میں آنے کو بھی یقظہ یعنی جاگنے سے تعبیر کرسکتے ہیں۔ آنحضرت صلی اللّٰہ علیہ وسلم جب طائف میں گئے اور لوگوں نے آپ صلی اللّٰہ علیہ وسلم کی تکذیب کی تو حضور صلی اللّٰہ علیہ وسلم نہایت غمگین حالت میں واپس ہوئے، اس غم کا آپ صلی اللّٰہ علیہ وسلم پر بہت اثر تھا۔ حضرت ابواُسیدؓ جب اپنے لڑکے کو آنحضرت صلی اللّٰہ علیہ وسلم کے پاس گُھٹی دِلانے کے لئے لایا تو اس نے اپنے لڑکے کو حضور صلی اللّٰہ علیہ وسلم کی ران پر بٹھادیا اور آنحضرت صلی اللّٰہ علیہ وسلم باتوں میں مشغول ہوگئے۔ حضرت ابواُسیدؓ نے اس دوران میں لڑکا آنحضرت صلی اللّٰہ علیہ وسلم کی ران سے اُٹھالیا، جب آنحضرت صلی اللّٰہ علیہ وسلم اپنی پہلی گفتگو کی حالت سے اس دُوسری حالت کی طرف متوجہ ہوئے تو کہا کہ لڑکا کہاں ہے؟ حدیث میں آتا ہے:

’’ثم استقیظ رسول ﷲ صلی ﷲ علیہ وسلم فلم یجد الصبی فسأل عنہ فقالوا: رفع، فسماہ المنذر۔‘‘

(البدایۃ والنھایۃ ج:۱ ص:۱۱۴)

ترجمہ:۔۔۔ ’’پھر جب آنحضرت صلی اللّٰہ علیہ وسلم اس حالت سے اس طرف متوجہ ہوئے (یعنی یقظہ میں آئے) تو آپ صلی اللّٰہ علیہ وسلم نے اس لڑکے کو اپنے پاس نہ پایا، پس آپ صلی اللّٰہ علیہ وسلم نے لوگوں سے اس کی بابت پوچھا، لوگوں نے کہا کہ اسے اُٹھالیا گیا تھا، پھر حضور صلی اللّٰہ علیہ وسلم نے اس کا نام منذر رکھا۔‘‘

اس ’’جاگنے‘‘ کے متعلق حافظ قرطبیؒ لکھتے ہیں:

’’ویحتمل ان یکون المعنی افقت مما کنت فیہ مما خامر باطنہ من مشاھدۃ الملأِ الأعلٰی لقولہ تعالٰی: لَقَدْ رَأَی مِنْ آیَاتِ رَبِّہِ الْکُبْرَی (النجم:۱۸) فلم یرجع إلٰی حالۃ البشریۃ إلَّا وھو فی المسجد الحرام۔‘‘

ترجمہ:۔۔۔ ’’اس کا معنی یہ بھی ہوسکتا ہے کہ مجھے اس حالت سے اِفاقہ ہوا جس میں کہ میں پہلے تھا، آپ صلی اللّٰہ علیہ وسلم ملأ الاعلیٰ کے مشاہدے میں اپنی باطنی پوری توجہ لگاچکے تھے اور اپنے پروردگار کی آیاتِ کبریٰ مشاہدہ فرماچکے تھے، پس جب آپ صلی اللّٰہ علیہ وسلم پھر حالتِ بشری کی طرف لوٹے تو آپ صلی اللّٰہ علیہ وسلم مسجدِ حرام میں ہی تھے۔‘‘

حافظ ابنِ کثیرؒ کی رائے یہ ہے کہ شریک بن عبداللّٰہ کی روایت کو اس معنی پر محمول کرنا اسے غلط قرار دینے کی نسبت زیادہ اچھا ہے۔ حاصل یہ کہ ’’فاستقظت‘‘ اور ’’فاستیقظ‘‘ کی روایت اصلاً صحیح نہیں اور یا ذُومعنی ہے جو اپنے معنوں پر محمول نہیں یا معنی خفی پر مشتمل ہے اور اس کے مقابلے میں اصح روایات اور اکثر روایات یہی کہہ رہی ہیں کہ حضور صلی اللّٰہ علیہ وسلم نے فرمایا: پھر میں مکہ آگیا۔ شیخ الاسلام علامہ شبیر احمد صاحب عثمانی ؒ لکھتے ہیں:

’’بعض احادیث میں صاف لفظ ہیں: ’’صبحت بمکۃ یا أتیت بمکۃ‘‘ (پھر صبح کے وقت میں مکہ پہنچ گیا)۔ اگر معراج محض کوئی رُوحانی کیفیت تھی تو آپ صلی اللّٰہ علیہ وسلم مکہ سے غائب ہی کہاں ہوئے تھے۔۔۔!‘‘

(فوائد تفسیریہ ص:۳۶۵)

واللّٰہ اعلم بالصواب

کتبہ‘ خالد محمود عفا اللّٰہ عنہ

(عبقات ص:۸۵ تا ۸۹)

معراج خواب تھا یا حقیقی رُؤیت؟

سوال:۔۔۔ قرآن پاک نے آنحضرت صلی اللّٰہ علیہ وسلم کے معراج کو لفظ ’’رُؤیا‘‘ سے بھی بیان کیا ہے، فی قولہ تعالٰی: ’’وَمَا جَعَلْنَا الرُّؤیَا الَّتِیْ أَرَیْنَاکَ إِلاَّ فِتْنَۃً لِّلنَّاسِ‘‘ (بنی اسرائیل:۶۰) اور ’’رُؤیا‘‘ خواب کو کہتے ہیں، پس معراج ایک واقعۂ خواب ہوا، یہ نہیں کہ آپ صلی اللّٰہ علیہ وسلم نے خود چشمِ مبارک سے یہ مشاہدات دیکھے تھے۔

عبدالحفیظ، ازکوہاٹ

جواب:۔۔۔ بے شک ’’رُؤیا‘‘ کا لفظ خواب کے معنی میں بھی آتا ہے اور اکثر ایسا ہی ہے، لیکن یہ لفظ کبھی کبھی مطلق رُؤیت کے معنی میں بھی آتا ہے، اور علامہ قسطلانی ؒ نے اس کی تصریح کی ہے۔ یہاں اس آیت سے مراد اگر یہ واقعۂ معراج ہی ہے تو لفظ ’’رُؤیا‘‘ حقیقی طور پر آنکھوں سے دیکھنے کے معنی میں وارِد سمجھئے نہ کہ خواب کے معنی میں۔ ترجمان القرآن حضرت ابنِ عباسؓ اس آیت کی تفسیر میں بیان کرتے ہیں:

’’عن ابن عباس: وَمَا جَعَلْنَا الرُّؤیَا الَّتِیْ أَرَیْنَاکَ إِلاَّ فِتْنَۃً لِّلنَّاسِ قال ھی رؤْیا عین اریھا رسول ﷲ صلی ﷲ علیہ وسلم لیلۃ اسریٰ بہ۔‘‘

(بخاری ج:۲ ص:۶۸۶)

ترجمہ:۔۔۔ ’’حضرت ابنِ عباسؓ اس آیت کی تفسیر میں کہتے ہیں کہ اس سے مراد آنکھوں کا دیکھنا ہے، جو حضور صلی اللّٰہ علیہ وسلم کو معراج کی رات دِکھایا گیا۔‘‘

کتبہ‘ خالد محمود عفا اللّٰہ عنہ

(عبقات ص:۸۹)

خواب میں زیارتِ نبوی اور مرزاقادیانی

سوال:۔۔۔ کیا خواب میں حضور صلی اللّٰہ علیہ وسلم کی زیارت ممکن ہے؟ اگر ممکن ہے تو کیسے پتا چلے کہ یہ خواب سچا ہے؟ بعض لوگ خواب میں حضور صلی اللّٰہ علیہ وسلم کو کسی دُوسری شکل میں دیکھتے ہیں، کیا وہ بھی صحیح خواب ہوگا؟

جواب:۔۔۔ صحیحین کی روایت میں آنحضرت صلی اللّٰہ علیہ وسلم کا یہ ارشاد متعدّد اور مختلف الفاظ میں مروی ہے کہ:

’’من راٰنی فی المنام فقد راٰنی، فإن الشیطان لا یتمثل بی‘‘(۱)

(بخاری ج:۲ ص:۱۰۳۵)

ترجمہ:۔۔۔ ’’جس نے مجھے خواب میں دیکھا، اس نے مجھ ہی کو دیکھا، کیونکہ شیطان میری صورت میں نہیں آسکتا۔‘‘

ایک اور روایت میں ہے:

’’من راٰنی فقد رأی الحق۔‘‘

(مشکوٰۃ ص:۳۹۴)

ترجمہ:۔۔۔ ’’جس نے مجھے دیکھا اس نے سچا خواب دیکھا۔‘‘

خواب میں آنحضرت صلی اللّٰہ علیہ وسلم کی زیارتِ شریفہ کی دو صورتیں ہیں، ایک یہ کہ آپ صلی اللّٰہ علیہ وسلم کی اصلی ہیئت وشکل اور حلیہ مبارک میں دیکھے۔ دوم یہ کہ کسی دُوسری ہیئت وشکل میں دیکھے۔ اہلِ علم کا اس پر تو اِتفاق ہے کہ اگر آنحضرت صلی اللّٰہ علیہ وسلم کی زیارت آپ صلی اللّٰہ علیہ وسلم کے اصل حلیہ مبارک میں ہو تو اِرشادِ نبوی کے مطابق واقعی آپ کی زیارت نصیب ہوئی۔ لیکن اگر کسی دُوسری ہیئت وشکل میں دیکھے تو اس کو بھی زیارتِ نبوی کہا جائے گا یا نہیں؟ اس میں علماء کے دو قول ہیں، ایک یہ کہ یہ زیارتِ نبوی نہیں کہلائے گی، کیونکہ اِرشادِ نبوی کے مطابق خواب میں آنحضرت صلی اللّٰہ علیہ وسلم کی زیارت کا صرف یہ مطلب ہے کہ آپ صلی اللّٰہ علیہ وسلم کو اَصلی شکل وصورت اور حلیہ مبارک میں دیکھے۔ پس اگر کسی نے مختلف حلیہ میں آپ صلی اللّٰہ علیہ وسلم کو دیکھا تو یہ حدیثِ بالا کا مصداق نہیں۔ اور بعض اہلِ علم کا قول یہ ہے کہ آپ صلی اللّٰہ علیہ وسلم کو خواہ کسی شکل وصورت اور حلیہ میں دیکھے، وہ آپ صلی اللّٰہ علیہ وسلم ہی کی زیارت ہے، اور آپ صلی اللّٰہ علیہ وسلم کے اصل حلیہ مبارک سے مختلف شکل میں دیکھنا، خواب دیکھنے والے کے نقص کی علامت ہے۔ شیخ عبدالغنی نابلسیؒ ’’تعطیر الأنام فی تعبیر المنام‘‘ میں دونوں قسم کے اقوال نقل کرنے کے بعد لکھتے ہیں:

’’فاعلم ان الصحیح بل الصواب کما قالہ بعضھم ان رؤْیاہ حق علی أی حالۃ فرضت ثم إن کانت بصورتہ الحقیقیۃ فی وقت ما سواء کان فی شبابہ او رجولیتہ او کھولتہ او آخر عمرہ لم تحتج إلٰی تأویل۔ وإلَّا احتیجت لتعبیر یتعلق بالرائی۔ ومن ثم قال بعض علماء

(۱) أیضًا عن انس بن مالک رضی اﷲ عنہ قال: قال رسول اﷲ صلی اﷲ علیہ وسلم: من راٰنی فی المنام فقد راٰنی، فإن الشیطان لا یتخیل بی۔ (صحیح بخاری ج:۲ ص:۱۰۳۶، باب من راٰی النبی صلی اﷲ علیہ وسلم فی المنام)۔

التعبیر من رآہ شیخًا فھو غایۃ سلم، ومن رآہ شابًّا فھو غایۃ حرب، ومن رآہ مبتسمًا فھو متمسک بسُنَّتہ۔

وقال بعضھم: من رآہ علٰی ھیئتہ وحالہ کان دلیلًا علٰی صلاح الرائی وکمال جاھہ وظفرہ بمن عاداہ۔ ومن رآہ متغیر الحال عابسًا کان دلیلًا علٰی سوء حال الرائی۔ وقال ابن ابی جمرۃ رؤْیاہ فی صورۃ حسنۃ حسن فی دین الرائی۔ ومع شین او نقص فی بعض بدنہ خلل فی دین الرائی۔ لأنہ صلی ﷲ علیہ وسلم کالمرآۃ الصقیلۃ ینطبع فیھا ما یقابلھا۔ وإن کانت ذات المرآۃ علٰی أحسن حال وأکملہ وھٰذہ الفائدۃ الکبریٰ فی رؤْیتہ صلی ﷲ علیہ وسلم إذ بھا یعرف حال الرائی۔‘‘

(ج:۲ ص:۲۷۶، ۲۷۷)

ترجمہ:۔۔۔ ’’پس معلوم ہوا کہ صحیح بلکہ صواب وہ بات ہے جو بعض حضرات نے فرمائی کہ خواب میں آپ صلی اللّٰہ علیہ وسلم کی زیارت بہرحال حق ہے، پھر اگر آپ صلی اللّٰہ علیہ وسلم کے اصل حلیہ مبارکہ میں دیکھا، خواہ وہ حلیہ آپ صلی اللّٰہ علیہ وسلم کی جوانی کا ہو، یا پختہ عمری کا، یا زمانہ پیری کا، یا آخری عمر شریف کا، تو اس کی تعبیر کی حاجت نہیں، اور اگر آپ صلی اللّٰہ علیہ وسلم کو اصل شکل مبارک میں نہیں دیکھا، تو خواب دیکھنے والے کے مناسبِ حال تعبیر ہوگی۔ اسی بنا پر بعض علمائے تعبیر نے کہا ہے کہ جس نے آپ صلی اللّٰہ علیہ وسلم کو بڑھاپے میں دیکھا تو یہ نہایت صلح ہے، اور جس نے آپ صلی اللّٰہ علیہ وسلم کو جوان دیکھا تو یہ نہایت جنگ ہے، اور جس نے آپ صلی اللّٰہ علیہ وسلم کو مسکراتے دیکھا تو یہ شخص آپ صلی اللّٰہ علیہ وسلم کی سنت کو تھامنے والا ہے۔ اور بعض علمائے تعبیر نے فرمایا ہے کہ جس نے آپ صلی اللّٰہ علیہ وسلم کو اصلی شکل وحالت میں دیکھا تو یہ دیکھنے والے کی دُرست حالت، اس کی کمالِ وجاہت اور دُشمنوں پر اس کے غلبے کی علامت ہے، اور جس نے آپ صلی اللّٰہ علیہ وسلم کو غیرحالت میں (مثلاً) تیور چڑھائے ہوئے دیکھا تو یہ دیکھنے والے کی حالت کے بُرا ہونے کی علامت ہے۔ حافظ ابنِ ابی جمرہؒ فرماتے ہیں کہ آنحضرت صلی اللّٰہ علیہ وسلم کو اچھی صورت میں دیکھنا، دیکھنے والے کے دِین کے اچھا ہونے کی علامت ہے، اور عیب یا نقص کی حالت میں دیکھنا، دیکھنے والے کے دِین میں خلل کی علامت ہے، کیونکہ آنحضرت صلی اللّٰہ علیہ وسلم کی مثال شفاف آئینے کی سی ہے، کہ آئینے کے سامنے جو چیز آئے اس کا عکس اس میں آجاتا ہے، آئینہ بذاتِ خود کیسا ہی حسین وباکمال ہو (مگر بھدی چیز اس میں بھدی ہی نظر آئے گی)۔ اور خواب میں آنحضرت صلی اللّٰہ علیہ وسلم کی زیارتِ شریفہ کا بڑا فائدہ یہی ہے کہ اس سے خواب دیکھنے والے کی حالت پہچانی جاتی ہے۔‘‘

اس سلسلے میں مسند الہند شاہ عبدالعزیز محدث دہلویؒ کی ایک تحقیق ’’فتاویٰ عزیزی‘‘ میں درج ہے جو حسبِ ذیل ہے:

’’سوال:۔۔۔ آنحضرت صلی اللّٰہ علیہ وسلم کی زیارت خواب میں اہلِ سنت اور شیعہ دونوں کو میسر ہوتی ہے، اور ہر فرقے کے لوگ آنحضرت صلی اللّٰہ علیہ وسلم کا لطف وکرم اپنے حال پر ہونا بیان کرتے ہیں، اور اپنے موافق اَحکام آنحضرت صلی اللّٰہ علیہ وسلم سے سننا بیان کرتے ہیں، غالباً دونوں فرقوں کو آنحضرت صلی اللّٰہ علیہ وسلم کی شان میں اِفراط کرنا اچھا معلوم نہیں ہوتا اور خطراتِ شیطانی کو اس مقام میں دخل نہیں، تو ایسے خواب کے بارے میں کیا خیال کرنا چاہئے؟

جواب:۔۔۔ یہ جو حدیث شریف ہے: ’’من راٰنی فی المنام فقد راٰنی‘‘ یعنی جناب آنحضرت صلی اللّٰہ علیہ وسلم نے فرمایا ہے کہ جس نے مجھ کو خواب میں دیکھا تو اس نے فی الواقع مجھ کو دیکھا ہے۔ تو اکثر علماء نے کہا ہے کہ یہ حدیث خاص اس شخص کے بارے میں ہے کہ آنحضرت صلی اللّٰہ علیہ وسلم کو اس صورت مبارک میں دیکھے جو بوقتِ وفات آنحضرت صلی اللّٰہ علیہ وسلم کی صورت مبارک تھی۔ اور بعض علماء نے کہا ہے کہ یہ حدیث عام ہے، آنحضرت صلی اللّٰہ علیہ وسلم کے کسی وقت کی صورت میں دیکھے تو وہ خواب صحیح ہوگا، یعنی اِبتدائے نبوّت سے تاوقتِ وفات، جوانی اور کلاںسالی اور سفر اور حضر اور صحت اور مرض میں جس وقت آنحضرت صلی اللّٰہ علیہ وسلم کی جو صورت مبارک تھی، ان صورتوں میں سے جس صورت میں آنحضرت صلی اللّٰہ علیہ وسلم کو خواب میں دیکھے تو وہ خواب صحیح ہوگا، یعنی فی الواقع اس نے آنحضرت صلی اللّٰہ علیہ وسلم کو دیکھا ہوگا۔ اور جیسا کہ آنحضرت صلی اللّٰہ علیہ وسلم کی صورت میں سُنّی نے آنحضرت صلی اللّٰہ علیہ وسلم کو خواب میں دیکھا ہے، اسی طرح شیعہ نے کبھی نہ دیکھا ہے، اور فرضیات کا اِعتبار نہیں۔

تحقیق یہ ہے کہ آنحضرت صلی اللّٰہ علیہ وسلم کو خواب میں دیکھنا چار قسموں پر ہے۔ ایک قسم رُؤیائے الٰہی ہے کہ اِتصال تعین کا آنحضرت صلی اللّٰہ علیہ وسلم کے ساتھ ہے۔ اور دُوسری قسم ملکی ہے، اور وہ متعلقات آنحضرت صلی اللّٰہ علیہ وسلم کو دیکھنا ہے، مثلاً آنحضرت صلی اللّٰہ علیہ وسلم کا دِین، اور آنحضرت صلی اللّٰہ علیہ وسلم کی سنت، اور آنحضرت صلی اللّٰہ علیہ وسلم کے ورثہ، اور آنحضرت صلی اللّٰہ علیہ وسلم کا نسبِ مطہر اور آنحضرت صلی اللّٰہ علیہ وسلم کی اطاعت اور محبت میں سالک کا درجہ اور اس کے مانند اور جو اُمور ہیں تو ان اُمور کو آنحضرت صلی اللّٰہ علیہ وسلم کی صورتِ مقدس میں دیکھنا پردۂ مناسبات میں ہو جو فنِ تعبیر میں معتبر ہے۔ اور تیسری قسم رُؤیائے نفسانی ہے کہ اپنے خیال میں آنحضرت صلی اللّٰہ علیہ وسلم کی جو صورت ہے اس صورت میں دیکھنا، اور یہ تینوں اقسام آنحضرت صلی اللّٰہ علیہ وسلم کو خواب میں دیکھنے کے بارے میں صحیح ہیں۔

چوتھی قسم شیطانی ہے، یعنی آنحضرت صلی اللّٰہ علیہ وسلم کی صورتِ مقدس میں شیطان اپنے کو خواب میں دِکھلائے اور یہ صحیح نہیں ہوسکتا، یعنی ممکن نہیں کہ آنحضرت صلی اللّٰہ علیہ وسلم کی صورتِ مقدس کے مطابق

شیطان اپنی صورتِ خبیث بناسکے اور خواب میں دِکھلادے، البتہ مغالطہ دے سکتا ہے۔ اور تیسرے قسم کے خواب میں بھی کبھی شیطان ایسا کرتا ہے کہ آنحضرت صلی اللّٰہ علیہ وسلم کی آواز اور بات کے مشابہ شیطان بات کرتا ہے اور وسوسے میں ڈالتا ہے، چنانچہ بعض روایات سے ثابت ہے کہ آنحضرت صلی اللّٰہ علیہ وسلم سورۂ نجم پڑھتے تھے اور بعض آیات کے بعد جو آنحضرت صلی اللّٰہ علیہ وسلم نے سکوت فرمایا تو شیطان نے کچھ عبارت خود بناکر پڑھ دی کہ اس سے بعض سامعینِ مشرکین کا شبہ قوی ہوگیا اور یہ روایت اُوپر ایک مقام میں مفصل مذکور ہوئی ہے، تو جب آنحضرت صلی اللّٰہ علیہ وسلم کے زمانۂ حیات میں شیطان نے ایسا کیا تو خواب میں ایسا کیوں نہیں ہوسکتا؟ اسی وجہ سے شریعت میں ان اَحکام کا اِعتبار نہیں جو خواب میں معلوم ہوں اور خواب کی بات حدیث نہیں شمار کی جاتی۔ اور اگر کاش! کوئی بدعتی کہے کہ آنحضرت صلی اللّٰہ علیہ وسلم کو خواب میں دیکھا ہے اور آنحضرت صلی اللّٰہ علیہ وسلم نے فلاں حکم فرمایا ہے، کہ وہ حکم خلافِ شرع ہو تو اس بدعتی کے قول پر اِعتبار نہ کیا جائے گا۔ واللّٰہ اعلم!‘‘

(فتاویٰ عزیزی ج:۱ ص:۳۲۶ طبع ایچ ایم سعید)

گزشتہ دِنوں قادیانیوں کے نئے سربراہ مرزا طاہر احمد قادیانی کی ’’خلافت‘‘ کی تائید میں قادیانی اخبار ’’الفضل‘‘ ربوہ میں ’’آسمانی بشارات‘‘ کے عنوان سے بھی بعض چیزیں شائع کی گئیں، ان میں سے ایک کا تعلق خواب میں آنحضرت صلی اللّٰہ علیہ وسلم کی زیارت سے ہے، اس لئے اس کا اِقتباس بلفظہٖ درج ذیل ہے:

’’دیکھا کہ (قادیانی عبادت گاہ) مبارک (ربوہ) میں داخل ہو رہا ہوں، ہر طرف چاندنی ہی چاندنی ہے، جتنی تیزی سے وِرد کرتا ہوں سرور بڑھتا جاتا ہے اور چاندنی واضح ہوتی جاتی ہے۔ محراب میں حضرت باباگرو نانک رحمۃاللّٰہ علیہ جیسی بزرگ شبیہ کی صورت میں حضرت نبی کریم صلی اللّٰہ علیہ وسلم تشریف فرما ہیں، آنحضور صلی اللّٰہ علیہ وسلم کے گرد نور کا ہالہ اس قدر تیز ہے کہ آنکھیں چندھیا جاتی ہیں، باوجود کوشش کے شبیہ مبارک پر نظر نہیں ٹکتی۔‘‘

(’’الفضل‘‘ ربوہ ۶؍نومبر ۱۹۸۲ء)

علمِ تعبیر کی رُو سے اس خواب کی تعبیر بالکل واضح ہے۔ صاحبِ خواب کو آنحضرت صلی اللّٰہ علیہ وسلم کا سکھوں کے پیشوا کی شکل میں نظر آنا اس امر کی دلیل ہے کہ ان کا دِین ومذہب ۔۔۔جسے وہ غلط فہمی سے اسلام سمجھتے ہیں۔۔۔ دراصل سکھ مذہب کی شبیہ ہے، اور ان کے رُوحانی پیشوا آنحضرت صلی اللّٰہ علیہ وسلم کے بروز نہیں، بلکہ سکھوں کے پیشوا بابانانک کے بروز ہیں۔

اور صاحبِ خواب کو انوارات کا نظر آنا جس کی وجہ سے وہ خواب کی اصل مراد کو نہیں پہنچ سکے، شیطان کی وہی تلبیس ہے جس کا تذکرہ حضرت شاہ عبدالعزیز محدث دہلویؒ نے فرمایا ہے۔ اور ان انوارات میں یہ اِشارہ تھا کہ ان کے پیشوا نے بابانانک کا بروز ہونے کے باوجود تلبیس وتدلیس کے ذریعے اپنے آپ کو آنحضرت صلی اللّٰہ علیہ وسلم کا پیرو ثابت کرنے کی کوشش کی ہے، جس سے ان کی طرح بہت سے حقیقت ناشناس لوگوں نے دھوکا کھایا۔

چونکہ خواب کی یہ تعبیر بالکل واضح تھی، شاید اسی لئے صاحبِ خواب کو مرزا بشیر احمد قادیانی اور مرزا ناصر احمد قادیانی نے خواب کے اظہار سے منع کیا۔ چنانچہ صاحبِ خواب لکھتے ہیں:

’’پھر (مرزا بشیر احمد قادیانی نے) فرمایا: کسی سے خواب بیان نہیں کرنی۔ خلافتِ ثالثہ کا اِنتخاب ہوا تو پھر یہ نظارہ لکھ کر (مرزا ناصر احمد قادیانی کی خدمت میں) بھجوادیا، حضرت مولانا جلال الدین شمس صاحب کے ذریعے پیغام ملا کہ حضور (یعنی مرزا ناصر احمد قادیانی) فرماتے ہیں کہ خواب آگے نہیں بیان کرنی۔‘‘

(مرزا عبدالرشید وکالت تبشیر ربوہ)

مناسب ہے کہ اس خواب کی تائید میں بعض دیگر اکابر کے خواب کشوف بھی ذکر کردئیے جائیں۔

۱:۔۔۔ مولانا محمد لدھیانوی مرحوم ’’فتاویٰ قادریہ‘‘ میں لکھتے ہیں:

’’مولانا صاحب (مولانا محمد یعقوب صاحب نانوتویؒ صدر المدرّسین دارالعلوم دیوبند) نے حسب وعدہ کے ایک فتویٰ اپنے ہاتھ سے لکھ کر ہمارے پاس ڈاک میں اِرسال فرمایا، جس کا مضمون یہ تھا کہ یہ شخص میری دانست میں غیرمقلد معلوم ہوتا ہے اور اس کے اِلہامات اولیاء اللّٰہ کے اِلہامات سے کچھ علاقہ نہیں رکھتے، اور نیز اس شخص نے کسی اہل اللّٰہ کی صحبت میں رہ کر فیضِ باطنی حاصل نہیں کیا، معلوم نہیں کہ اس کو کس رُوح کی اویسیت ہے۔‘‘

(فتاویٰ قادریہ ص:۱۷)

حضرت مولانا محمد یعقوب نانوتویؒ نے تو اس سے لاعلمی کا اظہار فرمایا کہ مرزاقادیانی کو کس رُوح سے ’’فیض‘‘ پہنچا ہے، مگر ’’الفضل‘‘ میں ذِکر کردہ خواب سے یہ عقدہ حل ہوجاتا ہے کہ مرزاقادیانی کو سکھوں کے مذہبی پیشوا سے رُوحانی اِرتباط تھا، مرزاقادیانی نے جو کچھ لیا ہے، انہی سے لیا ہے۔

۲:۔۔۔ ’’مرزا غلام احمد قادیانی نے شہر لدھیانہ میں آکر ۱۳۰۱ھ میں دعویٰ کیا کہ میں مجدّد ہوں۔ عباس علی صوفی اور منشی احمد جان مع مریدان اور مولوی محمد حسن مع اپنے گروہ اور مولوی شاہدین اور عبدالقادر اور مولوی نور محمد مہتمم مدرسہ حقانی وغیرہ نے اس کے دعوے کو تسلیم کرکے اِمداد پر کمر باندھی۔ منشی احمد جان نے مع مولوی شاہدین وعبدالقادر ایک مجمع میں جو واسطے اہتمام مدرسہ اسلامیہ کے اُوپر مکان شاہزادہ صفدر جنگ صاحب کے تھا، بیان کیا کہ علی الصباح مرزا غلام احمد قادیانی اس شہر لدھیانہ میں تشریف لائیں گے، اور اس کی تعریف میں نہایت مبالغہ کرکے کہا کہ جو شخص اس پر اِیمان لائے گا گویا وہ اوّل مسلمان ہوگا۔

مولوی عبداللّٰہ صاحب مرحوم برادرم نے بعد کمال بُردباری اور تحمل کے فرمایا:

’’اگرہ اہلِ مجلس کو میرا بیان کرنا، ناگوار معلوم ہوگا، لیکن جو بات خدا جل شانہ‘ نے اس وقت میرے دِل میں ڈالی ہے، بیان کئے بغیر میری طبیعت کا اِضطرار دُور نہیں ہوتا، وہ بات یہ ہے کہ مرزاقادیانی

جس کی تم تعریف کر رہے ہو بے دِین ہے۔ منشی احمد جان بولا کہ میں اوّل کہتا تھا کہ اس پر کوئی عالم یا صوفی حسد کرے گا۔‘‘

راقم الحروف (مولانا محمد عبدالقادر لدھیانویؒ) نے مولوی عبداللّٰہ صاحب کو بعد برخاست ہونے جلسہ کے کہا کہ: جب تک کوئی دلیل معلوم نہ ہو بلاتأمل کسی کے حق میں زبان طعن کی کھولنی مناسب نہیں۔ مولوی عبداللّٰہ صاحب نے فرمایا کہ: اس وقت میں نے اپنی طبیعت کو بہت روکا، لیکن آخرالامر یہ کلام خدا جل شانہ‘ نے جو میرے سے اس موقع پر سرزد کرایا ہے خالی اَز اِلہام نہیں۔

اس روز مولوی عبداللّٰہ صاحب بہت پریشان خاطر رہے بلکہ شام کو کھانا بھی تناول نہیں کیا۔ بوقتِ شب دو شخصوں سے اِستخارہ کروایا اور آپ بھی اسی فکر میں سوگئے۔ کیا دیکھتے ہیں کہ میں ایک مکان بلند پر مع مولوی محمد صاحب وخواجہ احسن شاہ صاحب بیٹھا ہوں، تین آدمی دُور سے دھوتی باندھے ہوئے چلے آتے معلوم ہوئے۔ جب نزدیک پہنچے تو ایک شخص جو آگے آگے آتا تھا، اس نے دھوتی کو کھول کر تہبند کی طرح باندھ لیا۔ خواب ہی میں غیب سے آواز آئی کہ مرزا غلام احمد قادیانی یہی ہے۔ اسی وقت بیدار ہوگئے اور دِل کی پراگندی یک لخت دُور ہوگئی اور یقینِ کلی حاصل ہوا کہ یہ شخص پیرایۂ اسلام میں لوگوں کو گمراہ کر رہا ہے۔ موافق تعبیر خواب کے دُوسرے دن قادیانی مع دو ہندوؤں کے لدھیانہ میں آیا۔‘‘ (اس خواب میں بھی یہی اِشارہ تھا کہ یہ صاحب ہندومت کو اِسلام کا لبادہ اُڑھا رہے ہیں ۔۔۔ناقل)

(فتاویٰ قادریہ ص:۲)

۳،۴:۔۔۔ مولانا عبداللّٰہ لدھیانویؒ کے ساتھ جن دو شخصوں نے اِستخارہ کیا تھا، ان کے بارے میں مولانا محمد صاحبؒ لکھتے ہیں:

’’اِستخارہ کنندگان میں سے ایک کو معلوم ہوا کہ یہ شخص بے علم ہے، اور دُوسرے شخص نے خواب میں مرزا کو اس طرح دیکھا کہ ایک عورت برہنہ تن کو اپنی گود میں لے کر اس کے بدن پر ہاتھ پھیر رہا ہے، جس کی تعبیر یہ ہے کہ مرزا دُنیا کی جمع کرنے کے درپے ہے، دِین کی کوئی پروا نہیں۔‘‘

(حوالہ بالا)

۵:۔۔۔ اسی فتاویٰ قادریہ میں ہے کہ:

’’شاہ عبدالرحیم صاحب سہارنپوری مرحوم نے ۔۔۔جو صاحبِ کشف وکرامت بزرگ تھے۔۔۔ بروقت ملاحظہ فرمایا کہ مجھ کو بعد اِستخارہ کرنے کے یہ معلوم ہوا کہ یہ شخص بھینسے پر اس طرح سوار ہوا کہ منہ اس کا دُم کی طرف ہے۔ جب غور سے دیکھا تو زنار اس کے گلے میں پڑا ہوا نظر آیا، جس سے اس شخص کا بے دِین ہونا ظاہر ہے، اور یہ بھی میں یقینا کہتا ہوں کہ جو اہلِ علم اس کی تکفیر میں اب متردّد ہیں، کچھ عرصہ بعد سب کافر کہیں گے۔‘‘ (زنار بھی بطورِ خاص کسی کے ہندو ہونے کی علامت ہے، اس سے ’’الفضل‘‘ میں درج شدہ

خواب کی تائید ہوتی ہے کہ یہ صاحب ہندوؤں سے مستفید ہیں ۔۔۔ناقل)

(فتاویٰ قادریہ ص:۱۷)

۶:۔۔۔ مولانا محمد اِبراہیم میر سیالکوٹی ’’شہادۃ القرآن‘‘ (ص:۹) میں (جو ۱۳۲۱ھ میں مرزاقادیانی کی زندگی میں شائع ہوئی) لکھتے ہیں:

’’جب اس فرقۂ مبتدعہ مرزائیہ کو کوئی پچھلی تفسیر بتائیں تو کفار کی طرح ’’اساطیر الاوّلین‘‘ کہہ کر جھٹ اِنکار کردیتے ہیں، اور اگر ان کے رُوبرو حدیثِ نبوی پڑھیں تو اسے بوجہ بے علمی کے مخالف ومعارض قرآن بناکر دُور پھینک دیتے ہیں اور اپنی تفسیر بالرائے کو جو حقیقت میں تحریف وتأویل منہی عنہ ہوتی ہے، مؤید بالقرآن کہتے ہیں (ظاہر ہے یہ طرزِ عمل کسی مسلمان کا نہیں ہوسکتا ۔۔۔ناقل) بیچارے کم علم لوگ اس سے دھوکا کھا جاتے ہیں اور ورطۂ تردّدات وگردابِ شبہات میں گھر جاتے ہیں، سو ایسے شبہات کے وقت میں اللّٰہ عزیز وحکیم نے مجھ عاجز کو محض اپنے فضل وکرم سے راہِ حق کی ہدایت کی اور ہر طرح سے ظاہراً وباطناً معقولاً ومنقولاً مسئلہ حقہ سمجھایا۔ چنانچہ عنفوانِ شباب میں ۱۸۹۱ء میں حضرت مسیح علیہ السلام کی زیارت بابرکت سے مشرف ہوا۔ اس طرح کہ آپ ایک گاڑی پر سوار ہیں اور بندہ اس کو آگے سے کھینچ رہا ہے، اس حالتِ باسعادت میں آپ سے قادیانی علیہ ماعلیہ کی نسبت عرض کی، آپ نے زبان وحی ترجمان سے بالفاظِ طیبہ یوں فرمایا کہ: کوئی خطرے کی بات نہیں، اللّٰہ تعالیٰ اس کو جلدی ہلاک کردے گا۔‘‘

(آپ کے مسائل اور اُن کا حل ج:۹ ص:۳۲-۴۵)

✨ 🌟 ✨

بابِ چہارم

قادیانیوں کا شرعی حکم

کافر کو کافر کہنا حق ہے

سوال:۔۔۔ کچھ لوگ یہ کہتے ہیں کہ حضور اکرم صلی اللّٰہ علیہ وسلم کی حدیث کی روشنی میں ’’کسی کافر کو بھی کافر نہیں کہنا چاہئے‘‘ چنانچہ قادیانیوں کو کافر کہنا دُرست نہیں ہے۔ مزید یہ کہ اگر کوئی صرف زبان سے کلمہ پڑھ لے اور اپنے آپ کو مسلمان ہونے کا اِقرار کرے جبکہ حقیقت میں اس کا تعلق قادیانیت یا کسی اور عقیدے سے ہو تو کیا وہ شخص صرف زبانی کلمہ پڑھ لینے سے مسلمان کہلائے گا؟ اَزراہِ کرم مسئلہ ختمِ نبوّت کی وضاحت تفصیل سے بتائیے۔

جواب:۔۔۔ یہ تو کوئی حدیث نہیں کہ کافر کو کافر نہ کہا جائے۔ قرآنِ کریم میں بار بار ’’اِنَّ الَّذِینَ كَفَرُوا‘‘ ، ’’وَالكٰفِرُونَ‘‘، ’’لَقَد كَفَرَ الَّذِینَ قَالُوا‘‘ کے الفاظ موجود ہیں، جو اِس نظریے کی تردید کے لئے کافی وشافی ہیں۔ اور یہ اُصول بھی غلط ہے کہ جو شخص کلمہ پڑھ لے (خواہ مرزا غلام احمد قادیانی کو ’’محمد رسول اللّٰہ‘‘ ہی مانتا ہو) اس کو بھی مسلمان ہی سمجھو۔ اس طرح یہ اُصول بھی غلط ہے کہ جو شخص اپنے آپ کو مسلمان کہتا ہو، خواہ خدا اور رسول کو گالیاں ہی بکتا ہو، اس کو بھی مسلمان ہی سمجھو۔

صحیح اُصول یہ ہے کہ جو شخص حضرت محمد رسول اللّٰہ صلی اللّٰہ علیہ وسلم کے پورے دِین کو مانتا ہو اور ’’ضروریاتِ دِین‘‘ میں سے کسی بات کا اِنکار نہ کرتا ہو، نہ توڑمروڑ کر ان کو غلط معانی پہناتا ہو، وہ مسلمان ہے۔ کیونکہ ’’ضروریاتِ دِین‘‘ میں سے کسی ایک کا اِنکار کرنا یا اس کے معنی ومفہوم کو بگاڑنا کفر ہے۔ ۔(۱) قادیانیوں کے کفر واِرتداد اور زَندقہ واِلحاد کی تفصیلات اہلِ علم بہت سی کتابوں میں بیان کرچکے ہیں۔ جس شخص کو مزید اِطمینان حاصل کرنا ہو، وہ میرے رسالے ’’قادیانی جنازہ‘‘، ’’قادیانیوں کی طرف سے کلمہ طیبہ کی توہین‘‘ اور ’’قادیانیوں اور دُوسرے غیرمسلموں میں کیا فرق ہے؟‘‘ ملاحظہ کرلیں۔ دفتر ختمِ نبوّت، مسجد باب الرحمت، پُرانی نمائش، محمد علی جناح روڈ کراچی، اندرون اور بیرون ملک ختمِ نبوّت کے دفاتر سے یہ رسائل مل جائیں گے۔

(آپ کے مسائل اور اُن کا حل ج:۱ ص:۳۸۰، ۳۸۱)

(۱) فمن جحد شیئًا واحدًا من الضروریات فقد آمن ببعض الکتاب وکفر ببعضہ، وھو من الکافرین۔ (إکفار الملحدین ص:۴، طبع دار الکتب العلمیۃ، پشاور)۔

مرزائی کافر ہیں

سوال:۔۔۔ بعض مقتدر وبااثر مسلمان مرزاقادیانی اور اس کے مریدوں کو پوری قوّت سے مسلمان کہتے ہیں۔ ان سے فیصلہ ہوا تھا کہ مندرجہ ذیل پانچ علمائے کرام سے فتویٰ حاصل کرلیا جائے: مولانا ابوالکلام صاحب آزاد، حضرت مولانا مفتی کفایت اللّٰہ صاحب، مولانا سیّد سلیمان صاحب ندوی، حضرت مولانا حسین احمد صاحب، مولانا ثناء اللّٰہ صاحب امرتسری، اس سلسلے میں مولوی محمد داؤد صاحب پلیڈر قصور نے آنجناب کی خدمتِ اقدس میں ایک اِستفتاء اِرسال کیا تھا، اس کا جواب موصول ہوچکا ہے، چونکہ وہ جواب آنجناب کے قلم مبارک سے نہ تھا، اس لئے فریقِ ثانی نے اس کو قبول کرنے میں تأمل کیا۔

المستفتی نمبر:۴۹۱ حاجی عبدالقادر

میونسپل کمشنر کورٹ بدرالدین قصور

۳؍ربیع الاوّل ۱۳۵۴ھ، ۱۶؍جون ۱۹۳۵ء

جواب:۔۔۔ مرزا قادیانی نے اپنی تالیفات میں نبوّت، مجدّدیت، محدثیت، مسیحیت، مہدویت کا اتنی صراحت اور اتنی کثرت سے دعویٰ کیا ہے کہ اس کا اِنکار، یا اس کی تأویل ناممکن ہے۔ خاتم المرسلین صلی اللّٰہ علیہ وسلم کے بعد نبوّت کا دعویٰ کرنا کفر ہے۔۔(۱) ملتِ اسلامیہ آنحضرت صلی اللّٰہ علیہ وسلم کے بعد کسی مدعیٔ نبوّت کو دائرۂ اسلام میں داخل کرنے کے لئے قطعاً تیار نہیں، خواہ وہ نبوّت ظلّیہ، بروزیہ، جزئیہ کی تأویلات کرنے کی پناہ لے، یا کھلم کھلا نبوّتِ تشریعیہ کا مدعی ہو۔

مرزاقادیانی کے کفر کی اور بھی وجوہ ہیں، مثلاً عیسیٰ علیٰ نبینا وعلیہ السلام کی توہین، معجزاتِ قرآنیہ کا اِنکار اور ناقابلِ اِعتبار تأویلات سے ان کو رَدّ کرنا، یا اِستہزا کرنا، اور چونکہ یہ اُمور مرزاقادیانی کی تألیفات میں آفتاب نصف النہار کی طرح روشن ہیں، اس لئے لاہوری جماعت کا اِنکار اور تأویلیں بھی لاہوری جماعت کو کفر سے نہیں بچاسکتیں۔ اگرچہ یہ دونوں جماعتیں اسلام کی مدعی ہیں، لیکن عالمِ اسلامی کے معتمد علیہ علماء ان دونوں کو ملتِ اسلامیہ سے خارج قرار دے چکے ہیں۔

محمد کفایت اللّٰہ کان اللّٰہ لہٗ

(کفایت المفتی ج:۱ ص:۳۱۴)

باتفاقِ علماء، قادیانی کافر ہیں

سوال:۔۔۔ ایک شخص داخل فرقہ قادیانی ہوگیا ہے، اور خیالات وعقائد مرزاقادیانی کے رکھتا ہے، اب اس کی تکفیر کی جائے یا نہیں؟ اور اس کی زوجہ اس کے نکاح سے خارج ہوجائے گی یا نہیں؟

جواب:۔۔۔ علمائے اہلِ حق نے باتفاق قادیانی کی تکفیر فرمائی ہے، کیونکہ عقائد واقوال اس کے باتفاق کفر ہیں، پس جو شخص قادیانی ہوجائے اور عقائد اس کے مثل مرزاقادیانی کے ہوجائیں اور مثل عقائد قادیانیوں کے وہ مرزا کو نبی جانے، وہ کافر ومرتد ہے، اور مسئلہ فقہ کا ہے کہ مرتد ہوجانا کسی کا زوجین میں سے فوراً موجبِ فسخِ نکاح ہے، درمختار میں ہے: وارتداد احدھما فسخ عاجل۔

(۱) من ادعی النبوۃ لنفسہ ۔۔۔۔۔۔۔۔ فھٰؤُلاء المذکورون کلھم کفار محکوم بکفرھم۔ (إکفار الملحدین ص:۵۷، طبع دار الکتب العلمیۃ پشاور)۔

(درمختار ج:۳ ص:۱۹۳، طبع ایچ ایم سعید کراچی) لہٰذا زوجہ اس شخص کی جو کہ قادیانی ہوگیا، اس کے نکاح سے خارج ہوگئی۔

(فتاویٰ دارالعلوم دیوبند ج:۱۲ ص:۳۴۶، ۳۴۷)

قادیانی اور اس کے پیروکار کافر ہیں

سوال:۔۔۔ مرزا غلام احمد قادیانی کے پیروکار مسلمان ہیں یا کافر؟ برتقدیرِ ثانی اگر باپ سنی حنفی ہو اور اس کا بیٹا قادیانی ہوگیا ہو تو یہ بیٹا شرعاً باپ کا وارث ہوگا یا نہیں؟

جواب:۔۔۔ قادیانی اور اس کے اَتباع کافر ہیں، اور یہ منصوص ہے کہ کافر، مسلمان کا وارث نہیں ہوتا (شرح فقہ اکبر ص:۲۰۲)۔(۱)

(فتاویٰ دارالعلوم دیوبند ج:۱۲ ص:۳۷۳)

قادیانیوں کا کفر قرآن وحدیث کی روشنی میں

سوال:۔۔۔ قادیانی جو کہ مرزا غلام احمد قادیانی کو اپنا پیشوا سمجھتے ہیں، اور کہتے ہیں کہ احمدی سچا مذہب ہے، باقی سب مذاہب باطل ہیں۔ قرآن وحدیث کی روشنی میں وضاحت فرمائیں کہ واقعی احمدی سچا مذہب اور قرآن وحدیث کے موافق ہے یا مخالف؟ بصورتِ دیگر ان کے ساتھ میل جول، رشتہ ناطہ کرنا کرانا کیسا ہے؟

جواب:۔۔۔ تمام اُمتِ مسلمہ کا یہ متفقہ عقیدہ ہے کہ حضورِ اقدس صلی اللّٰہ علیہ وسلم کے بعد کوئی نیا نبی نہیں آئے گا،(۲) نزولِ عیسیٰ ابنِ مریم علیہ السلام سے اِنکار نہیں، اس لئے کہ ان کی نبوّت اور پیغمبری آپ صلی اللّٰہ علیہ وسلم سے پہلے تھی، لہٰذا ان کا حضورِ اقدس صلی اللّٰہ علیہ وسلم کی اُمت میں نازل ہونا آپ صلی اللّٰہ علیہ وسلم کی ختمِ نبوّت پر اَثرانداز نہیں ہوگا۔ بہرحال ختمِ نبوّت کا عقیدہ تمام اُمتِ مسلمہ کا متفقہ عقیدہ ہے، ایسے مُسلّمہ عقائد سے اِنکار کرنے والا کافر ومرتد ہے، اسلام اور مسلمانوں سے اس کا کوئی واسطہ نہیں۔ اور مرزا غلام احمد قادیانی کے تمام دعوے نصوصِ قرآنیہ اور اَحادیثِ صحیحہ کی رُو سے بالکل جھوٹ اور بکواس پر مبنی ہیں، لہٰذا اس کے ان جھوٹے دعوؤں کی بنیاد پر اس کے ماننے والے کافر اور مرتد ہیں۔ جب مسلمانوں کو یہ معلوم ہوجائے کہ ایک شخص قادیانی ہے اور سمجھانے بجھانے پر بھی وہ باز نہیں آتا تو اس کے ساتھ اسلامی طریقے پر علیک سلیک اور اُٹھنا بیٹھنا جائز نہیں ہے، اللّٰہ تعالیٰ کا ارشاد ہے: ’’وَلاَ تَرْکَنُواْ إِلَی الَّذِیْنَ ظَلَمُواْ فَتَمَسَّکُمُ النَّارُ‘‘ (ہود:۱۱۳) جمہور علمائے اسلام جب قادیانی عقائد ونظریات پر مطلع ہوئے تو سب نے ان کے کفر واِرتداد کے فتوے دئیے، جن کی بنا پر وہ لوگ جو باوجود ان عقائد کے معلوم ہونے کے قادیانیوں کو مسلمان سمجھیں (خواہ وہ مرزاقادیانی کو نبی مانتے ہوں یا مسیح ظلی یا بروزی) بہرحال کافر اور مرتد ہیں۔ مزید تحقیق کی ضرورت ہو تو ’’تکفیرِ قادیانی‘‘ نامی رسالے کا مطالعہ کریں جس میں سینکڑوں معتمد علیہ علماء کے دستخط ثبت ہیں۔

قال ﷲ تبارک وتعالٰی:

(۱) ودعوی النبوۃ بعد نبینا صلی اﷲ علیہ وسلم کفرٌ بالإجماع۔ (شرح فقہ اکبر ص:۲۰۲، طبع بمبئی)۔

(۲) اوّل الأنبیاء آدم وآخرھم محمد علیھما السلام۔ (شرح العقائد النسفیۃ، ص:۱۳۵ طبع مکتبہ خیر کثیر)۔

’’مَّا کَانَ مُحَمَّدٌ أَبَا أَحَدٍ مِّن رِّجَالِکُمْ وَلَکِن رَّسُولَ اللہِ وَخَاتَمَ النَّبِیِّیْنَ وَکَانَ اللہُ بِکُلِّ شَیْءٍ عَلِیْماً‘‘

(الاحزاب:۴۰)

’’قال العلَّامۃ الحافظ ابن کثیر (تحت قولہ ’’وَخَاتَمَ النَّبِیِّنَ‘‘) فھٰذہ الآیۃ نص علٰی انہ لا نبی بعدہ وإذا کان لا نبی بعدہ فلا رسول بعدہ بطریق الأولٰی والاخریٰ لأن مقام الرسالۃ اخص من مقام النبوۃ، فإن کل رسول نبی ولا ینعکس، وبذالک وردت الأحادیث المتواترۃ عن رسول ﷲ صلی ﷲ علیہ وسلم من حدیث جماعۃ من الصحابۃ۔‘‘

(تفسیر ابن کثیر ج:۳ ص:۴۹۳، مطبوعۃ: مصطفیٰ محمد، مصر)

ومثلہ فی الجامع لأحکام القرآن ج:۱۴ ص:۱۲۷، سورۃ الأحزاب۔

(فتاویٰ حقانیہ ج:۱ ص:۳۹۱)

مرزا غلام احمد قادیانی اور اس کے متبعین کے کفر میں شبہ نہیں ہے

سوال:۔۔۔ عموماً اور خصوصاً مبایعین اور مصدقین مرزا غلام احمد قادیانی اِعتراض کیا کرتے ہیں کہ کتبِ دِینیات میں یہ مسئلہ ہے کہ اگر کسی شخص میں ننانوے وجہ کفر کی پائی جائیں اور ایک وجہ اسلام کی ہو تو اس کو کافر نہ کہا جائے گا، اور حدیث میں ارشاد ہے کہ کلمہ گو اور اہلِ قبلہ کو کافر نہ کہنا چاہئے۔ ’’عن انس انہ قال: قال رسول ﷲ صلی ﷲ علیہ وسلم: من صلّٰی صلاتنا واستقبل قبلتنا واکل ذبیحتنا فذالک المسلم الذی لہ ذمۃ ﷲ وذمۃ رسولہ فلا تخفروا ﷲ فی ذمتہ۔‘‘ (مثلہ بخاری ج:۱ ص:۵۷) ۔ دُوسری حدیث یہ ہے: ’’من قال لا إلٰہ إلَّا ﷲ دخل الجنَّۃ‘‘ اور رسالہ ’’استنکاف المسلمین‘‘ میں دربارہ ترکِ موالات مرزائیاں جو فتویٰ علمائے دِین نے مفتی بہ مرزا غلام احمد قادیانی اور ان کے معتقدین ومبایعین پر کفر کے لگائے ہیں، ان کو جھوٹا بتلاتے ہیں اور حسبِ ذیل آیات کو پیش کرتے ہیں: ’’ وَلاَ تَنَازَعُواْ فَتَفْشَلُواْ وَتَذْہَبَ رِیْحُکُمْ‘‘ (الانفال:۴۶)، ’’وَاعْتَصِمُواْ بِحَبْلِ اللہِ جَمِیْعاً وَلاَ تَفَرَّقُواْ‘‘ (آل عمران:۱۰۳) ۔ اور مرزا کے مسلمان ہونے کے ثبوت میں ایک پرچہ بھی جس پر چند مبایعین ومصدقین کے دستخط ہیں پیش کرتے ہیں جو ہمرشتہ ھٰذا ہے۔ اب علمائے کرام سے یہ عرض ہے کہ جب رسول اللّٰہ صلی اللّٰہ علیہ وسلم کا یہ ارشاد ہے تو مرزا اور اس کے معتقدین بھی اہلِ قبلہ اور کلمہ گو ہیں، علمائے دِین ان پر کفر کا فتویٰ کیوں لگاتے ہیں؟ اور پرچہ منسلکہ پر اِعتبار کرنا چاہئے یا نہیں؟ اور جو شخص مرزا اور اس کی جماعت کو مسلمان سمجھے، اس کی نسبت کیا حکم ہے؟ اور اس کے پیچھے نماز پڑھنی دُرست ہے یا نہیں؟

جواب:۔۔۔ مرزا غلام احمد قادیانی اور اس کے اَتباع ومریدین کے کفر واِرتداد میں کچھ شبہ اور تردّد نہیں ہے۔ اس میں ایک وجہ بھی اسلام کی باقی نہیں رہی، تمام وجوہ کفر واِرتداد کی ہیں، کیونکہ انبیاء علیہم السلام میں سے کسی پیغمبر کی توہین باتفاق کفر ہے اور سب وشتم انبیاء اِرتدادِ صریح ہے۔(۱) بعد اس کے کوئی وجہ اسلام کی اس شخص میں باقی نہیں رہتی، نہ توحید باقی رہتی ہے اور نہ اِقرارِ

(۱)الکافر بسب نبی من الأنبیاء فإنہ یقتل حدًّا ولا تقبل توبتہ مطلقًا۔ (در مختار ج:۴ س:۲۳۱، طبع ایچ ایم سعید کراچی)۔

رسالت، اور تفصیل اس کی کتابوں اور رِسالوں میں موجود ہے، اس کو ملاحظہ کریں۔ اور مرزا مذکور کے تمام کفریات اور عقائدِ باطلہ کو علماء نے جمع کرکے ایک جگہ شائع کیا ہے اور طبع کرایا ہے، اس کو دیکھ لیں، اور اِشتہار منسلکہ بالکل کذبِ صریح ہے، اس میں مرزا کے کفر کو چھپایا گیا ہے، وہ قابلِ اِعتبار نہیں ہے۔ پس جو شخص مرزا مذکور اور اس کے اَتباع کو مسلمان سمجھے اور ان کے کفر کا اِظہار نہ کرے، وہ جاہل وعاصی ہے اور سخت گنہگار ہے، اس کے پیچھے نماز دُرست نہیں ہے، اس کو ہرگز اِمام نہ بنایا جائے۔(۱)

(فتاویٰ دارالعلوم دیوبند ج:۱۲ ص:۳۶۷،۳۶۸)

مرزائیوں کا لاہوری فرقہ بھی کافر ہے

سوال:۔۔۔ مرزائیوں کا لاہوری فرقہ جو مرزا غلام احمد قادیانی کو نبی نہیں مانتا اور بظاہر اس کے نبی ہونے سے براء ت کا اِظہار کرتے ہیں، لیکن حضرت عیسیٰ بن مریم علیہ السلام کا بغیر باپ کے پیدا ہونے کا عقیدہ نہیں رکھتا۔ اسی طرح یہ فرقہ حضرت عیسیٰ علیہ السلام کے رفع الی السماء کا بھی منکر ہے۔ کیا یہ عقیدہ رکھنے والے لوگ مسلمان ہیں یا قادیانی مرزائیوں کی طرح کافر ومرتد؟

جواب:۔۔۔ مرزائیوں کا لاہوری فرقہ اگرچہ مرزا غلام احمد قادیانی کے نبی اور غیرنبی ہونے میں متردّد ہے، لیکن دیگر عقائدِ قطعیہ مثلاً: حضرت عیسیٰ ابنِ مریم علیہ السلام کا بغیر باپ پیدا ہونے سے اِنکار، اسی طرح ان کے رفع الی السماء سے بھی انکار کرنا،(صرّح بہ محمد علی لاہوری فی تفسیر بیان القرآن ج:۱ ص:۳۱۳) ۔ یا حضرت عیسیٰ علیہ السلام کو یوسف نجار کا بیٹا ماننا، اس قسم کا عقیدہ رکھنا قرآنی آیات، صحیح احادیث اور اِجماعِ اُمت کے خلاف ہے، لہٰذا مرزائیوں کا یہ (لاہوری) فرقہ بھی اپنی تأویلاتِ فاسدہ کی وجہ سے مسلمان نہیں اور دائرۂ اسلام سے خارج ہے۔

قال ﷲ تعالٰی حکایۃ عن مریم:

’’قَالَتْ إِنِّیْ أَعُوذُ بِالرَّحْمَن مِنکَ إِن کُنتَ تَقِیّاً- قَالَ إِنَّمَا أَنَا رَسُولُ رَبِّکِ لِأَہَبَ لَکِ غُلَاماً زَکِیّاً- قَالَتْ أَنَّی یَکُونُ لِیْ غُلَامٌ وَلَمْ یَمْسَسْنِیْ بَشَرٌ وَلَمْ أَکُ بَغِیّاً- قَالَ کَذَلِکِ قَالَ رَبُّکِ ہُوَ عَلَیَّ ہَیِّنٌ وَلِنَجْعَلَہُ آیَۃً لِلنَّاسِ وَرَحْمَۃً مِّنَّا وَکَانَ أَمْراً مَّقْضِیّاً-‘‘

(مریم:۱۸تا۲۱)

وقال ﷲ تعالٰی:

’’وَمَرْیَمَ ابْنَتَ عِمْرَانَ الَّتِیْ أَحْصَنَتْ فَرْجَہَا فَنَفَخْنَا فِیْہِ مِن رُّوحِنَا وَصَدَّقَتْ بِکَلِمَاتِ رَبِّہَا وَکُتُبِہِ وَکَانَتْ مِنَ الْقَانِتِیْنَ ‘‘

(التحریم:۱۲)

(فتاویٰ حقانیہ ج:۱ ص:۳۹۷)

قادیانی کافر ہیں، روافض میں تفصیل ہے

سوال:۔۔۔ ایک مولوی صاحب نے بروز جمعہ یہ فتویٰ بیان فرمایا کہ: ’’شرعاً جملہ افراد اہلِ شیعہ واحمدی کافر ہیں، اور جو

(۱) ومبتدع لا یکفر بھا وإن کفر لا یصح بہ الإقتداء اصلًا۔ (درمختار ج:۱ ص:۵۵۹ طبع ایچ ایم سعید کراچی)۔

شخص ان کے ساتھ خوردونوش کرے گا یا ان کے ساتھ کسی تقریب میں شامل ہوگا، کافر متصوّر ہوگا، اور پھر اس کے ساتھ برتاؤ کرنے والا بھی کافر ہوگا، علیٰ ھٰذا القیاس سلسلۂ کفر جاری رہے گا، اور جملہ عورات کا نکاح ناجائز اور فسخ شدہ ہے، جو لڑکیاں اہلِ سنت والجماعت کی کسی شیعہ یا احمدی کے ساتھ بیاہی ہوئی ہیں، ان کی اولاد ولدالحرام ہیں، اور وہ زِنا کرا رہی ہیں۔‘‘

۱:۔۔۔ کیا جملہ افراد اہلِ شیعہ کافر ہیں؟

۲:۔۔۔ کیا جملہ افراد احمدی جماعت کے کافر ہیں؟ ہم حنفی ہیں، اور جس فرقہ احمدیہ کا ہم سے تعلق ہے وہ کسی مسلمان کو کافر نہیں کہتے۔

۳:۔۔۔ کیا جملہ عورات کا نکاح ناجائز اور فسخ شدہ ہے جو اہلِ سنت والجماعت کی لڑکیاں ہیں اور کسی شیعہ یا احمدی سے بیاہی ہوئی ہیں اور وہ اس طرح زِنا کر رہی ہیں؟

۴:۔۔۔ کیا کسی معزّز شیعہ یا احمدی اہل برادری کی تعظیم کرنا کفر ہے؟ اور پھر جو اس کے ساتھ برتاؤ کرے گا یا اس کی کسی تقریب میں شریک ہوگا وہ بھی کافر ہوگا یا گنہگار؟

جواب:۔۔۔ مرزا غلام احمد قادیانی اور اس کے متبعین سب باتفاق علمائے اہلِ حق کافر ومرتد ہیں، ان سے کسی قسم کا اِتحاد واِرتباط رکھنا اور بیاہ شادی کرنا سب حرام ہے (شرح فقہ اکبر ص:۲۰۲)۔(۱)

اور روافض میں یہ تفصیل ہے کہ جو فرقہ ان کا قطعیات کا منکر ہے اور سبِّ شیخینؓ کرتا ہے اور حضرت عائشہ صدیقہؓ پر تہمت لگاتا ہے، یعنی اِفک کا معتقد ہے، اور صحابہؓ کی تکفیر کرتا ہے، وہ بھی کافر ومرتد ہے (فتاویٰ شامی ج:۴ ص:۲۳۷، باب المرتد، طبع ایچ ایم سعید)۔(۲)

ان سے مناکحت ومجالست حرام ہے۔ اور واضح ہو کہ روافض تبرّا گو، ہی ہوتے ہیں، اگرچہ بوجہ تقیہ کے جو ان کے نزدیک دِینی فعل ہے اپنے آپ کو چھپاتے ہیں اور اپنے عقائدِ باطلہ مخفی رکھتے ہیں۔ لہٰذا ان کے قول وفعل کا اِعتبار نہ کیا جائے، بلکہ ان کے اُصولِ مذہب کو دیکھا جائے۔ پس بعد اس تمہید کے آپ خود اپنے سوالات کا جواب سمجھ سکتے ہیں۔

۱:۔۔۔ اکثر افرادِ شیعہ ایسے ہیں کہ ان کے کفر پر فتویٰ ہے اور اُصولِ مذہب کے اِعتبار سے ان کے کفر میں کچھ تردّد نہیں، لہٰذا ان کے ذبیحہ میں اور ان سے رشتہ مناکحت قائم کرنے میں اِحتیاط کی جائے اور اِحتراز کیا جائے۔

۲:۔۔۔ قادیانی قطعاً کافر ومرتد ہیں، اور یہ غلط ہے کہ وہ مسلمان کو کافر نہیں کہتے، ان کی کتبِ مذہب کو دیکھو کہ ان کا عقیدہ یہ ہے کہ جو کوئی مرزا کو نبی نہ مانے وہ کافر ہے، اور جو اس کو کافر نہ سمجھے وہ بھی کافر ہے۔

۳:۔۔۔ یہ صحیح ہے کہ وہ نکاح نہیں ہوا، اور اس حالت میں صحبت وجماع کرنا زِنا ہے۔

۴:۔۔۔ یہ حکم عام نہیں ہے، مگر معصیت اور فسق ہونے میں اس کے کلام نہیں ہے، اور حدیث شریف میں ہے: ’’من وقَّر

(۱) ودعوی النبوۃ بعد نبینا صلی اﷲ علیہ وسلم کفرٌ بالإجماع۔ (شرح فقہ اکبر ص:۲۰۲)۔

(۲) تفصیلی بحث کے لئے ملاحظہ کیجئے:ردّ المحتار ج:۴ ص:۲۳۶تا۲۳۸، باب المرتد، مطلب مھم فی حکم سب الشیخین۔

صاحب بدعۃ فقد أعان علٰی ھدم الإسلام‘‘ (مشکوٰۃ، باب الاعتصام بالکتاب والسُّنَّۃ ص:۳۱)۔

پس جبکہ مبتدع کی تعظیم وتوقیر کرنا گویا اسلام کو منہدم کرنا ہے تو ایسے گمراہ کافر ومرتد فرقوں کی تعظیم وتوقیر کس درجہ معصیت ہوگی۔۔۔! فقط

(فتاویٰ دارالعلوم دیوبند ج:۱۲ ص:۳۹۵ تا ۳۹۷)

قادیانی اہلِ کتاب نہیں ہیں

سوال:۔۔۔ عیسائی اپنی نسبت انبیاء کی طرف کیوں کرتے ہیں؟ اور کیا ’’عیسائیت‘‘ کا نام قرآن نے ان کے لئے وضع کیا ہے؟

کافر لوگ اپنی کتاب میں تحریف کرتے تھے، پھر ان کو اہلِ کتاب کیوں کہا جاتا ہے؟ جبکہ مرزائی قادیانی بھی قرآن کو مانتے ہیں، ان کو اہلِ کتاب کیوں نہیں کہا جاتا؟

محمد سلیم، ملتان

جواب:۔۔۔ محترم محمد سلیم صاحب السلام علیکم ورحمۃاللّٰہ وبرکاتہ!

’’عیسائی‘‘ عرفِ عام میں ان لوگوں کو کہا جاتا ہے جو اپنے آپ کو حضرت عیسیٰ علیہ السلام کی طرف منسوب کریں، یہ الگ بات ہے کہ یہ نسبت فی الواقع دُرست ہے یا نہیں؟ جیسے رسول اللّٰہ صلی اللّٰہ علیہ وسلم کے دور میں صحابہ کرامؓ بھی اپنی نسبت اسلام کی طرف کرتے تھے اور منافقین بھی، عام اس سے کہ کس کی نسبت صحیح ہے؟ کس کی غلط؟

دراصل بلند مرتبت ہستیوں کی طرف قدیم زمانے سے لوگ اپنے آپ کو منسوب کرتے آئے ہیں، اس کی ایک مثال سیّدنا اِبراہیم علیہ السلام ہیں، ان کی مقبولیت کا عالم یہ ہے کہ عرب کے مشرک بھی اپنے آپ کو ان کی طرف منسوب کرتے تھے، یہودی بھی، عیسائی بھی اور مسلمان بھی، حالانکہ سب کے عقائد ونظریات باہم مختلف ومتضاد ہیں۔ جس سے واضح ہوا کہ فی الواقع یہ تمام لوگ آپ کے پیروکار تھے نہ ہیں، لیکن عقیدت واِتباع کا دعویٰ جیسے صدیوں پہلے تھا، آج بھی ہے۔ اس حقیقت کو قرآنِ عزیز نے یوں بیان فرمایا:

’’مَا کَانَ إِبْرَاہِیْمُ یَہُودِیّاً وَلاَ نَصْرَانِیّاً وَلَکِن کَانَ حَنِیْفاً مُّسْلِماً وَمَا کَانَ مِنَ الْمُشْرِکِیْنَ‘‘

(آل عمران:۶۷)

ترجمہ:۔۔۔ ’’(حضرت) اِبراہیم (علیہ السلام) نہ یہودی تھے، نہ عیسائی، بلکہ ہر باطل سے الگ تھلگ مسلمان تھے اور مشرکوں میں سے نہ تھے۔‘‘

’’إِنَّ أَوْلَی النَّاسِ بِإِبْرَاہِیْمَ لَلَّذِیْنَ اتَّبَعُوہُ وَہَـذَا النَّبِیُّ وَالَّذِیْنَ آمَنُواْ وَاللہُ وَلِیُّ الْمُؤْمِنِیْنَ‘‘

(آل عمران:۶۸)

ترجمہ:۔۔۔ ’’بے شک تمام لوگوں میں اِبراہیم سے قریب تر وہ ہیں جو اُن کے پیروکار ہوئے اور یہ

نبی، اور اِیمان والے، اور اِیمان والوں کا والی اللّٰہ ہے۔‘‘

تو ’’عیسائی‘‘ نہ قرآن کی اِصطلاح، نہ بائبل کی، بلکہ عرفِ عام ہے۔ قرآن نے ان کو ’’نصاریٰ‘‘ کہا ہے۔ بہرحال ’’عیسائی‘‘ کہلائیں یا ’’نصاریٰ‘‘ یا کچھ اور! یہ ان کی اپنی اِصطلاحیں ہیں جیسے ’’شیرِعالم‘‘ خواہ بزدل ترین ہی کیوں نہ ہو، ’’محمد فاضل‘‘ خواہ اَن پڑھ ہی کیوں نہ ہو، ’’محمد مسلم‘‘ خواہ اللّٰہ کے آگے کبھی سر جھکایا ہی نہ ہو، آپ خواہ کہیں یا نہ کہیں ’’مرزائی‘‘، ’’قادیانی‘‘ یا ’’احمدی‘‘ مرزاقادیانی کو نبی ماننے والے مرتدین ہیں۔ نہ ہم مسلمان کہیں، نہ قرآن وسنت، مگر جس طرح منافقین ’’آمَنَّا بِاللّٰہِ وَبِالْیَوْمِ الآخِرِ‘‘ (البقرۃ:۸) کہہ کر اپنے آپ کو مسلمان ظاہر کرتے تھے اور قرآن نے ’وَمَا ہُم بِمُؤْمِنِیْنَ ‘‘ (البقرۃ:۸) کہہ کر ان کے اِیمان کی نفی کی، اسی طرح باقی جھوٹے مدعیانِ اسلام کو سمجھ لیں۔

ہم اس لئے ان (نصاریٰ) کو اہلِ کتاب کہتے ہیں کہ قرآن نے انہیں اہلِ کتاب کہا ہے (یٰآ ہلَ الكِتٰبِ) ان کے علماء ومشائخ نے بادشاہوں اور سرمایہ داروں، جاگیرداروں کے ایما پر، روپیہ بٹورنے کے لئے بے شک اللّٰہ کے کلام میں لفظی ومعنوی تحریفات کیں، مگر وہ اپنے اس جرم پر ہمیشہ پردہ ڈالتے تھے، اور کبھی کھل کر اپنے انبیاء علیہم السلام اور آسمانی کتابوں کا اِنکار نہیں کرتے تھے۔ آخر انہوں نے اپنے جاہل عوام پر حکومت تو کرنی تھی، جو اَنبیائے کرام اور بزرگانِ دِین سے عقیدت رکھتے تھے۔ البتہ عوام کی جہالت وسادہ لوحی سے اللّٰہ کے کلام ونظام میں من مانی تأویلات وتحریفات میں مصروف رہتے تاکہ حق بات عوام تک پہنچنے نہ پائے اور ان کا طلسم ٹوٹ نہ جائے۔ شریعت کے جس حکم میں فائدہ نظر آتا بیان کردیتے، جہاں ان کی بدعقیدگی وبدعملی کا ذِکر آتا یا وہ اَحکامِ شرع جو ان کی خواہشات ومفادات سے متعارض ہوتے ان میں ’’بقدرِ ضرورت‘‘ تبدیلی کردیتے۔

’’یُحَرِّفُونَ الْکَلِمَ عَن مَّوَاضِعِہِ‘‘

(المائدۃ:۱۳)

ترجمہ:۔۔۔ ’’اللّٰہ کی باتوں کو ان کے ٹھکانوں سے بدلتے ہیں۔‘‘

ان کو اہلِ کتاب اس لئے نہیں کہا جاتا کہ وہ اسے سربسر مانتے ہیں، بلکہ اس لئے کہا جاتا ہے کہ وہ اپنے آپ کو سچے نبی اور کتاب کی طرف منسوب کرتے ہیں، گو حقیقت میں یہ نسبت غلط اور ناقابلِ اِعتبار ہے۔ دیکھتے نہیں کہ مسلمان بھی ان تمام لوگوں کو کہا جاتا ہے جو اِسلام واِیمان کا دعویٰ کرتے ہیں، عملاً ہم کتنے سچے مسلمان ہیں؟ اسے ہم خود سمجھتے ہیں اور خدا بھی اس پر گواہ ہے، ذرا اپنے عوام، نام نہاد مشائخ وعلماء ۔۔۔اِلَّاماشاء اللّٰہ۔۔۔ سیاست دان اور اہلِ دانش کو دیکھ لیں۔۔۔!

چو می گویم مسلمانم بلرزم

کہ دانم مشکلات لا اِلٰہ را

۱:۔۔۔ احمدیوں (قادیانیوں) کو مسلمان اس لئے نہیں مانتے کہ ان کے پیشوا نے قرآن، انبیائے کرام اور دِینِ اسلام کی توہین کی۔

۲:۔۔۔ عقیدۂ ختمِ نبوّت کا اِنکار کیا، چونکہ پہلے مسلمان تھے، اِرتداد کے بعد مرتد ہوگئے۔ (اور ان کی اولاد تمام قادیانیوں

کی طرح زِندیق وملحد) لہٰذا وہ مرتد ہیں، اہلِ کتاب نہیں، وہ خود بھی اہلِ کتاب نہیں کہتے، مسلمان کہلاتے ہیں، جو اِرتداد کی وجہ سے ختم ہوگیا، اسلام سے نکلے مرتد ہونے کی وجہ سے، اہلِ کتاب اس لئے نہیں کہ وہ اہلِ کتاب نہیں ہیں، نہ کہلاتے ہیں۔ واللّٰہ اعلم!

عبدالقیوم خان

(منہاج الفتاویٰ ج:۱ ص:۳۴۹ تا ۳۵۱)

کیا مرزائی اہلِ کتاب کے حکم میں ہیں؟

سوال:۔۔۔ عرض یہ ہے کہ کیا موجودہ مرزائی لوگ اہلِ کتاب ہیں؟ ان سے برتاؤ دُرست ہے؟ ان سے رشتہ لینادینا دُرست ہے؟ اگر یہ اہلِ کتاب نہیں ہیں تو قرآن وحدیث کی روشنی میں وضاحت فرمائیں۔

۲:۔۔۔ جو لوگ نسلاً مرزائی آرہے ہیں، کیا وہ مرتد عندالشرع ہیں؟ قرآن وحدیث اور فقہِ حنفیہ کی روشنی میں بحوالہ کتاب وضاحت فرمائیں۔

جواب:۔۔۔ مرزائی خواہ قادیانی ہوں یا لاہوری، جمہور علماء حضرات کے نزدیک کافر اور مرتد ہیں۔ ہند اور بیرونِ ہند میں جن علماء حضرات کو ان کے مذہب پر اِطلاع ہوئی، سب نے باجماع تکفیر کی ہے۔

۱:۔۔۔ مرزائی لوگ اہلِ کتاب نہیں ہیں، ان سے برتاؤ کافر کی طرح کیا جائے گا، اور ان سے رشتہ کرنا حلال نہیں ہے،لقولہٖ تعالٰی: ’’وَلَن یَجْعَلَ اللہُ لِلْکَافِرِیْنَ عَلَی الْمُؤْمِنِیْنَ سَبِیْلاً‘‘ (النساء:۱۴۱)

۲:۔۔۔ جو لوگ نسلاً مرزائی آرہے ہیں، ان کے بارے میں شرعی حکم یہ ہے کہ اگر اولاد نابالغ ہیں، اور ان کے والدین میں سے کوئی ایک مسلمان ہے تو اس کی طرف نسبت کرتے ہوئے ان بچوں کو مسلمان کہا جائے گا۔ اور اگر والدین دونوں مرتد ہیں تو ان بچوں کو والدین کی طرف نسبت کرتے ہوئے مرتد کہا جائے گا۔ البتہ اس اِرتداد کی وجہ سے ان نابالغ بچوں کو قتل نہ کیا جائے گا، بلکہ بالغ ہونے کے بعد قید اور سزا کے ذریعہ اسلام لانے پر مجبور کیا جائے گا۔

اور اگر اولاد بالغ ہیں، لیکن اسلام قبول نہیں کیا، انہیں کافر کہا جائے گا، لیکن عام کافروں کی طرح ان کو چھوڑا نہیں جائے گا، بلکہ اسلام لانے پر مجبور کیا جائے گا، لیکن ان کو قتل نہ کیا جائے گا۔ لیکن ان کی اولادالاولاد کو عام کافروں کی طرح کافر کہا جائے گا، نہ ان کو اسلام لانے پر مجبور کیا جائے گا، اور نہ قتل کیا جائے گا، بلکہ عام کافروں کی طرح ان کو چھوڑا جائے گا۔

مرتد کے بارے میں حکم یہ ہے کہ ان کو اسلام لانے پر مجبور کیا جائے گا، اور اگر مجبور کرنے کے باوجود بھی اسلام کو قبول نہیں کیا، قتل کیا جائے گا۔

نوٹ:۔۔۔ ان پر سزا وغیرہ جاری کرنے کی ذِمہ دار حکومت ہے نہ کہ عام لوگ۔

’’المرتد عرفًا ھو الراجع عن دین الإسلام کذا فی نھر الفائق ورکن الردۃ اجراء کلمۃ الکفر علی اللسان بعد وجود الإیمان۔‘‘

(عالمگیریۃ ج:۲ ص:۲۵۳)

’’زوجان ارتدا ولحق بدار الحرب فجعلت المرأۃ بدار الحرب وولدت ولدًا وولد لولدھما ولد فظھر علیھم فالولدان فیء یجبر الولد الأوّل علی الإسلام ولا یجبر ولد الولد علی الإسلام، ولو حبلت فی دارنا والجواب کذالک۔‘‘

(عالمگیری ج:۲ ص:۲۵۶)

’’ویلحق بالصبی من ولدتہ المرتدۃ بیننا إذا بلغ مرتدًا۔‘‘

(الدر المختار ج:۳)

وفی الدر المختار: من ارتد عرض الحاکم علیہ الإسلام إستحبابًا علی المذھب لبلوغہ الدعوۃ ۔۔۔۔إلٰی قولہٖ۔۔۔۔ فإن أسلم فبھا وإلَّا قتل۔‘‘

(ج:۳ ص:۳۱۲)

مذاہب: مرزائی، رافضی، چکڑالوی وغیرہ کافر ہیں یا نہیں؟

سوال:۔۔۔ معتزلہ، جہمیہ، قدریہ، جبریہ، مرزائیہ، چکڑالویہ، رافضیہ بلاتفضیلیہ وغیرہ وغیرہ فرقے، یہ قطعی کافر ہیں یا نہیں؟ نماز میں ان کی اِقتدا اور ان سے سلام ومصافحہ کرنا رَوا ہے یا نہیں؟ ان کا ورثہ مسلم کو، یا مسلم کی وراثت ان کو پہنچتی ہے یا نہیں؟ اور مسلم عورت کو ان کے ساتھ نکاح کرنا جائز ہے یا نہیں؟ اگر مسلمان عورت کا خاوند ان فرقوں میں داخل ہوجائے، مذہب اہلِ سنت والجماعت بدل لے تو نکاح ٹوٹ جاتا ہے یا نہیں؟ بلاطلاق وہ دُوسری جگہ نکاح لے سکتی ہے یا نہیں؟

جواب:۔۔۔ ان فِرَق کے گمراہ، زِندیق، ملحد، بدعتی ہونے میں تو کوئی شبہ نہیں۔ البتہ کافر ہونے میں تفصیل ہے۔ مرزائیہ، چکڑالویہ تو بے شک کافر ہیں۔ معتزلہ، جہمیہ، قدریہ، جبریہ بھی تقریباً ایسے ہی ہیں، لیکن صاف کافر کہنا ذرا مشکل ہے، رافضیہ میں سے غالی قطعاً کافر ہیں، جو حضرت ابوبکرؓ وغیرہم کو مرتد کہتے ہیں، اور زیدیہ کافر نہیں، جن کا عقیدہ ہے کہ حضرت ابوبکرؓ کی اِمامت خطا نہیں ہے، مگر حضرت علیؓ افضل ہیں اور حضرت عثمانؓ کے بارے میں ساکت ہیں، نہ اچھا کہتے ہیں نہ بُرا۔

اگر ان فرقوں کی اور ان کے علاوہ باقی فرقوں کی تفصیل مطلوب ہو تو کتاب ملل والنحل ابنِ حزم اور شہرستانی وغیرہ کا مطالعہ کریں، اور نواب صدیق حسن خان مرحوم کا بھی ایک رسالہ ’’خبیئۃ الأکوان‘‘ اس بارے میں ہے، وہ بھی اچھا ہے۔

رہا ان لوگوں سے میل ملاپ تو یہ بالکل ناجائز ہے۔ ابنِ کثیر جلد دوم ص:۲۰۱ میں مسند احمد وغیرہ سے یہ حدیث ذِکر کی ہے کہ جب تم متشابہ آیتوں کے پیچھے جانے والوں کو دیکھو تو ان سے بچو۔ اس حدیث سے معلوم ہوا کہ ان لوگوں سے ناطہ رشتہ وغیرہ کرنا یا ویسے میل ملاپ رکھنا یا نماز میں اِمام بنانا، اس قسم کا تعلق کوئی بھی جائز نہیں، بلکہ جو ان میں سے کافر ہیں، اگر اتفاقی طور پر ان

کے پیچھے نماز پڑھ لی جائے یا غلطی سے ان کے ساتھ نکاح کا تعلق ہوگیا ہو تو نماز بھی صحیح نہیں اور نکاح بھی صحیح نہیں، نماز کا اِعادہ کرنا چاہئے، بلکہ اگر نکاح پڑھا ہوا ہو اور بعد میں ایسی بدعت کے مرتکب ہوئے جو حدِ کفر کو پہنچ گئی تو بھی نکاح خودبخود فسخ ہوجاتا ہے، طلاق کی ضرورت نہیں۔ اللّٰہ تعالیٰ فرماتا ہے:’’وَلاَ تُنکِحُواْ الْمُشِرِکِیْنَ حَتَّی یُؤْمِنُواْ‘‘ (البقرۃ:۲۲۱) یعنی مشرک مردوں کو نکاح نہ دو۔ اور دُوسری جگہ ہے:’’وَلَا تُمْسِکُوا بِعِصَمِ الْکَوَافِرِ‘‘ (الممتحنہ:۱۰) یعنی کافر عورتوں کے ساتھ نکاح مت رکھو۔ اگر اسی حالت میں مرجائیں، مسلمان ان کے وارث نہیں، اور یہ مسلمان کے وارث نہیں۔

عبداللّٰہ امرتسری

(فتاویٰ اہل حدیث ج:۱ ص:۲۰۱)

صحیح العقیدہ مسلمان کو بلاتحقیق قادیانی کہنا صحیح نہیں

سوال:۔۔۔ زید نے بکر کی نسبت کہ جو شہر کا اِمام اور تمام مسلمانوں کا دِینی پیشوا اور پکا حنفی ہے، یہ جھوٹا اِلزام لگایا کہ وہ قادیانی ہوگیا ہے، مسلمانوں کو اس کے پیچھے نماز پڑھنا اور نکاح وغیرہ پڑھوانا نہیں چاہئے، اور اس اِفترا اور بہتان کی شہادت چند سامعین نے ایک مجمع کثیر کے سامنے کہ جن میں ہزاروں آدمی مجتمع تھے دی۔ پس زید کو اس کی سزا شرعاً کیا ہونی چاہئے؟

جواب:۔۔۔ کسی مسلمان سنی حنفی پر بلاتحقیق ایسی تہمت لگانا کہ وہ قادیانی ہوگیا ہے یا قادیانی ہے، گویا اس کو کافر کہنا ہے، اور حدیث شریف میں ہے کہ اگر کسی کو کافر کہا جائے اور وہ ایسا نہ ہو تو وہ اسی پر لوٹتا ہے جس نے کہا:

’’عن ابن عمر رضی ﷲ عنھما قال: قال رسول ﷲ صلی ﷲ علیہ وسلم: ایما رجل قال لأخیہ کافر، فقد باء بھا احدھما۔ متفق علیہ۔‘‘

(مشکوٰۃ ص:۴۱۱، باب حفظ اللسان)

اور نیز حدیث شریف میں ہے:

’’سباب المسلم فسوق وقتالہ کفر۔‘‘

(مشکوٰۃ ص:۴۱۱، باب حفظ اللسان)

الغرض زید اس صورت میں فاسق ہے، اس کو توبہ کرنی چاہئے، اور جس کو تہمت لگائی ہے اس سے معافی کرانی چاہئے۔ قال ﷲ تعالٰی:

’’یَا أَیُّہَا الَّذِیْنَ آمَنُوا لَا یَسْخَرْ قَومٌ مِّن قَوْمٍ عَسَی أَن یَکُونُوا خَیْراً مِّنْہُمْ (الٰی قولہٖ تعالیٰ) بِئْسَ الاِسْمُ الْفُسُوقُ بَعْدَ الْإِیْمَانِ وَمَن لَّمْ یَتُبْ فَأُوْلَئِکَ ہُمُ الظَّالِمُونَ‘‘

(الحجرات:۱۱)

(فتاویٰ درالعلوم دیوبند ج:۱۲ ص:۲۳۹،۲۴۰)

اہلِ قبلہ کو کافر کہنے کا مطلب!

سوال:۔۔۔ ’’کلمہ گو‘‘ اور ’’اہلِ قبلہ‘‘ کی شرعاً کیا تعریف ہے؟ قادیانی مرزائی ولاہوری مرزائی احمدی اہلِ قبلہ وکلمہ گو مسلمان ہیں یا نہیں؟ اگر نہیں تو کس وجہ سے؟

جواب:۔۔۔ ’’کلمہ گو‘‘ اور ’’اہلِ قبلہ‘‘ ایک خاص اِصطلاح ہے اسلام اور مسلمانوں کی، جس کا یہ مطلب کسی کے نزدیک

نہیں کہ جو کلمہ پڑھ لے، خواہ کسی طرح پڑھے، وہ مسلمان ہے، یا جو قبلے کی طرف منہ کرے وہ مسلمان ہے، بلکہ یہ لفظ اِصطلاحی نام ہے اس شخص کا جو تمام اَحکامِ اسلامیہ کا پابند ہو۔ جیسے کہا جاتا ہے کہ: ’’فلاں شخص ایم اے پاس ہے‘‘ تو ایم اے ایک اِصطلاحی نام ہے، ان تمام علوم کا جو اس درجے میں سکھائے جاتے ہیں، نہ یہ کہ جو ایم اے کے الفاظ میں پاس ہوتا ہو اور یاد رکھتا ہو۔ اس طرح ’’اہلِ قبلہ‘‘ کے معنی بھی باتفاقِ اُمت یہی ہیں کہ جو تمام اَحکامِ اسلامیہ کا پابند ہو۔ کما صرّح بہ فی عامۃ کتاب الکلام ۔ اور اس کی مفصل بحث رسالہ ’’إکفار الملحدین‘‘ مصنفہ حضرت مولانا سیّد محمد انور شاہ کشمیریؒ میں موجود ہے، ضرورت ہو تو ملاحظہ فرمایا جائے۔ مگر رسالہ عربی زبان میں ہے۔ (اب اس کا ترجمہ بھی شائع ہوگیا ہے ۔۔۔مرتب) اُردو زبان میں بھی اس مضمون کا ایک رسالہ احقر کا ہے جس کا نام وصول الافکار ہے۔واللّٰہ تعالیٰ اعلم!

(امداد المفتین ج:۲ ص:۱۱۳)

اہلِ قبلہ کی تکفیر نہ کرنے کا مطلب

سوال:۔۔۔ ’’لا تکفر اھل قبلتک‘‘ حدیث ہے یا نہیں؟ اور اس کا کیا مطلب ہے؟

جواب:۔۔۔ حدیث: ’’لا تکفر اھل قبلتک‘‘ کے متعلق جواباً عرض ہے کہ ان لفظوں کے ساتھ تو یہ جملہ کسی حدیث کی کتاب میں نظر سے نہیں گزرا، لیکن اس مضمون کے جملے بعض احادیث میں وارِد ہیں۔ مگر قادیانی مبلغ جو ان الفاظ کو ناتمام نقل کرکے اپنے کفر کو چھپانا چاہتا ہے، اور حقیقت یہ ہے کہ اس کی حیثیت اس سے زیادہ نہیں جیسے قرآن سے کوئی شخص ’’لَا تَقرَبُوا الصَّلوٰۃَ‘‘ نقل کرے، کیونکہ جن احادیث میں اس قسم کے لفظ واقع ہیں ان کے ساتھ ایک قید بھی مذکور ہے، یعنی: ’’بذنب او لعمل‘‘ وغیرہ جس کی غرض یہ ہے کہ کسی گناہ ومعصیت کی وجہ سے کسی اہلِ قبلہ کو یعنی مسلم مسلمان کو کافر مت کہو۔ چنانچہ بعض روایات میں اس کے بعد ہی یہ لفظ بھی منقول ہیں: ’’إلَّا اَن تروا کفرًا بوَّاحًا‘‘ یعنی جب تک کفرِ صریح نہ دیکھو، کافر مت کہو، خواہ گناہ کتنا بھی سخت کرے۔

یہ روایت ابوداؤد، کتاب الجہاد (ج:۱ ص:۲۵۲، باب الغزو مع اَئمۃ الجور) میں حضرت انس رضی اللّٰہ عنہ سے اس طرح مروی ہے:

’’ثلاث من اصل الإیمان: الکف عمّن قال لا إلٰہ إلَّا ﷲ ولا تکفرہ بذنب ولا تخرجہ من الإسلام بعمل۔‘‘

نیز بخاری (ج:۱ ص:۵۷، باب فضل إستقبال القبلۃ) میں حضرت انس رضی اللّٰہ عنہ سے روایت کیا ہے مرفوعاً:

’’من شھد ان لا إلٰہ إلَّا ﷲ واستقبل قبلتنا وصلّٰی صلاتنا واکل ذبیحتنا فھو المسلم۔‘‘

اہلِ قبلہ سے مراد باجماعِ اُمت وہ لوگ ہیں جو تمام ضروریاتِ دِین کو مانتے ہیں، نہ کہ یہ قبلے کی طرف نماز پڑھ لیں، چاہے ضروریاتِ اسلامیہ کا انکار کرتے رہیں۔

کما فی شرح المقاصد (الجلد الثانی من صفحۃ:۲۶۹ إلٰی صفحۃ:۲۷۰) قال: المبحث السابع فی حکم مخالف الحق من اھل القبلۃ لیس بکافر ما لم یخالف ما ھو من ضروریات الدین إلٰی قولہ وإلَّا فلا نزاع فی کفر

اھل القبلۃ المواظب طول العمر علی الطاعات بإعتقاد قدم العالم ونفی الحشر ونفی العلم بالجزئیات ونحو ذالک وکذا بصدور شیء من موجبات الکفر۔۔۔إلخ۔

وفی شرح الفقہ الأکبر: وإن غلا فیہ حتّٰی وجب إکفارہ لا یعتبر خلافہ وفاقہ ایضًا إلٰی قولہ وإن صلّٰی إلی القبلۃ واعتقد نفسہ مسلمًا لأن الاُمَّۃ لیست عبارۃ عن المصلین إلی القبلۃ بل عن المؤْمنین۔ ونحوہ فی الکشف للبزدوی (ج:۳ ص:۲۳۸) لَا خلاف فی کفرہ المخالف فی ضروریات الإسلام وإن کان من اھل القبلۃ المواظب طول عمرہ علی الطاعات۔ إکفار الملحدین (ص:۱۱، مطبوعہ دیوبند) وقال الشامی ایضًا: اھل القبلۃ فی إصطلاح المتکلمین من یصدق بضروریات الدین ای الاُمور التی علم ثبوتھا فی الشرع واشتھر ومن انکر شیئًا من الضروریات الإسلام کحدوث العالم وحشر الأجساد ونفی العلم بالجزئیات وفرضیۃ الصلٰوۃ والصوم لم یکن من اھل القبلۃ ولو کان مجاھدًا بالطاعات إلٰی قولہ ومعنی عدم تکفیر اھل القبلۃ ان لا یکفر بارتکاب المعاصی ولا بإنکار الاُمور الخفیۃ غیر المشھورۃ ھٰذا ما حققہ المحققون فاحفظہ ومثلہ قال المحقق ابن امیر الحاج فی شرح التحریر لإبن ھمام والنھی عن تکفیر اھل القبلۃ ھو الموافق علٰی ما ھو من ضروریات الإسلام۔

ھٰذہ جملۃ قلیلۃ من اقوال العلماء نقلتھا واکتفیت بھا لقلۃ الفراغۃ وتفصیل ھٰذہ المسئلۃ فی رسالۃ إکفار الملحدین فی شیء من ضروریات الدین لشیخنا ومولانا الکشمیری مدظلہ وﷲ اعلم!

(إمداد المفتین ص:۱۱۱ تا ۱۱۳)

دارُالاسلام میں غیرمسلمین کو تبلیغی اِجتماع کی اِجازت نہیں

سوال:۔۔۔ اسلامی ریاست میں کفر وشرک کی تبلیغ کی اِجازت دی جاسکتی ہے؟ کیا بطور حسنِ سلوک یا رواداری، اسلامی ریاست میں غیرمسلموں کو ان کے باطل دِین کی تبلیغ کی اِجازت دی جاسکتی ہے؟ بینّوا توجروا!

جواب:۔۔۔ دارُالاسلام میں غیرمسلمین اپنے گھروں یا عبادت گاہوں میں مذہبی تبلیغ کرسکتے ہیں، کھلے مقامات پر انہیں تبلیغی اِجتماع کی اِجازت نہیں دی جاسکتی، حتیٰ کہ وہ اپنی مذہبی کتاب بھی بلند آواز سے نہیں پڑھ سکتے۔

قال العلامۃ العثمانی رحمہ ﷲ تعالٰی: قلت: ولا ینبغی للإمام أن یھادنھم علٰی ما یخالف شروط عمر --رضی ﷲ عنہ-- من غیر ضرورۃ فإنہ ھو القدوۃ فی ھٰذا الباب۔ قال الموفق: وینبغی للإمام عند عقد الھدنۃ ان یشترط علیھم شروطًا نحو ما شرطہ عمر --رضی ﷲ عنہ-- وقد رویت عن عمر --رضی ﷲ عنہ-- فی ذالک اخبار منھا ما رواہ الخلال باسنادہ فذکر ما ذکرناہُ فی المتن اھـ۔ (إعلاء السُّنن ج:۱۲ ص:۴۸۸، باب شروط اھل الذِّمَّۃ)۔ وقد حکی ابن تیمیۃ إجماع الفقہ وسائر الأئمۃ رحمھم ﷲ تعالٰی علٰی مراعاۃ تلک الشروط۔ قال: ولو لا شھرتھا عند الفقھاء لذکرنا الفاظ کل طائفۃ فیھا (إلٰی قولہ) ومن جملۃ الشروط ما یعود بإخفاء منکرات دینھم وترک إظھارھا کمنعھم من إظھار الخمر والناقوس والنیران والأعیاد ونحو ذالک ومنھا ما یعود بإخفاء شعائر

دینھم کأصواتھم بکتابھم۔ (إعلاء السُّنن ج:۱۲ ص:۴۸۹)۔

فقط وﷲ تعالٰی اعلم!

۴؍صفر ۱۴۰۰ھ

(احسن الفتاویٰ ج:۱ ص:۱۸، ۱۹)

مدینہ منوّرہ کے علاوہ کسی دُوسرے شہر کو ’’منوّرہ‘‘ کہنا

سوال:۔۔۔ میری نظر سے ایک رسالہ گزرا ہے جس میں پاکستان کے ایک شہر کو ’’المنوّرۃ‘‘ کہا گیا ہے، حالانکہ ایسا لفظ ہم نے کبھی کسی اور جگہ نہیں پڑھا۔ مذکورہ شہر میں ایک مخصوص عقائد کے لوگ (قادیانی) بستے ہیں۔ کیا اس طرح کے الفاظ کا اِستعمال جائز ہے یا نہیں؟

جواب:۔۔۔ ’’المنوّرۃ‘‘ کا لفظ مدینہ طیبہ کے لئے اِستعمال کیا جاتا ہے۔ ’المدینۃ المنوّرۃ‘‘ کے مقابلے میں مخصوص عقائد کے لوگوں (قادیانیوں) کا ’’ربوۃ المنوّرۃ‘‘ کہنا، آنحضرت صلی اللّٰہ علیہ وسلم سے چشم نمائی، شرانگیزی اور مسلم آزاری کی شرمناک کوشش ہے، اور یہ ان کے کفر وضلالت کی ایک تازہ دلیل ہے۔

(آپ کے مسائل اور اُن کا حل ج:۸ ص:۶۱،۶۲)

جھوٹے نبی کا انجام

سوال:۔۔۔ رسولِ پاک صلی اللّٰہ علیہ وسلم کے بعد اِمکانِ نبوّت پر روشنی ڈالئے اور بتائیے کہ جھوٹے نبیوں کا انجام کیا ہوتا ہے؟ مرزاقادیانی کا انجام کیا ہوگا؟

جواب:۔۔۔ آنحضرت صلی اللّٰہ علیہ وسلم کے بعد نبوّت کا حصول ممکن نہیں، جھوٹے نبی کا انجام مرزا غلام احمد قادیانی جیسا ہوتا ہے کہ اللّٰہ تعالیٰ اسے دُنیا وآخرت میں ذلیل کرتا ہے، چنانچہ تمام جھوٹے مدعیانِ نبوّت کو اللّٰہ تعالیٰ نے ذلیل کیا۔ خود مرزاقادیانی منہ مانگی ہیضے کی موت مرا، اور دَمِ واپسیں دونوں راستوں سے نجاست خارج ہو رہی تھی۔

(آپ کے مسائل اور اُن کا حل ج:۱ ص:۱۹۴)

جھوٹے مدعی مسیحیت کا شرعی حکم

سوال:۔۔۔ کیا فرماتے ہیں علمائے دِین ومفتیانِ شرعِ متین اس مسئلے میں کہ ایک شخص دعویٰ کرتا ہے کہ عیسیٰ موعود میں ہوں اور وہ عیسیٰ مرگئے۔ سو ایسا دعویٰ کرنے والا کافر ہے یا مؤمن؟ اور جو ایسے شخص کا معتقد ہو، وہ کیسا ہے؟ بیّنوا توجروا!

جواب:۔۔۔ جو شخص اپنے کو عیسیٰ موعود کہتا ہے اور عیسیٰ علیہ السلام کی موت کا قائل ہے، وہ بڑا دجال، کذّاب، منکر قرآن واحادیثِ متواترہ کا ہے۔ قال ﷲ تعالٰی: ’’وَإِن مِّنْ أَہْلِ الْکِتَابِ إِلاَّ لَیُؤْمِنَنَّ بِہِ قَبْلَ مَوْتِہِ‘‘ (النساء:۱۵۹) ای قبل موت عیسٰی علیہ السلام، کما قال ابن عباس وابو ھریرۃ -رضی ﷲ عنھما- وغیرھما من السلف وھو الظاھر، (کما فی تفسیر ابن کثیر وفتح القدیر لشوکانی ھٰکذا فی الفتح)۔

یہ آیت صاف دلالت کرتی ہے کہ عیسیٰ علیہ السلام مرے نہیں بلکہ زندہ ہیں۔ احادیثِ صحیحہ صریحہ سے ثابت ہے کہ آخر زمانے میں شام میں ان کا ظہور ہوگا، دجال کو قتل کریں گے، لوگوں کو اس کے شر وفساد سے بچاویں گے، ان کی دُعا سے یأجوج مأجوج

کی قوم ہلاک ہوگی، ان کے ہاتھ سے شر وفساد کا دروازہ بند ہوجائے گا، جمیع اقوام یہود ونصاریٰ وغیرہ اسلام قبول کریں گے، عدل وانصاف سے سارا زمانہ معمور ہوجائے گا، سات برس تک یہی حالت رہے گی، پھر آپ دُنیا سے رحلت فرمائیں گے۔ یہ قصہ تمام کتبِ احادیث وعقائد میں مرقوم ہے، اور اس پر تمام اہلِ سنت والجماعت کا اِعتقاد ہے۔ ہاں! بعض فرقۂ ضالہ نے احادیثِ نزولِ عیسیٰ علیہ السلام کو ’’انا خاتم النّبیین‘‘ سے منسوخ سمجھا اور تناقض خیال کرکے جملہ احادیثِ صحاح کو رَدّ کیا۔ ان کی سوئِ فہمی نے انہیں چاہِ ضلالت میں ڈالا۔ فی الحقیقت کوئی تناقض نہیں ہے کیونکہ اس میں شک نہیں کہ محمد صلی اللّٰہ علیہ وسلم خاتم النّبیین ہیں، آپ صلی اللّٰہ علیہ وسلم کے بعد کوئی نبی نہ ہوگا اور جو حضرت عیسیٰ علیہ السلام کا نزول آخر زمانے میں ہوگا، وہ مستقل وجدید شریعت کے ساتھ نہیں ہوگا۔ بالجملہ جمیع اہلِ سنت والجماعت کا یہی عقیدہ ہے کہ حضرت عیسیٰ علیہ السلام زندہ ہیں اور جو شخص ان کی حیات کا منکر اور مثل یہودِ مردُود کے قتل ہونے کا، یا خودبخود فوت ہونے کا قائل ہو اور اپنے آپ کو عیسیٰ کہتا ہو، ایسے شخص کے کفر میں کوئی شبہ نہیں، اور جو شخص ایسے اِعتقاد والے کا پیرو ہو، وہ بھی اِحاطۂ اِسلام سے باہر ہے۔

واللّٰہ اعلم!

حررہ عبدالحفیظ عفی عنہ

۳۰؍رجب ۱۳۱۷ھ

فتاویٰ نذیریہ (ج:۱ ص:۴،۵) سیّد محمد نذیر حسین

(فتاویٰ ثنائیہ ج:۱ ص:۳۷۳ تا ۳۷۵)

حکم قائل بہ وفاتِ مسیح علیہ السلام

سوال:۔۔۔ حضرت عیسیٰ علیہ السلام کی وفات کا معتقد دائرۂ اسلام سے خارج ہے یا نہیں؟

جواب:۔۔۔ اس نصِ قطعی الثبوت کا اگر یہ شخص منکر ہے تو اِسلام سے خارج ہے، اور اگر اس کو غیرقطعی الدلالت قرار دے کر تأویل کرتا ہے تو مبتدع وضال ہے۔

۶؍ربیع الثانی ۱۳۳۴ھ (تتمہ اربعہ ص:۲۱)

(اِمدادُالفتاویٰ ج:۵ ص:۴۳۳)

✨ 🌟 ✨

بابِ پنجم

لاہوری مرزائیوں کے متعلق شرعی حکم

لاہوری مرزائیوں کا حکم

سوال:۔۔۔ عرض یہ ہے کہ جو شخص لاہوری مرزائیوں کو کافر نہیں کہتا، بلکہ صاف لکھتا ہے کہ لاہوری مرزائی کافر نہیں، بلکہ بین الکفر والاسلام معلق ہیں، ایسے شخص کے بارے میں شرعی حکم کیا ہے؟ کیا یہ مسلمان ہے یا کافر؟

جواب:۔۔۔ علمائے اُمت کا یہ متفقہ اور اِجماعی فیصلہ ہے کہ مرزائی خواہ لاہوری فرقہ ہو یا قادیانی، دونوں کافر اور دائرۂ اسلام سے خارج ہیں۔ واضح رہے کہ اسلام اور کفر کے درمیان اور کوئی تیسری حالت نہیں ہے۔ اگر مذکورہ شخص اپنی لاعلمی کی بنا پر لاہوری مرزائی کو کافر نہیں جانتا، بلکہ بین الکفر والاسلام معلق سمجھتا ہے تو وہ سخت غلطی پر ہے، اس کے لئے ضروری ہے کہ وہ اپنے اس غلط عقیدے کی اصلاح کرے اور اس سے توبہ واِستغفار کرے اور آئندہ اس قسم کی غلط باتوں سے بالکلیہ اِجتناب کرے۔

مجدّد کو ماننے والوں کا کیا حکم ہے؟

سوال:۔۔۔ ہر صدی کے شروع میں مجدّد آتے ہیں، کیا ان کو ماننے والے غیرمسلم ہیں؟

جواب:۔۔۔ ہر صدی کے شروع میں جن مجدّدوں کے آنے کی حدیثِ نبوی میں خبر دی گئی ہے ،(۱) وہ نبوّت ورِسالت کے دعوے نہیں کیا کرتے، اور جو شخص ایسے دعوے کرے وہ مجدّد نہیں۔ لہٰذا کسی مجدّد کو ماننے والا تو غیرمسلم نہیں، البتہ جو شخص یہ اِعلان کرے کہ: ’’ہمارا دعویٰ ہے کہ ہم رسول اور نبی ہیں!‘‘ اس کو ماننے والے ظاہر ہے غیرمسلم ہی ہوں گے۔۔۔!

سوال:۔۔۔ چودھویں صدی کے مجدّد کب آئیں گے؟

(۱) عن ابی ھریرۃ رضی اﷲ عنہ فیما اعلم عن رسول اﷲ صلی اﷲ علیہ وسلم قال: إن اﷲ یبعث لھٰذہ الاُمَّۃ علٰی رأس کل مائۃ سنۃ من یجدِّد لھا دینھا۔ (ابوداوٗد ج:۲ ص:۲۳۳، باب ما یذکر فی قرن المائۃ، طبع ایچ ایم سعید)۔

جواب:۔۔۔ مجدّد کے لئے مجدّد ہونے کا دعویٰ کرنا ضروری نہیں۔ جن اکابر نے اس صدی میں دِینِ اسلام کی ہر پہلو سے خدمت کی، وہ اس صدی کے مجدّد تھے۔(۱)گزشتہ صدیوں کے مجدّدین کو بھی لوگوں نے ان کی خدمات کی بنا پر ہی مجدّد تسلیم کیا۔

(آ پ کے مسائل اور اُن کا حل ج:۱ ص:۲۷۸)

چودھویں صدی کے مجدّد حضرت مولانا محمد اشرف علی تھانویؒ تھے

سوال:۔۔۔ مشہور حدیثِ مجدّد مسلمانوں میں عام مشہور ہے کہ آنحضرت صلی اللّٰہ علیہ وسلم نے فرمایا کہ: ہر سو سال کے سرے پر ایک نیک شخص مجدّد ہوکر آیا کرے گا۔ براہِ کرم وضاحت فرمائیں کہ چودھویں صدی گزرگئی مگر کوئی بزرگ مجدّد کے نام اور دعوے سے نہ آیا، اگر کسی نے مجدّد کا دعویٰ کیا ہے تو اس کا پتا بتائیں؟

جواب:۔۔۔ مجدّد دعویٰ نہیں کیا کرتا، کام کیا کرتا ہے۔۔۔! چودہ صدیوں میں کن کن بزرگوں نے مجدّد ہونے کا دعویٰ کیا تھا؟ چودھویں صدی کے مجدّد حضرت حکیم الامت مولانا اشرف علی تھانویؒ تھے، جنہوں نے دِینی موضوعات پر قریباً ایک ہزار کتابیں لکھیں، اور اس صدی میں کوئی فتنہ، کوئی بدعت اور کوئی مسئلہ ایسا نہیں جس پر آپ نے قلم نہ اُٹھایا ہو۔ اسی طرح حدیث، تفسیر، فقہ، تصوّف وسلوک، عقائد وکلام وغیرہ دِینی علوم میں کوئی ایسا علم نہیں جس پر آپ نے تالیفات نہ چھوڑی ہوں۔ بہرحال مجدّد کے لئے دعویٰ لازم نہیں، اس کے کام سے اس کے مجدّد ہونے کی شناخت ہوتی ہے۔ مرزا غلام احمد نے مجدّد سے لے کر مہدی، مسیح، نبی، رسول، کرشن، گرونانک، رودرگوپال ہونے کے دعوے تو بہت کئے، مگر ان کے ناہموار قد پر ان میں سے ایک بھی دعویٰ صادق نہیں آیا۔

(آپ کے مسائل اور اُن کا حل ج:۱ ص:۲۷۸)

مرزا غلام احمد کو مجدّد اور فیضِ نبوّت سے مستفید سمجھنے والے بھی کافر ہیں

سوال:۔۔۔ ہم ان تمام اَحکامات پر جو حضرت محمد مصطفی صلی اللّٰہ علیہ وسلم کی شریعت کے ہیں، اِیمان رکھتے ہیں، اور اس کی پیروی کی کوشش کرتے ہیں اور حضرت مرزاقادیانی کو مجدّد اور باتباع پیروی حضرت محمد مصطفی صلی اللّٰہ علیہ وسلم اور ان کی طرف سے فیضِ نبوّت سے مستفید جانتے ہیں، از رُوئے شریعتِ محمدیہ ایسے شخص کے لئے کیا حکم ہے؟

جواب:۔۔۔ واضح ہو کہ اگر کسی شخص میں باوجود تمام عقائدِ اسلامیہ کے ماننے کے ایک عقیدہ بھی کفریہ ہو اور کسی ایک امر کا ضروریاتِ دِین سے بھی انکار کرے تو وہ بھی کافر ہوجاتا ہے۔(۲) پس جو شخص باوجود دعویٔ اسلام وعقائدِ اسلام کے ایک ایسے مرتد وملحد کو جس کی کتابوں سے اس کی کفریات ثابت ہیں مسلمان سمجھے بلکہ اس کو مجدّد اور فیضِ نبوّت سے مستفید سمجھے وہ بھی قطعاً کافر ہے، کیونکہ

(۱) یکثر العلم ویعز اھلہ۔ (بذل المجھود ج:۵ ص:۱۰۳، أیضًا: مجالس الأبرار ص:۵۹۴، مجلس نمبر:۸۳، طبع دار الاشاعت۔

(۲) فمن جحد شیئًا واحدًا من الضروریات ۔۔۔۔۔۔ فھو من الکافرین۔ (إکفار الملحدین ص:۴، طبع دار الکتب العلمیۃ، پشاور)

اس نے کافر کو مسلمان، اور کفر کو اِسلام سمجھا۔ پس جبکہ محقق ہے کہ مرزا غلام احمد قادیانی بوجہ دعویٔ نبوّت وتوہینِ انبیائے کرام -علیٰ نبینا وعلیہم الصلوٰۃ والسلام- وغیرہا کے قطعاً کافر ہے(۱) کیونکہ جو شخص ایسے کافر وملعون کو مجدّد ومستفید از فیضِ نبوّت سمجھے اس کے کفر میں کیا شبہ ہوسکتا ہے (شرح فقہ اکبر ص:۱۸۴)۔ فقط

(فتاویٰ دارالعلوم دیوبند ج:۱۲ ص:۴۲۸،۴۲۹)

وحی، کشف واِلہام کی تعریف، مجدّد اور مہدی کی علامات

سوال:۔۔۔ مندرجہ ذیل چند سوالات بطور اِضافہ علمی سمجھنا چاہتا ہوں۔ براہِ کرم مطالعہ وفرصت پر سمجھادئیے جائیں۔

۱:۔۔۔ کشف، اِلہام اور وحی میں کوئی فرق ہے یا نہ؟ اگر ہے تو کون سا اور کس قسم کا؟ اور وہ صوری ہے یا معنوی؟ اِستدلالی ہے یا یقینی؟ ان واردات کی تشریح فرمائی جائے۔

۲:۔۔۔ مہدی اور مجدّد کے منصب میں کیا تفاوت ہے اور ان مناصب کے حاملین کو نمبر۱ میں سے کون سا درجہ اور وصف حاصل ہوتا ہے؟

۳:۔۔۔ جیسا کہ نبی کے لئے دعویٔ نبوّت ضروری ہے، اسی طرح مجدّد اور مہدی کے لئے بھی دعویٔ مجدّدیت ومہدویت ضروری ہے یا نہ؟

۴:۔۔۔ کیا نبی اور پیغمبر کی طرح مجدّد بھی معصوم، یا مردِ کامل، خطا سے مبرّا ہوتا ہے؟

۵:۔۔۔ مجدّد اور مہدی کو نہ ماننے والے مسلمان کے لئے از رُوئے شرع کیا حکم ہے؟ اور ان کی بعض تعریفوں یا اوصاف کو نہ ماننے والے کے لئے کیا حکم ہے؟

جواب۱:۔۔۔ وحی وہ علم ہے جو پیغمبر اور رسول کو بوقت انسلاخہ عن البشریۃ إلی الملکیۃ حاصل ہوتا ہے۔ پھر اس کی کئی صورتیں ہوتی ہیں:

1:۔۔۔ کسی وقت آواز مثل صلصلۃ الجرس (گھنٹہ کی سی آواز سنائی دیتی ہے)۔(۲)

2:۔۔۔ کسی وقت فرشتہ اپنی اصلی صورت میں یا انسانی صورت میں آتا ہے۔(۳)

3:۔۔۔ کسی وقت مکالمۂ اِلٰہی بلاواسطہ ہوتا ہے۔(۴)

(۱) من ادعی نبوۃ أحد مع نبینا صلی ﷲ علیہ وسلم أو بعدہ ۔۔۔۔۔۔۔۔ أو من ادعی النبوۃ لنفسہ أو جوز اکتسابھا ۔۔۔۔۔۔۔۔ وکذا من ادعیٰ منھم أنہ یوحیٰ إلیہ وإن لم یدع النبوۃ فھٰؤُلاء کلھم کفّار مکذبون للنبی صلی ﷲ علیہ وسلم۔ (الشفاء لقاضی عیاض ج:۲ ص:۲۴۶،۲۴۷)۔ وأیضًا: قال الموفق فی المغنی: ومن ادعی النبوۃ أو صدق من ادعاھا فقد ارتد لأن مسیلمۃ لما ادعی النبوۃ فصدقہ قومہ صاروا بذالک مرتدین۔ (إعلاء السُّنن ج:۱۲ ص:۶۳۶، طبع إدارۃ القرآن)

(۲)عن عائشۃ اُمّ المؤْمنین رضی ﷲ عنھا ان الحارث بن ھشام سأل رسول ﷲ صلی ﷲ علیہ وسلم فقال: یا رسول ﷲ! کیف یأتیک الوحی؟ فقال رسول ﷲ صلی ﷲ علیہ وسلم: أحیانًا یأتینی مثل صلصلۃ الجرس۔ (بخاری ج:۱ ص:۲)

(۳) ’’أَوْ یُرْسِلَ رَسُولاً فَیُوحِیَ بِإِذْنِہِ مَا یَشَاءُ‘‘ (الشوریٰ:۵۱)۔ ایضًا: وأحیانًا یتمثل لی الملک رجلًا فیکلمنی فأعی ما یقول۔ (بخاری ج:۱ ص:۲، باب کیف کان بدء الوحی إلٰی رسول ﷲ صلی اﷲ علیہ وسلم، طبع قدیمی)

(۴) ’’ثُمَّ دَنَا فَتَدَلَّی = فَکَانَ قَابَ قَوْسَیْنِ أَوْ أَدْنَی= فَأَوْحَی إِلَی عَبْدِہِ مَا أَوْحَی ‘‘ (النجم:۸تا۱۰)

4:۔۔۔ کسی وقت مکالمۂ اِلٰہی من وراء الحجاب ہوتا ہے۔(۱)

5:۔۔۔ کسی وقت رُؤیا کے ذریعے سے علم دیا جاتا ہے، اس لئے رُؤیائے انبیاء -علیہم السلام- وحی ہیں،(۲) نہ رُؤیائے غیر۔

6:۔۔۔ تفہیم عینی من جانب اللّٰہ انبیاء علیہم السلام پر ایک وقت ایسا آجاتا ہے کہ ان کی قوّتِ نظریہ کو کھینچ کر رُشد وصواب کی طرف لے جایا جاتا ہے۔

اِلہام وہ علم ہے جو قلب مبارک میں بغیر اِکتساب اور اِستدلال کے اِلقا ہو، اگر نبی کو ہو تو وحی کہلاتا ہے،(۳) یعنی وہ وحی کا قسم ہوتا ہے اور وہ قطعی اور حجت ہوتا ہے، اور غیراَنبیاء کا اِلہام وحی کی قسم نہیں ہوتا اور وہ ظنی ہوتا ہے۔ یہی فرق نبی اور غیرنبی کے رُؤیا میں ہے۔

دُوسرا فرق یہ ہے کہ انبیاء علیہم السلام کا اِلہام امر ونہی پر مشتمل ہوتا ہے، اور اولیاء کا اِلہام کسی بشارت یا تفہیم پر مشتمل ہوتا ہے۔ یہی وجہ ہے کہ انبیائے کرام علیہم السلام پر اپنے اِلہام کی تبلیغ واجب ہے اور اولیاء پر نہیں، بلکہ اِخفاء اَولیٰ ہے جب تک کوئی ضرورتِ شرعیہ دِینیہ داعی نہ ہو۔(۴)

(۱) ’’أَوْ مِن وَرَاء حِجَابٍ‘‘ (الشوریٰ:۵۱)

(۲) عن عائشۃ اُمّ المؤْمنین رضی ﷲ عنھا: أوّل ما بدء بہ رسول ﷲ صلی ﷲ علیہ وسلم من الوحی الرؤْیا الصالحۃ فی النوم۔ (بخاری ج:۱ ص:۲)۔

(۳) وحی اور کشف واِلہام:۔۔۔ ۔۔۔۔۔ وحی صرف انبیاء علیہم السلام کے ساتھ خاص ہے، اور کسی بھی غیرنبی کو خواہ وہ تقدس اور ولایت کے کتنے بلند مقام پر ہو، وحی نہیں آسکتی۔ البتہ بعض اوقات اللّٰہ تعالیٰ اپنے بعض خاص بندوں کو کچھ باتیں بتادیتا ہے، اسے ’’کشف‘‘ یا ’’اِلہام‘‘ کہا جاتا ہے، کشف اور اِلہام میں حضرت مجدّد الف ثانی ؒ نے یہ فرق بیان فرمایا ہے کہ کشف کا تعلق حسیات سے ہے، یعنی اس میں کوئی چیز یا واقعہ آنکھوں سے نظر آجاتا ہے، اور اِلہام کا تعلق وجدانیات سے ہے، یعنی اس میں کوئی چیز نظر نہیں آتی، صرف دل میں کوئی بات ڈال دی جاتی ہے، اسی لئے عموماً اِلہام کشف کی بہ نسبت زیادہ صحیح ہوتا ہے۔ (فیض الباری ج:۱ ص:۱۹)۔

وحی کی آخری صورت یعنی ’’نفث فی الرّوع‘‘ بظاہر اِلہام سے بہت قریب ہے، کیونکہ دونوں کی حقیقت یہی ہے کہ دِل میں کسی بات کا القاء کردیا جاتا ہے، لیکن دونوں میں حقیقت کے اعتبار سے یہ فرق ہے کہ وحی میں -جو صرف نبی کو ہوتی ہے- ساتھ ساتھ یہ علم بھی ہوجاتا ہے کہ یہ بات کس نے دل میں ڈالی ہے؟ چنانچہ حاکمؒ کی مذکورہ روایت میں آنحضرت صلی اللّٰہ علیہ وسلم نے صراحۃً بتلادیا کہ ’’روح القدس نے میرے دل میں یہ بات ڈالی ہے۔‘‘ لیکن اِلہام میں ڈالنے والے کی تعیین نہیں ہوتی، بس یہ محسوس ہوتا ہے کہ دل میں کوئی ایسی بات آگئی ہے جو پہلے نہیں تھی۔ (الوحی المحمدی ص:۳۸)۔ اسی بناء پر انبیاء علیہم السلام کی وحی سو فی صد یقینی ہوتی ہے، اور اس کی پیروی فرض ہے، لیکن اولیاء اللّٰہ کا اِلہام یقینی نہیں ہوتا، چنانچہ نہ وہ دِین میں حجت ہے، اور نہ اس کا اتباع فرض ہے، بلکہ اگر کشف، اِلہام یا خواب کے ذریعے کوئی ایسی بات معلوم ہو جو قرآن وسنت کے معروف اَحکام کے مطابق نہیں ہے تو اس کے تقاضے پر عمل کرنا کسی کے نزدیک جائز نہیں ہے۔ (الاعتصام للشاطبی ج:۱ ص:۳۵۱، علم الکلام ص:۳۹،۴۰، تالیف مولانا محمد اِدریس کاندھلوی رحمہ اللّٰہ)۔

(۴) اِلہامِ انبیاء اور اِلہامِ اولیاء میں فرق:۔۔۔ حافظ تورپشتی رحمہ اللّٰہ تعالیٰ ’’المعتمد‘‘ میں فرماتے ہیں کہ اِلہامِ انبیاء اور اِلہامِ اولیاء میں فرق ظاہر ہے، انبیاء کا اِلہام قطعی ہوتا ہے۔ جس طرح انبیائے کرام علیہم السلام معصوم عن الخطا ہوتے ہیں، اسی طرح ان کا اِلہام بھی معصوم عن الخطا ہوتا ہے، بخلاف اِلہامِ اولیاء کے کہ وہ ظنی ہوتا ہے اور خطا سے معصوم نہیں ہوتا، آھ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ (باقی اگلے صفحے پر)

اس تفصیل سے واضح ہوگیا ہوگا کہ وحی اور اِلہام میں کیا فرق ہے؟ اِلہام وحی کی قسم ہے، بنا بریں وحی اور اِلہام میں عموم وخصوص مطلق کی نسبت بن جاتی ہے۔ مزید تفصیل کے لئے ملاحظہ ہو ’’علم الکلام‘‘ مولانا محمد اِدریس صاحب ص:۱۴۵ تا ۱۶۴۔

اسی طرح ’’کشف‘‘ لغۃً کھولنے کو کہتے ہیں، اِصطلاح میں اللّٰہ تعالیٰ کی طرف سے کسی علم کو نبی یا ولی پر کھول دینا۔ نبی کے علم کشفی اور ولی کے علم کشفی میں وہی فرق ہے جو اِلہامِ نبی اور غیرِنبی میں بیان ہوا۔ کشف اور اِلہام مفہوم کے لحاظ سے متفاوت ہیں، اور مصداق کے لحاظ سے قریب قریب ہیں۔ اور نسبت کشف اور وحی میں وہی ہے جو اِلہام اور وحی میں بیان ہوئی۔

یہ تفصیل اور نسبت اس کشف کے متعلق ہے جو کہ نبی پر ہوتا ہے۔ بعض اوقات کشف فساق پر بھی ہوتا ہے، جیسا کہ ابنِ صیاد نے کہا تھا: ’’اری عرشًا علی الماء‘‘ ۔(۱) آنحضرت صلی اللّٰہ علیہ وسلم نے فرمایا: ’’تری عرش إبلیس علی البحر‘‘۔ (۲) اور بعض اوقات بہائم پر بھی ہوتا ہے جیسا کہ عذابِ قبر، بعض اوقات ایسا ہوتا ہے کہ ثقلین کے ماسویٰ تمام بہائم وطیور سن لیتے ہیں۔ کشف کے اس معنی اعم کے درمیان اور وحی کے درمیان عموم وخصوص من وجہ کی نسبت ہوگی:

1:۔۔۔ مادّہ اجتماعی: وہ کشف جو نبی کو ہو، وہ وحی بھی ہے اور کشف بھی۔

2:۔۔۔ مادّہ افتراقی: جہاں کشف ہو اور وحی صادق نہ آئے، کشفِ اولیاء، کشفِ بہائم وغیرہ۔

3 :۔۔۔ جہاں وحی صادق آئے اور کشف نہ ہو، وحی کی وہ چھ قسمیں جو اِلہام سے پہلے نمبروں میں بیان ہوئیں۔

(بقیہ حاشیہ صفحۂ گزشتہ) ۔۔۔۔۔۔۔۔۔ یہ فرق ایسا ہی ہے جیسا کہ انبیاء اور اولیاء کے رُؤیائے صالحہ میں، انبیاء کا رُؤیائے صالحہ وحی ہوتا ہے، اولیاء کا نہیں۔

اِمامِ ربانی رحمۃاللّٰہ تعالیٰ علیہ اپنے ایک مکتوب میں فرماتے ہیں:

’’واِلہام کہ اولیاء را ہست مقتبس از انوار نبوت است واز برکات وفیوض متابعت انبیاء است علیہم الصلوٰۃ والتسلیمات۔‘‘ (مکتوب:۲۳ جلد:۳ ص:۴۱)

ترجمہ:۔۔۔ ’’اور اولیاء کا اِلہام انوارِ نبوّت سے مأخوذ ہوتا ہے، اور انبیائے کرام علیہم الصلوٰۃ والسلام ہی کی متابعت کے فیض اور برکت سے ہوتا ہے۔‘ فافہم واستقم!

یعنی جس طرح مؤمنین کا اِیمان اور ان کی دیگر صفات مثلاً زُہد ووَرَع، قناعت وتوکل، رضا وتسلیم وغیرہ وغیرہ انبیائے کرام علیہم السلام ہی کے اِیمان اور صفات کا ایک عکس ہوتا ہے۔ مؤمنین کے ایمان اور ان کے زُہد اور وَرَع کو انبیائے کرام علیہم السلام کے اِیمان اور زُہد ووَرَع سے کوئی نسبت نہیں ہوتی۔

اسی طرح اِلہامِ مؤمنین کو اِلہامِ انبیاء سے کوئی نسبت نہیں ہوتی۔ اِلہامِ مؤمنین تو اِلہامِ انبیاء کا ایک ادنیٰ سا پرتو اور عکس ہوتا ہے، یہ کہاں اُس کے ہمسر ہوسکتا ہے؟ این الثَّریٰ مِن الثُّریّا۔۔۔!

نیز اِلہامِ اولیاء فقط کسی بشارت یا تفہیم پر مشتمل ہوتا ہے، اور اِلہامِ انبیاء میں امر ونہی اور اَحکامِ اِلٰہیہ جو بندوں کے متعلق ہوں وہ ہوتے ہیں۔ یہی وجہ ہے کہ انبیاء علیہم السلام پر اپنے اِلہام کی تبلیغ واجب ہے، اور اَولیاء پر نہیں، بلکہ اُس کا اِخفا اَولیٰ ہے، جب تک کوئی ضرورتِ شرعیہ ودِینیہ داعی نہ ہو۔ (علم الکلام ص:۱۶۵، تالیف: مولانا محمد اِدریس کاندھلوی رحمہ اللّٰہ)۔

(۱) مشکوٰۃ المصابیح ص:۴۷۸، باب قصۃ ابن صیاد، الفصل الأوّل، طبع قدیمی کتب خانہ۔

(۲) حوالہ مذکورہ۔

تنبیہ:۔۔۔ عموم وخصوص مطلق کی نسبت جو بیان ہوئی، وہ کشفِ نبی اور اِلہامِ نبی اور وحیٔ انبیاء کے درمیان تھی، ورنہ مطلق اِلہام اور مطلق کشف اور وحی کے درمیان بھی نسبت عموم وخصوص من وجہ بنتی ہے، کما لا یخفی علی المتأمل!

’’مہدی‘‘ ایک شخص معین ہے، کوئی عہدہ نہیں ہے کہ ہر شخص کو حاصل ہوسکے۔ مہدی کے متعلق علامات حدیثِ نبوی میں وارِد ہوئی ہیں جو کہ یہ ہیں:

1 :۔۔۔ اس کا نام حضور صلی اللّٰہ علیہ وسلم کے مطابق ہوگا۔

2 :۔۔۔ اس کے والد کا نام حضور صلی اللّٰہ علیہ وسلم کے والد کے ہم نام ہوگا۔(۱)

3 :۔۔۔ اہلِ بیت سے ہوگا، یعنی اولادِ فاطمہ رضی اللّٰہ تعالیٰ عنہا سے ہوگا۔ (۲)

4 :۔۔۔ سات سال زمین میں خلافت کرے گا، اور زمین کو عدل سے پُر کردے گا۔ (۳)

5 :۔۔۔ بیعت کی صورت یہ ہوگی کہ کسی خلیفہ کے فوت ہونے کے بعد اِختلاف واقع ہوگا، تو اس وقت مہدی صاحب مدینہ طیبہ میں ہوں گے، اس ڈر سے مدینہ سے نکل کر مکہ کی طرف روانہ ہوں گے کہ ایسا نہ ہو کہ مجھے خلافت کے لئے مجبور کیا جائے، کیونکہ اہلِ مدینہ اس کے فضل وکمال سے واقف ہوں گے، لیکن جب مکہ معظمہ پہنچیں گے تو اہلِ مکہ بھی انہیں پہچان لیں گے اور ان کے ہاتھ پر بیعت کریں گے، درآنحالیکہ مہدی صاحب اس اَمرِ خلافت کے قبول کرنے کو مکروہ سمجھنے والے ہوں گے۔ یہ بیعت رکن اور مقامِ اِبراہیم کے درمیان ہوگی۔

6 :۔۔۔ اس کے بعد ایک لشکر شام سے بمقابلہ حضرت مہدی صاحب روانہ ہوگا، مقامِ بیداء میں پہنچ کر زمین میں دھنسادیا جائے گا۔

7 :۔۔۔ مہدی کی اس کرامت کو دیکھ کر اَبدال ملکِ شام اور اہلِ عراق آئیں گے اور بیعت کریں گے۔

8 :۔۔۔ اس کے بعد ایک اور صاحب قریش میں سے مہدی کے مقابلے کے لئے کھڑے ہوں گے اور وہ اپنے اَخوال کلب سے آدمیوں کو جمع کرکے مہدی کے ساتھ لڑائی کریں گے، لشکرِ مہدی کو فتح ہوگی ۔(۴) (یہ سب علامات: ابوداوٗد، باب فی ذکر

(۱) عن عبداﷲ عن النبی صلی اﷲ علیہ وسلم قال: لو لم یبق من الدنیا إلَّا یوم لطول اﷲ ذالک الیوم حتّٰی یبعث رجلًا منی او من اھل بیتی یواطیء اسمہ اسمی واسم ابیہ اسم أبی۔ (ابوداوٗد ج:۲ ص:۲۳۲، کتاب المھدی، طبع ایچ ایم سعید)۔

(۲) عن اُمِّ سلَمۃ رضی اﷲ عنھا قالت: سمعت رسول اﷲ صلی اﷲ علیہ وسلم یقول: المھدی من عترتی من ولد فاطمۃ۔ (ابوداوٗد ج:۲ ص:۲۳۲، کتاب المھدی، طبع ایچ ایم سعید)۔

(۳) عن ابی سعید الخدری رضی اﷲ عنہ قال: قال رسول اﷲ صلی اﷲ علیہ وسلم ۔۔۔۔۔۔۔۔۔ یملأ الأرض قسطًا وعدلًا کما ملئت ظلمًا وجورًا ویملک سبع ۔ (ابوداوٗد ج:۲ ص:۲۳۲، کتاب المھدی، طبع ایچ ایم سعید)۔

(۴) عن اُمِّ سلَمۃ زوج النبی صلی اﷲ علیہ وسلم عن النبی صلی اﷲ علیہ وسلم قال: یکون إختلاف عند موت خلیفۃ فیخرج رجل من اھل المدینۃ ھاربًا إلٰی مکۃ فیخرجونہ وھو کارہ فیبایعونہ بین الرُّکن والمقام ویبعث إلیہ بعث من الشام فیخسف بھم بالبیداء بین مکۃ والمدینۃ، فإذا رأی الناس ذالک أتاہ أبدال الشام وعصائب أھل العراق فیبایعونہ ثم ینشؤُ رجل من قریش أخوالہ کلب فیبعث إلیھم بعثًا فیظھرون علیھم۔ (ابوداوٗد ج:۲ ص:۲۳۲، کتاب المھدی، علامات: ۵تا۸)۔

المہدی، بذل المجہود ج:۵ ص:۱۰۱ سے لی گئی ہیں)۔

اب مجدّد کے متعلق تحقیق درج کی جاتی ہے۔ جو کہ ابوداؤد اور اس کی شرحبذل المجہود ج:۵ ص:۱۰۳،۱۰۴ باب ما یذکر فی قرن المائۃ سے اخذ کی گئی ہے۔

حضرت ابوہریرہ رضی اللّٰہ عنہ کی روایت ہے کہ اللّٰہ تعالیٰ ہر سو سال کے اُوپر ’’من یجدّد لھا دینھا‘‘ کو بھیجا کریں گے۔ اس لفظ: ’’من یجدّد‘‘ کے اُوپر غور فرمایا جائے۔ لفظ ’’من‘‘ معنی میں جمع کے ہے، اور لفظ مفرد کا ہے، تو اَب اس سے ایک قرن میں ایک فردِ معین مراد لینا اور تیرہ قرن جو گزرچکے ہیں، ان میں سے تیرہ آدمیوں کا اِنتخاب کرنا اور یہ کہنا کہ: ’’اس صدی کا مجدّد فلاں تھا، اور اُس کا فلاں‘‘ تکلف سے خالی نہیں، اس لئے معنی حدیث کی بنا پر اَظہر یہ معلوم ہوتا ہے کہ ہر صدی میں اللّٰہ تعالیٰ ایک جماعت ایسی قائم فرماتے ہیں جن کا ہر فرد ہر بلد میں تقریر وتحریر کے ذریعے سے دِین کو قائم رکھتا ہے اور تحریفِ غالین ومبطلین سے حفاظت کرتا ہے۔ چنانچہ مولانا خلیل احمد محدث سہارنپوریؒ فرماتے ہیں:

’’ان المراد بمن یجدّد لیس شخصًا واحدًا بل المراد بہ جماعۃ یجدد کل واحد فی بلد فی فن او فنون من العلوم الشرعیۃ ما تیسر لہ من الاُمور التقریریۃ والتحریریۃ۔ ویکون سببا لبقائہ وعدم اندراسہ وانقضائہ إلٰی ان یأتی أمر ﷲ ولا شک ان ھٰذا التجدید امر إضافی لأن العلم کل سنۃ فی التنزل کما ان الجھل کل عام فی الترقی۔‘‘

(بذل المجھود ج:۵ ص:۱۰۳، ۱۰۴)

’’مجدّد‘‘ اور ’’مہدی‘‘ کے مفہوم اور مراتب کو واضح کرنے کے بعد آپ کے سوالات کے جوابات حسبِ ذیل ہیں:

۲:۔۔۔ ان مناصب کے حاملین کو وحیٔ نبوّت اور وحیٔ رِسالت میں سے کوئی حصہ حاصل نہیں ہوسکتا۔ البتہ اِلہام اور کشف وغیرہ سے اولیاء کو ظنی علم حاصل ہوتا ہے، وہ ان کو بھی حاصل ہونا ممکن ہے، مگر وہ قطعی علم جو اَنبیائے کرام علیہم السلام کو وحی کے ذریعے حاصل ہوتا ہے جو کہ لوگوں پر حجت ہوتا ہے، ان کو ہرگز ہرگز حاصل نہیں ہوتا۔

۳:۔۔۔ نبی اور پیغمبر کو اپنی نبوّت کا اِعلان کرنا اور لوگوں کو اپنی نبوّت کی طرف بلانا لازم ہوتا ہے، لیکن مجدّد کو مجدّدیت کا دعویٰ کرنا اور اپنی مجدّدیت پر لوگوں سے بیعت کا مطالبہ کرنا، اور پھر اپنے علوم کو مجدّدیت کی سند کے ساتھ مستند قرار دیتے ہوئے قطعی قرار دینا، جائز نہیں۔ البتہ بطور تحدیث بالنعمت کے اگر کوئی عالمِ ربانی اِظہار کردے بطور ظن کے کہ: ’’اللّٰہ تعالیٰ نے میرے ذریعے سے دِین کی یہ اہم خدمت لی ہے، اس لئے مجدّدین کے زُمرے میں داخل ہونے کی اُمید کرتا ہوں‘‘ تو اس میں کوئی حرج نہیں ہوگا۔ لیکن یہ اِدّعا کرنا کہ: ’’میں فلاں صدی کا مجدّد ہوں اور لوگوں کو میری مجدّدیت پر اِیمان لانا چاہئے، یا میرے ہاتھ پر بیعت ہوجانا چاہئے‘‘ بالکل جائز نہیں ہے۔

۴:۔۔۔ نبی اور پیغمبر معصوم ہوتے ہیں، ان کے علاوہ اُمت کا کوئی فرد حتیٰ کہ حضراتِ صحابہ رضی اللّٰہ عنہم بھی انبیاء علیہم

السلام کی طرح معصوم نہیں قرار دئیے جاسکتے، کما ھو مذھب اھل السُّنَّۃ والجماعۃ۔

۵:۔۔۔ مہدی اور مجدّد کو نہ ماننے سے کفر نہیں لازم آتا۔ مجدّد کے متعلق تو واضح ہوچکا ہے کہ کسی شخصِ معین کا نام نہیں ہے، بلکہ کسی کا مجدّد ہونا اَمرِ ظنی ہے، اس لئے اس کے نہ ماننے میں کوئی خاص نکیر نہیں ہوسکتی۔ البتہ مہدی کا ذکر ان صفات کے ساتھ جو اَحادیث میں آیا ہے، اور یہ حدیثیں ابوداؤد وغیرہ میں مذکور ہیں، حدیثیں صحیح اور حسن ہیں، اس لئے ان صفات کا جو منکر ہوگا، اس کے لئے وہ حکم ہوگا جو اَحادیثِ آحاد کے منکر کا ہوتا ہے، یعنی کفر لازم نہ آئے گا، لیکن فسق سے خالی نہ ہوگا۔ فقط واللّٰہ اعلم

(خیرالفتاویٰ ج:۱ ص:۶۷ تا ۷۱)

تجدیدِ دِین اور مرزا غلام احمد قادیانی

سوال:۔۔۔ مرزا غلام احمد قادیانی کو اگر مجدّد مانا جائے تو بجا ہے یا نہیں؟

جواب:۔۔۔ مرزاقادیانی مذکور ہرگز مجدّدِ زمان نہیں مانے جاسکتے، کیونکہ مجدّد زمان کے لئے چند شرائط مقرّر اور معین ہیں۔ چنانچہ کتاب ’’مجالس الابرار‘‘ (مجلس:۸۳) میں بایں طور مسطور ہے کہ مجدّد وہ ہوسکتا ہے جس کی لیاقتِ علمی وبزرگی کو علمائے وقت تسلیم کرلیں،(۱) نہ کہ وہ اپنی زبان سے میاںمٹھو طوطے کی طرح مجدّد ہونے کا اپنے منہ سے دعویٰ کرے اور کہلائے۔ اور مرزاقادیانی میں یہ صفت کہاں؟ دیکھو اس کی عبارت عربی جو یہاں بطور مشتے نمونہ از خروارے ہے، تحریر کردی جاتی ہے۔ جس پر ادنیٰ لیاقت والے طالب علم بھی اِعتراض کرتے ہیں اور ہنسی اُڑاتے ہیں اور مرزاقادیانی کی چند تصنیفات سے کتاب ’’اِعجاز المسیح‘‘ کی چند غلطیاں پیرمہرعلی شاہ صاحبؒ نے ’’سیف چشتیائی‘‘ اور ’’فیصلہ آسمانی‘‘ میں (مولانا محمد علی مونگیریؒ) بایں طور نقل کردی ہیں:

’’وھو ھٰذا وانی سمیتہ إعجاز المسیح وقد طبع فی مطبع ضیاء الإسلام فی سبعین یومًا من شھر الصیام وکان من الھجر سنۃ ۱۳۱۸ من شھر النصاری ۲۰ فروری ۱۹۰۱ء مقام الطبع قادیان ضلع گورداسپور۔‘‘

(ٹائٹل اعجاز المسیح، طبع اوّل، خزائن ج:۱۸ ص:۱)

اب ناظرین ملاحظہ فرمائیں کہ کیا ستر دِن کا مہینہ بھی ہوتا ہے؟ اُمید ہے کہ مرزائی صاحبان اس جگہ بھی کچھ تأویل کریں گے، حالانکہ یہ تمام عبارت بے ربط اور خلاف محاورۂ عرب کے ہے۔

غلطی دوم:۔۔۔ ضلع گورداسپور کی بجائے ’’غورداسفور‘‘ ہونا چاہئے تھا۔

غلطی سوم:۔۔۔ باہتمام الحکیم فضل الدین بعد التعریب فضل الدین۔

(۱)یکثر العلم ویعتر اھلہ۔ (بذل المجھود ج:۵ ص:۱۰۳)۔

غلطی چہارم:۔۔۔ اس کتاب کے ص:۳ خزائن ج:۱۸ ص:۵ من کل نوع الجناح۔ نوع للجناح کیونکہ کل معرفہ پر اِحاطہ اجزاء کا افادہ دیتا ہے، وہ یہاں پر مقصود نہیں۔

غلطی پنجم:۔۔۔ اس کتاب کے ص:۳ ایضاًکل امرھم علی التقوی ۔ اس مقام پر کل امر لھم ہونا چاہئے تھا، چونکہ کل مجموعی خلاف ہے۔

غلطی ششم:۔۔۔ اس کتاب کے ص:۴، خزائن ج:۱۸ ص:۸فلا إیمان لہ أو یضیع إیمانہ ، دو دفعہ اِیمان کے لفظ کا تکرار بے قاعدہ اور خلاف محاورۂ عرب ہے۔

غرضیکہ مرزاقادیانی نے کہیں تو مقاماتِ حریری وغیرہ کتب سے عبارتیں چرائی ہیں اور کہیں لفظی اور کہیں معنوی تحریف قرآن مجید واحادیث شریف کی گئی ہے جس کو پیر صاحب موصوفؒ نے اپنی تصنیف ’’سیف چشتیائی‘‘ میں صفحہ:۷تا۱۸ قلم بند کردیا ہے۔ اور اِن شاء اللّٰہ تعالیٰ فقیر بھی ہر ایک جلد میں چند اغلاط مرزا غلام احمد قادیانی کے لکھتا رہے گا۔ (بابو پیربخش کی تمام کتب ’’قادیانیت‘‘ احتسابِ قادیانیت جلد یازدہم ودوازدہم میں شائع ہوئی ہیں ۔۔۔مرتب)۔

اور دُوسری شرط مجدّد کی یہ ہے کہ وہ اپنے ظاہر وباطن کو مطابق شریعت جناب محمد رسول اللّٰہ صلی اللّٰہ علیہ وسلم کے رکھتا ہے اور اقوال وافعال اس کے ہرگز برخلاف شریعت کے نہیں ہوتے۔ اور مرزاقادیانی میں یہ ہر دو صفت موجود نہ تھیں، نہ تو مرزاقادیانی نے باوجود اِستطاعت البالی ومرفہ الحالی حج کیا اور نہ ہی پتلی روٹی گیہوں کی کھانے سے تین دن متواتر باز رہے، اور نہ ہی فرش چمڑے اور کھجوروں کے پتوں سے بنایا اور نہ ہی مرزاقادیانی نے کباب اور زردی اور پلاؤ کھانے سے منہ پھیرا اور نہ ہی جھوٹے اِلہام بیان کرنے سے زبان کو روکا، نہ ہی نبیوں کی توہین کرنے سے قلم کو بند کیا، اور نہ ہی ۲۲کروڑ مسلمانوں کی پارٹی پر کفر کا فتویٰ لگانے سے شرمایا اور نہ ہی قرآن مجید اور احادیثِ شریفہ اور اِجماعِ اُمت کے اقوال کی تحریفِ معنوی کرنے سے قلم کو تھاما۔

تیسری شرط مجدّد کی یہ ہے کہ جو بدعت اور بت پرستی اور بُرے کام لوگوں کے درمیان مروّج اور قائم ہوچکے ہوں، ان کو وہ اپنی اِیمانی طاقت اور اِستقامت اور حوصلہ اور حلیمی سے دُور کردیتا ہے ۔(۱) مرزاقادیانی نے تو بجائے ان باتوں کے بدعت اور بت پرستی کی بیخ قائم کی، چنانچہ اپنی تصویریں بنواکر ملکوں میں تقسیم کیں، حالانکہ یہ بالکل برخلاف قرآن مجید واحادیثِ صحیحہ واِجماعِ صحابہ رضوان اللّٰہ علیہم اجمعین ہے۔ اور علاوہ اس کے اپنے آپ کو خدا کہلانا، اور آسمان وزمین کے پیدا کرنے پر اپنے آپ کو قادر سمجھنا، جیسا کہ ’’کتاب البریہ‘‘ (ص:۸۵، خزائن ج:۱۳ ص:۱۰۳) و’’حقیقۃ الوحی‘‘ و ’’دافع البلاء‘‘ وغیرہ میں مذکور ہے۔ علاوہ اس کے خود مرزاقادیانی کا دعویٰ کرشن جی کا بھی ہے، (حقیقۃ الوحی، خزائن ج:۲۲ ص:۵۲۱) جس کی تعلیم شرک وبدعت سے بھری ہوئی ہے، چنانچہ گیتا ترجمہ فیضی سے:

(۱) ویقمع البدعۃ ویکسر اھلھا۔ (بذل المجھود ج:۵ ص:۱۰۳)۔

ابیات

1. من از ہر سہ عالم جدا گشتہ ام

   نبی گشتہ از خود خدا گشتہ ام

2. منم ہر چہ ہستم خدا از من است

   فنا از من است وبقا از من است

3. باشجار پیپل بدانی مرا

   بر گ ہائے نار وبدانی مرا

4. اگر گوش داری چناں میشوری

   خدا میشوری وخدا مے شوی

تناسخ

1. ہمہ شکل اعمال بگرفتہ اند

   بہ تقلیب احوال دل گفتہ اند

2. گرفتار زندان آمد شد اند

   زبیدانشی خصم جان خود اند

اب ناظرین ذرا مرزاقادیانی کے کلمات بھی بغور وہوش دیکھئے اور سنئے اور اِنصاف فرمائیے! وھو ھٰذا:

(ترجمہ) ’’میں نے اپنے ایک کشف میں دیکھا کہ میں خود خدا ہوں ۔۔۔۔۔۔ اور یقین کیا کہ وہی ہوں، اللّٰہ تعالیٰ میرے وجود میں داخل ہوگیا، اور میرا غضب اور حلم، اور تلخی اور شیریں، اور حرکت اور سکون سب اسی کا ہوگیا، اور اسی حالت میں، میں یوں کہہ رہا تھا کہ ہم ایک نیا نظام اور نیا آسمان اور نئی زمین چاہتے ہیں۔ سو میں نے پہلے تو آسمان اور زمین کو اِجمالی صورت میں پیدا کیا، جس میں کوئی ترتیب وتفریق نہ تھی، پھر میں نے منشائِ حق کے موافق اس کی ترتیب وتفریق کی، اور میں دیکھتا تھا کہ اس کے خلق پر قادر ہوں، پھر میں نے آسمانِ دُنیا کو پیدا کیا اور کہا:انا زینا السماء الدنیا بمصابیح۔ پھر میں نے کہا: اب ہم انسان کو مٹی کے خلاصے سے پیدا کریں گے، پھر میری حالت کشف سے اِلہام کی طرف منتقل ہوگئی اور میری زبان پر جاری ہوا:اردت ان استخلف فخلقت آدم، انا خلقنا الإنسان فی احسن تقویم۔‘‘

(کتاب البریہ ص:۸۶،۸۷، خزائن ج:۱۳ ص:۱۰۴، ۱۰۵)

اور آگے چل کر اسی کتاب (کتاب البریہ ص:۲۰۷، خزائن ج:۱۳ ص:۲۲۵) میں جہاں یہ مضمون چھڑا ہوا ہے کہ اِمام

مہدی اور عیسیٰ مسیح میں ہوں، اور وہ حضرت عیسیٰ علیہ السلام مرچکے ہیں اور جو لوگ ان کا زِندہ ہونا آسمان پر مانتے ہیں، وہ جاہل اور احمق اور نادان ہیں، قرآن مجید اور اَحادیث کو غور سے نہیں سمجھتے اور جب ان کو پوچھا جائے کہ اس کے آسمان سے اُترنے اور جانے کا کیا ثبوت ہے تو پھر نہ کوئی آیت پیش کرسکتے ہیں اور نہ کوئی حدیث۔

پناہ بخدا! میرے صاحبان دیکھو! مرزاقادیانی کا کس قدر جھوٹ بولنا ثابت ہے، پیرمہرعلی شاہ صاحبؒ فاضل اجل لاہور میں خود بحث کرنے کے لئے مع بسیار علمائے دِین کے تشریف لائے اور مرزاقادیانی بھاگ گئے، اور ایسا ہی پیرجماعت علی شاہ صاحب علی پوریؒ کے مقابلہ کرنے سے بھاگتے رہے۔ آخر الامر اس کے دعوے کی تردید میں کتاب ’’سیف چشتیائی‘‘ و ’’شمس الہدایہ‘‘ تیار کیں۔ اس طرح ہزارہا علمائے دِین جواب بدلائلِ قاطعہ اب تک دے رہے ہیں اور خاص کر اب بھی رفیق پیربخش صاحب پنشنر پوسٹ ماسٹر انجمن تائیدالاسلام کی طرف سے مستقل طور پر رسالہ ماہواری (تائیدالاسلام) نکلتا ہے، جس کے جواب دینے میں مرزاقادیانی اور آپ کے پیرو لا نسلم کا سبق پڑھ کر لاجواب ہوگئے اور اِن شاء اللّٰہ ہوتے رہیں گے:

1. گر نہ بیند بروز شب پرہ چشم

   چشمہ آفتاب را چہ گناہ

اور اَب فقیر بھی مرزاقادیانی کے گدی نشینوں اور متبعین کو نوٹس دیتا ہے کہ اگر مرزاقادیانی اور آپ لوگ سچے ہیں تو بیس ہزار روپیہ جو مرزاقادیانی نے بطورِ اِنعام اس دعوے پر اِرقام فرمایا ہے، براہِ مہربانی بصیغۂ منی آرڈر روانہ فرمایا جائے، ورنہ سرکاری طور پر درخواست کی جائے گی، وھو ھٰذا:

’’اگر اسلام کے تمام فرقوں کی حدیث کی کتابیں تلاش کرو تو صحیح تو کیا وضعی حدیث بھی ایسی نہ پاؤگے جس میں یہ لکھا ہو کہ حضرت عیسیٰ علیہ السلام جسمِ عنصری کے ساتھ آسمان پر چلے گئے تھے اور پھر کسی زمانے میں زمین کی طرف واپس آئیں گے۔ اگر کوئی ایسی حدیث پیش کرے تو ہم ایسے شخص کو بیس ہزار روپے تک تاوان دے سکتے ہیں، اور توبہ کرنا اور تمام اپنی کتابوں کو جلادینا اس کے علاوہ ہوگا، جس طرح چاہیں تسلی کرلیں۔‘‘

(کتاب البریہ ص:۲۰۷، خزائن ج:۱۳ ص:۲۲۵ حاشیہ)

اور اس کتاب کے ص:۲۰۸، خزائن ج:۱۳ ص:۲۲۶ میں یوں لکھا ہے کہ:

’’جہاں کسی کا واپس آنا بیان کیا جاتا ہے، عرب کے فصیح لوگ رُجوع بولا کرتے ہیں نہ نزول۔‘‘

اب ناظرین نے مرزاقادیانی کی عبارت نزول کا لفظ وارِد ہے وہ غیرفصیح ہے۔ یہ لفظ ذی عزّت آدمی کی خاطر بھی بولا جاتا ہے اور یہ عام محاورہ ہے۔نزول من السماء اور رُجوع کا کلمہ کسی حدیثِ وضعی کتاب مذہب اسلامیہ میں بھی اس کا ثبوت نہیں اور اگر کوئی شخص دِکھادے تو اس کو بیس ہزار روپیہ علاوہ سزا اور تاوان کے دُوں گا۔

میرے صاحب ذرا اِنصاف سے حدیثوں کو ملاحظہ فرمائیں اور دیکھیں کیا ان میں رُجوع اور نزول من السماء کا کلمہ ہے یا

نہیں؟ اگر ہے تو مرزائی صاحبان تحریر شدہ تاوان لے دیں، اگر وہ نہ دیں تو سمجھ لیں کہ یہ لوگ کذّاب ہیں اور نہ ہی مرزاقادیانی صادق اور مجدّد ہوسکتے ہیں؟ اور وہ دلائل یہ ہیں:

حدیث۱:۔۔۔’’قال الحسن: قال رسول ﷲ صلی ﷲ علیہ وسلم للیھود: إن عیسٰی لم یمت وإنہ راجع إلیکم قبل یوم القیامۃ۔‘‘

(نقل از تفسیر درمنثور ج:۲ص:۳۶، طبع دارالکتب العلمیۃ)

’’یعنی کہا حضرت حسن بصریؒ نے کہ فرمایا رسول اللّٰہ صلی اللّٰہ علیہ وسلم نے واسطے مخاصمین اہلِ یہود کے حضرت عیسیٰ علیہ السلام اب تک نہیں مرا، وہ تمہاری طرف واپس آنے والا ہے قیامت سے پہلے۔‘‘ (اس حدیث میں رُجوع کا لفظ موجود ہے اور حدیث صحیح ہے)۔

حدیث۲:۔۔۔’’روی اسحاق بن بشر وابن عساکر عن ابن عباس رضی ﷲ عنہ قال: قال رسول ﷲ صلی ﷲ علیہ وسلم: فعند ذالک ینزل اخی عیسی بن مریم من السماء۔‘‘

(کنز العمال ج:۱۴ ص:۶۱۹ حدیث نمبر:۳۹۷۲۶، مختصر ابن عساکر ج:۲۰ ص:۱۴۹)

’’یعنی کہا حضرت ابن عباس رضی اللّٰہ عنہ نے کہ فرمایا رسول اللّٰہ صلی اللّٰہ علیہ وسلم نے: نزدیک ہے کہ میرا بھائی عیسیٰ بن مریم آسمان سے نزول فرمائے گا۔‘‘ (اس حدیث میں کلمہ ’’من السماء‘‘ کا موجود ہے)۔

حدیث۳:۔۔۔ ’’فإنہ لم یمت الآن بل رفعہ ﷲ إلی ھٰذہ السماء، روی ابن جریر وابن حاتم عن ربیع قال ان النصاریٰ اتوا النبی صلی ﷲ علیہ وسلم إلٰی ان قال: الستم تعلمون ربنا حیٌّ لا یموت وإن عیسٰی یأتی علیہ الفناء۔‘‘

(تفسیر طبری ج:۳ ص:۱۶۳)

’’یعنی کیا تم لوگوں کو علم نہیں رَبّ ہمارا زِندہ ہے، اس پر کبھی موت نہیں آئے گی، اور عیسیٰ پر موت آئے گی۔‘‘

حدیث۴:۔۔۔ ’’عن عبدﷲ بن سلام قال: یدفن عیسَی بن مریم مع رسول ﷲ صلی ﷲ علیہ وسلم وصاحبیہ فیکون قبرہ رابعًا۔‘‘

(درمنثور ج:۲ ص:۲۴۵،۲۴۶)

’’یعنی فرمایا کہ دفن ہوگا عیسیٰ بن مریم ساتھ حضور علیہ الصلوٰۃ والسلام کے اور ابوبکر وعمر رضی اللّٰہ عنہما کے اور اس کی قبر چوتھی ہوگی۔‘‘

حدیث۵:۔۔۔ ’’عن ابی ھریرۃ قال: قال رسول ﷲ صلی ﷲ علیہ وسلم: کیف انتم إذا نزل ابن مریم من السماء فیکم وإمامکم منکم‘‘

(رواہ البیھقی فی کتاب الأسماء والصفات ص:۴۲۴)

ناظرین کیا حدیث نمبر اوّل میں ’’رُجوع‘‘ اور حدیث نمبر۲ اور حدیث نمبر۵ میں کلمہ ’’من السماء‘‘ کا واقع ہے یا نہیں؟

اب مہربانی فرماکر مرزائی صاحبان کو لازم ہے کہ ایفائے وعدہ کریں یا مرزاقادیانی کے اِتباع سے توبہ کریں۔ اور علاوہ

اس کے مرزاقادیانی کے اور بھی کلمات ہیں، اصل کو غور سے دیکھیں اور اِنصاف کریں کہ کیا یہ مطابق قرآن مجید واحادیثِ شریفہ واِجماعِ مسلمین واَئمہ دِین ومجتہدین ومجدّدین کے ہیں یا نہیں؟ وھو ھٰذا:

’’انت مِنِّی بمنزلۃ اولادی انت مِنِّی وانا منک۔‘‘

(دافع البلاء ص:۶، خزائن ج:۱۸ ص:۲۲۷)

’’انت مِنِّی بمنزلۃ ولدی‘‘

(حقیقۃ الوحی ص:۸۶، خزائن ج:۲۲ ص:۸۹)

اور معنی ان کے یوں کئے جاتے ہیں کہ: ’’تو مجھ سے ایسا ہے جیسا کہ اولاد، تو مجھ سے ہے اور میں تجھ سے ہوں۔‘‘

ناظرین! کیا یہ مرزاقادیانی کا کہنا سچ ہے؟ ہرگز نہیں! یہ صریح جھوٹ ہے اور خداوند کریم پر اِفترا باندھا ہوا ہے، چنانچہ قرآن شریف خود اس کی تردید کرتا ہے:

اوّل:۔۔۔ ’’لَمْ یَلِدْ وَلَمْ یُولَدْ‘‘ (الاخلاص:۳) یعنی نہیں جنا اس نے کسی کو، اور نہ وہ جنا گیا۔

دوم:۔۔۔ ’’وَلَمْ یَتَّخِذْ وَلَداً وَلَمْ یَکُن لَّہُ شَرِیْکٌ فِیْ الْمُلْکِ‘‘ (الفرقان:۲) اور اس نے کسی کو ولد (بیٹا یا بیٹی) نہیں بنایا اور نہ بادشاہی میں اس کا کوئی شریک ہے۔

سوم:۔۔۔ ’’وَمَنْ أَظْلَمُ مِمَّنِ افْتَرَی عَلَی اللہِ کَذِباً أُوْلَـئِکَ یُعْرَضُونَ عَلَی رَبِّہِمْ وَیَقُولُ الأَشْہَادُ ہَـؤُلاء الَّذِیْنَ کَذَبُواْ عَلَی رَبِّہِمْ أَلاَ لَعْنَۃُ اللہِ عَلَی الظَّالِمِیْنَ‘‘ (ہود:۱۸)

چہارم:۔۔۔ ’’فَوَیْلٌ لِّلَّذِیْنَ یَکْتُبُونَ الْکِتَابَ بِأَیْدِیْہِمْ ثُمَّ یَقُولُونَ ہَـذَا مِنْ عِندِ اللہِ لِیَشْتَرُواْ بِہِ ثَمَناً قَلِیْلاً‘‘ (البقرۃ:۷۹)

پس ان تمام مذکورہ بالا آیاتِ بینات سے واضح ہوا کہ جو شخص اللّٰہ پر اِفترا باندھے یعنی خدا کا بیٹا ہونے کا دعویٰ کرے، یا خود خدا بنے، یا اپنے ہاتھ سے کوئی کتاب لکھ کر کہے کہ یہ اللّٰہ کا کلام ہے جو میرے منہ سے نکلتا ہے، سو وہ ظالم اور لعنتی اور دوزخی ہے۔

اور دیکھو مرزاقادیانی نے ’’حقیقت الوحی‘‘ (ص:۸۶، خزائن ج:۲۲ ص:۸۷) میں لکھا ہے: ’’قرآن خدا کی کتاب اور میرے منہ کی باتیں ہیں۔‘‘ اور اپنی کتاب ’’ازالہ اوہام‘‘ (ص:۱۵۴، خزائن ج:۳ ص:۲۵۴) میں لکھا ہے کہ: ’’مسیح علیہ السلام یوسف نجار (یعنی یوسف ترکھان کا بیٹا) ہے۔‘‘ اور اسی کتاب (کے ص:۶۲۸، ۶۲۹، خزائن ج:۳ ص:۴۲۹) میں لکھا ہے کہ: ’’انبیاء علیہم السلام جھوٹے ہوتے ہیں۔‘‘ خدا کی پناہ ایسے مجدّدوں سے۔۔۔!

میرے صاحبان! اِنصاف فرمائیے کہ جس آدمی کے یہ الفاظ ہوں کیا وہ آدمی بہ قانونِ شریعت مسلمان بھی رہ سکتا ہے؟ ہرگز نہیں! ہرگز نہیں! ہاں بقول شخصے: ’’سو چوہے کھاکے بلی حج کو چلی!‘‘ الغرض مرزاقادیانی کسی صورت میں مجدّد نہیں ہوسکتے۔ واللّٰہ اعلم بالصواب!

(فتاویٰ نظامیہ ج:۳ ص:۲۵۲ تا ۲۶۰)

مرزا قادیانی مجدّد نہیں، کافر ومرتد تھا

سوال:۔۔۔ از نوشہرہ، تحصیل جام پور، ضلع ڈیرہ غازی خان، مسئولہٗ عبدالغفور صاحب ۱۴؍محرم الحرام ۱۳۳۹ھ

ایک مرزائی قادیانی کا سوال ہے کہ ابنِ ماجہ کی حدیث ہے، رسول اللّٰہ صلی اللّٰہ علیہ وسلم نے فرمایا: ہر صدی کے بعد مجدّد ضرور آئے گا۔

مرزاقادیانی مجدّدِ وقت ہے۔ عالی جاہ! اس قوم نے لوگوں کو بہت خراب کیا ہے، ثبوت کے لئے کوئی رسالہ وغیرہ اِرسال فرمائیں، تاکہ گمراہی سے بچیں۔

جواب:۔۔۔ مجدّد کا کم از کم مسلمان ہونا تو ضروری ہے، اور قادیانی کافر مرتد تھا، ایسا کہ تمام علمائے حرمین شریفین نے بالاتفاق تحریر فرمایا کہ: ’’من شکَّ فی کفرہ وعذابہ فقد کفر‘‘ (درمختار ج:۳ ص:۳۱۷، مطبوعہ مکتبہ رشیدیہ کوئٹہ) جو اس کے کافر ہونے میں شک کرے، وہ بھی کافر۔

لیڈر بننے والوں کی ایک ناپاک پارٹی قائم ہوئی ہے، جو گاندھی مشرک کو رہبر، دِین کا اِمام وپیشوا مانتے ہیں، نہ گاندھی اِمام ہوسکتا ہے، نہ قادیانی مجدّد، السوء والعقاب وقہرالدیان وحسام الحرمین مطبع اہلسنّت بریلی سے منگوائیں۔ واللّٰہ تعالیٰ اعلم!

(فتاویٰ رضویہ ج:۱۴ ص:۳۸۴)

✨ 🌟 ✨

بابِ ششم

قادیانیوں کو مسلمان سمجھنے والوں کے بارے میں حکم

قادیانیوں کے کفر میں شک کرنے والے کا حکم

سوال:۔۔۔ عرض اینکہ اگر کوئی شخص مسلمان، قادیانیوں کے بارے میں مرتد ہونے کا فتویٰ سننے کے بعد بھی ان قادیانیوں کے مرتد، کافر ہونے میں شک کرے اور علمائے حق کے فتوے کو تسلیم نہ کرے تو ایسا شخص اَزرُوئے شرع کیسا ہے؟

۲:۔۔۔ ایک مسلمان جو کہ قادیانیوں کے پڑوس میں رہتا ہے، باوجود معلوم ہونے کے کہ یہ لوگ مسلمان نہیں، قادیانی ہیں، پھر بھی ہر قسم کا لین دین، کھاناپینا، خوشی غمی میں شرکت کرتا ہے، یہاں تک کہ اگر کوئی قادیانی مرجائے تو اس کی نمازِجنازہ بھی پڑھتا ہے، اور اپنی بچی کو قرآن کی تعلیم اسی قادیانی کی عورت سے دِلواتا ہے، اور اگر اس مسلمان کے گھر میں کسی کی موت ہوجائے تو ان ہی قادیانیوں سے قرآن پڑھواتا ہے۔ غرض ہر طرح ایک پڑوسی کا حق ادا کرتا ہے، اَزرُوئے شرع ایک مسلمان کا مرتد کے ساتھ اس طرح آناجانا جائز ہے یا ناجائز؟ کیا اس کو مسلمان سمجھا جائے یا فاسق اور فاجر؟

۳:۔۔۔ اگر کوئی مسلمان، قادیانیوں کی حمایت اور ہمدردی میں اس حد تک آگے بڑھ جائے کہ اپنی مسجد کے اِمام کو قادیانیوں کے خلاف تقریر کرنے پر بُرابھلا کہے اور اِمام کو ڈرائے اور دھمکائے کہ تم قادیانیوں کے خلاف آئندہ مسجد میں تقریر نہیں کروگے، اگر ایسا کیا تو اِمامت سے سبکدوش کردیا جائے گا۔ کیا اس شخص کا یہ قول قادیانیوں کی کھلم کھلا حمایت اور ہمدردی نہیں ہے؟ اور کیا اس حمایت سے یہ شخص بھی بدترین قسم کا فاسق نہیں ہوجاتا؟

جواب:۔۔۔ ۱- اگر یہ شخص قادیانیوں کی تأویلاتِ فاسدہ کی بنا پر ان کے کفر میں شک کرتا ہے اور خود ان کے عقائد ونظریات کا معتقد نہیں ہے تو یہ شخص کافر نہیں، البتہ سخت گمراہ اور فاسق ہے اور اس پر واجب ہے کہ اس گمراہی سے توبہ کرے۔

۲- قادیانیوں کے ساتھ گھل مل کر رہنا اور ان کی غمی وخوشی میں برابر شریک رہنا، جائز نہیں ہے۔ ایسا شخص گناہگار اور فاسق ہے، اس پر لازم ہے کہ قادیانیوں سے تمام گہرے روابط ختم کرے اور موجودہ طرزِ عمل سے اِجتناب کرے۔

۳- قادیانیوں کی مذکورہ حمایت بلاشبہ ناجائز اور موجبِ فسق ہے، اور ایسی حمایت کرنے والا بدترین فسق کا مرتکب ہے،

اس پر واجب ہے کہ اس سے باز آئے اور صدقِ دِل سے توبہ کرے۔

قادیانیوں کو مسلمان سمجھنے والے کا شرعی حکم

سوال:۔۔۔ کوئی شخص قادیانی گھرانے میں رشتہ یہ سمجھ کر کرتا ہے کہ وہ ہم سے بہتر مسلمان ہیں، اسلام میں ایسے شخص کے لئے کیا حکم ہے؟

جواب:۔۔۔ جو شخص قادیانیوں کے عقائد سے واقف ہو، اس کے باوجود ان کو مسلمان سمجھے تو ایسا شخص خود مرتد ہے کہ کفر کو اِسلام سمجھتا ہے۔(۱)

(آپ کے مسائل اور اُن کا حل ج:۱ ص:۲۱۲،۲۱۳)

مرزائیوں کو مسلمان سمجھنے والے کا حکم

سوال:۔۔۔ جو شخص فرقۂ ضالہ مرزائیہ کو اِسلام پر سمجھتا ہو، اس کے بارے میں شریعت کا کیا فیصلہ ہے؟

جواب:۔۔۔ جو اُن کو مسلمان کہے، وہ بھی اسی طرح مرزائی ہوجائے گا۔

(فتاویٰ علمائے حدیث ص:۱۲۷)

مرزاقادیانی کو سچا ماننے والے کا حکم

سوال:۔۔۔ ایک بزرگ جو اپنے آپ کو اللّٰہ والا اور رُوحانیت کا بادشاہ جتاتے ہیں، مرزا غلام احمد قادیانی کے معتقد اور موجودہ جماعتِ احمدیہ کے قائل ہیں۔ قومِ ہنود کے ایک فرقے کے اوتار ہونے کے مدعی اور مأمور جماعتِ احمدیہ کے متمنی، مذکورہ اِعتقاد رکھنے والے کی رائے اُمورِ شرعیہ میں کیا حیثیت رکھتی ہے؟ ایسے بزرگ کا شرعی معاملات میں اِعتماد کیا جاسکتا ہے یا نہیں؟

المستفتی۸۷: سلطان احمد خاں

۲۳؍محرم ۱۳۵۵ھ مطابق ۱۶؍اپریل ۱۹۳۶ء

جواب:۔۔۔ جو شخص غلام احمد قادیانی کو مانے اور ان کے دعوؤں کی تصدیق کرے اور اپنے آپ کو اوتار بتائے، وہ گمراہ اور اِسلام سے خارج ہے۔ اس کی بات ماننا اور اس کو پیر بنانا، یا اس کی جماعت میں شریک ہونا حرام ہے۔ مسلمانوں کو اس سے قطعاً محترز اور مجتنب رہنا چاہئے۔

محمد کفایت اللّٰہ

(کفایت المفتی ج:۱ ص:۳۱۷)

(۱) إذا سکت القوم عن الذکر وجلسوا عندہ بعد تکلمہ بالکفر کفر۔ (شرح فقہ اکبر ص:۲۰۳)۔

مرزائی کو کافر نہ سمجھنے والے کا حکم

سوال:۔۔۔ کیا فرماتے ہیں علمائے دِین مسائلِ ذیل میں کہ ایک مولوی صاحب تعلیم یافتہ مدرسہ دارُالعلوم دیوبند کے ہیں، اور شاگرد حضرت مولانا شیخ الہند محمودحسن صاحبؒ کے ہیں اور نہایت صحیح العقیدہ اہلِ سنت ہیں، اور نہایت پختہ حنفی المذہب دیوبندی ہیں۔ صرف ان کا ہمیشہ سے عقیدہ مرزاقادیانی کو کافر نہ کہنے کا ہے، ہاں! بدعتی ملحد، بددِین، زِندیق، خارجی، دائرۂ سنت جماعت سے خارج، غرض ہر بُرے لفظ سے بُرا کہتے ہیں، لیکن کافر نہیں کہتے کہ مذہبِ اَثبت واَسلم یہی ہے، اس لئے کہ متقدمین فقہائے مجتہدین جس بدعتی کی بدعت خلافِ قطعیت تأویل کرنے سے کفر تک بھی پہنچ جائے، اس کو بھی بسبب اہلِ قبلہ ہونے کے کافر نہیں کہتے، اور بعض فقہائے مجتہدین کافر کہتے ہیں۔ چنانچہ ’’درمختار‘‘ (ج:۱ ص:۴۱۴،۴۱۵) وغیرہ کتب میں بشرح مسطور ہے:

’’کل من کان من قبلتنا لا یکفر بہ حتّی الخوارج الذین یستحلون دمائنا واموالنا ونسائنا وسب اصحاب رسول ﷲ صلی ﷲ علیہ وسلم وینکرون صفاتہ تعالٰی وجواز رؤْیتہ لکونہ تأویلًا وشبھۃ۔‘‘

پس ان کا اِعتقاد اسی سبب سے بگڑا کہ انہوں نے معانی نص کو اپنے مطلب کے موافق بنالیا، جو معانی سلف الصالحین سے مروی تھے ان کے پابند نہ ہوئے۔ وما من کفرھم اس پر اِمام شامیؒ نے فرمایا کہ مذہب معتمد اس کے خلاف اور ’’خلاصہ‘‘ سے ’’بحرالرائق‘‘ نے بعض ایسے فروع نقل کئے ہیں کہ جن بدعتیوں کا صریح کفر پایا جاتا ہے مگر ان کے لئے کہا ہے مذہب معتمد یہی ہے کہ اہلِ قبلہ میں سے کسی کو بھی کافر نہ کہا جائے (ان کی تاویل کے سبب)۔ ’’درمختار‘‘ (ج:۳ ص:۳۳۸) میں ہے:

’’ثم الخارجون عن طاعۃ الإمام ۔۔۔۔۔۔۔ بتأویل یرون انہ علٰی باطل کفر أو معصیۃ توجب قتالہ بتأویلھم یستحلون دمائنا واموالنا ویسبون نسائنا ویکفرون اصحاب نبینا علیہ افضل الصلوٰۃ حکمھم حکم البغاۃ بإجماع الفقھاء کما حققہ فی الفتح۔‘‘

اس کے بعد صاحبِ درمختار نے فرمایا:

’’وإنما لم نکفرھم لکونہ عن تأویل وإن کان باطلًا بخلاف المستجل بلا تأویل کما مر فی باب الإمامۃ۔‘

(درمختار ج:۳ ص:۳۳۹)

’’فتح القدیر‘‘ میں ہے کہ جمہور فقہاء ومحدثین کے نزدیک کافر نہیں اور بعض محققین ان کے کفر کے قائل ہوئے ہیں۔ اور محیط میں ہے: بعض فقہاء تکفیر کے قائل ہیں اور بعض فقہاء تکفیر نہیں کرتے اس بدعت والے کی جس کی بدعت دلیلِ قطعی کے مخالف اور کفر ہو۔ صاحبِ محیط نے عدمِ تکفیر کو اَثبت واَسلم لکھا ہے۔ اِمام حلبیؒ نے کہا کہ یہ کلا وجھیہ ھٰکذا فی غایۃ الأوطار ۔ اس پر مولوی صاحب موصوف الصدر فرماتے ہیں کہ سلف الصالحین کا طریق اَفضل واَسلم ہے، مرزاقادیانی کے کفر بھی تمام تأویلاتِ باطلہ سے پیدا ہوئے ہیں۔ واللّٰہ اعلم۔ اب اس مولوی صاحب کا کیا حال ہے؟ ان کے پیچھے نماز پڑھیں یا نہ پڑھیں؟ اور پہلے جو عرصہ دراز

سے ان کے پیچھے نمازیں پڑھی ہیں، ان سب کی قضا ہے یا نہ؟ اور مرزا مذکور کو کافر کہنا فرض یا سنت یا ترک اَولیٰ؟ مولوی صاحب مذکور کا اِستدلال صحیح ہے یا غلط؟

جواب:۔۔۔ مرزاقادیانی کا دعویٔ نبوّت چونکہ ان کی ذاتی تحریرات اور لٹریچر سے اور اس کے متبعین کی عظیم جماعت کی سند سے متواتر ثابت ہوچکا ہے، اور ختمِ نبوّت کا عقیدہ ضروریاتِ دِین میں سے ہے۔ آپ صلی اللّٰہ علیہ وسلم کے بعد کسی نئی نبوّت (خواہ جس قسم کی بھی ہو) کا عطا ہونا بند ہوچکا ہے۔ ساڑھے تیرہ سو سال سے زیادہ عرصہ اسی عقیدے پر گزرچکا ہے۔ اور ضروریاتِ دِین میں کسی تأویل کی گنجائش نہیں ہوتی، غیرضروریاتِ دِین میں خواہ قطعیات کیوں نہ ہوں، تأویل کرنے سے حکمِ کفر سے بچا جاسکتا ہے، لیکن ضروریاتِ دِین میں نہیں۔ (رسالہ إکفار الملحدین فی ضروریات الدین، مؤلفہ حضرت شاہ صاحب کشمیری) مولوی صاحب کو اس عقیدے سے توبہ کرنا لازم ہے۔

واللّٰہ اعلم!

محمود عفا اللّٰہ عنہ

مفتی مدرسہ قاسم العلوم، ملتان

(فتاویٰ مفتی محمود ج:۱ ص:۲۰۳ تا ۲۰۵)

مرزاقادیانی کے دعویٔ مسیحیت ومہدویت سے واقف ہونے کے باوجود اس کو مسلمان کہنے والے کا حکم

سوال:۔۔۔ مرزاقادیانی کا دعویٔ مسیحیت اور مہدویت سے واقف وآشنا ہوکر بھی کوئی شخص مرزا کو مسلمان سمجھتا ہے تو کیا وہ کہنے والا شخص مؤمن ہوسکتا ہے؟ مہربانی فرماکر جواب سے نوازیں۔

جواب:۔۔۔ مرزاقادیانی کے عقائد ونظریات وخیالاتِ باطلہ اس حد تک غلیظ ہیں کہ ان سے واقف ہوکر کوئی مسلمان شخص مرزا کو مسلمان نہیں کہہ سکتا۔ البتہ جسے اس کے عقائدِ باطلہ کا علم نہ ہو اور تأویل کرے اور اسے کافر نہ کہے تو ممکن ہے ورنہ نہیں۔ بہرحال جاننے کے بعد مرزا کو کافر کہنا ضروری ہے۔ البتہ جو شخص بہ سبب کسی شبہ اور تأویل کے کافر نہ کہے تو ایسے شخص کی تکفیر میں احتیاط کی جائے گی، پس اسے کافر نہ کہا جائے گا۔ معترض کا نفسیاتی تجزیہ کرکے دیکھا جائے کہ وہ مرزا کے بارے میں کیا کہتا ہے؟ تب قول کیا جائے، اِحتیاط یہی ہے کہ عدمِ تکفیر کا قول کیا جائے۔ واللّٰہ اعلم بالصواب!

(فتاویٰ حکیمیہ ص:۳۲۹)

مرزاقادیانی کی تعریف کرنے والے کا حکم

سوال:۔۔۔ خواجہ کمال الدین لاہوری، مرزا غلام احمد قادیانی کی فصاحت بلاغت کی تعریف کرتے ہیں۔ ان کا اِستقبال کرنا یا ان کو اپنے یہاں مہمان کرنا کیسا ہے؟ ایسا شخص مرتد ہے یا نہیں؟

جواب:۔۔۔ مرتد تو نہیں، فاسق وعاصی ضروری ہے کہ بے دِین کی تعظیم کرتا ہے۔ باقی جو معتقد عقائدِ قادیانی کا ہے، اس

کے اِرتداد پر فتویٰ علماء کا ہوچکا ہے (شرح فقہ اکبر ص:۱۸۴)۔

(فتاویٰ دارالعلوم دیوبند ج:۱۲ ص:۳۳۴)

قادیانیوں سے نرمی کرنے والے کا حکم

سوال:۔۔۔ کیا فرماتے ہیں علمائے دِین کثرہم اللّٰہ تعالیٰ ونصرہم وابدہم وایدہم اس مسئلے میں کہ ایک سنیوں کے محلے میں بکر قادیانی آکر بسا۔ زید سنی نے مردوں عورتوں کو اس کے گھر میں جانے سے، اس سے خلاملا، میل جول، حصہ بخرہ رکھنے سے منع کیا۔ ہندہ جس کے بیٹے وغیرہ سلسلۂ عالیہ قادریہ میں بیعت ہیں، اس نے کہا کہ: ’’بڑے نمازئیے، پڑھ کر ملا ہوگئے، ہم عذاب ہی بھگت لیں گے، اس بیچارے قادیانی کو دق کر رکھا ہے۔‘‘ تو اَب ہندہ کا کیا حکم ہے؟ بیّنوا توجروا!

جواب:۔۔۔ ہندہ نماز کی تحقیر کرنے اور عذابِ اِلٰہی کو ہلکا ٹھہرانے اور قادیانی کو اس فعلِ مسلمانان سے مظلوم جاننے اور اس سے میل جول چھوڑنے کو ظلم وناحق سمجھنے کے سبب اسلام سے خارج ہوگئی، اپنے شوہر پر حرام ہوگئی، جب تک نئے سرے سے مسلمان ہوکر اپنے ان کلمات سے توبہ نہ کرے۔ واللّٰہ تعالیٰ اعلم!

(اَحکامِ شریعت، احمد رضاخان ص:۱۹۷، مشملہ فتاویٰ رضویہ ج:۱۴ ص:۶۵۴)

مسلمان کو مرزائی کہنے والے کا حکم

سوال:۔۔۔ چہ می فرمایند علمائے دِین ومفتیان شرع متین دریں مسئلہ کہ شخصے بنام عبدالعزیز مرزا کہ من قسم بخدائے ذُوالجلال والاکرام صحیح العقیدہ مسلمان ہستم، مرزائی بگوید، وپروپیگنڈا بکند ایں را سزا از رُوئے قرآنِ کریم وحدیث شریف وفقہ چیست؟ بیّنوا توجروا!

جواب:۔۔۔ من جملہ از شروط صحتِ اسلام ودُرستی عقیدہ ایں ہم است کہ یقین حاصل باشد، کہ بعد از ختم المرسلین صلی اللّٰہ علیہ وسلم ہر کہ دعویٔ نبوّت کردہ آں دجال، کافر، کذّاب ہست۔ اگر فی الواقعہ شما ایں عقیدہ میدارید۔ ونیز دیگر ضروریاتِ دِین را یقین میکنید وباایں ہمہ کسے شمارا مرزائی یا کافر گوید۔ آںمجرم است وآںرا خوف کفر است توبہ کردن لازم۔ لیکن شرط ایں است کہ او بالیقیں ایں قسم جملہ گفتہ باشد۔ وباقاعدہ شہادت شرعی برگفتن او ازیں قسم جملہ ہائی موجود باشد۔ واللّٰہ اعلم!

محمود عفا اللّٰہ عنہ

مفتی مدرسہ قاسم العلوم، ملتان

۱۴؍۸؍۱۳۸۵ھ

(فتاویٰ مفتی محمود ج:۱ ص:۱۹۹)

✨ 🌟 ✨

بابِ ہفتم

ظہورِ مہدی وفتنۂ دجال

حضرت مہدیؓ کے بارے میں اہلِ سنت کا عقیدہ

سوال:۔۔۔ ہمارے نبی کریم صلی اللّٰہ علیہ وسلم کے فرمان کی رُو سے وہ ہمارے نبی آخرالزمان ہیں، یہ ہم سب مسلمانوں کا عقیدہ ہے، لیکن پھر آنحضرت صلی اللّٰہ علیہ وسلم نے یہ بھی بتایا کہ ان کی وفات کے بعد اور قیامت سے پہلے ایک نبی آئیں گے حضرت مہدیؓ، جن کی والدہ کا نام حضرت آمنہ اور والد کا نام حضرت عبداللّٰہ ہوگا، تو کیا یہ حضرت مہدیؓ ہمارے نبی کریم صلی اللّٰہ علیہ وسلم تو نہیں ہوں گے جو دوبارہ دُنیا میں تشریف لائیں گے؟ میرے نانا محترم مولوی آزاد فرمایا کرتے تھے کہ ایک مرتبہ حضور صلی اللّٰہ علیہ وسلم خطبے میں فرما رہے تھے کہ قیامت سے پہلے حضرت مہدیؓ دُنیا میں تشریف لائیں گے۔ لوگوں نے نشانیاں سن کر پوچھا: یا رسول اللّٰہ! کیا وہ آپ تو نہیں؟ آپ صلی اللّٰہ علیہ وسلم مسکراکر خاموش رہے۔ آپ صلی اللّٰہ علیہ وسلم کی مسکراہٹ کہہ رہی تھی میں اس دُنیا میں دوبارہ آؤں گا۔ اس کا جواب تفصیل سے دے کر شکریہ کا موقع دیں۔

جواب:۔۔۔ حضرت مہدیؓ کے بارے میں آنحضرت صلی اللّٰہ علیہ وسلم نے جو کچھ فرمایا ہے اور جس پر اہلِ حق کا اِتفاق ہے، اس کا خلاصہ یہ ہے کہ وہ حضرت فاطمۃالزہراء رضی اللّٰہ عنہا کی نسل سے ہوں گے، اور نجیب الطرفین سیّد ہوں گے، ان کا نامِ نامی ’’محمد‘‘ اور والد کا نام ’’عبداللّٰہ‘‘ ہوگا۔ (۱) جس طرح صورت وسیرت میں بیٹا باپ کے مشابہ ہوتا ہے، اسی طرح وہ شکل وشباہت اور اَخلاق وشمائل میں آنحضرت صلی اللّٰہ علیہ وسلم کے مشابہ ہوں گے۔ وہ نبی نہیں ہوں گے ،(۲) نہ ان پر وحی نازل ہوگی، نہ وہ نبوّت کا دعویٰ کریں گے، نہ ان کی نبوّت پر کوئی اِیمان لائے گا۔

ان کی کفار سے خونریز جنگیں ہوں گی، ان کے زمانے میں کانے دجال کا خروج ہوگا، اور وہ لشکرِ دجال کے محاصرے میں َگھر جائیں گے، ٹھیک نمازِ فجر کے وقت دجال کو قتل کرنے کے لئے سیّدنا عیسیٰ علیہ السلام آسمان سے نازل ہوں گے اور فجر کی نماز حضرت مہدیؓکی اِقتدا میں پڑھیں گے۔ نماز کے بعد دجال کا رُخ کریں گے، وہ لعین بھاگ کھڑا ہوگا، حضرت عیسیٰ علیہ السلام اس کا تعاقب

(۱) ان المھدی من اولاد الحسن ویکون لہ انتساب من جھۃ الاُمّ إلی الحسین۔ (مرقاۃ ج:۵ ص:۶۸۶)۔

(۲) عن أبی إسحاق قال: قال علیٌّ ونظر إلی ابنہ الحسن قال: ان ابنی ھٰذا سیّد کما سمّاہ رسول اﷲ صلی اﷲ علیہ وسلم، ویستخرج من صلبہ رجل یسمّٰی باسم نبیّکم یشبہ فی الخُلُق ولا یشبہ فی الخلق ثم ذکر قصّۃ بملء الأرض عدلًا۔ رواہ ابوداوٗد، مشکوٰۃ ص:۴۷۱، باب اشراط الساعۃ)۔

کریں گے اور اسے بابِ لُدّ پر قتل کردیں گے، دجال کا لشکر تہ تیغ ہوگا اور یہودیت ونصرانیت کا ایک نشان مٹادیا جائے گا۔(۱)

یہ ہے وہ عقیدہ جس کے آنحضرت صلی اللّٰہ علیہ وسلم سے لے کر تمام سلف صالحین، صحابہؓ وتابعینؒ اور اَئمہ مجدّدین معتقد رہے ہیں۔ آپ کے نانا محترم نے جس خطبے کا ذِکر کیا ہے اس کا حدیث کی کسی کتاب میں ذِکر نہیں۔ اگر انہوں نے کسی کتاب میں یہ بات پڑھی ہے تو بالکل لغو اور مہمل ہے۔ ایسی بے سروپا باتوں پر اِعتقاد رکھنا صرف خوش فہمی ہے۔ مسلمان پر لازم ہے کہ سلف صالحین کے مطابق عقیدہ رکھے اور ایسی باتوں پر اپنا اِیمان ضائع نہ کرے۔

(آپ کے مسائل اور اُن کا حل ج:۱ ص:۲۶۷،۲۶۸)

حضرت مہدیؓ کا ظہور کب ہوگا اور وہ کتنے دِن رہیں گے؟

سوال:۔۔۔ اِمام مہدیؓ کا ظہور کب ہوگا؟ اور آپ کہاں پیدا ہوں گے؟ اور کتنا عرصہ دُنیا میں رہیں گے؟

جواب:۔۔۔ اِمام مہدی علیہ الرضوان کے ظہور کا کوئی وقت متعین قرآن وحدیث میں نہیں بتایا گیا۔ یعنی یہ کہ ان کا ظہور کس صدی میں؟ کس سال ہوگا؟ البتہ احادیثِ طیبہ میں بتایا گیا ہے کہ ان کا ظہور قیامت کی ان بڑی علامتوں کی اِبتدائی کڑی ہے جو بالکل قربِ قیامت میں ظاہر ہوں گی اور ان کے ظہور کے بعد قیامت کے آنے میں زیادہ وقفہ نہیں ہوگا۔

اِمام مہدیؓکہاں پیدا ہوں گے؟ اس سلسلے میں حضرت علی کرّم اللّٰہ وجہہ سے ایک روایت منقول ہے کہ مدینہ طیبہ میں ان کی پیدائش وتربیت ہوگی۔ مکہ مکرمہ میں ان کی بیعت وخلافت ہوگی اور بیت المقدس ان کی ہجرت گاہ ہوگا(۲)روایات وآثار کے مطابق ان کی عمر چالیس برس کی ہوگی۔ جب ان سے بیعتِ خلافت ہوگی،(۳)ان کی خلافت کے ساتویں سال کانا دجال نکلے گا۔(۴) اس کو قتل

(۱)وجلّھم ببیت المقدس وإمامھم رجل صالح فبینما إمامھم قد تقدم یصلّی بھم الصبح إذ نزل علیھم عیسی ابن مریم الصبح فرجع ذالک الإمام ینکص بمشی القھقری لیقدم عیسٰی یصلّی فیضع عیٰسی علیہ السلام یدہ بین کتفیہ ثم یقول لہ: تقدم فصل فإنھا لک أقیمت، فیصلّی بھم إمامھم فإذا انصرف قال عیسٰی علیہ السلام: إفتحوا الباب! فیفتح وورائہ الدَّجَّال ومعہ سبعون ألف یھودی کلھم ذو سیف محلّی وساج فإذا نظر إلیہ الدَّجَّال ذاب کما یذوب الملح فی الماء وینطلق ھاربًا ویقول عیسٰی: إن لی فیک ضربۃ لن تسبقنی بھا! فیدرکہ عند باب اللُّدّ الشرقی فیقتلہ فیھزم اﷲ الیھود فلا یبقٰی شیء مما خلق ﷲ یتواری بہ یھودی إلَّا انطق ﷲ ذالک الشیء لا حجر ولا شجر ولا حائط ولا دابَّۃ إلَّا الغرقد فإنھا من شجرھم لا تنطق إلَّا قال: یا عبدﷲ المسلم! ھٰذا یھودی فتعال اقتلہ۔ (التصریح بما تواتر فی نزول المسیح ص:۱۵۰،۱۵۱، طبع مکتبہ دار العلوم کراچی)۔

(۲)عن أمیر المؤْمنین علیّ بن ابی طالب رضی ﷲ عنہ قال: المھدی مولدہ بالمدینۃ من اھل بیت النبی صلی ﷲ علیہ وسلم، واسمہ اسم نبی ومھاجرہ بیت المقدس ۔۔۔إلخ۔ (عقد الدرر فی اخبار المنتظر ص:۳۰، طبع بیروت)۔ عن اُمِّ سلَمۃ رضی ﷲ عنھا عن النبی صلی ﷲ علیہ وسلم قال: ۔۔۔۔۔۔۔۔۔ فیبایعونہ بین الرُّکن والمقام ۔۔۔إلخ۔ (مشکوٰۃ ص:۴۷۱، طبع قدیمی کتب خانہ کراچی)۔

(۳)وأخرج ابو نُعیم عن ابی اُمامۃ قال: قال رسول ﷲ صلی ﷲ علیہ وسلم: سیکون بینکم وبین الروم أربع ھدن یوم الرابعۃ علٰی یدی رجل من اھل ھرقل، یدوم سبع سنین فقال لہ رجل: یا رسول ﷲ! من إمام المسلمین یومئذٍ؟ قال: المھدی من ولدی ابن أربعین سنۃ ۔۔۔إلخ۔ (العرف الوردی فی أخبار المھدی ج:۲ ص:۵۷، للسیوطی رحمہ ﷲ، طبع دار الکتب العلمیۃ، بیروت)۔

(۴)عن بشر بن عبدﷲ بن یسار قال: أخذ عبدﷲ بن بسر المازنی صاحب رسول ﷲ صلی ﷲ علیہ وسلم بأذنی فقال: یا ابن أخی! لعلک تدرک فتح قسطنطینیۃ فإیَّاک إن أدرکت فتحھا أن تترک غنیمتک منھا، فإن بین فتحھا وبین خروج الدجال سبع سنین۔ (عقد الدرر فی أخبار المنتظر ص:۱۵۶، طبع دارالکتب العلمیۃ، بیروت)۔

ایضًا: فیلبث المھدی سبع سنین خلیفۃ ثم یتوفّٰی ویصلّی علیہ المسلمون۔ قال ابوداوٗد: وقال بعضھم عن ھشام تسع سنین، فمن قال: سبع سنین فکأنہ أسقط السنین اللتین بقی فیھما مشغولًا بالقتال (بذل المجھودج۵ص۱۰۳، باب فی ذکر المھدی، طبع مکتبۃ سہارنپور)

کرنے کے لئے حضرت عیسیٰ علیہ السلام آسمان سے نازل ہوں گے۔ حضرت مہدی علیہ الرضوان کے دو سال حضرت عیسیٰ علیہ السلام کی معیت میں گزریں گے اور ۴۹برس میں ان کا وصال ہوگا۔

(آپ کے مسائل اور اُن کا حل ج:۱ ص:۲۶۸)

حضرت مہدیؓکا زمانہ

سوال:۔۔۔ روزنامہ ’’جنگ‘‘ میں آپ کا مضمون ’’علاماتِ قیامت‘‘ پڑھا۔ اس میں کوئی شک نہیں کہ آپ ہر مسئلے کا حل اطمینان بخش طور پر اور حدیث وقرآن کے حوالے سے دیا کرتے ہیں۔ یہ مضمون بھی آپ کی علمیت اور تحقیق کا مظہر ہے۔ لیکن ایک بات سمجھ میں نہیں آئی کہ پورا مضمون پڑھنے سے اندازہ ہوتا ہے کہ حضرت مہدیؓ اور حضرت عیسیٰ علیہ السلام کے کفار اور عیسائیوں سے جو معرکے ہوں گے ان میں گھوڑوں، تلواروں، تیرکمان وغیرہ کا اِستعمال ہوگا، فوجیں قدیم زمانے کی طرح میدانِ جنگ میں آمنے سامنے ہوکر لڑیں گی۔ آپ نے لکھا ہے کہ حضرت مہدیؓ قسطنطنیہ سے نو گھڑسواروں کو دجال کا پتا معلوم کرنے کے لئے شام بھیجیں گے۔ گویا اس زمانے میں ہوائی جہاز دستیاب نہ ہوں گے۔ پھر یہ کہ حضرت عیسیٰ علیہ السلام دجال کو ایک نیزے سے ہلاک کریں گے۔ اور یأجوج مأجوج کی قوم بھی جب فساد برپا کرنے آئے گی تو اس کے پاس تیرکمان ہوں گے، یعنی وہ اسٹین گن، رائفل، پسٹل اور تباہ خیز بموں کا زمانہ نہ ہوگا۔ زمین پر اِنسان کے وجود میں آنے کے بعد سے سائنس برابر ترقی ہی کر رہی ہے اور قیامت کے آنے تک تو اس میں قیامت خیز ترقی ہوچکی ہوگی۔ دُوسری بات یہ ہے کہ آپ نے لکھا ہے کہ حضرت عیسیٰ علیہ السلام اللّٰہ کے حکم سے چند خاص آدمیوں کے ہمراہ یأجوج مأجوج کی قوم سے بچنے کے لئے کوہِ طور کے قلعے میں پناہ گزین ہوں گے، یعنی دُنیا کے باقی اربوں انسانوں کو جو سب مسلمان ہوچکے ہوں گے یأجوج مأجوج کے رحم وکرم پر چھوڑ جائیں گے۔ اتنے انسان تو ظاہر ہے اس قلعے میں بھی نہیں سماسکتے۔ میں نے کسی کتاب میں یہ دُعا پڑھی تھی جو حضور صلی اللّٰہ علیہ وسلم نے فتنۂ دجال سے بچنے کے لئے مسلمانوں کو بتائی تھی، مجھے یاد نہیں رہی۔ مندرجہ بالا باتوں کی وضاحت کے علاوہ وہ دُعا بھی تحریر فرمادیں تو عنایت ہوگی۔

جواب:۔۔۔ انسانی تمدن کے ڈھانچے بدلتے رہتے ہیں۔ آج ذرائع مواصلات اور آلاتِ جنگ کی جو ترقی یافتہ شکل ہمارے سامنے ہے، آج سے ڈیڑھ دو صدی پہلے اگر کوئی شخص اس کو بیان کرتا تو لوگوں کو اس پر ’’جنون‘‘ کا شبہ ہوتا۔ اب خدا ہی بہتر جانتا ہے کہ یہ سائنسی ترقی اسی رفتار سے آگے بڑھتی رہے گی، یا خودکشی کرکے انسانی تمدن کو پھر تیر وکمان کی طرف لوٹادے گی۔۔۔؟ ظاہر ہے کہ اگر یہ دُوسری صورت پیش آئے، جس کا خطرہ ہر وقت موجود ہے، اور جس سے سائنس دان خود بھی لرزہ براندام ہیں، تو ان احادیثِ طیبہ میں کوئی اِشکال باقی نہیں رہ جاتا جن میں حضرت مہدی علیہ الرضوان اور حضرت عیسیٰ علیہ السلام کے زمانے کا نقشہ پیش کیا گیا ہے۔

فتنۂ دجال سے حفاظت کے لئے سورۂ کہف جمعہ کے دن پڑھنے کا حکم ہے، کم از کم اس کی پہلی اور پچھلی دس دس آیتیں تو ہر

مسلمان کو پڑھتے رہنا چاہئے۔(۱) اور ایک دُعا حدیث شریف میں یہ تلقین کی گئی ہے:

’’اَللّٰھُمَّ اِنِّیْ اَعُوْذُ بِکَ مِنْ عَذَابِ جَھَنَّمَ، وَاَعُوْذُ بِکَ مِنْ عَذَابِ الْقَبْرِ، وَاَعُوْذُ بِکَ مِنْ فِتْنَۃِ الْمَسِیْحِ الدَّجَّالِ، اَللّٰھُمَّ اِنِّیْ اَعُوْذُ بِکَ مِنْ فِتْنَۃِ الْمَحْیَا وَالْمَمَاتِ، اَللّٰھُمَّ اِنِّیْ اَعُوْذُ بِکَ مِنَ الْمَاْثَمِ وَالْمَغْرَمِ۔‘‘(۲)

ترجمہ:۔۔۔ ’’اے اللّٰہ! میں تیری پناہ چاہتا ہوں جہنم کے عذاب سے، اور تیری پناہ چاہتا ہوں قبر کے عذاب سے، اور تیری پناہ چاہتا ہوں مسیح دجال کے فتنے سے، اور تیری پناہ چاہتا ہوں زندگی اور موت کے ہر فتنے سے، اے اللّٰہ! میں تیری پناہ چاہتا ہوں گناہ سے، اور قرض وتاوان سے۔‘‘

(آپ کے مسائل اور اُن کا حل ج:۱ ص:۲۶۸ تا ۲۷۰)

حضرت مہدیؓ کے ظہور کی کیا نشانیاں ہیں؟

سوال:۔۔۔ آپ کے صفحہ ’’اقرأ‘‘ کے مطابق اِمام مہدیؓ آئیں گے، جب اِمام مہدیؓ آئیں گے تو ان کی نشانیاں کیا ہوں گی؟ اور اس وقت کیا نشان ظاہر ہوں گے جس سے ظاہر ہو کہ حضرت اِمام مہدیؓ آگئے ہیں؟ قرآن وحدیث کا حوالہ ضرور دیجئے!

جواب:۔۔۔ اس نوعیت کے ایک سوال کا جواب میں ’’اقرأ‘‘ میں پہلے دے چکا ہوں، مگر جناب کی رعایتِ خاطر کے لئے ایک حدیث لکھتا ہوں۔

حضرت اُمِّ سلمہ رضی اللّٰہ عنہا آنحضرت صلی اللّٰہ علیہ وسلم کا ارشاد نقل کرتی ہیں کہ ’’ایک خلیفہ کی موت پر (ان کی جانشینی کے مسئلے پر) اِختلاف ہوگا، تو اہلِ مدینہ میں سے ایک شخص بھاگ کر مکہ مکرمہ آجائے گا (یہ مہدیؓ ہوں گے اور اس اندیشے سے بھاگ کر مکہ آجائیں گے کہ کہیں ان کو خلیفہ نہ بنادیا جائے)، مگر لوگ ان کے اِنکار کے باوجود ان کو خلافت کے لئے منتخب کریں گے۔ چنانچہ حجرِ اَسوَد اور مقامِ اِبراہیم کے درمیان (بیت اللّٰہ شریف کے سامنے) ان کے ہاتھ پر لوگ بیعت کریں گے۔

پھر ملکِ شام سے ایک لشکر ان کے مقابلے میں بھیجا جائے گا، لیکن یہ لشکر ’’بیداء‘‘ نامی جگہ میں جو کہ مکہ ومدینہ کے درمیان ہے، زمین میں دھنسادیا جائے گا۔ پس جب لوگ یہ دیکھیں گے تو (ہر خاص وعام کو دُور دُور تک معلوم ہوجائے گا کہ یہ مہدیؓ ہیں) چنانچہ ملکِ شام کے ابدال اور اہلِ عراق کی جماعتیں آپ کی خدمت میں حاضر ہوکر آپ سے بیعت کریں گی۔ پھر قریش کا ایک آدمی جس کی ننھیال قبیلہ بنوکلب میں ہوگی، آپ کے مقابلے میں کھڑا ہوگا، آپ بنوکلب کے مقابلے میں ایک لشکر بھیجیں گے، وہ ان پر

(۱) عن ابی الدرداء رضی ﷲ عنہ عن النبی صلی ﷲ علیہ وسلم قال: من قرأ عشر آیات من آخر سورۃ الکھف عُصِمَ من فتنۃ الدَّجَّال۔ (مجمع الزوائد ج:۷ ص:۱۰۳، کتاب التفسیر، سورۃ الکھف، طبع بیروت)۔

وعن النواس بن سمعان قال ۔۔۔۔۔۔۔۔۔۔ فمن أدرکہ منکم فلیقرأ علیہ فواتح سورۃ الکھف۔ وفی روایۃ: فلیقرأ علیہ بفواتح سورۃ الکھف فإنھا جوارکم من فتنتہ ۔۔۔إلخ۔ (مشکوٰۃ ص:۴۷۳، باب العلامات بین یدی الساعۃ)۔

(۲) مستدرک حاکم ج:۱ ص:۵۳۳، و ۵۴۱، مشکوٰۃ ص:۸۷۔

غالب آئے گا اور بڑی محرومی ہے اس شخص کے لئے جو بنوکلب کے مالِ غنیمت کی تقسیم کے موقع پر حاضر نہ ہو۔ پس حضرت مہدیؓ خوب مال تقسیم کریں گے اور لوگوں میں ان کے نبی صلی اللّٰہ علیہ وسلم کی سنت کے موافق عمل کریں گے اور اِسلام اپنی گردن زمین پر ڈال دے گا (یعنی اسلام کو اِستقرار نصیب ہوگا)۔ حضرت مہدیؓ سات سال رہیں گے، پھر ان کی وفات ہوگی اور مسلمان ان کی نمازِ جنازہ پڑھیں گے۔(۱) (یہ حدیث مشکوٰۃ شریف ص:۴۷۱ میں ابوداؤد کے حوالے سے درج ہے اور اِمام سیوطیؒ نے العرف الوردی فی آثار المہدیؓ ص:۵۹ میں اس کو ابنِ ابی شیبہ، احمد، ابوداؤد، ابویعلیٰ اور طبرانی کے حوالے سے نقل کیا ہے)۔

(آپ کے مسائل اور اُن کا حل ج:۱ ص:۲۷)

مرزا قادیانی کے علاوہ پوری اُمت نے مہدی اور مسیح کو الگ قرار دیا

سوال:۔۔۔ مہدی اس دُنیا میں کب تشریف لائیں گے؟ اور کیا مہدی اور عیسیٰ علیہ السلام ایک ہی وجود ہیں؟

جواب:۔۔۔ حضرت مہدی رضوان اللّٰہ علیہ آخری زمانے میں قربِ قیامت میں ظاہر ہوں گے، ان کے ظہور کے تقریباً سات سال بعد دجال نکلے گا اور اس کو قتل کرنے کے لئے عیسیٰ علیہ السلام آسمان سے نازل ہوں گے ۔(۲) اسی سے یہ بھی معلوم ہوگیا کہ حضرت مہدیؓ اور حضرت عیسیٰ علیہ السلام دو الگ الگ شخصیتیں ہیں، مرزاقادیانی نے خودغرضی کے لئے عیسیٰ اور مہدی کو ایک ہی وجود فرض کرلیا، حالانکہ تمام اہلِ حق اس پر متفق ہیں کہ حضرت عیسیٰ علیہ السلام اور حضرت مہدی علیہ الرضوان دونوں الگ الگ شخصیتیں ہیں۔

(آپ کے مسائل اور اُن کا حل ج:۱ ص:۲۴۳)

فرقۂ مہدویہ کے عقائد

سوال:۔۔۔ فرقۂ مہدویہ کے متعلق معلومات کرنا چاہتا ہوں، ان کے کیا گمراہ کن عقائد ہیں؟ یہ لوگ نماز، روزہ کے پابند اور شریعت کے دعوے دار ہیں؟ کیا مہدویہ، ذکریہ ایک ہی قسم کا فرقہ ہے؟ مہدی کی تاریخ کیا اور مدفن کہاں ہے؟

(۱)عن اُمِّ سلَمۃ رضی ﷲ عنھا عن النبی صلی ﷲ علیہ وسلم قال: یکون إختلاف عند موت خلیفۃ فیخرج رجل من اھل المدینۃ ھاربًا إلٰی مکۃ فیأتیہ ناس من اھل مکۃ فیخرجونہ وھو کارہ فیبایعونہ بین الرُّکن والمقام ویبعث إلیہ بعث من الشام فیخسف بھم بالبیداء بین مکۃ والمدینۃ، فإذا رأی الناس ذالک أتاہ أبدال من الشام وعصائب أھل العراق فیبایعونہ، ثم ینشأ رجل من قریش أخوالہ کلب، فیبعث إلیھم بعثًا فیظھرون علیھم وذالک بعث کلب ویعمل فی الناس بسُنَّۃ نبیھم ویلقی الإسلام بجرانہ فی الأرض، فیلبث سبع سنین ثم یتوفّٰی ویصلّی علیہ المسلمون۔ رواہ ابوداوٗد۔ (مشکوٰۃ ص:۴۷۱، باب اشراط الساعۃ)۔

(۲)وعنہ (ای ابی سعید) عن رسول ﷲ صلی ﷲ علیہ وسلم قال: لیقومن علٰی اُمّتی من اھل بیتی ۔۔۔۔۔۔۔۔ یملک سبع سنین۔ (مجمع الزوائد ج:۷ ص:۳۱۴، مشکوٰۃ ص:۴۷۰)۔

ایضًا: فیلبث المھدی سبع سنین خلیفۃ ثم یتوفّٰی ویصلی علیہ المسلمون۔ قال ابوداوٗد: وقال بعضھم عن ھشام تسع سنین، وقال بعضھم: سبع سنین، فمن قال سبع سنین فکأنہ اسقط السنتین اللتین بقی فیھما مشغولًا بالقتال ۔۔۔إلخ۔ (بذل المجھود ج:۵ ص:۱۰۳، کتاب الملاحم)۔

ایضًا: وینزل عیسَی بن مریم علیہ السلام عند صلاۃ الفجر فیقول لہ امیرھم: یا رُوح ﷲ! تقدم صلِّ، فیقول: ھٰذہ الاُمَّۃ اُمراء بعضھم علٰی بعض، فیقدم أمیرھم فیصلی، فإذا قضیٰ صلاتہ أخذ حربتہ فیذھب نحو الدَّجَّال، فإذا رآہ الدَّجَّال ذاب کما یذوب الرصاص فیضع حربتہ بین ثندوتیہ فیقتلہ۔ (التصریح بما تواتر فی نزول المسیح ص:۱۶۴، طبع مکتبہ دارالعلوم کراچی)۔

جواب:۔۔۔ فرقۂ مہدویہ کے عقائد ونظریات پر مفصل کتاب مولانا عین القضاۃ صاحب نے ’’ہدیۂ مہدویہ‘‘ کے نام سے لکھی تھی، جو اَب نایاب ہے، میں نے اس کا مطالعہ کیا ہے۔

فرقۂ مہدویہ سیّد محمد جون پوری کو مہدیٔ موعود سمجھتا ہے، جس طرح کہ قادیانی، مرزا غلام احمد قادیانی کو مہدی سمجھتے ہیں۔ سیّد محمد جون پوری کا اِنتقال افغانستان میں غالباً ۹۱۰ھ میں ہوا تھا۔

فرقۂ مہدویہ کی تردید میں شیخ علی متقی، شیخ محمد طاہر پٹنی اور اِمامِ ربانی مجدد الف ثانی ؒ نے رسائل لکھے تھے، جن سے معلوم ہوتا ہے کہ جس طرح دیگر جھوٹے مدعیوں کے ماننے والے فرقے ہیں اور ان کے عقائد ونظریات اسلام سے ہٹے ہوئے ہیں، اسی طرح یہ فرقہ بھی غیرمسلم ہے۔

جہاں تک مختلف فرقوں کے وجود میں آنے کا تعلق ہے، اس کی وجہ یہ ہے کہ کچھ لوگ نئے نئے نظریات پیش کرتے ہیں، اور ان کے ماننے والوں کا ایک حلقہ بن جاتا ہے، اس طرح فرقہ بندی وجود میں آجاتی ہے۔ اگر سب لوگ آنحضرت صلی اللّٰہ علیہ وسلم کی سنت پر قائم رہتے اور صحابہ کرامؓ اور بزرگانِ دِینؒ کے نقشِ قدم پر چلتے تو کوئی فرقہ وجود میں نہ آتا۔

رہا یہ کہ ہمیں کیا کرنا چاہئے؟ اس کا جواب اُوپر کی سطروں سے معلوم ہوچکا ہے کہ ہمیں کتاب وسنت اور بزرگانِ دِینؒ کے راستے پر چلنا چاہئے، اور جو شخص یا گروہ اس راستے سے ہٹ جائے، ہمیں ان کی پیروی نہیں کرنی چاہئے۔

(آپ کے مسائل اور اُن کا حل ج:۱ ص:۱۹۲)

الامام المہدیؓ ۔۔۔سنی نظریہ!

سوال:۔۔۔ محترم المقام جناب مولانا لدھیانوی صاحب

السلام علیکم ورحمۃ اللّٰہ وبرکاتہ!

’’جنگ‘‘ جمعہ ایڈیشن میں کسی سوال کے جواب میں آپ نے مہدی منتظر کی ’’مفروضہ پیدائش‘‘ پر روشنی ڈالتے ہوئے ’’اِمام مہدیؓ‘‘ کے پُرشکوہ الفاظ اِستعمال کئے ہیں جو صرف صحابہ کرام رضوان اللّٰہ علیہم اجمعین کے لئے مخصوص ہیں۔ دُوسرے، قرآنِ مقدس اور حدیثِ مطہرہ سے ’’اِمامت‘‘ کا کوئی تصوّر نہیں ملتا۔ علاوہ ازیں اس سلسلے میں جو روایات ہیں، وہ معتبر نہیں، کیونکہ ہر سلسلۂ رُواۃ میں قیس بن عامر شامل ہے، جو متفقہ طور پر کاذِب اور من گھڑت احادیث کے لئے مشہور ہے۔

ابنِ خلدون نے اس بارے میں جن موافق ومخالف احادیث کو یکجا کرنے پر اِکتفا کیا ہے، ان میں کوئی بھی سلسلۂ تواتر کو نہیں پہنچتیں، اور ان کا انداز بھی بڑا مشتبہ ہے۔

لہٰذا میں حق وصداقت کے نام پر درخواست کروں گا کہ مہدیٔ منتظر کی شرعی حیثیت قرآنِ عظیم اور صحیح احادیثِ نبوی کی روشنی میں بذریعہ ’’جنگ‘‘ مطلع فرمائیں، تاکہ اصل حقیقت اُبھر کر سامنے آجائے۔ اس سلسلے میں مصلحت اندیشی یا کسی قسم کا اِبہام یقینا قیامت میں قابلِ مؤاخذہ ہوگا۔

شیعہ عقیدہ کے مطابق مہدیٔ منتظر کی ۲۵۵ھ میں جناب حسن عسکری کے یہاں نرجس خاتون کے بطن سے ولادت ہوچکی ہے، اور وہ حسن عسکری کی رحلت کے فوراً بعد ۵سال کی عمر میں حکمتِ خداوندی سے غائب ہوگئے اور اس غیبت میں اپنے نائبین، حاجزین، سفرا اور وکلاء کے ذریعے خمس وصول کرتے، لوگوں کے احوال دریافت کرکے حسبِ ضرورت ہدایات، اَحکامات دیتے رہتے ہیں، اور انہیں کے ذریعے اس دُنیا میں اِصلاح وخیر کا عمل جاری ہے۔ اس کی تائید میں لٹریچر کا طویل سلسلہ موجود ہے۔

میرے خیال میں علمائے اہلِ سنت نے اس ضمن میں اپنے اِردگرد پائی جانے والی مشہور روایات ہی کو نقل کردیا ہے، مزید تاریخی یا شرعی حیثیت وتحقیق سے کام نہیں لیا، اور اغلباً اسی اِتباع میں آپ نے بھی اس ’’مفروضہ‘‘ کو بیان کرڈالا ہے۔ کیا یہ دُرست ہے؟

جواب:۔۔۔ حضرت مہدی علیہ الرضوان کے لئے ’’رضی اللّٰہ عنہ‘‘ کے ’’پُرشکوہ الفاظ‘‘ پہلی بار میں نے اِستعمال نہیں کئے، بلکہ اگر آپ نے مکتوباتِ اِمام ربانی ؒکا مطالعہ کیا ہے تو آپ کو معلوم ہوگا کہ مکتوباتِ شریفہ میں اِمام ربانی مجدّد الف ثانی ؒ نے حضرت مہدیؓ کو انہیں الفاظ سے یاد کیا ہے۔ پس اگر یہ آپ کے نزدیک غلطی ہے تو میں یہی عرض کرسکتا ہوں کہ اکابرِ اُمت اور مجدّدینِ ملت کی پیروی میں غلطی:

’’ایں خطا از صد صواب اَولیٰ تر است‘‘

کی مصداق ہے۔ غالباً کسی ایسے ہی موقع پر اِمام شافعیؒ نے فرمایا تھا:

1. إن کان رفضًا حُبّ آل محمد

   فلیشھد الثقلان إنّی رافضٌ (۱)

ترجمہ:۔۔۔ ’’اگر آلِ محمد ۔۔۔صلی اللّٰہ علیہ وسلم۔۔۔ سے محبت کا نام رافضیت ہے، تو جن واِنس گواہ رہیں کہ میں پکا رافضی ہوں۔‘‘

آپ نے حضرت مہدی کو ’’رضی اللّٰہ عنہ‘‘ کہنے پر جو اِعتراض کیا ہے، اگر آپ نے غور وتأمل سے کام لیا ہوتا تو آپ کے اِعتراض کا جواب خود آپ کی عبارت میں موجود ہے، کیونکہ آپ نے تسلیم کیا ہے کہ ’’رضی اللّٰہ عنہ‘‘ کے الفاظ صرف صحابہ کرام رضوان اللّٰہ علیہم اجمعین کے لئے مخصوص رہے ہیں۔ آپ کو معلوم ہوگا کہ مہدی علیہ الرضوان، حضرت عیسیٰ علیہ السلام کے رفیق ومصاحب ہوں گے، پس جب میں نے ایک ’’مصاحبِ رسول‘‘ ہی کے لئے ’’رضی اللّٰہ عنہ‘‘ کے الفاظ استعمال کئے ہیں تو آپ کو کیا اِعتراض ہے؟ عام طور پر حضرت مہدی کے لئے ’’علیہ السلام‘‘ کا لفظ اِستعمال کیا جاتا ہے، جو لغوی معنی کے لحاظ سے بالکل صحیح ہے، اور مسلمانوںمیں ’’السلام علیکم‘‘، ’’وعلیکم السلام‘‘ یا ’’وعلیکم وعلیہ السلام‘‘ کے الفاظ روزمرّہ اِستعمال ہوتے ہیں، مگر کسی کے نام کے ساتھ یہ

(۱) الصواعق المحرقۃ لابن حجر المکی ص:۱۳۳، طبع مکتبۃ مجیدیۃ ملتان۔

الفاظ چونکہ انبیائے کرام یا ملائکہ عظام کے لئے اِستعمال ہوتے ہیں، اس لئے میں نے حضرت مہدیؓ کے لئے کبھی یہ الفاظ اِستعمال نہیں کئے، کیونکہ حضرت مہدیؓ نبی نہیں ہوں گے۔(۱)

جناب کو حضرت مہدیؓ کے لئے ’’اِمام‘‘ کا لفظ اِستعمال کرنے پر بھی اِعتراض ہے، اور آپ تحریر فرماتے ہیں کہ ’’قرآنِ مقدس اور حدیثِ مطہرہ سے اِمامت کا کوئی تصوّر نہیں ملتا۔‘‘ اگر اس سے مراد ایک خاص گروہ کا نظریۂ اِمامت ہے، تو آپ کی یہ بات صحیح ہے۔ مگر جناب کو یہ بدگمانی نہیں ہونی چاہئے تھی کہ میں نے بھی ’’اِمام‘‘ کا لفظ اسی اِصطلاحی مفہوم میں اِستعمال کیا ہوگا، کم سے کم اِمام مہدی کے ساتھ ’’رضی اللّٰہ عنہ‘‘ کے الفاظ کا اِستعمال ہی اس اَمر کی شہادت کے لئے کافی ہے کہ ’’اِمام‘‘ سے یہاں ایک خاص گروہ کا اِصطلاحی ’’اِمام‘‘ مراد نہیں۔

اور اگر آپ کا مطلب یہ ہے کہ قرآنِ کریم اور حدیثِ نبوی میں کسی شخص کو اِمام بمعنی مقتدا، پیشوا، پیش رو کہنے کی بھی اِجازت نہیں دی گئی، تو آپ کا یہ اِرشاد بجائے خود ایک عجوبہ ہے۔ قرآنِ کریم، حدیثِ نبوی اور اکابرِ اُمت کے اِرشادات میں یہ لفظ اس کثرت سے واقع ہوا ہے کہ عورتیں اور بچے تک بھی اس سے نامانوس نہیں۔ آپ کو ’’وَاجْعَلْنَا لِلْمُتَّقِیْنَ إِمَاماً‘‘ (الفرقان:۷۴) کی آیت اور ’’من بایع إمامًا‘‘ (۲) کی حدیث تو یاد ہوگی۔ اور پھر اُمتِ محمدیہ ۔۔۔علیٰ صاحبہا الصلوٰۃ والسلام۔۔۔ کے ہزاروں افراد ہیں، جن کو ہم ’’اِمام‘‘ کے لقب سے یاد کرتے ہیں، فقہ وکلام کی اِصطلاح میں ’’اِمام‘‘ مسلمانوں کے سربراہِ مملکت کو کہا جاتا ہے (جیسا کہ حدیث: ’’من بایع إمامًا‘‘ میں وارِد ہوا ہے)۔

حضرت مہدیؓ کا ہدایت یافتہ اور مقتدا پیشوا ہونا تو لفظ ’’مہدی‘‘ ہی سے واضح ہے، اور وہ مسلمانوں کے سربراہ بھی ہوں گے، اس لئے ان کے لئے ’’اِمام‘‘ کے لفظ کا اِستعمال قرآن وحدیث اور فقہ وکلام کے لحاظ سے کسی طرح بھی محلِ اِعتراض نہیں۔

ظہورِ مہدی کے سلسلے کی روایات کے بارے میں آپ کا یہ ارشاد کہ:

’’اس سلسلے میں جو روایات ہیں وہ معتبر نہیں، کیونکہ ہر سلسلۂ روایت میں قیس بن عامر شامل ہے، جو متفقہ طور پر کاذِب اور من گھڑت احادیث کے لئے مشہور ہے۔‘‘

بہت ہی عجیب ہے! معلوم نہیں جناب نے یہ روایات کہاں دیکھی ہیں جن میں سے ہر روایت میں قیس بن عامر کذّاب آگھستا ہے۔۔۔!

بہت ہی عجیب ہے! معلوم نہیں جناب نے یہ روایات کہاں دیکھی ہیں جن میں سے ہر روایت میں قیس بن عامر کذّاب آگھستا ہے۔۔۔!

میرے سامنے ابوداؤد (ج:۲ ص:۵۸۸، ۵۸۹) کھلی ہوئی ہے، جس میں حضرت عبداللّٰہ بن مسعود، حضرت علی، حضرت

(۱)واما السلام ۔۔۔۔۔۔۔۔ ھو فی معنی الصلاۃ، فلا یستعمل فی الغائب ولا یفرد بہ غیر الأنبیاء، فلا یقال علیٌّ علیہ السلام۔ (تفسیر ابن کثیر ج:۲ ص:۴۷۹، طبع رشیدیہ کوئٹہ)۔

(۲) دیکھئے: مشکوٰۃ ص:۳۲۰، کتاب الإمارۃ والقضاء، طبع قدیمی کتب خانہ۔

اُمِّ سلمہ، حضرت ابوسعید خدری رضی اللّٰہ عنہم کی روایت سے احادیث ذِکر کی گئی ہیں، ان میں سے کسی سند میں مجھے قیس بن عامر نظر نہیں آیا۔(۱)

جامع ترمذی (ج:۲ ص:۴۶) میں حضرت ابوہریرہ، حضرت ابنِ مسعود اور حضرت ابوسعید خدری رضی اللّٰہ عنہم کی احادیث ہیں، ان میں سے اوّل الذکر دونوں احادیث کو اِمام ترمذیؒ نے ’’صحیح‘‘ کہا ہے اور آخرالذکر کو ’’حسن‘‘، ان میں بھی کہیں قیس بن عامر نظر نہیں آیا۔(۲)

سنن ابنِ ماجہ میں یہ احادیث حضرات عبداللّٰہ بن مسعود، ابوسعید خدری، ثوبان، علی، اُمِّ سلمہ، انس بن مالک، عبداللّٰہ بن حارث رضی اللّٰہ عنہم کی روایت سے مروی ہیں۔ ان میں بھی کسی سند میں قیس بن عامر کا نام نہیں آتا۔(۳)

(۱) ۱- حدثنا احمد بن ابراھیم قال: حدثنی عبیدﷲ بن موسٰی عن فطر المعنی کلھم عن عاصم عن زر عن عبدﷲ عن النبی صلی ﷲ علیہ وسلم قال: لو لوم یبق من الدنیا إلَّا یوم قال زائدۃ لطول ﷲ ذالک الیوم حتّٰی یبعث رجلًا مِنّی او من أھل بیتی یواطیء اسمہ واسم ابیہ اسم ابی زاد فی حدیث فطر یملاُ الأرض قسطًا وعدلًا کما ملئت ظلمًا وجورًا۔

۲- حدثنا عثمان بن أبی شیبۃ ثنا الفضل بن دکین نا فطر عن القاسم بن أبی بزۃ عن ابی الطفیل عن علی عن النبی صلی ﷲ علیہ وسلم قال: لو لوم یبق من الدھر إلَّا یوم لبعث ﷲ رجلًا من أھل بیتی یملاُھا عدلًا کما ملئت جورًا۔

۳- حدثنا احمد بن ابراھیم حدثنی عبدﷲ بن جعفر الرقی ثنا ابو الملیح الحسن بن عمر عن زیاد بن بیان عن علی بن نفیل عن سعید بن المسیب عن ام سلمۃ قالت: سمعت رسول اﷲ صلی ﷲ علیہ وسلم یقول: المھدی من عترتی من ولد فاطمۃ۔

۴- حدثنا سہل بن تمام بن بزیع نا عمران القطان عن قتادۃ عن ابی نضرۃ عن ابی سعید الخدری قال: قال رسول ﷲ صلی ﷲ علیہ وسلم: المھدی مِنّی اجلی الجبھۃ اقنی الأنف یملأ الأرض قسطًا وعدلًا کما ملئت ظلمًا وجورًا ویملک سبع سنین۔

(۲)۱- حدثنا عبید بن اسباط بن محمد القرشی نا ابی نا سفیان الثوری عن عاصم بن بھدلۃ عن زرٍّ عن عبدﷲ قال: قال رسول ﷲ صلی ﷲ علیہ وسلم: لا تذھب الدنیا حتّٰی یملک العرب رجل من اھل بیتی یواطیء اسمہ اسمی۔ وفی الباب عن علی وابی سعید وام سلمۃ وابی ھریرۃ، ھٰذا حدیث حسن صحیح۔

۲- حدثنا عبدالجبار ابن العلاء العطار نا سفیان ابن عیینۃ عن عاصم عن زرٍّ عن عبدﷲ عن النبی صلی ﷲ علیہ وسلم قال: یلی رجل من اھل بیتی یواطیء اسمہ اسمی۔ قال عاصم: ونا ابو صالح عن ابی ھریرۃ قال: لو لم یبق من الدنیا إلَّا یومًا لطوّل ﷲ ذالک الیوم حتّٰی یلی، ھٰذا الحدیث حسن صحیح۔

۳- حدثنا محمد بن بشار ثنا محمد بن جعفر نا شعبۃ قال: سمعت زیدا العمّی قال: سمعت ابا الصّدیق الناجی یحدّث عن ابی سعید الخدری قال: خشینا ان یکون بعد نبینا حدث فسألنا نبی ﷲ صلی ﷲ علیہ وسلم قال: ان فی امتی المھدی، یخرج یعیش خمسًا او سبعًا او تسعًا، زید الشاکّ قال: قلنا: وما ذاک؟ قال: سنین ۔۔۔۔۔۔۔۔ قال: فیجیء إلیہ الرجل فیقول: یا مھدی! اعطنی اعطنی، قال: فیحثی لہ فی ثوبہ ما استطاع ان یحملہ، ھٰذا حدیث حسن۔

(۳)۱- حدثنا عثمان بن ابی شیبۃ ثنا معاویۃ ابن ھشام ثنا علی بن صالح عن یزید بن ابی زیاد عن ابراھیم عن علقمۃ عن عبدﷲ قال: بینما نحن عند رسول ﷲ صلی ﷲ علیہ وسلم إذ اقبل فتیۃ من بنی ھاشم فلما رآھم النبی صلی ﷲ علیہ وسلّم اغر ورقت عیناہ وتغیر لونہ، قال: فقلت: ما نزال نریٰ فی وجھک شیئًا نکرھہ، فقال: إنّا اھل بیتٍ، اختار ﷲ لنا الآخرۃ علی الدُّنیا، وإنّ اھل بیتی سیلقون بعدی بلائً وتشریدًا وتطریدًا، حتّٰی یأتی قوم من قِبل المشرق معھم رایاتٌ سودٌ، فیسئلون الخیر فلا یعطونہ، فیقاتلون فینصرون، فیعطون ما سألوا، فلا یقبولنہ حتّٰی یدفعوھا إلٰی رجل من اھل بیتی فیملأھا قسطًا کما ملئوھا جورًا، فمن ادرک ذالک منکم فلیأتھم ولو حبوًا علی الثّلج!

۲- حدثنا نصر بن علی الجھضمی ثنا محمد ابن مروان العقیلی ثنا عُمارۃ بن ابی حفصۃ عن زید العمی عن ابی صدّیق الناجی عن ابی سعید الخدری انّ النبی صلی ﷲ علیہ وسلم قال: یکون فی امتی المھدی إن قصر فسبع وإلّا فتسع، ۔۔۔۔۔۔۔۔۔۔۔۔ (باقی اگلے صفحے پر)

مجمع الزوائد(۱) (ج:۷ ص:۴۳۱ تا ۴۳۸، طبع دار الکتب العلمیہ، بیروت) میں مندرجہ ذیل صحابہ کرامؓ سے اِکیس روایات نقل کی ہیں:

(بقیہ حاشیہ صفحۂ گزشتہ)۔۔۔۔۔۔۔۔۔۔ فتنعم فیہ امتی نعمۃ لم ینعموا مثلھا قط تؤْتی اکلھا ولا تدخر منھم شیئًا والمال یومئذ کدوس فیقوم الرجل فیقول یا مھدی اعطنی فیقول خذ۔

۳- حدثنا محمد بن یحیٰی واحمد بن یوسف قالا ثنا عبدالرزاق عن سفیان الثوری عن خالد الحذاء عن ابی قلابۃ عن ابی اسماء الرحبی عن ثوبان قال: قال رسول ﷲ صلی ﷲ علیہ وسلم: یقتتل عند کنزکم ثلاثۃ کلھم ابن خلیفۃ، ثم لا یصیر إلٰی واحد منھم، ثم تطلع الرایات السّود من قِبل المشرق فیقتلونکم قتلا لم یقتلہ قوم، ثم ذکر شیئًا لا احفظہ، فقال: فإذا رأیتموہ فبایعوہ ولو حبوا علی الثّلج، فإنہ خلیفۃ ﷲ المھدی۔

۴- حدثنا عثمان بن ابی شیبۃ ثنا ابوداوٗد المحضری ثنا یاسین عن ابراھیم بن محمد بن الحنفیۃ عن ابیہ عن علی قال: قال رسول ﷲ صلی ﷲ علیہ وسلم: المھدی منّا اھل البیت، یصلحہ ﷲ فی لیلۃ۔

۵- حدثنا ابوبکر بن ابی شیبۃ ثنا احمد بن عبدالملک ثنا ابوالملیح الرقی عن زیاد بن بیان عن علی بن نفیل عن سعید ابن المسیب قال: کنّا عند امّ سلَمۃ فتذاکرنا المھدی، فقالت: سمعت رسول ﷲ صلی ﷲ علیہ وسلم یقول: المھدی من ولد فاطمۃ۔

۶- حدثنا ھذیۃ بن عبدالوھاب ثنا سعد بن عبدالحمید بن جعفر عن علی بن زیاد الیمامی عن عکرمۃ بن عمار عن اسحاق بن عبدﷲ بن ابی طلحۃ عن انس بن مالک قال: سمعت رسول ﷲ صلی ﷲ علیہ وسلم یقول: نحن ولد عبدالمطلب سادۃ اھل الجنۃ، انا وحمزۃ وعلی وجعفر والحسن والحسین والمھدی۔

۷- حدثنا حرملۃ بن یحیی المصری وابراھیم بن سعید الجوھری قالا ثنا ابوصالح عبدالغفار بن داوٗد الحرانی ثنا ابن لھیعۃ عن ابی زرعۃ عمرو بن جابو الحضرمی عن عبدﷲ بن الحارث بن جزء الزبیدی قال: قال رسول ﷲ صلی ﷲ علیہ وسلم: یخرج ناس من المشرق فیوطئون للھمدی یعنی سلطانہ۔

ــــــــــــــــــــــــــــــــــــ

(۱)باب ما جاء فی المھدی: ۱۲۳۹۳- عن ابی سعید الخدری قال: قال رسول ﷲ صلی ﷲ علیہ وسلم: اُبشّرکم بالمھدی یُبعث فی اُمّتی علی اختلاف من الناس، وزلازل، فیملأ الأرض قسطًا وعلدًا، کما ملئت جورًا وظلمًا، یرضی عنہ ساکن السماء وساکن الأرض، یقسم المال صِحَاحًا۔ فقال لہ رجل: ما صِحَاحًا؟ قال: بالسّویّۃ بین الناس۔ قال: ویملأ ﷲ قلوب اُمّۃ محمد ۔۔۔صلی ﷲ علیہ وسلم۔۔۔۔۔۔۔۔۔ غنًی، ویسعھم عدلہ، حتّٰی یأمر منادیا فینادی، فیقول: من لہ فی مال حاجۃ؟ فما یقوم من الناس إلّا رجل واحد، فیقول: ائت السّدّان، یعنی الخازن، فقل لہ: إنّ المھدی یأمرک أن تعطینی مالًا، فیقول لہ: احث حتّٰی إذا جعلہ فی حجرہ وأبرزہ ندم، فیقول: کنت أجشع اُمّۃ محمد نفسًا، أو عجز عنّی ما وسعھم، قال: فیردہ فلا یقبل منہ، فیقال لہ: إنّا لا نأخذ شیئًا أعطیناہ، فیکون کذالک سبع سنین، أو ثمان سنین، أو تسع سنین، ثم لا خیر فی العیش بعدہ۔ او قال: ثم لا خیر فی الحیاۃ بعدہ۔ (أخرجہ الإمام أحمد فی المسند ج:۳ ص:۳۷، ۵۲) قلت: رواہ الترمذی، وغیرہ باختصار کثیر، رواہ أحمد بأسانید، وأبو یعلٰی باختصار کثیر، ورجالھما ثقات۔

۱۲۳۹۴- وعنہ، قال: قال رسول ﷲ صلی ﷲ علیہ وسلم: یخرج عند انقطاع من الزمان، وظھور من الفتن، رجلٌ یقال لہ السّفّاح، فیکون إعطاؤُہ المال حثیًا۔ (أخرجہ الإمام أحمد فی المسند، ج:۳ ص:۸۰)۔ رواہ أحمد، وفیہ عطیۃ العوفی، وھو ضعیف، ووثقہ ابن معین، وبقیۃ رجالہ ثقات۔

۱۲۳۹۵- وعنہ، عن رسول ﷲ صلی ﷲ علیہ وسلم قال: لیقومنّ علٰی أمّتی من أھل بیتی اقنی أجلی یوسع الأرض عدلًا کما وسعت ظلمًا وجورًا، یملک سبع سنین۔ رواہ أبویعلٰی، وفیہ عدی بن أبی عمارۃ، قال العقیلی: فی حدیثہ اضطراب، وبقیۃ رجالہ رجال الصحیح۔

۱۲۳۹۶- وعن قرۃ ابن إیاس، قال: قال رسول ﷲ صلی ﷲ علیہ وسلم: لتملأنّ الأرض ظلمًا وجورًا، فإذا ملئت جورًا وظلمًا بعث ﷲ رجلًا مِنّی اسمہ اسمی، واسم أبیہ اسم أبی، یملؤُھا عدلًا وقسطًا کما ملئت جورًا وظلمًا، فلا تمنع السماء شیئًا من قطرھا، ولا الأرض شیئًا من نباتھا، یلبث فیکم سبعًا أو ثمانیًا أو تسعًا، یعنی سنین۔ (أخرجہ الطبرانی فی الکبیر، ج:۱۹ ص:۳۲، وأوردہ المصنف فی کشف الأستار برقم:۳۳۲۵)۔ رواہ البزار والطبرانی فی الکبیر والأوسط ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ (باقی اگلے صفحے پر)

۱:۔۔۔ حضرت ابوسعید خدریؓ ۴

۲:۔۔۔ حضرت اُمِّ سلمہؓ ۴

(بقیہ حاشیہ صفحۂ گزشتہ) ۔۔۔۔۔۔۔ من طریق داود بن المحبر بن قحذم عن أبیہ، وکلاھما ضعیف۔

۱۲۳۹۷- وعن أمّ سلَمۃ، قالت: قال رسول ﷲ صلی ﷲ علیہ وسلم: یبایع لرجل بین مکۃ والمقام عدۃ أھل بدر فیأتیہ عصایب أھل العراق، وأبدال أھل الشام، فیغزوھم جیش من أھل الشام، حتّٰی إذا کانوا بالبیداء خسف بھم، فیغزوھم رجل من قریش أخوالہ من کلب، فلیتقون فیھزمھم ﷲ فالخائب من خاب من غنیمۃ کلب۔ قلت: فی الصحیح طرف منہ۔ رواہ الطبرانی فی الکبیر والأوسط باختصار، وفیہ عمران القطان، وثقہ ابن حبان وضعفہ جماعۃ، وبقیۃ رجالہ رجال الصحیح۔

۱۲۳۹۸- وعنھا، قالت: قال رسول ﷲ صلی ﷲ علیہ وسلم: یسیر مَلِکُ المشرق إلٰی ملک المغرب فیقتلہ، فیبعث جیشًا إلی المدینۃ، فیخسف بھم ثم یبعث جیشًا فینسی ناسًا من أھل المدینۃ، فیعود عائد من الحرم، فیجتمع الناس إلیہ کالطیر الواردۃ المتفرقۃ حتّٰی یجتمع إلیہ ثلاث مائۃ وأربعۃ عشر رجلًا فیھم نسوۃ فیظھر علٰی کل جبار وابن جبار ویظھر من العدل ما یتمنی لہ الأحیاء أمواتھم، فیحیا سبع سنین ثم ما تحت الأرض خیر مما فوقھا۔ رواہ الطبرانی فی الأوسط، وفیہ لیث بن أبی سلیم، وھو مدلس، وبقیۃ رجالہ ثقات۔

۱۲۳۹۹- وعنھا، قالت: سمعت رسول ﷲ صلی ﷲ علیہ وسلم یقول: یکون اختلاف عند موت خلیفۃ، فیخرج من بنی ھاشم، فیأتی مکۃ فیستخرجہ الناس من بیتہ بین الرکن والمقام، فیجھز إلیہ جزء من الشام أخوالہ من کلب، فیجھز إلیہ جیش فیھزمھم ﷲ فتکون الدائرۃ علیھم، فذالک یوم کلب، الخائب من خاب من غنیمۃ کلب، فیستفتح الکنوز ویقسم الأموال ویلقی الإسلام بجرانہ إلی الأرض، فیعیشون بذالک سبع سنین، أو قال: تسع۔ رواہ الطبرانی فی الأوسط، ورجالہ رجال الصحیح۔

۱۲۴۰۰- وعن أبی ھریرۃ، قال: سمعت رسول ﷲ صلی ﷲ علیہ وسلم یقول: المحروم من حرم غنیمۃ کلب۔ (أخرجہ الإمام أحمد فی المسند، ج:۲ ص:۳۵۶)، رواہ أحمد، وفیہ ابن لھیعۃ، وھو لین۔

۱۲۴۰۱- وعنہ، قال: حدثنی خلیلی أبو القاسم صلی ﷲ علیہ وسلم: قال: لا تقوم الساعۃ حتّٰی یخرج إلیھم رجل من أھل بیتی، فیضربھم حتّٰی یرجعوا إلی الحق۔ قال: قلت: وکم یملک؟ قال: خمس واثنتین، قال: قلت: ما خمس واثنتین؟ قال: لا أدری۔ رواہ أبویعلٰی، وفیہ المرجی بن رجاء وثقہ أبوزرعۃ وضعفہ ابن معین، وبقیۃ رجالہ ثقات۔

۱۲۴۰۲- وعن أمّ حبیبۃ، قالت: سمعت رسول ﷲ صلی ﷲ علیہ وسلم یقول: یأتی ناس من قِبل المشرق یریدون رجلًا عند البیت، حتّٰی إذا کانوا ببیداء من الأرض خسف بھم، فلیحق بھم من تخلف فیصیبھم ما أصابھم۔ قلت: یا رسول ﷲ! کیف بمن کان أخرج مستکرھًا؟ قال: یصیبھم ما أصاب الناس، ثم یبعث ﷲ کل امریء علٰی نیّتہ۔ (أخرجہ الإمام أحمد فی المسند، ج:۶ ص:۲۵۹)۔ رواہ الطبرانی فی الأوسط، وفیہ سلَمۃ بن الفضل الأبرش وثقہ ابن معین وغیرہ وضعفہ جماعۃ۔

۱۲۴۰۳- وعن أمّ سلَمۃ، قالت: بینا رسول ﷲ صلی ﷲ علیہ وسلم مضطجعًا فی بیتی إذ أحتفز جالسًا، وھو یسترجع، قلت: بأبی أنت وأمّی! ما شأنک تسترجع؟ قال: لجیش من اُمّتی یجیئون من قبل الشام یؤمون البیت لرجل یمنعھم، حتّٰی إذا کانوا بالبیداء من ذی الحلیفۃ خسف بھم ومصادرھم شتّٰی۔ قلت: بأبی أنت وامّی یا رسول ﷲ! کیف یخسف بھم ومصادرھم شتّٰی؟ قال: إنّ منھم من جبر، إنّ منھم من جبر، إنّ منھم من جبر۔ رواہ أبویعلٰی، وفیہ علی بن زید وھو حسن الحدیث، وفیہ ضعف۔ وروی بإسنادہ عن عائشۃ عن النبی صلی ﷲ علیہ وسلم قال بمثلہ، ورجالہ ثقات۔

۱۲۴۰۴- وعن أنس، أنّ رسول ﷲ صلی ﷲ علیہ وسلم کان نائمًا فی بیت أمّ سلَمۃ فانتبہ، وھو یسترجع، فقلت: یا رسول ﷲ! مم تسترجع؟ قال: من قبل جیش یجیء من قبل العراق فی طلب رجل من المدینۃ یمنعہ اﷲ منھم، فإذا علوا البیداء من ذی الحلیفۃ خسف بھم، فلا یدرک أعلاھم أسفلھم ولا یدرک أسفلھم أعلاھم إلٰی یوم القیامۃ ومصادرھم شتّٰی۔ قیل: یا رسول ﷲ! یخسف بھم جمیعًا ومصادرھم شتّٰی؟ قال: إنّ فیھم، أو منھم من جبر۔ (أوردہ المصنف فی کشف الأستار برقم:۳۳۲۸)۔ رواہ البزار، وفیہ ھشام بن الحکم ولم أعرفہ، إلّا أنّ ابن أبی حاتم ذکرہ، ولم یجرحہ، ولم یوثقہ، وبقیۃ رجالہ ثقات۔

۱۲۴۰۵- وعن عبدﷲ، یعنی ابن مسعود، قال: قال رسول ﷲ صلی ﷲ علیہ وسلم: تجیء رایات سود من قِبل المشرق، وتخوض الخیل فی الدماء إلٰی ثندوتھا۔ فذکر الحدیث۔ وفیہ یزید بن أبی زیاد وھو لین، وبقیۃ رجالہ ثقات۔ ۔۔۔۔۔۔۔۔۔۔۔۔(باقی اگلے صفحے پر)

۳:۔۔۔ حضرت ابوہریرہؓ ۳

۴:۔۔۔ حضرت اُمِّ حبیبہؓ ۱

۵:۔۔۔ حضرت عائشہؓ ۱

۶:۔۔۔ حضرت قرۃ بن ایاسؓ ۱

(بقیہ حاشیہ صفحۂ گزشتہ) ۔۔۔۔۔۔۔

۱۲۴۰۶- وعن أبی ھریرۃ قال: ذکر إلٰی رسول ﷲ صلی ﷲ علیہ وسلم المھدی، فقال: إن قصر فسبع وإلا فثمان، وإلا فتسع، ولیملأن الأرض عدلًا وقسطًا کما ملئت جورًا وظلمًا۔ (أوردہ المصنف فی کشف الأستار برقم:۳۳۲۶)۔ رواہ البزار، ورجالہ ثقات، وفی بعضھم بعض ضعف۔

۱۲۴۰۷- وعن جابر، قال: قال رسول ﷲ صلی ﷲ علیہ وسلم: یکون فی امّتی خلیفۃ یحثو المال فی الناس حثیًا لا یعدہ عدًّا۔ ثم قال: والذی نفسی بیدہ! لیعودان۔ (أوردہ المصنف فی کشف الأستار برقم:۳۳۲۷)۔ رواہ البزار، ورجالہ رجال الصحیح۔

۱۲۴۰۸- وعن طلحۃ بن عبیدﷲ، عن النبی صلی ﷲ علیہ وسلم قال: ستکون فتنۃ لا یھدأ منھا جانب إلَّا جاش منھا جانب، حتّٰی ینادی مناد من السماء: أمیرکم فلان۔ رواہ الطبرانی فی الأوسط، وفیہ مثنی بن الصباح، وھو متروک، ووثقہ ابن معین وضعفہ أیضًا۔

۱۲۴۰۹- وعن علی ابن أبی طالب، أنہ قال: أمِنّا المھدی أم من غیرنا یا رسول ﷲ؟ قال: بل مِنّا بنا یختم ﷲ کما بنا فتح، وبنا یستنقذون من الشرک، وبنا یؤَلف ﷲ بین قلوبھم بعد عداوۃ بینۃ کما بنا ألَّف بین قلوبھم بعد عداوۃ الشرک۔ قال علی: أمؤْمنون أم کافرون؟ قال: مفتون وکافر۔ رواہ الطبرانی فی الأوسط، وفیہ عمرو بن جابر الحضرمی وھو کذاب۔

۱۲۴۱۰- وعن علی ابن ابی طالب أنّ رسول ﷲ صلی ﷲ علیہ وسلم قال: یکون فی آخر الزمان فتنۃ تحصل الناس کما یحصل الذھب فی المعدن، فلا تسبوا أھل الشام ولٰکن سبوا شرارھم فإن فیھم الأبدال، یوشک أن یرسل علٰی أھل الشام سیب، فیفرق جماعتھم حتّٰی لو قاتلتھم الثعالب غلبتھم، فعند ذالک یخرج خارج من أھل بیتی فی ثلاث رایات المکثر یقول خمسۃ عشر ألفًا، والمقل یقول اثنا عشر ألفًا، أمارتھم أمت أمت، یلقون سبع رایات تحت کل رایۃ منھا رجل یطلب الملک فیقتلھم ﷲ جمیعًا، ویرد إلی المسلمین ألفتھم ونعمتھم وقاصیھم ودانیھم۔ رواہ الطبرانی فی الأوسط، وفیہ ابن لھیعۃ وھو لین، وبقیۃ رجالہ ثقات۔

۱۲۴۱۱- وعن أبی ھریرۃ عن النبی صلی ﷲ علیہ وسلم قال: یکون فی اُمّتی المھدی إن قصر، فسبع وإلا فثمان، وإلا فتسع، تنعم اُمّتی فیھا نعمۃ لم ینعموا مثلھا، یرسل السما علیھم مدرارًا ولا تدخر الأرض شیئًا من النبات، والمال کدوس یقوم الرجل یقول: یا مھدی أعطنی فیقول: خذ۔ رواہ الطبرانی فی الأوسط، ورجالہ ثقات۔

۱۲۴۱۲- وعن أبی سعید الخدری، قال: سمعت رسول ﷲ صلی ﷲ علیہ وسلم یقول: یخرج رجل من اُمّتی یقول بسنتی، ینزل ﷲ عز وجل لہ القطر من السماء وینبت ﷲ لہ الأرض من برکتھا تملأ الأرض منہ قسطًا وعدلًا کما ملئت جورًا وظلمًا، یعمل علٰی ھٰذہ الاُمّۃ سبع سنین وینزل بیت المقدس۔ قلت: رواہ الترمذی وابن ماجہ باختصار۔ رواہ الطبرانی فی الأوسط، وفیہ من لم أعرفھم۔

۱۲۴۱۳- وعن ابن عمر، قال: کان رسول ﷲ صلی ﷲ علیہ وسلم جالسًا فی نفر من المھاجرین والأنصار، وعلی بن أبی طالب عن یسارہ، والعباس عن یمینہ، إذ تلاقی العباس، ورجل من الأنصار فأغلظ الأنصاری للعباس، فأخذ النبی صلی ﷲ علیہ وسلم بید العباس وید علی فقال: سیخرج من صلب ھٰذا فتًی یملأ الأرض جورًا وظلمًا، وسیخرج من ھٰذا فتی یملأ الأرض قسطًا وعدلًا، فإذا رأیتم ذالک فعلیکم بالفتی التمیمی، فإنہ یقبل من قبل المشرق، وھو صاحب رایۃ المھدی۔ رواہ الطبرانی فی الأوسط، وفیہ ابن لھیعۃ، وفیہ لین ولٰکن الحدیث منکر، فإن النبی صلی ﷲ علیہ وسلم لم یکن یستقبل أحدًا فی وجھہ بشیء یکرھہ وخاصہ عمہ العباس الذی قال فیہ: إنہ صنو أبیہ، وﷲ اعلم۔

۱۲۴۱۴- وعن عبدﷲ بن الحارث بن جزء الزبیدی، قال: قال رسول ﷲ صلی ﷲ علیہ وسلم: یخرج قوم من قبل المشرق فیوطئون للمھدی سلطانہ۔ رواہ الطبرانی فی الأوسط، وفیہ عمرو بن جابر، وھو کذاب۔ قلت: وحدیث علی الھلالی فی المھدی یأتی فی فضائل أھل البیت، إن شاء ﷲ۔

۷:۔۔۔ حضرت انسؓ ۱

۸:۔۔۔ حضرت عبداللّٰہ بن مسعودؓ ۱

۹:۔۔۔ حضرت جابرؓ ۱

۱۰:۔۔۔ حضرت طلحہؓ ۱

۱۱:۔۔۔ حضرت علیؓ ۱

۱۲:۔۔۔ حضرت ابنِ عمرؓ ۱

۱۳:۔۔۔ حضرت عبداللّٰہ بن حارثؓ ۱

ان میں سے بعض روایات کے راویوں کی تضعیف کی ہے اور دو روایتوں میں دو کذّاب راویوں کی بھی نشاندہی کی ہے، مگر کسی روایت میں قیس بن عامر کا نام ذِکر نہیں کیا۔ اس لئے آپ کا یہ کہنا کہ: ’’ہر روایت کے سلسلۂ رُواۃ میں قیس بن عامر شامل ہے‘‘ محض غلط ہے۔

آپ نے مؤرِّخ ابنِ خلدون کے بارے میں لکھا ہے کہ: ’’انہوں نے اس سلسلے میں موافق اور مخالف احادیث کو یکجا جمع کرنے پر اِکتفا کیا ہے، ان میں کوئی بھی سلسلۂ تواتر کو نہیں پہنچتی اور ان کا انداز بھی بڑا مشتبہ ہے۔‘‘

اس سلسلے میں یہ عرض ہے کہ آخری زمانے میں ایک خلیفۂ عادل کے ظہور کی احادیث صحیح مسلم، ابوداؤد، ترمذی، ابنِ ماجہ اور دیگر کتبِ احادیث میں مختلف طریق سے موجود ہیں۔ یہ احادیث اگرچہ فرداً فرداً آحاد ہیں، مگر ان کا قدرِ مشترک متواتر ہے۔ آخری زمانے کے اسی خلیفۂ عادل کو اَحادیثِ طیبہ میں ’’مہدی‘‘ کہا گیا ہے۔ جن کے زمانے میں دجالِ اَعوَر کا خروج ہوگا، اور حضرت عیسیٰ علیہ السلام آسمان سے نازل ہوکر اُسے قتل کریں گے۔ بہت سے اکابرِ اُمت نے احادیثِ مہدی کو نہ صرف صحیح، بلکہ متواتر فرمایا ہے، انہی متواتر اَحادیث کی بنا پر اُمتِ اسلامیہ ہر دور میں، آخری زمانے میں ظہورِ مہدیؓ کی قائل رہی ہے۔ خود اِبنِ خلدون کا اِعتراف ہے:

’’اعلم ان المشھور بین الکافۃ من اھل الإسلام علٰی ممر الأعصار انہ لا بُدّ فی آخر الزمان من ظھور رجل من اھل البیت یؤَید الدین ویظھر العدل ویتبعہ المسلمون ویستولی علی الممالک الإسلامیۃ ویسمی بالمھدی ویکون خروج الدَّجَّال وما بعدہ من اشراط الساعۃ الثابتۃ فی الصحیح علٰی اثرہ وان عیسٰی ینزل من بعدہ فیقتل الدَّجَّال او ینزل معہ فیساعدہ علٰی قتلہ ویأتم بالمھدی فی صلاتہ۔‘‘

(مقدمۃ ابن خلدون ص:۳۱۱)

ترجمہ:۔۔۔ ’’جاننا چاہئے کہ تمام اہلِ اسلام کے درمیان ہر دور میں یہ بات مشہور رہی ہے کہ آخری زمانے میں اہلِ بیت میں سے ایک شخص کا ظہور ضروری ہے جو دِین کی تائید کرے گا، عدل ظاہر کرے گا، اور

مسلمان اس کی پیروی کریں گے، اور تمام ممالکِ اسلامیہ پر اس کا تسلط ہوگا۔ اس کا نام مہدی ہے۔ اور دجال کا خروج اور اس کے بعد کی وہ علاماتِ قیامت جن کا احادیثِ صحیحہ میں ذِکر ہے، ظہورِ مہدیؓ کے بعد ہوں گی، اور عیسیٰ علیہ السلام مہدیؓ کے بعد نازل ہوں گے، پس دجال کو قتل کریں گے۔ یا مہدی کے زمانے میں نازل ہوں گے، پس حضرت مہدیؓ قتلِ دجال میں حضرت عیسیٰ علیہ السلام کے رفیق ہوں گے اور حضرت عیسیٰ علیہ السلام نماز میں حضرت مہدیؓ کی اِقتدا کریں گے۔‘‘

اور یہی وجہ ہے کہ اہلِ سنت کے عقائد پر جو کتابیں لکھی گئی ہیں، ان میں بھی ’’علاماتِ قیامت‘‘ کے ذیل میں ظہورِ مہدیؓ کا عقیدہ ذِکر کیا گیا ہے، اور اہلِ علم نے اس موضوع پر مستقل رسائل بھی تالیف فرمائے ہیں۔ پس ایک ایسی خبر جو اَحادیثِ متواترہ میں ذِکر کی گئی ہو، جسے ہر دور اور ہر زمانے میں تمام مسلمان ہمیشہ مانتے چلے آئے ہوں اور جسے اہلِ سنت کے عقائد میں جگہ دی گئی ہو، اس پر جرح کرنا یا اس کی تخفیف کرنا، پوری اُمتِ اسلامیہ کو گمراہ اور جاہل قرار دینے کے مترادف ہے۔ جیسا کہ آپ نے اپنے خط کے آخر میں مہدیؓ کے بارے میں ایک مخصوص فرقے کا نظریہ ذِکر کرنے کے بعد لکھا ہے:

’’میرے خیال میں علمائے اہلِ سنت نے اس ضمن میں اپنے اِردگرد پائی جانے والی مشہوررِوایات ہی کو نقل کردیا ہے، مزید تاریخی یا شرعی حیثیت وتحقیق سے کام نہیں لیا، اور اغلباً اسی اِتباع میں آپ نے بھی اس ’’مفروضہ‘‘ کو بیان کرڈالا، کیا یہ دُرست ہے؟‘‘

گویا حفاظِ حدیث سے لے کر مجدّد الف ثانی ؒاور شاہ ولی اللّٰہ دہلویؒ تک وہ تمام اکابرِ اُمت اور مجدّدینِ ملت جنہوں نے دُودھ کا دُودھ اور پانی کا پانی الگ کردِکھایا، آپ کے خیال میں سب دُودھ پیتے بچے تھے کہ وہ تاریخی وشرعی تحقیق کے بغیر گردوپیش میں پھیلے ہوئے افسانوں کو اپنی اسانید سے نقل کردیتے اور انہیں اپنے عقائد میں ٹانک لیتے تھے۔ غور فرمائیے کہ اِرشادِ نبوی:’’ولعن آخر ھٰذہ الاُمَّۃ اَوّلھا‘‘ کی کیسی شہادت آپ کے قلم نے پیش کردی۔ میں نہیں سمجھتا کہ اِحساسِ کمتری کا یہ عارضہ ہمیں کیوں لاحق ہوجاتا ہے کہ ہم اپنے گھر کی ہر چیز کو ’’آوردۂ اَغیار‘‘ تصوّر کرنے لگتے ہیں۔ آپ علمائے اہلِ سنت پر یہ اِلزام لگانے میں کوئی باک محسوس نہیں کرتے کہ انہوں نے ملاحدہ کی پھیلائی ہوئی روایات کو تاریخی وشرعی معیار پر پَرکھے بغیر اپنے عقائد میں شامل کرلیا ہوگا (جس سے اہلِ سنت کے تمام عقائد وروایات کی حیثیت مشکوک ہوجاتی ہے، اور اسی کو میں ’’اِحساسِ کمتری‘‘ سے تعبیر کر رہا ہوں)۔ حالانکہ اسی مسئلے کا جائزہ آپ دُوسرے نقطئہ نظر سے بھی لے سکتے تھے کہ آخری زمانے میں ایک خلیفۂ عادل حضرت مہدیؓ کے ظہور کے بارے میں احادیث وروایات اہلِ حق کے درمیان متواتر چلی آتی تھیں، گمراہ فرقوں نے اپنے سیاسی مقاصد کے لئے اسی عقیدے کو لے کر اپنے انداز میں ڈھالا اور اس میں موضوع اور من گھڑت روایات کی بھی آمیزش کرلی، جس سے ان کا مطمحِ نظر ایک تو اپنے سیاسی مقاصد کو بروئے کار لانا تھا، اور دُوسرا مقصد مسلمانوں کو اس عقیدے ہی سے بدظن کرنا تھا تاکہ مختلف قسم کی روایات کو دیکھ کر لوگ اُلجھن میں مبتلا ہوجائیں اور ظہورِ مہدیؓ کے عقیدے ہی سے دستبردار ہوجائیں۔ ہر دور میں جھوٹے مدعیانِ

مہدویت کے پیشِ نظر بھی یہی دو مقصد رہے، چنانچہ گزشتہ صدی کے آغاز میں پنجاب کے جھوٹے مہدی نے جو دعویٰ کیا، اس میں بھی یہی دونوں مقصد کارفرما نظر آتے ہیں۔

الغرض سلامتیٔ فکر کا تقاضا تو یہ ہے کہ ہم اس امر کا یقین رکھیں کہ اہلِ حق نے اصل حق کو جوں کا توں محفوظ رکھا، اور اہلِ باطل نے اسے غلط تعبیرات کے ذریعے کچھ کا کچھ بنادیا، حتیٰ کہ جب کچھ نہ بن آئی تو اِمام مہدی کو ایک غار میں چھپاکر پہلے غیبتِ صغریٰ اور پھر غیبتِ کبریٰ کا پردہ اس پر تان دیا۔ لیکن آخر یہ کیا اندازِ فکر ہے کہ تمام اہلِ حق کے بارے میں یہ تصوّر کرلیا جائے کہ وہ اغیار کے مالِ مستعار پر جیا کرتے تھے۔

جہاں تک ابنِ خلدون کی رائے کا تعلق ہے، وہ ایک مؤرِّخ ہیں ۔۔۔اگرچہ تاریخ میں بھی ان سے مسامحات ہوئے ہیں۔۔۔ فقہ وعقائد اور حدیث میں ابنِ خلدون کو کسی نے سند اور حجت نہیں مانا اور یہ مسئلہ تاریخ کا نہیں، بلکہ حدیث وعقائد کا ہے، اس بارے میں محدثین ومتکلمین اور اکابرِ اُمت کی رائے قابلِ اعتنا ہوسکتی ہے۔

’’اِمداد الفتاویٰ‘‘ جلد ششم میں ص:۲۵۹ سے ص:۲۶۷ تک’’مؤْخرۃ الظنون عن ابن خلدون‘‘ کے عنوان سے حضرت حکیم الامت مولانا اشرف علی تھانوی قدس سرہٗ نے ابنِ خلدون کے شبہات کا شافی جواب تحریر فرمایا ہے، اسے ملاحظہ فرمالیا جائے۔

خلاصہ یہ کہ ’’مسئلہ مہدی‘‘ کے بارے میں اہلِ حق کا نظریہ بالکل صحیح اور متواتر ہے اور اہلِ باطل نے اس سلسلے میں تعبیرات وحکایات کا جو اَنبار لگایا ہے، نہ وہ لائقِ اِلتفات ہے اور نہ اہلِ حق کو اس سے مرعوب ہونے کی ضرورت ہے۔

(آپ کے مسائل اور اُن کا حل ج:۱ ص:۲۷۱ تا ۲۷۶)

کیا اِمام مہدیؓ کا درجہ پیغمبروں کے برابر ہوگا؟

سوال:۔۔۔ کیا اِمام مہدیؓ کا درجہ پیغمبروں کے برابر ہوگا؟

جواب:۔۔۔ اِمام مہدی علیہ الرضوان نبی نہیں ہوں گے، اس لئے ان کا درجہ پیغمبروں کے برابر ہرگز نہیں ہوسکتا۔(۱) اور حضرت عیسیٰ علیہ السلام جو حضرت مہدیؓ کے زمانے میں نازل ہوں گے، وہ بلاشبہ پہلے ہی سے اُولوالعزم نبی ہیں۔(۲)

(آپ کے مسائل اور اُن کا حل ج:۱ ص:۲۷۶)

کیا حضرت مہدیؓ وعیسیٰ علیہ السلام ایک ہی ہیں؟

سوال:۔۔۔ مہدیؓ اس دُنیا میں کب تشریف لائیں گے؟ اور کیا مہدیؓ اور عیسیٰ علیہ السلام ایک ہی وجود ہیں؟

(۱)ان المھدی المبشر بہ لا یدعی نبوۃ بل ھو من أتباع النبی صلی اﷲ علیہ وسلم، وھو إلَّا خلیفۃ راشد مھدی۔ (المھدی: لمحمد أحمد إسماعیل ص:۱۱، طبع ریاض)۔

(۲)قال تعالٰی: ’’وَإِذْ أَخَذْنَا مِنَ النَّبِیِّیْنَ مِیْثَاقَہُمْ وَمِنکَ وَمِن نُّوحٍ وَإِبْرَاہِیْمَ وَمُوسَی وَعِیْسَی ابْنِ مَرْیَمَ وَأَخَذْنَا مِنْہُم مِّیْثَاقاً غَلِیْظاً‘‘ (الأحزاب:۷)۔

جواب:۔۔۔ حضرت مہدی رضوان اللّٰہ علیہ آخری زمانے میں قربِ قیامت میں ظاہر ہوں گے۔ ان کے ظہور کے قریباً سات سال بعد دجال نکلے گا، اور اس کو قتل کرنے کے لئے عیسیٰ علیہ السلام آسمان سے نازل ہوں گے،(۱) یہاں سے یہ بھی معلوم ہوگیا کہ حضرت مہدیؓ اور حضرت عیسیٰ علیہ السلام دو الگ الگ شخصیتیں ہیں۔

(آپ کے مسائل اور اُن کا حل ج:۱ ص:۲۷۶)

ظہورِ مہدیؓ اور چودہویں صدی

سوال:۔۔۔ اِمام مہدیؓ ابھی تک تشریف نہیں لائے اور پندرہویں صدی کے اِستقبال کی تیاریاں شروع ہوگئی ہیں۔

جواب:۔۔۔ مگر اِمام مہدیؓ کا چودہویں صدی میں ہی آنا کیوں ضروری ہے؟

سوال:۔۔۔ علاوہ اس کے آنحضور صلی اللّٰہ علیہ وسلم کی حدیث سے ثابت ہے کہ ہر صدی کے سرے پر ایک مجدّد ہوتا ہے؟

جواب:۔۔۔ ایک ہی فرد کا مجدّد ہونا نہیں، متعدّد اَفراد بھی مجدّد ہوسکتے ہیں، اور دِین کے خاص خاص شعبوں کے الگ الگ مجدّد بھی ہوسکتے ہیں،(۲) ہر خطے کے لئے الگ الگ مجدّد بھی ہوسکتے ہیں۔ حدیث میں ’’من‘‘ کا لفظ عام ہے، اس سے صرف ایک ہی فرد مراد لینا صحیح نہیں، اور ان مجدّدین کے لئے مجدّد ہونے کا دعویٰ کرنا اور لوگوں کو اس کی دعوت دینا بھی ضروری نہیں، اور نہ لوگوں کو یہ پتا ہونا ضروری ہے کہ یہ مجدّد ہیں۔ البتہ ان کی دِینی خدمات کو دیکھ کر اہلِ بصیرت کو ظنِ غالب ہوجاتا ہے کہ یہ مجدّد ہیں۔

سوال:۔۔۔ حضرت مہدیؓ، حضرت عیسیٰ علیہ السلام چودہویں صدی کے باقی ماندہ قلیل عرصے میں کیسے آجائیں گے؟

جواب:۔۔۔ مگر ان کا اس قلیل عرصے میں آنا ہی کیوں ضروری ہے؟ کیا چودہویں صدی کے بعد دُنیا ختم ہوجائے گی۔۔۔؟ جناب کی ساری پریشانی اس غلط مفروضے پر مبنی ہے کہ ’’حضرت مہدیؓ اور حضرت عیسیٰ علیہ السلام دونوں کا چودہویں صدی میں تشریف لانا ضروری تھا، مگر وہ اَب تک نہیں آئے۔‘‘

حالانکہ یہ بنیاد ہی غلط ہے، قرآن وحدیث میں کہیں نہیں فرمایا گیا کہ یہ دونوں حضرات چودہویں صدی میں تشریف لائیں گے، اگر کسی نے کوئی ایسی قیاس آرائی کی ہے تو یہ محض اٹکل ہے جس کی واقعات کی دُنیا میں کوئی قیمت نہیں اور اگر اس کے لئے کسی نے قرآنِ کریم اور حدیثِ نبوی کا حوالہ دیا ہے تو قطعاً غلط بیانی سے کام لیا ہے۔ اس سے دریافت فرمائیے کہ چودہویں صدی کا لفظ قرآنِ

(۱)وعنہ (ای ابی سعید) عن رسول ﷲ صلی ﷲ علیہ وسلم قال: لیقومن علٰی اُمّتی من اھل بیتی ۔۔۔۔۔۔۔۔ یملک سبع سنین۔ (مجمع الزوائد ج:۷ ص:۳۱۴، مشکوٰۃ ص:۴۷۰)۔

ایضًا: فیلبث المھدی سبع سنین خلیفۃ ثم یتوفّٰی ویصلی علیہ المسلمون۔ قال ابوداوٗد: وقال بعضھم عن ھشام تسع سنین، وقال بعضھم: سبع سنین، فمن قال سبع سنین فکأنہ اسقط السنتین اللتین بقی فیھما مشغولًا بالقتال ۔۔۔إلخ۔ (بذل المجھود ج:۵ ص:۱۰۳، کتاب الملاحم)۔

ایضًا: وینزل عیسَی بن مریم علیہ السلام عند صلاۃ الفجر فیقول لہ امیرھم: یا رُوح ﷲ! تقدم صلِّ، فیقول: ھٰذہ الاُمَّۃ اُمراء بعضھم علٰی بعض، فیقدم أمیرھم فیصلی، فإذا قضیٰ صلاتہ أخذ حربتہ فیذھب نحو الدَّجَّال، فإذا رآہ الدَّجَّال ذاب کما یذوب الرصاص فیضع حربتہ بین ثندوتیہ فیقتلہ۔ (التصریح بما تواتر فی نزول المسیح ص:۱۶۴، طبع مکتبہ دارالعلوم کراچی)۔

(۲)ان المراد من یجدد لیس شخصًا واحدًا بل المراد بہ جماعۃ یجدد کل واحد فی بلد فی فن او فنون من العلوم الشرعیۃ ما تیسر لہ الأمور التقریریۃ أو التحریریۃ ۔۔۔إلخ۔ (بذل المجھود ج:۵ ص:۱۰۴)۔

کریم کی کس آیت میں یا حدیث شریف کی کس کتاب میں آیا ہے۔۔۔؟

نوٹ:۔۔۔ جناب نے اپنا سرنامہ ایک ’’پریشان بندہ‘‘ لکھا ہے، اگر آپ اپنا اسمِ گرامی اور پتا نشان بھی لکھ دیتے تو کیا مضائقہ تھا؟ ویسے بھی گمنام خط لکھنا، اخلاق ومروّت کے لحاظ سے کچھ مستحسن چیز نہیں۔۔۔!

(آپ کے مسائل اور اُن کا حل ج:۱ ص:۲۷۷)

پہلی نماز کے علاوہ باقی پر حضرت عیسیٰ علیہ السلام اِمام ہوں گے

سوال:۔۔۔ اس رسالہ ’’مسیحِ موعود‘‘ کی پہچان از مفتی محمد شفیعؒ میں جابجا تناقض ہے، مثلاً ملاحظہ فرمائیں ص:۱۸ اور ص:۱۹، علامت نمبر۷۰ تا نمبر۷۶۔ ’’بوقتِ نزول عیسیٰ علیہ السلام یہ لوگ نماز کے لئے صفیں دُرست کرتے ہوں گے، اس جماعت کے اِمام اس وقت حضرت مہدیؓ ہوں گے، حضرت مہدیؓ عیسیٰ علیہ السلام کو اِمامت کے لئے بلائیں گے اور وہ اِنکار کریں گے۔ جب حضرت مہدیؓ پیچھے ہٹنے لگیں گے تو عیسیٰ علیہ السلام ان کی پشت پر ہاتھ رکھ کر انہیں اِمام بنائیں گے، پھر حضرت مہدیؓ نماز پڑھائیں گے۔‘‘ ان سب باتوں سے واضح ہوجاتا ہے کہ مولوی صاحب یہ منوانا چاہتے ہیں کہ اِمام، مہدی ہوں گے۔ چلو یہ بات مولوی صاحب کی تسلیم کرلی جائے تو پھر مولوی صاحب خود ہی بعد میں ص:۲۲، علامت نمبر۹۴ میں فرماتے ہیں کہ: ’’حضرت عیسیٰ علیہ السلام لوگوں کی اِمامت کریں گے۔‘‘ یعنی اب اِمام حضرت عیسیٰ علیہ السلام کو بنایا اور بتایا گیا ہے۔ اب مولوی صاحب ہی بتائیں کہ ان کے رسالے میں صحیح اور غلط کی پہچان کیسے ہوسکتی ہے؟ یا سچ کو جھوٹ سے علیحدہ کیسے کیا جائے؟

جواب:۔۔۔ پہلی نماز میں اِمام مہدیؓ اِمامت کریں گے، اور بعد کی نمازوں میں حضرت عیسیٰ علیہ السلام۔ تناقض کیسے ہوا۔۔۔؟(۱)

(آپ کے مسائل اور اُن کا حل ج:۱ ص:۲۲۲،۲۲۳)

مسیح اور مہدی دو الگ شخصیتیں!

سوال:۔۔۔ یا پھر ایک ضمنی سوال یوں پیدا ہوتا ہے کہ جیسے عیسیٰ علیہ السلام اور مسیحِ موعود، مولوی صاحب کی تحقیق کے مطابق ایک ہی جسمانی وجود کا نام ہے تو کیا کہیں مولوی صاحب، مسیحِ موعود اور مہدی کو بھی ایک ہی تو نہیں سمجھتے؟ اور اب بات یوں بنے گی کہ وہی عیسیٰ ہیں، وہی مسیحِ موعود ہیں، اور وہی مہدی ہیں، یا کم از کم مولوی صاحب کی تحقیق اور منطق تو یہی پکار رہی ہے۔

جواب:۔۔۔ جی نہیں! عیسیٰ اور مہدی کو ایک ہی شخصیت ماننا ایسے شخص کا کام ہے جس کو آنحضرت صلی اللّٰہ علیہ وسلم پر

(۱)عند نزول عیسٰی علیہ السلام من السماء فیجتمع عیسٰی بالمھدی وقد اقیمت الصلاۃ فیشیر المھدی لعیسٰی بالتقدم فیمتنع مُعَلَّلًا بأن ھٰذہ الصلاۃ اقیمت لک وانت أولٰی بأن تکون الإمام فی ھٰذا المقام فیقتدی بہ ۔۔۔۔۔۔۔۔۔ وفی شرح العقائد: الأصح ان عیسٰی یصلی بالناس ویؤَمھم ویقتدی بہ المھدی لأنہ أفضل وإمامتہ أولٰی۔ (شرح فقہ اکبر ص:۱۳۶، ۱۳۷)

اِیمان نہ ہو۔ احادیثِ متواترہ میں آنحضرت صلی اللّٰہ علیہ وسلم نے ان دونوں کی الگ الگ علامات اور الگ الگ کارنامے ذِکر فرمائے ہیں۔(۱)

(آپ کے مسائل اور اُن کا حل ج:۱ ص:۲۲۳)

حضرت مہدیؓ کے کارنامے

سوال:۔۔۔ یہ کوئی بہت بڑا کارنامہ نہیں، کیونکہ اس سے زیادہ مسلمانوں کی اِمامت تو مولوی صاحب نے خود بھی کئی بار کی ہوگی۔

جواب:۔۔۔ حضرت مہدیؓ اس سے قبل بڑے بڑے کارنامے انجام دے چکے ہوں گے جو اَحادیثِ طیبہ میں مذکور ہیں، مگر وہ اس رسالے کا موضوع نہیں، اور نماز میں حضرت مہدیؓ کا اِمام بننا اور حضرت عیسیٰ علیہ السلام کا ان کی اِقتدا کرنا بجائے خود ایک عظیم الشان واقعہ ہے، اس لئے حدیثِ پاک میں اس کو بطورِ خاص ذِکر فرمایا گیا۔

(آپ کے مسائل اور اُن کا حل ج:۱ ص:۲۲۴)

بعد میں پیدا ہونے والوں کو پیشگی ’’رضی اللّٰہ عنہ‘‘ کہنا

سوال:۔۔۔ اور مزید ایک ضمنی لیکن مضحکہ خیز سوال مولوی صاحب کی اپنی تحریر سے یوں اُٹھتا ہے کہ وہ فرماتے ہیں: ’’پھر حضرت مہدیؓ نماز پڑھائیں گے‘‘ ملاحظہ ہو ص:۱۹، علامت نمبر۷۶۔ یہاں مولوی صاحب نے ’’مہدیؓ‘‘ لکھا ہے، اور ایسا ہی کئی جگہوں پر ’’مہدیؓ‘‘ لکھا ہے۔ سب صاحبِ علم جانتے ہیں کہ ’’ ؓ‘‘ اِختصار ہے ’’رضی اللّٰہ تعالیٰ عنہ‘‘ کا۔ مطلب آسان ہے اور عموماً یہ ان لوگوں کے نام کے ساتھ عزّت اور اِحترام کے لئے اِستعمال ہوتا ہے جو فوت ہوچکے ہوں، دُنیا سے گزرچکے ہوں، اور حضرت نبی کریم صلی اللّٰہ علیہ وسلم کے صحابہ میں شامل ہوں، یا ویسا رُوحانی درجہ رکھتے ہوں۔ ابھی مسیحِ موعود تو آئے بھی نہیں اور بقول مولوی صاحب مہدیؓ بھی ہوچکے، تو کیا نماز پڑھانے کے لئے یہ مہدی صاحب بھی دوبارہ زندہ ہوکر دُنیا میں واپس آئیں گے؟

جواب:۔۔۔ یہ سوال جیسا کہ سائل نے بے اختیار اِعتراف کیا ہے، واقعی مضحکہ خیز ہے۔ قرآنِ کریم نے’’وَالسَّابِقُونَ الأَوَّلُونَ مِنَ الْمُہَاجِرِیْنَ وَالأَنصَارِ‘‘ (التوبۃ:۱۰۰) اور ان کے تمام متبعین کو ’’رضی اللّٰہ عنہم‘‘ کہا ہے جو قیامت تک آئیں گے۔ شاید سائل، پنڈت دیانند کی طرح خدا پر بھی یہ مضحکہ خیز سوال جڑدے گا۔ اِمامِ ربانی مجدّد الف ثانی ؒ نے بھی مکتوباتِ شریفہ میں حضرت مہدیؓ کو کہا ہے۔ معترض نے یہ مسئلہ کس کتاب میں پڑھا ہے کہ صرف فوت شدہ حضرات ہی کو ’’رضی اللّٰہ عنہ‘‘ کہہ سکتے ہیں؟ حضرت مہدی، حضرت عیسیٰ علیہ السلام کے صحابی ہوں گے، اس لئے ان کو ’’رضی اللّٰہ عنہ‘‘ کہا گیا۔

(آپ کے مسائل اور اُن کا حل ج:۱ ص:۲۲۳)

سوال:۔۔۔ یا وہ بھی بقول مولوی صاحب حضرت عیسیٰ کی طرح کہیں زندہ موجود ہیں (آسمان پر یا کہیں اور) اور مسیحِ موعود کے آتے ہی آموجود ہوں گے اور اِمامت سنبھال لیں گے۔

(۱) تفصیل کے لئے دیکھئے: مشکوٰۃ ص:۴۷۰ و ۴۷۹۔

جواب:۔۔۔ اِرشاداتِ نبوی کے مطابق حضرت مہدی رضی اللّٰہ عنہ پیدا ہوں گے۔(۱)

(آپ کے مسائل اور اُن کا حل ج:۱ ص:۲۲۳)

حضرت مہدیؓ کی پیدائش کی سند؟

سوال:۔۔۔ کیا اس کی بھی کوئی سند قرآن مجید میں موجود ہے؟ اور کیا ہے؟

جواب:۔۔۔ جی ہاں! ارشادِ نبوّت یہی ہے، اور قرآنی سند ہے: ’’وَمَا آتَاکُمُ الرَّسُولُ فَخُذُوہُ‘‘ (الحشر:۷) جس کو غلام احمد قادیانی نے بھی قرآنی سند کے طور پر پیش کیا ہے۔

(آپ کے مسائل اور اُن کا حل ج:۱ ص:۲۲۴)

نزولِ مسیح کے ساتھ ہی حضرت مہدیؓ کے مشن کی تکمیل

سوال:۔۔۔ مزید سوال یہ پیدا ہوتا ہے کہ مہدی نماز پڑھاتے ہی کہاں چلے جائیں گے؟ کیونکہ بعد میں تو جو کچھ بھی کرنا کرانا ہے وہ مسیحِ موعود ہی کی ذمہ داری، مولوی صاحب نے پورے رسالے میں خود ہی بیان فرمائی اور قرار دی ہے۔ محض ایک نماز کی اِمامت اور وہ بھی ایک جماعت کو جو ۸۰۰ (آٹھ سو) مردوں اور ۴۰۰ (چار سو) عورتوں پر مشتمل ہوگی

(ملاحظہ ہو ص:۱۹، علامت نمبر۷۲)

جواب:۔۔۔ حضرت عیسیٰ علیہ السلام کی تشریف آوری کے بعد (جب حضرت مہدیؓ پہلی نماز کی اِمامت کرچکیں گے) حضرت مہدیؓ کا اِمام کی حیثیت سے مشن پورا ہوچکا ہوگا، اور اِمامت وقیادت حضرت عیسیٰ علیہ السلام کے ہاتھ میں آجائے گی، تب حضرت مہدی کی حیثیت آپ کے اعوان وانصار کی ہوگی، اور کچھ ہی عرصہ بعد ان کی وفات بھی ہوجائے گی (مشکوٰۃ ص:۴۷۱، باب اشراط الساعۃ)۔ پس جس طرح حضرت عیسیٰ علیہ السلام کے دیگر اعوان وانصار اور مخصوص رُفقاء کے تذکرے کی ضرورت نہ تھی، اسی طرح حضرت مہدیؓ کے تذکرے کی بھی حاجت نہ رہی۔ کیا اتنی موٹی بات بھی کسی عاقل کے لئے ناقابلِ فہم ہے؟

(آپ کے مسائل اور اُن کا حل ج:۱ ص:۲۲۴)

اِمام مہدیؓ کے آنے کے منکر کا حکم

سوال:۔۔۔ اگر کوئی شخص مہدی آخرالزمان کے بارے میں وارِد شدہ احادیث کو موضوع اور من گھڑت کہے اور نزولِ مہدی سے صاف انکار کرے تو اَز رُوئے شریعت اس شخص کا کیا حکم ہے؟

جواب:۔۔۔ قیامت کے قریب اِمام مہدیؓ کا آنا صحیح احادیث اور اِجماعِ اُمت سے ثابت شدہ مسئلہ ہے، اس سے اِنکار کرنا صحیح احادیث اور اِجماع سے اِنکار کرنے کے مترادف ہے، جبکہ احادیث سے اِنکار کفر ہے۔

’’عن أبی سعید رضی ﷲ عنہ قال: ذکر رسول ﷲ صلی ﷲ علیہ وسلم بلائٌ یصیب ھٰذہ

(۱) یکون فی اُمّتی مھدیٌّ، قال النووی: المھدیُّ من ھداہ اﷲ إلی الحق وغلبت علیہ الإسمیۃ ومنہ مھدیّ آخر الزمان۔ وقال الزرکشی: ای الذی فی زمن عیسٰی علیہ السلام ویصلی معہ، ویقتلان الدَّجَّال ۔۔۔۔۔۔ ویولد بالمدینۃ یکون بعیتہ بین الرُّکن والمقام کرھًا علیہ۔ (سنن ابن ماجہ ص:۳۰۰، حاشیہ:۱)۔

الاُمَّۃ حتّٰی لا یجد الرجل ملجأً یلجأُ إلیہ من الظلم فیبعث ﷲ رجلًا من عترتی اھل بیتی فیملأ بہ الأرض قسطًا وعدلًا کما ملئت ظلمًا وجورًا یرضی عنہ ساکن الأرض۔ رواہ الحاکم وقال: صحیح، وھو ابو عبدﷲ محمد بن عبدﷲ النیسابوری إمام الحدیث فی وقتہٖ۔‘‘

(مشکوٰۃ، باب اشراط الساعۃ ص:۴۷۱، الفصل الثانی)

اس روایت سے اِمام مہدیؓ کی پوری تفصیل واضح ہوتی ہے، جبکہ اس کے علاوہ دیگر کتبِ احادیث میں بھی متعدّد صحیح روایات موجود ہیں، تو اتنی صحیح روایات کے انکار کا کیا جواز ہے؟ اور زبان کی ایک جنبش سے صحیح احادیث کے ایک مکمل باب سے اِنکار کیا معنی رکھتا ہے؟ تاہم جو شخص مہدی آخرالزمان کا اِنکار کرتا ہے تو دراصل وہ احادیثِ نبوی کا اِنکار کرتا ہے اور اس پر وہی حکم لگایا جائے گا جو ایک منکرِ حدیث پر لگایا جاتا ہے۔

’’قال العلَّامۃ مُلَّا علی القاری رحمہ ﷲ: وفی المحیط من قال لفقیہ یذکر شیئًا من العلم او یروی حدیثًا صحیحًا ای ثابتًا لا موضوعًا: ھٰذا لیس بشیء، کفرٌ۔‘‘

(شرح الفقہ الأکبر ص:۱۷۵، فصل فی العلم والعلماء)

(فتاویٰ حقانیہ ج:۱ ص:۱۶۵،۱۶۶)

اِمام مہدیؓ کے بارے میں روایات کی تحقیق

سوال:۔۔۔ کیا مہدیؓ کے آنے کے بارے میں جو باتیں زبان زدِ عام ہیں یہ صحیح روایات سے ثابت ہیں یا کوئی عام واقعہ ہے جس نے شہرت پائی ہے؟

جواب:۔۔۔ اِمام مہدیؓ کے بارے میں واقعات دُرست اور صحیح روایات سے ثابت ہیں، اور اَحادیث کی اکثر کتابوں میں مستقل باب کے تحت روایات کو جمع کیا گیا ہے، جن میں اِمام مہدیؓ کے حالات تفصیل کے ساتھ مذکور ہیں، مثلاً: جامع ترمذی، سنن ابوداؤد، سنن ابنِ ماجہ، مستدرک حاکم، مسند احمد، ابن حنبل، مسند ابویعلیٰ، مسند ابنِ ابی شیبہ، طبقات، صحیح ابنِ حبان وغیرہ۔

اور مجموعی لحاظ سے اِمام مہدیؓ کے بارے میں روایات تواتر کی حد کو پہنچی ہوئی ہیں، چنانچہ حافظ ابنِ حجر رحمہ اللّٰہ نے تواتر کو یوں نقل کیا ہے:

’’قال ابو الحسن الخسعی الأبدی فی مناقب الشافعی تواترت الأخبار بأن المھدی من ھٰذہ الاُمَّۃ وأن عیسٰی یصلی خلفہ۔‘‘

(فتح الباری ج:۶ ص:۴۹۴، باب نزول عیسَی بن مریم علیہما السلام)

(فتاویٰ حقانیہ ج:۲ ص:۲۱۷)

اِمام مہدی علیہ الرضوان

سوال:۔۔۔ کیا اِمام مہدیؓ کے ظہور کا عقیدہ اَز رُوئے قرآن وحدیث ضروریاتِ دِین میں سے ہے؟ اگر کوئی اِمام مہدیؓ

کے ظہور کا قائل نہ ہو تو اس کے متعلق شرع شریف کا کیا حکم ہے؟

رئیس احمد دیوریا

جواب:۔۔۔ حامدًا ومصلیًا، خلیفۃ اللّٰہ المہدی کے متعلق ابوداؤد شریف میں تفصیل مذکور ہے ۔(۱) ان کی علامات، ان کے ہاتھ پر بیعت، ان کے کارنامے ذِکر کئے ہیں۔ جو شخص ان اِمام مہدیؓ کے ظہور کا قائل نہیں، وہ ان احادیث کا قائل نہیں، اس کی اِصلاح کی جائے تاکہ وہ صراطِ مستقیم پر آجائے۔ فقط

واللّٰہ سبحانہ وتعالیٰ اعلم

حررہ العبد محمود غفر لہٗ

(فتاویٰ محمودیہ ج:۱ ص:۱۱۱)

علاماتِ ظہورِ مہدی

سوال:۔۔۔ کسی حدیث میں آنحضرت صلی اللّٰہ علیہ وسلم کا یہ اِرشاد موجود ہے کہ اِمام مہدیؓ کے ظہور کے وقت ایک ہی رمضان میں سورج گرہن اور چاند گرہن لگیں گے؟ چاند گرہن رمضان کی ۱۳؍تاریخ کو، اور سورج گرہن ۲۸؍رمضان کو ہوگا، اصل حقیقت کیا ہے؟ نیز مطلع فرمائیں کہ کیا یہ دونوں گرہن اپنی مذکورہ تاریخوں میں غلام احمد کے دعویٔ نبوّت کے دور میں لگے ہیں؟

سائل: سیّد ناصر علی از لاہور

جواب:۔۔۔ حدیث کی کتاب میں یہ پیش گوئی آنحضرت ختمی مرتبت صلی اللّٰہ علیہ وسلم کے الفاظ سے منقول نہیں، اور نہ اسے حدیثِ نبوی کہا جاسکتا ہے۔ مرزائی مبلغین جب اسے حدیثِ نبوی کہہ کر پیش کرتے ہیں تو یہ حضورِ اکرم صلی اللّٰہ علیہ وسلم پر ایک صریح بہتان اور اِفترا ہے۔ سنن دارقطنی میں یہ پیش گوئی ایک بزرگ محمد بن علیؒ سے منقول ہے جو صحابی بھی نہیں، چہ جائیکہ اس روایت کو آنحضرت صلی اللّٰہ علیہ وسلم کا ارشاد کہا جائے، بلکہ ہم یہ بھی نہیں کہہ سکتے کہ محمد بن علیؒ نے ایسا واقعی فرمایا ہو، کیونکہ اس قول کو محمد بن علیؒ سے نقل کرنے والے بھی تقریباً ایسے ہی ہیں جو ضعیف اور پایۂ اِعتبار سے ساقط ہیں۔ سنن دارقطنی میں محمد بن علی نامی کسی بزرگ کا یہ

(۱)عن عبدﷲ عن النبی صلی ﷲ علیہ وسلم قال: لو لم یبق من الدُّنیا إلَّا یوم قال زائدۃ لطول ﷲ ذالک الیوم حتّٰی یبعث رجلًا مِنّی أو من أھل بیتی یواطیء اسمہ اسمی واسم ابیہ اسم ابی۔ زاد فی حدیث فطر یملأ الأرض قسطًا وعدلًا کما ملئت ظلمًا وجورًا۔ وقال فی حدیث سفیان: لا تذھب أو لا تنقضی الدُّنیا حتّٰی یملک العرب رجل من أھل بیتی یواطیء اسمہ اسمی۔ عن اُمّ سلَمۃ قالت: سمعت رسول ﷲ صلی ﷲ علیہ وسلم یقول: المھدیّ من عترتی من ولد فاطمۃ۔ عن ابی سعید الخدری قال: قال رسول ﷲ صلی ﷲ علیہ وسلم: المھدیّ مِنّی أجلی الجبھۃ أقنی الأنف ملأت ظلمًا وجورًا ویملک سبع سنین۔ عن اُمّ سلَمۃ زوج النبی صلی ﷲ علیہ وسلم عن النبی صلی ﷲ علیہ وسلم قال: یکون اختلاف عند موت خلیفۃ فیخرج رجل من أھل المدینۃ ھاربًا إلٰی مکۃ فیأتیہ ناس من أھل مکۃ فیخرجونہ، وھو کارہٌ فیبایعونہ بین الرُّکن والمقام ویبعث إلیہ بعث من الشام فیخسف بھم بالبیداء بین مکۃ والمدینۃ فإذا رأی النَّاس ذالک أتاہ أبدال الشام وعصائب أھل العراق فیبایعونہ ثم ینشؤُ رجل من قریش أخوالہ کلب فیبعث إلیھم بعثًا فیظھرون علیھم وذالک بعث کلب والخیبۃ لمن لم یشھد غنیمۃ کلب فیقسم المال ویعمل فی الناس بسُنّۃ نبیھم صلی ﷲ علیہ وسلم ویلقی الإسلام بجرانہ إلی الأرض فیلبث سبع سنین ثم یتوفی ویصلی علیہ المسلمون، قال أبوداوٗد: وقال بعضھم عن ھشام: تسع سنین۔ ۔۔۔۔۔۔۔ عن اُمّ سلَمۃ عن النبی صلی ﷲ علیہ وسلم بقصۃ جیش الخسف، قلت: یا رسول ﷲ! کیف بمن کان کارھًا؟ قال: یخسف بھم ولٰکن یبعث یوم القیامۃ علٰی نیتہٖ ۔۔۔۔۔۔۔ قال علی ونظر إلی ابنہ الحسن فقال: إنّ ابنی ھٰذا سید کما سماہ النبی صلی ﷲ علیہ وسلم، وسیخرج من صلبہ رجل یسمّٰی باسم نبیکم صلی ﷲ علیہ وسلم یشبہ فی الخُلُق ولا یشبہ فی الخَلْق، ثم ذکر قصۃ یملأ الأرض عدلًا۔ انتھیٰ۔ (ابوداوٗد ج:۲ ص:۲۳۲، ۲۳۳، اوّل کتاب المھدی، طبع ایچ ایم سعید کراچی)۔

قول اس طرح منقول ہے:

’’عن عمرو بن شمر(۱) عن جابر عن محمد بن علی قال: ان لمھدینا آیتین لم تکونا منذ خلق السمٰوٰت والأرض، تنکسف القمر لأوّل لیلۃ من رمضان وتنکسف الشمس فی النصف منہ، لم تکونا منذ خلق ﷲ السمٰوٰت والأرض۔‘‘

(سنن دارقطنی ج:۲ ص:۶۵، طبع نشر السُّنَّۃ، ملتان باکستان)

ترجمہ:۔۔۔ ’’شمر کا بیٹا جابر جعفی سے نقل کرتا ہے کہ محمد بن علی (نامی کسی شخص) نے کہا کہ ہمارے مہدی کے دو نشان ہوں گے، اور وہ دونوں (اپنی اپنی جگہ پر مستقل طور پر) ایسے ہیں کہ زمین وآسمان جب سے پیدا ہوئے کبھی ان کا ظہور نہیں ہوا، اوّل یہ کہ چاند کو گرہن رمضان کی پہلی رات ہوگا، اور دُوسرا یہ کہ سورج گرہن اسی رمضان شریف کے نصف میں واقع ہوگا، اور جب سے خداتعالیٰ نے زمین وآسمان پیدا کئے، ایسے گہنوں کا ظہور کبھی نہیں ہوا۔‘‘

شمر کا بیٹا عمرو(۲) جو محمد بن علی کے مذکورہ بالا قول کو نقل کررہا ہے، اس قابل نہیں کہ اس کی نقل پر اِعتماد کیا جائے، یہ شخص کذّاب اور تقیہ باز تھا۔ اس پر رافضی اور شاتمِ صحابہ ہونے کی جرح ’’میزان الاعتدال‘‘ ذہبی میں موجود ہے۔ اس کا اُستاذ جابر جعفی جو مذکورہ پیش گوئی کا راوی ہے، ضعیف ہے۔ اس کے متعلق سیّدنا اِمام ابوحنیفہؒ فرماتے ہیں کہ میں نے آج تک اس جیسا جھوٹا راوی کسی کو نہیں دیکھا۔ پس جب محمد بن علی سے نقل کرنے والوں کا بھی یہ حال ہے تو ہم اسے پورے اِعتماد کے ساتھ حضرت محمد بن علیؒ کا قول بھی نہیں کہہ سکتے، چہ جائیکہ اسے کسی صحابی کا قول یا اِرشادِ رسولِ خاتم ۔۔۔صلی اللّٰہ علیہ وسلم۔۔۔ کہا جاسکے!

باقی یہ سوال کہ اگر یہ قول ایسا ہی کمزور اور مقطوع تھا تو پھر اسے اِمام دارقطنیؒ نے درج کیوں کیا؟ سو اس کا جواب یہ ہے کہ احادیث کی کتابوں میں اِرشاداتِ نبوی کے علاوہ صحابہؓ اور تابعینؒ کے آثار بھی منقول ہوتے ہیں، بعض مقامات پر اَئمہ وفقہاء کے اپنے اقوال بھی مندرج ہوتے ہیں۔ حدیث کی کتاب میں درج ہونا اس بات کو ہرگز لازم نہیں کہ یہ قول خود لسانِ شریعت سے منقول ہو، ایسا گمان محض جہالت اور نادانی پر مبنی ہے، اہلِ علم کے ہاں اس سوال کی کوئی قیمت نہیں۔ حضرت شاہ عبدالعزیز محدث دہلویؒ اپنے اُصولِ حدیث کے رسالے ’’عجالہ نافعہ‘‘ کے صفحہ:۷ پر تصریح فرماتے ہیں کہ سنن دارقطنی حدیث کی تیسرے طبقے کی کتابوں میں سے ہے، جن کے جمع کرنے والوں نے روایات کی صحت کا اِلتزام نہیں کیا، بلکہ ہر طرح کی روایات ان میں جمع کر رکھی ہیں۔

مرزاقادیانی نے اس ضعیف اور بے بنیادی قول کو جو کذّاب قسم کے راویوں کے واسطے سے صرف محمد بن علیؒ تک پہنچتا ہے،

(۱) عمرو بن شمر عن جابر کلاھما ضعیفان۔ (التعلیق المفتی علٰی سنن الدارقطنی ج:۲ ص:۶۵)۔

(۲) ۶۳۸۴: عمرو بن شمر الجعفی الکوفی الشیعی ابو عبداﷲ عن جعفر بن محمد وجابر الجعفی والأعمش، روی عیاش عن یحیٰی لیس بشیء، وقال الجوزجانی: زائغ کذاب، وقال ابن حبان: رافضی یشتم الصحابۃ ویروی الموضوعات عن الثقات، وقال البخاری: منکر الحدیث۔ (میزان الإعتدال للذھبی ج:۳ ص:۲۶۸)۔

اگر حدیثِ رسول سمجھ لیا ہے تو ہمارے لئے بالکل قابلِ اِلتفات نہیں۔ مرزاقادیانی فنِ حدیث میں بہت کمزور تھے، انہیں یہ بھی پتا نہیں تھا کہ ’’صحیح‘‘ ایک خاص معیار کی کتب ہوتی ہیں، جیسے صحیح بخاری اور صحیح مسلم وغیرہ، اور یہ کہ حدیث کی ہر کتاب صحیح نہیں کہلاتی، اور وہ اس حقیقت سے بھی بے خبر تھے کہ سنن دارقطنی محدثین کے ہاں ہر قسم کی رطب ویابس روایات پر مشتمل ہے۔ مرزاقادیانی کی نادانی دیکھئے کہ وہ دارقطنی کو بھی صحیح کا نام دے رہے ہیں، لکھتے ہیں:

’’صحیح دارقطنی میں ایک حدیث ہے ۔۔۔۔الخ‘‘ یہ ’’سنن دارقطنی‘‘ ہونا چاہئے تھا۔

’’یہ حدیث اگر قابلِ اِعتبار نہیں تھی تو دارقطنی نے اپنی صحیح میں کیوں اس کو درج کیا۔‘‘

(تحفۂ گولڑویہ ص:۲۸، خزائن ج:۱۷ ص:۱۳۳)

حدیث کے اِبتدائی درجے کے طلبہ کو بھی معلوم ہے کہ حضرت اِمام بخاریؒ کا اسمِ گرامی محمد تھا، اِسماعیل نہ تھا، اِسماعیل ان کے باپ کا نام تھا، مگر مرزاقادیانی ’’ازالہ اوہام‘‘ میں اِمام بخاریؒ کا نام اِسماعیل بتاتے ہیں، حالانکہ اُس وقت اور اُن علاقوں میں اس طرح کے مرکب ناموں کا منہاج ہی نہ تھا (دیکھئے: اِزالہ اوہام ج:۱ ص:۱۱، ص:۱۳۹، خزائن ج:۳ ص:۲۳۹، ج:۲ ص:۲۵۹، ص:۶۴۵)۔

’’شہادت القرآن‘‘ میں مرزاقادیانی ایک حدیث صحیح بخاری کے حوالے سے نقل کرتے ہیں، حالانکہ وہ صحیح بخاری میں بالکل نہیں ہے۔

اور پھر یہ نہیں کہ صحیح بخاری کا لفظ اتفاقاً قلم سے نکل گیا ہو، بلکہ اسے ’’اصح الکتب بعد کتاب اللّٰہ‘‘ کہہ کر اس نقل کی اور توثیق کرتے ہیں۔ پھر ’’اِزالہ اوہام‘‘ ص:۲۴ خزائن ج:۳ ص:۱۲۴ پر آنحضرت صلی اللّٰہ علیہ وسلم کی طرف نسبت کرتے ہوئے یہ الفاظ بطور حدیث کے پیش کرتے ہیں: ’’بل ھو إمامکم منکم‘‘ ۔ لفظ ’’بل‘‘ عجیب اِضافہ ہے۔

حالانکہ یہ الفاظ اس طرح آنحضرت صلی اللّٰہ علیہ وسلم کی کسی حدیث میں نہیں ملتے، نہ ان کے لئے کوئی سند صحیح ہے اور نہ کوئی ضعیف، یہ محض ایک اِفترا اور بہتان ہے۔ الحاصل مرزا غلام احمد فنِ حدیث میں عام طلبہ کے بھی ہمسر نہیں تھے، پس اس کا سوال ہی پیدا نہیں ہوتا کہ ہم ان کے اِعتماد پر مذکورۃ الصدر پیش گوئی کو آنحضرت صلی اللّٰہ علیہ وسلم کی حدیث تسلیم کرلیں (معاذاللّٰہ ثم معاذاللّٰہ)۔

۲:۔۔۔ مذکورہ گرہن مرزا غلام احمد قادیانی کے دعوے کی تصدیق کے لئے قطعاً ثابت نہیں ہوئے، یہ محض پروپیگنڈا ہے۔ مرزائیوں کے اپنے دعوے کے مطابق گرہنوں کا وقوع ۱۳۱۰ھ میں پیش آیا، حالانکہ اس وقت تک مرزاقادیانی نے رِسالت کا دعویٰ ہی نہ کیا تھا۔ تعجب ہے کہ مرزاقادیانی نے ان گرہنوں کو اپنے دعویٔ نبوّت اور رِسالت کی تصدیق کے لئے کیسے پیش کردیا؟ مرزاقادیانی لکھتے ہیں:

’’اس حدیث کا یہ مطلب نہیں ہے کہ رمضان کے مہینے میں کبھی یہ دو گرہن جمع نہیں ہوئے، بلکہ یہ مطلب ہے کہ کسی مدعیٔ نبوّت یا رِسالت کے وقت میں کبھی یہ دونوں گرہن جمع نہیں ہوئے، جیسا کہ حدیث کے

ظاہر الفاظ اسی پر دلالت کر رہے ہیں۔ اگر کسی کا یہ دعویٰ ہے کہ کسی مدعیٔ نبوّت یا رِسالت کے وقت میں یہ دونوں گرہن رمضان میں کبھی کسی زمانے میں جمع ہوئے تو اس کا فرض ہے کہ اس کا ثبوت دے۔‘‘

(حقیقۃ الوحی ص:۱۹۶، خزائن ج:۲۲ ص:۲۰۳)

اگر یہ کہا جائے کہ گرہن مہدویت کی علامت ہیں، نبوّت اور رِسالت کی نہیں، تو یہ بھی صحیح نہیں، کیونکہ مرزاقادیانی کے نزدیک مہدویت کا دعویٰ رِسالت کے دعویٰ کو بھی شامل ہے، یہی وجہ ہے کہ وہ ’’حقیقۃ الوحی‘‘ کی مذکورہ عبارت میں اسے اپنے دعویٔ نبوّت رِسالت کے لئے آسمانی نشانی بتلا رہے ہیں۔ چونکہ مرزاقادیانی کا یہ دعویٔ رِسالت بہت بعد کا ہے، اور یہ وقوع گرہن اس سے بہت پہلے کا ہے، بنابرین ہم یقینی طور پر کہہ سکتے ہیں کہ مرزاقادیانی کے دعویٔ نبوّت کے دور میں ایسے گرہن کبھی نہیں لگے۔ یہ قادیانی حضرات کا محض پروپیگنڈا ہے۔ اسی طرح ان لوگوں کا یہ کہنا بھی غلط ہے کہ ۱۲۱۲ھ کے اس مذکورہ گرہن سے پہلے اس طرح کے گرہن کبھی نہیں لگے، کیونکہ اس سے ایک سال قبل ۱۲۱۱ھ میں بھی چاند اور سورج کا گرہن امریکا میں لگا تھا اور وہاں بھی اس وقت ایک جھوٹا مدعیٔ نبوّت مسٹر ڈوئی موجود تھا۔ پس ایسے گرہن جو خرقِ عادت بھی نہیں، کسی دعوے کی تصدیق کے ضامن ہرگز نہیں ہوسکتے۔

واللّٰہ اعلم بالصواب!

کتبہ‘ خالد محمود عفا اللّٰہ عنہ

(عبقات ص:۱۱۴ تا ۱۱۷)

رفعِ عیسیٰ وظہورِ مہدی علیٰ نبینا وعلیہما السلام کے دلائل

سوال۱:۔۔۔ ثابت کرو کہ عیسیٰ علیہ السلام جسمِ عنصری کے ساتھ آسمان پر چڑھ گئے ہیں اور وہ واپس آئیں گے۔

۲:۔۔۔ ثابت کرو کہ اِمام مہدیؓ اہلِ بیت سے ہوں گے، اور مدینہ منوّرہ یا کسی اور ملک میں پیدا ہوں گے۔

۳:۔۔۔ وہ کہتے ہیں کہ خردجال آچکا، اگر نہیں آیا تو ثابت کرو کہ پندرہویں صدی میں آئے گا۔ وہ کہتے ہیں کہ چودہویں صدی آخری ہے، اس کے بعد قیامت ہے، اسی صدی میں جو کچھ ہونا تھا ہوچکا۔

اب آپ برائے مہربانی ہمیں تو ان سوالات کا جواب بمع ثبوت یعنی مکمل صفحہ، جلد، نام، حدیث وغیرہ لکھیں جس پر وہ اِعتراض نہ کرسکیں، اور ہمیں بھی تسلی ہو، اور ان کو بھی جواب دینے کے قابل رہ جائیں۔ ہم نے بہت سے علماء صاحبان کے پاس خطوط لکھے، بلکہ دیوبند تک لکھے، مگر کسی نے تسلی بخش جواب نہ دیا، کسی نے مرزاقادیانی کا حوالہ دے کر، کسی نے کچھ، کسی نے گالیاں دے کر ٹال دیا۔ جس کی وجہ سے ہمارا دِل بہت گھبرایا ہوا ہے، کیونکہ کسی طرف سے تسلی بخش جواب نہیں پایا۔ اور نہ ہمارے پاس اتنا وقت ہے کہ کسی عالم کے پاس جائیں۔ آپ خدا کے واسطے مکمل جواب لکھ کر ہمارے دِل کو یقین دِلائیں کہ ہمارا مذہب سچا ہے۔حسبنا ﷲ ونعم الوکیل، نعم المولٰی ونعم النصیر۔

جواب:۔۔۔ حضرت عیسیٰ علیہ السلام کا اُٹھایا جانا آسمان پر، قرآن مجید اور حدیث اور اِجماعِ اُمت سے ثابت ہے،

دلائل تو بہت ہیں، مگر یہاں بوجہ تنگیٔ وقت کے صرف ایک دو تحریر کئے جاتے ہیں۔

’’وَقَوْلِہِمْ إِنَّا قَتَلْنَا الْمَسِیْحَ عِیْسَی ابْنَ مَرْیَمَ رَسُولَ اللہِ وَمَا قَتَلُوہُ وَمَا صَلَبُوہُ وَلَـکِن شُبِّہَ لَہُمْ وَإِنَّ الَّذِیْنَ اخْتَلَفُواْ فِیْہِ لَفِیْ شَکٍّ مِّنْہُ مَا لَہُم بِہِ مِنْ عِلْمٍ إِلاَّ اتِّبَاعَ الظَّنِّ وَمَا قَتَلُوہُ یَقِیْناً. بَل رَّفَعَہُ اللہُ إِلَیْہِ وَکَانَ اللہُ عَزِیْزاً حَکِیْماً‘‘

(النساء:۱۵۷،۱۵۸)

اس آیت میں یہود کا قول نقل فرماکر اللّٰہ تعالیٰ نے تردید فرمائی ہے۔ یہود کہتے تھے کہ ہم نے عیسیٰ بن مریم کو قتل کردیا، اللّٰہ تعالیٰ فرماتے ہیں کہ یہ لوگ جھوٹ بولتے ہیں، انہوں نے نہ تو عیسیٰ بن مریم کو قتل کیا اور نہ اس کو سولی پر چڑھایا، حقیقت میں ان پر شبہ پڑگیا، اور جو لوگ بھی حضرت عیسیٰ علیہ السلام کے بارے میں اِختلاف کرتے ہیں، سب شک وشبہ میں مبتلا ہیں، یقینا عیسیٰ علیہ السلام کو کسی نے قتل نہیں کیا، بلکہ ان کو تو اللّٰہ تعالیٰ نے اپنی طرف اُٹھالیا اور اللّٰہ تعالیٰ زبردست ہے (اس کے لئے عیسیٰ علیہ السلام کو آسمان پر اُٹھالینا کیا مشکل ہے) اور حکمت والا ہے (اس کے کاموں میں ہزاروں حکمتیں ہوتی ہیں اگرچہ کوتاہ نظر نہ سمجھ سکیں)

اس سے مرزائیوں کے تمام شبہات زائل ہوگئے۔ مرزائی کہتے ہیں کہ عیسیٰ علیہ السلام آسمان پر کیوں گیا؟ کیا کرتا ہے؟ کیا کھاتا ہے؟ وغیرہ وغیرہ شبہات پیش کرتے ہیں۔ اللّٰہ تعالیٰ نے ایک ہی جواب دیا: ’’وَكَانَ اللہُ عَزِیزاً حَكِیماً‘‘ اللّٰہ تعالیٰ زبردست ہے، حکمت والا ہے۔ اس کی حکمت نے یہی چاہا کہ حضرت عیسیٰ علیہ السلام کو آسمان پر اُٹھالے، پھر قیامت کے قریب زمین پر اُتار دے جیسا کہ اللّٰہ تعالیٰ کی حکمت نے چاہا تو آدم علیہ السلام جنت میں ہوتے تو اچھا تھا، کیوں ان کو زمین کی طرف بھیج دیا۔ مسلمان کا کام یہ ہے کہ جو اللّٰہ تعالیٰ کی طرف سے آئے اسے قبول کرے۔ منافق کا کام ہے حجت بازی کرنا، لہٰذا یہ شبہات فضول ہیں۔ جب بھی مرزائی، عیسیٰ علیہ السلام کے متعلق شبہ پیش کرے تو فوراً یہی آیت پڑھیں: ’’وَكَانَ اللہُ عَزِیزاً حَكِیماً‘‘ کہ اللّٰہ تعالیٰ زبردست حکمت والا ہے، اس کی مرضی، وہ مختار ہے، عیسیٰ علیہ السلام کو آسمان پر اُٹھالیا، کوئی اس پر کیا اِعتراض کرسکتا ہے؟

تفسیر رُوح المعانی (ج:۶ ص:۱۱) میں اس آیت کے ماتحت لکھا ہے:’’وھو حی فی السماء‘‘ حضرت عیسیٰ علیہ السلام آسمان پر زِندہ ہیں۔ تمام مفسرین اس بات پر متفق ہیں۔ صرف مرزا غلام احمد قادیانی نے آکر فتنہ برپا کیا اور یہ صرف اس لئے کہ ’’میں عیسیٰ بنوں‘‘ برائے حلوا خوردن روئے باید۔

۲:۔۔۔ ابوداؤد حدیث کی کتاب ہے، اور صحاحِ ستہ میں داخل ہے، انہوں نے ایک مستقبل باب قائم کیا ہے جس کا نام ہے ’’باب ذکر المہدی‘‘ اس میں مندرجہ ذیل حدیثیں درج ہیں:

1:۔۔۔ حضرت ابنِ مسعود رضی اللّٰہ عنہ فرماتے ہیں کہ رسول اللّٰہ صلی اللّٰہ علیہ وسلم نے فرمایا کہ اگر دُنیا کا ایک دِن بھی رہ جائے تو اللّٰہ تعالیٰ اس دن کو لمبا کردیں گے یہاں تک کہ میرے اہلِ بیت میں سے ایک شخص کو کھڑا کریں گے، جس کا نام میرے نام کے، اور اس کے والد کا نام، میرے والد کے نام کے موافق ہوگا۔ وہ شخص دُنیا کو اِنصاف وعدل سے بھردے گا، جیسا کہ اس کے آنے سے پہلے ظلم سے بھری ہوئی تھی۔ (اب دیکھئے کہ مرزا اور اس کے باپ کا نام نبی کریم صلی اللّٰہ علیہ وسلم کے نام کے مخالف ہے،

اور مرزا کے آنے سے دُنیا میں ظلم وستم زیادہ ہوگیا) (ابوداؤد ج:۲ ص:۱۳۱، طبع نور محمد اصح المطابع کراچی)۔(۱)

2:۔۔۔ دُوسری روایت ابوداؤد میں ہے، حضرت اُمِّ سلمہ رضی اللّٰہ عنہا فرماتی ہیں کہ میں نے نبی کریم صلی اللّٰہ علیہ وسلم سے سنا، آپ صلی اللّٰہ علیہ وسلم فرماتے تھے کہ: مہدی میری اولاد سے ہوگا، اور فاطمۃ کی نسل سے ہوگا۔(۲) (ص:ایضاً) (مرزا تو مغل تھا یا پنجابی، یا کوئی اور قوم ہوگی، سیّد اور فاطمہؓ کی اولاد سے ہرگز نہیں)

اور بھی بہت سی روایتیں اور حدیثیں ہیں، بہتر یہ ہے کہ آپ اپنے مقامی علماء سے مدد حاصل کریں، ورنہ ہماری طرف لکھیں، اِن شاء اللّٰہ ان کے سب سوالوں کا جواب تسلی بخش دیا جائے گا۔

مرزائی جھوٹ بولتے ہیں کہ چودہویں صدی کے بعد قیامت ہے، قیامت کا علم اللّٰہ تعالیٰ نے کسی کو نہیں بتلایا۔ نہ معلوم کہ دُنیا کی عمر کتنی باقی ہے؟ عیسیٰ علیہ السلام ضرور تشریف لائیں گے اور دجال کو قتل کریں گے۔

اور حضرت مہدیؓ مدینہ شریف سے روانہ ہوں گے اور مکہ شریف تشریف لائیں گے تو سب لوگ مکہ والے اور دُوسرے مسلمان حضرت اِمام مہدیؓ کے ہاتھ پر بیعت کریں گے۔ یہ بیعت بیت اللّٰہ شریف کے میدان میں مقامِ اِبراہیم کے قریب ہوگی (ابوداؤد شریف، ص:ایضاً)۔(۳)

مرزا کو تو ساری عمر حج نصیب نہیں ہوا، نہ مدینہ دیکھا نہ مکہ دیکھا۔ خدا تعالیٰ نے اپنے مقدس مقامات میں اسے گھسنے ہی نہیں دیا۔

بہرحال آپ کو جو شبہ ہو، ہماری طرف تحریر فرمائیں، ہم وہ جواب دیں گے جو مرزائیوں کے لئے منہ توڑ ہوگا۔

فقط واللّٰہ اعلم

(خیر الفتاویٰ ج:۱ ص:۷۱ تا ۷۳)

(۱)عن عبدﷲ عن النبی صلی ﷲ علیہ وسلم قال: لو لم یبق من الدنیا إلَّا یوم قال زائدۃ: لطول ﷲ ذالک الیوم حتّٰی یبعث رجلًا مِنِّی او من اھل بیتی یواطیء اسمہ اسمی، واسم ابیہ اسم ابی، زاد فی حدیث فطر یملأ الأرض قسطًا وعدلًا کما ملئت ظلمًا وجورًا ۔۔۔إلخ۔ (ابوداوٗد ج:۲ ص:۲۳۲، اوّل کتاب المھدی، طبع ایچ ایم سعید)۔

(۲)عن اُمِّ سلَمۃ قالت: سمعت رسول ﷲ صلی ﷲ علیہ وسلم یقول: المھدی من عترتی من ولد فاطمۃ۔ (سنن ابی داوٗد ج:۲ ص:۲۳۲، اوّل کتاب المھدی، طبع ایچ ایم سعید کراچی)۔

(۳)عن اُمِّ سلَمۃ زوج النبی صلی ﷲ علیہ وسلم، عن النبی صلی ﷲ علیہ وسلم قال: یکون إختلاف عند موت خلیفۃ فیخرج رجل من اھل المدینۃ ھاربًا إلٰی مکۃ فیأتیہ ناس من اھل مکۃ فیخرجونہ وھو کارہ فیبایعونہ بین الرُّکن والمقام ۔۔۔إلخ۔ (سنن ابی داوٗد ج:۲ ص:۲۳۳ اوّل کتاب المھدی، طبع ایچ ایم سعید کراچی)۔

دجال کی آمد

سوال:۔۔۔ دجال کی آمد کا کیا صحیح حدیث میں کہیں ذِکر ہے؟ اگر ہے تو وضاحت کریں۔

جواب:۔۔۔ دجال کے بارے میں ایک دو نہیں بہت سی احادیث ہیں اور یہ عقیدہ اُمت میں ہمیشہ سے متواتر چلا آیا ہے۔ بہت سے اکابرِ اُمت نے اس کی تصریح کی ہے کہ خروجِ دجال اور نزولِ عیسیٰ علیہ السلام کی احادیث متواتر ہیں۔(۱)

(آپ کے مسائل اور اُن کا حل ج:۱ ص:۲۸۰)

ایک قادیانی کے پُرفریب سوالات کے جوابات

ہمارے ایک دوست سے کسی قادیانی نے حضرت مفتی محمد شفیعؒ کے رسالے ’’مسیحِ موعود کی پہچان‘‘ پر کچھ سوالات کئے اور راقم الحروف سے جوابات سے ان کے جوابات کا مطالبہ کیا۔ ذیل میں یہ سوال وجواب قارئین کی خدمت میں پیش کئے جارہے ہیں۔

تمہید:۔۔۔ رسالہ ’’مسیحِ موعود کی پہچان‘‘ میں قرآنِ کریم اور اِرشاداتِ نبویہ سے حضرت مسیح علیہ السلام کی علامات جمع کردی گئی ہیں، جو اہلِ اِیمان کے لئے تو اِضافۂ اِیمان میں مدد دیتی ہیں، لیکن افسوس ہے کہ سوال کنندہ کے لئے ان کا اثر اُلٹا ہوا، قرآنِ کریم نے صحیح فرمایا: ’’ان کے دِلوں میں روگ ہے، پس بڑھادیا ان کو اللّٰہ نے روگ میں۔‘‘ بقول سعدیؔ:

1. باراں کہ در لطافت طبعش خلاف نیست

   در باغ لالہ روید ودر شورہ بوم خس

سائل نے اِرشاداتِ نبویہ پر اسی انداز میں اِعتراض کئے ہیں جو ان کے پیشرو پنڈت دیانندسرسوتی نے ’’ستیارتھ پرکاش‘‘ میں اِختیار کیا تھا، اس لئے کہ اِرشاداتِ نبویہ نے مسیح علیہ السلام کی صفات وعلامات اور ان کے کارناموں کا ایسا آئینہ پیش کردیا ہے جس میں قادیانی مسیحیت کا چہرہ بھیانک نظر آتا ہے، اس لئے انہوں نے روایتی حبشی کی طرح اس آئینے کو قصوروَار سمجھ کر اسی کو زمین پر پٹخ دینا ضروری سمجھا، تاکہ اس میں اپنا سیاہ چہرہ نظر نہ آئے۔ لیکن کاش! وہ جانتے کہ:

1. نورِ خدا ہے کفر کی حرکت پہ خندن زن

   پھونکوں سے یہ چراغ بجھایا نہ جائے گا

رسالہ ’’مسیحِ موعود کی پہچان‘‘ پر سائل نے جتنے اِعتراضات کئے ہیں، ان کا مختصر سا اُصولی جواب تو یہ ہے کہ مصنفؒ نے ہر بات میں احادیثِ صحیحہ کا حوالہ دیا ہے، اپنی طرف سے کچھ نہیں لکھا، اس لئے سائل کے اِعتراضات مصنفؒ پر نہیں، بلکہ ۔۔۔خاکش بدہن۔۔۔ آنحضرت صلی اللّٰہ علیہ وسلم پر ہیں۔ اگر وہ آنحضرت صلی اللّٰہ علیہ وسلم کی نبوّت ورِسالت سے منکر ہیں، یا مسٹر پرویز کے ہم

(۱)وفی حاشیۃ سنن ابن ماجۃ: قال القاضی: نزول عیسٰی وقتلہ الدجال حق صحیح عند اھل السُّنَّۃ للأحادیث الصحیحۃ فی ذالک ۔۔۔إلخ۔ (سنن ابن ماجۃ ص:۲۹۹، حاشیہ نمبر۸، طبع نور محمد کتب خانہ کراچی)۔

مسلک ہیں تو بصد شوق پنڈت دیانند کی طرح اِعتراضات فرمائیں، اور اگر انہیں اِیمان کا دعویٰ ہے تو ہم ان سے گزارش کریں گے کہ قیامت کے دن آنحضرت صلی اللّٰہ علیہ وسلم سے پوچھ لیجئے۔۔۔! مگر جو لوگ اِرشاداتِ نبویہ کو سرمۂ چشمِ بصیرت سمجھتے ہیں، ان کا اِیمان برباد نہ کیجئے۔ اس کے بعد اَب تفصیل سے ایک ایک سوال کا جواب گوش گزار کرتا ہوں، ذرا توجہ سے سنئے۔۔۔!

سوال:۔۔۔ اُمتِ محمدیہ کے آخری دور میں ۔۔۔۔۔۔۔ دجالِ اکبر کا خروج مقدّر ومقرّر تھا۔‘‘ (ص:۵ سطرپہلی ودُوسری) اگر یہ دجالِ اکبر تھا تو لازماً کوئی ایک یا بہت سارے دجالِ اصغر بھی ہوں گے، ان کے بارے میں ذرا وضاحت فرمائی جائے، کب اور کہاں ظاہر ہوں گے؟ شناخت کیا ہوگی؟ اور ان کے ذمہ کیا کام ہوں گے؟ اور ان کی شناخت کے بغیر کسی دُوسرے کو یک دم ’’دجالِ اکبر‘‘ کیسے تسلیم کرلیا جائے گا؟

جواب:۔۔۔ جی ہاں! ’’دجالِ اکبر‘‘ سے پہلے چھوٹے چھوٹے دجال کئی ہوئے، اور ہوں گے۔ مسیلمہ کذّاب سے لے کر غلام احمد قادیانی تک جن لوگوں نے دجل وفریب سے نبوّت یا خدائی کے جھوٹے دعوے کئے، ان سب کو آنحضرت صلی اللّٰہ علیہ وسلم نے ’’دجَّالون کذَّابون‘‘ (۱) فرمایا ہے، ان کی علامت، یہی دجل وفریب، غلط تأویلیں کرنا، چودہ سو سال کے قطعی عقائد کا اِنکار کرنا، اِرشاداتِ نبویہ کا مذاق اُڑانا، سلف صالحین کی تحقیر کرنا اور غلام احمد قادیانی کی طرح صاف اور سفید جھوٹ بولنا، مثلاً:

⭐ :۔۔۔ ’’انا انزلناہ قریبًا من القادیان۔‘‘

(تذکرہ مجموعہ اِلہامات ص:۷۶ طبع دوم)

⭐ :۔۔۔ قرآن میں قادیان کا ذِکر ہے۔

(اِزالہ اوہام ص:۴، خزائن ج:۳ ص:۱۴۰)

⭐ :۔۔۔ وہ (مسیحِ موعود) چودہویں صدی کے سر پر آئے گا، اور پنجاب میں آئے گا، وغیرہ وغیرہ۔

(اربعین نمبر۲ ص:۲۹، خزائن ج:۱۷ ص:۳۷۱)

(آپ کے مسائل اور اُن کا حل ج:۱ ص:۲۱۷، ۲۱۸)

ظہورِ مہدی کے بعد دجال کا خروج اور اس کے فتنہ فساد کی تفصیل

سوال:۔۔۔ ’’جنگ‘‘ اخبار میں آپ نے حضرت عیسیٰ علیہ السلام کی آمدِ ثانی کے بارے میں حدیث کے حوالے سے ’’ان کا حلیہ اور وہ آکر کیا کریں گے؟‘‘ لکھا تھا، اب مندرجہ ذیل سوالات کے جوابات بھی لکھ دیں تو مہربانی ہوگی۔

۱:۔۔۔ خرِ دجال کا حلیہ حدیث کے حوالے سے (کیونکہ ہم نے لوگوں سے سنا ہے کہ وہ بہت تیز چلے گا، اس کی آواز کرخت ہوگی، وغیرہ وغیرہ)۔

۲:۔۔۔ کانا دَجال جو اس پر سواری کرے گا، اس کا حلیہ۔

جواب:۔۔۔ دجال کے گدھے کا حلیہ زیادہ تفصیل سے نہیں ملتا۔ مسندِ احمد اور مستدرک حاکم کی حدیث میں صرف اتنا

(۱)عن ابی ھریرۃ عن النبی صلی اﷲ علیہ وسلم قال: لا تقوم الساعۃ حتّٰی یبعث دجَّالون کذَّابون قریبًا من ثلاثین، کلّھم یزعم انہ رسول۔ (مسلم ج:۲ ص:۳۹۷، طبع قدیمی کراچی)۔

ذِکر ہے کہ اس کے دونوں کانوں کے درمیان کا فاصلہ چالیس ہاتھ ہوگا،(۱) اور مشکوٰۃ شریف میں بیہقی کی روایت سے نقل کیا ہے کہ اس کا رنگ سفید ہوگا۔(۲)

دجال کے بارے میں بہت سی احادیث وارِد ہوئی ہیں، جن میں اس کے حلیہ، اس کے دعویٰ اور اس کے فتنہ وفساد پھیلانے کی تفصیل ذِکر فرمائی گئی ہے۔ چند اَحادیث کا خلاصہ درج ذیل ہے:

۱:۔۔۔ رنگ سرخ، جسم بھاری بھرکم، سر کے بال نہایت خمیدہ اُلجھے ہوئے، ایک آنکھ بالکل سپاٹ، دُوسری عیب دار،(۳) پیشانی پر ’’ک۔ف۔ر‘‘ یعنی ’’کافر‘‘ کا لفظ لکھا ہوگا، جسے ہر خوادہ وناخواندہ مؤمن پڑھ سکے گا۔(۴)

۲:۔۔۔ پہلے نبوّت کا دعویٰ کرے گا، اور پھر ترقی کرکے خدائی کا مدعی ہوگا۔(۵)

۳:۔۔۔ اس کا اِبتدائی خروج اصفہان خراسان سے ہوگا، اور عراق وشام کے درمیان راستے میں اعلانیہ دعوت دے گا۔(۶)

(۱)عن جابر بن عبدﷲ عن النبی صلی ﷲ علیہ وسلم قال ۔۔۔۔۔۔۔۔۔۔ ولہ حمار یرکبہ عرض ما بین اذنیہ اربعون ذراعًا۔ (مستدرک حاکم مع التلخیص ج:۴ ص:۵۳۰، کتاب الفتن، مسند احمد ج:۳ ص:۳۶۷)۔

(۲)عن ابی ھریرۃ عن النبی صلی ﷲ علیہ وسلم قال: یخرج الدَّجَّال علٰی حمار أقمر ۔۔۔إلخ۔ رواہ البیھقی۔ (مشکوٰۃ ص:۴۷۷، باب العلامات بین الساعۃ وذکر الدَّجَّال، طبع قدیمی کتب خانہ)۔

(۳)عن النواس بن سمعان رضی ﷲ عنہ قال: ذکر رسول ﷲ صلی ﷲ علیہ وسلم الدَّجَّال ذات غداۃ ۔۔۔۔۔۔۔ انہ شاب قطط ۔۔۔۔۔ عینہ طافئۃ ۔۔۔۔۔ قلنا: یا رسول ﷲ! وما لبثہ فی الأرض؟ قال: اربعون یومًا ۔۔۔۔۔۔۔۔۔۔ قلنا: یا رسول ﷲ! وما إسراعہ فی الأرض؟ قال: کالغیث استدبرتہ الریح ۔۔۔۔۔۔۔۔۔ فبینما ھو کذالک إذ بعث ﷲ المسیح ابن مریم، فینزل عند المنارۃ البیضاء شرقیّ دمشق، بین مھروذتین ۔۔۔۔۔۔۔۔۔ فیطلبہ حتّٰی یدرکہ باب لُدّ فیقتلہ۔ (التصریح بما تواتر فی نزول المسیح ص:۱۰۲ تا ۱۱۸)۔

ایضًا: عن عبدﷲ بن عمر ان رسول ﷲ صلی ﷲ علیہ وسلم قال: بینا انا نائم اطوف بالکعبۃ فإذا رجل آدم سبط الشعر ینطف -او یھراق- رأسہ ماء، قلت: من ھٰذا؟ قالوا: ابن مریم! ثم ذھبت التفت فإذا رجل جسیم احمر جعد الرأس اعور العین کأن عینہ عنبۃ طافیۃ، قالوا: ھٰذا الدَّجَّال ۔۔۔إلخ۔ (فتح الباری ج:۱۳ ص:۹۰)۔

(۴)عن ابی امامۃ الباھلی قال ۔۔۔۔۔۔۔۔۔ حدثناہ عن الدَّجَّال ۔۔۔۔۔۔۔۔۔ وانہ یخرج من خلۃ بین الشام والعراق ۔۔۔۔۔۔۔۔۔ فیقول: انا نبی، ولا نبی بعدی، ثم یثنی فیقول: انا ربّکم! ولَا ترون ربَّکم حتّٰی تموتوا، وانہ أعور، وان ربّکم لیس بأعور، وانہ مکتوب بین عینیہ کافر یقرأہ کل مؤْمن کاتب أو غیر کاتب ۔۔۔۔۔۔۔۔ وانہ لا یبقی بشیء من الأرض إلَّا وطئہ وظھر علیہ إلَّا مکۃ والمدینۃ لَا یأتیھما من نقب من نقابھما إلَّا لقیتہ الملائکۃ بالسّیوف صلتۃ حتّٰی ینزل عند الظریب الأحمر عند منقطع السبخۃ فترجف المدینۃ بأھلھا ثلاث رجفات فلا یبقیٰ منافق ولا منافقۃ إلَّا خرج إلیہ فتنفی الخبث منھا کما تنفی الکیر خبث الحدید ۔۔۔۔۔۔۔۔ وجلھم ببیت المقدس وإمامھم رجل صالح فبینما إمامھم قد تقدم یصلّی بھم الصبح إذ نزل علیھم عیسَی بن مریم الصبح فرجع ذالک الإمام ینکص بمشی القھقریٰ لیقدم عیسٰی یصلی فیضع یدہ بین کتفیہ ثم یقول لہ: تقدم فصل فإنھا لک اقیمت، فیصلی بھم فإذا انصرف قال عیسٰی علیہ السلام: افتحوا الباب، فیفتح وورائہ الدَّجَّال معہ سبعون الف یھودی کلھم ذو سیف محلی وساج فإذا نظر إلیہ الدَّجَّال ذاب کما یذوب الملح فی الماء وینطلق ھاربًا، ویقول عیسٰی علیہ السلام: ان لی فیک ضربۃ لن تسبقنی بھا! فیدرکہ عند باب اللُّد الشرقی فیقتلہ فیھزم ﷲ الیھود فلا یبقٰی شیء مما خلق ﷲ یتواری بہ یہودی إلَّا انطق ﷲ ذالک الشیء لا حجر ولا شجر ولا حائط ولا دابۃ إلَّا الغرقد فإنھا من شجرھم لا تنطق إلَّا قال: یا عبدﷲ المسلم! ھٰذا یہودی فتعال فاقتلہ ۔۔۔إلخ۔ (سنن ابن ماجۃ ص:۲۹۷، ۲۹۸، باب فتنۃ الدَّجَّال وخروج عیسَی بن مریم وخروجہ یأجوج ومأجوج)۔

(۵) ایضًا۔

(۶) ایضًا۔

۴:۔۔۔ گدھے پر سوار ہوگا، ستر ہزار یہودی اس کی فوج میں ہوں گے۔(۱)

۵:۔۔۔ آندھی کی طرح چلے گا اور مکہ مکرمہ، مدینہ طیبہ اور بیت المقدس کے علاوہ ساری زمین میں گھومے پھرے گا۔(۲)

۶:۔۔۔ مدینہ میں جانے کی غرض سے اُحد پہاڑ کے پیچھے ڈیرہ ڈالے گا، مگر خدا کے فرشتے اسے مدینہ میں داخل نہیں ہونے دیں گے۔ وہاں سے ملکِ شام کا رُخ کرے گا اور وہاں جاکر ہلاک ہوگا۔(۳)

۷:۔۔۔ اس دوران مدینہ طیبہ میں تین زلزلے آئیں گے اور مدینہ طیبہ میں جتنے منافق ہوں گے، وہ گھبراکر باہر نکلیں گے اور دجال سے جاملیں گے۔(۴)

۸:۔۔۔ جب بیت المقدس کے قریب پہنچے گا تو اہلِ اسلام اس کے مقابلے میں نکلیں گے اور دجال کی فوج ان کا محاصرہ کرلے گی۔(۵)

۹:۔۔۔ مسلمان بیت المقدس میں محصور ہوجائیں گے، اور اس محاصرے میں ان کو سخت اِبتلا پیش آئے گا۔(۶)

۱۰:۔۔۔ ایک دن صبح کے وقت آواز آئے گی: ’’تمہارے پاس مدد آپہنچی!‘‘ مسلمان یہ آواز سن کر کہیں گے کہ: ’’مدد کہاں سے آسکتی ہے؟ یہ کسی پیٹ بھرے کی آواز ہے!‘‘(۷)

۱۱:۔۔۔ عین اس وقت جبکہ نمازِ فجر کی اِقامت ہوچکی ہوگی، حضرت عیسیٰ علیہ السلام بیت المقدس کے شرقی منارے کے پاس نزول فرمائیں گے۔(۸)

(۱) عن ابی ھریرۃ عن النبی صلی ﷲ علیہ وسلم قال: یخرج الدَّجَّال علٰی حمار أقمر ما بین اُذنیہ سبعون ذراعًا۔ رواہ البیھقی۔ (مشکوٰۃ ص:۴۷۷)۔

وعن انس عن رسول ﷲ صلی ﷲ علیہ وسلم قال: یتبع الدَّجَّال من یھود اصفھان سبعون الفًا علیھم الطیالسۃ۔ رواہ مسلم۔ (مشکوٰۃ ص:۴۷۵، باب العلامات بین یدی الساعۃ وذکر الدَّجَّال)۔

(۲) گزشتہ صفحے کا حاشیہ نمبر۳، اور۴ ملاحظہ کیجئے، نیز موجودہ صفحے کا حاشیہ نمبر۳، ۶ ملاحظہ ہو۔

(۳) یجیء الدَّجَّال فیصعد اُحُدًا فیطلع فینظر إلی المدینۃ فیقول لأصحابہ: الا ترون إلٰی ھٰذا القصر الأبیض؟ ھٰذا مسجد أحمد، ثم یأتی المدینۃ فیجد بکل نقب من نقابھا ملکًا مصلتًا سیفہ، فیأتی سبخۃ الجرف فیضرب رواخہ، ثم ترجف المدینۃ ثلاث رجفات، فلا یبقی منافق ولا منافقۃ ولا فاسق ولا فاسقۃ إلَّا خرج إلیہ، فتخلص المدینۃ ۔۔۔۔۔۔۔۔۔۔ ثم یأتی ایلیا فیحاصر عصابۃ من المسلمین ۔۔۔إلخ۔ (فتح الباری ج:۱۳ ص:۹۴، طبع لاھور)۔

(۴) ایضاً۔

(۵) ایضاً حاشیہ نمبر۳ ملاحظہ ہو۔

(۶)ووقع فی حدیث سمرۃ المشار إلیہ قبل: یظھر علی الأرض کلھا إلَّا الحرمین وبیت المقدس فیحصر المؤْمنین فیہ ثم یھلکہ ﷲ ۔۔۔إلخ۔ (فتح الباری ج:۱۳ ص:۱۰۵، طبع لاہور)۔

(۷)عن عثمان بن ابی العاص ۔۔۔۔۔۔۔۔ فبینما ھم کذالک إذ نادیٰ مناد من السحر یا ایھا الناس! أتاکم الغوث، ثلاثًا، فیقول بعضھم لبعض إن ھٰذا لصوت رجل شبعان، وینزل عیسَی بن مریم علیہ السلام عند صلاۃ الفجر ۔۔۔إلخ۔ (التصریح بما تواتر فی نزول المسیح ص:۱۶۴، طبع مکتبہ دارالعلوم کراچی)۔

(۸) ایضاً، نیز گزشتہ صفحے کا حاشیہ نمبر۳،۴ ملاحظہ فرمائیں۔

۱۲:۔۔۔ ان کی تشریف آوری پر اِمام مہدیؓ (جو مصلیٰ پر جاچکے ہوں گے) پیچھے ہٹ جائیں گے اور ان سے اِمامت کی درخواست کریں گے، مگر آپ اِمام مہدیؓ کو حکم فرمائیں گے کہ نماز پڑھائیں، کیونکہ اس نماز کی اِقامت آپ کے لئے ہوئی ہے۔(۱)

۱۳:۔۔۔ نماز سے فارغ ہوکر حضرت عیسیٰ علیہ السلام دروازہ کھولنے کا حکم دیں گے، آپ کے ہاتھ میں اس وقت ایک چھوٹا سا نیزہ ہوگا۔ دجال آپ کو دیکھتے ہی اس طرح پگھلنے لگے گا جس طرح پانی میں نمک پگھل جاتا ہے۔ آپ اس سے فرمائیں گے کہ اللّٰہ تعالیٰ نے میری ایک ضرب تیرے لئے لکھ رکھی ہے، جس سے تو بچ نہیں سکتا۔ دجال بھاگنے لگے گا، مگر آپ ’’بابِ لُدّ‘‘ کے پاس اس کو جالیں گے اور نیزے سے اس کو ہلاک کردیں گے اور اس کا نیزے پر لگا ہوا خون مسلمانوں کو دِکھائیں گے۔(۲)

(آپ کے مسائل اور اُن کا حل ج:۱ ص:۲۸۰، ۲۸۱)

کیا پاکستانی آئین کے مطابق کسی کو مہدی، مصلح یا مجدّد ماننا کفر ہے؟

سوال:۔۔۔ آپ کے اور میرے علم کے مطابق حضرت عیسیٰ علیہ السلام اور حضرت مہدیؓ دُنیا میں تشریف لائیں گے، لیکن پاکستانی آئین کے مطابق، جو بھٹو دور میں بنا تھا، آنحضرت صلی اللّٰہ علیہ وسلم کے بعد کوئی مصلح، کوئی مجدّد یا کوئی نبی نہیں آسکتا، اگر کوئی شخص اس بات پر یقین رکھتا ہے تو وہ غیرمسلم ہے، اس لحاظ سے تو میں اور آپ غیرمسلم ہوئے، کیونکہ آپ نے بعض سوالات کے جوابات میں کہا ہے کہ حضرت عیسیٰ علیہ السلام اور حضرت مہدیؓ تشریف لائیں گے۔ برائے مہربانی اس مسئلے پر روشنی ڈالیں۔

جواب:۔۔۔ جناب نے آئینِ پاکستان کی جس دفعہ کا حوالہ دیا ہے، اس کے سمجھنے میں آپ کو غلط فہمی ہوئی ہے، اور آپ نے اس کو نقل بھی غلط کیا ہے۔ آئین کی دفعہ ۲۶۰(۳) کا پورا متن یہ ہے:

’’جو شخص محمد صلی اللّٰہ علیہ وسلم (جو آخری نبی ہیں) کے خاتم النّبیین ہونے پر قطعی اور غیرمشروط طور پر اِیمان نہیں رکھتا، یا جو شخص محمد صلی اللّٰہ علیہ وسلم کے بعد کسی بھی مفہوم یا کسی بھی قسم کا نبی ہونے کا دعویٰ کرتا ہے، یا جو شخص کسی ایسے مدعی کو نبی یا دِینی مصلح تسلیم کرتا ہے، وہ آئین یا قانون کی اغراض کے لئے مسلمان نہیں ہے۔‘‘

آئین کی اس دفعہ میں ایک ایسے شخص کو غیرمسلم کہا گیا ہے جو آنحضرت صلی اللّٰہ علیہ وسلم کے بعد نبوّت جاری ہونے کا قائل ہو، یا آپ صلی اللّٰہ علیہ وسلم کے بعد نبوّت کے حصول کا مدعی ہو یا ایسے مدعیٔ نبوّت کو اپنا دِینی پیشوا تسلیم کرتا ہو۔

حضرت مہدیؓ نبی نہیں ہوں گے، نہ وہ نبوّت کا دعویٰ کریں گے، اور نہ کوئی ان کو نبی مانتا ہے، اور حضرت عیسیٰ علیہ السلام بلاشبہ نبی ہیں، مگر ان کو نبوّت آنحضرت صلی اللّٰہ علیہ وسلم کے بعد نہیں ملی بلکہ آپ صلی اللّٰہ علیہ وسلم سے چھ سو سال پہلے مل چکی ہے، مسلمان ان کی تشریف آوری کے بعد ان کی نبوّت پر اِیمان نہیں لائیں گے، بلکہ مسلمانوں کا ان کی نبوّت پر پہلے سے اِیمان ہے،

(۱) صفحہ:۱۵۸ کا حاشیہ نمبر۴ دیکھیں۔

(۲)عن ابی ھریرۃ قال: قال رسول ﷲ صلی ﷲ علیہ وسلم ۔۔۔۔۔۔۔۔ فلو ترکہ لانذاب حتّٰی یھلک ولٰکن یقتلہ ﷲ بیدہ فیریھم دمہ فی حربتہ ۔۔۔إلخ۔ (التصریح بما تواتر فی نزول المسیح ص:۱۳۲، نیز دیکھئے ص:۱۵۸ کا حاشیہ نمبر۴)۔

جس طرح حضرت نوح، حضرت اِبراہیم، حضرت موسیٰ اور دیگر انبیائے کرام کی نبوّت پر اِیمان ہے ۔۔۔علیٰ نبینا وعلیہم الصلوات والتسلیمات۔۔۔ اس لئے آئینِ پاکستان کی اس دفعہ کا اِطلاق نہ تو حضرت مہدیؓ پر ہوتا ہے، کیونکہ وہ مدعیٔ نبوّت نہیں ہوں گے، نہ حضرت عیسیٰ علیہ السلام پر ہوتا ہے، کیونکہ ان کی نبوّت آنحضرت صلی اللّٰہ علیہ وسلم سے پہلے کی ہے، نہ کہ بعد کی۔ اور نہ ان مسلمانوں پر اس کا اِطلاق ہوتا ہے جو ان حضرات کی تشریف آوری کے قائل ہیں۔

اس دفعہ کا اِطلاق ان لوگوں پر ہوتا ہے جنہوں نے آنحضرت صلی اللّٰہ علیہ وسلم کے بعد حاصل ہونے والی نبوّت کا دعویٰ کیا، ’’یا ایھا الناس إنی رسول ﷲ إلیکم جمیعًا‘‘ (تذکرہ ص:۳۵۲) کا نعرہ لگایا، اور لوگوں کو اس نئی نبوّت پر اِیمان لانے کی دعوت دی، نیز اس کا اِطلاق ان لوگوں پر ہوتا ہے جنہوں نے ایسے لوگوں کو اپنا دِینی مصلح اور پیشوا تسلیم کیا اور ان کی جماعت میں داخل ہوئے۔

اُمید ہے یہ مختصر سی وضاحت آپ کی غلط فہمی رفع کرنے کے لئے کافی ہوگی۔۔۔!

(آپ کے مسائل اور اُن کا حل ج:۱ ص:۲۴۴، ۲۴۵)

فرقۂ ذِکریان

سوال:۔۔۔ کیا فرماتے ہیں علمائے دِین ومفتیانِ شرعِ متین اس مسئلے میں کہ ایک گروہ جس کو ’’ذِکری‘‘ کہتے ہیں، یہ فرقۂ باطلہ ذِکریان صراطِ مستقیم سے منحرف ہے، مثلاً: ان ذِکری گروہ کے عقائد میں ایک شخص مسمّیٰ بہ ’’محمدی‘‘ جو اس فرقے کا مقتدا گزرا ہے، یہ لوگ اس کو اپنا پیغمبر ورسول تسلیم کرتے ہیں، اور اسی کے نام کا کلمہ پڑھتے ہیں، اور ضروریاتِ دِین مثلاً: نمازِ پنج گانہ، روزہ ماہِ رمضان وحج بیت اللّٰہ سے کلی طور پر منکر ہیں، لہٰذا کیا یہ لوگ مسلمان ہیں یا نہیں؟ اور ان کے ساتھ نکاح جائز ہے یا نہیں؟ اور ایسے لوگوں کا ذبیحہ حلال ہے یا حرام؟ برائے کرم اس پر پوری روشنی ڈالتے ہوئے بحوالہ معتبرہ کتب صحیح جواب سے مستفید فرمائیں، تاکہ ہم غریب مسلمان اپنے دِین واِیمان کا پورا تحفظ کرسکیں۔بینوا توجروا!

عبدالفتاح ولد عبدالخالق القادری

ختلانی منزل، ملیرسٹی کراچی، پاکستان

۱۸؍شوال ۱۳۷۹ھ

جواب:۔۔۔ حامدًا ومصلیًا! حضرت محمد مصطفی صلی اللّٰہ علیہ وسلم خاتم النّبیین ہیں، جو شخص آپ صلی اللّٰہ علیہ وسلم کو خاتم النّبیین نہ مانے، بلکہ آپ صلی اللّٰہ علیہ وسلم کے بعد کسی اور کی نبوّت پر اِیمان لائے، وہ شخص کافر ہے، اس کے ساتھ مسلمانوں کو تعلقِ نکاح وغیرہ جائز نہیں۔ نماز، روزہ، حج، اَرکانِ دینِ اسلام ہیں، نصوصِ قطعیہ سے ان کی فرضیت ثابت ہے، جو شخص ان کی فرضیت کا اِنکار کرے وہ بھی کافر ہے، دائرۂ اسلام سے خارج ہے۔

قال ﷲ تعالٰی:

’’مَّا کَانَ مُحَمَّدٌ أَبَا أَحَدٍ مِّن رِّجَالِکُمْ وَلَکِن رَّسُولَ اللہِ وَخَاتَمَ النَّبِیِّیْنَ‘‘

(الاحزاب:۴۰)

وقال ﷲ تعالٰی:

’’وَاَقِیمُوا الصَّلٰوۃَ‘‘

(البقرۃ:۴۳)

وقال ﷲ تعالٰی:

’’یَا أَیُّہَا الَّذِیْنَ آمَنُواْ کُتِبَ عَلَیْکُمُ الصِّیَامُ ‘‘

(البقرۃ:۱۸۳)

وقال ﷲ تعالٰی:

’’وَلِلّٰہِ عَلَی النَّاسِ حِجُّ الْبَیْتِ ‘‘

(آل عمران:۹۷)

مسلمانوں کو ایسے عقیدوں سے اور ایسے عقیدے والوں سے اِنتہائی پرہیز کرنا چاہئے اور بالکل علیحدہ رہنا چاہئے۔ اللّٰہ پاک سب کو صراطِ مستقیم کی ہدایت دے۔

فقط واللّٰہ سبحانہ تعالیٰ اعلم!

حررہ العبد محمود غفر لہٗ گنگوہی

۲۶؍شوال ۱۳۷۰ھ

معین مفتی مدرسہ مظاہر علوم سہارنپور

(فتاویٰ محمودیہ ج:۱ ص:۱۱۴،۱۱۵)

مرزا غلام احمد قادیانی کا دعویٔ مہدویت ونبوّت جھوٹا ہے

سوال:۔۔۔ قادیانیوں کے بارے میں ذہنی پریشانی ہے کہ ان سے کیسے تعلقات رکھنے چاہئیں؟ ایک طرف پمفلٹ چھپائے جاتے ہیں کہ ’’شیزان‘‘ قادیانیوں کی ملکیت ہے، لہٰذا اس کا بائیکاٹ ضروری ہے۔ دُوسری طرف ایک اخبار میں خبر چھپی کہ غیرمسلم سے اچھا برتاؤ کرنا چاہئے، جیسے حضور صلی اللّٰہ علیہ وسلم کی سیرت سے ثابت ہے۔ یہاں تک کہ آپ صلی اللّٰہ علیہ وسلم نے اپنے دُشمنوں اور گستاخوں کو بھی معاف کردیا۔ مسئلہ یہ ہے کہ ہماری کچھ سہیلیاں قادیانی ہیں، ہم ان سے کیسے تعلقات رکھیں؟ وہ کہتی ہیں ہم آخری نبی محمد صلی اللّٰہ علیہ وسلم کو مانتی ہیں، مرزا غلام احمد کو صرف اِمام مہدی تسلیم کرتی ہیں۔ ہمیں ان کے عقائد کی تفصیل بیان فرمائیں تاکہ ہمیں رہنمائی مل سکے۔ مزید یہ کہ قطب کی طرف پاؤں کرنا کیسا ہے؟ چند دینی نصیحتیں بھی فرمائیں۔

فاطمہ عنبرین، نسرین کلاسوالہ

جواب:۔۔۔ محترمہ فاطمہ عنبرین صاحبہ ومحترمہ نسرین صاحبہ السلام علیکم ورحمۃ اللّٰہ وبرکاتہ!

قادیانی یعنی مرزا غلام احمد قادیانی کے پیروکار، خواہ اس کو مہدی مانیں، خواہ نبی، خواہ مصلح ومجدد، سب کفار ومرتدین ہیں۔(۱) اس لئے کہ اس شخص نے اپنے نبی ہونے کا جھوٹا دعویٰ کیا ہے اور قرآن وسنت اور تمام اُمت کا اس پر قطعی فیصلہ ہے کہ جو شخص رسول اللّٰہ صلی اللّٰہ علیہ وسلم کے بعد اِجرائے نبوّت کا قائل ہو قطعاً کافر ومرتد اور واجب القتل ہے، اسے مسلمان ماننا بھی کفر ہے، چہ جائیکہ

(۱)قال الموفق فی المغنی: ومن ادعی النبوۃ أو صدق من ادعاھا فقد ارتد لأن مسیلمۃ لما ادعی النبوۃ فصدتہ قومہ صاروا بذالک مرتدین۔ (إعلاء السُّنن ج:۱۲ ص:۶۳۶، طبع إدارۃ القرآن)۔

مجدّد، یا اِمام مہدی ماننا، لہٰذا مرزائیوں سے کسی قسم کے تعلقات رکھنا حرام، حرام، قطعی حرام ہیں۔ اخبار میں جو کچھ لکھا ہے، غلط لکھا ہے۔ رسول اللّٰہ صلی اللّٰہ علیہ وسلم کی ظاہری زندگی وموجودگی میں جو شخص آپ صلی اللّٰہ علیہ وسلم کی گستاخی کرے، آپ صلی اللّٰہ علیہ وسلم اسے معاف کرسکتے تھے، لیکن آپ صلی اللّٰہ علیہ وسلم کی وفات کے بعد کسی گستاخِ رسول کو معاف کرنا، اُمت کے لئے جائز نہیں، بلکہ اُمت پر واجب ہے کہ اسے قتل کردے۔ اپنا حق حضور صلی اللّٰہ علیہ وسلم خود معاف کرسکتے تھے، کسی اور کی یہ حیثیت ہی نہیں کہ گستاخ ومرتد کو معاف کرتا پھرے۔ کفار جو اِسلامی حکومت میں ذِمی بن کر رہیں، ہم ان کی جان ومال، عزّت ومعابد کی حفاظت کریں گے، مگر وہ بھی اگر گستاخیٔ رسول کا اِرتکاب کریں تو واجب القتل ہیں۔ لہٰذا آپ قادیانیوں سے میل ملاپ کرنا چھوڑ دیں، یہ حرام ہے۔

ہاں! مرزائیوں کا یہ کہنا کہ ہم رسول اللّٰہ صلی اللّٰہ علیہ وسلم کو خاتم النّبیین مانتے ہیں، جھوٹ بولتے ہیں، وہ حضور صلی اللّٰہ علیہ وسلم کو آخری رسول مانتے تو مسلمانوں سے الگ تھلگ کیوں ہوتے؟ مرزے کو بھی نبی ماننا اور حضور صلی اللّٰہ علیہ وسلم کو بھی آخری رسول ماننا، دِین سے مذاق ہے۔ ایسے ہی ہے جیسے کوئی کہے کہ ہم اللّٰہ کی توحید بھی مانتے ہیں اور بت پرستی بھی کرتے ہیں۔ ان سہیلیوں سے قطع تعلق کرنا فرض ہے۔

احترام قبلہ شریف کا لازم ہے، یعنی بیت اللّٰہ جو مکہ شریف میں ہے، قطب یعنی شمال کی طرف پاؤں کرنا جائز ہے۔

عشقِ رسول کی اللّٰہ تعالیٰ سے دُعا مانگیں، نماز، ذِکر، دُرود وسلام اور تلاوتِ قرآنِ کریم پابندی سے کرتے رہیں۔ واللّٰہ اعلم!

عبدالقیوم خان

(منہاج الفتاویٰ ج:۱ ص:۳۵۴،۳۵۵)

✨ 🌟 ✨

بابِ ہشتم

مسیحِ موعود کی پہچان

سوال:۔۔۔ اس رسالہ (مسیحِ موعود کی پہچان ۔۔۔از حضرت مفتی محمد شفیع دیوبندیؒ) کے مطالعے سے اِبتدا ہی میں یہ سوال پیدا ہوتا ہے کہ بن باپ کی پیدائش سے لے کر واقعہ صلیب کے انجام تک جس قدر بھی علامات یا دُوسری متعلقہ ظاہری نشانیاں اور باتیں بیان کی گئی ہیں، وہ اس وجود کے متعلق ہیں جسے مسیح، عیسیٰ بن مریم اور مسیح ناصری کے نام سے جانا اور پہچانا جاتا ہے، اور اَب بھی جبکہ رسالہ مذکورہ کے مصنف کے خیال کے مطابق مسیحِ موعود یا مہدی موعود وغیرہ کا نزول نہیں ہوا (بلکہ انتظار ہی ہے) تب بھی پوری دُنیا اس مسیح کے نام اور کام اور واقعات سے بخوبی واقف ہے۔ یہ نشانیاں تو اس قوم نے آج کے لوگوں سے زیادہ دیکھی تھیں (محض سنی اور پڑھی ہی نہیں تھیں) جن کی طرف وہ نازل ہوا تھا، تب بھی اس قوم نے جو سلوک اس کے ساتھ کیا، کیا وہ دُنیا سے چھپا ہوا ہے؟ اس وقت بھی اس قوم نے اسے اللّٰہ تعالیٰ کا نبی ماننے سے اِنکار کردیا تھا، اب اگر وہ (یا کوئی) آکر کہنے لگے کہ میں وہی ہوں جو بِن باپ کے پیدا ہوا تھا، میری ماں مریم تھی اور میں پنگوڑے میں باتیں کیا کرتا تھا اور مُردے زندہ کیا کرتا تھا، چڑیاں بناکر ان میں رُوح پھونکا کرتا تھا، اندھوں کو بینائی بخشتا تھا اور جذام کے مریض تندرست کردیا کرتا تھا وغیرہ وغیرہ، تو اَب بھی موجودہ تمام اقوام کو کیونکر یقین آسکے گا کہ واقعی پہلے بھی یہ ایسا کرتا رہا ہوگا اور یہ یقینا وہی شخص ہے اور جب پہلی بار نازل ہوا تو محض بنی اسرائیل کی ہدایت کے لئے آیا تھا، اور جب مقامی لوگوں نے دِل وجان سے قبول نہ کیا تو گمشدہ بھیڑوں کی تلاش میں اتنے سفر اِختیار کئے کہ ’’مسیح‘‘ کے لقب سے پکارا جانے لگا، لیکن اب جبکہ وہ دُوسری بار نازل ہوگا تو ایک سراپا قیامت بن کر آئے گا جیسا کہ رسالہ ھٰذا سے ظاہر ہے۔ مثلاً: ملاحظہ فرمائیں:

’’جس کسی کافر پر آپ کے سانس کی ہوا پہنچ جائے گی وہ مرجائے گا۔‘‘

(ص:۱۸ علامت:۶۴)

’’سانس کی ہوا اتنی دُور تک پہنچے گی جہاں تک آپ کی نظر جائے گی۔‘‘

(ص:۱۸ علامت:۶۵)

جواب:۔۔۔ اس سوال کا جواب کئی طرح دیا جاسکتا ہے:

۱:۔۔۔ مرزاقادیانی پر مسیحِ موعود کی ایک علامت بھی صادق نہیں آئی، مگر قادیانیوں کو دعویٰ ہے کہ انہوں نے مسیحِ موعود کو پہچان لیا، تو حضرت عیسیٰ علیہ السلام جن پر قرآن وحدیث کی دوصد علامات صادق آئیں گی، ان کی پہچان اہلِ حق کو کیوں نہ ہوسکے گی۔۔۔؟

۲:۔۔۔ یہود نے پہچاننے کے باوجود نہیں مانا تھا، اور یہود اور ان کے بھائی (مرزائی) آئندہ بھی نہیں مانیں گے، نہ ماننے

کے لئے آمادہ ہیں۔ اہلِ حق نے اس وقت بھی ان کو پہچان اور مان لیا تھا، اور آئندہ بھی ان کو پہچاننے اور ماننے میں کوئی دِقت پیش نہیں آئے گی۔۔۔!

۳:۔۔۔ سیّدنا عیسیٰ علیہ السلام کے نزول کا جو خاکہ اِرشاداتِ نبویہ میں بیان کیا گیا ہے، اگر وہ معترض کے پیشِ نظر ہوتا تو اسے یہ سوال کرنے کی جرأت نہ ہوتی۔ فرمایا گیا ہے کہ مسلمان دجال کی فوج کے محاصرے میں ہوں گے، نمازِ فجر کے وقت یکا یک عیسیٰ علیہ السلام کا نزل ہوگا،(۱) اس وقت آپ کا پورا حلیہ اور نقشہ بھی آپ صلی اللّٰہ علیہ وسلم نے بیان فرمادیا ہے۔ ایسے وقت میں جب ٹھیک آنحضرت صلی اللّٰہ علیہ وسلم کے بیان فرمودہ نقشے کے مطابق وہ نازل ہوں گے تو ان کو بالبداہت اسی طرح پہچان لیا جائے گا جس طرح اپنا جانا پہچانا آدمی سفر سے واپس آئے تو اس کے پہچاننے میں دِقت نہیں ہوتی۔ یہی وجہ ہے کہ کسی حدیث میں یہ نہیں آتا کہ وہ نازل ہونے کے بعد اپنی مسیحیت کے اِشتہار چھپوائیں گے، یا لوگوں سے اس موضوع پر مباحثے اور مباہلے کرتے پھریں گے۔

(آپ کے مسائل اور اُن کا حل ج:۱ ص:۲۱۸ تا ۲۲۰)

سوال:۔۔۔ لگے ہاتھوں مولوی صاحب اس رسالے میں یہ بھی بتادیتے تو مسلمانوں پر اِحسان ہوتا کہ ان کی (یعنی مسیحِ موعود کی) سانس مؤمن اور کافر میں کیونکر اِمتیاز کرے گی؟ کیونکہ بقول مولوی صاحب ان کی سانس نے صرف کافروں کو ڈھیر کرنا ہے۔ نظر ہر اِنسان کی بشرطیکہ کسی خاص بیماری کا شکار نہ ہو تو لامحدود اور ناقابلِ پیمائش فاصلوں تک جاسکتی ہے، اور جاتی ہے، تو کیا مسیحِ موعود اپنی نظروں سے ہی اتنی تباہی مچادے گا؟

جواب:۔۔۔ جس طرح مقناطیس لوہے اور سونے میں امتیاز کرتا ہے، اسی طرح اگر حضرت مسیح علیہ السلام کی نظر بھی مؤمن وکافر میں اِمتیاز کرے تو اس میں تعجب ہی کیا ہے۔۔۔؟ اور حضرت مسیح علیہ السلام کی نظر (کافرکش) کا ذِکر مرزاقادیانی نے بھی کیا ہے۔

(آپ کے مسائل اور اُن کا حل ج:۱ ص:۲۲۰)

سوال:۔۔۔ اور اگر یہ سب ممکن ہوگا تو پھر دجال سے لڑنے کے لئے آٹھ سو مرد اور چار سو عورتیں کیوں جمع ہوں گی؟

(ملاحظہ ہو ص:۱۹، علامت نمبر۷۱)

جواب:۔۔۔ دجال کا لشکر پہلے سے جمع ہوگا اور دَمِ عیسوی سے ہلاک ہوگا، جو کافر کسی چیز کی اوٹ میں پناہ لیں گے، وہ مسلمانوں کے ہاتھوں قتل ہوں گے۔(۲)

(آپ کے مسائل اور اُن کا حل ج:۱ ص:۲۲۰)

سوال:۔۔۔ اور یأجوج مأجوج کو ہلاک کرنے کے لئے بددُعا کی ضرورت کیوں پیش آئے گی؟ (ملاحظہ ہو ص:۳۱، علامت نمبر۱۶۲)، کیا مسیحِ موعود کی ہلاکت خیز نظر یأجوج مأجوج کو کافر نہ جان کر چھوڑ دے گی؟ کیونکہ جیسا پہلے بتایا جاچکا ہے کہ کافر تو نہیں بچ

(۱) عن النواس بن سمعان رضی ﷲ عنہ قال: قال رسول ﷲ صلی ﷲ علیہ وسلم ۔۔۔۔۔۔۔۔ فبینما ھو کذالک إذ بعث ﷲ المسیح بن مریم فینزل عند المنارۃ البیضاء الشرقی دمشق بین مھزودتین واضعًا کفیہ علٰی أجنحۃ ملَکین إذ طأطأ رأسہ قطر وإذا رفعہ تحدر مثل جمان کاللؤْلؤْ ۔۔۔إلخ۔ (مشکوٰۃ ص:۴۷۳)۔

(۲) عن جابر عبدﷲ ۔۔۔۔۔۔۔۔ فیحاصرھم فیشتد حصارھم، ویجھدھم جھدًا شدیدًا، ثم ینزل عیسَی بن مریم ۔۔۔۔۔۔۔۔ ان الشجر والحجر ینادی یا روح ﷲ ھٰذا یھودی فلا یترک ممکن کان یتبعہ احدًا إلَّا قتلہ۔ (مسند احمد ج:۲ ص:۳۶۷، ۳۶۸)۔

سکے گا، شاید اسی لئے آخری حربے کے طور پر بددُعا کی جائے گی۔

جواب:۔۔۔ یہ کہیں نہیں فرمایا گیا کہ دَمِ عیسوی کی یہ تأثیر ہمیشہ رہے گی، بوقتِ نزول یہ تأثیر ہوگی اور یأجوج مأجوج کا قصہ بعد کا ہے۔ اس لئے دَمِ عیسوی سے ان کا ہلاک ہونا ضروری نہیں۔

(آپ کے مسائل اور اُن کا حل ج:۱ ص:۲۲۰)

سوال:۔۔۔ سوال یہ پیدا ہوتا ہے کہ اگر کسی طور پر یہ منوا بھی لیا جائے کہ مسیحِ موعود کا نام ’’عیسیٰ بن مریم‘‘ بھی ہوگا، تو بھی یہ کیسے منوایا جائے کہ اس وقت یہ نام صفاتی نہیں ہوگا، بلکہ عیسیٰ بن مریم ہونے کی وجہ سے یقینی طور پر یہ وجود ہی وہی ہوگا جو کبھی مریم علیہا السلام کے گھر بغیر باپ کے پیدا ہوا تھا ۔۔۔۔۔۔۔ وغیرہ وغیرہ، بلکہ مولوی صاحب اپنے رسالے میں خود ہی تسلیم کرتے ہیں کہ کبھی کبھی معروف نام اِستعمال تو ہوجاتا ہے لیکن ذات وہ مراد نہیں ہوتی جس کی وجہ سے وہ نام مشہور ہوا ہو، مثلاً: ملاحظہ فرمائیں ص:۱۱ علامت نمبر۱۰، جہاں مولوی صاحب مسیحِ موعود کے خاندان کی تفصیل بیان کرتے ہوئے فرماتے ہیں کہ: ’’آپ کے ماموں ہارون ہیں‘‘ (یا اُخت ہارون) لیکن مولوی صاحب فوراً چونک اُٹھتے ہیں اور ’’ہارون‘‘ پر حاشیہ جماتے ہیں: (ملاحظہ ہو حاشیہ زیر ص:۱۱) ’’ہارون سے اس جگہ ہارون نبی علیہ السلام مراد نہیں، کیونکہ وہ تو مریم سے بہت پہلے گزرچکے تھے، بلکہ ان کے نام پر حضرت مریم کے بھائی کا نام ہارون رکھا گیا تھا۔۔۔۔۔۔۔۔‘‘ تو جیسے یہاں مولوی صاحب کو ’’ہارون‘‘ کی فوراً تأویل کرنا پڑی تاکہ اُلجھن دُور ہو تو کیوں نہ جب مسیحِ موعود کو عیسیٰ بن مریم بھی کہا جائے تو اسے بھی صفاتی نام سمجھ کر تأویل کرلی جائے اور جسمانی طور پر پہلے والا عیسیٰ بن مریم مراد نہ لیا جائے، کیونکہ ابھی ابھی بتایا جاچکا ہے کہ مولوی صاحب کے اپنے حوالے کے مطابق بھی مسیح بن مریم کے اُٹھائے جانے کے بعد اس کا واپس آنا ممکن نہیں، کیونکہ کوئی آیت منسوخ نہیں ہوگی اور ’’وَرَافِعُكَ اِلَیَّ‘‘ والی آیت اُوپر ہی اُٹھائے رکھے گی، لوٹ آنے کی اجازت نہیں دی گے۔

جواب:۔۔۔ عیسیٰ بن مریم ذاتی نام ہے، اس کو دُنیا کے کسی عقل مند نے کبھی ’’صفاتی نام‘‘ نہیں کہا۔ یہ بات وہی مراقی شخص کہہ سکتا ہے جو باریش وبروت اس بات کا مدعی ہو کہ: ’’وہ عورت بن گیا، خدا نے اس پر قوّتِ رُجولیت کا مظاہرہ کیا‘‘، ’’وہ مریمی صفت میں نشوونما پاتا رہا، پھر وہ یکایک حاملہ ہوگیا، اسے دَردِ زہ ہوا، وضعِ حمل کے آثار نمودار ہوئے، اس نے عیسیٰ کو جنا، اس طرح وہ عیسیٰ بن مریم بن گیا۔‘‘ انبیاء علیہم السلام کے علوم میں اس ’’مراق‘‘ اور ’’ذیابیطس کے اثر‘‘ کی کوئی گنجائش نہیں

ہارون، حضرت مریم علیہ السلام کے بھائی کا ذاتی نام تھا، یہ کس احق نے کہا کہ وہ صفاتی نام تھا؟ اور خاندان کے بڑے بزرگ کے نام پر کسی بچے کا نام رکھ دیا جائے تو کیا دُنیا کے عقلاء اس کو ’’صفاتی نام‘‘ کہا کرتے ہیں؟ غالباً سائل کو یہی علم نہیں کہ ذاتی نام کیا ہوتا ہے اور صفاتی نام کس کو کہتے ہیں؟ ورنہ وہ حضرت مریم کے بھائی کے نام کو ’’صفاتی نام‘‘ کہہ کر اپنی ’’فہم وذکاوت‘‘ کا نمونہ پیش نہ کرتا۔ ہارون اگر ’’صفاتی نام‘‘ ہے تو کیا معترض یہ بتاسکے گا کہ ان کا ذاتی نام کیا تھا۔۔۔؟

(آپ کے مسائل اور اُن کا حل ج:۱ ص:۲۲۱، ۲۲۲)

سوال:۔۔۔ مولوی صاحب نے اپنے رسالے ہی میں خود تأویل کا راستہ کھول دیا ہے، اور اس کا سہارا بھی لیا ہے (ملاحظہ ہو ص:۲۰، علامت نمبر۸۰)۔

۱:۔۔۔ ’’آپ صلیب توڑیں گے ۔۔۔۔۔ یعنی صلیب پرستی کو اُٹھادیں گے۔‘‘ یہ الفاظ جو مولوی صاحب نے خود لکھے ہیں، یہ محض تأویل ہے، اس حدیث شریف کی جس میں صرف صلیب کو توڑنے کا ذِکر ہے، صلیب پرستی اُٹھا دینے کی کوئی بات حضرت نبی کریم صلی اللّٰہ علیہ وسلم نے بیان نہیں فرمائی، کیا مولوی صاحب ایسے کوئی حدیث شریف کا حوالہ دے سکتے ہیں؟ (پھر ملاحظہ ہو ص:۲۰، علامت نمبر۸۱)۔

۲:۔۔۔ ’’خنزیر کو قتل کریں گے ۔۔۔۔۔۔۔ یعنی نصرانیت کو مٹائیں گے۔‘‘ یہ الفاظ بھی مولوی صاحب کی اپنی تأویل ہے، کیونکہ حدیثِ مذکور میں صرف خنزیر کو قتل کرنے کا اِرشاد ہوا ہے، باقی مولوی صاحب کے الفاظ وہاں موجود نہیں۔ کیا مولوی صاحب حدیث شریف میں یہ دکھاسکیں گے؟ ہرگز نہیں! کیونکہ یہ حضور صلی اللّٰہ علیہ وسلم کے الفاظ نہیں، بلکہ مولوی صاحب یا دُوسرے علمائے کرام کی بیان فرمودہ تأویل ہے۔ اب یہ حق مولوی صاحب ہی کا کیوں ہے کہ جب چاہیں اور جہاں چاہیں تأویل کرلیں۔‘‘

۳:۔۔۔ ’’وَرَافِعُكَ اِلَیَّ‘‘ کی بھی تأویل ہوسکتی ہے۔

جواب:۔۔۔ تأویل کا راستہ:۔۔۔ تأویل اگر علم ودانش کے مطابق اور قواعدِ شرعیہ کے خلاف نہ ہو تو اس کا مضائقہ نہیں، وہ لائقِ قبول ہے۔ لیکن اہلِ حق کی صحیح تأویل کو دیکھ کر اہلِ باطل اُلٹی سیدھی تأویلیں کرنے لگیں تو وہی بات ہوگی کہ:

’’ہر چہ مردم می کند بوز نہ ہم می کند‘‘

بندر نے آدمی کو دیکھ کر اپنے گلے پر اُسترا پھیر لیا تھا، مثلاً عیسیٰ بن مریم بننے کے لئے پہلے عورت بننا، پھر حاملہ ہونا، پھر بچہ جننا، پھر بچے کا نام عیسیٰ بن مریم رکھ کر خود ہی بچہ بن جانا، کیا یہ تأویل ہے یا مراقی سودا۔۔۔؟

۱:۔۔۔ ’’صلیب کو توڑ دیں گے ۔۔۔۔۔۔۔ یعنی صلیب پرستی کو مٹادیں گے‘‘ بالکل صحیح تأویل ہے۔ مطلب یہ ہے کہ ایک آدھ صلیب کے توڑنے پر اِکتفا نہیں فرمائیں گے، بلکہ دُنیا سے صلیب اور صلیب پرستی کا بالکل صفایا کردیں گے۔

۲:۔۔۔ ’’خنزیر کو قتل کریں گے ۔۔۔۔۔۔۔ یعنی نصرانیت کو مٹادیں گے‘‘ یہ تأویل بھی بالکل صحیح ہے اور عقل وشرع کے عین مطابق، کیونکہ خنزیر خوری آج کل نصاریٰ کا خصوصی شعار ہے، حضرت عیسیٰ علیہ السلام نصرانیت کے اس خصوصی شعار کو مٹائیں گے اور خنزیر کو قتل کریں گے۔ جس طرح آنحضرت صلی اللّٰہ علیہ وسلم نے اہلِ جاہلیت کے کتوں کے ساتھ اِختلاط کو مٹانے کے لئے کتوں کو مارنے کا حکم دیا تھا۔(۱)

۳:۔۔۔ ’’وَرَافِعُكَ اِلَیَّ‘‘ کی تأویل:۔۔۔ یہ تأویل جو قادیانی کرتے ہیں، قرآنِ کریم اور اِرشاداتِ نبوی اور سلف صالحین کے عقیدے کے خلاف ہے، اس لئے مردُود ہے، اور اس پر بندر کے اپنا گلا کاٹنے کی حکایت صادق آتی ہے۔

(آپ کے مسائل اور اُن کا حل ج:۱ ص:۲۲۴، ۲۲۵)

(۱)عن ابن عمر ان رسول ﷲ صلی ﷲ علیہ وسلم أمر بقتل الکلاب۔ (مسلم ج:۲ ص:۲۰)۔

سوال:۔۔۔ اللّٰہ تعالیٰ نے تو حضرت نبی کریم صلی اللّٰہ علیہ وسلم کو بھی قرآن مجید میں یہی حکم دیا تھا کہ ’’بَلِّغْ مَا أُنزِلَ إِلَیْکَ‘‘ (المائدۃ:۶۷) ’’جو تیری طرف اُتارا گیا ہے اس کی تبلیغ کر‘‘ اور ساتھ ہی یہ توجہ بھی دلائی تھی کہ ”لَستَ عَلَیْہِم بِمُصَیْطِرٍ ‘‘ (الغاشیہ:۲۲) ۔ ’’میں نے تجھے ان پر داروغہ نہیں مقرّر کیا، بلکہ کھول کھول کر نشانیاں بیان کرنے والا بناکر بھیجا ہے۔‘‘ اور یہ سب قرآن مجید میں بہ تفصیل موجود ہے۔

مولوی صاحب نے خود ہی فرمایا ہے کہ مسیحِ موعود خود بھی قرآن پر عمل کریں گے اور دُوسروں سے بھی کروائیں گے۔ (ملاحظہ ہو ص:۲۲ علامت نمبر۹۹) تو حضرت نبی کریم صلی اللّٰہ علیہ وسلم نے تو یوں خود عمل کرکے نہیں دِکھایا کہ اپنی نظروں سے لوگوں کو کھاگئے ہوں خواہ وہ کافر ہی کیوں نہ ہوں، یہودیوں کو چن چن کر قتل کردیتے رہے ہوں۔ (ملاحظہ فرمائیں ص:۲۱ علامت نمبر۸۷ اور نمبر۸۸) تو یہ کس قرآن مجید پر مسیحِ موعود کا عمل ہوگا؟ اور کس انداز کا عمل ہوگا؟ کیا ا سے مسیحِ موعود کی شان بلند ہوگی یا اسے دوبارہ نازل کرنے والے رحیم وکریم اللّٰہ تعالیٰ کی؟ (نعوذ باﷲ من ذالک)۔

جواب:۔۔۔ آنحضرت صلی اللّٰہ علیہ وسلم نے قیصر وکسریٰ کے تخت نہیں اُلٹے، خلفائے راشدینؓ نے کیوں اُلٹے؟ آنحضرت صلی اللّٰہ علیہ وسلم نے یہود کو جزیرۂ عرب سے نہیں نکالا تھا، حضرت عمرؓ نے کیوں نکالا؟ آپ صلی اللّٰہ علیہ وسلم نے بنو تغلب سے دوگنا زکوٰۃ وصول نہیں کی، حضرت عمر رضی اللّٰہ عنہ نے کیوں کی؟ اگر یہ ساری چیزیں قرآنِ کریم اور منشائے نبوی کے مطابق ہیں، تو حضرت عیسیٰ علیہ السلام ہی سے کیوں ’’یہودیانہ‘‘ ضد ہے۔۔۔؟ وہ بھی تو جو کچھ کریں گے، فرموداتِ نبویہ کے مطابق ہی کریں گے اور آنحضرت صلی اللّٰہ علیہ وسلم ان اُمور کی تفصیلات بھی بیان فرماچکے ہیں۔

(آپ کے مسائل اور اُن کا حل ج:۱ ص:۲۲۶)

سوال:۔۔۔ آج تک کتنی ہی باتیں مسلمانوں کے مختلف فرقے ابھی تک طے نہیں کرسکے، اور اگر تأویلات نہیں کی جائیں گی تو مولوی صاحب خود ہی اپنی بیان کردہ علامات کی طرف توجہ فرمائیں، سنجیدہ طبقے کے سامنے کیونکر منہ اُٹھاسکیں گے؟

جواب:۔۔۔ بہت سے جھگڑے تو واقعی طے نہیں ہوئے، مگر قادیانیوں کی بدقسمتی دیکھئے کہ جن مسائل پر مسلمانوں کے تمام فرقوں کا چودہ صدیوں سے اِتفاق رہا، یہ ان سے بھی منکر ہوبیٹھے، اور یوں دائرۂ اسلام ہی سے خارج ہوگئے۔ مثلاً: ختمِ نبوّت کا اِنکار، حضرت عیسیٰ علیہ السلام کے معجزات کا اِنکار، ان کی دوبارہ تشریف آوری کا اِنکار، وغیرہ وغیرہ۔

(آپ کے مسائل اور اُن کا حل ج:۱ ص:۲۲۷)

حضرت عیسیٰ علیہ السلام کا ’’رُوح اللّٰہ‘‘ ہونا

سوال:۔۔۔ ایک عیسائی نے یہ سوال کیا کہ حضرت عیسیٰ علیہ السلام ’’رُوح اللّٰہ‘‘ ہیں، اور حضرت محمد صلی اللّٰہ علیہ وسلم ’’رسول اللّٰہ‘‘ ہیں، اس طرح حضرت عیسیٰ ’’رسول اللّٰہ‘‘ کے ساتھ ’’رُوح اللّٰہ‘‘ بھی ہیں، لہٰذا حضرت عیسیٰ علیہ السلام کی شان بڑھ گئی۔

جواب:۔۔۔ یہ سوال محض مغالطہ ہے۔ حضرت عیسیٰ علیہ السلام کو ’’رُوح اللّٰہ‘‘ اس لئے کہا گیا کہ ان کی رُوح بلاواسطہ

باپ کے ان کی والدہ کے شکم میں ڈالی گئی، باپ کے واسطے کے بغیر پیدا ہونا حضرت عیسیٰ علیہ السلام کی فضیلت ضرور ہے، مگر اس سے ان کا رسول اللّٰہ صلی اللّٰہ علیہ وسلم سے افضل ہونا لازم نہیں آتا۔ ورنہ آدم علیہ السلام کا عیسیٰ علیہ السلام سے افضل ہونا لازم آئے گا کہ وہاں ماں اور باپ دونوں کا واسطہ نہیں تھا۔ پس جس طرح حضرت آدم علیہ السلام بغیر واسطہ والدین کے محض حق تعالیٰ شانہ کے کلمہ ’’كُن‘‘ سے پیدا ہوئے، اسی طرح حضرت عیسیٰ علیہ السلام بغیر واسطہ والد کے کلمہ ’’كُن‘‘ سے پیدا ہوئے، اور جس طرح حضرت آدم علیہ السلام کا بغیر ماںباپ کے وجود میں آنا ان کی افضلیت کی دلیل نہیں، اسی طرح عیسیٰ علیہ السلام کا بغیر باپ کے پیدا ہونا ان کی افضلیت کی دلیل نہیں۔

(آپ کے مسائل اور اُن کا حل ج:۱ ص:۲۶۳، ۲۶۴)

حضرت عیسیٰ علیہ السلام کو کس طرح پہچانا جائے گا؟

سوال:۔۔۔ اگر حضرت عیسیٰ علیہ السلام آسمان پر جسم کے ساتھ موجود ہیں تو جب وہ اُتریں گے تو لازم ہے کہ ہر شخص ان کو اُترتے ہوئے دیکھ لے گا، اس طرح تو پھر اِنکار کی کوئی گنجائش ہی نہیں، اور سب لوگ ان پر اِیمان لے آئیں گے۔

جواب:۔۔۔ جی ہاں! یہی ہوگا اور قرآن وحدیثِ نبوی میں یہی خبر دی گئی ہے۔ قرآنِ کریم میں حضرت عیسیٰ علیہ السلام کے تذکرے میں ہے:

’’وَإِن مِّنْ أَہْلِ الْکِتَابِ إِلاَّ لَیُؤْمِنَنَّ بِہِ قَبْلَ مَوْتِہِ وَیَوْمَ الْقِیَامَۃِ یَکُونُ عَلَیْہِمْ شَہِیْداً‘‘ (النساء:۱۵۹)

ترجمہ:۔۔۔ ’’اور نہیں کوئی اہلِ کتاب میں سے، مگر ضرور اِیمان لائے گا اس پر اس کی موت سے پہلے اور قیامت کے دن وہ ہوگا ان پر گواہ۔‘‘

اور حدیث شریف میں ہے:

’’اور میں سب لوگوں سے زیادہ قریب ہوں عیسیٰ بن مریم کے، کیونکہ میرے اور اس کے درمیان کوئی نبی نہیں ہوا۔ پس جب تم اس کو دیکھو تو اس کو پہچان لینا۔ قد میانہ، رنگ سرخ وسفید، بال سیدھے، بوقتِ نزول ان کے سر سے گویا قطرے ٹپک رہے ہوں گے، خواہ ان کو تری نہ بھی پہنچی ہو، ہلکے رنگ کی دو زرد چادریں زیبِ تن ہوں گی۔ پس صلیب کو توڑ ڈالیں گے، خنزیر کو قتل کریں گے، جزیہ کو بند کردیں گے، اور تمام مذاہب کو معطل کردیں گے، یہاں تک کہ اللّٰہ تعالیٰ اسلام کے سوا تمام ملتوں کو ہلاک کردیں گے، اور اللّٰہ تعالیٰ ان کے زمانے میں مسیح دجال کذّاب کو ہلاک کردیں گے، زمین میں امن وامان کا دور دورہ ہوجائے گا، یہاں تک کہ اُونٹ شیروں کے ساتھ، چیتے گائے کے ساتھ، اور بھیڑیے بکریوں کے ساتھ چریں گے، اور بچے سانپوں کے ساتھ کھلیں گے، ایک دُوسرے کو نقصان نہیں پہنچائیں گے، پس

جتنا عرصہ اللّٰہ تعالیٰ کو منظور ہوگا زمین پر رہیں گے، پھر ان کی وفات ہوگی، پس مسلمان ان کی نمازِ جنازہ پڑھیں گے اور انہیں دفن کریں گے۔‘‘(۱)

(مسند احمد ج:۲ ص:۴۳۷، فتح الباری ج:۶ ص:۴۹۳، مطبوعہ لاہور، التصریح بما تواتر فی نزول المسیح ص:۱۶۱)

(آپ کے مسائل اور اُن کا حل ج:۱ ص:۲۴۷، ۲۴۸)

حضرت عیسیٰ علیہ السلام کا مدفن کہاں ہوگا؟

سوال:۔۔۔ میں اس وقت آپ کی توجہ اخبار ’’جنگ‘‘ میں ’’کیا آپ جانتے ہیں‘‘ کے عنوان سے سوال نمبر۲ ’’جس حجرے میں آنحضرت صلی اللّٰہ علیہ وسلم دفن ہیں، وہاں مزید کتنی قبروں کی گنجائش ہے؟ اور وہاں کس کے دفن ہونے کی روایت ہے؟ یعنی وہاں کون دفن ہوں گے؟‘‘ اس کے جواب میںحضرت مہدیؓ لکھا ہوا ہے۔ جبکہ ہم آج تک علماء سے سنتے آئے ہیں کہ حجرے میں حضرت عیسیٰ علیہ السلام دفن ہوں گے۔

جواب:۔۔۔ حجرہ شریفہ میں چوتھی قبر حضرت مہدیؓ کی نہیں بلکہ حضرت عیسیٰ علیہ السلام کی ہوگی۔(۲)

(آپ کے مسائل اور اُن کا حل ج:۱ ص:۲۶۴)

حضرت مریمؓ کے بارے میں عقیدہ

سوال:۔۔۔ مسلمانوں کو حضرت مریمؓ کے بارے میں کیا عقیدہ رکھنا چاہئے؟ اور ہمیں آپؓ کے بارے میں کیا معلومات نصوصِ قطعیہ سے حاصل ہیں؟ کیا حضرت عیسیٰ علیہ السلام کی ولادت کے وقت آپؓ کی شادی ہوئی تھی؟ اگر ہوئی تھی تو کس کے ساتھ؟ کیا حضرت مریمؓ حضرت عیسیٰ علیہ السلام کے ’’رفع الی السماء‘‘ کے بعد زندہ تھیں؟ آپؓ نے کتنی عمر پائی؟ اور کہاں دفن ہیں؟ کیا کسی مسلم عالم نے اس بارے میں کوئی مستند کتاب لکھی ہے؟ میری نظر سے قادیانی جماعت کی ایک ضخیم کتاب گزری ہے، جس میں کئی حوالوں سے یہ کہا گیا ہے کہ حضرت مریمؓ پاکستان کے شہر مری میں دفن ہیں، اور حضرت عیسیٰ علیہ السلام مقبوضہ کشمیر کے شہر سری نگر میں۔

(۱) عن ابی ھریرۃ رضی ﷲ عنہ عن النبی صلی ﷲ علیہ وسلم قال: الأنبیاء إخوۃ لعلَّات، دینھم واحد، واُمَّھاتھم شتّٰی، وانا اولی الناس بعیسَی بن مریم لأنہ لم یکن بینی وبینہ نبی وإنہ نازل فإذا رأیتموہ فاعرفوہ فإنہ رجل مربوع إلی الحمرۃ والبیاض سبط کأنہ رأسہ یقطر وإن لم یصبہ بلل بین ممصرتین فیکسر الصلیب ویقتل الخنزیر ویضع الجزیۃ ویعطل الملل حتّٰی یھلک ﷲ فی زمانہ الملل کلھا غیر الإسلام، ویھلک ﷲ فی زمانہ المسیح الدَّجَّال الکذَّاب وتقع الأمنۃ فی الأرض حتّٰی ترتع الإبل مع الأسد جمیعًا والنُّمور مع البقرۃ والذئاب مع الغنم ویلعب الصبیان والغلمان بالحیات لا یضر بعضھم بعضًا، فیمکث ما شاء ﷲ ان یمکث ثم یتوفی ویصلی علیہ المسلمون ویدفنونہ۔ (التصریح بما تواتر فی نزول المسیح ص:۱۶۱، طبع دارالعلوم کراچی)۔

(۲)عن عبدﷲ بن سلام قال: یدفن عیسَی بن مریم علیہ السلام مع رسول ﷲ صلی ﷲ علیہ وسلم وصاحبیہ رضی ﷲ عنھما فیکون قبرہ رابع۔ (مجمع الزوائد ج:۸ ص:۲۷۰، طبع بیروت، ایضًا: مشکوٰۃ ص:۴۸۰)۔

جواب:۔۔۔ نصوصِ صحیحہ سے جو کچھ معلوم ہے وہ یہ ہے کہ حضرت مریمؓ کی شادی کسی سے نہیں ہوئی۔(۱) حضرت عیسیٰ علیہ السلام کے رفع الی السماء کے وقت زندہ تھیں یا نہیں؟ کتنی عمر ہوئی؟ کہاں وفات پائی؟ اس بارے میں قرآن وحدیث میں کوئی تذکرہ نہیں۔ مؤرّخین نے اس سلسلے میں جو تفصیلات بتائی ہیں، ان کا مأخذ بائبل یا اِسرائیلی روایات ہیں۔ قادیانیوں نے حضرت عیسیٰ علیہ السلام اور ان کی والدہ ماجدہ کے بارے میں جو کچھ لکھا ہے، اس کی تائید قرآن وحدیث تو کجا، کسی تاریخ سے بھی نہیں ہوتی۔ ان کی جھوٹی مسیحیت کی طرح ان کی تاریخ بھی ’’خانہ ساز‘‘ ہے۔

(آپ کے مسائل اور اُن کا حل ج:۱ ص:۲۶۴)

حضرت عیسیٰ علیہ السلام کے متعلق چند شبہات کا اِزالہ

سوال:۔۔۔ جناب مفتی صاحب! ہم صبح وشام سنتے ہیں کہ اسلام یہ کہتا ہے، اسلام وہ کہتا ہے، اور جب حوالہ پوچھا جائے تو کبھی کسی طبری، کسی ابنِ کثیر یا کسی غزالی کا نام بتادیا جاتا ہے، حتیٰ کہ بعض اوقات مولانا رُومؒ، بلھے شاہ تک کے حوالے پیش کئے جاتے ہیں، لیکن ظاہر ہے کہ کسی کی بات کے اِسلامی یا غیراِسلامی ہونے کے لئے کسی اِنسان کے منہ کی بات دلیل نہیں ہوسکتی ہے، خدا اور رسول کے علاوہ کسی کو حوالے کے طور پر پیش کرنا کہاں کا اِنصاف ہے؟ اسلاف کا خیال ومقام جزئِ اِسلام نہیں ٹھہرایا جاسکتا، کیونکہ عہدِ رسالت میں دِین کامل ہوچکا ہے، براہِ کرم درج ذیل سوالات کو قرآن وحدیث کی روشنی میں حل فرماکر عنداللّٰہ مأجور ہوں:

۱:۔۔۔ مریم سلام اللّٰہ علیہا صاحبِ حال ہیں، اچھا تو یہ تھا کہ وہ خود فرماتیں:وُلِدْتُ وَلَمْ اَتَزَوَّج۔

۲:۔۔۔ کیا کبھی عیسیٰ علیہ السلام نے خود اِقرار کیا ہے:ولدتنی اُمّی مریم الصدیقۃ ولم تتزوّج؟

۳:۔۔۔ کیا قرآن مجید میں کہیں اس کا ذِکر ہے کہ:ولدتہ مریم ولم تتزوّج؟

۴:۔۔۔ کیا رسول اللّٰہ صلی اللّٰہ علیہ وسلم نے کبھی یہ فرمایا ہے کہ مریم علیہا السلام نے حضرت عیسیٰ علیہ السلام کو بغیر نکاح جنا ہے؟

۵:۔۔۔ یا کبھی یوں فرمایا ہے کہ حضرت عیسیٰ علیہ السلام کی ولادت میں باپ کا کوئی تعلق نہیں؟

اگر ان سب صورتوں کا جواب نفی میں ہے، اور یقینا نفی میں ہے تو پھر بتایا جائے کہ مسلمانوں میں یہ نظریہ کب سے رائج ہے؟ اور سب سے پہلے کس نے اس کا اِظہار کیا ہے؟ نیز بغیر نکاح کے عمل کی کیا حقیقت ہے؟

کیا ہر نبی علیہ السلام کا حلال نکاح سے پیدا ہونا لازم تھا؟ جیسا کہ طبرانی میں اِرشادِ نبوی ہے کہ میرے سلسلۂ نسب میں کوئی

(۱) قال تعالٰی: وَإِذْ قَالَتِ الْمَلاَئِکَۃُ یَا مَرْیَمُ إِنَّ اللّہَ اصْطَفَاکِ وَطَہَّرَکِ وَاصْطَفَاکِ عَلَی نِسَاء الْعَالَمِیْنَ. ……إِذْ قَالَتِ الْمَلآئِکَۃُ یَا مَرْیَمُ إِنَّ اللّہَ یُبَشِّرُکِ بِکَلِمَۃٍ مِّنْہُ اسْمُہُ الْمَسِیْحُ عِیْسَی ابْنُ مَرْیَمَ……قَالَتْ رَبِّ أَنَّی یَکُونُ لِیْ وَلَدٌ وَلَمْ یَمْسَسْنِیْ بَشَرٌ قَالَ کَذَلِکِ اللّہُ یَخْلُقُ مَا یَشَاءُ ۔۔۔إلخ (آل عمران:۴۲ تا ۴۷)

وقال تعالٰی: قَالَ إِنَّمَا أَنَا رَسُولُ رَبِّکِ لِأَہَبَ لَکِ غُلَاماً زَکِیّاً قَالَتْ أَنَّی یَکُونُ لِیْ غُلَامٌ وَلَمْ یَمْسَسْنِیْ بَشَرٌ وَلَمْ أَکُ بَغِیّاً (مریم)

ایضًا: واصطفٰک علٰی نسآء العٰلمین بأن وھب لک عیسٰی من غیر أب ولم یکن ذالک لأحد من النسآء۔ (تفسیر مدارک ج:۱ ص:۲۵۵ سورۃ آل عمران)۔

ایضًا: قال تعالٰی: واذکر فی الکتٰب مریم، وھی مریم بنت عمران من سلالۃ داوٗد علیہ السلام وکانت من بیت طاھر طیب فی بنی إسرائیل ۔۔۔۔۔۔۔۔۔ ونشأت فی بنی إسرائیل نشأۃ عظیمۃ، فکانت إحدی العابدات الناسکات المشھورات بالعبادۃ العظیمۃ والتبتل والأووب۔ (تفسیر ابن کثیر ج:۴ ص:۲۶۳ طبع رشیدیہ کوئٹہ)۔

بھی بغیر نکاح کے پیدا نہیں ہوا ہے، جس قدر بھی انبیاء نبوّت سے سرفراز ہوئے سب شریف النسب اور نجیب الطرفین تھے۔

اگر عیسیٰ علیہ السلام کا بغیر باپ کے پیدا ہونا اِعتقادیات اور اِیمانیات سے ہے تو پھر اس کا ثبوت اہلِ فن کے نزدیک متواتراتِ صریحہ سے لازم ہے، اور اِستدلالات پر اس کا ثبوت دُرست نہیں۔ ہاں عیسیٰ علیہ السلام کے باپ کا ثبوت میرے ذمہ نہیں، بلکہ نظامِ اِلٰہی میں یہ طے شدہ ہے، جیسا کہ مشاہدہ ہو رہا ہے اور کلامِ اِلٰہی میں بھی اصل ہے، جیسا کہ اِرشادِ ربانی ہے: ’’یَا أَیُّہَا النَّاسُ إِنَّا خَلَقْنَاکُم مِّن ذَکَرٍ وَأُنثَی ‘‘ (الحجرات:۱۳)، ’’وَبَثَّ مِنْہُمَا رِجَالاً کَثِیْراً وَنِسَاء‘‘ (النساء:۱) بچہ میاں بیوی دونوں سے ہوتا ہے، صرف احد الزوجین سے نہیں۔ تفسیر ابن کثیر میں ہے: ’’وکانت النفخۃ التی نفخھا فی درعھا فنزلت حتّٰی ولجت فرجھا بمنزلۃ نکاح الأب الاُم‘‘ (تفسیر ابن کثیر ج:۸ ص:۱۹۴) جبریل علیہ السلام نے حضرت مریم علیہا السلام کے گریبان میں جو پھونک ماری تھی وہ اس طرح ان کی فرج میں داخل ہوئی جس طرح کسی کا باپ حمل ٹھہرانے کے لئے اس کی ماں سے ملاپ کرتا ہے۔

آپ لوگ تو اس عبارتِ محولہ کو مانتے ہیں، جبکہ میں اس سے انکار کرتا ہوں، کیونکہ یہ فعل ملائکہ کا نہیں بلکہ شوہر کا ہے، مجھے ہم جنس شریف انسان کو باضابطہ شرعی نکاح سے باپ ٹھہرانا پسند ہے، جبکہ آپ لوگ اس کو پسند نہیں کرتے۔

حضرت عیسیٰ علیہ السلام کے متعلق لوگوں نے من گھڑت عقیدے بنا رکھے ہیں، کسی نے بلانکاح کے باپ ٹھہرایا، کسی نے غیرجنس فرشتے کو باپ ٹھہرایا، خلاصہ یہ ہے کہ باپ کا کوئی منکر نہیں، ہم جنس اور نکاح کا اِنکار ہے، اور یہ سارے عقیدے شریعت کے خلاف ہیں، میں شریعتِ اسلامیہ کے مطابق ہم جنس مسلمان پاکباز سے نکاح مان کر باپ ٹھہراتا ہوں، چاہے عیسیٰ علیہ السلام ہوں یا کوئی دیگر بنی آدم سے ہو۔ جو کوئی بھی نبوّت سے سرفراز ہوا ہے وہ شریف النسب اور نجیب الطرفین ہے، کسی نبی کا نسب اس کے معاصروں کے نزدیک اندھیرے میں نہیں ہوتا۔

جواب:۔۔۔ حضرت عیسیٰ علیہ السلام کے باپ کے ثبوت کے لئے جتنے مقدمات آپ نے بیان کئے ہیں، وہ تمام باطل اور اِستدلالات غلط اور ناقص ہیں۔ عیسیٰ علیہ السلام کے بِن باپ ہونے کے لئے قرآن مجید کی یہ ایک آیت ہی کافی ہے:’’وَلَمْ یَمْسَسْنِیْ بَشَرٌ وَلَمْ أَکُ بَغِیّاً‘‘ (مریم:۲۰) اس میں حرام وحلال دونوں قسم کے جماع کی نفی ہے، نیز اس آیت کے سیاق وسباق سے خارق العادت طور سے پیدا ہونا بھی ظاہر ہے۔

(فتاویٰ حقانیہ ج:۱ ص:۱۵۵، ۱۵۶)

مسیحِ موعود سے عیسیٰ ابن مریم ہی مراد ہیں

سوال:۔۔۔ کیا فرماتے ہیں علمائے کرام اس مسئلے کے بارے میں کہ قیامت کے قریب نازل ہونے والے مسیحِ موعود سے عیسیٰ ابن مریم مراد ہیں یا کوئی اور عیسیٰ ومسیح؟ کیونکہ آج کل کئی مسیحِ موعود بنے پھرتے ہیں، مخالفین کہتے ہیں کہ احادیث متعلقہ مہدی وعیسیٰ جو سُنّی حضرات بیان کرتے ہیں، وہ سب موضوع اور ضعیف ہیں۔ ایسے عقیدے کی شرعی حیثیت کیا ہے؟

جواب:۔۔۔ اہلِ سنت والجماعت کا یہ متفقہ عقیدہ ہے کہ حضرت عیسیٰ ابن مریم علیہ السلام زندہ آسمانوں پر اُٹھائے گئے ہیں اور قیامت سے قبل آسمانوں سے نزول فرمائیں گے۔ قرآنِ پاک کے کثیر نصوصِ قطعیہ سے یہ عقیدہ ثابت ہے، اس میں ذرّہ بھر

شبہ کی گنجائش نہیں ہے۔ اسی طرح نزولِ عیسیٰ علیہ السلام کے متعلق اس کثرت سے احادیث وارِد ہوئی ہیں کہ جن کو جمع کرکے علمائے کرام نے کئی مستقل کتابیں تصنیف فرمائی ہیں۔

حضرت علامۃالعصر مولانا انور شاہ کشمیریؒ نے اس موضوع پر ’’عقیدۃ الإسلام فی نزول عیسٰی علیہ السلام‘‘ اور ’’التصریح بما تواتر فی نزول المسیح‘‘ مرتبہ حضرت مولانا مفتی محمد شفیع صاحبؒ، ان حضرات نے اور اسی طرح دیگر علمائے محققین نے حیاتِ مسیح اور نزولِ عیسیٰ علیہ السلام کو محققانہ انداز میں بیان فرمایا ہے کہ تمام روایات معنی ’’تواتر‘‘ کی حد تک پہنچی ہوئی ہیں۔ رہا یہ کہ مسیحِ موعود سے مراد عیسیٰ ابن مریم علیہ السلام ہیں یا کوئی اور عیسیٰ ومسیح مراد ہے؟ تو اس بارے میں خود اِمام الانبیاء حضرت محمد مصطفی صلی اللّٰہ علیہ وسلم نے احادیث نزولِ عیسیٰ میں صرف حضرت ابنِ مریم علیہ السلام کا تعین فرمادیا ہے کہ بعد میں آنے والا کوئی کذّاب یہ دعویٰ نہ کرسکے کہ میں وہی مسیحِ موعود ہوں جس کی پیشین گوئی قرآن وحدیث میں پائی جاتی ہے۔ اگرچہ روایات میں صرف عیسیٰ کے لفظ کا ذِکر ہی نہیں تاکہ کل کو کوئی دجال اس سے غلط فائدہ نہ اُٹھائے، بلکہ روایات میں ابنِ مریم (مریم کے بیٹے) کی تصریح موجود ہے اور نزولِ ابنِ مریم علیہ السلام کے بارے میں از اَوّل تا آخر علامات بیان کی گئی ہیں، ان تمام حقائق کے ہوتے ہوئے اگر کوئی کذّاب مسیحِ موعود ہونے کا دعویٰ کرے گا، یا نبی کریم صلی اللّٰہ علیہ وسلم کی بیان کردہ علامات سے ہٹ کر مہدیٔ موعود یا نزولِ عیسیٰ یا دجال وغیرہ واقعات کے بارے میں قیاس آرائیاں کرے گا تو ایسے شخص کا عقیدہ قرآنی تعلیمات کے سراسر خلاف ہے، بلکہ قرآن پاک کی نصوصِ قطعیہ سے متصادم ہے۔

قال ﷲ تبارک وتعالٰی:

’’وَقَوْلِہِمْ إِنَّا قَتَلْنَا الْمَسِیْحَ عِیْسَی ابْنَ مَرْیَمَ رَسُولَ اللہِ وَمَا قَتَلُوہُ وَمَا صَلَبُوہُ وَلَـکِن شُبِّہَ لَہُمْ وَإِنَّ الَّذِیْنَ اخْتَلَفُواْ فِیْہِ لَفِیْ شَکٍّ مِّنْہُ مَا لَہُم بِہِ مِنْ عِلْمٍ إِلاَّ اتِّبَاعَ الظَّنِّ وَمَا قَتَلُوہُ یَقِیْناً. بَل رَّفَعَہُ اللہُ إِلَیْہِ‘‘

(النساء:۱۵۷، ۱۵۸)

وقال الإمام فخرالدین الرازی (تحت ھٰذہ الآیۃ): رفع عیسٰی علیہ السلام إلی السماء ثابت بھٰذہ الآیۃ ونظیر ھٰذہ الآیۃ قولہ تعالٰی فی آل عمران: اِنِّی مُتَوَفِّیكَ وَرَافِعُكَ اِلَیَّ وَمُطَہِّرُكَ مِنَ الَّذِینَ كَفَرُوا

(تفسیر کبیر ج:۱۱ ص:۱۰۳، سورۃ النساء)

(فتاویٰ حقانیہ ص:۲۴۶،۲۴۷)

حضرت عیسیٰ علیہ السلام کا مثلِ آدم علیہ السلام ہونا

سوال:۔۔۔ سورۂ آل عمران آیت نمبر۵۹ میں ارشادِ خداوندی ہے:’’اِنَّ مَثَلَ عِیسٰی عِندَ اللہِ كَمَثَلِ اٰدَمَ‘‘ جس میں حضرت عیسیٰ علیہ السلام کو حضرت آدم علیہ السلام کا مثیل اور مشبہ بتایا گیا ہے، لیکن آدم علیہ السلام بغیر ماںباپ کے تھے اور عیسیٰ علیہ السلام بغیر باپ کے تھے، تو پھر یہ تشبیہ کیسے صحیح ہوسکتی ہے؟

جواب:۔۔۔ چونکہ سیّدنا حضرت عیسیٰ علیہ السلام کی پیدائش عادتِ مستمرہ کے خلاف ہوئی تھی، جو بغیر باپ کے تھی، اور یہ ایک عجیب واقعہ تھا، لیکن اس سے زیادہ عجیب تر سیّدنا حضرت آدم علیہ السلام کی پیدائش تھی جو ماںباپ دونوں کے بغیر اللّٰہ تعالیٰ کی قدرت سے ہوئی تھی، تو یہاں عجیب واقعہ کی عجیب تر واقعہ کے ساتھ تشبیہ دی گئی ہے، اور تشبیہ وتمثیل میں مشبہ کا مشبہ بہ کے ساتھ تمام وجوہات میں متحد اور یکساں ہونا لازم نہیں ہے، بلکہ مشبہ بہ کی بعض صفات کا مشبہ میں پایا جانا تشبیہ اور تمثیل کے لئے کافی ہوتا ہے، جیسے کسی انسان کی بہادری کی تشبیہ شیر کے ساتھ دی جاتی ہے، اگرچہ من کل الوجوہ یکساں نہیں ہوتے۔

لما قال الشیخ علاء الدین تحت قولہ تعالٰی:

’’اِنَّ مَثَلَ عِیسٰی عِندَ اللہِ كَمَثَلِ اٰدَمَط قلت ھو مثلہ فی احد الطرفین فلا یمنع إختصاصہ دون بالطرف الآخر من تشبیھہٖ لأن المماثلۃ مشارکۃ فی بعض الأوصاف ولأنہ شبہ بہٖ فی ان لہ وجودًا خارجًا عن العادۃ المستمرۃ وھما فی ذالک نظیران لأن الوجود من غیر أبٍّ واُمٍّ أغرب فی العادۃ من الوجود من غیر أبٍّ فشبہ الغریب بالأغرب لیکون أقطع للخصم واختم لمارۃ شبھتہ۔‘‘

(خازن ج:۱ ص:۲۵۷، آل عمران:۵۹)

وقال القرطبی:

’’فیہ دلیل علٰی صحۃ القیاس والتشبیہ واقع علٰی ان عیسٰی خلق من غیر أبٍ کآدم لأعلٰی انہ خلق من تراب والشیء قد یشبہ بالشیء وإن کان بینھما فرق کبیر بعد ان یجتمعا فی وصف واحد فإن آدم خلق من ترابٍ ولم یخلق عیسٰی من ترابٍ فکان بینھما فرق من ھٰذہ الجھۃ ولٰکن شبہ ما بینھما انھما خلقًا من غیر ابٍ۔ (اَحکام القرآن ج:۱ ص:۱۰۲، تحت اِنَّ مَثَلَ عِیسٰی عِندَ اللہِ كَمَثَلِ اٰدَمَ آل عمران:۵۹، ومِثْلُہٗ فی تفسیرہ الشھیر بالصاوی ج:۱ ص:۱۵۹)

(فتاویٰ حقانیہ ج:۲ ص:۱۳۹)

حدیث: ’’لو کان موسٰی وعیسٰی حیّین‘‘ کی تحقیق

سوال:۔۔۔ ’’لو کان موسٰی وعیسٰی حیّین‘‘ کی یہ حدیث کسی کتاب میں موجود ہے یا کہ بیہقی کا جو حوالہ دیا جاتا ہے، اس میں ہے یا نہیں؟

جواب:۔۔۔ حدیث: ’’لو کان موسٰی وعیسٰی حیّین‘‘ کسی معتبر کتاب میں موجود نہیں، البتہ تفسیر ابن کثیر میں ضمناً یہ الفاظ لکھے ہیں، اور اسی طرح اور بعض کتبِ تصوّف میں نقل کردیا ہے، مگر سب جگہ بلاسند نقل کیا ہے، اس لئے یہ حدیث بہ چند وجوہ احادیثِ مشہورہ کے معارض نہیں ہوسکتی۔

اوّلاً:۔۔۔ معارض کے لئے مساوات فی القوۃ شرط ہے اور اس حدیث کا کہیں پتا نہیں اور جہاں کہیں ہے تو وہ بلاسند ہے،

اور یہ قول اَئمہ حدیث کا مقبول ومشہور ہے کہ: ’’لو لا الإسناد لقال من شاء ما شاء‘‘

ثانیاً:۔۔۔ اگر بالفرض یہ حدیث معتبر ہی ہو تو اَحادیثِ متواترہ دربارہ حیات ونزولِ عیسیٰ علیہ السلام کے معارض ہوگی اور ترجیح کی نوبت آئے گی تو ظاہر ہے کہ احادیثِ کثیرہ متواترۃ المعنی کو اس کے مقابلے میں ترجیح ہوگی، نہ ایک اس حدیث کو جس کا حدیث ہونا بھی ہنوز متعین نہیں۔

ثالثاً:۔۔۔ اگر ان الفاظ کو صحیح اور ثابت بھی مان لیا جائے تب بھی اس سے وفاتِ عیسیٰ علیہ السلام ثابت نہیں ہوتی، بلکہ اس کے معنی صاف یہ ہوتے ہیں کہ عالمِ زمین پر حیات ہوتے، کیونکہ حدیث میں اِتباعِ نبوّت کا ذِکر ہے اور یہ اِتباع اس عالم کے ساتھ تعلق رکھتا ہے۔ سو یہ صحیح ہے کہ اگر عیسیٰ علیہ السلام اس عالم میں زندہ ہوتے تو آپ صلی اللّٰہ علیہ وسلم کا اِتباع کرتے۔ اب چونکہ ایک دُوسرے عالم میں ہیں زندہ ہیں، اس لئے اِتباع ان پر ضروری نہ رہا۔ سمجھنے کے لئے اتنا ہی کافی ہے۔ اور اگر اس مضمون کو مبسوط دیکھنا چاہیں تو مولانا سیّد مرتضیٰ حسن صاحب نے اس مضمون پر مستقل رسالہ لکھا ہے، وہ ملاحظہ فرمائیے۔(۱)

(امدادُالمفتین کامل ص:۱۳۳،۱۳۴)

تحقیق اِستدلال بربطلان دعویٔ مرزا بہ آیت: ’’فَلَمَّا جَآءَ ہُم‘‘

سوال:۔۔۔ صاحب مطول نے جو ’’لما‘‘ بمعنی ظرف اور مستعمل علیٰ طریقۃ الشرط کے تحت میں تحریر کیا ہے۔یلیہ فعل ماضی لفظًا او معنًی وقال سیبویہ لما الوقوع اموال وغیرہ تو جس قدر لما کذائیہ قرآن مجید میں ہیں سب اسی معنی پر واقع ہیں، مگر تین جگہ لما اس قاعدہ کے خلاف ہیں:

اوّل:۔۔۔ سورۂ یونس آیت:۵۴ میں قولہ تعالیٰ: ’’وَأَسَرُّواْ النَّدَامَۃَ لَمَّا رَأَوُاْ الْعَذَابَ‘‘

دوم:۔۔۔ سورۂ شوریٰ آیت:۴۴ میں قولہ تعالیٰ: ’’وَتَرَی الظَّالِمِیْنَ لَمَّا رَأَوُا الْعَذَابَ یَقُولُونَ ہَلْ إِلَی مَرَدٍّ مِّن سَبِیْلٍ‘‘

سوم:۔۔۔ قولہ تعالیٰ:’’فَلَمَّا رَأَوْہُ زُلْفَۃً سِیْئَتْ وُجُوہُ الَّذِیْنَ کَفَرُوا‘‘ سورۂ ملک آیت:۲۷ میں۔

اب جناب سے اِستفسار کیا جاتا ہے کہ کیا ’’لما‘‘ ان ہر سہ جگہ میں حقیقی معنی پر مشتمل ہے یا مجازی پر؟ اور جو صاحبِ مدارک وغیرہ نے یہاں ’’حین‘‘ کے ساتھ ’’لما‘‘ کی ظاہر کی ہے تو کیا مجازی طور پر ہے اور اس صورت میں شرط کے معنی دُرست ہوسکتے ہیں یا نہ؟ اور کیا ’’حین‘‘ شرط کے لئے مستعمل ہوتا ہے اور ’’إذا‘‘ جو اِستقبال کے لئے ہوتا ہے ’’لما‘‘ کو ان ہر سہ مواقع پر اس کے معنی میں کہنا دُرست ہے یا نہیں؟ اور صاحبِ مدارک نے اس کے ساتھ کیوں تفسیر نہیں کی؟ جناب ان سب اُمور سے مفصل طور پر جواب فرمادیں۔ حضرت صاحب! اصلی مدعا اس سے عاجز کو دریافت کرنے کا یہ ہے کہ ایک مرزائی بدعقیدہ نے مجھ کو کہا کہ آیت:’’یَأْتِیْ مِن بَعْدِیْ اسْمُہُ أَحْمَدُ‘‘ (الصف:۶) کا مصداق غلام احمد قادیانی علیہ ماعلیہ ہے، تو میں نے اس کو جواب دیا کہ قطع نظر اور اَدّلہ کے خود یہی آیت اس مصداق بننے کی تردید کر رہی ہے، کیونکہ خدا فرماتا ہے کہ: ’’فَلَمَّا جَاء ہُم بِالْبَیِّنَاتِ قَالُوا ہَذَا سِحْرٌ مُّبِیْنٌ ‘‘ (الصف:۶)

(۱) الحمدللّٰہ! ’’اِحتسابِ قادیانیت‘‘ جلد دہم کے ص:۳۳۸ تا ۳۵۶ پر یہ رسالہ مکمل شائع ہوگیا ہے ۔۔۔مرتب۔

یعنی جس کی بابت حضرت عیسیٰ علیہ السلام نے بشارت دی تھی وہ آچکے ہیں، یہ نہیں کہ آئندہ کو آئیں گے تو اس نے تین مواقع قرآن سے اِعتراضاً میرے پر پیش کئے، اور کہا کہ کیوں اسی جگہ پر ان مواقع کی طرح ہی معنی کئے نہ جائیں؟ لہٰذا آپ کے پاس بغرض تفصیل کے یہ سوال بھیجا جاتا ہے، تاکہ احقرالعباد کو کسی معتبر تفسیر مثلاً کشاف وغیرہ سے بخوبی واضح کردیں، ہمارے پاس سوائے کتبِ نحو درسیہ کے اور کوئی کتاب نہیں ہے، اور نہ ہی اتنی لیاقت ہے، اس لئے ضرور بصد ضرور جواب سے مشرف فرمائیں۔

جواب:۔۔۔ کیا مرزا کے اس دعوے کا بطلان اسی دلیل پر موقوف ہے؟ جو آپ اس کے سالم رہنے کی اس قدر سعی فرماتے ہیں۔۔۔! اس دلیل کو چھوڑ دیجئے، اور ظاہر ہے کہ دلیل کے انتفاء سے مدلول کا انتفاء لازم نہیں آتا، لأن الدلیل ملزوم والمدلول لازم اور انتفاء الملزوم لا یستلزم انتفاء للازم (تتمہ خامسہ ص:۲۵)۔

۲۵؍شعبان ۱۳۳۵ھ

(امدادُ الفتاویٰ ج:۵ ص:۴۳۸،۴۳۹)

رفع تردّدات بعض مائلین سوئے قادیانی

سوال:۔۔۔ جناب بندہ تسلیم، مزاج شریف! اثناء تقریر میں جو آپ نے کل بمقام سہارنپور جلسے میں بڑے لطف سے فرمایا تھا کہ: ’’ہم تمام قسم کے شکوک کو رفع اور اِعتراضات کا بلا تعصب جواب دینے کو موجود ہیں، کوئی محرک بن کر دکھادے۔‘‘ اسی سے مجھے جرأت ہوئی ہے کہ آپ کے قیمتی وقت کا کچھ حصہ لوں، اگرچہ مجھ سے جناب مرزاقادیانی سے فی زمانہ کوئی سروکار نہیں اور میں ایک ایسی اسٹیج پر ہوں جو بباعثِ شکوک بالکل متزلزل اور قریب ہے کہ پھسل کر بالکل برباد ہوجانے والی ہو، زیادہ تر میلان آپ ہی لوگوں کی طرف ہے، مگر تاہم میں جس قدر سوالات کروں گا ان سے میرا مرجع طبیعت زیادہ تر جناب مرزاقادیانی ہی کی طرف ان کی مطابقت اُصول میں ثابت ہوگا۔

سوالِ اوّل:۔۔۔ مسیح کی حیات وممات کے بارے میں آپ کا کیا خیال ہے؟ جناب مرزاقادیانی نے قرآن شریف کی تیس آیات(’’فَلَمَّا تَوَفَّیْتَنِیْ کُنتَ أَنتَ الرَّقِیْبَ عَلَیْہِمْ ‘‘ (المائدۃ:۱۱۷)، ’’قَدْ خَلَتْ مِن قَبْلِہِ الرُّسُلُ‘‘ (آل عمران:۱۴۴) وغیرہ) سے ان کی ممات ثابت کی ہے، کیا آپ کسی آیت سے ان کی حیات کا ثبوت دے سکتے ہیں؟ مہربانی کرکے مرزاقادیانی کے دلائل کی تردید کرتے ہوئے اپنے دعاوی کا ثبوت قرآن شریف کی آیات اور احادیث سے مع پتا رُکوع وسورۃ تحریر فرمائیں۔

سوالِ دوم:۔۔۔ اگر مسیح کی وفات کو آپ تسلیم کرتے ہیں اور زمانۂ نزولِ مسیح بھی کہا جاتا ہے کہ یہی ہے اور جناب ختم رسالت مآب صلی اللّٰہ علیہ وسلم بھی مثیل موسیٰ علیہ السلام مسلم ہوچکے ہیں تو پھر مرزاقادیانی کو مسیحِ موعود کیوں نہ مانا جائے؟ اور اگر یہ بات ثابت ہوجائے کہ مرزاقادیانی ہی مسیحِ موعود ہے تو کیا پھر ان کی مخالفت میں کفر لازم ہوگا؟ اور کیا یہ لازم نہیں کہ فی الفور ان کی بیعت کرلی جائے؟

سوالِ سوم:۔۔۔ کیا فرشتوں کا نزول زمین پر بہ جسد ہوتا رہا ہے؟ اور کیا کوئی مردہ پہلے زمانے میں اس طرح مستقل طور سے زندہ ہوا ہے کہ جینے کے بعد برسوں جیتا رہے اور خدا نے اس کی نسل میں برکت دی اور پھولا پھلا؟

سوالِ چہارم:۔۔۔ اگر مسیح زندہ ہیں اور ان کو دوبارہ تشریف لانا ہے، تو کیا اس سے جناب رسالت مآب صلی اللّٰہ علیہ وسلم کی ختمِ رِسالت میں ۔۔۔معاذاللّٰہ!۔۔۔ کوئی فرق لازم نہیں آتا؟ فرض کرو! حضور ایڈورڈ کی عہدِ حکومت میں لارڈ کرزن انگلستان سے آکر ہندوستان میں کچھ زمانہ حکومت کرکے واپس بلایا جائے تو عمل داری حضور ایڈورڈ کی سمجھی جائے گی یا لارڈ کرزن کی؟ اور کیا حضور ایڈورڈ کی حکومت کے ساتھ لفظ قیام اور ختم کا اِستعمال کیا جائے گا، یا لاڑد کرزن کی حکومت کے ساتھ؟ اور کیا جب مسیح دوبارہ دُنیا میں رونق افروز ہوں گے، اس وقت بھی وہ رسول ہوں گے یا ان کا درجہ ان سے چھین لیا جائے گا؟ اور بہشت سے نکال کر پھر کیوں انہیں دُنیا میں بھیجا جائے گا؟ اَز راہِ کرم ان کے جواب سے مفصل مطلع فرمائیں۔

جواب:۔۔۔ مکرم بندہ، السلام علیکم ورحمۃاللّٰہ!

میں مسرور ہوا کہ آپ نے اپنے شبہات پیش فرمائے ہیں، آئندہ کے لئے بھی اس خدمت سے مشرف ہونا چاہتا ہوں، لیکن کچھ ضروری اُمور بطور اُصولِ موضوعہ کے عرض کردینا مناسب سمجھتا ہوں، جن کی رعایت سے آپ کو اور مجھ کو سہولت رہے گی۔

نمبر۱:۔۔۔ جس دعوے کی آپ دلیل پوچھیں، آپ کو تعینِ دلیل کا حق نہ ہوگا کہ قرآن سے ثابت ہو یا حدیث سے۔ شریعت کے اُصول میں سے جس اصل سے دِل چاہے مجیب کو جواب دینا جائز ہوگا، مع لحاظ درجہ دعویٰ۔

نمبر۲:۔۔۔ اپنی جس دلیل یا مضمون کا آپ جواب چاہیں اس دلیل اور مضمون کی پوری تقریر کردینا آپ کے ذمہ ہوگی، اِجمال اور اِشارہ کافی نہ سمجھا جائے گا، نہ کسی دُوسرے شخص کے بیان کا حوالہ کافی ہوگا، وہی تقریر آپ نقل کریں، مگر اپنی طرف منسوب کرکے۔

نمبر۳:۔۔۔ دلیل کے جواب میں مجیب کو اِختیار ہوگا کہ کسی خاص مقدمے پر دلیل کا مطالبہ کرے، جب تک اس مقدمے پر دلیل نہ پیش کی جائے گی، اس وقت تک یہی مطالبہ جواب ہوگا، اس کا نام منع ہے۔

نمبر۴:۔۔۔ اِستدلال یا جوابِ اِستدلال میں آپ کو تطویل کا حق نہ ہوگا، اگر جواب مختصر مگر کافی ہو، آپ اس پر یہ شبہ نہیں کرسکتے کہ یہ جواب چھوٹا ہے۔

نمبر۵:۔۔۔ وہی مضامین لکھ سکیں گے جو واقع میں آپ کو شبہ میں ڈال رہے ہیں، اور جواب کو خلو ذہن کے ساتھ معائنہ فرمانا ضرور ہوگا، کیونکہ محض سوچ کر کوئی شبہ زبردستی صرف رَدّ کرنے کی غرض سے پیش کردینا، یہ مجادلین کا کام ہے نہ کہ طالبینِ حق کا، اور اس سے کبھی فیصلہ نہیں ہوسکتا۔

۶:۔۔۔ جو سوال آپ کریں، اس کی غرض اور غایت کا ضرور ساتھ ساتھ اِظہار فرمایا جائے، اور جو وجہ اِشکال کی ہو، اس کو بھی ظاہر فرمادیا جائے، بدون اس کے کہ ایسے سوالوں کا جواب بذمہ مجیب نہ ہوگا، کیونکہ بے نتیجہ کام میں وقت صَرف کرنا عبث ہے۔ اب جواب عرض کرتا ہوں۔

جواب سوالِ اوّل:۔۔۔ حضرت مسیح علیہ السلام میرے عقیدے میں زندہ ہیں، ان آیتوں میں سے جس جس کی تقریر آپ

نقل کریں گے، اس کا جواب میرے ذمہ ہوگا (اُصولِ موضوعہ نمبر۲)۔ آپ کو ایسے سوال کا حق نہیں کہ آیت یا حدیث سے ثبوت دے سکتے ہیں، البتہ اتنا سوال کرسکتے ہیں کہ حیات کی کیا دلیل؟ پھر مجیب کو اِختیار ہے جو دلیل چاہے بیان کرے، اور آپ کو پھر اس پر موجہ شبہ کرنے کا حق ہے (اُصولِ موضوعہ نمبر۱)۔

جواب سوالِ دوم:۔۔۔ چونکہ اس سوال کے سب اجزاء اِعتقاد وفاتِ مسیح علیہ السلام پر متفرّع ہیں اور میں خود وفات کا قائل نہیں، اس لئے کسی جز کا جواب میرے ذمہ نہیں۔

جواب سوالِ سوم:۔۔۔ اس سوال کی غرض اور جو اس میں وجہ اِشکال ہے ظاہر فرمائیے تو جواب دیا جائے (اُصولِ موضوعہ نمبر۶)۔

جواب سوالِ چہارم:۔۔۔ فرق آنے کی وجہ لکھئے تو جواب دیا جائے (اُصولِ موضوعہ نمبر۲)۔ آگے جو مثال لکھی ہے اس کو ممثل لہ پر پورا بدلیل منطبق فرماکر پھر اِشکال کیجئے۔

ان سوالات کے لئے ان ہی اُصولِ موضوعہ کو کافی سمجھا گیا۔ اگر کسی جدید سوال سے کسی اور اصل موضوع کی ضرورت معلوم ہوگی، اُصولِ موضوعہ کا نمبر بڑھادیا جائے گا۔ اُصولِ موضوعہ کے لحاظ سے سوال فرمائیے تاکہ باضابطہ گفتگو ہو، البتہ اگر کسی اصل موضوع کو آپ غلط ثابت کردیں گے، اس کا جواب یا رُجوع میرے ذمہ ہوگا۔ والسلام

۱۱؍ذی الحجہ ۱۳۲۲ھ (اِمداد رابع ۱۴۲)

(اِمدادُ الفتاویٰ ج:۶ ص:۱۳۹ تا ۱۴۱)

مرزا غلام احمد قادیانی، حضرت عیسیٰ علیہ السلام کے معجزۂ اِحیائِ موتیٰ کا کیوں منکر تھا؟

سوال:۔۔۔ مرزا غلام احمد قادیانی حضرت عیسیٰ علیہ السلام کے معجزۂ اِحیائِ موتیٰ کا اس بنا پر منکر ہے کہ قرآن میں رَدِّمیراث ورَدِّنکاح کے (اگر اس کی بیوہ نے کسی اور سے نکاح کرلیا ہو) اَحکام بیان نہیں کئے۔ جبکہ میرا جواب یہ ہے کہ اگر رَدِّمیراث ورَدِّنکاح کی ضرورت ہوتی تو قرآن میں اس کے اَحکام ہوتے، چونکہ اس کے مرنے کے بعد اس کا مال اور اس کی ملک متعہ زائل ہوگئی، وہ محض اِحیاء سے واپس نہیں ہوسکتی، تاوقتیکہ اس کے مشروط اسباب وقیود نہ مہیا ہوں، یعنی وہ پھر مال کمائے یا وارث کسی کا بنے اور اَزسرِنو نکاح کرے وغیرہ، فما جوابکم فی ھٰذہ المسئلۃ؟

جواب:۔۔۔ قال فی الشامیۃ فی باب المفقود تحت قول الدر فإن ظھر قبلہ ای قبل موت اقرانہ حیا ۔۔۔إلخ ما نصہ لٰکن لو عاد حیًّا بعد الحکم بموت اقرانہ قال الظاھر انہ کالمیت إذا احیی والمرتد إذا اسلم فالباقی فی ید ورثتہ لہ ولا یطالب بما ذھب قال ثم بعد رقمہ رأیت المرحوم ابا السعود نقلہ عن الشیخ شاھین

(ج:۳ ص:۳۶۳ طبع مکتبہ رشیدیہ کوئٹہ)۔

وفی البحر فی أحکام المرتدین وإن عاد مسلمًا بعد الحکم بلحاقہ فما وجدہ فی ید وارثہ اخذہ وإلَّا لا ای وإن لم یجدہ قائمًا فی یدہ فلیس لہ اخذ بدلہ منہ لأن الوارث انما یخلفہ فیہ لاستغنائہ وإذا عاد مسلمًا یحتاج إلیہ

فیقدم علیہ وعلٰی ھٰذا لو أحیا ﷲ میتًا حقیقۃ وأعادہ إلٰی دار الدُّنیا کان لہ اخذ ما فی ید ورثتہ واطلق فی قولہ وإلَّا لا فشمل ما إذا کان ھالکًا او ازالہ الوارث عن ملکہ وھو قائم سواء کان بسبب یقبل الفسخ کبیع او ھبۃ او لا یقبلہ کعتق وتدبیر وإستیلاء فإنہ یمضی ولا عود لہ فیہ ولا یضمنہ شمل ما لم یدخل فی ید وارثہ اصلًا کمد بریہ وامھات اولادہ المحکوم بعتقھم بسبب الحکم بلحاقہ فإنھم لا یعودون فی الرق لأن القضاء بعتقھم قد صح بدلیل مصحح لہ والعتق بعد نفاذہ لا یقبل البطلان۔ (ج:۵ ص:۱۳۴) قلت وکذا إذا تزوجت زوجۃ المیت بعد عدۃ الوفاۃ رجلًا فنکاحہ صحیح ولا یبطل بعود المیت حیًّا فإن الحکم بصحتہ قد تم بدلیل مصحح لہ وﷲ اعلم، واما لو تزوجت فی العدۃ فلا شک فی بطلان النکاح الثانی وھل تعود إلی الزوج الأوّل الذی اعید حیًّا فی عدتھا بدون تجدید نکاح بینھما او بالتجدید؟ فالظاھر الأوّل لقول الفقھاء المرأۃ تغسل زوجھا المیت لأن إباحۃ الغسل مستفاد بالنکاح والنکاح بعد الموت باق إلٰی ان تنقضی العدۃ (شامی ج:۲ ص:۸۹۷)۔

۱۳؍شوال ۱۳۴۶ھ از تھانہ بھون

(اِمدادُ الاحکام ج:۱ ص:۱۶۷،۱۶۸)

مسیحِ موعود کا دعویٰ کرنے والے کا حکم

سوال:۔۔۔ مرزا غلام احمد قادیانی اپنے آپ کو مسیحِ موعود کہتا ہے، کیا یہ صحیح ہے؟ اور عربی میں کیا ’’موعود‘‘ کے معنی: ’’جس کے بارے میں وعدہ دیا گیا تھا‘‘ ملتے ہیں؟ اس کی وضاحت کیجئے۔

سائل: محمد اِسماعیل از شجاع آباد

جواب:۔۔۔ ’’موعود‘‘ کے معنی: ’’جو وعدہ کیا گیا‘‘ کے ہیں، جیسے ’’مقتول‘‘ کے معنی ہیں: ’’جو قتل کیا گیا‘‘۔ ’’موعود‘‘ کا یہ معنی نہیں ’’جس کے بارے میں وعدہ کیا گیا‘‘۔ اگر کوئی شخص یہ دعویٰ کرے کہ میں وہ مسیح ہوں جس کے بارے میں (دوبارہ آنے کا) وعدہ کیا گیا تھا، تو اسے عربی میں یوں کہنا ہوگا: ’’انا المسیح الموعود بہٖ‘‘ اگر وہ کہتا ہے: ’’انا المسیح الموعود‘‘ تو عربی زبان کے اِعتبار سے دُرست نہیں ہوگا۔

مصر میں جب یہ بات پہنچی کہ ہندوستان میں ایک شخص نے وہ مسیح ہونے کا دعویٰ کیا ہے، جس کا (احادیث میں) وعدہ کیا گیا تھا، تو ان لوگوں نے اسے ’’المسیح الموعود بہٖ‘‘ کے لفظ سے ذِکر کیا، ’’مسیحِ موعود‘‘ سے نہیں۔ اور کوئی عربی دان کسی شخص کے بارے میں ’’موعود‘‘ کا لفظ اِستعمال نہیں کرسکتا، یہ مطلق اسمِ مفعول نہیں، سو اسے ’’مسیحِ موعود‘‘ نہیں کہا جاسکتا، اور کوئی عربی دان کسی شخص کے بارے میں ’’مسیحِ موعود‘‘ نہیں کہہ سکتا، اس کے ساتھ ’’باء‘‘ کا اِضافہ ضروری ہے، سو یہاں ’’المسیح الموعود بہٖ‘‘ چاہئے۔

۲:۔۔۔ مرزا غلام احمد قادیانی اپنے آپ کو خود ’’مسیحِ موعود‘‘ لکھتا ہے، اور عربی میں بھی اپنے آپ کو ’’المسیح الموعود‘‘ کہتا ہے، اپنے خطبۂ اِلہامیہ میں کہتا ہے:

’’والعبد المنصور والمھدی المعھود والمسیح الموعود۔‘‘

(خطبہ اِلہامیہ ص:۱۸، خزائن ج:۱۶ ص:۵۱)

علامہ رشید رضا مصری ایک مقام پر مرزا غلام احمد کے اس دعویٔ مسیحیت کا یوں تذکرہ کرتے ہیں:

’’وظھر فی الھند رجل آخر سلمی ادعی انہ ھو المسیح الموعود بہ وھو غلام احمد القادیانی۔‘‘

ترجمہ:۔۔۔ ’’ہندوستان میں ایک اور بیوقوف نکلا جس نے دعویٰ کیا کہ وہ مسیحِ موعود بہ ہے۔‘‘

اور:

’’کان ھٰذا الرجل یستدل بموت المسیح ورفع روحہ إلی السماء کما رفعت ارواح الأنبیاء علٰی انہ ھو المسیح الموعود بہٖ۔‘‘

(تفسیر المنار)

ترجمہ:۔۔۔ ’’یہ شخص مسیح کی وفات سے اِستدلال کرتا ہے کہ المسیح الموعود بہٖ وہ خود ہے۔‘‘

سو مرزا غلام احمد قادیانی کا یہ کہنا کہ وہ مسیحِ موعود ہے، علمی اِعتبار سے بالکل غلط ہے، اسے مسیحِ موعودبہٖ کہنا چاہئے تھا۔

خالد محمود عفا اللّٰہ عنہ

(عبقات ص:۴۸۴،۴۸۵)

ظہورِ اِمام مہدیؓ اور نزولِ عیسیٰ علیہ السلام کے بارے میں فتویٰ

سوال:۔۔۔ جناب مفتی صاحب! دربارہ ظہورِ اِمام مہدیؓ ونزولِ حضرت عیسیٰ ۔۔۔علیٰ نبینا وعلیہ الصلوٰۃ والسلام۔۔۔ حسبِ ذیل مسائل کے بارے میں اہلِ سنت والجماعۃ کے صحیح عقائد سے آگاہ فرمائیں:

۱:۔۔۔ کیا اِمام مہدیؓ آخر الزمان حضرت حسینؓ کی اولاد سے ہوں گے جیسا کہ لوگ کہتے ہیں؟ احادیثِ نبویہ کی روشنی میں حضرت مہدی کے اِمام حسینؓ یا اِمام حسنؓ کی اولاد میں سے ہونا بیان فرمائیں۔

۲:۔۔۔ حضرت مہدیؓ کب اور کہاں پیدا ہوں گے؟ ان کا اسمِ مبارک اور ان کے والدین کے اسمِ مبارک، ان کے بارے میں آوازِ غیب اور جامع حالات مہدیؓ وحضرت عیسیٰ علیہ السلام تحریر فرمائیں۔

۳:۔۔۔ نازل ہونے والے حضرت عیسیٰ سے ’’عیسیٰ بن مریم‘‘ مراد ہیں یا کوئی اور عیسیٰ؟ کیونکہ آج کل کئی مسیحِ موعود بنے پھرتے ہیں، لامذہب حضرات یہ کہتے ہیں کہ: ’’احادیث متعلقہ مہدیؓ ونزولِ عیسیٰ جو سُنّی حضرات بیان کرتے ہیں، وہ موضوع اور ضعیف ہیں، بلکہ اعلیٰ مہدی ابن حسن عسکری یا مرزا غلام احمد قادیانی ہے۔‘‘ جواب سے مطلع فرمادیں۔

جواب۱:۔۔۔ حضرت مہدیؓ کا فاطمی اور خانوادۂ رسول میں سے ہونا، احادیثِ قویہ صحیحہ سے ثابت ہوتا ہے، اکثر روایات میں حضرت مہدیؓ کے بارے میں:’’رجلٌ من اھل بیتی‘‘ (یعنی میرے خاندان اہلِ بیت میں سے ہوگا) اور: ’’من عترتی‘‘ (میری اولاد میں سے) کے الفاظ موجود ہیں۔ ترمذی شریف (ج:۲ ص:۴۶) میں متعدّد روایات میں، جنہیں اِمام ترمذیؒ نے ’’حدیث حسنٌ صحیحٌ‘‘ کہا ہے، نیز ابوداؤد کی روایت میں ہے:’’عن اُمّ سلَمۃ قالت: سمعت رسول ﷲ صلی ﷲ علیہ وسلم‘‘

حضرت اُمِّ سلمہ رضی اللّٰہ عنہا فرماتی ہیں کہ میں نے نبی کریم صلی اللّٰہ علیہ وسلم سے سنا کہ: ’’یقول: المھدی من عترتی من أولاد فاطمۃ‘‘ (مشکوٰۃ ص:۴۷۰) بروایت ابوداؤد شریف فرماتے ہیں کہ حضرت مہدیؓ سیّد اور فاطمۃ الزہراءؓ کی اولاد میں سے ہیں۔ حضرت شیخ عبدالحق محدث دہلویؒ نے ’’اشعۃ اللمعات شرح مشکوٰۃ‘‘ میں تحریر فرمایا کہ: اس بارے میں متعدّد روایات وارِد ہوئی ہیں، وہ معناً حدِ تواتر کو پہنچ چکی ہیں۔ رہی یہ بات حضرت مہدیؓ والدہ اور والد ماجد دونوں جانبوں سے نجیب الطرفین سیّد ہوں گے، والدین ایک سلسلہ حضرت اِمام حسنؓ اور ایک حضرت حسینؓ سے ہوگا جیسا کہ شیخ ابن حجر مکی ہیثمیؒ نے بھی یہی تصریح فرمائی ہے۔

۲:۔۔۔ حضرت مہدیؓ کے اِجمالی حالات، حضرت مہدیؓ کے علاماتِ ظہور، ان کے حالات شکل وشباہت اور شمائل اور عادات احادیثِ نبویہ میں مفصلاً مذکور ہیں۔ حضرت شاہ رفیع الدین دہلویؒ نے علاماتِ قیامت کے ضمن میں ان چیزوں کوبھی مفصل اور یکجا جمع کیا ہے۔ اس رسالے کی بنیاد آیاتِ قرآنیہ اور مستند احادیثِ نبویہ پر ہے۔ یہاں ان کے رسالے ’’علاماتِ قیامت‘‘ سے اِجمالاً مختصر حالات نقل کئے جاتے ہیں۔

حضرت اِمام مہدیؓ کے ظہور کی علامت یہ ہوگی کہ اس سے قبل (اوّل) ماہِ رمضان میں چاند اور سورج گرہن لگ چکے گا، اور بیعت کے وقت آسمان سے ند ا آئے گی:

’’ھٰذا خلیفۃ ﷲ المھدی، فاستمعوا لہ واطعیوا!‘‘

یہ خدا کا خلیفہ مہدی ہے، اس کا حکم سنو اور مانو! اس آواز کو اس جگہ تمام خاص وعام سنیں گے۔ حضرت اِمام سیّد، اور اولادِ فاطمہ سے ہوں گے۔ آپ کا قد وقامت قدرے لمبا بدن، رنگ کھلا ہوا، اور چہرہ پیغمبرِ خدا صلی اللّٰہ علیہ وسلم سے مشابہ ہوگا۔ نیز آپ کے اخلاق پیغمبرِ خدا صلی اللّٰہ علیہ وسلم سے مشابہت رکھتے ہوں گے۔ آپ کا اسم شریف ’’محمد‘‘، والدہ صاحبہ کا نام ’’آمنہ‘‘ ہوگا۔ زبان میں قدرے لکنت ہوگی، جس کی وجہ سے تنگ دل ہوکر کبھی کبھی ران پر ہاتھ مارتے ہوں گے۔ آپ کا علم لدنی (خداداد ہوگا)، بیعت کے وقت عمر چالیس سال کی ہوگی، خلافت کے مشہور ہونے پر مدینہ کی فوجیں آپ کے پاس مکہ معظمہ چلی آئیں گی۔ شام، عراق اور یمن کے اولیائے کرام وابدالِ عظام آپ کی مصاحبت میں اور ملکِ عرب کے بے اِنتہا آدمی آپ کی افواج میں داخل ہوجائیں گے، اور اس خزانے کو جو کعبہ میں مدفون ہے، جس کو ’’تاج الکعبہ‘‘ کہتے ہیں، نکال کر لوگوں پر تقسیم فرمائیں گے۔ (آگے مفصل حالات میں یہاں تک کہ دجال کے دمشق پہنچنے سے قبل) حضرت اِمام مہدیؓ دمشق آچکے ہوں گے اور جنگ کی پوری تیاری اور ترتیب فوج کرچکے ہوں گے اور اَسبابِ حرب وضرب تقسیم کرچکے ہوں گے کہ مؤذِّن عصر کی اَذان دے گا، لوگ نماز کی تیاری میں ہوں گے کہ حضرت عیسیٰ علیہ السلام دو فرشتوں کے کاندھوں پر تکیہ کئے آسمان سے دمشق کی جامع مسجد کے شرقی منارے جلوہ افروز ہوکر آواز دیں گے کہ سلم (سیڑھی لے آؤ) سیڑھی حاضر کی جائے گی، آپ اس کے ذریعے سے فروش ہوکر حضرت اِمام مہدیؓ سے ملاقات فرماویں گے، اِمام مہدیؓ نہایت تواضع اور خوش خلقی کے ساتھ پیش آئیں گے (صحیح مسلم وغیرہ)۔ اور فرمائیں گے: یا نبی اللّٰہ اِمامت کیجئے! حضرت عیسیٰ علیہ السلام اِرشاد فرمائیں گے کہ: اِمامت تم کرو، کیونکہ تمہارے بعض، بعض کے لئے اِمام ہیں، اور یہ عزّت اسی اُمت کو

خدا نے دی ہے۔ پس اِمام مہدیؓ نماز پڑھائیں گے، حضرت عیسیٰ بن مریم علیہ السلام اِقتدا کریں گے، (اس کے بعد دونوں اِکٹھے رہ کر دجال کا مقابلہ، کفر وضلالت کا اِستیصال کریں گے)، تمام زمین اِمام مہدیؓ کے عدل وانصاف کے چمکاروں سے منوّر وروشن ہوجائے گی، ظلم، بے انصافی کی بیخ کنی ہوگی، آپ کی عمر ۴۹سال ہوگی، بعد اَزاں حضرت اِمام مہدیؓ کا وصال ہوجائے گا، حضرت عیسیٰ علیہ السلام آپ کی جنازے کی نماز پڑھاکر دفن فرمائیں گے۔ اس کے بعد تمام چھوٹے بڑے اِنتظامات حضرت عیسیٰ علیہ السلام کے ہاتھ آجائیں گے، دُنیا میں حضرت عیسیٰ علیہ السلام کا قیام چالیس سال رہے گا (یہ تمام حالات صحاحِ ستہ اور دیگر کتبِ حدیث میں مذکور ہیں، تفصیل کے لئے شاہ رفیع الدینؒ کی کتاب ’’علاماتِ قیامت‘‘ دیکھئے، واللّٰہ اعلم!

۳:۔۔۔ اہلِ سنت والجماعت کا عقیدہ ہے کہ قیامت سے قبل ابن مریم علیہ السلام آسمان سے نزول فرمائیں گے، قرآن کے بے شمار نصوصِ قطعیہ سے یہ عقیدہ ثابت ہے، اس میں ذرّہ برابر شبہ نہیں، نزولِ عیسیٰ ابن مریم کے بارے میں اس کثرت سے احادیث وارِد ہوئی ہیں کہ علماء نے اسے مستقل کتابوں میں جمع کیا ہے۔

حضرت علامۃالعصر مولانا انور شاہ کشمیریؒ نے اس موضوع پر ’’عقیدۃ الإسلام فی حیات عیسیٰ علیہ السلام‘‘ اور ’’التصریح بما تواتر فی نزول المسیح‘‘ (مرتبہ مولانا مفتی محمد شفیعؒ) میں حیات ونزولِ عیسیٰ کو محققانہ انداز سے ثابت کیا ہے کہ تمام روایات متعددہ اور اَحادیث معنی تواتر کی حد تک پہنچ گئی ہیں، رہا یہ کہ عیسیٰ بن مریم ہیں یا کوئی اور عیسیٰ؟ تو اس بارے میں خود حضور صلی اللّٰہ علیہ وسلم نے اَحادیث نزولِ عیسیٰ میں ابن مریم کہہ ان دجالین اور کذّابین کی جڑ کاٹ دی ہے، عیسیٰ کا لفظ اکثر روایات میں ذِکر ہی نہیں تاکہ کل کوئی دَجال اس نام سے غلط فائدہ نہ لے سکے، حضرت ابوہریرہ رضی اللّٰہ عنہ کی مشہور حدیث ہے:

’’قال: قال رسول ﷲ صلی ﷲ علیہ وسلم: والذی نفسی بیدہ! لیوشکن ان ینزل ابن مریم حکمًا عدلًا فیکسر الصلیب ویقتل الخنزیر ویضع الجزیۃ ویفیض المال حتّٰی لا یقبلہ احدٌ۔‘‘

(حدیث حسن صحیح، مشکوٰۃ ص:۴۷۹، بحوالہ مسلم ج:۲ ص:۴۷، ترمذی ج:۲ ص:۴۶)

’’فرمایا نبی کریم صلی اللّٰہ علیہ وسلم نے: قسم رَبّ کی! قریب ہے کہ مریم کا بیٹا تم میں اُتریں جو عادل ومنصف فیصلہ کرنے والے ہیں، صلیب کو توڑ دیں گے اور خنزیر کو قتل کرکے کفار سے جزیہ نہ قبول کرنے کے اَحکام صادر کرلیں گے۔ مال ودولت کی اتنی فراوانی ہوجائے گی کہ کوئی قبول کرنے والا نہ ہوگا۔‘‘

بخاری شریف، مسلم شریف کی دُوسری حدیث میں ہے:

’’قال: کیف انتم إذا نزل ابن مریم فیکم وإمامکم منکم۔‘‘

(متفق علیہ، بحوالہ مشکوٰۃ شریف ص:۴۸۰)

’’اس وقت تمہاری کیا حالت ہوگی جب ابنِ مریم تم میں نازل ہوں گے اور تمہارے اِمام (مہدی) تم ہی میں سے ہوں گے۔‘‘

حضرت جابر رضی اللّٰہ عنہ کی روایت میں ہے:

’’قال: فینزل عیسَی ابن مریم۔‘‘

(مشکوٰۃ ص:۴۷۹، بحوالہ مسلم شریف)

’’فرمایا حضور صلی اللّٰہ علیہ وسلم نے کہ: پھر عیسیٰ بن مریم نازل ہوں گے۔‘‘

حضرت عبداللّٰہ بن عمرؓ سے روایت ہے:

’’قال: قال رسول ﷲ صلی ﷲ علیہ وسلم: ینزل عیسَی بن مریم علیہ السلام إلی الأرض فیتزوج ویولد لہ ویمکث خمسًا واربعین سنۃً ثم یموت فیدفن معی فی قبری فأقوم انا وعیسَی بن مریم فی قبرٍ واحدٍ بین ابی بکر وعمر۔‘‘

(مشکوٰۃ، باب نزول عیسیٰ علیہ السلام ص:۴۷۹)

’’حضرت عبداللّٰہ بن عمرؓ کی روایت ہے فرمایا نبی کریم صلی اللّٰہ علیہ وسلم نے کہ عیسیٰ بن مریم زمین میں نازل ہوں گے، شادی کریں گے اور ان کی اولاد بھی پیدا ہوگی، اور ۴۵سال تک ٹھہریں گے، پھر وفات پاکر میرے پہلو میں دفن ہوں گے، پھر قیامت کے دن میں اور عیسیٰ بن مریم اِکٹھے ابوبکر وعمر کے درمیان قبر سے اُٹھیں گے۔‘‘

اس کے علاوہ کئی احادیث ہیں جن میں ابنِ مریم (مریم کے بیٹے) کی تصریح موجود ہے اور نزولِ عیسیٰ بن مریم کے بارے میں از اوّل تا آخر علامات بیان کی گئی ہیں، ان تمام حقائق کے ہوتے ہوئے اگر کوئی مسیحِ موعود یا مہدی آخری الزمان ہونے کا دعویٰ کرے، یا نبی کریم صلی اللّٰہ علیہ وسلم کی بیان کردہ علامات سے ہٹ کر کوئی شخص مہدیٔ موعود یا نزولِ مسیحِ موعود یا دجال وغیرہ واقعات کے بارے میں قیاس آرائیاں کرے تو اسے مجنون کی بڑ سے زیادہ وقعت نہیں دینی چاہئے۔

۴:۔۔۔ رہا اِمام بن حسن عسکری کا مہدیٔ موعود ہونا، اہلِ سنت والجماعت کے نزدیک اس کی کوئی حقیقت نہیں، شیعوں نے اِبتدائی خروجِ مہدی کے بارے میں از خود اَئمہ عظام اہلِ بیت کو منسوب کراکر قیاس آرائیاں کی ہیں جو ہمیشہ غلط ثابت ہوئی ہیں، شیعہ کتب میں مذکور ہے کہ:

۱:۔۔۔ ’’اَئمہ نے ۷۰ھ میں خروجِ مہدی کا وعدہ کیا تھا مگر وہ پورا نہ ہوا۔‘‘

(نصیحۃ الشیعۃ ج:۲ بحوالہ صافی فی شرح کافی)

۲:۔۔۔ ’’امام جعفر صادقؒ خود مہدی ہونے والے تھے، مگر نہ ہوئے۔‘‘

(نصیحۃ الشیعۃ ج:۲ ص:۲۳۸، بحوالہ کتاب الغیبت للطوسی)

۳:۔۔۔ ’’اِمام موسیٰ کاظمؒ نے خروجِ مہدی کے لئے ۲۰۰ھ مقرّر کیا تھا، وہ بھی پورا نہ ہوا۔‘‘

(ج:۲ ص:۲۳۸)

یہ روایات اور یہ خروجِ مہدی کے اوقات اَئمہ کے نام پر شیعوں کو اِرتداد سے روکنے کے لئے گھڑے جاتے رہے کہ

مہدی کا وقت مقرّر ہے اور بہت جلد آنے والے ہیں، چنانچہ حسبِ روایات کتبِ شیعہ خود اِمام باقر ؒ نے ان کی تردید وتکذیب کی ہے، اُصولِ کافی کی روایت ہے:

’’عن الفضل بن یسار عن ابی جعفر علیہ السلام قال: قلت لھٰذا الأمر وقت؟ فقال: کذب الوقاتون کذب الوقاتون کذب الوقاتون۔‘‘

(نصیحۃ الشیعۃ ج:۲ ص:۲۳۸ بحوالہ اُصولِ کافی ص:۲۳۲)

’’فضل بن یسار اِمام باقر ؒ سے روایت کرتا ہے کہ میں نے پوچھا کہ کیا اس اَمر (خروجِ مہدی) کے لئے کوئی وقت مقرّر ہے؟ اِمام نے تین مرتبہ فرمایا کہ: جھوٹ بولا تھا وقت مقرّر کرنے والوں نے۔‘‘

فقط واللّٰہ اعلم!

(فتویٰ حقانیہ ج:۱ ص:۳۰۳-۳۰۷)

کیا قتلِ خنزیر نبوّت کے منافی ہے؟

سوال:۔۔۔ در بخاری شریف ست کہ حضرت عیسیٰ علیہ السلام’’یَقْتُلُ الْخِنْزِیْرَ‘‘ وایں اِصرار شانِ نبوّت بسے کمترست ایں را جملہ اگر تاویلے دیگر ست پس اگر احمدی لفظ ابن مریم را ہم چناں تاویل کنند قبول خواہد افتاد یا نہ؟

جواب:۔۔۔ در حدیث آمدہ بحق آنحضرت قتلِ کلاب یعنی برائے قتلِ کلاب(۱) (سگہیا) حکم فرمود اگر ایں فعل قتلِ کلاب منافی نبوّتِ محمدیہ نبود قتل الخنازیر ہم نباشد

(فتاویٰ علماء حدیث ص:۱۰۲)

ایک قادیانی کے چند سوالات مع جوابات

سوال:۔۔۔ ایک دن کا ذِکر ہے کہ فقیر مورخہ ۲۹؍ستمبر ۱۹۱۹ء کو علاقہ لائل پور (فیصل آباد) موضع میترانوالی میں اپنے رفیقوں سے ملنے کی خاطر گیا، اور رفیقوں میں سے ایک رفیق مسمّیٰ عبدالحکیم عطار نے یہ اِعتراض تحریر شدہ فقیر کے پیش کردئیے اور کہا کہ یہ اِعتراض ایک مرزائی نے بندہ کی طرف تحریر کئے ہیں، اور کہتا ہے کہ ان اِعتراضوں کا جواب اب تک کسی حنفی یا شیعہ یا اہلحدیث نے نہیں دیا، اور نہ ہی دے سکتے ہیں۔ لہٰذا عرض ہے کہ آپ مہربانی فرماکر ان اِعتراضوں کے جواب تحریر فرمائیں اور اُمید قوی ہے کہ آپ ان کے اِعتراضوں کے جواب باصواب دندان شکن دے سکتے ہیں، کیونکہ آپ کو اللّٰہ تعالیٰ نے علمِ ظاہری اور باطنی بذریعہ سلطان باہو رحمۃاللّٰہ علیہ عطا بے حساب کیا ہوا ہے۔ اور وہ اِعتراض تحریر شدہ یہ ہیں:

بِسْمِ اﷲِ الرَّحْمٰنِ الرَّحِیْمِ

چند سوالات بخدمت علمائے حنفیہ واہلحدیث واہلِ تشیع ومشائخ صوفیائی!

۱:۔۔۔ اللّٰہ تعالیٰ نے مسیح کی پیدائش کی خبر اس کی والدہ کو دِی اور محمد صلی اللّٰہ علیہ وسلم کی پیدائش کی بشارت ان کی والدہ کو

(۱)عن ابن عمر ان رسول ﷲ صلی ﷲ علیہ وسلم امر بقتل الکلاب۔ (صحیح مسلم ج:۲ ص:۲۰)۔

نہیں دی، پس افضل کون ہوا؟

۲:۔۔۔ مسیح کی والدہ کی نسبت فرمایا کہ وہ صدیقہ ہے، مگر محمد صلی اللّٰہ علیہ وسلم کی والدہ کو صدیقہ نہیں فرمایا، پس افضل کون ہوا؟

(بقلم الٰہ داد احمدی)

جواب:۔۔۔ (نوٹ) تمام اِعتراضوں کے جواب تحریر کرنے کے واسطے تو اَب اس جلد میں گنجائش نہیں رہی، صرف تھوڑا سا بیان سوال نمبر اوّل ودوم کے بارے میں تحریر کیا جاتا ہے جو مفصلہ ذیل ہے:

سوال نمبر۱ ونمبر۲ میں لکھا ہے کہ رسول اللّٰہ صلی اللّٰہ علیہ وسلم کی والدہ کو آپ کی پیدائش کی بشارت نہیں دی گئی اور نہ ہی ان کی والدہ کو صدیقہ کہا گیا ہے، اور مسیح کی والدہ کو بشارت بھی دی گئی اور صدیقہ بھی کہا گیا ہے، لہٰذا کون شان میں افضل ہے؟

افسوس! اب تک معترض کو معلوم نہیں ہوا کہ حضور صلی اللّٰہ علیہ وسلم کی شانِ مبارک باتفاق جمیع مسلمین تمام انبیاء علیہم السلام پر کئی وجوہات سے زیادہ ہے، اور فقیر اِن شاء اللّٰہ تعالیٰ جلد چہارم میں نقشہ بناکر دِکھائے گا اور یہ جو معترض کے دِل میں خیال گزرا ہے کہ جس کی والدہ کو پیشگی بشارت دی گئی اس کی شان زیادہ ہے، اس کی نسبت انصاف فرمائیے کہ جس شخص کی نسبت بشارت روزِ میثاق سے لے کر آدم علیہ السلام تک، اور آدم علیہ السلام سے لے کر یکے بعد دیگرے انبیاء علیہم السلام مانند حضرت اِبراہیم واِسماعیل وحضرت موسیٰ علیہم السلام کی زبان فیض ترجمان سے ظاہر ہوئی، اس کی شان زیادہ ہوگی یا جس کی بشارت صرف ایک عورت کو دِی جائے؟ یعنی ایک شخص کی نسبت ایک لاکھ چوبیس ہزار انبیاء کو بشارت دی گئی ہو، اور دُوسرے شخص کی نسبت صرف ایک عورت عفیفہ کو بشارت ملی ہو، اب بتلائیے کس کی عزّت ومنزلت عنداللّٰہ زیادہ ہوگی؟ اور ان دلائلِ قاطعہ کے ثبوت میں دو تین آیات بھی تحریر کی جاتی ہیں تاکہ ناظرین کو یقین آجائے، وھو ھٰذا:

’’وَإِذْ أَخَذَ اللہُ مِیْثَاقَ النَّبِیِّیْنَ لَمَا آتَیْتُکُم مِّن کِتَابٍ وَحِکْمَۃٍ ثُمَّ جَاء کُمْ رَسُولٌ مُّصَدِّقٌ لِّمَا مَعَکُمْ لَتُؤْمِنُنَّ بِہِ وَلَتَنصُرُنَّہُ ‘‘

(آل عمران:۸۱)

’’یعنی جس وقت عہد لیا خداوند کریم نے پیغمبروں سے کہ جو کچھ دُوں میں تم کو کتاب اور حکمت سے، پھر جب آئے تمہارے پاس سچا کرنے والا اس چیز کا جو پاس تمہارے ہے، ضرور اس کے ساتھ اِیمان لائیں اور ضرور مدد دینا۔‘‘

تب تمام ارواحِ انبیاء نے اس پر اِقرار کرلیا اور اس کی تائید پر یہ آیت ہے:

’’وَمِن نُّوحٍ وَإِبْرَاہِیْمَ وَمُوسَی وَعِیْسَی ابْنِ مَرْیَمَ وَأَخَذْنَا مِنْہُم مِّیْثَاقاً غَلِیْظاً‘‘

(الاحزاب:۷)

’’یعنی جب ہم نے نوح واِبراہیم وموسیٰ وعیسیٰ بن مریم سے پکا اِقرار لیا۔‘‘

اور جب حضرت عیسیٰ علیہ السلام کا زمانہ آیا تو انہوں نے بھی خود اپنی قوم کو بشارت دی اور کہا:

’’وَإِذْ قَالَ عِیْسَی ابْنُ مَرْیَمَ یَا بَنِیْ إِسْرَائِیْلَ إِنِّیْ رَسُولُ اللَّہِ إِلَیْکُم مُّصَدِّقاً لِّمَا بَیْنَ یَدَیَّ مِنَ التَّوْرَاۃِ

وَمُبَشِّراً بِرَسُولٍ یَأْتِیْ مِن بَعْدِیْ اسْمُہُ أَحْمَدُ‘‘

(الصف:۶)

اور ایسا ہی اناجیل میں ہے، چنانچہ استثناء کی کتاب موسیٰ جلد۵ صفحہ:۱۵ سے۱۸ تک مذکور ہے۔

غرضیکہ عرب کے تمام مذاہب کے مردوں اور عورتوں کو پہلے سے ہی آپ کی تشریف آوری کی خبر کتابوں سے ظاہر ہوچکی تھی، یہاں تک کہ بوقتِ مصیبت حضور صلی اللّٰہ علیہ وسلم کی ذات کا وسیلہ پکڑتے تھے، اور یہ بھی معلوم ہوچکا تھا کہ خاندانِ اِسماعیل سے پشت بہ پشت نبی آخرالزمان نسب ہاشمی سے ہوگا۔ چنانچہ قرآن مجید میں ہے: ’’وَتَقَلُّبَکَ فِیْ السَّاجِدِیْنَ‘‘ (الشعراء:۲۱۹) یعنی اے میرے حبیب تو نمازیوں میں پھرتا چلا آیا ہے۔ پس اس آیت شریف سے معلوم ہوا کہ آپ کا خاندان حضرت آدم سے لے کر جہاں میں آپ نے ٹھکانا کیا ہے وہ سب کے سب صادقین وموحدین ہوئے اور مائی مریم پر جب مخالفین نے اِلزام زنا وغیرہ لگایا تو خداوند کریم نے ان کی بریت بیان کی اور کہا کہ تم لوگ جھوٹے ہو، وہ عفیفہ اور صادقہ ہے، اور مائی آمنہ رضی اللّٰہ عنہا پر تو کسی فرد نے کسی قسم کا اِلزام نہیں لگایا تو پھر خداوند کریم کو کیا ضرورت تھی کہ خواہ مخواہ ایک بے ضرورت قصہ بیان کرتا اور بشارتیں دیتا۔ باقی بیان اِن شاء اللّٰہ جلد چہارم وپنجم فتاویٰ نظامیہ وغیرہما میں کیا جائے گا۔

فقط والسلام علیٰ من اتبع الہدیٰ!

(فتاویٰ نظامیہ ج:۳ ص:۲۶۷ تا ۲۷۱)

مرزا غلام احمد قادیانی جھوٹا ہے

سوال:۔۔۔ مرزا غلام احمد قادیانی کو مسیحِ موعود ماننے سے کیا حرج ہے؟ مہربانی فرماکر جواب سے نوازیں۔

جواب:۔۔۔ میرے بھائی! مرزائیوں کے مقابلے میں مسئلہ حیاتِ مسیح علیہ السلام پر بحث کرنا اصل مبحث نہیں، بلکہ ان کے مقابلے میں مرزا غلام احمد قادیانی کی ذات پر بحث کرنی چاہئے، کیونکہ یہ سب اِختلافات مرزا غلام احمد قادیانی کے آنے اور مسیحِ موعود بننے سے ہی پیدا ہوئے ہیں۔ مرزاقادیانی کی شخصیت پر بحث کرنی چاہئے کہ اس طرح کا بکواس لکھنے والا شخص کبھی مہذّب انسان بھی ہوسکتا ہے یا نہیں؟ چہ جائیکہ ہم اسے مسیحِ موعود تسلیم کرلیں۔ مرزا نے اپنی ذِلت ورُسوائی کو چھپانے کے لئے مسئلہ حیات ووفات حضرت مسیح علیہ السلام اپنی عمارت کا بنیادی پتھر بنایا تاکہ مسلمانوں کو اس بحث میں اُلجھاکر ان کے اِیمان کو لوٹا جاسکے۔ پس اس پر بھی ہم نے ان کے شکوک وشبہات کا رَدِّبلیغ کردیا ہے تاکہ گم گشتہ راہ دوست ان کے فتنوں سے محفوظ رہ سکیں۔ جیسے حضرت عیسیٰ علیہ السلام کی پیدائش نرالی تھی، اور پھر ان کی زندگی بھی نرالی ہے، سو اس طرح ان کا دورِ آخر پھر سے اس زمین پر آنا بھی کچھ نرالا ہونے کا متقاضی ہے۔ یہ نرالا ہونا عین عقل ہے، حضرت عیسیٰ علیہ السلام کا جسمِ خاکی کے ساتھ اب تک آسمان میں زندہ رہنا اور قربِ قیامت میں آسمان سے نازل ہونا، قرآن وحدیث اور اِجماعِ اُمت سے ثابت ہے،(۱) اس کا منکر گمراہ ہے۔ اگر مرزاقادیانی کو مسیحِ موعود تسلیم کرلیں تو قرآن وحدیث کی سینکڑوں نصوص کو ۔۔۔نعوذباللّٰہ!۔۔۔ جھوٹا تسلیم کرنا پڑے گا، کیونکہ آپ صلی اللّٰہ علیہ وسلم نے صاف لفظوں میں اِرشاد فرمایا کہ عیسیٰ ابن مریم جو پہلے گزرا ہے وہ آنے والا ہے۔(۲) اگر کوئی بدبخت یہ مان لے کہ مرزا غلام احمد قادیانی

(۱،۲) حوالے اور تفصیل کے لئے ملاحظہ کیجئے: ص:۱۸۹ تا ۲۳۰ کا فتویٰ اور اس کے حواشی۔

ولد غلام مرتضیٰ یا پنجاب کا رہنے والا سچا مسیحِ موعود ہے، تو اس کے صاف معنی یہ ہوں گے کہ آپ صلی اللّٰہ علیہ وسلم نے سچی خبر نہیں دی اور آپ (اور باقی سوالوں کے جواب اِن شاء اللّٰہ تعالیٰ جلد چہارم پنجم میں حسب اِستعداد فقیر تحریر ہوں گے) مخبرِ صادق نہیں تھے اور نہ آپ کی وحی کامل تھی اور آپ کا علم سچا تھا کہ آنا تھا مرزاقادیانی نے اور آپ نے اپنی اُمت کو غلط خبر دی کہ آنے والا عیسیٰ ابن مریم نبی ناصری ہے۔ پھر آنے والے نے قادیان آنا تھا اور آپ صلی اللّٰہ علیہ وسلم نے فرمایا کہ دمشق میں نازل ہوگا۔ پھر مسیحِ موعود نے ماں کے پیٹ سے پیدا ہونا تھا، آپ صلی اللّٰہ علیہ وسلم نے فرمایا کہ آسمان سے نازل ہوگا، آپ صلی اللّٰہ علیہ وسلم ارشاد فرماتے ہیں کہ حضرت مسیح علیہ السلام بعد نزول فوت ہوں گے اور میرے مقبرے میں دفن ہوں گے۔(۱) مگر مرزاقادیانی کہتے ہیں: نہیں وہ تو فوت ہوچکے ہیں اور کشمیر میں جادفن ہوئے۔ نیز آپ صلی اللّٰہ علیہ وسلم نے فرمایا کہ دجال مقامِ لد جو بیت المقدس میں ہے، حضرت مسیح علیہ السلام کے ہاتھ سے مقتول ہوگا، مگر مرزاقادیانی کہتا ہے کہ نہیں دجال مقامِ لدھیانہ میں قتل ہوگا اور قتل تلوار سے نہیں قلم سے ہوگا، وغیرہ وغیرہ، غرضیکہ ہر ایک بات میں آپ صلی اللّٰہ علیہ وسلم سے مرزا نے مخالفت کی ہے، کیا اتنا جھوٹ بولنے والے کے بارے میں تصوّر کیا جاسکتا ہے کہ وہ انسانیت سے بھی آشنا ہے یا نہیں؟ اگر کوئی بدبخت حضرت مسیح علیہ السلام کی وفات کا عقیدہ مان لے تو قربِ قیامت میں ایک نئے مسیح کی آمد ماننی پڑے گی اور پھر مندرجہ ذیل باطل عقائد اس کو تسلیم کرنا پڑیں گے:

۱:۔۔۔ ختمِ نبوّت کا منکر ضرور ہوگا جو کہ باجماعِ اُمت کفر ہے۔(۲)

۲:۔۔۔ مرزا قادیانی کو نبی اور رسول بھی یقین کرنا ہوگا، چونکہ حضرت عیسیٰ علیہ السلام نبی اور رسول تھے، جب غیرعیسیٰ کوئی آئے گا، تو جدید نبی بعد از خاتم النّبیین کہلائے گا اور یہ کفر ہے۔(۳)

۳:۔۔۔ اور اس کے علاوہ نبی کبھی جھوٹا نہیں ہوسکتا، اور قادیانی کو مسیحِ موعود تسلیم کرنے سے گویا جھوٹا آدمی مسیحِ موعود ہوا تو یہ بھی کفر ہے۔

۴:۔۔۔ مرزاقادیانی کو خاتم الانبیاء ماننا پڑے گا، کیونکہ اس صورت میں آخرالنبی وہی ہوں گے اور اس طرح بھی کفر لازم آتا ہے۔

۵:۔۔۔ اُمتِ محمدیہ آخرالامم نہ رہے گی، کیونکہ پھر جدید نبی کی اُمت آخری اُمت ہوگی اور اس کا علیحدہ نام ہوگا، حالانکہ یہ ممکن نہیں ہے۔

۶:۔۔۔ قرآنِ حکیم آخرالکتب نہ رہے گا، کیونکہ آخرالکتب مرزا کی وحی ہوگی، جیسا کہ مرزا نے لکھا ہے:

ہمچو قرآن منزہ اش دانم

از خطاہا ہمیں است ایمانم

(نزول المسیح ص:۹۹، خزائن ج:۱۸ ص:۴۷۷)

(۱) ص:۱۷۰ کا حاشیہ نمبر۲ ملاحظہ ہو۔

(۲،۳) ص:۱۶۲ کا حاشیہ نمبر۱ ملاحظہ ہو۔

نبی اکرم صلی اللّٰہ علیہ وسلم نامکمل نبی ثابت ہوں گے، کیونکہ کامل کے بعد نامکمل نہیں آتا، نامکمل کے بعد کامل اس لئے آتا ہے کہ اس کی تکمیل کرے۔ دین ناقص ثابت ہوتا ہے کیونکہ جب نبی آتا ہے تو ضرورت ثابت ہوتی ہے، اور ضرورت تب ہی ہوتی ہے کہ سابقہ دِین نامکمل ہوتا ہے۔ وفاتِ مسیح تسلیم کرنے سے کفر لازم آتا ہے، کیونکہ نصِ قرآنی: ’’وَإِنَّہُ لَعِلْمٌ لِّلسَّاعَۃِ‘‘ (الزخرف:۶۱) سے ثابت ہے، جب علامتِ قیامت سے انکار ہوگا تو اَصل قیامت سے بھی اِنکار ہوگا، کیونکہ جب شرط فوت ہو تو مشروط بھی فوت ہوتا ہے، اور قیامت کا منکر کافر ہے۔ اگر نزولِ مسیح بروزی رنگ میں دُرست تسلیم کرلیں تو جتنے کاذب مسیح گزرے ہیں، سب سچ تسلیم کرنے پڑیں گے، کیونکہ وہ بھی ماں کے پیٹ سے پیدا ہوئے تھے۔

وہ شخص کیسا بدبخت اور گمراہ کن ہے جو رِسالت مآب صلی اللّٰہ علیہ وسلم کو جھٹلائے اور تمام اَفرادِ اُمت سے الگ ہوکر یہ اِعتقاد بنائے کہ آپ کو ۔۔۔نعوذباللّٰہ۔۔۔ قرآن مجید سمجھ نہیں آیا تھا اور آپ کا ذہن ایسا ناقص تھا کہ وفاتِ حضرت مسیح علیہ السلام کا ذِکر کئی مرتبہ اللّٰہ تعالیٰ نے قرآنِ حکیم میں فرمایا اور آپ صلی اللّٰہ علیہ وسلم نہ سمجھے، اور ہر ایک حدیث میں عیسیٰ ابن مریم فرماتے رہے، اور اللّٰہ تعالیٰ نے ابھی تیرہ سو برس تک اُمتِ محمدیہ کو گمراہ رکھا کہ بروز نزول نہ بتایا ۔۔۔العیاذباللّٰہ۔۔۔!

خلاصۂ بحث یہ ہوا کہ مرزا غلام احمد قادیانی کا تمام کارخانہ ہی غلط ہے، اسے ایک عام آدمی سمجھنے سے بھی جھوٹ لازم آتا ہے، چہ جائیکہ اسے مسیحِ موعود تسلیم، دعوؤں میں کاذب ہے، کیونکہ اس کے دعوے کو تسلیم کرنے سے مسلمان کے دامن میں اِیمان نہیں رہ سکتا، اس جھوٹے اور دجال شخص نے انگریزوں کی نمک حلالی کے لئے پوری اُمتِ مسلمہ کو کافر کہا ہے۔ میں اپنے بھولے بھالے بھائیوں سے اپیل کرتا ہوں کہ آئیے تجدیدِ اِیمان کریں اور توبہ کریں اور ان رُسوائے زمانہ قادیانیوں کی غلیظ اور پراگندہ ذہنیت سے اپنے آپ کو محفوظ کرکے اپنا تعلق گنبدِ خضریٰ سے قائم کریں، اسی میں ہماری نجات ہے، اللّٰہ تعالیٰ ہم سب کو قادیانیوں کی پراگندیوں سے محفوظ رکھے، آمین! ذہن نشین کرلیں کہ آج کل انہوں نے اپنے پینترے بدلے ہوئے ہیں، اپنے جھوٹ کو اِقرارِ ختمِ نبوّت میں چھپا رہے ہیں، لہٰذا جب تک یہ منکرینِ ختمِ نبوّت مرزاقادیانی کی تکذیب نہ کریں، اس وقت تک ختمِ نبوّت پر اِیمان معتبر نہیں ہوسکتا۔

(فتاویٰ حکیمیہ ص:۳۲۷ تا ۳۲۹)

✨ 🌟 ✨

بابِ نہم

حیاتِ عیسیٰ علیہ السلام

حضرت عیسیٰ علیہ السلام کی حیات ونزول قرآن وحدیث کی روشنی میں

سوال:۔۔۔ میرے دِل میں دو تین سوال آئے ہیں، جن کے جواب چاہتا ہوں، اور یہ جواب قرآن مجید کے ذریعے دئیے جائیں، اور میں آپ کو یہ بتادینا چاہتا ہوں کہ میں ’’احمدی‘‘ ہوں، اگر آپ نے میرے سوالوں کے جواب صحیح دئیے تو ہوسکتا ہے کہ میں آپ کے قریب زیادہ آجاؤں۔

۱:۔۔۔ کیا آپ قرآن مجید کے ذریعے یہ بتاسکتے ہیں کہ حضرت عیسیٰ علیہ السلام زندہ آسمان پر موجود ہیں اور اس جہان میں فوت نہیں ہوئے؟

۲:۔۔۔ کیا قرآن مجید میں کہیں ذِکر ہے کہ حضرت عیسیٰ علیہ السلام دوبارہ دُنیا میں تشریف لائیں گے؟ اور وہی آکر اِمام مہدی ہونے کا دعویٰ کریں گے؟

۳:۔۔۔ ’’كُلُّ نَفسٍ ذَآئِقَۃُ المَوتِ‘‘ کا لفظی معنی کیا ہے؟ اور کیا اس سے آپ کے دوبارہ آنے پر کوئی اثر نہیں پڑتا؟

جواب:۔۔۔ جہاں تک آپ کے اس اِرشاد کا تعلق ہے کہ: ’’اگر آپ نے میرے سوالات کے جواب صحیح دئیے تو ہوسکتا ہے کہ میں آپ کے قریب آجاؤں‘‘ یہ تو محض حق تعالیٰ کی توفیق وہدایت پر منحصر ہے۔ تاہم جناب نے جو سوالات کئے ہیں، میں ان کا جواب پیش کر رہا ہوں، اور یہ فیصلہ کرنا آپ کا اور دیگر قارئین کا کام ہے کہ میں جواب صحیح دے رہا ہوں یا نہیں؟ اگر میرے جواب میں کسی جگہ لغزش ہو تو آپ اس پر گرفت کرسکتے ہیں، وباللّٰہ التوفیق!

اصل سوالات پر بحث کرنے سے پہلے میں اِجازت چاہوں گا کہ ایک اُصولی بات پیشِ خدمت کروں۔ وہ یہ کہ حضرت عیسیٰ علیہ السلام کی حیات اور ان کی دوبارہ تشریف آوری کا مسئلہ آج پہلی بار میرے اور آپ کے سامنے نہیں آیا، بلکہ آنحضرت صلی اللّٰہ علیہ وسلم کے مبارک دور سے لے کر آج تک یہ اُمتِ اسلامیہ کا متواتر اور قطعی عقیدہ چلا آتا ہے، اُمت کا کوئی دور ایسا نہیں گزرا جس میں مسلمانوں کا یہ عقیدہ نہ رہا ہو، اور اُمت کے اکابر صحابہ کرامؓ، تابعینؒ اور اَئمۂ مجدّدینؒ میں سے ایک فرد بھی ایسا نہیں جو اس عقیدے کا قائل نہ ہو۔ جس طرح نمازوں کی تعدادِ رَکعات قطعی ہے، اسی طرح اسلام میں حضرت عیسیٰ علیہ السلام کی حیات اور آمد کا عقیدہ بھی قطعی ہے، خود جناب مرزا صاحب کو بھی اس کا اِقرار ہے، چنانچہ لکھتے ہیں:

’’مسیح ابنِ مریم کے آنے کی پیش گوئی ایک اوّل درجے کی پیش گوئی ہے، جس کو سب نے بالاتفاق قبول کرلیا ہے، اور جس قدر صحاح میں پیش گوئیاں لکھی گئی ہیں، کوئی پیش گوئی اس کے ہم پہلو اور ہم وزن ثابت نہیں ہوتی، تواتر کا اَوّل درجہ اس کو حاصل ہے۔‘‘

(اِزالہ اوہام، رُوحانی خزائن ج:۳ ص:۴۰۰)

دُوسری جگہ لکھتے ہیں:

’’اس اَمر سے دُنیا میں کسی کو بھی اِنکار نہیں کہ احادیث میں مسیحِ موعود کی کھلی کھلی پیش گوئی موجود ہے، بلکہ قریباً تمام مسلمانوں کا اس بات پر اِتفاق ہے کہ احادیث کی رُو سے ضرور ایک شخص آنے والا ہے جس کا نام عیسیٰ بن مریم ہوگا، اور یہ پیش گوئی بخاری اور مسلم اور ترمذی وغیرہ کتبِ حدیث میں اس کثرت سے پائی جاتی ہے جو ایک منصف مزاج کی تسلی کے لئے کافی ہے۔

یہ خبر مسیحِ موعود کے آنے کی اس قدر زور کے ساتھ ہر ایک زمانے میں پھیلی ہوئی معلو م ہوتی ہے کہ اس سے بڑھ کر کوئی جہالت نہ ہوگی کہ اس کے تواتر سے اِنکار کیا جائے۔ میں سچ سچ کہتا ہوں کہ اگر اِسلام کی وہ کتابیں جن کی رُو سے یہ خبر سلسلہ وار شائع ہوتی چلی آئی ہے، صدی وار مرتب کرکے اِکٹھی کی جائیں تو ایسی کتابیں ہزارہا سے کچھ کم نہ ہوں گی۔ ہاں! یہ بات اس شخص کو سمجھانا مشکل ہے جو اِسلامی کتابوں سے بالکل بے خبر ہے۔‘ـ‘

(شہادۃ القرآن ص:۲، رُوحانی خزائن ج:۶ ص:۲۹۸)

مرزا صاحب، حضرت عیسیٰ علیہ السلام کے آنے کی احادیث کو متواتر اور اُمت کے اِعتقادی عقائد کا مظہر قرار دیتے ہوئے لکھتے ہیں:

’’پھر ایسی احادیث جو تعاملِ اِعتقادی یا عملی میں آکر اِسلام کے مختلف گروہوں کا ایک شعار ٹھہرگئی تھیں، ان کو قطعیت اور تواتر کی نسبت کلام کرنا تو درحقیقت جنون اور دِیوانگی کا ایک شعبہ ہے۔‘‘

(شہادۃ القرآن ص:۵، رُوحانی خزائن ج:۶ ص:۳۰۲)

جناب مرزا صاحب کے یہ اِرشادات مزید تشریح ووضاحت کے محتاج نہیں، تاہم اس پر اتنا اِضافہ ضرور کروں گا کہ:

۱:۔۔۔ احادیثِ نبویہ میں ۔۔۔جن کو مرزا صاحب قطعی متواتر تسلیم فرماتے ہیں۔۔۔ کسی گمنام ’’مسیحِ موعود‘‘ کے آنے کی پیش گوئی نہیں کی گئی، بلکہ پوری وضاحت وصراحت کے ساتھ حضرت عیسیٰ علیہ السلام کے قربِ قیامت میں دوبارہ نازل ہونے کی خبر دِی گئی ہے۔ پوری اُمتِ اِسلامیہ کا ایک ایک فرد، قرآنِ کریم اور احادیث کی روشنی میں صرف ایک ہی شخصیت کو ’’عیسیٰ علیہ السلام‘‘ کے نام سے جانتا پہچانتا ہے، جو آنحضرت صلی اللّٰہ علیہ وسلم سے پہلے بنی اِسرائیل میں آئے تھے، اس ایک شخصیت کے علاوہ کسی اور کے لئے ’’عیسیٰ بن مریم‘‘ کا لفظ اِسلامی ڈکشنری میں کبھی اِستعمال نہیں ہوا۔

۲:۔۔۔ آنحضرت صلی اللّٰہ علیہ وسلم سے لے کر آج تک اُمتِ اِسلامیہ میں جس طرح حضرت عیسیٰ علیہ السلام کے آنے کا

عقیدہ متواتر رہا ہے، اس طرح ان کی حیات اور رفعِ آسمانی کا عقیدہ بھی متواتر رہا ہے، اور یہ دونوں عقیدے ہمیشہ لازم وملزم رہے ہیں۔

۳:۔۔۔ جن ہزارہا کتابوں میں صدی وار حضرت عیسیٰ علیہ السلام کا آنا لکھا ہے، ان ہی کتابوں میں یہ بھی لکھا ہے کہ وہ آسمان پر زِندہ ہیں اور قربِ قیامت میں دوبارہ تشریف لائیں گے، پس اگر حضرت عیسیٰ علیہ السلام کے آنے کا اِنکار مرزا صاحب کے بقول ’’دیوانگی اور جنون کا ایک شعبہ ہے‘‘ تو ان کی حیات کے اِنکار کا بھی یقینا یہی حکم ہوگا۔۔۔!

ان تمہیدی معروضات کے بعد اَب آپ کے سوالوں کا جواب پیشِ خدمت ہے۔

۱:۔۔۔ حضرت عیسیٰ علیہ السلام:

آپ نے دریافت کیا تھا کہ کیا قرآنِ کریم سے یہ ثابت کیا جاسکتا ہے کہ حضرت عیسیٰ علیہ السلام فوت نہیں ہوئے بلکہ وہ زندہ ہیں؟ جواباً گزارش ہے کہ قرآنِ کریم سے یہ ثابت کیا جاسکتا ہے کہ حضرت عیسیٰ علیہ السلام کو یہود کی گرفت سے بچاکر آسمان پر زِندہ اُٹھالیا۔

پہلی آیت:۔۔۔ سورۃ النساء آیت:۱۵۷،۱۵۸ میں یہود کا یہ دعویٰ نقل کیا ہے کہ: ’’ہم نے مسیح ابنِ مریم رسول اللّٰہ کو قتل کردیا۔‘‘ اللّٰہ تعالیٰ ان کے اس ملعون دعوے کی تردید کرتے ہوئے فرماتے ہیں کہ: ’’انہوں نے نہ تو عیسیٰ علیہ السلام کو قتل کیا، نہ انہیں سولی دی، بلکہ ان کو اِشتباہ ہوا ۔۔۔۔۔۔۔۔ اور انہوں نے آپ کو یقینا قتل نہیں کیا، بلکہ ہوا یہ کہ اللّٰہ تعالیٰ نے آپ کو اپنی طرف اُٹھالیا اور اللّٰہ تعالیٰ زبردست ہے، بڑی حکمت والا ہے۔‘‘(۱)

یہاں جناب کو چند چیزوں کی طرف توجہ دِلاتا ہوں:

۱:۔۔۔ یہود کے دعوے کی تردید کرتے ہوئے اللّٰہ تعالیٰ نے قتل اور صلب ۔۔۔سولی دئیے جانے۔۔۔ کی تردید فرمائی، بعد اَزاں قتل اور رَفع کے درمیان مقابلہ کرکے قتل کی نفی کی اور اس کی جگہ رفع کو ثابت فرمایا۔

۲:۔۔۔ جہاں قتل اور رَفع کے درمیان اس طرح کا مقابلہ ہو، جیسا کہ اس آیت میں ہے، وہاں رفع سے رُوح اور جسم دونوں کا رَفع مراد ہوسکتا ہے، یعنی زندہ اُٹھالینا، صرف رُوح کا رَفع مراد نہیں ہوسکتا اور نہ رفعِ درجات مراد ہوسکتا ہے۔ قرآنِ کریم، حدیثِ نبوی اور محاوراتِ عرب میں ایک مثال بھی ایسی نہیں ملے گی کہ کسی جگہ قتل کی نفی کرکے اس کی جگہ رفع کو ثابت کیا گیا ہو، اور وہاں صرف رُوح کا رَفع یا درجات کا رَفع مراد لیا گیا ہو، اور نہ یہ عربیت کے لحاظ سے ہی صحیح ہے۔(۲)

۳:۔۔۔ حق تعالیٰ شانہ‘ جہت اور مکان سے پاک ہیں، مگر آسمان چونکہ بلندی کی جانب ہے اور بلندی حق تعالیٰ کی شان کے لائق ہے، اس لئے قرآنِ کریم کی زبان میں ’’رفع الی اللّٰہ‘‘ کے معنی ہیں آسمان کی طرف اُٹھالیا جانا۔

(۱) ’’وَقَوْلِہِمْ إِنَّا قَتَلْنَا الْمَسِیْحَ عِیْسَی ابْنَ مَرْیَمَ رَسُولَ اللّہِ وَمَا قَتَلُوہُ وَمَا صَلَبُوہُ وَلَـکِن شُبِّہَ لَہُمْ… وَمَا قَتَلُوہُ یَقِیْناً. بَل رَّفَعَہُ اللّہُ إِلَیْہِ وَکَانَ اللّہُ عَزِیْزاً حَکِیْماً‘‘ (النساء:۱۵۷، ۱۵۸)

(۲) قولہ (اِنِّی مُتَوَفِّیكَ) یدل علٰی حصول التوفی وھو جنس تحتہ انواع بعضھا بالموت وبعضھا بالإصعاد إلی السماء فلما قال بعدہ (وَرَافِعُكَ اِلَیَّ) کان ھٰذا تعیینًا للنوع ولم یکن تکرارًا۔ (تفسیر کبیر ج:۸ ص:۶۸)

ایضًا: فالرفع فی الأجسام حقیقۃ فی الحرکۃ والإنتقال، وفی المعانی: محمول علٰی ما یقتضیہ المقام (المصباح المنیر ص:۱۳۹)

۴:۔۔۔ حضرت عیسیٰ علیہ السلام کا، یہود کی دست بُرد سے بچاکر، صحیح سالم آسمان پر اُٹھالیا جانا آپ کی قدر ومنزلت کی دلیل ہے، اس لئے یہ رفعِ جسمانی بھی ہے اور رُوحانی اور مرتبی بھی۔ اس کو صرف رفعِ جسمانی کہہ کر اس کو رَفعِ رُوحانی کے مقابل سمجھنا غلط ہے، ظاہر ہے کہ اگر صرف ’’رُوح کا رفع‘‘ عزّت وکرامت ہے تو ’’رُوح اور جسم دونوں کا رَفع‘‘ اس سے بڑھ کر موجبِ عزّت وکرامت ہے۔۔۔!

۵:۔۔۔ چونکہ آپ کے آسمان پر اُٹھائے جانے کا واقعہ عام لوگوں کی عقل سے بالاتر تھا اور اس بات کا اِحتمال تھا کہ لوگ اس بارے میں چہ میگوئیاں کریں گے کہ ان کو آسمان پر کیسے اُٹھالیا؟ اس کی کیا ضرورت تھی؟ کیا اللّٰہ تعالیٰ زمین پر ان کی حفاظت نہیں کرسکتا تھا؟ حضرت عیسیٰ علیہ السلام کے علاوہ کسی اور نبی کو کیوں نہیں اُٹھایا گیا؟ وغیرہ وغیرہ۔

ان تمام شبہات کا جواب: ’’وَکَانَ اللہُ عَزِیْزاً حَکِیْماً‘‘ (النساء:۱۵۸) میں دے دیا گیا۔ یعنی اللّٰہ تعالیٰ زبردست ہے، پوری کائنات اس کے قبضۂ قدرت میں ہے، اس لئے حضرت عیسیٰ علیہ السلام کو صحیح سالم اُٹھالینا اس کے لئے کچھ بھی مشکل نہیں اور ان کے وہاں زندہ رہنے کی اِستعداد پیدا کردینا بھی اس کی قدرت میں ہے، کائنات کی کوئی چیز اس کے اِرادے کے درمیان حائل نہیں ہوسکتی اور پھر وہ حکیمِ مطلق بھی ہے، اگر تمہیں حضرت عیسیٰ علیہ السلام کے اُٹھائے جانے کی حکمت سمجھ میں نہ آئے تو تمہیں اِجمالی طور پر یہ اِیمان رکھنا چاہئے کہ اس حکیمِ مطلق کا حضرت عیسیٰ علیہ السلام کو آسمان پر اُٹھالینا بھی خالی از حکمت نہیں ہوگا، اس لئے تمہیں چون وچرا کی بجائے اللّٰہ تعالیٰ کی حکمتِ بالغہ پر یقین رکھنا چاہئے۔

۶:۔۔۔ اس آیت کی تفسیر میں پہلی صدی سے لے کر تیرہویں صدی تک کے تمام مفسرین نے لکھا ہے کہ: حضرت عیسیٰ علیہ السلام کو آسمان پر زِندہ اُٹھایا گیا اور وہی قربِ قیامت میں آسمان سے نزولِ اِجلال فرمائیں گے۔ چونکہ تمام بزرگوں کے حوالے دینا ممکن نہیں، اس لئے میں صرف آنحضرت صلی اللّٰہ علیہ وسلم اور حضرت ابنِ عباسؓ کی تفسیر پر اِکتفا کرتا ہوں، ’’جو قرآنِ کریم کے سمجھنے میں اوّل نمبر والوں میں سے ہیں اور اس بارے میں ان کے حق میں آنحضرت صلی اللّٰہ علیہ وسلم کی ایک دُعا بھی ہے۔‘‘

(ازالہ اوہام ص:۲۴۷، خزائن ج:۳ ص:۲۲۵)

تفسیر درمنثور (ج:۲ ص:۳۶)، تفسیر ابنِ کثیر (ج:۱ ص:۳۶۶)، تفسیر ابنِ جریر (ج:۳ ص:۲۰۲) میں آنحضرت صلی اللّٰہ علیہ وسلم کا یہ اِرشاد نقل کیا ہے کہ آپ صلی اللّٰہ علیہ وسلم نے یہودیوں سے فرمایا: ’’بے شک عیسیٰ علیہ السلام مرے نہیں اور بے شک وہ تمہاری طرف دوبارہ آئیں گے۔‘‘(۱)

تفسیر درمنثور (ج:۲ ص:۳) میں ہے کہ آنحضرت نے عیسائیوں کے وفد سے مباحثہ کرتے ہوئے فرمایا: ’’کیا تم نہیں جانتے کہ ہمارا رَبّ زِندہ ہے، کبھی نہیں مرے گا، اور عیسیٰ علیہ السلام پر موت آئے گی۔‘‘(۲)

(۱)قال رسول ﷲ صلی ﷲ علیہ وسلم للیھود: إن عیسٰی لم یمت، وانہ راجع إلیکم قبل یوم القیامۃ۔ (درمنثور ج:۲ ص:۳۶)۔

(۲)عن الربیع قال: ان النصاریٰ اتوا رسول ﷲ صلی ﷲ علیہ وسلم فخاصموہ فی عیسَی بن مریم ۔۔۔۔۔۔۔ قال: الستم تعلمون ان ربّنا حیٌّ لا یموت وإن عیسٰی یأتی علیہ الفناء؟ قالوا: بلٰی! (تفسیر درمنثور ج:۲ ص:۳، طبع إیران)۔

تفسیر ابنِ کثیر (ج:۱ ص:۵۷۴)، تفسیر درمنثور (ج:۲ ص:۲۳۸) میں حضرت ابنِ عباسؓ سے بہ سندِ صحیح منقول ہے کہ: ’’جب یہود، حضرت عیسیٰ علیہ السلام کو پکڑنے کے لئے آئے تو اللّٰہ تعالیٰ نے ان کی شباہت ایک شخص پر ڈال دِی، یہود نے اسی ’’مثیلِ مسیح‘‘ کو مسیح سمجھ کر صلیب پر لٹکادیا اور حضرت عیسیٰ علیہ السلام کو مکان کے اُوپر سے زندہ آسمان پر اُٹھالیا۔‘‘(۱)

جیسا کہ اُوپر عرض کرچکا ہوں اُمت کے تمام اکابر مفسرین ومجدّدین متفق اللفظ ہیں کہ اس آیت کے مطابق حضرت عیسیٰ علیہ السلام کو صحیح سالم زندہ آسمان پر اُٹھالیا گیا، اور سوائے فلاسفہ اور زَنادقہ کے سلف میں سے کوئی قابلِ ذِکر شخص اس کا منکر نہیں ہوا،(۲) اور نہ کوئی شخص اس بات کا قائل ہے کہ حضرت عیسیٰ علیہ السلام سولی چڑھنے اور پھر صلیبی زخموں سے شفایاب ہونے کے بعد کشمیر چلے گئے اور وہاں ۷۳برس بعد ان کی وفات ہوئی۔

اب آپ خود ہی اِنصاف فرماسکتے ہیں کہ اُمت کے اس اِعتقادی تعامل کے بعد حضرت عیسیٰ علیہ السلام کے رفعِ آسمانی میں شک کرنا، اور اس کی قطعیت اور تواتر میں کلام کرنا، جناب مرزا صاحب کے بقول ’’درحقیقت جنون اور دیوانگی کا ایک شعبہ‘‘ ہے یا نہیں۔۔۔؟

۲:۔۔۔ حضرت عیسیٰ علیہ السلام کی دوبارہ تشریف آوری:

سیّدنا عیسیٰ علیہ السلام کی دوبارہ تشریف آوری کا مضمون قرآنِ کریم کی کئی آیتوں میں اِرشاد ہوا ہے، اور یہ کہنا بالکل صحیح ہے کہ آنحضرت صلی اللّٰہ علیہ وسلم کی وہ متواتر اَحادیث جن میں حضرت عیسیٰ علیہ السلام کے نزول کی اِطلاع دی گئی ہے اور جن پر بقول مرزا صاحب کے ’’اُمت کا اِعتقادی تعامل چلا آرہا ہے‘‘(۳) وہ سب انہی آیات، کریمہ کی تفسیر ہیں۔

پہلی آیت:

سورۃ الصف آیت:۹ میں اِرشاد ہے: ’’وہی ہے جس نے بھیجا اپنا رسول، ہدایت اور دِینِ حق دے کر تاکہ اسے غالب کردے تمام دِینوں پر، اگرچہ کتنا ہی ناگوار ہو مشرکوں کو۔‘‘(۴)

’’یہ آیت جسمانی اور سیاستِ ملکی کے طورپر حضرت مسیح کے حق میں پیش گوئی ہے، اور جس غلبہ کاملہ دِینِ اسلام کا وعدہ دِیا گیا ہے وہ غلبہ مسیح کے ذریعے سے ظہور میں آئے گا، اور جب تک حضرت مسیح علیہ السلام

(۱)(وَقَولِہِم اِنَّا قَتَلنَا المَسِیحَ) عن ابن عباس قال: لما اراد ﷲ ان یرفع عیسٰی إلی السماء خرج إلٰی اصحابہ ۔۔۔۔۔۔۔۔ فالقیٰ علیہ (ای علٰی احد من حواریہ) شبہ عیسٰی ورفع عیسٰی من روزنۃ فی البیت إلی السماء، قال: وجاء الطالب من الیھود فأخذوا الشبہ فقتلوہ ثم صلبوہ ۔۔۔إلخ۔ (تفسیر درمنثور ج:۲ ص:۲۳۸، طبع إیران)

(۲) فإن قیل: فما الدلیل علٰی نزول عیسٰی علیہ السلام من القرآن؟ فالجواب: الدلیل علٰی نزولہ قولہ تعالٰی: وَاِن مِّن اَہلِ الكِتٰبِ اِلَّا لَیُوٴمِنَنَّ بِہِ قَبلَ مَوتِہِ ای حین ینزل ویجمعون علیہ، وانکرت المعتزلۃ والفلاسفۃ والیھود والنصاریٰ عروجہ بجسدہ إلی السماء۔ (الیواقیت والجواھر ص:۱۴۶، حصہ دوم، طبع مصر)

(۳) شہادۃ القرآن ص:۵، رُوحانی خزائن ج:۶ ص:۳۰۱۔

(۴) ’’ہُوَ الَّذِیْ أَرْسَلَ رَسُولَہُ بِالْہُدَی وَدِیْنِ الْحَقِّ لِیُظْہِرَہُ عَلَی الدِّیْنِ کُلِّہِ وَلَوْ کَرِہَ الْمُشْرِکُونَ ‘‘ (الصف:۹)

دوبارہ اس دُنیا میں تشریف لائیں گے تو ان کے ہاتھ سے دِینِ اسلام جمیع آفاق اور اَقطار میں پھیل جائے گا، لیکن اس عاجز پر ظاہر کیا گیا ہے کہ یہ خاکسار اپنی غربت اور اِنکسار اور توکل اور اِیثار اور آیات اور اَنوار کے رُو سے مسیح کی پہلی زندگی کا نمونہ ہے ۔۔۔۔۔۔۔۔ سو چونکہ اس عاجز کو حضرت مسیح سے مشابہتِ تامہ ہے، اس لئے خداوند کریم نے مسیح کی پیش گوئی میں اِبتدا سے اس عاجز کو بھی شریک کر رکھا ہے، یعنی حضرت مسیح پیش گوئی متذکرہ بالا کا ظاہری اور جسمانی طور پر مصداق ہے اور یہ عاجز رُوحانی اور معقولی طو پر۔‘‘

(براہین احمدیہ، مصنفہ مرزا غلام احمد صاحب ص:۴۹۸،۴۹۹، رُوحانی خزائن ج:۱ ص:۵۹۳، ۵۹۴)

’’یعنی خدا وہ خدا ہے جس نے اپنے رسول کو ایک کامل ہدایت اور سچے دِین کے ساتھ بھیجا تاکہ اس کو ہر ایک قسم کے دِین پر غالب کردے، یعنی ایک عالم گیر غلبہ اس کو عطا کرے، اور چونکہ وہ عالم گیر غلبہ آنحضرت صلی اللّٰہ علیہ وسلم کے زمانے میں ظہور میں نہیں آیا اور ممکن نہیں کہ خدا کی پیش گوئی میں کچھ تخلف ہو، اس لئے آیت کی نسبت ان سب متقدمین کا اِتفاق ہے جو ہم سے پہلے گزر چکے ہیں کہ یہ عالم گیر غلبہ مسیحِ موعود کے وقت میں ظہور میں آئے گا۔‘‘

(چشمہ معرفت مصنفہ مرزا غلام احمد صاحب ص:۸۳،۹۱، رُوحانی خزائن ج:۲۳ ص:۹۱)

جناب مرزا صاحب کی اس تفسیر سے چند باتیں معلوم ہوئیں:

۱:۔۔۔ اس آیت میں حضرت عیسیٰ علیہ السلام کے جسمانی طور پر دوبارہ آنے کی پیش گوئی کی گئی ہے۔

۲:۔۔۔ مرزا صاحب پر بذریعہ اِلہام خدا تعالیٰ کی طرف سے ظاہر کیا گیا ہے کہ حضرت عیسیٰ علیہ السلام اس آیت کی پیش گوئی کا جسمانی اور ظاہری طور پر مصداق ہیں۔

۳:۔۔۔ اُمت کے تمام مفسرین اس پر متفق ہیں کہ اسلام کا غلبۂ کاملہ حضرت مسیح علیہ السلام کے وقت میں ہوگا۔

جناب مرزا صاحب کی اس ’’اِلہامی تفسیر‘‘ سے جس پر تمام مفسرین کے اِتفاق کی مہر بھی ثبت ہے، یہ ثابت ہوا کہ خدا تعالیٰ کے اس قرآنی وعدے کے مطابق سیّدنا عیسیٰ علیہ السلام ضرور دوبارہ تشریف لائیں گے اور ان کے ہاتھ سے اسلام تمام مذاہب پر غالب آجائے گا۔ چنانچہ آنحضرت صلی اللّٰہ علیہ وسلم کا بھی اِرشاد ہے کہ: ’’اللّٰہ تعالیٰ عیسیٰ علیہ السلام کے زمانے میں تمام مذاہب کو مٹادیں گے۔‘‘ (ابوداؤد ص:۵۹۴، مسندِ احمد ج:۲ ص:۴۰۶)۔(۱)

بعد میں جناب مرزا صاحب نے خود مسیحیت کا منصب سنبھال لیا، لیکن یہ تو فیصلہ آپ کرسکتے ہیں کہ کیا ان کے زمانے میں اسلام کو غلبۂ کاملہ نصیب ہوا؟ نہیں۔۔۔! بلکہ اس کے برعکس یہ ہوا کہ دُنیا بھر کے مسلمان جناب مرزا صاحب کو نہ ماننے کی وجہ سے کافر ٹھہرے۔ ادھر مسلمانوں نے مرزا صاحب اور ان کی جماعت کو اِسلام سے الگ ایک فرقہ سمجھا، نتیجہ یہ کہ اسلام کا وہ غلبۂ کاملہ ظہور

(۱) ۔۔۔۔۔۔۔ ویھلک ﷲ فی زمانہ الملل کلّھا إلَّا الإسلام ۔۔۔إلخ۔ (سنن ابی داوٗد ج:۲ ص:۲۳۸، باب خروج الدجال)

میں نہ آیا جو حضرت عیسیٰ علیہ السلام کے ہاتھ سے مقدّر تھا۔ اس لئے جناب مرزا صاحب کے دعویٔ مسیحیت کے باوجود زمانہ قرآن کے وعدے کا منتظر ہے، اور یقین رکھنا چاہئے کہ سیّدنا عیسیٰ علیہ السلام اس وعدے کے اِیفا کے لئے خود بنفسِ نفیس تشریف لائیں گے، کیونکہ بقول مرزا صاحب۔۔۔ ’’ممکن نہیں کہ خدا کی پیش گوئی میں کچھ تخلف ہو۔‘‘

دُوسری آیت:

سورۃ النساء آیت:۱۵۹ میں بھی اللّٰہ تعالیٰ نے حضرت عیسیٰ علیہ السلام کے دوبارہ تشریف لانے اور تمام اہلِ کتاب کے ان پر اِیمان لانے کی خبر دِی ہے، چنانچہ اِرشاد ہے:(۱)

’’اور نہیں کوئی اہلِ کتاب سے مگر اَلبتہ اِیمان لاوے گا ساتھ اس کے موت اس کی کے پہلے اور دِن قیامت کے ہوگا اُوپر ان کے گواہ۔‘‘

(فصل الخطاب ج:۲ ص:۸۰، مؤلفہ حکیم نوردین قادیانی)

حکیم صاحب کا ترجمہ بارہویں صدی کے مجدّد حضرت شاہ ولی اللّٰہ صاحبؒ کے فارسی ترجمے کا گویا اُردو ترجمہ ہے۔ شاہ صاحبؒ اس کے حاشیہ میں لکھتے ہیں:

’’یعنی یہودی کہ حاضر شوند نزول عیسیٰ را البتہ اِیمان آرند۔‘‘

ترجمہ:۔۔۔ ’’یعنی آیت کا مطلب یہ ہے کہ جو یہودی نزولِ عیسیٰ علیہ السلام کے وقت موجود ہوں گے، وہ اِیمان لائیں گے۔‘‘

اس آیت کے ترجمے سے معلوم ہوا کہ:

۱:۔۔۔ عیسیٰ علیہ السلام کا آخری زمانے میں دوبارہ تشریف لانا مقدّر ہے۔

۲:۔۔۔ تب سارے اہلِ کتاب ان پر اِیمان لائیں گے۔

۳:۔۔۔ اور اس کے بعد ان کی وفات ہوگی۔

پورے قرآن مجید میں صرف اس موقع پر حضرت عیسیٰ علیہ السلام کی موت کا ذِکر ہے، جس سے پہلے تمام اہلِ کتاب کا ان پر اِیمان لانا شرط ہے۔

اب اس آیت کی وہ تفسیر ملاحظہ فرمائیے جو کہ حضور صلی اللّٰہ علیہ وسلم اور اکابر صحابہؓ وتابعینؒ سے منقول ہے۔

صحیح بخاری ج:۱ ص:۴۹۰ میں حضرت عیسیٰ علیہ السلام کے حالات میں اِمام بخاریؒ نے ایک باب باندھا ہے: ’’باب نزول عیسیٰ بن مریم علیہ السلام‘‘ اور اس کے تحت یہ حدیث ذِکر کی ہے:

’’حضرت ابوہریرہ رضی اللّٰہ عنہ فرماتے ہیں کہ فرمایا رسول اللّٰہ صلی اللّٰہ علیہ وسلم نے: قسم اس ذات کی جس کے قبضے میں میری جان ہے! البتہ قریب ہے کہ نازل ہوں تم میں ابنِ مریم حاکمِ عادل کی

(۱)’’وَإِن مِّنْ أَہْلِ الْکِتَابِ إِلاَّ لَیُؤْمِنَنَّ بِہِ قَبْلَ مَوْتِہِ وَیَوْمَ الْقِیَامَۃِ یَکُونُ عَلَیْہِمْ شَہِیْداً‘‘ (النساء:۱۵۹)

حیثیت سے، پس توڑ دیں گے صلیب کو، اور قتل کریں گے خنزیر کو، اور موقوف کریں گے لڑائی، اور بہہ پڑے گا مال، یہاں تک کہ نہیں قبول کرے گا اس کو کوئی شخص، یہاں تک کہ ایک سجدہ بہتر ہوگا دُنیا بھر کی دولت سے۔ پھر فرماتے تھے ابوہریرہؓؓ کہ پڑھو اگر چاہو قرآنِ کریم کی آیت: ’’اور نہیں کوئی اہلِ کتاب میں سے مگر ضرور اِیمان لائے گا (حضرت) عیسیٰ پر ان کی موت سے پہلے اور ہوں گے عیسیٰ (علیہ السلام) قیامت کے دن ان پر گواہ۔‘‘(۱)

آنحضرت صلی اللّٰہ علیہ وسلم کا یہ اِرشادِ گرامی قرآن کی اس آیت کی تفسیر ہے، اسی لئے حضرت ابوہریرہ رضی اللّٰہ عنہ نے اس کے لئے آیت کا حوالہ دیا۔ اِمام محمد بن سیرینؒ کا اِرشاد ہے کہ ابوہریرہؓ کی ہر حدیث آنحضرت صلی اللّٰہ علیہ وسلم سے ہوتی ہے۔(۲)

بخاری شریف کے اسی صفحے پر حضرت عیسیٰ بن مریم علیہ السلام کے نزول کی خبر دیتے ہوئے آنحضرت صلی اللّٰہ علیہ وسلم نے: ’’واِمامکم منکم‘‘ فرمایا۔ (۳)

یہ حدیث بھی حضرت ابوہریرہ رضی اللّٰہ عنہ سے مروی ہے جس سے واضح ہوجاتا ہے کہ دونوں حدیثوں سے آنحضرت صلی اللّٰہ علیہ وسلم کا ایک ہی مقصد ہے، اور وہ ہے حضرت عیسیٰ علیہ السلام کا آخری زمانے میں حاکمِ عادل کی حیثیت سے اس اُمت میں تشریف لانا۔

۲:۔۔۔ کنزالعمال ج:۱۴ ص:۶۱۹ (حدیث نمبر:۳۹۷۲۶) میں بروایت ابنِ عباس رضی اللّٰہ عنہما آنحضرت صلی اللّٰہ علیہ وسلم کا اِرشاد ہے کہ: ’’میرے بھائی عیسیٰ بن مریم آسمان سے نازل ہوں گے۔۔۔الخ۔‘‘(۴)

۳:۔۔۔ اِمام بیہقی کی کتاب الاسماء والصفات ص:۴۲۴ میں آنحضرت صلی اللّٰہ علیہ وسلم کا اِرشاد ہے کہ: ’’تم کیسے ہوگے جب عیسیٰ بن مریم تم میں آسمان سے نازل ہوں گے، اور تم میں شامل ہوکر تمہارے اِمام ہوں گے۔‘‘(۵)

۴:۔۔۔ تفسیر درمنثور ج:۲ ص:۲۴۲ میں آنحضرت صلی اللّٰہ علیہ وسلم کا اِرشاد ہے کہ: ’’میرے اور عیسیٰ بن مریم کے

(۱) قال رسول ﷲ صلی ﷲ علیہ وسلم: والذی نفسی بیدہ! لیوشکن ان ینزل فیکم ابن مریم حَکَمًا عدلًا فیکسر الصلیب، ویقتل الخنزیر، ویضع الحرب، ویفیض المال حتّٰی لا یقبلہ احد، حتّٰی تکون السجدۃ الواحدۃ خیر من الدُّنیا وما فیھا، ثم یقول ابوھریرۃ: واقرؤُا إن شئتم: وَإِن مِّنْ أَہْلِ الْکِتَابِ إِلاَّ لَیُؤْمِنَنَّ بِہِ قَبْلَ مَوْتِہِ وَیَوْمَ الْقِیَامَۃِ یَکُونُ عَلَیْہِمْ شَہِیْداً (النساء:۱۵۹)

(بخاری، باب نزول عیسٰی علیہ السلام ج:۱ ص:۴۹۰)

(۲)عن محمد بن سیرین انہ کان إذا حدث عن ابی ھریرۃ فقیل لہ عن النبی صلی ﷲ علیہ وسلم فقال: کل حدیث ابی ھریرۃ عن النبی صلی ﷲ علیہ وسلم ۔۔۔إلخ۔ (طحاوی شریف ج:۱ ص:۱۹، طبع مکتبہ حقانیہ)

(۳) ان ابا ھریرۃ قال: قال رسول ﷲ صلی ﷲ علیہ وسلم کیف انتم إذا نزل ابن مریم فیکم وإمامکم منکم۔

(بخاری ج:۱ ص:۴۹۰، باب نزول عیسٰی علیہ السلام)

(۴)قال ابن عباس: قال رسول ﷲ صلی ﷲ علیہ وسلم فعند ذالک ینزل اخی عیسَی ابن مریم من السماء۔۔۔إلخ۔

(۵) قال رسول ﷲ صلی ﷲ علیہ وسلم: کیف انتم إذا نزل فیکم ابن مریم من السماء وإمامکم منکم۔

(کتاب الأسماء والصفات للبیھقی ص:۴۲۴)

درمیان کوئی نبی اور رسول نہیں ہوا، دیکھو! وہ میرے بعد میری اُمت میں میرے خلیفہ ہوں گے۔‘‘ (۱)

۵:۔۔۔ ابوداؤد ص:۵۹۴ اور مسند احمد ج:۲ ص:۴۰۶ میں آنحضرت صلی اللّٰہ علیہ وسلم کا ارشاد ہے کہ: ’’انبیائے کرام باب شریک بھائی ہیں، ان کی مائیں (شریعتیں) الگ الگ ہیں اور دِین سب کا ایک ہے، اور مجھے سب سے زیادہ تعلق عیسیٰ بن مریم سے ہے، کیونکہ میرے اور ان کے درمیان کوئی نبی نہیں ہوا، اور بے شک وہ تم میں نازل ہوں گے، پس جب ان کو دیکھو تو پہچان لینا، ان کا حلیہ یہ ہے: قدمیانہ، رنگ سرخ وسفید، دو زَرد رَنگ کی چادریں زیبِ بدن ہوں گی، سر سے گویا قطرے ٹپک رہے ہوں گے، خواہ ان کو تری نہ پہنچی ہو، پس لوگوں سے اسلام پر قتال کریں گے، پس صلیب کو توڑ دیں گے، خنزیر کو قتل کریں گے، جزیہ موقوف کردیں گے، اور اللّٰہ تعالیٰ ان کے زمانے میں تمام مذاہب کو مٹادیں گے، اور مسیحِ دجال کو ہلاک کردیں گے، پس زمین میں چالیس برس ٹھہریں گے، پھر ان کی وفات ہوگی اور مسلمان ان کا جنازہ پڑھیں گے۔(۲)

یہ تو آنحضرت صلی اللّٰہ علیہ وسلم کے اِرشادات ہیں جن سے آیتِ زیر بحث کی تشریح ہوجاتی ہے۔

اب چند صحابہؓ وتابعینؒ کی تفسیر بھی ملاحظہ فرمائیے:

۱:۔۔۔ مستدرک حاکم ج:۲ ص:۳۰۹، درمنثور ج:۲ ص۲۴۱، اور تفسیر ابنِ جریر ج:۶ ص:۱۴ میں حضرت ابنِ عباس رضی اللّٰہ عنہما نے اس آیت کی تفسیر فرمائی ہے کہ اس آیت میں حضرت عیسیٰ علیہ السلام کے دوبارہ تشریف لانے کی خبر دِی گئی ہے اور یہ کہ جب وہ تشریف لائیں گے تو ان کی موت سے پہلے سب اہلِ کتاب ان پر اِیمان لائیں گے۔(۳)

۲:۔۔۔ اُمّ المؤمنین حضرت اُمِّ سلمہ رضی اللّٰہ عنہا اس آیت کی تفسیر یہ فرماتی ہیں کہ ہر اہلِ کتاب اپنی موت سے پہلے حضرت عیسیٰ علیہ السلام پر اِیمان لائے گا اور جب وہ قیامت سے پہلے آسمان سے نازل ہوں گے تو اس وقت جتنے اہلِ کتاب ہوں

(۱) عن ابی ھریرۃ قال: قال رسول ﷲ صلی ﷲ علیہ وسلم: الَا إن عیسَی بن مریم لیس بینی وبینہ نبی ولا رسول الا انہ خلیفتی فی اُمّتی من بعدی۔

(تفسیر درمنثور ج:۲ ص:۲۴۲، طبع إیران)

(۲)عن ابی ھریرۃ ان النبی صلی ﷲ علیہ وسلم قال: الأنبیاء إخوۃ لعلَّات اُمَّھاتھم شتّٰی ودینھم واحد، وانا اولی الناس بعیسَی ابن مریم لأنہ لم یکن بینی وبینہ نبیٌّ، وانہ نازل، فإذا رایتموہ فاعرفوہ فإنہ رجل مربوع إلی الحمرۃ والبیاض، علیہ ثوبان ممصران کأن رأسہ یقطر وإن لم یصبہ بلل، فیدق الصلیب، ویقتل الخنزیر، ویضع الجزیۃ، ویدعو الناس إلی الإسلام، فیھلک ﷲ فی زمانہ الملل کلھا غیر الإسلام ویھلک ﷲ فی زمانہ المسیح الدَّجَّال الکذَّاب ۔۔۔۔۔۔۔۔ فیمکث اربعین سنۃ ثم یتوفی ویصلّی علیہ المسلمون۔

(مسند احمد ج:۲ ص:۴۰۶)

عن ابی ھریرۃ عن النبی صلی ﷲ علیہ وسلم قال: لیس بینی وبینہ یعنی عیسٰی علیہ السلام نبی وانہ نازل فإذا رأیتموہ فاعرفوہ، رجل مربوع إلی الحمرۃ والبیاض بین ممصرتین کأن رأسہ یقطر وإن لم یصبہ بلل، فیقاتل الناس علی الإسلام، فیدق الصلیب، ویقتل الخنزیر، ویضع الجزیۃ، ویھلک ﷲ فی زمانہ الملل کلھا إلَّا الإسلام، ویھلک المسیح الدَّجَّال فیمکث فی الأرض أربعین سنۃ ثم یتوفّٰی فیصلّی علیہ المسلمون۔

(سنن ابی داوٗد ج:۲ ص:۲۳۸)

(۳) عن ابن عباس فی قولہ ’’وَإِن مِّنْ أَہْلِ الْکِتَابِ إِلاَّ لَیُؤْمِنَنَّ بِہِ قَبْلَ مَوْتِہِ‘‘ قال: قبل موت عیسٰی۔ واخرج ابن جریر عن ابن عباس فی الآیۃ قال: یعنی انہ سیدرک اناس من اھل الکتاب حین یبعث عیسٰی سیؤْمنون بہ۔

گے، آپ کی موت سے پہلے آپ پر اِیمان لائیں گے (تفسیر درمنثور ج:۲ ص:۲۴۱)۔(۱)

۳:۔۔۔ درمنثور کے مذکورہ صفحے پر یہی تفسیر حضرت علی کرّم اللّٰہ وجہہ کے صاحبزادے حضرت محمد بن الحنفیہ رحمہ اللّٰہ سے منقول ہے۔(۲)

۴:۔۔۔ اور تفسیر ابنِ جریر ج:۶ ص:۱۴ میں یہی تفسیر اکابر تابعین حضرت قتادہؒ، حضرت محمد بن زید مدنی ؒ (اِمام مالکؒ کے اُستاذ)، حضرت ابومالک غفاریؒ اور حضرت حسن بصریؒ سے منقول ہے۔ حضرت حسن بصریؒ کے الفاظ یہ ہیں: ’’آیت میں جس اِیمان لانے کا ذِکر ہے، یہ عیسیٰ علیہ السلام کی موت سے پہلے ہوگا، اللّٰہ کی قسم! وہ ابھی آسمان پر زِندہ ہیں، لیکن آخری زمانے میں جب وہ نازل ہوں گے تو ان پر سب لوگ اِیمان لائیں گے۔‘‘(۳)

اس آیت کی جو تفسیر میں نے آنحضرت صلی اللّٰہ علیہ وسلم اور صحابہؓ وتابعینؒ سے نقل کی ہے بعد کے تمام مفسرین نے اسے نقل کیا ہے اور اس کی صحت کو تسلیم کیا ہے، لہٰذا کوئی شک نہیں کہ اللّٰہ تعالیٰ نے اس آیت میں حضرت عیسیٰ علیہ السلام کی دوبارہ تشریف آوری کی خبر دی ہے اور دورِ نبوی سے آج تک یہی عقیدہ مسلمانوں میں متواتر چلا آرہا ہے۔

تیسری آیت:

سورۂ زخرف آیت:۶۱ میں حضرت عیسیٰ علیہ السلام کا تذکرہ کرتے ہوئے ارشاد ہے: ’’اور وہ نشانی ہے قیامت کی، پس تم اس میں مت شک کرو۔‘‘(۴)

اس آیت کی تفسیر میں آنحضرت صلی اللّٰہ علیہ وسلم کا یہ ارشاد نقل کیا کہ آپ صلی اللّٰہ علیہ وسلم نے اس آیت کی تفسیر کرتے ہوئے فرمایا: ’’قیامت سے پہلے عیسیٰ بن مریم علیہ السلام کا نازل ہونا قیامت کی نشانی ہے۔‘‘ (موارد الظمآن ج:۵ ص:۴۳۵، حدیث:۱۷۵۸)۔(۵)

۲:۔۔۔ حضرت حذیفہ بن اُسید الغفاری رضی اللّٰہ عنہ فرماتے ہیں کہ: ہم آپس میں مذاکرہ کر رہے تھے، اتنے میں آنحضرت صلی اللّٰہ علیہ وسلم تشریف لائے تو فرمایا کہ: کیا مذاکرہ ہورہا تھا؟ عرض کیا: قیامت کا تذکرہ کر رہے تھے! فرمایا: قیامت نہیں

(۱) قال ﷲ: وَإِن مِّنْ أَہْلِ الْکِتَابِ إِلاَّ لَیُؤْمِنَنَّ بِہِ قَبْلَ مَوْتِہِ۔۔۔۔۔۔۔ فإذا کان عند نزول عیسٰی آمنت بہ احیاؤُھم کما آمنت بہ موتاھم ۔۔۔۔۔۔۔۔ قال شھر وایم ﷲ ما حدثنیہ إلَّا اُمّ سلَمۃ۔ (تفسیر درمنثور ج:۲ ص:۲۴۱، طبع إیران)۔

(۲)واخرج عبد بن حُمید ۔۔۔۔۔۔۔۔۔ عن محمد بن علی بن ابی طالب ھو ابن الحنفیۃ قال: لیس من اھل الکتاب احد إلَّا اتتہ الملائکۃ یضربون وجھہ ودبرہ ثم یقال: یا عدوَّ ﷲ! إن عیسٰی رُوح ﷲ وکلمتہ کذبت علی ﷲ وزعمت انہ ﷲ، إن عیسٰی لم یمت وانہ رفع إلی السماء وھو نازل قبل ان تقوم الساعۃ فلا یبقیٰ یھودی ولا نصرانی إلَّا آمن بہ۔ (درمنثور ج:۲ ص:۲۴۱)۔

(۳) عن الحسن البصری فی قولہ تعالٰی: ’’وَإِن مِّنْ أَہْلِ الْکِتَابِ إِلاَّ لَیُؤْمِنَنَّ بِہِ قَبْلَ مَوْتِہِ‘‘ قال: قبل موت عیسٰی، وﷲ إِنَّ الآن لحیٌّ عند ﷲ ولٰکن إذا نزل آمنوا بہ اجمعون۔ (تفسیر ابن جریر ج:۶ ص:۱۴، طبع بیروت)۔

(۴) ’’وَإِنَّہُ لَعِلْمٌ لِّلسَّاعَۃِ فَلَا تَمْتَرُنَّ بِہَا‘‘ (الزخرف:۶۱)

(۵) عن ابن عباس، عن النبی صلی اﷲ علیہ وسلم فی قولہ: ’’وَإِنَّہُ لَعِلْمٌ لِّلسَّاعَۃِ‘‘ قال: نزول عیسَی بن مریم قبل یوم القیامۃ۔

آئے گی جب تک کہ اس سے پہلے دس نشانیاں نہ دیکھ لو! دُخان، دَجال، دَابّۃ الارض، مغرب سے آفتاب کا طلوع ہونا، عیسیٰ بن مریم کا نازل ہونا، یأجوج ومأجوج کا نکلنا۔۔۔الخ (صحیح مسلم، مشکوٰۃ ص:۴۷۲)۔(۱)

۳:۔۔۔ اور حدیثِ معراج جسے میں پہلے بھی کئی بار نقل کرچکا ہوں۔ آنحضرت صلی اللّٰہ علیہ وسلم فرماتے ہیں کہ: معراج کی رات میری ملاقات حضرت اِبراہیم، حضرت موسیٰ اور حضرت عیسیٰ علیہم السلام سے ہوئی، قیامت کا تذکرہ ہوا کہ کب آئے گی؟ حضرت اِبراہیم علیہ السلام سے دریافت کیا گیا تو انہوں نے لاعلمی کا اِظہار کیا، موسیٰ علیہ السلام سے پوچھا گیا تو انہوں نے بھی لاعلمی ظاہر کی، پھر عیسیٰ علیہ السلام کی باری آئی تو انہوں نے فرمایا:

’’قیامت کا ٹھیک ٹھیک وقت تو اللّٰہ تعالیٰ کے سوا کسی کو بھی معلوم نہیں، البتہ مجھ سے میرے رَبّ کا ایک عہد ہے کہ قربِ قیامت میں دجال نکلے گا تو میں اُسے قتل کرنے کے لئے نازل ہوں گا۔ (آگے قتلِ دجال اور یأجوج مأجوج کے نکلنے کی تفصیل ہے، اس کے بعد فرمایا) پس مجھ سے میرے رَبّ کا عہد ہے کہ جب یہ سب کچھ ہوجائے گا تو قیامت کی مثال پورے دِنوں کی حاملہ جیسی ہوگی۔‘‘

(مسند احمد ج:۱ ص:۳۷۵، ابن ماجہ ص:۲۲۹، تفسیر ابنِ جریر ج:۱۷ ص:۷۲، مستدرک حاکم ج:۴ ص:۴۸۸،۵۴۵، فتح الباری ج:۱۳ ص:۷۹، درمنثور ج:۴ ص:۳۳۶)(۲)

ان اِرشاداتِ نبویہ سے آیت کی تفسیر اور حضرت عیسیٰ علیہ السلام کا اِرشاد جو انہوں نے انبیائے کرام علیہم السلام کے مجمع میں فرمایا اور جسے آنحضرت صلی اللّٰہ علیہ وسلم نے صحابہ کرامؓ کے سامنے نقل کیا، اس سے واضح ہوتا ہے کہ حضرت عیسیٰ علیہ السلام کا قیامت کی نشانی کے طور پر دوبارہ تشریف لانا اور آکر دجالِ لعین کو قتل کرنا، اس پر اللّٰہ تعالیٰ کا عہد، انبیائے کرام کا اِتفاق اور صحابہ کرامؓ کا اِجماع ہے، اور گزشتہ صدیوں کے تمام مجدّدین اس کو تسلیم کرتے چلے آئے ہیں، کیا اس کے بعد بھی کسی مؤمن کو حضرت عیسیٰ علیہ السلام کے دوبارہ آنے میں شک رہ جاتا ہے۔۔۔؟

۴:۔۔۔ اس آیت کی تفسیر بہت سے صحابہؓ وتابعینؒ سے یہی منقول ہے کہ آخری زمانے میں سیّدنا عیسیٰ علیہ السلام کا نازل ہونا قربِ قیامت کی نشانی ہے، حافظ ابنِ کثیرؒ اس آیت کے تحت لکھتے ہیں:

’’یعنی قیامت سے پہلے حضرت عیسیٰ علیہ السلام کا تشریف لانا قیامت کی نشانی ہے، یہی تفسیر

(۱)عن حذیفۃ بن اسید الغفاری رضی ﷲ عنہ قال: اطلع النبی صلی ﷲ علیہ وسلم علینا، ونحن نتذاکر فقال: ما تذاکرون؟ قالوا: نذکر الساعۃ، قال: انھا لن تقوم حتّٰی تروا قبلھا عشر آیات، فذکر الدخان والدَّجَّال والدَّابَّۃ، وطلوع الشمس من مغربھا، ونزول عیسَی ابن مریم ویأجوج ومأجوج ۔۔۔إلخ۔ (مشکوٰۃ ص:۴۷۲)۔

(۲) عن عبدﷲ بن مسعود قال: لما کان لیلۃ اسری برسول ﷲ صلی ﷲ علیہ وسلم لقی إبراھیم وموسٰی وعیسٰی فتذاکروا الساعۃ، فبدؤُا بإبراھیم فسألوہ عنھا فلم یکن عندہ منھا علم ثم سألوا موسٰی فلم یکن عندہ منھا علم فرد الحدیث إلٰی عیسَی بن مریم فقال: قد عھد إلیَّ فیما دون وجبتھا فأما وجبتھا فلا یعلمھا إلَّا ﷲ، فذکر خروج الدَّجَّال، قال: فأنزل فأقتلہ ۔۔۔۔۔۔۔۔۔ فعھد إلیَّ متیٰ کان ذالک کانت الساعۃ من الناس کالحامل التی لا یدری اھلھا متیٰ تفجأھم بولادتھا ۔۔۔إلخ۔ (واللفظ لإبن ماجۃ ص:۲۹۹، مسند احمد ج:۱ ص:۳۷۵)۔

حضرت ابوہریرہؓ، حضرت ابنِ عباسؓ، ابوالعالیہؒ، عکرمہؒ، حسن بصریؒ، ضحاکؒ اور دُوسرے بہت سے حضرات سے مروی ہے، اور رسول اللّٰہ صلی اللّٰہ علیہ وسلم سے اس مضمون کی احادیث متواترہ ہیں کہ آپ صلی اللّٰہ علیہ وسلم نے قیامت سے پہلے حضرت عیسیٰ علیہ السلام کے تشریف لانے کی خبر دی ہے۔‘‘

(تفسیر ابنِ کثیر ج:۴ ص:۱۳۲)(۱)

چوتھی آیت:

سورۂ مائدہ کی آیت:۱۱۸ میں اِرشاد ہے کہ حضرت عیسیٰ علیہ السلام قیامت کے دن بارگاہِ خداوندی میں اپنی صفائی پیش کرتے ہوئے عرض کریں گے:

’’اے اللّٰہ! اگر آپ ان کو عذاب دیں تو یہ آپ کے بندے ہیں، اور اگر بخش دیں تو آپ عزیز وکریم ہیں۔‘‘(۲)

سیّدنا ابنِ عباسؓ اس آیت کی تفسیر میں فرماتے ہیں:

’’عیسیٰ علیہ السلام عرض کریں گے کہ: اِلٰہی! یہ تیرے بندے ہیں (مگر انہوں نے میری غیرحاضری میں مجھے خدا بنایا، اس لئے) واقعی انہوں نے اپنے اس عقیدے کی بنا پر اپنے کو عذاب کا مستحق بنالیا ہے، اور اگر آپ بخش دیں، یعنی ان لوگوں کو، جن کو صحیح عقیدے پر چھوڑ کر گیا تھا اور (اسی طرح ان لوگوں کو بھی بخش دیں جنہوں نے اپنے اس عقیدے سے رُجوع کرلیا، چنانچہ) حضرت عیسیٰ علیہ السلام کی عمر لمبی کردی گئی ہے، یہاں تک کہ وہ آخری زمانے میں دجال کو قتل کرنے کے لئے آسمان سے زمین کی طرف اُتارے جائیں گے، تب عیسائی لوگ اپنے قول سے رُجوع کرلیں گے، تو جن لوگوں نے اپنے قول سے رُجوع کرلیا اور تیری توحید کے قائل ہوگئے اور اِقرار کرلیا کہ ہم سب (بشمول عیسیٰ علیہ السلام کے) خدا کے بندے ہیں، پس اگر آپ ان کو بخش دیں جبکہ انہوں نے اپنے قول سے رُجوع کرلیا ہے تو آپ عزیز وحکیم ہیں۔‘‘

(تفسیر درمنثور ج:۲ ص:۳۵۰)(۳)

(۱)وَإِنَّہُ لَعِلْمٌ لِّلسَّاعَۃِ ای آیۃ للساعۃ خروج عیسَی بن مریم قبل یوم القیامۃ، وھٰکذا روی عن ابی ھریرۃ وابن عباس وابی العالیۃ وابی مالک وعکرمۃ والحسن وقتادۃ والضحاک وغیرھم، وقد تواترت الأحادیث عن رسول ﷲ صلی ﷲ علیہ وسلم انہ اخبر بنزول عیسٰی علیہ السلام قبل یوم القیامۃ إمامًا عادلًا وحَکَمًا مقسطًا۔ (تفسیر ابن کثیر ج:۴ ص:۱۳۲، قدیم نسخہ، طبع جدید ج:۵ ص:۵۳۰، رشیدیہ کوئٹہ)۔

(۲)إِن تُعَذِّبْہُمْ فَإِنَّہُمْ عِبَادُکَ وَإِن تَغْفِرْ لَہُمْ فَإِنَّکَ أَنتَ الْعَزِیْزُ الْحَکِیْمُ (المائدۃ:۱۱۸)

(۳) عن ابن عباس فی قولہ تعالٰی: إِن تُعَذِّبْہُمْ فَإِنَّہُمْ عِبَادُکَ ۔۔۔۔۔۔۔۔ یقول: عبیدک قد استوجبوا العذاب بمقالتھم، وَإِن تَغْفِرْ لَہُمْ ای من ترکتُ منھم ومُدَّ فی عمرہ حتّٰی اھبط من السماء إِلی الأرض لیقتل الدجال فنزلوا عن مقالتھم ووحَّدوک واقروا انا عبید وإن تغفر لھم حیث رجعوا عن مقالتھم فَإِنَّکَ أَنتَ الْعَزِیْزُ الْحَکِیْمُ۔ (تفسیر درمنثور ج:۲ ص:۳۵۰، التصریح بما تواتر فی نزول المسیح ص:۲۹۲،۲۹۳، طبع مکتبہ دارالعلوم کراچی)۔

حضرت ابنِ عباس رضی اللّٰہ عنہ کی اس تفسیر سے واضح ہوا کہ یہ آیت بھی حضرت عیسیٰ علیہ السلام کی دوبارہ تشریف آوری کی دلیل ہے۔

آپ نے اپنے سوال میں یہ بھی لکھا ہے کہ حضرت عیسیٰ علیہ السلام نازل ہوکر اِمام مہدی ہونے کا دعویٰ کریں گے؟ اس کے جواب میں صرف اتنا عرض کردینا کافی ہے کہ آنحضرت صلی اللّٰہ علیہ وسلم سے لے کر تیرہویں صدی کے آخر تک اُمتِ اسلامیہ کا یہی عقیدہ رہا ہے کہ حضرت عیسیٰ علیہ السلام اور حضرت مہدیؓ دو الگ الگ شخصیتیں ہیں،(۱) اور یہ کہ نازل ہوکر پہلی نماز حضرت عیسیٰ علیہ السلام حضرت مہدی کی اِقتدا میں پڑھیں گے۔(۲) جناب مرزا غلام احمد صاحب قادیانی پہلے شخص ہیں جنہوں نے عیسیٰ اور مہدی کے ایک ہونے کا عقیدہ ایجاد کیا ہے، اس کی دلیل نہ قرآنِ کریم میں ہے، نہ کسی صحیح اور مقبول حدیث میں، اور نہ سلف صالحین میں سے کوئی اس کا قائل ہے۔ آنحضرت صلی اللّٰہ علیہ وسلم کی متواتر اَحادیث میں وارِد ہے کہ حضرت عیسیٰ علیہ السلام کے نزول کے وقت حضرت مہدیؓ اس اُمت کے اِمام ہوں گے اور حضرت عیسیٰ علیہ السلام ان کی اِقتدا میں نماز پڑھیں گے۔

۳:۔۔۔ حیاتِ عیسیٰ علیہ السلام پر شبہات:

جناب نے یہ بھی دریافت فرمایا ہے کہ ’’كل نفس ذآئقۃ الموت‘‘ کی آیت حضرت عیسیٰ علیہ السلام کی حیات پر اثرانداز نہیں ہوتی؟ جواباً گزارش ہے کہ یہ آیت حضرت عیسیٰ علیہ السلام کی طرح آپ کو، مجھ کو، زمین کے تمام لوگوں کو، آسمان کے تمام فرشتوں کو، بلکہ ہر ذِی رُوح مخلوق کو شامل ہے۔ آیت کا مطلب یہ ہے کہ ہر متنفس کو ایک نہ ایک دن مرنا ہے، چنانچہ حضرت عیسیٰ علیہ السلام کو بھی موت آئے گی، لیکن کب؟ آنحضرت صلی اللّٰہ علیہ وسلم نے حضرت عیسیٰ علیہ السلام کی موت کا وقت بھی بتادیا ہے کہ آخری زمانے میں نازل ہوکر وہ چالیس برس زمین پر رہیں گے، پھر ان کا اِنتقال ہوگا، مسلمان ان کی نمازِ جنازہ پڑھیں گے اور میرے روضے میں ان کو دفن کیا جائے گا (مشکوٰۃ شریف ص:۴۸۰)۔(۳)

اس لئے آپ نے جو آیت نقل فرمائی ہے، وہ اسلامی عقیدے پر اَثرانداز نہیں ہوتی، البتہ یہ عیسائیوں کے عقیدے کو باطل کرتی ہے، اسی بنا پر آنحضرت صلی اللّٰہ علیہ وسلم نے نجران کے پادریوں کے وفد سے گفتگو کرتے ہوئے فرمایا تھا: ’’کیا تم نہیں جانتے کہ ہمارا رَبّ زندہ ہے، کبھی نہیں مرے گا اور عیسیٰ علیہ السلام کو موت آئے گی۔‘‘ یہ نہیں فرمایا کہ: ’’عیسیٰ علیہ السلام مرچکے ہیں‘‘ (درمنثور ج:۲ ص:۳)۔(۴)

(۱،۲) وتواترت الأخبار بأن المھدی من ھٰذہ الاُمَّۃ، وان عیسٰی یصلی خلفہ ذکر ذالک ردًّا للحدیث الذی اخرجہ ابن ماجۃ عن انس وفیہ لا مھدی إلَّا عیسٰی۔ (فتح الباری ج:۶ ص:۴۹۴، طبع دار نشر الکتب الإسلامیۃ، لاھور)۔

(۳) عن عبدﷲ بن عمرو قال: قال رسول ﷲ صلی ﷲ علیہ وسلم: ینزل عیسَی ابن مریم إلی الأرض فتیزوّج ویولد لہ، ویمکث خمسًا وأربعین سنۃ ثم یموت فیدفن معی فی قبری ۔۔۔إلخ۔ (مشکوٰۃ ص:۴۸۰، باب نزول عیسٰی علیہ السلام)۔

(۴) الستم تعلمون ان ربَّنا حیٌّ لا یموت وان عیسٰی یأتی علیہ الفناء۔ (درمنثور ج:۲ ص:۳ طبع إیران)۔

آخری گزارش!

جیسا کہ میں نے ابتدا میں عرض کیا تھا کہ حضرت عیسیٰ علیہ السلام کی حیات ووفات کا مسئلہ آج پہلی بار میرے آپ کے سامنے پیش نہیں آیا اور نہ قرآنِ کریم ہی پہلی مرتبہ میرے، آپ کے مطالعے میں آیا ہے، آنحضرت صلی اللّٰہ علیہ وسلم کے دور سے قرآن مجید متواتر چلا آتا ہے اور حیاتِ عیسیٰ علیہ السلام کا عقیدہ بھی۔ اس اُمت میں اہلِ کشف، ملہم ومجدّد بھی گزرے ہیں اور بلند پایہ مفسرین ومجتہدین بھی، مگر ہمیں جناب مرزا صاحب سے پہلے کوئی ملہم، مجدّد، صحابی، تابعی اور فقیہ ومحدث ایسا نظر نہیں آتا جو حضرت عیسیٰ علیہ السلام کے آخری زمانے میں دوبارہ تشریف آوری کا منکر ہو۔ قرآنِ کریم کی جن آیتوں سے جناب مرزا غلام احمد صاحب وفاتِ مسیح ثابت کرتے ہیں، ایک لمحے کے لئے سوچئے کہ کیا یہ آیات قرآنِ کریم میں پہلے موجود نہیں تھیں؟ کیا چودہویں صدی میں پہلی بار نازل ہوئی ہیں؟ یا گزشتہ صدیوں کے تمام اکابر ۔۔۔نعوذباللّٰہ۔۔۔ قرآن کو سمجھنے سے معذور اور عقل وفہم سے عاری تھے۔۔۔؟

’’پس اگر اِسلام میں بعد آنحضرت صلی اللّٰہ علیہ وسلم ایسے معلم نہیں آئے جن میں ظلّی طور پر نورِ نبوّت تھا، تو گویا خدا تعالیٰ نے عمداً قرآن کو ضائع کیا کہ اس کے حقیقی اور واقعی طور پر سمجھنے والے بہت جلد دُنیا سے اُٹھالئے۔ مگر یہ بات اس کے وعدے کے برخلاف ہے، جیسا کہ وہ فرماتا ہے: ’’اِنَّا نَحنُ نَزَّلنَا الذِّكرَ وَاِنَّا لَہُ لَحٰفِظُونَ‘‘ یعنی ہم نے ہی قرآن اُتارا ہے اور ہم ہی اس کی حفاظت کرتے رہیں گے۔ اب میں نہیں سمجھ سکتا کہ اگر قرآن کے سمجھنے والے ہی باقی نہ رہے اور اس پر یقینی اور حالی طور پر اِیمان لانے والے زاویۂ عدم میں مختفی ہوگئے تو پھر قرآن کی حفاظت کیا ہوئی ۔۔۔۔۔۔۔۔۔۔ اور اس پر ایک اور آیت بھی بین قرینہ ہے اور وہ یہ ہے: ’’بَل ہُوَ اٰیٰت بَیِّنٰت فِی صُدُورِ الَّذِینَ اُوتُوا العِلمَ‘‘ یعنی قرآن آیاتِ بینات ہیں جو اہلِ علم کے سینوں میں ہیں ۔۔۔۔۔۔۔۔۔۔ یہ آیت بلند آواز سے پکار رہی ہے کہ کوئی حصہ قرآن کا برباد اور ضائع نہیں ہوگا اور جس طرح روزِ اوّل سے اس کا پودا دِلوں میں جمایا گیا، یہی سلسلہ قیامت تک جاری رہے گا۔‘‘

(شہادۃ القرآن ص:۵۴،۵۵، مؤلفہ جناب مرزا غلام احمد قادیانی)

بلاشبہ جس شخص کو قرآنِ کریم پر اِیمان لانا ہوگا اسے اس تعلیم پر بھی اِیمان لانا ہوگا جو گزشتہ صدیوں کے مجدّدین اور اکابرِ اُمت قرآنِ کریم سے متواتر سمجھتے چلے آئے ہیں، اور جو شخص قرآنِ کریم کی آیتیں پڑھ پڑھ کر اَئمہ مجدّدین کے متواتر عقیدے کے خلاف کوئی عقیدہ پیش کرتا ہے، سمجھنا چاہئے کہ وہ قرآنِ کریم کی حفاظت کا منکر ہے۔

سیّدنا عیسیٰ علیہ السلام کی حیات پر میں نے جو آیات پیش کی ہیں، ان کی تفسیر صحابہؓ وتابعینؒ کے علاوہ خود آنحضرت صلی اللّٰہ علیہ وسلم سے بھی نقل کی ہے۔ ان کے علاوہ جس صدی کے اَئمہ دِین اور صاحبِ کشف واِلہام مجدّدین کے بارے میں آپ چاہیں، میں حوالے پیش کردُوں گا کہ انہوں نے قرآنِ کریم سے حضرت عیسیٰ علیہ السلام کے زندہ ہونے اور آخری زمانے میں دوبارہ آنے کو ثابت کیا ہے۔

جن آیتوں کو آپ کی جماعت کے حضرات، حضرت عیسیٰ علیہ السلام کی وفات کی دلیل میں پیش کرتے ہیں، من گھڑت تفسیر کے بجائے ان سے کہئے کہ ان میں ایک ہی آیت کی تفسیر آنحضرت صلی اللّٰہ علیہ وسلم سے، صحابہ کرامؓ سے، تابعینؒ سے یا بعد کے کسی صدی کے مجدّد کے حوالے سے پیش کردیں کہ حضرت عیسیٰ علیہ السلام مرچکے ہیں، وہ آخری زمانے میں نہیں آئیں گے، بلکہ ان کی جگہ ان کا کوئی مثیل آئے گا۔ کیا یہ ظلم وستم کی اِنتہا نہیں کہ جو مسلمان آنحضرت صلی اللّٰہ علیہ وسلم اور صحابہؓ وتابعینؒ اور اَئمۂ مجدّدین کے عقیدے پر قائم ہیں، ان کو تو ’’فیج اعوج‘‘ ۔۔۔یعنی گمراہ اور کجرو لوگ۔۔۔ کہا جائے، اور جو لوگ آنحضرت صلی اللّٰہ علیہ وسلم اور تمام اکابرِ اُمت کے خلاف قرآن کی تفسیر کریں اور ان تمام بزرگوں کو ’’مشرک‘‘ ٹھہرائیں، ان کو حق پر مانا جائے۔۔۔!

حضرت عیسیٰ علیہ السلام آسمان پر زِندہ ہیں

سوال:۔۔۔ جیسا کہ احادیث وقرآن کی روشنی میں واضح ہے کہ حضرت عیسیٰ علیہ السلام آسمان پر زِندہ ہیں، اب ہم آپ سے پوچھنا چاہتے ہیں کہ حضرت عیسیٰ علیہ السلام کون سے آسمان پر ہیں؟ اور ان کے اِنسانی ضروریات کے تقاضے کیسے پورے ہوتے ہوں گے؟ مثلاً کھاناپینا، سوناجاگنا اور اُنس واُلفت اور دیگر اشیائے ضرورت انسان کو کیسے ملتی ہوں گی؟ وضاحت کرکے مطمئن کریں۔

جواب:۔۔۔ حضرت عیسیٰ علیہ السلام کا آسمانوں پر زِندہ اُٹھایا جانا، اور قربِ قیامت میں دوبارہ زمین پر نازل ہونا تو اِسلام کا قطعی عقیدہ ہے۔ جس پر قرآن وسنت کے قطعی دلائل قائم ہیں، اور جس پر اُمت کا اِجماع ہے۔(۱) حدیثِ معراج میں ہے کہ آنحضرت صلی اللّٰہ علیہ وسلم کی حضرت عیسیٰ علیہ السلام سے دُوسرے آسمان پر ملاقات ہوئی تھی۔(۱) آسمان پر مادّی غذا اور بول وبراز کی ضرورت پیش نہیں آتی، جیسا کہ اہلِ جنت کو ضرورت پیش نہیں آئے گی۔(۲)

(آپ کے مسائل اور اُن کا حل ج:۱ ص:۲۴۹،۲۵۰)

سیّدنا مسیح علیہ السلام کی بغیر باپ کے پیدائش

سوال:۔۔۔ بکر کہتا ہے کہ: ’’حضرت عیسیٰ علیہ السلام کو زِندہ یا فوت شدہ ماننا، بغیر باپ کے یا باپ والا ماننا، ہمارے لئے

(۱) وبہ صرح الحافظ عمادالدین ابن کثیر رحمہ ﷲ حیث قال فی تفسیرہ ۔۔۔۔۔۔۔۔۔۔ إنہ لعلم للساعۃ وقد تواترت الأحادیث عن رسول ﷲ صلی ﷲ علیہ وسلم انہ اخبر بنزول عیسٰی علیہ السلام قبل یوم القیامۃ إمامًا عادلًا وحکمًا مقسطًا، وصرح بہ فی تفسیر سورۃ النساء ایضًا، وذکر الحافظ ابن حجر فی کتابہ (فتح الباری) تواتر نزول عیسٰی علیہ السلام عن ابی الحسین الآبری، وقال فی التلخیص الحبیر من کتاب الطلاق، واما رفع عیسٰی علیہ السلام فاتفق اصحاب الأخبار والتفسیر علٰی انہ رفع ببدنہ حیًّا۔ (التصریح بما تواتر فی نزول المسیح ص:۵۸ تا ۶۲ طبع دارالعلوم کراچی، تفسیر ابن کثیر ج:۵ ص:۵۳۰ طبع رشیدیہ)۔

(۱) عن قتادۃ عن انس بن مالک ۔۔۔۔۔۔۔۔۔ ثم صعد بی حتّٰی اتی السماء الثانیۃ فاستفتح ۔۔۔۔۔۔۔۔۔ ففتح فلما خلصت إذا یحیٰی وعیسٰی وھما ابنا خالۃ۔ (مشکوٰۃ ص:۵۲۷، باب المعراج، طبع قدیمی)۔

(۲) إن الطعام إنما جعل قُوْتًا لمن یعیش فی الأرض ۔۔۔۔۔۔۔۔۔ وأما من رفعہ ﷲ إلی السماء فإنہ یلطفہ بقدرتہ ویغنیہ عن الطعام والشراب کما اغنی الملائکۃ عنھما فیکون حینئذٍ طعامہ التسبیح، وشرابہ التھلیل کما قال صلی ﷲ علیہ وسلم: إنی ابیت عند ربی یطعمنی ویسقینی۔ (الیواقیت والجواھر للشعرانی ج:۲ ص:۱۴۶)۔

ایضًا: عن جابر قال: قال رسول ﷲ صلی ﷲ علیہ وسلم: إن اھل الجنۃ یأکلون فیھا ویشربون ولا یتفلون ولا یبولون ولا یتغوطون ولا یتمخطون، قالوا: فما بال الطعام؟ قال: جشاء ورشح کرشح المسک یلھمون التسبیح والتحمید کما تلھمون النفس۔ رواہ مسلم۔ (مشکوٰۃ ص:۴۹۶)۔

جزوِ اِیمان نہیں ہے، بلکہ جزوِ اِیمان یہ ہے کہ حضرت عیسیٰ علیہ السلام کو بشر اور رسول مانے اور اُلوہیت میں شریک نہ کرے، کیونکہ حضرت مریمؓ کی شادی یوسف نامی بڑھئی سے ہوگئی تھی اور حضرت عیسیٰ علیہ السلام کی پیدائش مثل عام انسانوں کے ہوئی، اس لئے وہ اِبن اللّٰہ نہیں ہوسکتے۔‘‘

جواب:۔۔۔ قرآن مجید سے جو کچھ ثابت ہے اس پر اِیمان رکھنا ضروری ہے، چاہے حضرت موسیٰ علیہ السلام کا دعویٔ رِسالت ہو، یا فرعون کا دعویٔ خدائی، یعنی یہ ماننا بھی داخلِ اِیمان ہے کہ فرعون نے کہا تھا: ’’أَنَا رَبُّکُمُ الْأَعْلَی‘‘ (النازعات:۲۴) پس ان معنوں میں حضرت عیسیٰ علیہ السلام کی پیدائش بلاباپ ماننا داخلِ اِیمان ہے، کیونکہ قرآن شریف سے ثابت ہے: ’’مَا کَانَ أَبُوکِ امْرَأَ سَوْءٍ وَمَا کَانَتْ أُمُّکِ بَغِیّاً‘‘ (مریم:۲۸) یوسف سے نکاح ہونا اِنجیل میں مذکور ہے، مگر اسی اِنجیل میں یہ بھی مرقوم ہے کہ مریمؓ یوسف کے ملاپ سے پہلے رُوح القدس سے حاملہ ہوچکی تھیں، اس لئے یہ نکاح مسیح علیہ السلام کی ولادت بے باپ ہونے کے مخالف نہیں۔

(فتاویٰ ثنائیہ ج:۱ ص:۳۷۷)

ایک قادیانی نوجوان کے جواب میں

جواب:۔۔۔ آپ کا جوابی لفافہ موصول ہوا، آپ کی فرمائش پر براہِ راست جواب لکھ رہا ہوں، اور اس کی نقل ’’جنگ‘‘ کو بھیج رہا ہوں۔

اہلِ اسلام قرآنِ کریم، حدیثِ نبوی اور اِجماعِ اُمت کی بنا پر سیّدنا عیسیٰ علیہ السلام کی حیات اور دوبارہ تشریف آوری کا عقیدہ رکھتے ہیں، خود جناب مرزاقادیانی کو اِعتراف ہے کہ:

’’مسیح ابنِ مریم کے آنے کی پیش گوئی ایک اوّل درجے کی پیش گوئی ہے جس کو سب نے بالاتفاق قبول کرلیا ہے اور صحاح میں جس قدر پیش گوئیاں لکھی گئی ہیں، کوئی پیش گوئی اس کے ہم پہلو اور ہم وزن ثابت نہیں ہوتی، تواتر کا اَوّل درجہ اس کو حاصل ہے۔‘‘

(اِزالہ اوہام ص:۵۵۷، خزائن ج:۳ ص:۴۰۰)

لیکن میرا خیال ہے کہ جناب مرزاقادیانی کے ماننے والوں کو اہلِ اسلام سے بڑھ کر حضرت عیسیٰ علیہ السلام کی حیات اور دوبارہ تشریف آوری کا عقیدہ رکھنا چاہئے، کیونکہ جناب مرزاقادیانی نے سورۃ الصف کی آیت:۹ کے حوالے سے ان کی دوبارہ تشریف آوری کا اِعلان کیا ہے، وہ لکھتے ہیں:

’’یہ آیت جسمانی اور سیاستِ ملکی کے طور پر حضرت مسیح کے حق میں پیش گوئی ہے، اور جس غلبہ کاملہ دِینِ اسلام کا (اس آیت میں) وعدہ دیا گیا ہے، وہ غلبہ مسیح کے ذریعے سے ظہور میں آئے گا، اور جب حضرت مسیح دوبارہ اس دُنیا میں تشریف لائیں گے تو ان کے ہاتھ سے دِینِ اسلام جمیع آفاق واَقطار میں پھیل جائے گا۔‘‘

(براہین احمدیہ، حصہ چہارم ص:۴۹۸،۴۹۹، خزائن ج:۱ ص:۵۹۳)

جناب مرزاقادیانی، قرآنِ کریم سے حضرت عیسیٰ علیہ السلام کے دوبارہ آنے کا ثبوت محض اپنی قرآن فہمی کی بنا پر نہیں

دیتے، بلکہ وہ اپنے ’’اِلہام‘‘ سے حضرت عیسیٰ علیہ السلام کو اس آیت کا مصداق ثابت کرتے ہیں:

’’اس عاجز پر ظاہر کیا گیا ہے کہ یہ خاکسار اپنی غربت اور اِنکسار اور توکل اور اِیثار اور آیات اور اَنوار کی رُو سے مسیح کی ’’پہلی زندگی‘‘ کا نمونہ ہے اور اس عاجز کی فطرت اور مسیح کی فطرت باہم نہایت ہی متشابہ واقع ہوئی ہے ۔۔۔۔۔۔ اس لئے خداوند کریم نے مسیح کی پیش گوئی میں اِبتدا سے اس عاجز کو بھی شریک کر رکھا ہے، یعنی حضرت مسیح پیش گوئی متذکرہ بالا کا ظاہری اور جسمانی طور پر مصداق ہے اور یہ عاجز رُوحانی اور معقولی طور پر اس کا محل اور مورد ہے۔‘‘

(براہین احمدیہ، حصہ چہارم ص:۴۹۹، خزائن ج:۱ ص:۵۹۴)

اور اسی پر اِکتفا نہیں، بلکہ مرزاقادیانی اپنے اِلہام سے حضرت عیسیٰ علیہ السلام کے دوبارہ تشریف لانے کی اِلہامی پیش گوئی بھی کرتے ہیں، چنانچہ اسی کتاب کے ص:۵۰۵ (خزائن ج:۱ ص:۶۰۲) پر اپنا ایک اِلہام:’’عسٰی ربکم ان یرحم علیکم‘‘ درج کرکے اس کا مطلب یہ بیان فرماتے ہیں:

’’یہ آیت اس مقام میں حضرت مسیح کے ’’جلالی طور پر‘‘ ظاہر ہونے کا اِشارہ ہے، یعنی اگر طریق وحق اور نرمی اور لطف اور اِحسان کو قبول نہیں کریں گے اور حق محض جو دلائلِ واضحہ اور آیاتِ بینات سے کھل گیا ہے، اس سے سرکش رہیں گے تو وہ زمانہ بھی آنے والا ہے کہ جب خدائے تعالیٰ مجرمین کے لئے شدّت اور عنف اور قہر اور سختی کو اِستعمال میں لائے گا اور حضرت مسیح نہایت جلالیت کے ساتھ دُنیا پر اُتریں گے۔۔۔۔۔ اور یہ زمانہ اس زمانے کے لئے بطور اِرہاص کے واقع ہوا ہے، یعنی اس وقت جلالی طور پر خدائے تعالیٰ اِتمامِ حجت کرے گا، اب بجائے اس کے جمالی طور پر یعنی رِفق اور اِحسان سے اِتمامِ حجت کر رہا ہے۔‘‘

ظاہر ہے کہ اگر حضرت مسیح علیہ السلام کی حیات اور دوبارہ آنے پر اِیمان نہ رکھا جائے تو نہ صرف یہ قرآنِ کریم کی قطعی پیش گوئی کی تکذیب ہے، بلکہ جناب مرزاقادیانی کی قرآن فہمی اور ان کی اِلہامی تفسیر اور ان کی اِلہامی پیش گوئی کی بھی تکذیب ہے۔ پس ضروری ہے کہ اہلِ اسلام کی طرح مرزاقادیانی کے ماننے والے بھی حضرت عیسیٰ علیہ السلام کے دوبارہ آنے پر اِیمان رکھیں، ورنہ اس عقیدے کے ترک کرنے سے قرآن وحدیث کے علاوہ مرزاقادیانی کی قرآن دانی بھی حرفِ غلط ثابت ہوگی اور ان کی اِلہامی تفسیریں اور اِلہامی اِنکشافات سب غلط ہوجائیں گے، کیونکہ:

’’جب ایک بات میں کوئی جھوٹا ثابت ہوجائے تو پھر دُوسری باتوں میں بھی اس پر اِعتبار نہیں رہتا۔‘‘

(چشمہ معرفت ص:۲۲۲، خزائن ج:۲۳ ص:۲۳۱)

اب آپ کو اِختیار ہے کہ ان دو باتوں میں سے کس کو اِختیار کرتے ہیں؟ حیاتِ عیسیٰ علیہ السلام پر اِیمان لانے کو؟ یا مرزاقادیانی کی تکذیب کو؟

جناب مرزاقادیانی کے ’’اِزالہ اوہام‘‘ صفحہ:۹۲۱ والے چیلنج کا ذِکر کرکے آپ نے شکایت کی ہے کہ نوّے سال سے کسی نے اس کا جواب نہیں دیا۔

آںعزیز کو شاید علم نہیں کہ حضراتِ علمائے کرام ایک بار نہیں، متعدّد بار اس کا جواب دے چکے ہیں۔ تاہم اگر آپ کا یہ خیال ہے کہ اب تک اس کا جواب نہیں ملا، تو یہ فقیر ۔۔۔باوجودیکہ حضراتِ علماء احسن اللّٰہ جزاہم کی خاکِ پا بھی نہیں۔۔۔ اس چیلنج کا جواب دینے کے لئے حاضر ہے۔ اسی کے ساتھ مرزاقادیانی کی ’’کتاب البریہ‘‘ (ص:۲۰۷، خزائن ج:۱۳ ص:۲۲۵) والے اِعلان کو بھی ملالیجئے، جس میں موصوف نے بیس ہزار روپیہ تاوان دینے کے علاوہ اپنے عقائد سے توبہ کرنے اور اپنی کتابیں جلا دینے کا وعدہ بھی کیا ہے۔

تصفیے کی صورت یہ ہے کہ جناب مرزاقادیانی کے موجودہ جانشین سے لکھوادیا جائے کہ یہ چیلنج اب بھی قائم ہے اور یہ کہ وہ مرزاقادیانی کی شرط پوری کرنے کی ذمہ داری لیتے ہیں۔ اور اسی کے ساتھ کوئی ثالثی عدالت ۔۔۔جس کے فیصلے پر فریقین اِعتماد کرسکیں۔۔۔ خود ہی تجویز فرمادیں۔ میں اس مُسلَّمہ عدالت کے سامنے اپنی معروضات پیش کردوں گا، عدالت اس پر جو جرح کرے گی، اس کا جواب دُوں گا، میرے دلائل سننے کے بعد اگر عدالت میرے حق میں فیصلہ کردے کہ میں نے مرزاقادیانی کے کُلّیئے کو توڑ دیا اور ان کے چیلنج کا ٹھیک ٹھیک جواب دے دیا ہے تو ۲۰ہزار روپے آںعزیز کی اعلیٰ تعلیم کے لئے آپ کو چھوڑتا ہوں۔ دُوسری دونوں باتوں کو پورا کرنے کا معاہدہ پورا کرادیجئے گا۔ اور اگر عدالت میرے خلاف فیصلہ صادر کرے تو آپ شوق سے اخبارات میں اِعلان کرادیجئے گا کہ مرزاقادیانی کا چیلنج بدستور قائم ہے، اور آج تک کسی سے اس کا جواب نہ بن پڑا۔ اگر آپ اس تصفیے کے لئے آگے بڑھیں تو اپنی جماعت پر بہت اِحسان کریں گے۔۔۔!

حضرت عیسیٰ علیہ السلام کا مشن کیا ہوگا؟

سوال:۔۔۔ حضرت عیسیٰ علیہ السلام کے تشریف لانے کا مقصد کیا ہے؟ اور ان کا مشن کیا ہوگا؟ جبکہ دِینِ اسلام اللّٰہ تعالیٰ کامکمل اور پسندیدہ ہے۔ ظاہر ہے کہ ان کی آمد عیسائیوں کی اِصلاح کے لئے ہوسکتی ہے، اگر اِسلام کے لئے تسلیم کرلیا جائے تو ہمارے آخرالزمان نبی صلی اللّٰہ علیہ وسلم کے درجے میں کمی ہوگی۔ برائے نوازش اخبار کے ذریعے میرے سوال کا جواب دے کر ایسے مطمئن کیجئے کہ حضرت عیسیٰ علیہ السلام کا مشن کیا ہوگا؟

جواب:۔۔۔ حضرت عیسیٰ علیہ السلام کی تشریف آوری کا مشن آنحضرت صلی اللّٰہ علیہ وسلم نے خود پوری تفصیل اور وضاحت سے اِرشاد فرمادیا ہے۔ اس سلسلے میں متعدّد اَحادیث میں پہلے نقل کرچکا ہوں۔ یہاں صرف ایک حدیث پاک کا حوالہ دینا کافی ہے:

’’حضرت ابوہریرہؓ سے روایت ہے کہ رسول اللّٰہ صلی اللّٰہ علیہ وسلم نے فرمایا کہ انبیاء علاتی بھائی ہیں، ان کی مائیں الگ ہیں، مگر ان کا دِین ایک ہے، اور میں عیسیٰ بن مریم علیہ السلام سے سب زیادہ تعلق رکھنے والا ہوں، کیونکہ ان کے اور میرے درمیان کوئی نبی نہیں ہوا، اور وہ نازل ہونے والے ہیں۔ پس جب ان کو دیکھو

تو پہچان لو، قامت میانہ، رنگ سرح وسفیدی ملا ہوا، ہلکے زرد رَنگ کی دو چادریں زیبِ تن کئے نازل ہوں گے، سر مبارک سے گویا قطرے ٹپک رہے ہیں، گو اس کو تری نہ پہنچی ہو، پس وہ نازل ہوکر صلیب کو توڑ دیں گے، خنزیر کو قتل کریں گے، جزیہ موقوف کردیں گے، اور تمام لوگوں کو اِسلام کی دعوت دیں گے، پس اللّٰہ تعالیٰ ان کے زمانے میں اسلام کے سوا تمام ملتوں کو ہلاک کردیں گے، اور اللّٰہ تعالیٰ ان کے زمانے میں مسیح دجال کو ہلاک کردیں گے۔ رُوئے زمین پر اَمن وامان کا دور دورہ ہوجائے گا، شیر اُونٹوں کے ساتھ، چیتے گائے بیلوں کے ساتھ اور بھیڑیے بکریوں کے ساتھ چرتے پھریں گے، بچے سانپوں کے ساتھ کھیلیں گے اور وہ ان کو نقصان نہ دیں گے، حضرت عیسیٰ بن مریم علیہ السلام زمین میں چالیس برس ٹہریں گے، پھر ان کی وفات ہوگی، مسلمان ان کی نمازِ جنازہ پڑھیں گے اور ان کو دفن کریں گے۔‘‘(۱)

(مسندِ احمد ج:۲ ص:۴۰۶، فتح الباری ج:۶ ص:۲۵۷، التصریح بما تواتر فی نزول المسیح ص:۱۶۰)

اس اِرشادِ پاک سے ظاہر ہوا کہ حضرت عیسیٰ علیہ السلام کا اصل مشن یہود ونصاریٰ کی اِصلاح اور یہودیت ونصرانیت کے آثار سے رُوئے زمین کو پاک کرنا ہے، مگر چونکہ یہ زمانہ خاتم الانبیاء صلی اللّٰہ علیہ وسلم کی نبوّت وبعثت کا ہے، اس لئے وہ اُمتِ محمدیہ کے ایک فرد بن کر آنحضرت صلی اللّٰہ علیہ وسلم کے خادم اور خلیفہ کی حیثیت میں تشریف لائیں گے۔

چنانچہ ایک اور حدیث میں ارشاد ہے:

’’سن رکھو! کہ حضرت عیسیٰ بن مریم علیہ السلام کے اور میرے درمیان کوئی نبی اور رسول نہیں ہوا، سن رکھو! کہ وہ میرے بعد میری اُمت میں میرے خلیفہ ہیں، سن رکھو! کہ وہ دجال کو قتل کریں گے، صلیب کو توڑ دیں گے، جزیہ بند کردیں گے، لڑائی اپنے ہتھیار ڈال دے گی، سن رکھو! جو شخص تم میں سے اُن کو پائے، اُن کو میرا سلام کہے۔‘‘(۲)

(مجمع الزوائد ج:۸ ص:۲۶۹، درمنثور ج:۲ ص:۲۴۲)

اس لئے اِسلام کی جو خدمت بھی وہ انجام دیں گے، اور ان کا آنحضرت صلی اللّٰہ علیہ وسلم کے خادم کی حیثیت سے اُمتِ محمدیہ میں آکر شامل ہونا، ہمارے آنحضرت صلی اللّٰہ علیہ وسلم کی شان میں کمی کا باعث نہیں، بلکہ آپ صلی اللّٰہ علیہ وسلم کی سیادت

(۱)عن ابی ھریرۃ ان النبی صلی ﷲ علیہ وسلم قال: الأنبیاء إخوۃ لعلَّات اُمَّھاتھم شتّٰی ودینھم واحد، وانا اولی الناس بعیسَی ابن مریم لأنہ لم یکن بینی وبینہ نبیٌّ، وانہ نازل، فإذا رایتموہ فاعرفوہ فإنہ رجل مربوع إلی الحمرۃ والبیاض، علیہ ثوبان ممصران کأن رأسہ یقطر ولم یصبہ بلل، فیدق الصلیب، ویقتل الخنزیر، ویضع الجزیۃ، ویدعو الناس إلی الإسلام، فیھلک ﷲ فی زمانہ الملل کلھا إلَّا الإسلام ویھلک ﷲ فی زمانہ المسیح الدَّجَّال، وتقع الأمنۃ فی الأرض حتّٰی ترتع الأسود مع الإبل، والنمار مع البقر، والذئاب مع الغنم، ویلعب الصبیان والغلمان بالحیَّات لا تضرھم، فیمکث اربعین سنۃ، ثم یتوفّٰی فیصلّی علیہ المسلمون۔ (مسند احمد ج:۲ ص:۴۰۶ واللفظ لہ، فتح الباری ج:۲ ص:۲۵۷، التصریح بما تواتر فی نزول المسیح ص:۱۶۰)۔

(۲)عن ابی ھریرۃ قال: قال رسول ﷲ صلی ﷲ علیہ وسلم: الا! إن عیسَی ابن مریم لیس بینی وبینہ نبیٌّ ولا رسولٌ، الا! انہ خلیفتی فی اُمَّتی من بعدی، الا! إنہ یقتل الدَّجَّال، ویکسر الصلیب، ویضع الجزیۃ، وتضع الحرب اوزارھا، الا! من ادرکہ منکم فلیقرأ علیہ السلام۔ (درمنثور ج:۲ ص:۲۴۲ واللفظ لہ، مجمع الزوائد ج:۲ ص:۲۰۵)۔

وقیادت اور شرف ومنزلت کا شاہکار ہے۔ اس وقت دُنیا دیکھ لے گی کہ واقعی تمام انبیائے گزشتہ ۔۔۔علیٰ نبینا وعلیہم الصلوات والتسلیمات۔۔۔ آنحضرت صلی اللّٰہ علیہ وسلم کے مطیع ہیں، جیسا کہ آنحضرت صلی اللّٰہ علیہ وسلم نے فرمایا:

’’اللّٰہ کی قسم! موسیٰ زندہ ہوتے تو ان کو بھی میری اِطاعت کے بغیر چارہ نہ ہوتا۔‘‘(۱)

(مشکوٰۃ شریف، ص:۳۰، باب الاعتصام بالکتاب والسنۃ)

(آپ کے مسائل اور اُن کا حل ج:۱ ص:۲۴۸،۲۴۹)

حیاتِ عیسیٰ علیہ الصلوٰۃ والسلام

سوال:۔۔۔ حضرت عیسیٰ علیہ الصلوٰۃ والسلام کے متعلق یہ نظریہ کہ وہ وفات پاچکے ہیں، اس بارے میں اہلِ سنت والجماعت کا کیا عقیدہ ہے؟ قرآن وحدیث کی روشنی میں اس کا مفصل ومدلل جواب عنایت فرمائیں۔بیّنوا توجروا!

از سنگاپور

جواب:۔۔۔ حضرت عیسیٰ علیٰ نبینا وعلیہ الصلوٰۃ والسلام کے متعلق مسلمانوں کا اِجماعی عقیدہ یہ ہے کہ اللّٰہ تعالیٰ نے آپ کو آسمان پر اُٹھالیا ہے اور آپ زندہ ہیں،(۲) قیامت کے قریب دُنیا میں تشریف لائیں گے، دجال کو قتل کریں گے اور اس کے بعد آپ کی وفات ہوگی، یہ عقیدہ قرآن وحدیث سے ثابت ہے اور اس پر اُمت کا اِجماع ہے، لہٰذا جو شخص اس کے خلاف عقیدہ رکھے اور آپ کی وفات کا قائل ہو، وہ قرآن وحدیث اور اِجماع کا منکر ہے اور دائرۂ اسلام سے خارج ہے، یہ اِجماعی مسئلہ ہے، اِجتہادی چیز نہیں ہے۔ قرآن مجید میں ہے:

’’وَقَوْلِہِمْ إِنَّا قَتَلْنَا الْمَسِیْحَ عِیْسَی ابْنَ مَرْیَمَ رَسُولَ اللہِ وَمَا قَتَلُوہُ وَمَا صَلَبُوہُ وَلَـکِن شُبِّہَ لَہُمْ وَإِنَّ الَّذِیْنَ اخْتَلَفُواْ فِیْہِ لَفِیْ شَکٍّ مِّنْہُ مَا لَہُم بِہِ مِنْ عِلْمٍ إِلاَّ اتِّبَاعَ الظَّنِّ وَمَا قَتَلُوہُ یَقِیْناً. بَل رَّفَعَہُ اللہُ إِلَیْہِ وَکَانَ اللہُ عَزِیْزاً حَکِیْماً‘‘

(النساء:۱۵۷، ۱۵۸)

’’اور ان کے اس کہنے کی وجہ سے کہ ہم نے مسیح عیسیٰ ابنِ مریم کو جو کہ رسول ہیں اللّٰہ تعالیٰ کے قتل کردیا، حالانکہ انہوں نے نہ ان کو قتل کیا اور نہ ان کو سولی پر چڑھایا، لیکن ان کو اِشتباہ ہوگیا، اور جو لوگ ان کے بارے میں اِختلاف کرتے ہیں، وہ غلط خیالی میں ہیں، ان کے پاس اس پر کوئی دلیل نہیں بجز تخمینی باتوں پر عمل کرنے کے اور انہوں نے ان کو یقینی بات ہے کہ قتل نہیں کیا، بلکہ اللّٰہ تعالیٰ نے ان کو اپنی طرف اُٹھالیا ہے اور اللّٰہ تعالیٰ زبردست بڑے حکمت والے ہیں۔‘‘

اس آیت مبارکہ سے صراحۃً ثابت ہوتا ہے کہ حضرت عیسیٰ علیہ الصلوٰۃ والسلام کے متعلق یہودیوں کا یہ کہنا کہ ہم نے ان کو ۔۔۔معاذاللّٰہ۔۔۔ قتل کردیا، بالکل غلط ہے، بلکہ اللّٰہ تعالیٰ نے آپ کو آسمان پر اُٹھالیا ہے، اور آپ زندہ ہیں۔

(۱) عن جابر عن النبی صلی ﷲ علیہ وسلم حین اتاہ عمر فقال ۔۔۔۔۔۔۔۔ ولو کان موسٰی حیًّا لما وسعہ إلَّا اتباعی۔ (مشکوٰۃ ص:۳۰ باب الإعتصام بالکتاب والسُّنَّۃ)۔

(۲) صفحہ:۲۰۳ کا حاشیہ نمبر۱ ملاحظہ فرمائیں۔

’’رُوح المعانی‘‘ میں اس آیت کی تفسیر کرتے ہوئے فرمایا ہے:

’’وھو حیٌّ فی السماء الثانیۃ علٰی ما صح عن النبی صلی ﷲ علیہ وسلم فی حدیث المعراج وھو ھنالک مقیمٌ حتّٰی ینزل إلی الأرض یقتل الدَّجَّال ویملؤُھا عدلًا کما ملئت جورًا۔‘‘

(رُوح المعانی ج:۶ ص:۱۱)

’’یعنی حضرت عیسیٰ علیہ الصلوٰۃ والسلام دُوسرے آسمان پر زِندہ ہیں، جیسا کہ یہ بات حدیثِ معراج میں صحیح طور پر مروی ہے، اور آپ آسمان پر مقیم ہیں، یہاں تک کہ آپ دُنیا میں تشریف لائیں گے اور دَجال کو قتل کریں گے، اور زمین کو عدل وانصاف سے بھردیں گے، جیسا کہ آپ کی آمد سے قبل دُنیا ظلم وستم سے بھری پڑی تھی۔‘‘

حدیث میں ہے:

’’عن ابی ھریرۃ قال: قال رسول ﷲ صلی ﷲ علیہ وسلم: وﷲ! لَیَنْزِلَنَّ ابن مریم حَکَمًا عادلًا فیکسر الصلیب۔‘‘

(صحیح مسلم ج:۱ ص:۸۷)

’’رسول اللّٰہ صلی اللّٰہ علیہ وسلم نے اِرشاد فرمایا کہ: اللّٰہ کی قسم! حضرت ابنِ مریم (یعنی عیسیٰ) علیہ الصلوٰۃ والسلام یقینا (قیامت کے قریب دُنیا میں) نازل ہوں گے (اور آپ) حاکمِ عادل ہوں گے، پس آپ صلیب کو توڑیں گے۔‘‘

(مشکوٰۃ شریف ص:۴۷۹، باب نزول عیسیٰ علیہ السلام، طبع قدیمی کتب خانہ کراچی)

’’فائدہ:۔۔۔ بالتحقیق ثابت ہوا ہے صحیح حدیثوں سے کہ حضرت عیسیٰ علیہ الصلوٰۃ والسلام اُتریں گے آسمان سے زمین پر اور دِینِ محمد ۔۔۔صلی اللّٰہ علیہ وسلم۔۔۔ کے تابع ہوں گے اور حکم کریں گے آنحضرت صلی اللّٰہ علیہ وسلم کی شریعت پر۔‘‘

(مظاہرِ حق، بتغیر یسیر ج:۴ ص:۳۲۷، باب نزول عیسیٰ علیہ السلام)

حکیم الامت حضرتِ اقدس مولانا اشرف علی تھانوی علیہ الرحمہ نے ’’بیان القرآن‘‘ میں اس پر علمی بحث فرمائی ہے، جو قابلِ مطالعہ ہے، اس میں آپ تحریر فرماتے ہیں

’’تنبیہ ضروری:۔۔۔ تقریر تفسیر سے بعض ان لوگوں کی غلطی ظاہر ہوگئی جو آج کل دعویٰ بلادلیل کرتے ہیں کہ حضرت عیسیٰ علیہ السلام کی وفات ہوگئی اور آپ مدفون ہوگئے او رپھر قیامت کے قریب تشریف نہ لائیں گے، اور اس پر جو اَحادیث عیسیٰ علیہ الصلوٰۃ والسلام کی تشریف آوری کے متعلق آئی ہیں، ان میں تحریف کی ہے کہ مراد اس سے مثیلِ عیسیٰ ہے، اور پھر اس مثیل کا مصداق اپنے کو قرار دِیا ہے (۔۔الیٰ قولہٖ۔۔) اور دُوسرے دلائل سے رفع وحیات ثابت ہے، پس اس کا قائل ہونا واجب ہے، رفع تو آیت ’’رَفَعَہُ اللہُ‘‘

سے جو اپنے حقیقی معنی کے اِعتبار سے نص ہے رفع مع الجسد میں، اور بلاتعذر معنیٔ حقیقی کے مجازی لینا ممتنع ہے، اور دلیلِ تعذر مفقود ہے، اور حیات اَحادیث واِجماع سے ثابت ہے، چنانچہ رسول اللّٰہ صلی اللّٰہ علیہ وسلم کا اِرشاد ہے: إن عیسٰی لم یمت وانہ راجع إلیکم قبل یوم القیامۃ۔ رواہ السیوطی فی الدر المنثور واخرج ابن کثیر من آل عمران وقال ابن ابی حاتم: حدثنا ابی، حدثنا احمد بن عبدالرحمٰن، حدثنا عبدﷲ بن جعفر عن ابیہ، حدثنا الربیع بن انس عن الحسن اھ فذکر اثرًا عنہ ثم قال: قال رسول ﷲ صلی ﷲ علیہ وسلم للیھود: إن عیسٰی لم یمت وإنہ راجع إلیکم قبل یوم القیامۃ۔ (۔۔۔الیٰ قولہٖ۔۔۔) اور اِجماع نہایت ظاہر ہے کہ کسی مستند عالم سے سلفاً وخلفاً اس کے خلاف منقول نہیں ۔۔۔الخ۔‘‘

(بیان القرآن ج:۲ ص:۴۰، سورۂ آل عمران، پارہ نمبر۳، رُکوع نمبر۱۳، طبع دار الکتب العلمیہ، بیروت)

حضرت مولانا مفتی محمد شفیع صاحب رحمہ اللّٰہ اپنی مشہور تفسیر ’’معارف القرآن‘‘ میں تحریر فرماتے ہیں:

’’مسئلۂ حیات ونزولِ عیسیٰ علیہ السلام

دُنیا میں صرف یہودیوں کا یہ کہنا ہے کہ عیسیٰ علیہ السلام مقتول ومصلوب ہوکر دفن ہوگئے اور پھر زِندہ نہیں ہوئے، اور ان کے اس خیال کی حقیقت قرآنِ کریم نے سورۂ نساء کی آیت میں واضح کردی ہے، اور اس آیت میں بھیوَمَكَرُوا وَمَكَرَاللہُ (آل عمران:۵۴) میں اس کی طرف اِشارہ کردیا گیا ہے کہ حق تعالیٰ نے حضرت عیسیٰ علیہ السلام کے دُشمنوں کے کید اور تدبیر کو خود انہی کی طرف لوٹادیا کہ جو یہودی حضرت عیسیٰ علیہ السلام کے قتل کے لئے مکان کے اندر گئے تھے، اللّٰہ تعالیٰ نے انہی میں سے ایک شخص کی شکل وصورت تبدیل کرکے بالکل عیسیٰ علیہ السلام کی صورت میں ڈھال دیا، اور حضرت عیسیٰ علیہ السلام کو زِندہ آسمان پر اُٹھالیا، آیت کے الفاظ یہ ہیں:-

وَمَا قَتَلُوہُ وَمَا صَلَبُوہُ وَلَـکِن شُبِّہَ لَہُمْ (النساء:۱۵۷)

’’نہ انہوں نے عیسیٰ کو قتل کیا، نہ سولی چڑھایا لیکن تدبیرِ حق نے ان کو شبہ میں ڈال دیا (کہ اپنے ہی آدمی کو قتل کرکے خوش ہولئے)۔‘‘

اس کی مزید تفصیل سورۂ نساء میں آئے گی۔

نصاریٰ کا کہنا یہ تھا کہ عیسیٰ علیہ السلام مقتول ومصلوب تو ہوگئے مگر پھر دوبارہ زندہ کرکے آسمان پر اُٹھالئے گئے، مذکورہ آیت نے اُن کے اس غلط خیال کی بھی تردید کردی، اور بتلادیا کہ جیسے یہودی اپنے ہی آدمی کو قتل کرکے خوشیاں منا رہے تھے، اس سے یہ دھوکا عیسائیوں کو بھی لگ گیا کہ قتل ہونے والے عیسیٰ علیہ

السلام ہیں، اس لئےشُبِّہَ لَہُمْ کے مصداق یہود کی طرح نصاریٰ بھی ہوگئے۔

ان دونوں گروہوں کے بالمقابل اسلام کا وہ عقیدہ ہے جو اس آیت اور دُوسری کئی آیتوں میں وضاحت سے بیان ہوا ہے کہ اللّٰہ تعالیٰ نے ان کو یہودیوں کے ہاتھ سے نجات دینے کے لئے آسمان پر زِندہ اُٹھالیا، نہ ان کو قتل کیا جاسکا، نہ سولی پر چڑھایا جاسکا، وہ زندہ آسمان پر موجود ہیں اور قربِ قیامت میں آسمان سے نازل ہوکر یہودیوں پر فتح پائیں گے، اور آخر میں طبعی موت سے وفات پائیں گے۔

اسی عقیدے پر تمام اُمتِ مسلمہ کا اِجماع واِتفاق ہے، حافظ ابنِ حجرؒ نے تلخیص الحبیر ص:۳۱۹ میں یہ اِجماع نقل کیا ہے، قرآن مجید کی متعدّد آیات اور حدیث کی متواتر روایات سے یہ عقیدہ اور اس پر اِجماعِ اُمت سے ثابت ہے، یہاں اس کی پوری تفصیل کا موقع بھی نہیں، اور ضرورت بھی نہیں، کیونکہ علمائے اُمت نے اس مسئلے کو مستقل کتابوں اور رِسالوں میں پورا پورا واضح فرمادیا ہے، اور منکرین کے جوابات تفصیل سے دئیے ہیں، ان کا مطالعہ کافی ہے، مثلاً حضرت حجۃالاسلام مولانا سیّد محمد انور شاہ کشمیریؒ کی تصنیف بزبانِ عربی ’’عقیدۃ الإسلام فی حیات عیسٰی علیہ السلام‘‘ ، حضرت مولانا بدرِعالم صاحب مہاجر مدنی کی تصنیف بزبانِ اُردو ’’حیاتِ عیسیٰ علیہ السلام‘‘، مولانا سیّد محمد اِدریس صاحب کی تصنیف ’’حیاتِ مسیح علیہ السلام‘‘، اور بھی سینکڑوں چھوٹے بڑے رسائل اس مسئلے پر مطبوع ومشتہر ہوچکے ہیں۔ احقر نے باَمرِ اُستاذِ محترم حضرت مولانا سیّد محمد انور شاہ صاحب کشمیریؒ سو سے زائد اَحادیث جن سے حضرت عیسیٰ علیہ السلام کا زِندہ اُٹھایا جانا اور پھر قربِ قیامت میں نازل ہونا بتواتر ثابت ہوتا ہے، ایک مستقل کتاب: ’’التصریح بما تواتر فی نزول المسیح‘‘ میں جمع کردیا ہے، جس کو حال میں حواشی وشرح کے ساتھ حلب (شام) کے ایک بزرگ علامہ عبدالفتاح ابوغدّہ نے بیروت میں چھپواکر شائع کیا ہے۔

اور حافظ ابنِ کثیرؒ نے سورۂ زُخرف کی آیت وَاِنَّہُ لَعِلم لِلسَّاعَۃِ (الزخرف:۶۱) کی تفسیر میں لکھا ہے:-

’’وقد تواترت الأحادیث عن رسول ﷲ صلی ﷲ علیہ وسلم إنہ اخبر بنزول عیسٰی علیہ السلام قبل یوم القیامۃ إمامًا عادلًا ۔۔۔إلخ۔‘‘

(ج:۷ ص:۲۱۷ طبع دار الکتب العلمیۃ، بیروت)

یعنی رسول اللّٰہ صلی اللّٰہ علیہ وسلم کی احادیث اس معاملے میں متواتر ہیں کہ آپ نے حضرت عیسیٰ علیہ السلام کے قبلِ قیامت نازل ہونے کی خبر دِی ہے۔‘‘

(معارف القرآن ج:۲ ص:۷۴،۷۵، پارہ نمبر۳، رُکوع نمبر۱۳، سورۂ آل عمران)

ایک شبہ کا جواب

اگر کوئی یہ شبہ کرے کہ قرآن کی اس آیتِ مبارکہ ’’یٰعِیسٰی اِنِّی مُتَوَفِّیكَ وَرَافِعُكَ اِلَیَّ‘‘ (آل عمران:۵۵) سے یہ ثابت ہوتا ہے کہ

پہلے آپ کی وفات ہوگی پھر آپ کو آسمان پر اُٹھایا گیا۔ تو اس شبہ کا جواب سمجھنے سے پہلے یہ سمجھ لیا جائے کہ حضرت عیسیٰ علیہ الصلوٰۃ والسلام سے اس آیت میں جو وعدے مذکور ہیں، وہ اس وقت کئے گئے تھے جبکہ قومِ یہود نے آپ کو شہید کرنے کی خفیہ سازش بنائی تھی، اور اللّٰہ تبارک وتعالیٰ نے وحی کے ذریعے آپ کو اس ناپاک سازش سے باخبر کردیا اور وعدہ فرمایا کہ آپ اِطمینان رکھیں کہ یہ لوگ آپ کے قتل کے درپے ہیں، مگر یہ اپنے ناپاک منصوبے میں کامیاب نہ ہوسکیں گے، بلکہ قیامت کے قریب وقتِ موعود پر آپ اپنی طبعی موت سے ہی وفات پائیں گے، اور فی الحال ان کے شر سے بچانے کے لئے آپ کو آسمان پر اُٹھالیا جائے گا۔ تو مذکورہ آیت ’’اِنِّی مُتَوَفِّیكَ وَرَافِعُكَ اِلَیَّ‘‘ میں جو دو وعدے مذکور ہیں، وہ یقینا پورے ہوں گے، البتہ ’’رَافِعُكَ اِلَیَّ‘‘ والا وعدہ اسی وقت پورا کیا گیا، اور دُوسرا وعدہ اس وقت پورا ہوگا جب قیامت کے قریب آپ دُنیا میں تشریف لائیں گے، تو آیت کے الفاظ میں تقدیم وتأخیر ہے، اور واؤ چونکہ ترتیب کے لئے وضع نہیں ہوا ہے، لہٰذا یہ ضروری نہیں کہ پہلے ’’مُتَوَفِّیكَ‘‘ کا وقوع ہو، اور پھر ’’رَافِعُكَ اِلَیَّ‘‘ کا، اور اس تقدیم وتأخیر میں بھی مصلحت ہے جسے مفسرین نے بیان کیا ہے، کما سیأتی إن شاء ﷲ۔

تفسیر ’’رُوح المعانی‘‘ میں ہے:

’’(یٰعِیسٰی اِنِّی مُتَوَفِّیكَ وَرَافِعُكَ اِلَیَّ) اخرج ابن ابی حاتم عن قتادۃ قال: ھٰذا من المقدم والمؤَخر ای رافعک إلیَّ ومتوفّیک وھٰذا احد تأویلات اقتضاھما مخالفۃ ظاھر الآیۃ المشھور المصرح بہ فی الآیۃ الاُخریٰ وفی قولہ صلی ﷲ علیہ وسلم: إن عیسٰی لم یمت وإنہ راجعٌ إلیکم قبل یوم القیامۃ، وثانیھا ان المراد انی مستوفی اجلک وممیتک حتف انفک لا اسلط علیک من یقتلک فالکلام کنایۃ عن عصمۃ من الأعداء وما ھم بصدرہ من الفتک بہ علیہ السلام لأنہ یلزم من استیفاء ﷲ تعالٰی اجلہ وموتہ حتف انفہ ذالک۔‘‘

(رُوح المعانی ج:۱ ص:۱۵۸، جزء:۳، سورۃ آل عمران، پارہ نمبر۳)

’’رُوح المعانی‘‘ میں اور بھی جوابات مذکور ہیں، تفصیل درکار ہو تو ’’رُوح المعانی‘‘ کا مطالعہ کیا جائے۔

حضرت مولانا مفتی محمد شفیع صاحب رحمہ اللّٰہ نے بھی ’’معارف القرآن‘‘ میں اس پر کلام فرمایا ہے، چنانچہ ایک مقام پر تحریر فرماتے ہیں:

’’اس کے ساتھ ہی یہ بھی منقول ہے کہ معنی آیت کے یہ ہیں کہ حق تعالیٰ نے اس وقت جبکہ یہودی آپ کے قتل کے درپے تھے آپ کی تسلی کے لئے دو لفظ اِرشاد فرمائے، ایک یہ کہ آپ کی موت اُن کے ہاتھوں قتل کی صورت میں نہیں بلکہ طبعی موت کی صورت میں ہوگی، دُوسرا یہ کہ اُس وقت اُن لوگوں کے نرغے سے نجات دینے کی ہم یہ صورت کریں گے کہ آپ کو اپنی طرف اُٹھالیں گے، یہی تفسیر حضرت ابنِ عباسؓ سے منقول ہے۔

تفسیر ’’دُرّمنثور‘‘ میں حضرت ابنِ عباس رضی اللّٰہ عنہما کی یہ روایت اس طرح منقول ہے:-

’’اخرج اسحاق بن بشر وابن عساکر من طریق جوھر عن الضحاک عن ابن عباس فی قولہ تعالٰی اِنِّی مُتَوَفِّیكَ وَرَافِعُكَ اِلَیَّ یعنی رافعک ثم متوفیک فی آخر الزمان۔‘‘

(درمنثور ج:۲ ص:۳۶)

’’اِسحاق بن بشر اور ابنِ عساکر نے بروایت جوہر عن الضحاک حضرت ابنِ عباس رضی اللّٰہ عنہما سے آیتاِنِّی مُتَوَفِّیكَ وَرَافِعُكَ اِلَیَّکی تفسیر میں یہ لفظ نقل کئے ہیں کہ میں آپ کو اپنی طرف اُٹھالوں گا، پھر آخر زمانے میں آپ کو طبعی طور پر وفات دُوں گا۔‘‘

اس تفسیر کا خلاصہ یہ ہے کہ ’’توفی‘‘ کے معنی موت ہی کے ہیں، مگر الفاظ میں تقدیم وتأخیر ہے، رَافِعُكَ کا پہلے اور مُتَوَفِّیكَ کا وقوع بعد میں ہوگا، اور اس موقع پر مُتَوَفِّیكَ کو مقدم ذِکر کرنے کی حکمت ومصلحت اس پورے معاملے کی طرف اِشارہ کرنا ہے جو آگے ہونے والا ہے، یعنی یہ اپنی طرف بلالینا ہمیشہ کے لئے نہیں، چند روزہ ہوگا اور پھر آپ اس دُنیا میں آئیں گے اور دُشمنوں پر فتح پائیں گے، اور بعد میں طبعی طور پر آپ کی موت واقع ہوگی، اس طرح دوبارہ آسمان سے نازل ہونے اور دُنیا پر فتح پانے کے بعد موت آنے کا واقعہ ایک معجزہ بھی تھا اور حضرت عیسیٰ علیہ السلام کے اِعزاز واِکرام کی تکمیل بھی، نیز اس میں عیسائیوں کے عقیدۂ اُلوہیت کا اِبطال بھی تھا، ورنہ ان کے زندہ آسمان پر چلے جانے کے واقعے سے ان کا یہ عقیدۂ باطل اور پختہ ہوجاتا کہ وہ بھی خدا تعالیٰ کی طرح حی وقیوم ہیں، اس لئے پہلے مُتَوَفِّیكَ کا لفظ اِرشاد فرماکر ان تمام خیالات کا اِبطال کردیا، پھر اپنی طرف بلانے کا ذِکر فرمایا۔‘‘

(معارف القرآن ج:۲ ص:۷۴،۷۵)

فقط واللّٰہ اعلم!

(فتاویٰ رحیمیہ ج:۷ ص:۱۸ تا ۲۴)

حضرت عیسیٰ علیہ السلام کی آسمانوں پر زکوٰۃ ونماز کی ادائیگی؟

سوال:۔۔۔ ’’دعوت‘‘ میں حیاتِ مسیح پر ایک مسلسل مضمون کئی قسطوں میں آرہا ہے، اس موضوع پر ایک شبہ وارِد ہوتا ہے، اس کا جواب ’’دعوت‘‘ میں ہی دے کر مشکور فرمائیں۔ سوال یہ ہے کہ حضرت عیسیٰ علیہ السلام پر قرآن کی رُو سے ’’وَأَوْصَانِیْ بِالصَّلَاۃِ وَالزَّکَاۃِ مَا دُمْتُ حَیّاً‘‘ (مریم:۳۱) کے مطابق ہر وقت جب تک وہ زندہ ہیں نماز اور زکوٰۃ فرض ہے، اگر وہ اب آسمانوں میں زندہ ہیں تو وہاں نماز اور زکوٰۃ کیسے ادا کرتے ہوں گے؟ اور وہ زکوٰۃ لیتا کون ہوگا؟ اس کا جواب مطلوب ہے۔

سائل: مختار حسن صدر، لاہور کینٹ

جواب:۔۔۔ آپ پہلے اس آیت کے معنی سمجھ لیجئے جو آپ نے نقل کی ہے، اس میں اِن شاء اللّٰہ العزیز تمام شبہات زائل ہوجائیں گے۔ آیت اور اس کا ترجمہ یہ ہے:

’’وَأَوْصَانِیْ بِالصَّلَاۃِ وَالزَّکَاۃِ مَا دُمْتُ حَیّاً‘‘

(مریم:۳۱)

ترجمہ:۔۔۔ ’’اور اللّٰہ تعالیٰ نے مجھے حکم دیا ہے نماز اور زکوٰۃ کا جب تک میں زندہ رہوں۔‘‘

اس آیت کی تفسیر میں شیخ الاسلام حضرت مولانا شبیر احمد عثمانی ؒ فرماتے ہیں:

’’یعنی جب تک زندہ رہوں، جس وقت اور جس جگہ کے مناسب جس قسم کی صلوٰۃ وزکوٰۃ کا حکم ہو اس کی شروط حقوق کی رعایت کے ساتھ برابر ادا کرتا رہوں گا۔ جیسے دُوسری جگہ مؤمنین کی نسبت فرمایا:’’الَّذِیْنَ ہُمْ عَلَی صَلَاتِہِمْ دَائِمُونَ‘‘ (المعارج:۲۳) اس کا یہ مطلب نہیں کہ ہر آن اور ہر وقت نماز پڑھتے رہتے ہیں، بلکہ یہ مراد ہے کہ جس وقت جس طرح کی نماز کا حکم ہو ہمیشہ پابندی سے تعمیلِ حکم کرتے ہیں اور اس کی برکات وانوار ہمہ وقت ان کو محیط رہتی ہیں۔ کوئی شخص کہے کہ: ’’ہم جب تک زندہ ہیں، نماز، زکوٰۃ، روزہ، حج وغیرہ کے مأمور ہیں‘‘ کیا اس کا مطلب یہ لیا جائے گا کہ: ’’ہر ایک مسلمان مأمور ہے کہ ہر وقت نماز پڑھتا رہے، ہر وقت زکوٰۃ دیتا رہے، (خواہ نصاب کا مالک ہو یا نہ ہو)، ہر وقت روزے رکھتا رہے، ہر وقت حج کرتا رہے‘‘؟ حضرت مسیح علیہ السلام کے متعلق بھی ’’مَادُمتُ حَیًّا‘‘ کا ایسا ہی مطلب سمجھنا چاہئے۔ یاد رہے کہ لفظ ’’صلوٰۃ‘‘ کچھ اِصطلاحی نماز کے ساتھ مخصوص نہیں، قرآن نے ملائکہ اور بشر سے گزر کر تمام جہان کی طرف صلوٰۃ کی نسبت کی ہے: ’’أَلَمْ تَرَ أَنَّ اللہَ یُسَبِّحُ لَہُ مَن فِیْ السَّمَاوَاتِ وَالْأَرْضِ وَالطَّیْرُ صَافَّاتٍ کُلٌّ قَدْ عَلِمَ صَلَاتَہُ وَتَسْبِیْحَہُ‘‘ (النور:۴۱) اور یہ بھی بتلادیا کہ ہر چیز کی تسبیح وصلوٰۃ کا حال اللّٰہ ہی جانتا ہے کہ کس کی صلوٰۃ وتسبیح کس رنگ کی ہے؟ اسی طرح زکوٰۃ کے معنی بھی اصل میں طہارت، نماز، برکت، مدح کے ہیں، جن میں سے ہر ایک معنی کا اِستعمال قرآن وحدیث میں اپنے اپنے موقع پر ہوا ہے۔ اسی رُکوع میں حضرت مسیح علیہ السلام کی نسبت’’غُلٰمًا زَكِیًّا‘‘ کا لفظ گزرچکا ہے جو زکوٰۃ سے مشتق ہے، اور یحییٰ علیہ السلام کو فرمایا: ’’وَحَنَاناً مِّن لَّدُنَّا وَزَکَاۃً‘‘ (مریم:۱۳) ، سورۂ کہف:۸۱ میں ہے:’’خَیْراً مِّنْہُ زَکَاۃً وَأَقْرَبَ رُحْماً‘‘ اسی طرح کے عام معنی یہاں بھی زکوٰۃ کے کئے جاسکتے ہیں، اور ممکن ہے:’’اَوصٰنِی بِالصَّلٰوۃِ وَالزَّكٰوۃِ‘‘ سے ’’اوصانی بأن آمر بالصلوٰۃ والزکوٰۃ‘‘ مراد ہو جیسے اِسماعیل علیہ السلام کی نسبت فرمایا: ’’وَکَانَ یَأْمُرُ أَہْلَہُ بِالصَّلَاۃِ وَالزَّکَاۃِ‘‘ (مریم:۵۵) پھر لفظ’’اَوصٰنِی‘‘ اپنے مدلولِ لغوی کے اِعتبار سے اس کو مقتضی نہیں کہ وقت ایصاء ہی سے اس پر عمل درآمد شروع ہوجائے۔ نیز بہت ممکن ہے کہ ’’مَادُمتُ حَیًّا‘‘ سے یہ ہی زمینی حیات مراد لی جائے، جیسے ترمذی کی ایک حدیث میں ہے کہ جابرؓ کے والد کو اللّٰہ نے شہادت کے بعد زِندہ کرکے فرمایا کہ ہم سے کچھ مانگ، اس نے کہا: مجھے دوبارہ زندہ کردیجئے کہ دوبارہ تیرے راستے میں قتل کیا جاؤں۔ اس زندگی سے یقینا زندگی مراد ہے، ورنہ شہداء کے لئے نفسِ حیات کی قرآن میں اور خود اسی حدیث میں تصریح موجود ہے۔‘‘

واللّٰہ اعلم بالصواب!

کتبہ‘ خالد محمود عفا اللّٰہ عنہ

(عبقات ص:۲۰۲، ۲۰۴)

حیاتِ عیسیٰ علیہ السلام کا عقیدہ نصِ قرآنی سے ثابت ہے

سوال:۔۔۔ کیا حضرت عیسیٰ علیہ السلام کو زِندہ آسمان پر اُٹھایا گیا ہے یا دُوسرے انبیاء کی طرح وفات پاچکے ہیں؟ بحیثیت ایک مسلمان کے اس بارے میں کیا عقیدہ رکھنا چاہئے؟

جواب:۔۔۔ تمام اُمتِ محمدیہ کا یہ منصوص اور بنیادی عقیدہ ہے کہ حضرت عیسیٰ علیہ السلام کو آسمان پر زِندہ سلامت اُٹھایا گیا ہے، اور بعض فرائض کی انجام دہی تک زندہ رہیں گے، اللّٰہ تعالیٰ کا اِرشاد ہے: ’’وَمَا قَتَلُوہُ یَقِیْناً. بَل رَّفَعَہُ اللہُ إِلَیْہِ‘‘ (النساء:۱۵۷، ۱۵۸) اور اسی طرح احادیثِ نبویہ بھی آپ کی زندگی پر ناطق ہیں۔

’’اخرج إسماعیل بن کثیر قال الحسن: قال رسول ﷲ صلی ﷲ علیہ وسلم: إنّ عیسٰی لم یمت وإنہ راجعٌ إلیکم قبل یوم القیامۃ‘‘

(تفسیر ابن کثیر ص:۳۴۰، سورۃ النساء، طبع دار الکتب العلمیۃ، بیروت)

(فتاویٰ حقانیہ ج:۱ ص:۱۵۴)

فرقۂ مرزائیہ کے آٹھ اہم اِشکالات کے جوابات

سوال:۔۔۔

بِسْمِ اﷲِ الرَّحْمٰنِ الرَّحِیْمِ

نَحْمَدُہٗ وَنُصَلِّیْ عَلٰی رَسُوْلِہِ الْکَرِیْمِ

جناب حضرتنا شیخنا سیّدنا ومولانا زُہدۃ المحققین ورئیس العارفین، بعد السلام علیکم کے عاجز یوں گزارش کرتا ہے کہ فرقۂ باطلہ مرزائی کی تائیدی مرزا غلام احمد قادیانی کے ایک معتقد مرزا ابوالعطاء حکیم خدابخش قادیانی نے ایک ضخیم کتاب ’’عسلِ مصفّٰی‘‘ لکھی ہے۔ اس کتاب میں مرزا موصوف نے اپنے زعم میں وفاتِ مسیح کو جہاں تک ہوسکا ثابت کیا، مرزاقادیانی نے تو (اِزالہ اوہام، مطبع ریاض ہند امرتسر ۱۲۰۸ھ کے صفحہ:۵۹۸ تا ۶۲۷ میں خزائن ج:۳ ص:۴۱۳ تا ۴۳۸، ۳۰) آیاتِ قرآنی سے وفاتِ مسیح کا اِستدلال پکڑا، مگر حکیم صاحب اپنے پیر سے بھی بڑھ کر نکلے، یعنی انہوں نے ساٹھ آیاتِ قرآنی سے وفاتِ مسیح کا اِستدلال پکڑا۔ مثل مشہور ہے: ’’گرو جنہاں دے جاندے ٹپ، چیلے جان شڑپ‘‘ راقم الحروف کی اکثر اوقات امرتسر کے مرزائیوں کے ساتھ گفتگو ہوتی رہتی ہے۔ آپ کی کتاب ’’سیف چشتیائی‘‘ نے مجھے بڑا فائدہ دیا اور چند ایک مرزائیوں نے اسے پڑھا۔ چنانچہ حکیم اِلٰہی بخش صاحب مرحوم مع اپنے لڑکے کے آخر مرزائیت سے توبہ کرگئے اور اِسلام پر ہی فوت ہوئے اور باقی مرزائیوں کے دِل ایسے ہی سخت رہے۔ سچ ہے کہ:

خاک سمجھائے کوئی عشق کے دیوانے کو

زندگی اپنی سمجھتا ہے جو مرجانے کو

میری خود یہ حالت تھی کہ ’’عسلِ مصفّٰی‘‘ کو پہلی بار پڑھنے سے دِل میں طرح طرح کے شکوک اُٹھے اور وفاتِ مسیح پر پورا یقین ہوگیا، مگر الحمدللّٰہ! کہ آپ کی ’’سیف چشتیائی‘‘ اور ’’شمس الہدایت‘‘ نے میرے متذبذب دِل پر تسلی بخش امرت ٹپکا۔ اُمید ہے کئی برشتہ آدمی اس سے اِیمان میں تروتازگی حاصل کریں گے۔ عرصہ ایک سال سے عاجز نے کمربستہ ہوکر یہ اِرادہ کرلیا ہے کہ ایک ضخیم کتاب بناکر ’’عسلِ مصفّٰی‘‘ کی تردید بخوبی کی جائے اور اس کی تمام چالاکیوں کی قلعی کھولی جائے۔ چنانچہ راقم الحروف ’’عسلِ مصفّٰی‘‘ کے رَدّ میں ایک کتاب ’’صاعقہ رحمانی بر نخلِ قادیانی‘‘ لکھ رہا ہے، اور اس کے پانچ باب ترتیب وار باندھے ہیں۔ ۱:۔۔۔ حیاتِ مسیح ۱۵ فصلوں پر۔ ۲:۔۔۔ حقیقت المسیح ۱۵ فصلوں پر۔ ۳:۔۔۔حقیقت النبوت ۱۵ فصلوں پر۔ ۴:۔۔۔حقیقت المہدی ۱۲ فصلوں پر۔ ۱۵:۔۔۔حقیقت الدجال ۸فصلوں پر۔

مصنفِ ’’عسلِ مصفّٰی‘‘ نے چند ایک اِعتراضات حیاتِ مسیح اور رُجوعِ موتیٰ پر کئے ہیں۔ عاجز ذیل میں وہ اِعتراضات تحریر کردیتا ہے، اور آپ سے ان کے جوابات کا خواستگار ہے۔ میں نے امرتسر کے چند ایک عالموں مثلاً محمد بن داؤد بن عبدالجبار مرحوم غزنوی، خیرشاہ صاحب حنفی نقشبندی، ابوالفاء ثناء اللّٰہ وغیرہ سے ان اِعتراضوں کے جواب پوچھے، مگر افسوس کہ کسی نے بھی جواب تسلی بخش نہیں دئیے۔ اب اُمید ہے کہ آپ بخیال ثوابِ دارین ان اِعتراضوں کے جواب تحریر فرماکر فرقۂ مرزائیہ کے دامِ مکر سے اہلِ اسلام کو خلاصی دیں گے۔

اوّل ۱:۔۔۔ صحیح بخاری، مطبع احمدی ج:۱ ص:۴۸ میں ہے:

’’عن ابن عمر قال: قال النبی صلی ﷲ علیہ وسلم: رایت عیسٰی وموسٰی وإبراھیم، فأما عیسٰی فاحمر جعد عریض الصدر۔‘‘

۲:۔۔۔ پھر اسی بخاری میں ہے:

’’حدثنا احمد قال: سمعت إبراھیم عن ابیہ قال: لا وﷲ ما قال النبی صلی ﷲ علیہ وسلم بعیسٰی احمر ولٰکن بینما انا نائم اطوف بالکعبۃ فإذا رجل ادم سبط الشعر یھادی بین رجلین ینظف رأسہ مائً او یھراق ۔۔۔إلخ۔‘‘

(ص:۴۸۹)

پہلی حدیث میں عیسیٰ مسیح بن مریم ناصری کا حلیہ سرخ رنگ، بال گھونگردار، سینہ چوڑا تھا اور دُوسری حدیث میں مسیحِ موعود کا حلیہ گندم گوں رنگ، بال کندھوں پر لٹکے ہوئے اور سر کے بالوں سے پانی ٹپکتا ہوا ہے۔ پس اس سے ثابت ہوا کہ مسیح ناصری اور ہے اور آنے والے مسیح جس نے دجال کو مارنا ہے اور ہے۔

دُوسری حدیث میں بھی ہے:

’’قال ثم رأیتُ رجلا وراء رجل جعدٍ قطط اعور العین الیمنیٰ کأن عینہ عنبۃ طافیۃ

کأشبہ من رأیت من الناس بابن قطن واضعًا یدیہ علٰی منکبی رجلین یطوف بالبیت۔‘‘

(ص:۴۸۹)

اس سے معلوم ہوتا ہے کہ نبی صلی اللّٰہ علیہ وسلم نے دجال کو بھی کعبہ کا طواف کرتے دیکھا مگر دوسری صحیح حدیثوں سے صاف عیاں ہے کہ دجال پر مکہ ومدینہ حرام کئے گئے ہیں۔ پھر مسیح اور دجال کا طواف کرنا کیا معنی رکھتا ہے؟

دوم:۔۔۔ صحیح بخاری ج:۲ ص:۶۶۵ میں ہی ہے:

’’عن ابن عباس قال: خطب رسول ﷲ صلی ﷲ علیہ وسلم فقال: یا ایھا الناس!

انکم محشورون إلی ﷲ حفاۃ عراۃ غرلا ثم قرأ کما بدأنا اوّل خلق نعیدہ وعدًا علینا إنَّا کنَّ

ا فاعلین فأوّل من یکسی یوم القیامۃ إبراھیم علیہ السلام إلخ، ثم یؤْخذ برجال من اصحابی

ذات الیمین وذات الشمال فأقول: اصحابی! فیقال: إنھم لا یزالوا مرتدین علٰی اعقابھم منذ فارقتھم، فأقول کما قال العبد الصالح عیسَی بن مریم وکنت علیھم شھیدًا ما دمت فیھم فلما توفیتنی إلخ۔

مائدہ:۱۱۷ میں ذِکر ہے کہ مسیح پر سوال ہونے پر مسیح جواب دیں گے کہ:’’سُبْحَانَکَ مَا یَکُونُ لِیْ أَنْ أَقُولَ مَا لَیْسَ لِیْ بِحَقٍّ إِن کُنتُ قُلْتُہُ فَقَدْ عَلِمْتَہُ تَعْلَمُ مَا فِیْ نَفْسِیْ وَلاَ أَعْلَمُ مَا فِیْ نَفْسِکَ إِنَّکَ أَنتَ عَلاَّمُ الْغُیُوبِ. مَا قُلْتُ لَہُمْ إِلاَّ مَا أَمَرْتَنِیْ بِہِ أَنِ اعْبُدُواْ اللہَ رَبِّیْ وَرَبَّکُمْ وَکُنتُ عَلَیْہِمْ شَہِیْداً مَّا دُمْتُ فِیْہِمْ فَلَمَّا تَوَفَّیْتَنِیْ کُنتَ أَنتَ ۔۔۔۔۔۔۔ الخ‘‘ قیامت کے دن رسول اللّٰہ صلی اللّٰہ علیہ وسلم یہ آیات اپنے اُوپر چسپاں کرکے فرمائیں گے، اور اپنے بیان کو عیسیٰ علیہ السلام کی طرح بیان فرمائیں گے۔ اب یہ بھی ظاہر ہے کہ آپ صلی اللّٰہ علیہ وسلم فوت ہوچکے ہیں، پس آپ صلی اللّٰہ علیہ وسلم یہی کہیں گے کہ جب تو نے مجھے وفات دی اور’’کما قال العبد الصالح‘‘ صاف ظاہر کرتا ہے کہ مسیح بھی یہی کہیں گے: ’’جب تو نے وفات دی‘‘

اب اس سے معنی وفات کے لے کر یہ کہا جائے کہ اس سے مراد وہ موت ہے جو مسیح کو زمین پر آنے کے ۴۵ سال بعد آئے گی تو اس پر یہ اِعتراض لازم آئے گا کہ مسیح کے پیرو مسیحی ابھی گمراہ نہیں ہوئے، بلکہ مسیح کی وفات کے بعد ہوں گے، اور اس جاآئندہ وفات مراد لینا اس وجہ سے بھی غلط ہے کہ خدا تو مسیح کے اس زمانے کی نسبت سوال کر رہا ہے، جبکہ مسیح کو بنی اِسرائیل کی طرف بھیجا، نہ کہ آئندہ زمانے کی نسبت اور پھر مسیح اتنا زمانہ چھوڑ کر آئندہ موت کی بابت کس طرح گفتگو کرتے اور پھر تفسیر کمالین وحسینی وغیرہ میں ’’فَلَمَّا تَوَفَّیْتَنِیْ‘‘ کے معنی رفع الی السماء نہ ہونا۔

اور گزشتہ زمانے میں یہ کہنے پر کہ: ’’جب تو نے مجھے آسمان پر اُٹھالیا‘‘ یہ اِعتراض آتا ہے کہ آنحضرت صلی اللّٰہ علیہ وسلم پھر’’کما قال العبد الصالح‘‘ فرماکر قیامت کو یہ کس طرح کہہ سکتے ہیں کہ: ’’جب تو نے مجھے فوت کرلیا‘‘ ورنہ یوں کہنا چاہئے: ’’جب تو نے مجھے آسمان پر اُٹھالیا‘‘ اور یہ غلط ہے، جس حالت میں کہ مسیح کی طرح ہی آنحضرت صلی اللّٰہ علیہ وسلم فرمائیں گے تو یہ کیسے

ہوسکتا ہے کہ مسیح کی بابت تو آسمان پر اُٹھایا جانا معنی کریں اور آنحضرت صلی اللّٰہ علیہ وسلم کی بابت فوت ہوجانے کے معنی کریں، کیونکہ اس سے تو مماثلت دُرست نہیں رہتی۔

سوم:۔۔۔ صحیح بخاری میں کتاب التفسیر میں ہے: ’’قال ابن عباس: متوفک ممیتک‘‘ بعض تفسیروں میں لکھا ہے کہ ابنِ عباسؓ ایسے معنی کرنے میں آیت: ’’یٰعِیسٰی اِنِّی ۔۔۔الخ‘‘ میں تقدیم وتأخیر کے قائل ہیں، اس پر یہ اِعتراضات آتے ہیں:

۱:۔۔۔ صحیح بخاری سے یہ ثابت نہیں کہ ابنِ عباسؓ تقدیم وتأخیر کے قائل ہیں، کیونکہ کتاب التفسیر میں صرف ’’متوفیک‘‘ کے معنی ’’ممیتک‘‘ لکھے ہیں۔

۲:۔۔۔ اگر رافع کے بعدمتوفیک کو رکھیں تو لازم آئے گا کہ مسیح کا رفع تو ہوگیا ہے،ومطھرک وجاعل الذین إلخ کا وعدہ ابھی پورا نہیں ہوا، بلکہ بعد وفات کے ہوگا اور یہ غلط ہے۔

۳:۔۔۔ اگر متوفیک کو مطھرک کے بعد رکھیے تو لازم آئے گا کہ مرفوع ومطہر ہونے کے وعدے تو پورے ہوگئے ہیں، مگر مسلمان کافروں پر غالب نہیں ہیں، بلکہ موت کے بعد ہوں گے، حالانکہ یہ غلط ہے۔

۴:۔۔۔ اگر متوفیک کو سب کے آخر میں رکھیں تو لازم آئے گا کہ قیامت کے دن جبکہ اور لوگ زندہ ہوکر اُٹھیں گے، مسیح فوت ہوجائیں گے، کیونکہ چوتھا وعدہ یہ ہے کہ قیامت تک تیرے پیروؤں کو کافروں پر غالب رکھوں گا۔

۵:۔۔۔ یہ چار وعدے ترتیب وار ہیں، اگر واؤ ترتیب کے لئے نہیں ہے بلکہ قیامت کے پہلے پہلے یہ سب وعدے پورے ہوجانے چاہئیں تو ’’إلٰی یوم القیٰمۃ‘‘ کی ضرورت نہ تھی، اور اس کی نظیر میں کوئی اور آیت بھی پیش کرنی چاہئے۔

چہارم:۔۔۔ بعض مفسرین نے آیت: ’’وَاِن مِّن اَہلِ الكِتٰبِ ۔۔۔الخ‘‘ کے معنی یہ کئے ہیں کہ مسیحِ موعود کے وقت میں جتنے اہلِ کتاب ہوں گے، وہ سب مسیح کی موت کے پہلے پہلے اس پر اِیمان لائیں گے۔ اس پر ’’عسلِ مصفّٰی‘‘ کے یہ اِعتراضات ہیں کہ:

۱:۔۔۔ آیت ’’وَجَاعِلُ الَّذِینَ‘‘ سے صاف عیاں ہے کہ کافر قیامت تک رہیں گے، پھر مسیح کے وقت کس طرح سب مؤمن ہوجائیں گے؟

۲:۔۔۔ مفسرین کے یہ معنی اس آیت کے مخالف ہیں، جہاں اِرشاد ہے کہ ہم نے یہود اور نصاریٰ کے درمیان تاقیامت بغض ڈالا ہے۔

۳:۔۔۔ اور اس آیت کے بھی مخالف ہے جس میں ہے کہ اگر خدا چاہتا تو تمام لوگوں کو ایک ہی اُمت پیدا کردیتا مگر یہ سنت اللّٰہ کے خلاف ہے۔

۴:۔۔۔ یہ کہ جب آنحضرت صلی اللّٰہ علیہ وسلم کے عہدِ مبارک میں تمام اہلِ کتاب مسلمان نہیں ہوئے تو پھر مسیح کے زمانے کو کیا خصوصیت ہے؟

۵:۔۔۔ دجال یہودی ہوگا اور اس کے ساتھ ۷۰ہزار یہود ہوں گے، باوجود اہلِ کتاب ہونے کے پھر وہ کیسے اِیمان

لانے کے بغیر مرجائیں گے؟

پنجم:۔۔۔ ’’عسلِ مصفّٰی‘‘ لکھنے والے نے مسیح کے معجزات اِحیائے موتیٰ، ابراہیم علیہ السلام کے: ’’رَبِّ اَرِنِی كَیفَ تُحیِ المَوتٰی۔۔۔الخ‘‘ ، عزیر علیہ السلام کے ۱۰۰سال کے بعد زِندہ ہوجانے اور بنی اِسرائیل کے ۷۰سرداروں کے زندہ ہوجانے سے صاف انکار کیا ہے، اور اس کی باطل تأویلیں کی ہیں، اور عدمِ رُجوعِ موتیٰ پر یہ آیاتِ قرآنی پیش کی ہیں:

۱:۔۔۔ ’’وَحَرَامٌ عَلَی قَرْیَۃٍ أَہْلَکْنَاہَا أَنَّہُمْ لَا یَرْجِعُونَ‘‘

(الانبیاء:۹۵)

۲:۔۔۔ ’’أَلَمْ یَرَوْا کَمْ أَہْلَکْنَا قَبْلَہُم مِّنْ الْقُرُونِ أَنَّہُمْ إِلَیْہِمْ لاَ یَرْجِعُونَ‘‘

(یٰسن:۳۱)

۳:۔۔۔ ’’حَتَّی إِذَا جَاء أَحَدَہُمُ الْمَوْتُ قَالَ رَبِّ ارْجِعُونِ. لَعَلِّیْ أَعْمَلُ صَالِحاً فِیْمَا تَرَکْتُ کَلَّا إِنَّہَا کَلِمَۃٌ ہُوَ قَائِلُہَا وَمِن وَرَائِہِم بَرْزَخٌ إِلَی یَوْمِ یُبْعَثُونَ‘‘

(المؤمنون:۹۹،۱۰۰)

۴:۔۔۔ ’’اللہُ یَتَوَفَّی الْأَنفُسَ حِیْنَ مَوْتِہَا وَالَّتِیْ لَمْ تَمُتْ فِیْ مَنَامِہَا فَیُمْسِکُ الَّتِیْ قَضَی عَلَیْہَا الْمَوْتَ وَیُرْسِلُ الْأُخْرَی إِلَی أَجَلٍ مُسَمًّی ‘‘

(الزمر:۴۲)

۵:۔۔۔ ’’ثُمَّ إِنَّکُمْ بَعْدَ ذَلِکَ لَمَیِّتُونَ. ثُمَّ إِنَّکُمْ یَوْمَ الْقِیَامَۃِ تُبْعَثُونَ ‘‘

(المؤمنون:۱۵، ۱۶)

ششم:۔۔۔ جز۳ سورۃ البقرہ میں جہاں اِبراہیم علیہ السلام کا ذِکر ہے، فرمایا کہ ’’رَبِّ اَرِنِی كَیفَ۔۔الخ‘‘ اس پر مرزائی کہتے ہیں کہ مفسرین نے قیمہ کرنا اور کوٹنا کس لفظ کے معنی کئے ہیں؟ گو ’’فصرہن‘‘ کے معنی کوٹنا بھی ہیں، مگر یہاں ’’الیك‘‘ ایسے معنوں سے روکتا ہے، اگر کوٹنا ٹکڑے ٹکڑے کرنا معنی ہوتے تو صرف فصرہن کافی تھا نہ کہ فصرہن الیك ۔ اور جز صرف ٹکڑوں کو ہی نہیں کہتے، بلکہ ثابت جسم کو بھی کہہ سکتے ہیں، جیسے ۱۶آدمیوں کا جز ۴ آدمی، ۲آدمی وآٹھ آدمی وایک آدمی بھی ہوسکتا ہے۔ پس اسی طرح اِبراہیم علیہ السلام نے چار جانوروں میں سے ایک ایک جانور پہاڑ پر رکھا اور پھر آواز دے کر ان کو اپنے پاس بلالیا۔

ہفتم:۔۔۔ قرآن مجید کی بیس سے زیادہ آیتوں میں ’’متوفی‘‘ کے معنی موت کے آئے ہیں، تو پھر یہاں مسیح کی کیا خصوصیت ہے؟ اگر اس سے ’’پورا کرلینے‘‘ کے معنی لیں تو پھر بھی یہ ایک معما باقی رہتا ہے کہ ۱:۔۔۔ کیا عمر کو پورا کرنا؟ ۲:۔۔۔کیا جسم ورُوح کو پورا کرلینا؟ ۳:۔۔۔ یا کوئی اور معنی؟ اور اگر جسم مع الروح پورا لینا مراد ہے تو باقی آیات میں جہاں توفی وغیرہ ہے تو کیا یہ معنی بنیں گے کہ خدا، یا فرشتے لوگوں کو جسم مع الروح اُٹھالیتے ہیں۔ بعض مفسرین نے قبض کرنا کے معنی لئے ہیں، اور قبض ہمیشہ رُوح کا ہوا کرتا ہے۔

ہشتم:۔۔۔ جبکہ خدا تعالیٰ فاعل ہو اور کوئی ذِی رُوح مفعول تو ’’متوفی‘‘ کے معنی ہمیشہ قبضِ رُوح کے ہوا کرتے ہیں، اور اگر مرزائیوں کے آگے آیات ’’تُوَفّٰی كُلُّ نَفسٍ‘‘، ’’وَاِبرٰہِیمَ الَّذِی وَفّٰی‘‘ وغیرہ پیش کی جاتی ہیں تو وہ کہتے ہیں کہ یہ تو بابِ تفعل سے نہیں ہیں گو اس کا مأخذ ’’وفا‘‘ ہی ہے۔

یہ آٹھ سوال گویا تمام ’’عسلِ مصفّٰی‘‘ کے اِعتراضوں کا خلاصہ ہیں، ان کا جواب دینا گویا مشنِ مرزائیہ کے سر پر آسمانی بجلی

گرانا ہے، اُمید ہے کہ آپ ان کے جوابات تسلی بخش تحریر فرمائیں گے۔

خادم الاسلام محمد حبیب اللّٰہ کٹڑہ مہاںسنگھ

کوچہ ناظر قطب الدین، پاس مسجد غزنویاں امرتسر

جواب:۔۔۔

بِسْمِ اﷲِ الرَّحْمٰنِ الرَّحِیْمِ

اَلْحَمْدُ لِلّٰہِ وَحْدَہٗ وَالصَّلٰوۃُ وَالسَّلَامُ عَلٰی مَنْ لَّا نَبِیَّ بَعْدَہٗ وَآلِہٖ وَصَحْبِہٖ

جواب سوال نمبر۱:۔۔۔ احمر اور آدم سے مراد ایک ہی شخص ہے، کیونکہ در صورتِ تغائر دُوسری حدیث کا جملہ ’’لا وﷲ ما قال النبی صلی ﷲ علیہ وسلم بعیسٰی احمر ولٰکن قال بینما انا نائمٌ اطوف بالکعبۃ فإذا رجل آدم ۔۔۔إلخ‘‘ بے محل او رغیرمربوط ثابت ہوتا ہے۔ اگر احمر وآدم دو شخص ہوتے تو ایک شخص کا سرخ رنگ اور دُوسرے کا گندم گوں ہونا ناممکن اور غیرواقعی نہیں مانا جاسکتا تو پھر حلفی نفی کا کیا معنی؟ اس قدر تشدّد اور تاکید بالحلف اس صورت میں شایاں ہے کہ ایک ہی شخص کی نسبت حلیہ بیان کیا جاتا ہے، اور اسی شخص کو ایک راوی احمر بتاتا ہے اور دُوسرا آدم روایت کرتا ہے، اور راویٔ ثانی کو اِجتماع بین الحلیتین فی شخص واحد غیرواقعی نظر آتا ہو، یا صرف روایت باللفظ اس کا مقصود ہو، دراصل بات یہ ہے کہ مسیح ناصر وہی مسیحِ موعود ہے اور فی الواقع دونوں حدیثیں صحیح مانی جاسکتی ہیں۔ راویٔ ثانی کا مطلب اور مطمحِ نظر صرف روایت باللفظ ہے، نفیاً واِثباتاً مسیح علیٰ نبینا وعلیہ الصلوٰۃ والسلام کی رنگت میں چونکہ سرخی وسپیدی ملی ہوئی تھی، کما فی ابوداوٗد وغیرہ فإذا رایتموہ فاعرفوہ فإنہ رجل مربوع إلی الحمرۃ والبیاض ۔۔۔إلخ۔ (۱) ایسی رنگ والے کو اگر سرخ کہا جائے تو بھی اور اگر گندم گوں بتایا جائے تو بھی بجا ہے۔

رہا آنحضرت صلی اللّٰہ علیہ وسلم کا مسیح اور دجال دونوں کو بیت اللّٰہ کا طواف کرتے ہوئے دیکھنا، سو معلوم ہو کہ خیال متفصل اور عالمِ رُؤیا میں عالمِ شہادت کے محالات ممکنات دکھائی دیتے ہیں، ایسا ہی مجرّدات مجسم ہوکر۔ چنانچہ حق سبحانہ وتعالیٰ کا بروزِ حشر ایک صورت میں جلوہ گر ہونا جس کا مؤمنین اِنکار کریں گے، پھر دُوسری صورت میں متجلّی ہونے پر اِقرار۔ ایسا ہی آنحضرت صلی اللّٰہ علیہ وسلم کا (علم) کو درصورت لبن مشاہدہ فرمانا۔ اور نیز واضح رہے کہ ہر ایک شخص اپنے خیالات اور اِعتقادات واعمال میں اپنے مرکز اِستعدادِ ذاتی کے اردگرد گھومتا رہتا ہے، یعنی اُن اسمائے اِلٰہیہ کے دائرے سے باہر نہیں جاسکتا کہ جن اسماء کے لئے اس کا عین ثابت فیض اقدس میں بغیر تخلل جعل مظہر قرار دیا گیا ہے۔ صدیقؓ عین ثابت ’’ہادی‘‘ اور ابوجہل کا عینِ ثابت ’’مضل‘‘ کے احاطے سے باہر نہیں جاسکتا۔ ایسا ہی عیسیٰ علیٰ نبینا وعلیہ الصلوٰۃ والسلام کا عینِ ثابت اور دجال کا بھی۔

حدیث کا مطلب آنحضرت صلی اللّٰہ علیہ وسلم نے مشاہدہ فرمایا کہ عیسیٰ ابن مریم اور دجال دونوں اپنے اپنے بیت اللّٰہ اسمائی کا طواف کر رہے ہیں، ایک ’’یَہدِی منَ یَّشَآءُ‘‘ کے اظہار میں اور دُوسرا ’’یُضِلُّ مَن یَّشَآءُ‘‘ کے اسباب میں سرگرم اور کمربستہ ہے، ’’ہادی‘‘ اور ’’مضل‘‘ کا موصوف چونکہ ذاتِ واحدہ ہے، لہٰذا عالمِ رُؤیا میں آنحضرت صلی اللّٰہ علیہ وسلم کو ایک ہی بیت اللّٰہ مشہود ہوا۔ یہ

(۱) سنن أبی داوٗد ج:۲ ص:۲۳۸، طبع ایچ ایم سعید کراچی۔

ہے مطلب مسیح اور دجال دونوں کے طواف کرنے کا، وﷲ اعلم وعلمہ الأتمّ!

دُوسری حدیث جس میں دجال کی عدم رسائی بیت اللّٰہ تک کا ذِکر ہے، وہ بھی صحیح وبجا ہے، ہمارا اِیمان ہے کہ حسبِ ارشادِ نبوی دجال کو عالمِ شہادت میں بیت اللّٰہ تک رسائی نہ ہوگی۔

جواب سوال نمبر۲ و۳:۔۔۔ توفی کا معنی موت نہیں، بلکہ موت ایک نوع ہے، معنی ’’توفی‘‘ کے انواع میں سے ’’توفی‘‘ کا معنی قبض کرلینا، اُٹھالینا، پورا کرلینا، سلانا، دیکھو: ’’لسان العرب‘‘، ’’قاموس‘‘، ’’صراح‘‘ وغیرہا ’’سیف چشتیائی‘‘ ملاحظہ ہو۔ پھر قبض کرلینا عام ہے، ایسا ہی اُٹھالینا، اگر اس قبض ورفع کا متعلق نفوس وارواح ہوں اور فاعل اللّٰہ تعالیٰ ہو تو اس کے لئے دو صورتیں ہیں، ایک موت، دُوسری نیند، پس موت ونیند معنی ’’توفی‘‘ کے لئے جزئیات ومواد ٹھہرے۔ چنانچہ آیتِ ذیل سے صاف ظاہر ہے:’’اللہُ یَتَوَفَّی الْأَنفُسَ حِیْنَ مَوْتِہَا وَالَّتِیْ لَمْ تَمُتْ فِیْ مَنَامِہَا‘‘ (الزمر:۴۲) یعنی قبضِ نفوس وارواح کی دو صورتیں ہیں: ایک موت، دُوسری نیند۔ اگر توفی کا معنی صرف موت دینا اور مارنے کا لیا جائے تو کلامِ اِلٰہی ۔۔۔معاذاللّٰہ۔۔۔ بالکل بے معنی ہوجاتا ہے، کیونکہ جب توفی کے مفہوم میں موت ہے تو پھر ’’حِینَ مَوتِہَا‘‘ لغو ٹھہرے گا، اور ’’وَالَّتِی لَم تَمُت‘‘ میں بوجہ عطف کے ’’اَلاَنفُسَ‘‘ پر اِجتماعِ ضدین موت وعدم موت کا سامنے آئے گا، وھو باطل۔ آیت کا مطلب یہ ہوا کہ قبضِ نفوس گو دو صورتوں یعنی موت ونیند میں ہوتا ہے، مگر درصورت موت نفسِ مقبوضہ کو چھوڑا نہیں جاتا بخلاف نیند کے کہ اس میں نفسِ مقبوضہ کو اَجلِ مسمّیٰ ومیعادِ معین تک چھوڑ دیا جاتا ہے۔ ساری آیت پڑھو:’’اللہُ یَتَوَفَّی الْأَنفُسَ حِیْنَ مَوْتِہَا وَالَّتِیْ لَمْ تَمُتْ فِیْ مَنَامِہَا فَیُمْسِکُ الَّتِیْ قَضَی عَلَیْہَا الْمَوْتَ وَیُرْسِلُ الْأُخْرَی إِلَی أَجَلٍ مُسَمًّی‘‘ (الزمر:۴۲) پس ثابت ہوا کہ توفی کا معنی صرف قبض ہے ، اور مقبوض شدہ شے خواہ نفوس وارواح ہوں اور پھر چھوڑے نہ جائیں، جیسے موت کی صورت میں، یا پھر چھوڑ دئیے جائیں، جیسے بحالتِ نیند وبیداری یا غیرنفوس ہوں۔ چنانچہ توفیت مالی وغیرہ محاوراتِ عرب کما فی لسان العرب وغیرہ ، ایسا ہی متوفیك اورفلما توفیتنی خارج ہے موضوع لہٗ توفی سے کہالمضاف إذا اخذ من حیث انہ مضاف یکون التقیید داخلا والقید خارجًا قاعدۂ مُسلَّمہ ہے۔

فرض کیا کہ زید مرگیا اور عمرو سو رہا ہے، اور دونوں کے متعلقین نے زید کے مرجانے اور عمرو کے سوجانے کے بعد اِرتکابِ جرائم اِعتقادی وعملی کرنا شروع کیا۔ زید وعمرو دونوں سے سوال کرنے میں ایک ہی عبارت کا اِستعمال بحسبِ شہادت آیتِ مذکور بالا’’اللہُ یَتَوَفَّی الْأَنفُسَ‘‘ کیا جاسکتا ہے۔ مثلاً:أأنتما قلتما ان یعتقدوا ویعملوا کذا وکذا، ، بجواب اس کے دونوں کہہ سکتے ہیںکہ : ما کان لنا ان نقول لھم کذا وکذا إلَّا ما امرتنا وکنا علیھم شھیدین ما دمنا فیھم فلما توفیتنا کنت انت الرقیب علیھم وانت علٰی کل شیء شھید۔ یعنی برخلاف اِرشادِ اِلٰہی ان کو کہنا ہم کو شایاں نہیں تھا، ہم جب تک ان میں موجود تھے، ان کو ہدایت کرتے رہے، اور فرمانِ خداوندی پہنچاتے رہے، پھر جب تو نے ہمارے ارواح کو قبض کرلیا اور اُٹھالیا، پھر تو ان پر نگہبان تھا، بشہادت آیتِ مسطورہ بالا وکتبِ لغت (لسان العرب، قاموس، صراح) توفی کا معنی قبض ورفع کا ٹھہرا، اور موت ونیند انواع واقسام ٹھہرے معنی قبض کے لئے، اور مُسلَّمہ قاعدہ ہے کہ اِستعمال کلی کا جزئی میں مجاز ہے، نہ حقیقت، لہٰذا اہلِ لغت نے موت کو

معنی مجازی ٹھہرایا ہے، توفی کے لئے ’’سیف چشتیائی‘‘ ملاحظہ ہو۔ ایسا ہی آنحضرت صلی اللّٰہ علیہ وسلم اور مسیح ابن مریم علیہما السلام بجواب سوالِ مذکور لفظ ’’فلما توفیتنی‘‘ اِستعمال فرما سکتے ہیں۔ یعنی آپ صلی اللّٰہ علیہ وسلم بایں معنی: ’’پھر جب قبض کرلیا تو نے رُوح میرا‘‘ اور مسیح علیٰ نبینا وعلیہ السلام: ’’پھر جب قبض کرلیا تو نے مجھ کو یعنی میرے جسم کو مع الروح پکڑلیا اور اُٹھالیا۔‘‘ وجہ اس کی وہی ہے کہ توفی کا معنی مطلق قبض ورفع کا ہے، اور شیٔ مقبوض ومرفوع اس کے معنی سے خارج ہے۔ جملہ: ’’توفی ﷲ زیدًا‘‘ کو تینوں صورتوں میں بول سکتے ہیں، اللّٰہ تعالیٰ نے زید کو ماردیا، یعنی اس کی رُوح کو قبض کرنے کے بعد نہ چھوڑا، یا اللّٰہ تعالیٰ نے زید کو سلایا، یعنی اس کی رُوح کو بعدالقبض چھوڑ دیا، یا اللّٰہ تعالیٰ نے زید کو بالکلیہ (جسم مع الروح) قبض کرلیا اور اُٹھالیا۔ تیسری صورت محلِ نزاع ہے، اور پہلی دو صورتیں آیت: ’’اللہُ یَتَوَفَّی الْأَنفُسَ‘‘ سے صراحۃً ثابت ہیں، بلکہ اس آیت میں ’’یَتَوَفَّی‘‘ کے معنی میں غور کرنے پر یہ اِشکال جاتا رہتا ہے کہ جسم مع الروح کا اُٹھالینا جملہ مذکورہ سے کیسے مراد ہوسکتا ہے؟ حالانکہ محاورۂ قرآنیہ میں جس جگہ توفی کا فاعل اللّٰہ تعالیٰ ہو، وہاں معنی موت ہی مراد ہے، کیونکہ مطلق قبض ورفع توفی کا معنی ہے، نہ خاص موت ہی۔

جولفظ کہ معنی کلی (مطلق رفع وقبض) کے لئے موضوع بشہادت لغت وقرآنِ کریم ہے، اس لفظ ’’توفی‘‘ کو ایک اس معنی کی جزئی کے لئے موضوع سمجھ لینا، مثلاً لفظ انسان کو خاص زید کے لئے موضوع قرار دے لینا سراسر جہالت ہے۔

سطحی فرقے کو دھوکا لگنے کی وجہ علاوہ قلّتِ مبلغِ علمی کے یہ بھی ہے کہ معنی کلی توفی کے جزئیات ومواد میں سے موت والا مادّہ فی الواقع بھی بہت ہے اور قرآنِ کریم میں بھی بکثرت وارِد ہوا ہے۔ یہاں تک کہ اس کثرت کی وجہ سے عوام نے موت کو معنی حقیقی توفی کے لئے سمجھ رکھا ہے۔ مگر اہلِ تحقیق واہلِ بصیرت کی نظر واقعات پر ہوتی ہے، مثلاً: وہ لوگ دیکھتے ہیں کہ گو قرآنِ کریم ہی میں خلقتِ انسان نطفہ سے بتائی گئی ہے اور اس کے نظائر وجزئیات کے لئے اس قدر وسعت وفراخی ہے کہ شمار میں نہیں آسکتے۔ اور’’أَنَّا خَلَقْنَاہُ مِن نُّطْفَۃٍ‘‘ (یٰسین:۷۷) اور ایسا ہی: ’’خُلِقَ مِن مَّاء دَافِقٍ. یَخْرُجُ مِن بَیْنِ الصُّلْبِ وَالتَّرَائِبِ‘‘ (الطارق:۶، ۷) بھی کثرتِ مذکور پر شاہد ہیں۔ مگر اس سے ہرگز ہرگز یہ نتیجہ نہیں نکلتا کہ لفظ ’’خلق‘‘ کا معنی یہی قرار دیا جائے کہ نطفہ سے پیدا کرنا، بلکہ معنی ’’خلق‘‘ کا مطلق پیدا کرنا ہے خواہ نطفۂ والدین سے ہو، چنانچہ کثیرالوقوع ہے، یا صرف نطفۂ والدہ سے، چنانچہ مسیح ابن مریم، یا جسم انسانی کے پہلو سے، چنانچہ حوّا علیہا السلام، یا مٹی سے، چنانچہ آدم علیٰ نبینا وعلیہ الصلوٰۃ والسلام، لہٰذا توفی کا معنی صرف موت بشہادت کثرت نظائر قرآنیہ سمجھ لیا گیا ہے۔

یہاں پر بالطبع سوال ذیل پیدا ہوتا ہے کہ ’’أَنَّا خَلَقْنَاہُ مِن نُّطْفَۃٍ‘‘ یا ’’خُلِقَ مِن مَّاء دَافِقٍ. یَخْرُجُ مِن بَیْنِ الصُّلْبِ وَالتَّرَائِبِ‘‘ کے عموم سے نصوصِ قرآنیہ مثلاً: ’’خَلَقَہُ مِن تُرَابٍ‘‘ اور ’’اِنَّ مَثَلَ عِیسٰی عِندَاللہِ ۔۔۔إلخ‘‘ آدم وعیسیٰ علیٰ نبینا وعلیہما السلام کو اِستثناء کنندہ موجود ہیں، اور عیسیٰ علیٰ نبینا وعلیہ السلام کو کونسی نصِ قرآنی کثیرۃ الوقوع جزئیات ومواد سے مستثنیٰ کرتی ہے؟ اس کا جواب یہ ہے کہ آیت: ’’وَمَا قَتَلُوہُ یَقِیْناً. بَل رَّفَعَہُ اللہُ إِلَیْہِ‘‘ عیسیٰ بن مریم علیٰ نبینا وعلیہ السلام کے بتمامہٖ وزِندہ اُٹھائے جانے پر نصِ قطعی ہے۔

پھر یہ سوال کہ یہ ’’بَل رَّفَعَہُ اللہُ إِلَیْہِ‘‘ سے مراد رفع درجات واِعزاز ہے، کما قال سبحانہ: ’’وَرَفَعَ بَعْضَہُمْ دَرَجَاتٍ‘‘ (البقرۃ:۲۵۳) نہ یہ کہ اللّٰہ تعالیٰ نے مسیح ابن مریم علیٰ نبینا وعلیہ السلام کو زِندہ اُٹھالیا، تو اس کا جواب یہ ہے کہ ’’بَل رَّفَعَہُ اللہُ إِلَیْہِ‘‘ سے رفع درجات مراد لینا بالکل مخالف ہے سیاقِ کلامِ اِلٰہی کے۔ اس لئے کہ ماقبل میں قولِ یہود کا ذِکر ہے کہ: ’’اِنَّا قَتَلنَا المَسِیحَ عِیسٰی ابنَ مَریَمَ رَسُولَ اللہِ‘‘ یعنی یہود کا یہ خیال تھا کہ ہم نے مسیح علیٰ نبینا وعلیہ السلام کو بذریعہ صلیب مار ڈالا، جس کی تردید میں اللّٰہ تعالیٰ فرماتا ہے کہ مسیح کابذریعہ صلیب قتل کرنا یہ محض یہود کا غیرواقعی زعم ہے، انہوں نے مسیح علیٰ نبینا وعلیہ السلام کو قتل نہیں کیا تھا، بلکہ اللّٰہ تعالیٰ نے اس کو اُٹھالیا، یعنی مسیح کو ان کے ہاتھ سے بچالیا۔ چنانچہ دُوسری جگہ فرماتا ہے:’’وَإِذْ کَفَفْتُ بَنِیْ إِسْرَائِیْلَ عَنکَ‘‘ (المائدۃ:۱۱۰) یعنی اے مسیح! من جملہ ہمارے اِنعامات واِحسانات کے جو تجھ پر ہم نے کئے ہیں، اور جن کا ذِکر ماقبل میں ہے، مثلاً اِحیائِ موتیٰ واِبرائِ اَکمہ وتائید بروح القدس، ایک اِحسان یہ بھی ہے کہ ہم نے تم کو یہود کے ہاتھ سے بچالیا۔ اور ظاہر ہے کہ یہ تردید اسی صورت میں تردید ماقبل یعنی قولِ یہود کی ہوسکتی ہے کہ ’’رَفَعَہُ اللہُ إِلَیْہِ‘‘ سے رفع جسمانی لیا جائے، یعنی اللّٰہ تعالیٰ نے مسیح کے جسم کو اُٹھالیا اور یہود کے پنجے سے بچالیا، کما قال: ’’وَإِذْ کَفَفْتُ بَنِیْ إِسْرَائِیْلَ عَنکَ‘‘ (المائدۃ:۱۱۰) اور نیز درصورت رفع درجات واِعزاز کلمہ بل کے ماقبل اور مابعد یعنی قتل ورفع میں علاوہ مخالفت سیاقِ کلام کے تضاد بھی نہیں پایا جاتا جو کہ قصر قلب کا مفاد ہوتا ہے، چنانچہ کہا جاتا ہے: ’’ما اھنت زیدًا بل اکرمتہ‘‘ میں نے زید کی اہانت نہیں کی،بلکہ اس پر اِکرام کیا ہے اور اس کو عزّت بخشی ہے۔ اہانت اور اِکرام میں تضاد ہے، دونوں جمع نہیں ہوسکتے، ایسا ہی قتل اور رفع کا بھی اِجتماع نہ چاہئے، قتلِ جسمی اور رفعِ جسمی میں تو بے شک تضاد اور عدمِ اِجتماع ہے اور قتلِ جسمی اور رفعِ درجات میں تضاد نہیں کیونکہ جو شخص بے گناہ مقتول وشہید ہو اس کے لئے رفع درجات بھی ہوتا ہے، لہٰذا ’’رَفَعَہُ اللہُ إِلَیْہِ‘‘ سے رفعِ جسمی مراد ہے نہ رفعِ درجات۔

ایک سوال یہ بھی کیا جاتا ہے کہ قتلِ صلیبی چونکہ حسبِ تصریحِ توراۃ موجبِ لعن وملعونیت ہے، لہٰذا ذِکر ملزوم واِرادہ لازم کے طریق پر گویا کلام مذکور بمنزلہ ’’وما کان ملعونًا بل رفعہ ﷲ إلیہ‘‘ کے ٹھہرا۔ اور ملعونیت اور رفع درجات روحی کے مابین تضاد ہے، دونوں باہم جمع نہیں ہوسکتے، اس کا جواب یہ ہے کہ مقتول صلیبی کا مستوجب لعن ہونا اسی صورت میں ہے جب مقتول مرتکبِ جرم ہو۔ ورنہ درصورتِ غیرمجرم ہونے کے مستحق اِعزاز واِکرام ہوتا ہے۔ دیکھو توراۃ، کتاب استثناء آیت:۲۲ اور۲۳ میں اس امر کی تصریح کردی گئی ہے جس کو ہم ’’سیف چشتیائی‘‘ میں توراۃ سے بعبارتہٖ نقل کرچکے ہیں۔ (اس وقت یہ قلم برداشتہ لکھ رہا ہوں اور کوئی کتاب سامنے نہیں)۔ آیت:’’بَل رَّفَعَہُ اللہُ إِلَیْہِ‘‘ نصِ قطعی ہے، رفع جسمی وحیات ِ مسیح پر اور تحقق ہے اس وعدہ کے لئے جو کہ ’’متوفیك‘‘ اور ’’ورافعك‘‘ دونوں سے کیا گیا ہے۔ اور ’’فلما توفیتنی‘‘ میں وہی مطلق رفع مراد ہے یعنی درجواب سوال خداوندی آنحضرت صلی اللّٰہ علیہ وسلم ومسیح علیہ الصلوٰۃ والسلام دونوں اسی ’’توفیتنی‘‘ کو اِستعمال فرمائیں گے، جیسا کہ اُوپرلکھ چکا ہوں، پس ثابت ہوا کہ ’’انی متوفیك‘‘ اور ’’فلما توفیتنی‘‘ اور ’’بَل رَّفَعَہُ اللہُ إِلَیْہِ‘‘ میں رفع جسم والروح مراد ہے۔

واضح ہو کہ ابنِ عباس وبخاری رضی اللّٰہ تعالیٰ عنہما کامذہب حیاتِ مسیح کا ہے، چنانچہ مرویاتِ ابنِ عباسؓ مندرجہ تفسیر

درمنثور وکتبِ احادیث اور تراجم بخاری سے ظاہر ہے، اور حدیث برتملا وصی عیسیٰ ابن مریم علیہ السلام سے بھی کل صحابہ علیہم الرضوان کا اِجماعی عقیدہ ثابت ہوتا ہے۔ ’’سیف چشتیائی‘‘ ملاحظہ ہو۔ لہٰذا قول ابنِ عباسؓ ’متوفیک ممیتک‘‘ مندرجہ بخاری سے یہ ثابت نہیں ہوسکتا کہ ان کا مذہب برخلاف عقیدہ اِجماعی کے ہو، ممکن ہے کہ متوفیک کا معنی ممیتک امتحاناً فرمادیا ہو۔ چنانچہ آپ (ابنِ عباسؓ) مباحثاتِ یومیہ میں جو فیما بین صحابہ آیاتِ قرآنیہ کے متعلق ہوا کرتے تھے، اثنائے تقریر میں مسح علی الرجلین کو مدلل طور پر اِمتحاناً بپایۂ ثبوت پہنچاتے تھے، حالانکہ مذہب ان کا غسل رجلین کا ہے، اور نیز یہ روایت معارض ہے دُوسری روایاتِ ابنِ عباسؓ سے جن کو درمنثور وغیرہ نے باسانیدِ صحیحہ ذِکر کیا ہے۔

جواب سوال نمبر۴:۔۔۔ آیت: ’’وَإِن مِّنْ أَہْلِ الْکِتَابِ إِلاَّ لَیُؤْمِنَنَّ بِہِ قَبْلَ مَوْتِہِ‘‘ (النساء:۱۵۹) (مسیحِ موعود کے وقت جتنے اہلِ کتاب ہوں گے وہ سب مسیح کی موت سے پہلے اس پر اِیمان لائیں گے) مرزائیوں کا اس پر یہ اِعتراض ہے کہ یہ آیت مخالف ہے آیت: ’’وَجَاعِلُ الَّذِیْنَ اتَّبَعُوکَ فَوْقَ الَّذِیْنَ کَفَرُواْ إِلَی یَوْمِ الْقِیَامَۃِ‘‘ (آل عمران:۵۵) کے، کیونکہ دُوسری آیت سے صاف ظاہر ہے کہ کافر قیامت تک رہیں گے، پھر مسیح کے وقت کس طرح سب مؤمن ہوجائیں گے؟

اس کا جواب یہ ہے کہ قیامت تک غالب رہنے کا معنی مدّت دراز قربِ قیامت تک غالب رہنے کا ہے، نہ یہ کہ اِبتدائے یومِ حشر تک۔ عرصہ دراز سے قرآنِ کریم میں تعبیر نہ صرف’’إِلَی یَوْمِ الْقِیَامَۃِ‘‘ کے ساتھ کی گئی ہے، بلکہ اس معنی کو ’’خٰلِدِینَ‘‘ کے ساتھ بھی تعبیر کیا گیا ہے۔ دیکھو: ’’خَالِدِیْنَ فِیْہَا مَا دَامَتِ السَّمَاوَاتُ وَالأَرْضُ إِلاَّ مَا شَاء رَبُّکَ‘‘ (ہود:۱۰۸) حالانکہ مدّتِ دوام آسمان وزمین دُنیویہ معدود متناہی ہے نہ بطریق خلوو۔ اہلِ عرب کا ایک محاورہ ہے جس میں کہتے ہیں: ’’لا آتیک ما دامت السماوات والأرض وما اختلف اللیل والنھار‘‘ جس کا مطلب یہ ہوتا ہے کہ میں جب تک زندہ ہوں تیرے پاس نہ آؤں گا۔ اس سے اگر کوئی یہ سمجھ لے کہ قائل ’’لا آتیک‘‘ تا مدّت بقائے آسمان وزمین اور تاتعاقب لیل ونہار زِندہ رہے گا تو یہ حماقت ہے، جس کا منشاء بغیر از جہالت اور نہیں۔ اسی تقریر سے مطلب آیت: ’’وَأَلْقَیْنَا بَیْنَہُمُ الْعَدَاوَۃَ وَالْبَغْضَاء إِلَی یَوْمِ الْقِیَامَۃِ‘‘ (المائدۃ:۶۴) کا بھی معلوم ہوسکتا ہے۔ رہی آیت: ’’وَلَوْ شَاء لَہَدَاکُمْ أَجْمَعِیْنَ‘‘ (النحل:۹) سو اس کا مطلب یہ ہے کہ اگر اللّٰہ تعالیٰ چاہتا تم سب کو راہِ راست پر کردیتا، مگر ایسا نہیں چاہا، یعنی کسی کو کافر کسی کو مؤمن بنایا، اس سے یہ نہیں پایا جاتا کہ اگر مثلاً خطہ عرب کے سارے موجودہ لوگ مشرف بالایمان بعد از کفر وشرک ہوجائیں (چنانچہ ایسا ہوا ہے) تو یہ امر آیت: ’’لَوْ شَاء لَہَدَاکُمْ‘‘ کے خلاف ہوگا۔ ایسا ہی کسی اور شہر یا کسی ملک یا رُوئے زمین کے مختلف المذاہب باشندے اگر مسلمان ہوجائیں تو آیتِ مذکورہ کی مخالفت نہیں۔ ایسا ہی اگر مسیح علیٰ نبینا وعلیہ السلام کے وقت موجود لوگ جو قتل وہلاکت سے بچ رہے ہوں، سارے ہی مسلمان ہوجائیں تو ہوسکتا ہے۔

دجال معہ ستر ہزار یہود اگر بغیر اِیمان لانے کے مرجائیں تو اس سے کلیہ میں جو مدلول آیت: ’’وَإِن مِّنْ أَہْلِ الْکِتَابِ‘‘ کا ہے، کوئی خلل نہیں آتا، کیونکہ ’’لَیُؤْمِنَنَّ‘‘ قضیہ موجبہ ہے اور صدق ایجاب وجود موضوع کا مقتضی ہوتا ہے پس محکوم علیہا وہ افراد ہوں گے جو قتل وہلاکت سے بچ جائیں گے۔ مثلاً اگر کہا جائے کہ عرب میں سب لوگ مسلمان رہیں گے یا ہوں گے تو اس کا یہ مطلب ہوگا

کہ بعد جہاد ومقابلہ جو بچ رہیں گے وہ مسلمان ہی ہوں گے، صدق الإیجاب یقتضی وجود الموضوع قضیہ مُسلَّمہ ہے۔

یہ خیال کرنا کہ جب بعہدِ مبارک آنحضرت صلی اللّٰہ علیہ وسلم تمام اہلِ کتاب مسلمان نہیں ہوئے تو پھر مسیح کے زمانے کو کیا خصوصیت ہے، بالکل بے جا اور جہالت ہے۔

اگر کوئی کہے کہ اہلِ فارس ورُوم وغیرہ بعہدِ نبوی مشرف باسلام نہیں ہوئے تو بعہدِ خلیفہ اوّل یا ثانی یا ثالث یا رابع یا بعہدِ خلیفہ آخری (مہدیٔ موعود) کیسے مسلمان ہوسکتے ہیں؟ تو ایسے قائل کو جواباً یہی کہا جائے گا کہ خلفاء علیہم الرضون کی کارروائی چونکہ تاسیسِ نبوی کی ترقی ہے اور اسی ڈالی ہوئی بنیاد کی تعمیر ہے، لہٰذا بعینہٖ نبوی کارروائی کہلانے کا اِستحقاق رکھتی ہے، بلکہ آیت:’’لِیَظہِرَہُ عَلَی الدِّینَ كُلِّہٖ‘‘ والی پیشین گوئی آخری خلیفہ نبوی کے زمانے میں بروقت نزولِ مسیح علیہ السلام متحقق ہوگی۔ چنانچہ وعدہ فتوح بلادِ شام مندرجہ توراۃ زمانۂ موسوی میں ظہور میں نہیں آیا تھا، بلکہ بعہدِ یوشع خلیفہ موسیٰ علیٰ نبینا وعلیہما السلام متحقق ہوا۔ ایسا ہی وعدہ ’’لِیَظہِرَہُ عَلَی الدِّینَ كُلِّہٖ‘‘ بعہدِ خلیفہ آخری بروقت نزولِ عیسیٰ علیٰ نبینا وعلیہ السلام ظہور میں آئے گا، اور یہ سب کمالِ نبوی ہوگا۔

جواب سوال نمبر۵:۔۔۔ معجزات کا اِنکار مرزا اور مزائیوں سے کوئی نئی بات نہیں! فلاسفہ اور معتزلہ ان سے پہلے منکر چلے آئے ہیں، اور اہلِ سنت اپنی تفاسیر ومؤلفات میں جابجا مع مالہا وما علیہا ان کا ذِکر کرتے رہے ہیں۔ آیاتِ خمسہ ذیل میں:

۱:۔۔۔ ’’وَحَرَامٌ عَلَی قَرْیَۃٍ أَہْلَکْنَاہَا أَنَّہُمْ لَا یَرْجِعُونَ‘‘

(الانبیاء:۹۵)

۲:۔۔۔ ’’أَلَمْ یَرَوْا کَمْ أَہْلَکْنَا قَبْلَہُم مِّنْ الْقُرُونِ أَنَّہُمْ إِلَیْہِمْ لاَ یَرْجِعُونَ‘‘

(یٰسین:۳۱)

۳:۔۔۔ ’’حَتَّی إِذَا جَاء أَحَدَہُمُ الْمَوْتُ‘‘

(المؤمنون:۹۹)

۴:۔۔۔ ’’اللہُ یَتَوَفَّی الْأَنفُسَ‘‘

(الزمر:۴۲)

۵:۔۔۔ ’’ثُمَّ إِنَّکُمْ بَعْدَ ذَلِکَ لَمَیِّتُونَ‘‘

(المؤمنون:۱۵)

بیان ہے اکثریہ کا اور اِنتفاء امرِ طبعی کا، یعنی موتیٰ بحسب الطبع رُجوع کو نہیں چاہتے، کما قال: ’’لاَ یَرْجِعُونَ‘‘ ، اس سے یہ ثابت نہیں ہوتا کہ اگر اللّٰہ تعالیٰ موتیٰ کو اس عالم میں دوبارہ لائے تو بھی ناممکن اور غیرواقع ہے۔ ہاں اس میں شک نہیں کہ خرقِ عادت ہوگا، نہ بروفق عادت۔ اور قولہ تعالیٰ: ’’وَلَن تَجِدَ لِسُنَّۃِ اللہِ تَبدِیلًا‘‘ خرق اور وفق دونوں کو شامل ہے۔

جواب سوال نمبر۶:۔۔۔ ’’رَبِّ اَرِنِی كَیفَ تُحیِ المَوتٰی‘‘ اس آیت سے صاف ظاہر ہے کہ وہ چار پرندے مار دئیے گئے تھے، بعد اَزاں زِندہ کئے جانے پر اِبراہیم علیہ السلام کے پاس دوڑ کر پہنچے۔(۱) قیمہ کوٹنا وغیرہ وغیرہ ہو یا نہ ہو، پہلے ان کی موت تو ضروری ٹھہرتی ہے، تاکہ اِحیائِ موتیٰ کا معنی متحقق ہو، بخلاف اس صورت کے کہ جب چاروں زِندہ پہاڑوں پر چھوڑ دئیے گئے ہوں اور بعض کو ان میں سے بلایا گیا ہو، کیونکہ اس صورت میں اِحیائِ موتیٰ والا معنی جس کو اِبراہیم علیہ السلام نے معائنہ کرنا چاہا تھا، نہیں پایا

(۱)فصرھن إلیک: اوثقھن، فلما اوثقھن ذبحھن ثم جعل علٰی کل جبل منھن جزئًا ۔۔۔۔۔۔۔۔ فدعاھن کما امرہ ﷲ عزَّ وجلَّ ۔۔۔۔۔۔۔۔۔ واتینہ یمشین سعیًا۔ (تفسیر ابن کثیر ج:۱ ص:۶۲۳، طبع رشیدیہ)۔/samp>

جاتا۔(۱) مفسرین علیہم الرضوان کا بیان (قیمہ کوٹنا وغیرہ) بیان تاریخی ہے، نہ ترجمہ۔

جواب سوال نمبر۷:۔۔۔ قرآنِ کریم میں بیس کی بجائے اگر لاکھ جگہ بھی متوفی کا معنی موت لیا گیا ہو تو بھی کلیہ اس سے ثابت نہیں ہوسکتا، چنانچہ جواب سوال نمبر۲ سے آپ معلوم کرسکتے ہیں۔

آٹھویں سوال کا جواب بھی پہلے جواب سوال نمبر۲ سے آپ معلوم کرسکتے ہیں۔

والسلام خیر ختام والحمد للّٰہ اوّلًا وآخرًا والصلوٰۃ والسلام منہ باطنًا علیہ ظاھرًا

العبد الملتجی والمشتکی إلی ﷲ

المدعو بمہر علی شاہ عفی عنہ ربہ

بقلمِ خود اَز گولڑہ ۱۸؍ذوالحجہ ۱۳۳۴ھ

(فتویٰ مہریہ ص:۳۰ تا ۳۹)

اسی مضمون کا ایک اور خط اور اُس کا جواب

سوال:۔۔۔ بحضور فیض گنجور مدظلہ العالی

تسلیم! جنابِ عالی حسبۃً للّٰہ نیازمند کے شبہاتِ ذیل کو رفع فرمائیے، نہایت ہی مہربانی ہوگی۔

۱:۔۔۔ انبیاء میں سے کسی نبی کی موت قرآنِ کریم سے ثابت ہے یا نہ؟ اگر ہے تو کس آیت سے؟

۲:۔۔۔ لفظ انسان کا اِطلاق جسم پر ہے، یا رُوح پر، یا دونوں پر؟

۳:۔۔۔ عیسیٰ علیہ السلام کی قوم قبل الموت بگڑے گی، یا بعد الموت، یا ابھی نہیں بگڑی؟

۴:۔۔۔ ’’توفی‘‘ باب تفعل سے ہو یا تفعیل اور اِستفعال سے ہو تو اس کے حقیقی معنی کیا ہوں گے؟

۵:۔۔۔ جب عیسیٰ علیہ السلام تشریف لائیں گے تو ان کی شناخت کے واسطے کیا معیار ہوں گے؟ کیونکہ ان کو حیاتِ اولیٰ میں دیکھنے والے تو فوت شدہ ہیں اور مخبرِ صادق صلی اللّٰہ علیہ وسلم نے دو حلیہ بیان کردئیے ہیں۔

۶:۔۔۔ مہدی کے واسطے جو اَحادیث ہیں وہ بھی مختلف ہیں، بعض میں بنی عباس میں سے ہوگا، بعض میں بنی فاطمہ سے ہوگا، جب مہدی آئے گا تو اس کا کیا معیار ہوگا؟

۷:۔۔۔ عیسیٰ علیہ السلام کے واسطے آیت: ’’وَمَکَرُواْ وَمَکَرَ اللہُ وَاللہُ خَیْرُ الْمَاکِرِیْنَ‘‘ (آل عمران:۵۴) اور حضرت جناب رسولِ اکرم صلی اللّٰہ علیہ وسلم کے واسطے : ’’وَیَمْکُرُ اللہُ وَاللہُ خَیْرُ الْمَاکِرِیْنَ‘‘ (الانفال:۳۰) دونوں پر یکساں منصوبہ ہوا۔ عیسیٰ علیہ السلام کو حکم ہوا کہ تجھ کو اسی جسمِ عنصری کے ساتھ اپنے پاس اُٹھانے والا ہوں، اور اس کو اُٹھا بھی لیا۔ اور ہمارے حضرت صلی اللّٰہ علیہ وسلم کو کہا کہ تجھ کو بچانے والا ہوں، غارِ ثور میں تین دِن رہ کر مدینہ طیبہ چلے جانا۔ اب جو نبیوں کے نہ ماننے والا ہو، وہ

(۱)واتینہ یمشین لیکون أبلغ لہ فی الرؤْیۃ التی سألھا۔ (تفسیر ابن کثیر ج:۱ ص:۶۲۳، طبع رشیدیہ)۔

فضیلت کس کو دے گا؟ خاص کر کے جب اس کے ساتھ یہ اجزاء بھی شامل کردئیے جائیں کہ وہ پرند بھی بنالیتا تھا، مردے کو بھی بحکم اللّٰہ زندہ کرتا تھا، اندھوں، کوڑھیوں کو بھی اچھا کرتا تھا، گھر کی خوردہ نہادہ اشیاء سے بھی ان کو خبر کردیتا تھا۔

۸:۔۔۔ عیسیٰ علیہ السلام جب نازل ہوں گے تو صلیبوں کو توڑیں گے اور خنزیروں کو قتل کریں گے، تو اِسلام اور اہلِ اسلام کو اس سے کیا فائدہ متصوّر ہوگا؟ کیونکہ وہ تو صرف دجال کے واسطے تعینات تھے۔

۹:۔۔۔ ’’مَّا الْمَسِیْحُ ابْنُ مَرْیَمَ إِلاَّ رَسُولٌ قَدْ خَلَتْ مِن قَبْلِہِ الرُّسُلُ وَأُمُّہُ صِدِّیْقَۃٌ کَانَا یَأْکُلاَنِ الطَّعَامَ‘‘ (المائدۃ:۷۵) خداوند کریم کا اس آیت شریف کو قیاسِ اِستقرائی کے طور پر لانا کیا حکمت ہے؟

۱۰:۔۔۔ اس صدی پر جس کو اَب پچّیس برس ہوئے کوئی مجدّد کیوں نہ ہوا؟ اور حدیث: ’’إنَّ ﷲَ عزَّ وجلَّ یبعث لھٰذہ الاُمَّۃ علٰی رأس کل مائۃ سنۃ من یجدّد لھا دینھا‘‘ (مشکوٰۃ شریف، باب العلم) یہ حدیث صحیح ہے یا وضعی؟

ان کے جوابات جو دِل قبول کرلے، آیت اور حدیث سے تحریر فرمادیں تاکہ نیازمند کہیں حفرۃ من النار میں نہ گر جائے، فقط تلک عشرۃ کاملہ۔

جواب۱:۔۔۔ آیت: ’’قَدْ خَلَتْ مِن قَبْلِہِ الرُّسُلُ‘‘ میں حکمی موت عیسیٰ بن مریم علیہ السلام کی تعطیل از لوازمِ دُنیویہ اور حقیقی موت بمعنی قبض رُوح وعدمِ اِرسال باقی انبیاء کی علیٰ نبینا وعلیہم السلام ثابت ہے۔ بنائً علٰی قد خلت بمعنی مضت لا بمعنی توفت ۔ دیکھو: قاموس، لسان العرب وغیرہ کتبِ لغت۔

۲:۔۔۔ لفظِ ’’انسان‘‘ کا اِطلاق مجموع جسم ورُوح پر حقیقی اور فقط ایک ایک پر مجازی ہے، لما تقرر ان اللفظ موضوع لکل یستعمل فی کل جزئٍ مجازًا۔

۳:۔۔۔ عیسیٰ علیہ السلام کی قوم بعد الرفع الی السماء (موت حکمی) بگڑگئی تھی، اور قبل الرفع اطرا جس کو تمہید بگاڑ کہنا چاہئے شروع ہوگیا تھا۔

۴:۔۔۔ ’’توفی‘‘ باب تفعل سے بمعنی مطلق قبض، چنانچہ: توفیت مالی ای قبضت یا قبض رُوح مع الإمساک (موت) یا قبض روح مع الإرسال (نیند) پڑھو:’’اللہُ یَتَوَفَّی الْأَنفُسَ حِیْنَ مَوْتِہَا وَالَّتِیْ لَمْ تَمُتْ فِیْ مَنَامِہَا فَیُمْسِکُ الَّتِیْ قَضَی عَلَیْہَا الْمَوْتَ وَیُرْسِلُ الْأُخْرَی إِلَی أَجَلٍ مُسَمًّی‘‘(الزمر:۴۲)۔

۵:۔۔۔ عیسیٰ علیٰ نبینا وعلیہ السلام کی شناخت کا معیار اَحادیثِ صحیحہ بخاری ومسلم وسائر صحاح ومسندِ اِمام احمد وغیرہم سے بالتفصیل آپ ملاحظہ فرماسکتے ہیں۔ اگر بآسانی خلاصہ معلوم کرنا ہو تو کتاب ’’سیف چشتیائی‘‘ کو اوّل سے ملاحظہ کرو۔

۶:۔۔۔ اِمام مہدی علیٰ نبینا وعلیہ السلام کی احادیث میں تطابق اور معیار شناخت اسی کتاب ’’سیف چشتیائی‘‘ میں مفصل لکھا ہوا ہے، ملاحظہ کریں۔

۷:۔۔۔ آیت:’’وَمَکَرُواْ وَمَکَرَ اللہُ وَاللہُ خَیْرُ الْمَاکِرِیْنَ‘‘ اور ایسا ہی آیت: ’’وَیَمْکُرُونَ وَیَمْکُرُ اللہُ‘‘ کا مفاد النظم

صرف اتنا ہی ہے کہ یہود نے بحق عیسیٰ بن مریم علیہ السلام منصوبہ بنایا اور مشرکینِ مکہ نے دربارہ سروَرِعالم صلی اللّٰہ علیہ وسلم۔ اب رہا یہ کہ کون سا منصوبہ، سو یہ خارج میں معلوم ہوا ہے۔ آپ کا سوال میں یہ کہنا: ’’دونوں پر یکساں منصوبہ الخ‘‘ اگر اس سے یہ مطلب ہے کہ دونوں جگہ میں ایک ہی واقعہ ہوا ہے تو یہ مدلول آیت کا نہیں، محض اِفترا ہے، اور اگر یہ مطلب ہے کہ مطلق منصوبہ بازی دونوں جگہ میں پائی گئی تو ہم بھی اس کے قائل ہیں، اور آیت کا بھی صرف اسی قدر مفاد ہے۔ مگر اس سے یہ لازم نہیں آتا کہ خصوصیات وتشخصیات ہر واقعے کے متحد ہی ہوں۔ومن ادعیٰ فعلیہ البیان! خصوصیت واقعہ رفع وواقعہ غارِ ثور آیت کا مدلول نہیں، احادیث وآثار سے ثابت ہے، دیکھو ’’سیف چشتیائی‘‘۔ آپ لوگوں کے فہم پر تعجب ہے کہ دونوں آیتوں کے مدلولِ وضعی کے اِتحاد سے اِتحادِ واقعات سمجھتے ہیں۔ اگر ایسا ہی ہوتا تو چاہئے کہ بعینہٖ واقعہ غارِ ثور وہجرتِ مبارکہ واقعہ عیسویہ میں بھی ہو۔ کوئی عاقل ایسے جاہالانہ استنباطات کو وقعت کی نظر سے دیکھ سکتا ہے؟ ہرگز نہیں! تو پھر اہلِ سنت والجماعت پر انہیں آیتوں کی رُو سے کیوں بوجھ ڈالا جاتا ہے؟ چاہئے کہ آنحضرت صلی اللّٰہ علیہ وسلم بھی مرفوع الی السماء بجسدہ العنصری ہوں، نہ رونق افزائے مدینہ طیبہ۔ ہاں اگر اس خیال سے مستبعد معلوم ہوتا ہے کہ عیسیٰ ابن مریم علیہ السلام کی فضیلت ثابت ہوتی ہے تو جواباً معروض ہے کہ مدارِ فضیلت آسمانی زمینی ہونے پر نہیں، ورنہ کل ملائکہ سماویہ کی افضلیت آنحضرت صلی اللّٰہ علیہ وسلم پر لازم آئے گی۔ شاید آپ لوگوں (فرقۂ مرزائیہ) کا یہی عقیدہ ہوگا، اور بحسب از خودتراشیدہ قوانین کے ایسا ہی ہو، ضروری ہے۔ کوڑھیوں کو باذن اللّٰہ اچھا کرنا یا مردہ کو زِندہ کرنا وغیرہ وغیرہ یہ سب فضیلت کا موجب نہیں ہوسکتے۔ مؤمن کو صرف ایک ہی حدیث شفاعتِ کبریٰ میں غور کرنے سے یہ وہم نہیں رہتا، جب ایسا ہے تو پھر ہم ’’ما جاء بہ الرسول علیہ السلام من القرآن والسُّنَّۃ‘‘ کے منطوق ومدلول منصوص کو اپنے جاہلانہ ڈھکوسلوں کی مداخلتِ بے جا کے ذریعے کیوں چھوڑ بیٹھیں اور ناری بنیں؟ آج تک کل اُمتِ مرحومہ یعنی سوادِ اعظم کا یہی مسلک چلا آیا ہے۔

۸:۔۔۔ اس مقام پر ’’سیف چشتیائی‘‘ کو ملاحظہ کرو۔

۹و۱۰:۔۔۔ قیاس اِستقرائی کو بے جا دخل مت دو، یوں کہو کہ ’’كَانَا یَا كُلٰنِ الطَّعَامَ‘‘ سے خلافِ عقیدہ قائلین برفع جسمانی معلوم ہوتا ہے، جواباً معروض ہے کہ ’’شمس الہدایۃ‘‘ اور ’’سیف چشتیائی‘‘ کو ملاحظہ کرو، علٰی رأس کل مائۃ والی حدیث کا مطلب بھی ’’سیف چشتیائی‘‘ میں ملاحظہ کرو، والسلام علیٰ من اتبع الہدیٰ!

(فتاویٰ مہریہ ص:۳۹-۴۱)

حضرت عیسیٰ علیہ السلام آسمان پر زِندہ ہیں

سوال:۔۔۔ در قرآن مجید است ’’وَإِذْ أَخَذَ اللہُ مِیْثَاقَ النَّبِیِّیْنَ‘‘ (آل عمران:۸۱) اگر حضرت عیسیٰ علیہ السلام بقیدِ حیات فائز اند پس در کدام سن وسال ایمان بہ آنحضرت صلی اللّٰہ علیہ وسلم آوردند بہ مدد ایشاں رسیدہ اند؟ بصورت دیگر دعویٔ حیات مزعومہ است؟

جواب:۔۔۔ حقیقت ایں جواب ہم بحوالہ خداست زیرا کہ مارا علم نیست کہ اطلاع نبوّتِ محمدیہ عیسیٰ علیہ السلام در کدام ساعت وکدام سال رسیدہ در وقتیکہ اطلاع نبوّتِ محمدیہ رسیدہ باشد ہموں ساعت ایمان آوردہ باشد واللّٰہ اعلم!

(فتاویٰ علمائِ حدیث ص:۱۰۲، ۱۰۳)

حضرت عیسیٰ علیہ السلام کی حیات کیسی؟

سوال:۔۔۔ آیتِ کریمہ: ’’وَمَا جَعَلْنَا لِبَشَرٍ مِّن قَبْلِکَ الْخُلْدَ‘‘ (الانبیاء:۳۴) ثابت مے کند از قبل آنحضرت صلی اللّٰہ علیہ وسلم بہ حیات ابد ہیچ کس فائز نشدہ پس حضرت عیسیٰ علیہ السلام چہ طور حیات تسلیم کردہ شود؟

جواب:۔۔۔ بحیاتِ ابدی بحق عیسیٰ علیہ السلام ہیچ کسی قائل نے لیکن معنی ابد آں ست کہ منتہائش نہ باشد، فافہم!

(فتاویٰ علمائِ حدیث ص:۱۰۳)

بحث مرزائی گروہ

1:۔۔۔ حیاتِ مسیح اور اِجماعِ اُمت۔ 2:۔۔۔ رفعِ مسیح۔

3:۔۔۔ رفعِ مسیح اور اِمام بخاریؒ۔ 4:۔۔۔ خاتم النّبیین کا معنی۔

سوال:۔۔۔ حضرت عیسیٰ علیہ السلام کے زندہ ہونے پر اِجماع اُمت کا ہے یا نہیں؟

جواب:۔۔۔ بے شک حضرت عیسیٰ علیہ السلام زندہ ہیں، چنانچہ قرآن مجید واحادیثِ صحیحہ واِجماعِ مفسرین اس پر شاہد ہے، وھو ھٰذا: ’’وَمَا قَتَلُوہُ وَمَا صَلَبُوہُ‘‘ یعنی نہ تو حضرت عیسیٰ علیہ السلام قتل کئے گئے اور نہ سولی دئیے گئے ہیں۔ ’’وَمَا قَتَلُوہُ یَقِیْناً. بَل رَّفَعَہُ اللہُ إِلَیْہِ‘‘ اور انہوں نے ان کو یقینا قتل نہیں کیا بلکہ اللّٰہ تعالیٰ نے ان کو اپنی طرف زندہ ہی اُٹھالیا ہے۔ پس اس آیت شریف سے اظہر من الشمس ثابت ہوا کہ حضرت عیسیٰ علیہ السلام کو زِندہ ہی اُٹھالیا گیا ہے کیونکہ فعل قتل اور صلیب کا جسمِ عنصری پر ہوا کرتا ہے، نہ رُوح پر، پس جس کو قتل اور صلیب سے بچالیا گیا ہے، اس کو اُٹھالیا گیا ہے۔

صاحبِ ’’فتح البیان‘‘ (ج:۲ ص:۳۴۴) اور علامہ سیوطیؒ کتاب اعلام میں لکھتے ہیں کہ حضرت عیسیٰ علیہ السلام آسمان سے نزول فرماکر ہمارے نبی علیہ الصلوٰۃ والسلام کی شریعت کے مطابق عمل کریں گے، اور اسی پر اِجماع اُمت کا ہے، ’انہ یحکم بشرع نبیّنا ووردت بہ الأحادیث وانعقد علیہ الإجماع وقد تواترت الأحادیث بنزول عیسٰی جسمًا۔‘‘

فتح البیان اور تفسیر بیضاوی (ج:۲ ص:۸۲) میں لکھا ہے: ’’روی ان عیسٰی ینزل من السماء یخرج الدجال فیھلکہ۔‘‘ اور تفسیر معالم (ج:۲ ص:۲۶۳) میں نیز بایں طور وارِد ہے: ’’بل رفع ﷲ عیسٰی إلیہ السماء۔‘‘ اور نیز تفسیر زاہدی (ورق:۶۴ صفحہ:۲) پر ’’رفع ﷲ عیسٰی حیًّا إلی السماء۔‘‘ اور ایسا ہی تفسیر حسینی وتفسیر اکسیر اعظم (ص:۴۰۲)، تفسیر غرائب القرآن (۶،۱۹) وتفسیر رؤفی وتفسیر قادری وخلاصۃ التفاسیر (ص:۴۷۲) وتفسیر جلالین وغیرہ میں اور ان کے علاوہ تمام علمائے دین وفقہائے کرام حنفیہ وشافعیہ وحنبلیہ ومالکیہ کا بھی اس بات پر اِتفاق ہے اور تمام نے یہی لکھا ہے کہ حضرت عیسیٰ علیہ السلام زندہ ہیں اور ایسا ہی تمام محدثین نے لکھا ہے۔

چنانچہ اِمام بخاری ومسلم ونسائی وطبرانی وغیرہ اور ایسا ہی شیخ اکبر محی الدین ابن عربی رحمۃاللّٰہ علیہ نے ’’فتوحاتِ مکیہ‘‘ (ج:۲

باب:۷۳) میں بایں طور لکھا ہے: ’’ان عیسَی ابن مریم نبی ورسول انہ لا خلاف انہ ینزل فی آخر الزمان حکمًا مقسطًا عدلًا۔‘‘ یعنی بے شک عیسیٰ ابن مریم نبی ورسول ہے اور اس میں کوئی اِختلاف نہیں کہ وہ آخرالزمان میں عدل وانصاف آکر کریں گے۔‘‘ اور باقی بزرگان خدا کا بھی اسی پر اِتفاق ہے جیسا کہ اِمام شعرانی وحضرات پیر محی الدین وعلامہ ابوطاہر واِمام قرطبی وعلامہ نووی وشیخ احمد بن احمد حنبلی وعلامہ تفتازانی شرح عقاید نسفی وحضرت داتا گنج بخش رحمۃ اللّٰہ علیہ کتاب ’’کشف المحجوب‘‘ وخواجہ معین الدین اجمیری کتاب ’’انیس الارواح‘‘ وعلامہ قاضی عیاضؒ، صحیح مسلم وشاہ رفیع الدین کتاب ’’علاماتِ قیامت‘‘ اور مولانا خرم علی جونپوری ’’تحتہ الاخبار ترجمہ مشارق الانوار‘‘ میں بایں طور مذکور ہے۔

اِمام مہدیؓ کے وقت میں حضرت عیسیٰ علیہ السلام آسمان سے اُتریں گے اور نصرانی دِین کو مٹائیں گے اور ایسا ہی مشکوٰۃ، باب نزول عیسیٰ (ص:۴۷۹) کے حاشیہ پر ہے اور کتاب ’’عون المعبود شرح ابوداؤد‘‘ (ج:۴ ص:۱۰۳) میں بھی اس طرح مذکور ہے: ’’تواترت الأخبار عن النبی صلی ﷲ علیہ وسلم فی نزول عیسٰی من السماء بجسد عنصری إلی الأرض عند قرب الساعۃ وإن عیسٰی حیٌّ فی السماء ینزل فی آخر الزمان۔‘‘ اور صاحبِ ’’درمنثور‘‘ (ج:۲ ص:۲۴۳) میں بایں طور لکھا ہے: ’’اخرج ابن ابی شیبۃ واحمد والطبرانی والحاکم عن عثمان قال: قال رسول ﷲ صلی ﷲ علیہ وسلم: ینزل عیسٰی عند صلوٰۃ الفجر۔‘‘ اور ایسا ہی حضرت مجدّد الف ثانی رحمۃاللّٰہ علیہ نے ’’مکتوبات‘‘ دفتر دوم (ص:۱۸۴) میں لکھا ہے کہ: ’’حضرت عیسیٰ از آسمان نزول خواہد فرمود ومتابعت شریعت خاتم الرسل خواہد نمود۔‘‘ اور حضرت شاہ ولی اللّٰہ محدث دہلوی رحمۃ اللّٰہ علیہ نے ’’تاویل الاحادیث مترجم رموز قصص الانبیاء (ص:۶۰، طبع احمدی دوم) میں لکھا ہے: ’’واجمعوا علٰی قتل عیسٰی ومکروا ومکر ﷲ وﷲ خیر الماکرین فجعل فیہ مسبھۃ برفعہ إلی السماء۔‘‘ اور ایسا ہی اِنجیل برنباس باب:۱۱۲آیت پر یوں حرف تحریر کئے ہیں: ’’اور جب حضرت مسیح دوبارہ دُنیا میں تشریف لائیں گے تو ان کے ہاتھ سے دِینِ اسلام جمیع آفاق واَقطار میں پھیل جائے گا۔‘‘ خود مرزاقادیانی اپنی کتاب ’’براہین احمدیہ‘‘ (ص:۳۶۱، خزائن ج:۱ ص:۴۳۱ حاشیہ) میں لکھتا ہے کہ: ’’حضرت عیسیٰ تو اِنجیل کو ناقص کی ناقص چھوڑ کر آسمانوں پر جابیٹھے۔‘‘ اور نیز ’’تقویۃ الایمان‘‘ میں مولوی محمد اِسماعیل صاحب نے صفحہ:۱۲۹ میں لکھا ہے اور ایسا ہی ’’غنیۃالطالبین‘‘ میں ہے:’’والتاسع: رفع ﷲ عزَّ وجلَّ عیسَی ابن مریم إلی السماء۔‘‘ غرضیکہ تمام کتبِ احادیث واُصولِ فقہ وکتبِ تفاسیر وتواریخ حضرت عیسیٰ علیہ السلام کے زندہ ہونے اور دوبارہ ان کے آنے پر پکار پکار کی آوازیں دے رہی ہیں اور اگر کسی صاحب کو شک ہو تو جلد سوم سلطان الفقہ کا مطالعہ کرے، اگر کوئی اِعتراض ہو تو مطلع کرے، فقط!

سوال:۔۔۔ رفع کے کیا معنی ہیں؟

جواب:۔۔۔ رفع کے معنی اَز رُوئے علمِ لغت اُونچا کرنے اور اُٹھانے کے ہیں، چنانچہ قرآن مجید واحادیث شریف وکتبِ فقہ بھی انہی معنوں پر شاہد ہیں، دیکھو سورۂ یوسف: ’’وَرَفَعَ أَبَوَیْہِ عَلَی الْعَرْشِ‘‘ (یوسف:۱۰۰) اُونچا بٹھایا اپنے والدین کو تخت پر۔ اور سورۂ بقرہ: ’’وَرَفَعْنَا فَوْقَکُمُ الطُّورَ‘‘ (البقرۃ:۶۳) اُونچا کیا ہم نے تم پر پہاڑ۔ اور حدیث: ’’من رفع حجرًا عن طریق کتبت لہ

حسنۃ‘‘ جو شخص واسطے رفع تکلیف آدمیوں کے راستے سے پتھر اُٹھائے تو اس کے لئے نیکی لکھی جاتی ہے۔ اور دُوسری حدیث میں اس طرح ہے:’’من رفع یدیہ فی الرکوع فلا صلوٰۃ لہ‘‘ یعنی جو رُکوع میں ہاتھ اُٹھائے اس کی نماز نہیں ہوتی۔ کتبِ فقہ میں اس طرح لکھا ہے:’’وإذا اراد الدخول فی الصلوٰۃ کبّر رفع یدیہ حذاء اُذنیہ‘‘ یعنی جب اِرادہ کرے داخل ہونے نماز میں تو اللّٰہ اکبر کہے اور دونوں ہاتھوں کو کانوں تک اُٹھائے۔ اور علاوہ ان دلائل کے خود مرزاقادیانی اپنی کتاب ’’براہین احمدیہ‘‘ (ص:۵۵۹، خزائن ج:۱ ص:۶۶۷ حاشیہ) میں بھی تحریر کرتا ہے: ’’رُفِعْتُ وَجُعلْتُ مبارکًا‘‘ یعنی اُونچا کرنا اور اُٹھانا ہے۔ فقط!

سوال:۔۔۔ مرزائی لوگ کہتے ہیں کہ حضرت عیسیٰ علیہ السلام کا کسی حدیثِ صحیح سے زِندہ ہونا ثابت نہیں ہوتا اور خود اِمام بخاریؒ کا بھی یہی مذہب ہے۔ کیا ان کی یہ بات سچی ہے؟ جواب دیں، اجر ملے گا۔

جواب:۔۔۔ یہ محض ان لوگوں کی کم فہمی وکم علمی کا سبب ہے۔ دیکھو مشکوٰۃ شریف، باب نزولِ عیسیٰ علیہ السلام (ص:۴۷۹):

’’عن ابی ھریرۃ قال رسول ﷲ صلی ﷲ علیہ وسلم: والذی نفسی بیدہ! لیوشکن ان ینزل فیکم ابن مریم حکمًا عدلًا، فیکسر الصلیب، ویقتل الخنزیر، ویضع الجزیۃ، ویفیض المال حتّٰی لا یقبلہ احد، حتّٰی تکون السجدۃ الواحدۃ خیر من الدُّنیا وما فیھا۔ ثم یقول ابوھریرۃ: وإن شئتم فاقرؤُا:وَإِن مِّنْ أَہْلِ الْکِتَابِ إِلاَّ لَیُؤْمِنَنَّ بِہِ قَبْلَ مَوْتِہِ۔‘‘

(از بخاری ج:۱ ص:۴۹۰، ومسلم ج:۱ ص:۸۷)

’’یعنی کہا ابوہریرہؓ نے کہ فرمایا حضور علیہ الصلوٰۃ والسلام نے: قسم ہے اس خدا کی جس کے ہاتھ میں میری جان ہے! ضرور اُتریں گے عیسیٰ بیٹے مریم کے آسمان سے بیچ تمہارے، درآنحالیکہ وہ صاحبِ عدل واِنصاف ہوں گے، پس توڑ دیں گے سولی نصرانیوں کی، اور قتل کردیں گے خنزیروں کو اور رکھ دیں گے جزیہ (یعنی جزیہ جو اِسلامی ریاست میں غیرمسلم باشندوں یعنی آدمیوں پر ٹیکس ہوتا ہے اس کے ختم ہونے کا اِعلان کریں گے، اور فرمائیں گے کہ اب یا تو مسلمان ہوجاؤ، ورنہ قتل کئے جاؤگے، تو سب مسلمان ہوجائیں گے، یوں ہر گھر میں اسلام داخل ہوجائے گا، رُوئے زمین پر کوئی کافر نہ ہوگا، جیسا کہ حدیث شریف میں لکھا ہے) اور ان کے زمانے میں بہت مال ہوگا، یہاں تک کہ کوئی قبول نہ کرے گا اس کو، یہاں تک کہ ہوجائے گا ایک سجدہ بہتر دُنیا سے اور ہر چیز سے کہ دُنیا میں ہے۔ اور پھر سمجھانے کی خاطر کہا حضرت ابوہریرہؓ نے کہ: اگر تم کو شک ہو اس اَمر میں تو پڑھو اس آیت شریف کو، اگر چاہو کہ: نہیں ہے کوئی اہلِ کتاب میں سے مگر کہ اِیمان لائے گا عیسیٰ پر پہلے مرنے ان کے۔۔۔الخ۔‘‘

مسلم ج:۱ ص:۸۷، وبخاری ج:۱ ص:۴۹۰ کی نیز ایک روایت میں بایں طور مذکور ہے:

’’قال: کیف انتم إذا نزل ابن مریم فیکم وإمامکم منکم‘‘

’’یعنی فرمایا جناب رسول اللّٰہ صلی اللّٰہ علیہ وسلم نے کہ: اے لوگو! کیا ہوگا حال تمہارا جس وقت کہ اُترے گا عیسیٰ مریم کا بیٹا درمیان تمہارے اور ہوگا تم سے اِمام تمہارا۔‘‘

یعنی قریب ہے کہ اِمام مہدیؓ کے وقت میں حضرت عیسیٰ علیہ السلام نزول فرمائیں گے اور نصرانی دِین کو مٹادیں گے اور محمدی دِین پر عمل کریں گے۔

حضرت عبداللّٰہ بن عمرؓ سے نیز بایں طور مذکور ہے:

’’قال رسول ﷲ صلی ﷲ علیہ وسلم: ینزل عیسَی ابن مریم إلی الأرض، فیتزوج ویولد لہ ویمکث خمسًا وأربعین سنۃ ثم یموت فیدفن معی فی قبری، فأقوم انا وعیسَی ابن مریم من قبر واحد بین ابی بکر وعمر۔‘‘

(مشکوٰۃ ص:۴۸۰)

’’یعنی فرمایا ہے رسولِ خدا صلی اللّٰہ علیہ وسلم نے: اُتریں گے عیسیٰ بیٹے مریم کے زمین کی طرف، پس پھر نکاح کریں گے اور پیدا کی جائے گی اولاد ان کے لئے، اور ٹھہریں گے زمین میں پینتالیس برس، پھر مریں گے، پھر دفن کئے جائیں گے بیچ مقبرے میرے کے، پس اُٹھوں گا میں اور عیسیٰ بن مریم ایک مقبرے سے درمیان میں ابوبکر اور عمر کے۔‘‘

حدیث مسلم ج:۲ ص:۳۹۳، مشکوٰۃ، العلامات ص:۴۷۲ میں نیز حضرت حذیفہؓ سے مروی ہے کہ: قبل قیامت کے دس نشانیاں ظاہر ہوں گی، وہ یہ ہیں:

’’الدُّخان، والدَّجَّال، والدَّابَّۃ، وطلوع الشَّمس من مغربھا، ونزول عیسَی ابن مریم، ویأجوج ومأجوج، وثلاثۃ خسوف، خسف بالمشرق، وخسف بالمغرب، وخسف بجزیرۃ العرب، وآخر ذالک نار تخرج من قعر عدن تسوق الناس إلی المحشر، وفی روایۃ فی العاشرۃ: وریح تلقی الناس فی البحر۔‘‘

’’یعنی فرمایا: دُھواں نکلنا اور الدجال، دابۃ الارض کا ظاہر ہونا اور آفتاب کا نکلنا مغرب کی طرف سے، اور اُترنا عیسیٰ بن مریم کا، اور ظاہر ہونا یأجوج ومأجوج کا، اور تین خسوفوں کا ایک خسف مشرق سے اور ایک مغرب سے اور ایک خسف عرب میں واقعہ ہوگی، ایک آگ یمن کی طرف سے ہانکے گی لوگوں کو طرف محشر کے اور ایک آگ نکلے گی کنارے عدن سے ہانکے گی لوگوں کو طرف محشر کے، اور ایک روایت میں ذِکر آیا ہے: ہوا لوگوں کو سمندر کی طرف دھکیل دے گی۔‘‘

پس ان تمام دلائل قاطع (یعنی یقینی دلائل) سے ثابت ہوا کہ حضرت عیسیٰ بن مریم علیہ السلام اب تک زِندہ آسمانوں پر ہیں

اور قریب زمانہ اِمام مہدیؓ کے نزول فرمائیں گے اور ان کے زمانے میں نہایت درجے کا عدل واِنصاف ہوگا، اور مال سے لوگ نہایت درجے پر غنی ہوں گے، اور بت پرست اور بدعت ورُسومات کا نام ونشان بھی دُنیا پر نہ رہے گا اور اِمام مہدیؓ اس وقت اِمام ہوں گے اور نصرانیوں کی عَلم داری نہ رہے گی، بلکہ ان کی صلیب اور بے غیرتی اور سوَرخوری کی بیخ کنی کی جائے گی، اور حضرت عیسیٰ علیہ السلام نکاح کریں گے اور ان سے اولاد بھی ہوگی، اور ۴۵سال دُنیا میں تبلیغ فرمائیں گے، پس مدینہ طیبہ میں حضور صلی اللّٰہ علیہ وسلم کے مقبرہ شریف میں دفن ہوں گے۔ پس جائے اِنصاف ہے کہ مرزاقادیانی میں یہ باتیں کہاں پائی جاتی ہیں۔۔۔؟

سوال:۔۔۔ مرزائی کہتے ہیں کہ حضور صلی اللّٰہ علیہ وسلم خاتم نبی نہ تھے، نبوّت کا سلسلہ ہمیشہ جاری رہے گا، اور خاتم النّبیین قرآن میں وارِد ہے، اس کے معنی مہر کے ہیں، جو ان کے پیچھے آئیں گے اور آپ کی تصدیق کریں گے۔ کیا ان کی یہ بات سچ ہے؟

جواب:۔۔۔ یہ معنی ان کے بالکل غلط اور خلاف احادیثِ صحیحہ واَئمہ مفسرین ہیں، اور اصل میں ’’ختم‘‘ معنی بند اور تمام کرنے کے ہیں۔ چنانچہ ’’خَتَمَ اللہُ عَلَی قُلُوبِہمْ‘‘ (البقرۃ:۷) اور حدیث (بخاری ج:۱ ص:۵۰۱، ومسلم ج:۲ ص:۲۴۸، ومشکوٰۃ، فضائل سیّدالمرسلین ص:۵۱۱) میں نیز اسی معنی پر وارِد ہے:

’’قال رسول ﷲ صلی ﷲ علیہ وسلم: مثلی ومثل الأنبیاء کمثل قصر احسن بنیانہ، ترک منہ موضع لبنۃ فطاف بہ النظار یتعجبون من حسن بنیانہ إلَّا موضع تلک اللبنۃ، فکنت انا سددت موضع اللبنۃ، ختم بی البنیان وختم بی الرسل، وفی روایۃ: فأنا اللبنۃ وانا خاتم النبیین۔ متفق علیہ۔‘‘

’’یعنی کہا ابوہریرہؓ نے کہ فرمایا نبی علیہ السلام نے: مثل میری اور مثل انبیاء کے جیسے ایک محل ہے کہ اچھی بنائی گئی دیوار اس کے گرد کی، چھوڑی گئی اس محل سے ایک اِینٹ کی جگہ، پھر گرد پھرنے لگے اس کے دیکھنے والے اور حالانکہ تعجب کرتے تھے اس دیوار کی خوبی سے مگر ایک اِینٹ کی جگہ، سو میں ہی ہوں جس سے وہ خالی جگہ پُر ہوگئی، میرے ذریعے رسولوں کا سلسلہ اِختتام پذیر ہوا۔ ایک روایت میں ہے: پس میں ہوں مثال اس اِینٹ کی اور میں ہوں ختم کرنے والا سب نبیوں کا۔‘‘

اور ’’ترمذی‘‘ (ج:۲ ص:۲۰۹) میں ہے:

’’لو کان بعدی نبی لکان عمر بن الخطاب۔‘‘ (مشکوٰۃ ص:۵۵۸)

’’اگر بعد میرے کوئی نبی ہوتا تو ضرور عمر ہوتا۔‘‘

اور ’’ترمذی‘‘ (ج:۲ ص:۴۵، وابوداؤد ج:۲ ص:۱۲۷، مشکوٰۃ ص:۴۶۵، باب الفتن) میں بایں معنی شاہد ہے:

’’وانہ سیکون فی اُمَّتی کذَّابون ثلاثون، کلّھم یزعم انہ نبی ﷲ، وانا خاتم النبیین، لا نبی بعدی۔‘‘

’’میری اُمت میں تیس (بہت سے) جھوٹے ہوں گے جو سب کے سب اس کا دعویٰ کریں گے کہ وہ اللّٰہ کے نبی ہیں، حالانکہ میں ہوں آخری نبی، میرے بعد کوئی مبعوث نہ ہوگا)۔‘‘

بخاری ومسلم شریف میں ہے کہ فرمایا آپ صلی اللّٰہ علیہ وسلم نے حضرت علیؓ سے:

’’انت مِنِّی بمنزلۃ ھارون من موسٰی إلَّا انہ لا نبی بعدی۔‘‘

(مشکوٰۃ ص:۵۶۳)

’’یعنی اے علی! تو مجھ کو بمنزلہ ہارون کے موسیٰ کے ہے، مگر فرق یہ ہے کہ کوئی نبی نہیں میرے بعد۔‘‘

پس ان تمام دلائل قاطع سے یہ ثابت ہوا کہ بعد نبی علیہ الصلوٰۃ والسلام کے کوئی نبی اللّٰہ نہیں آئے گا، اگر آئیں گے تو کاذب اور مفتری تیس یا اس سے زیادہ جو کہ جھوٹا دعویٰ کریں گے۔ اور علاوہ اس کے خود مرزاقادیانی اپنی کتاب ’’حمامۃالبشریٰ‘‘ (ص:۲۰، خزائن ج:۷ ص:۲۰۰، اِزالہ اوہام ص:۷۶۱، خزائن ج:۳ ص:۵۱۱) میں ’’ختم‘‘ کے معنی اِختتام اور بند ہونے کے لکھتے ہیں:

’’قرآنِ کریم بعد خاتم النّبیین کے کسی اور رسول کا آنا جائز نہیں رکھتا، خواہ وہ نیا رسول ہو یا پُرانا ہو، کیونکہ رسول کو علمِ دِین بتوسط جبرائیل ملتا ہے، اور بابِ نزولِ جبرائیل بہ پیرایۂ وحیٔ رسالت مسدود ہے، اور یہ بات خود ممتنع ہے کہ دُنیا میں رسول آئے مگر سلسلۂ وحیٔ رسالت نہ ہو۔

1. "ہست او خیر الرسل خیر الانام

   ہر نبوّت را برو شد اختتام"

(درثمین فارسی ص:۱۱۴)

(فتاویٰ نظامیہ ج:۴ ص:۳۳۹ تا ۳۴۵)

حیاتِ عیسیٰ علیہ السلام کی تحقیق

سوال:۔۔۔ تفسیر ابن کثیر سورۂ آل عمران میں حضور نبی علیہ السلام کی حدیث سند سے مذکور ہے، آپ نے فرمایا: ’’إنَّ عیسٰی لم یمت، وإنَّہ راجع إلیکم قبل یوم القیامۃ‘‘ کہ حضرت عیسیٰ فوت نہیں ہوئے، اور وہ قیامت سے پہلے ضرور واپس آئیں گے۔ مرزائی کہتے ہیں کہ اس حدیث کو اِمام حسن بصریؒ حضور علیہ السلام سے روایت کرتے ہیں، حالانکہ حسن بصریؒ نے حضور علیہ السلام کا زمانہ نہیں پایا، جب تک اس درمیانے راوی کا پتا نہ چلے، اس کا اِعتبار نہیں۔

سائل: بشیر حسین چمن، چنیوٹ

جواب:۔۔۔ یہ ٹھیک ہے حضرت اِمام حسن بصریؒ نے حضور اکرم صلی اللّٰہ علیہ وسلم کا دُنیوی زمانہ نہیں پایا، آپ حضرت عمرؓ کے آخر زمانۂ خلافت میں پیدا ہوئے تھے، لیکن اس سے حدیث ناقابلِ اِعتبار نہیں ٹھہرتی۔ ایسی روایات ’’مرسل‘‘ کہلاتی ہیں، اور اِمامِ اعظمؒ اور اِمام مالکؒ کے نزدیک حدیثِ مرسل حجت ہے۔ پھر حضرت حسن بصریؒ کی مرسلات جو ثقہ راویوں سے مروی ہوں وہ تو صحاح کے حکم میں ہیں، اِمام علی المدینیؒ کہتے ہیں:

’’مرسلات الحسن إذا رووھا عنہ الثقات، صحیح‘‘

(موضوعات کبیر ص:۳۵)

ترجمہ:۔۔۔ ’’حسن بصریؒ کی مرسلات جب ثقہ راوی نقل کریں تو یہ صحاح کے حکم میں ہیں۔‘‘

حافظ مزیؒ ’’تہذیب الکمال‘‘ میں ابونعیمؒ کے طریق سے نقل کرتے ہیں کہ ایک دفعہ یہی سوال حضرت اِمام حسن بصریؒ سے پوچھا گیا، آپ نے فرمایا:

’’کل شیء سمعتنی اقول: ’’قال رسول ﷲ صلی ﷲ علیہ وسلم‘‘ فھو عن علیٍّ، غیر انی فی زمان لا استطیع ان اذکر علیًّا۔‘‘

(تھذیب الکمال، لإبن حجر ج:۲ ص:۲۱۰، طبع مکتبۃ الأثریۃ)

ترجمہ:۔۔۔ ’’ہر وہ روایت جو میں نے اسی طرح سے پیش کی ہے، وہ حضرت علیؓ سے مروی ہے، لیکن میں ایسے زمانے (حجاج کے زمانے) میں ہوں کہ حضرت علیؓ کا کھلم کھلا نام نہیں لے سکتا۔‘‘

اِمام بخاریؒ تاریخ میں سلیمان بن سالم قریشی کے ترجمے میں، اور حافظ عسقلانی ؒ تہذیب میں ابوزرعہ کے طریق سے حضرت حسن بصریؒ اور حضرت علی المرتضیٰؓ کا باہمی ملنا جلنا بیان کرتے ہیں۔

(تہذیب ج:۲ ص:۲۱۰، ۲۱۱)

کتبہ‘ خالد محمود عفا اللّٰہ عنہ

(عبقات ص:۳۸۵،۳۸۶)

حیاتِ عیسیٰ علیہ السلام کے متعلق اِشکال کا جواب

سوال:۔۔۔ ’’وَمُبَشِّراً بِرَسُولٍ یَأْتِیْ مِن بَعْدِیْ اسْمُہُ أَحْمَدُ‘‘ (الصف:۶) معنی آیتِ کریمہ است کہ حضرت عیسیٰ علیہ السلام بشارت داد کہ بعد مردن من رسولے خواہد آمد کہ نامش احمد باشد اگر حضرت عیسیٰ علیہ السلام ہنوز زندہ است مے باید کہ بنام احمد رسول نیامدہ باشد اگر آمدہ است پس حضرت عیسیٰ علیہ السلام فوت شد۔

جواب:۔۔۔ در معنی آیت تحریف واقع شد بعد موت ترجمہ نیست بلکہ بعد ذہابی است یعنی رفتن من چنانچہ بحق موسیٰ علیہ السلام ہم بہمیں معنی گفتہ ’’بِئْسَمَا خَلَفْتُمُونِیْ مِن بَعْدِیَ‘‘ (الاعراف:۱۵۰) ای بعد ذہابی۔۔۔!

(فتاویٰ علمائِ حدیث ص:۱۰۳)

’’لو کان موسٰی وعیسٰی حیَّین‘‘ کی تحقیق

سوال:۔۔۔ یہاں ایک قادیانی مولوی صاحب کی اور پادری صاحب کی بحث چل کر ’’لو کان موسٰی وعیسٰی حیَّین‘‘ پر ٹھہرگئی، قادیانی مولوی حدیث کی کتب سے یہ الفاظ بتلادے تو پادری کے جامع مسجد کو پچاس روپیہ دینے پر بات ٹھہری ہے۔ قادیانی مولوی نے لاہور کی لائبریری سے کتب منگواکر بتلانا قبول کیا ہے، اور لائبریری کو مندرجہ ذیل کتب اِرسال کرنے کو لکھا ہے، اور لکھا ہے کہ یہ حدیث ان کتب میں ہے۔ آپ تحریر فرمائیں کہ یہ کتب حدیث کی کتب ہیں یا نہیں؟

۱:۔۔۔ زرقانی علیٰ مواہب اللدنیہ۔ ۲:۔۔۔ الیواقیت والجواہر۔

۳:۔۔۔ شرح فقہ اکبر۔ ۴:۔۔۔ مدارج السالکین۔

جواب:۔۔۔ حامدًا ومصلیًا!

۱:۔۔۔ زرقانی، مواہب لدنیہ کی شرح ہے، حدیث شریف میں ہے۔

۲:۔۔۔ الیواقیت والجواہر میں شیخ اکبرؒ کی فتوحاتِ مکیہ کے مغلق مقامات کو حل کیا گیا ہے، روایاتِ حدیث جمع کرنے کا اس میں اِہتمام نہیں، بلکہ علم الاسرار وعلم التصوّف کے مضامین کو اس میں بیان کیا ہے۔

۳:۔۔۔ شرح فقہ اکبر علمِ کلام میں ہے، علمِ حدیث میں نہیں۔

۴:۔۔۔ مدارج السالکین ہمارے پاس موجود نہیں، اس کے نام سے معلوم ہوتا ہے کہ یہ بھی تصوّف میں ہے۔

فقط واللّٰہ اعلم!

یہ الفاظ روایاتِ صحیح کے خلاف ہیں، صحیح روایات میں صرف ’’لو کان موسٰی‘‘ ہے، عیسیٰ نہیں ہے۔ اگر تفصیل اس بحث کی دیکھنی ہو تو ’’عقیدۃالاسلام فی حیاۃ عیسیٰ علیہ السلام‘‘ دیکھو۔ فقط سعید احمد غفر لہٗ

(فتاویٰ محمودیہ ج:۵ ص:۲۴۳،۲۴۴)

حیاتِ عیسیٰ علیہ السلام پر شبہ کا جواب

سوال:۔۔۔ علمائے کرام حضرت عیسیٰ علیہ السلام کے زندہ ہونے پر آیت: ’’فَلَمَّا تَوَفَّیْتَنِیْ کُنتَ أَنتَ الرَّقِیْبَ عَلَیْہِمْ‘‘ (المائدۃ:۱۱۷) پیش کرکے عیسیٰ علیہ السلام کا آسمان پر زِندہ ہونا ثابت کرتے ہیں، جیسا کہ مفسرین نے بھی لکھا ہے کہ توفی کے معنی رفع الی السماء ہے۔ اب مرزائی اِعتراض کرتے ہیں کہ اگر عیسیٰ علیہ السلام زِندہ ہوں، اور قریب قیامت کے نزول فرمائیں اور اپنی اُمت کے عقائد تثلیث پرستی سے واقف ہوں تو قیامت کے دن کس طرح اپنی لاعلمی اور بے خبری ظاہر کریں گے؟ اس سے تو حضرت عیسیٰ علیہ السلام کا کذب لازم آتا ہے، بخشنا مرزائی کے جواب سے عاجز کو سرفراز فرمائیں، فقط!

جواب:۔۔۔ صحیح تفسیر معلوم ہونے کے بعد اگر کوئی سوال رہے تو لکھو۔ وہ تفسیر یہ ہے کہ میں ان کی حالت سے مطلع رہا، جب تک ان میں موجود رہا، (سو اس وقت تک کا حال تو میں نے مشاہدہ کیا ہے، اس کے متعلق بیان کرسکتا ہوں)، پھر جب آپ نے مجھ کو اُٹھالیا (یعنی اوّل بار میں تو زِندہ آسمان کی طرف، اور دُوسری بار میں وفات کے طور پر)۔ ومن ھٰھنا لم یقل رفعتنی ولا امتنی، والتوفّی عام لھما کما فی قولہ تعالٰی: ’’یَتَوَفَّی الْأَنفُسَ حِیْنَ مَوْتِہَا وَالَّتِیْ لَمْ تَمُتْ فِیْ مَنَامِہَا‘‘ (الزمر:۴۲) تو اس وقت صرف آپ ان کے احوال پر مطلع رہے ۔۔۔الخ۔ وقد تقرر فی محلہ ان عدم دلیل لا یستلزم عدم المدعا خصوصًا مع وجود دلیل آخر۔

۸؍محرم ۱۳۵۶ھ

(’’النور‘‘ ص:۹، ربیع الثانی ۱۳۵۷ھ)

ایضاً السوال

سوال:۔۔۔ عرض یہ ہے کہ قادیانی مرزائیوں نے مندرجہ ذیل سوال کئے، ان کے جوابات تحریر فرمائیے:

۱:۔۔۔ جب حضرت عیسیٰ علیہ السلام (جو اہلِ سنت والجماعت کے عقیدے کی رُو سے زِندہ جسمِ عنصری کے ساتھ آسمان پر اُٹھائے گئے تھے) قیامت سے پہلے دجال ملعون کو قتل کرنے کے لئے نازل ہوں گے، تو آمدِ ثانی میں وہ نبی اللّٰہ ہوں گے یا صرف اُمتی ہوں گے؟

۲:۔۔۔ اگر محض اُمتی ہوں گے نہ کہ نبی اللّٰہ، تو ان سے نبوّت کیوں چھینی جائے گی؟ ان کا کیا قصور ہے؟

۳:۔۔۔ اگر نازل ہوں گے اور اس وقت بھی نبی اللّٰہ ہوں گے تو کیا ان کا نبی ہونا آیتِ قرآنی ’’خاتم النّبیین‘‘ اور حدیثِ نبوی: ’’انا خاتم النّبیین لَا نبی بعدی‘‘ کے خلاف نہ ہوگا؟

۴:۔۔۔ صحیح مسلم شریف (ج:۲ ص:۴۰۰،۴۰۱) اور مشکوٰۃ شریف (باب العلامات بین یدی الساعۃ وذکر الدجال، فصل اوّل) میں ہے: ’’إذ اوحی ﷲ إلٰی عیسٰی‘‘ کیا حضرت نبی کریم صلی اللّٰہ علیہ وسلم کے بعد وحی ونبوّت ہے؟ کیا حضرت عیسیٰ علیہ السلام کو وحیٔ اِلٰہی کا ہونا آیت خاتم النّبیین، وحدیث: ’’لا نبی بعدی‘‘ کے خلاف نہیں ہے؟

۵:۔۔۔ سورۂ آل عمران پارہ میں ہے: ’’وَیُعَلِّمُہُ الْکِتَابَ وَالْحِکْمَۃَ وَالتَّوْرَاۃَ وَالإِنجِیْلَ‘‘ معلوم ہوا کہ خدا نے ان کو توریت شریف اور اِنجیل شریف سکھادی ہے، نازل ہونے کے بعد وہ اِنجیل شریف پر عمل کریں گے یا قرآن مجید کی شریعت پر عمل کریں گے؟

۶:۔۔۔ کیا خدا نے آسمان میں ان کو قرآن مجید سکھلادیا ہے، یا نازل ہونے کے بعد کسی مولوی صاحب سے فرقانِ حمید اور سنت وحدیث شریف سیکھیں گے؟

ان سوالوں کے جواب قرآن مجید کی آیتِ مبارکہ، احادیثِ نبویہ، اقوالِ صحابہؓ اور اَقوالِ تابعینؒ کی رُو سے فرمائیے۔

جواب:۔۔۔ اوّل وثانی وثالث ورابع کا حاصل ایک سوال ہے، اور خامس وسادس کا حاصل ایک سوال ہے، ُکل دو سوال ہیں۔ پہلے سوال میں نبوّتِ عیسوی پر اِشکال کیا گیا ہے، اور دُوسرے سوال میں آپ کے قرآن وحدیث پر عمل کرنے پر اِشکال کیا گیا ہے۔ اور اِشکال دعویٰ ہے، اس کے جواب میں منع کافی ہے، دلیل کی حاجت نہیں، پس سائل مدعی ہے، اور مدعی مطالب بالدلیل ہوتا ہے، اور مجیب مانع ہے، اور مانع مطالب بالدلیل نہیں ہوتا، پس سوال کے اَخیر میں جو قرآن وحدیث واقوالِ صحابہؓ وتابعینؒ سے دلیل کا مطالبہ کیا گیا ہے، محض بے اُصول ہے (جس شخص کے ذہن میں یہ کلیہ نہ آیا ہو، ماہرانِ فنِ مناظرہ سے سمجھ لے)۔ اب جواب عرض کرتا ہوں۔

اِشکال اوّل کا جواب یہ ہے کہ حضرت عیسیٰ علیہ السلام بوقتِ نزول نبی ہوں گے، اور آپ کی وحی بھی وحیٔ نبوّت ہوگی، مگر شریعتِ محمدیہ کے متبع ہوں گے، اور وہ وحی بھی خلاف شریعتِ محمدیہ نہ ہوگی۔ اور آپ کی نبوّت ختمِ نبوّت کے منافی اس لئے نہیں کہ ختمِ نبوّت سدِباب عطائے نبوّتِ لاحقہ ہے، نہ کہ سدِباب بقائے نبوّتِ سابقہ مع اتباع خاتم نبوّت۔

اور اِشکالِ ثانی کا جواب یہ ہے کہ چونکہ آپ شریعتِ محمدیہ کے تابع ہوں گے، اس لئے آپ کا عمل قرآن وحدیث پر ہوگا،

اور اس کی ضرورت نہیں کہ انہوں نے آسمان پر پڑھا ہو یا نزول کے بعد کسی اُستاد سے پڑھیں، موہوب طور پر آپ کو قرآن وحدیث کا علم عطا ہوگا، جیسا بعض اولیائے اُمت کو بھی اس طریق پر علم دِیا گیا ہے۔

اس تقریر سے سب سوالوں کا جواب ہوگیا۔

اشرف علی

۲؍رمضان المبارک ۱۳۵۶ھ

(’’النور‘‘ ص:۱۰، رمضان المبارک ۱۳۵۷ھ، اِمدادُالفتاویٰ ج:۴ ص:۶۳۸-۶۴۰)

حیاتِ عیسیٰ واِدریس علیہما السلام

سوال:۔۔۔ مندرجہ ذیل مسائل کی تحقیق کرنا چاہتا ہوں:

۱:۔۔۔ مریم:۵۷ میں اللّٰہ تعالیٰ نے حضرت اِدریس علیہ السلام کے بارے میں فرمایا:’’وَرَفَعْنَاہُ مَکَاناً عَلِیّاً‘‘

۲:۔۔۔ گزارش یہ ہے کہ حضرت عیسیٰ بن مریم کے بارے میں النساء:۱۵۸ میں اللّٰہ تعالیٰ نے فرمایا ہے: ’’بَل رَّفَعَہُ اللہُ إِلَیْہِ وَکَانَ اللہُ عَزِیْزاً حَکِیْماً‘‘

۳:۔۔۔ عرض یہ ہے کہ کیا حضرت اِدریس علیہ السلام بھی حضرت مسیح بن مریم علیہ السلام کی طرح زندہ اپنے جسدِ عنصری مبارک کے ساتھ آسمان پر اُٹھائے گئے ہیں؟

۴:۔۔۔ الفاظ ’’وَرَفَعْنَاہُ مَکَاناً عَلِیّاً‘‘ کے معنی بعض لوگ (یعنی مرزائی فرقے کے لوگ) یہ کرتے ہیں کہ اللّٰہ تعالیٰ نے ان کے درجات بلند کئے، وہ زِندہ آسمانوں پر نہیں اُٹھائے گئے۔ کیا یہ معنی صحیح ہیں؟

۵:۔۔۔ بعض لوگ الفاظ ’’وَرَفَعْنَاہُ مَکَاناً عَلِیّاً‘‘ کے یہ معنی کرتے ہیں کہ خدا تعالیٰ نے ان کو وفات دے دی، کیا یہ معنی صحیح ہیں؟

۶:۔۔۔ اگر حضرت اِدریس علیہ السلام اپنے جسدِ مبارک کے ساتھ زِندہ آسمان پر اُٹھائے گئے ہیں تو آیا حضرت عیسیٰ بن مریم کی طرح وہ بھی کبھی نازل ہوں گے؟ اور نزول کے بعد وفات پائیں گے؟

۷:۔۔۔ کسی صحیح حدیثِ نبوی میں، یا کسی صحابی یا تابعی کے قول میں حضرت اِدریس علیہ السلام کے نازل ہونے اور پھر وفات پانے کی خبر آئی ہے یا نہیں؟

۸:۔۔۔ آیا قرآن شریف میں صحیح حدیثوں میں لفظ رفعِ جسمانی اور درجات کے بلند ہونے کے سوا کسی اور معنی (مثلاً اپنی طبعی موت سے مرنا) میں بھی اِستعمال ہوا ہے؟

۹:۔۔۔ بعض کہتے ہیں کہ حضرت اِدریس علیہ السلام سے مراد حضرت اِلیاس علیہ السلام ہیں، کیا یہ صحیح ہے؟

۱۰:۔۔۔ شیخ اکبر بن عربیؒ نے فتوحاتِ مکیہ جلد سوم صفحہ:۲۴۱، باب ۳۰ میں شبِ اِسراء کا ذِکرِ خیر کرتے ہوئے حضرت عیسیٰ بن مریم کا دُوسرے آسمان میں اور حضرت اِدریس علیہ السلام کا چوتھے آسمان میں زِندہ موجود ہونا، تحریر فرمایا ہے، کیا اہلِ سنت

مفسرین نے حضرت اِدریس علیہ السلام کے بارے میں ایسا ہی لکھا ہے؟

جواب:۔۔۔ بعض سوالات کا تو اَصل مبحث سے کوئی تعلق ظاہر نہیں ہوا، ان کے جواب کی حاجت نہیں، اور باقی سوالوں کا منشا ایک مقدمہ ہے، جس کی کوئی دلیل نہیں، اِسی کے ظہورِ فساد سے سب کا جواب ہوجائے گا۔ اور وہ مقدمہ یہ ہے کہ حضرت عیسیٰ علیہ السلام کے قصے میں بھی لفظِ ’’رفع‘‘ آیا ہے، اور حضرت اِدریس علیہ السلام کے قصے میں بھی، سو دونوں مقام پر ایک ہی معنی ہونا ضروری ہے۔ پس اگر رَفعِ عیسوی کو حِسّی کہا جائے تو رَفعِ اِدریسی کو بھی، اور اگر رَفعِ اِدریسی کو رُتبی کہا جائے تو رَفعِ عیسوی کو بھی۔ اسی مقدمے پر سب سوالات مبنی ہیں۔ سو یہ مقدمہ ہی خود فاسد ہے، کیونکہ لفظِ ’’رفع‘‘ مثل دُوسرے بے شمار الفاظ کے اپنے اِشتراکِ معنوی کے سبب سب اقسامِ رَفع کو عام ہے، اب جس مقام پر جس قسم کی ترجیح کو کوئی دلیل مقتضی ہوگی، مراد میں اسی کی تعیین ہوجائے گی، اور جس جگہ ترجیح کی کوئی دلیل نہ ہوگی، دونوں کو محتمل کہا جائے گا، چنانچہ رفع السماء میں مشاہدہ مرجح ہے اور رَفع حِسّی کو، اور ’’وَرَفَعنَا بَعْضَہُمْ فَوقَ بَعضٍ دَرَجَاتٍ‘‘ لفظِ ’’درجات‘‘ مرجح ہے اِرادہ رَفعِ رُتبی کو، وعلیٰ ھٰذا تمام مواردِ اِستعمال میں تعیین مراد کی حسبِ ذیل ہوگی۔ پس رَفعِ عیسوی میں دلائل مرجح ہیں رَفعِ حِسّی کو، پس وہاں رَفعِ حسِّی مراد ہوگا، اور وہ دلائل کتب تفسیر وحدیث وکلام میں مشبعًا مذکور ہیں، اور سب میں اقویٰ واَسلم اِجماع ہے اس رَفعِ حِسّی پر، خواہ یہ رَفع بعد وفات بساعۃ قلیلہ ہو، خواہ بدوں وفات۔ پس یہ اِختلاف اصل مقصود کو مضر نہیں۔ اور جن سلف سے وفات کا دعویٰ منقول ہے، اس کا محمل یہی ہے، رَفعِ حِسّی کا اِنکار وہ بھی نہیں کرتے، پس اس رَفع پر اِجماع ہوگیا، اس لئے آیت میں یہی مراد ہوگا۔ اور اس کی نفی میں علاوہ اِنکار دلائلِ نقلیہ کے ایک بڑا شنیع محذورِ عقلی لازم آتا ہے، وہ یہ کہ آلِ عمران:۵۴ ’’وَمَکَرُواْ وَمَکَرَ اللہُ‘‘ جس کی تفصیل اسی کے متصل آیت: ’’إِذْ قَالَ اللہُ یَا عِیْسَی‘‘ (آل عمران:۵۵) میں مذکور ہے، مثل نص کے ہے اِبطالِ مکرِ یہود میں جنہوں نے آپ صلی اللّٰہ علیہ وسلم کے اِہلاک کی تدبیر کر رکھی تھی، پس اگر رَفع وتوفی کو موتِ عرفی مقرون بالدفن پر محمول کیا جائے تو اس سے مکرِ یہود کا اِبطال کیا ہوا؟ بلکہ ان کی تدبیر کی تو تائید وتقویت وتقریر ہوگئی کہ انہوں نے ہلاک کرنا چاہا تھا، اللّٰہ تعالیٰ ہی نے ہلاک کردیا، تو اس میں اعداء کا خذلان کیا ہوا؟ ان کی مسرّت ومقصود کی تکمیل ہوگئی اور اس کا شناعتِ عظمیٰ وقباحتِ کبریٰ ہونا ظاہر ہے۔ اور آیت: ’’وَمَکَرُواْ وَمَکَرَ اللہُ‘‘ معنی سے خالی ہوئی جاتی ہے، مؤمن تو مؤمن، کوئی عاقل بھی اس کو جائز نہیں رکھ سکتا، اس لئے یہاں رَفعِ حِسّی متیقن ہوگا اور ’’فِیْ بُیُوتٍ أَذِنَ اللہُ أَن تُرْفَعَ‘‘ (النور:۳۶) میں دلیل مرجح ہے، رَفعِ رُتبی کو اور وہ دلیل امر ہے تعظیمِ مساجد کا اور عدمِ وجوب ہے رَفعِ حِسّی کا۔ اور رَفعِ اِدریسی میں کسی قسم کی ترجیح یقینی کی کوئی دلیل نہیں، اس لئے وہ محتمل ہوگا دونوں کا، چنانچہ سلف کے اقوال دونوں طرف ہیں، اس تقریر سے سب سوالات متعلقہ مقام کا جواب ہوگیا، جو ادنیٰ تأمل سے سب پر منطبق ہوسکتا ہے۔ اگر کسی کی تطبیق میں خفا ہو، مکرّر پوچھ لیا جائے۔

واللّٰہ اعلم!

کتبہ‘ اشرف علی

یکم رجب ۱۳۵۶ھ

(’’النور‘‘ جمادی الثانیہ ۱۳۵۷ھ، اِمدادُالفتاویٰ ج:۴ ص:۶۴۲،۶۴۳)

بابِ دہم

حضرت عیسیٰ علیہ السلام کا رَفعِ جسمانی

حضرت عیسیٰ علیہ السلام کا رَفعِ جسمانی اور قرآن

سوال:۔۔۔ زید، یہ اِعتقاد رکھے اور بیان کرے کہ حضرت عیسیٰ علیہ السلام کے زِندہ آسمان پر اُٹھائے جانے یا وفات دئیے جانے کے بارے میں قرآن پاک خاموش ہے، جیسا کہ زید کی یہ عبارت ہے: ’’قرآن نہ اس کی تصریح کرتا ہے کہ اللّٰہ ان کو جسم ورُوح کے ساتھ کرۂ زمین سے اُٹھاکر آسمان پر کہیں لے گیا، اور نہ یہی صاف کہتا ہے کہ انہوں نے زمین پر طبعی موت پائی اور صرف اُن کی رُوح اُٹھائی گئی، اس لئے قرآن کی بنیاد پر نہ تو ان میں سے کسی ایک پہلو کی قطعی نفی کی جاسکتی ہے اور نہ اِثبات۔‘‘ تو زید جو یہ بیان کرتا ہے، آیا اس بیان کی بنا پر مسلمان کہلائے گا یا کافر؟ وضاحت فرمائیں۔

جواب:۔۔۔ جو عبارت سوال میں نقل کی گئی ہے، یہ مودودی صاحب کی تفہیم القرآن کی ہے،(۱) بعد کے ایڈیشنوں میں اس کی اِصلاح کردی گئی ہے، اس لئے اس پر کفر کا فتویٰ نہیں دیا جاسکتا، البتہ گمراہ کن غلطی قرار دیا جاسکتا ہے۔

قرآنِ کریم میں حضرت عیسیٰ علیہ السلام کے رَفعِ جسمانی کی تصریح ’’بَل رَّفَعَہُ اللہُ إِلَیْہِ‘‘ اور ’’اِنِّی مُتَوَفِّیكَ وَرَافِعُكَ اِلَیَّ‘‘ میں موجود ہے۔ چنانچہ تمام اَئمہ تفسیر اس پر متفق ہیں کہ ان آیات میں حضرت عیسیٰ علیہ السلام کے رَفعِ جسمانی کو ذِکر فرمایا ہے، اور رَفعِ جسمانی پر اَحادیثِ متواترہ موجود ہیں ۔(۲) قرآنِ کریم کی آیات کو اَحادیثِ متواترہ اور اُمت کے اِجماعی عقیدے کی روشنی میں دیکھا جائے تو یہ آیات رَفعِ جسمانی میں قطعی دلالت کرتی ہیں، اور یہ کہنا غلط ہے کہ قرآنِ کریم حضرت عیسیٰ علیہ السلام کے رَفعِ جسمانی کی تصریح نہیں کرتا۔

(آپ کے مسائل اور اُن کا حل ج:۱ ص:۲۴۶،۲۴۷)

سوال:۔۔۔ ’’وَرَافِعُكَ اِلَیَّ‘‘ میں زِندہ آسمان پر اُٹھایا جانا کیوں مراد لیا جائے؟

جواب:۔۔۔ ’’وَرَافِعُكَ اِلَیَّ‘‘ میں ’’زِندہ آسمان پر اُٹھایا جانا‘‘ مراد ہے، کیونکہ ’’وَمَا قَتَلُوہُ یَقِینًا‘‘ میں ’’رفع إلی ﷲ‘‘ قتل کے مقابلے میں واقع ہوا ہے، جہاں رفع، قتل کے مقابلے میں ہو، وہاں ’’زِندہ آسمان پر اُٹھایا جانا‘‘ ہی مراد ہوسکتا ہے۔ اس کے علاوہ کوئی معنی قرآنِ کریم، حدیثِ نبوی اور بزرگانِ دِین کے اِرشاد میں کہیں آیا ہو تو اس کا حوالہ دیجئے، قیامت تک ساری مرزائی اُمت

(۱) دیکھئے: ’’تفہیم القرآن‘‘ ج:۱ ص:۴۲۰ اٹھارواں ایڈیشن، مارچ ۱۹۸۱ء۔

(۲) والأحادیث الواردۃ فی نزول عیسٰی بن مریم متواترۃ۔ (الاذاعۃ للشوکانی ص:۱۵۸،۱۵۹)۔

مل کر بھی ایک آیت پیش نہیں کرسکتی۔۔۔!

(آپ کے مسائل اور اُن کا حل ج:۱ ص:۲۲۶)

رفعِ عیسیٰ علیہ السلام کا قرآن سے ثبوت

سوال:۔۔۔ زید ’’إِذْ قَالَ اللہُ یَا عِیْسَی اِنِّی مُتَوَفِّیكَ‘‘ الآیۃ کی تفسیر کا بیان ان الفاظ سے کرتا ہے کہ: ’’جہاں تک قرآن مجید کا تعلق ہے، حیاتِ مسیح اور رَفع الی السماء قطعی طور پر ثابت نہیں، قرآن مجید کی مختلف آیات سے یقین نہیں، البتہ ظن کے درجے میں یہ اَمر ثابت ہے، کیونکہ صریح نص قطعی اس امر میں واقع نہیں ہے۔

عمرو کے بار بار توجہ دِلانے کے باوجود زید اپنے خیال پر جما رہتا ہے، آخر میں تنگ آکر کہتا ہے کہ: ’’عقیدہ تو میرا بھی وہی ہے، لیکن قرآن مجید سے یہ چیز قطعی الثبوت نہیں بلکہ ظنی ہے، اس کی صراحت احادیث میں موجود ہے۔‘‘ عمرو کے ساتھ دُوسرے لوگ بھی شریک ہوکر زید کو اس اہم مسئلے کی طرف توجہ دِلاتے ہیں، لیکن زید اپنے خیال پر بضد قائم ہے۔ مسئلے کی صورتِ مسئولہ کو پیشِ نظر رکھتے ہوئے زید کے متعلق شریعتِ بیضا کیا فیصلہ صادر فرماتی ہے؟

جواب:۔۔۔ رفع الی السماء قرآن سے قطعاً ثابت ہے: ’’وَرَافِعُكَ اِلَیَّ‘‘ (آل عمران:۵۵)، ’’بَل رَّفَعَہُ اللہُ إِلَیْہِ‘‘ (النساء:۱۵۸) ثبوتِ قطعی ہے، اور ہر دو آیت کی دلالت ’’رفع الی السماء‘‘ پر اِجماعِ اُمت سے ثابت ہے۔ اُمتِ محمدیہ کا اِجماع باطل اَمر پر نہیں ہوسکتا، جو شخص یہ کہتا ہے کہ ’’رفع الی السماء‘‘ قرآن سے ثابت نہیں، وہ سخت غلطی پر ہے، اس کو قرآن وحدیث کے علم سے ذرا بھی مَس نہیں ہے، اور نہ اسے اِجماع کا علم ہے، لیکن اگر وہ یہ کہتا ہے کہ میرا عقیدہ بھی تمام مسلمانوں کے ساتھ متفق ہے، یعنی حیاتِ عیسیٰ علیہ السلام اور رَفع الی السماء کا قائل ہے، گو اَحادیث کی بنا پر ہی سہی، تو اس کو کافر نہ کہا جائے گا۔ مندرجہ ذیل حوالہ جات ملحوظ ہوں:

۱:۔۔۔ حافظ ابنِ کثیرؒ نے سورۂ نساء کی تفسیر میں اِجماعِ اُمت نقل کیا ہے کہ احادیثِ نزولِ عیسیٰ علیہ السلام متواتر ہیں۔ (۱)

۲:۔۔۔ اِمام ترمذیؒ نے عیسیٰ علیہ السلام کا دجال کو قتل کرنے کے سلسلے میں پندرہ صحابہؓ کی روایات کا حوالہ دیا ہے۔

۳:۔۔۔ حافظ ابنِ حجرؒ نے ’’فتح الباری‘‘ میں نزولِ عیسیٰ علیہ السلام کا تواتر نقل کیا ہے، ابی الحسین آسیری سے۔(۲)

۴:۔۔۔تلخیص الحبیر، کتاب الطَّلاق میں لکھا ہے:

’’اما رفع عیسٰی علیہ السلام فاتفق اصحاب الأخبار والتفسیر علٰی انہ رفع ببدنہ حیًّا۔‘‘

(تلخیص الحبیر ج:۳ ص:۲۱۴، لإبن حجر، طبعہ مکتبہ الأثریہ)

۵:۔۔۔ حیاتِ عیسیٰ علیہ السلام اور رَفع الی السماء بالجسد لازم وملزوم ہیں۔

(۱)وانہ ینزل قبل یوم القیامۃ کما دلت علیہ الأحادیث المتواترۃ۔ (تفسیر ابن کثیر ج:۲ ص:۴۱۳، طبع مکتبہ رشیدیہ کوئٹہ)۔

(۲) نوٹ: ’’فتح الباری‘‘ میں نام ابوالحسن الخسعی الابدی ہے۔ اور عبارت یہ ہے: ’’تواترت الأخبار بأن المھدی من ھٰذہ الاُمّۃ وأن عیسٰی یصلی خلفہ۔‘‘ (فتح الباری ج:۶ ص:۴۹۳، باب نزول عیسٰی علیہ السلام، طبع دار نشر الکتب الاسلامیہ، لاہور پاکستان)۔

یہ اِشارات ہیں جو ہم نے ذِکر کئے ہیں، زیادہ تفصیل کے لئے ملاحظہ ہو: ’’عقیدۃ الاسلام فی حیاۃ عیسیٰ علیہ السلام‘‘۔

فقط والسلام!

(خیر الفتاویٰ ج:۱ ص:۱۵۱، ۱۵۲)

مفتیٔ اعظم مصر اُستاذ العلماء شیخ حسنین محمد مخلوف کا علمی وتحقیقی فتویٰ حضرت عیسیٰ علیہ السلام کا رَفعِ آسمانی اور کفریاتِ مرزا غلام احمد قادیانی

ہفت روزہ ’’دعوت‘‘ کے باب الاستفسارات میں کافی عرصے سے ایسے سوالات موصول ہو رہے تھے کہ سیّدنا حضرت عیسیٰ علیہ السلام کے رَفعِ جسمانی اور حیاتِ آسمانی کے متعلق علمائے مصر کا عقیدہ کیا ہے؟ کیا وہ واقعی اسلام کے اس اِجماعی عقیدے کے قائل ہیں کہ حضرت عیسیٰ علیہ السلام کا ظہورِ ثانی علاماتِ قیامت میں سے ایک علامت ہے، اور یہ کہ وہ آسمان پر بجسدِ عنصری زِندہ اور موجود ہیں، یا علمائے مصر اس باب میں باقی جمیع علمائے عرب اور پاک وہند کے خلاف ہیں؟ ان سوالات کا اصل محرک مصر کے ایک آزاد خیال پروفیسر شلتوت کا ایک مضمون تھا، جو آج سے پچّیس تیس سال پہلے شائع ہوا تھا اور جسے قادیانی حضرات اپنی ہم نوائی میں ہر سال شائع کرتے رہتے ہیں۔ قادیانیوں کا اس اِشاعت سے مقصد عوام کو یہ اثر دینا ہے کہ ان ابواب میں اکابر علمائے مصر ان کے ساتھ ہیں۔ اس مغالطے اور تلبیس کا پردہ چاک کرنے کے لئے حکومتِ مصر کے سابق مفتیٔ اعظم اُستاذالعلماء حضرت شیخ حسنین محمد مخلوف کا ایک فتویٰ ان کی بلند پایہ کتاب صفوۃ البیان لمعان القرآن طبع ۱۳۷۰ھ سے نقل کیا جاتا ہے۔ یہ تمام اِستفسارات کا مشترک جواب ہے۔ جو اس سلسلے میں دفتر ’’دعوت‘‘ میں موصول ہوتے رہتے ہیں۔ رہا پروفیسر شلتوت کا معاملہ تو آزاد خیال اور خودپسند ادیب کہاں نہیں ملتے؟ اگر مصر کے ایک غیرذمہ دار اور غیرمعتمد علیہ پروفیسر نے سلف کی شاہراہ سے ہٹ کر کتاب وسنت میں اِلحاد کی راہ اِختیار کی ہے تو اس سے یہ لازم نہیں آتا کہ جمہور علمائے مصر اور اَربابِ فتویٰ بھی ۔۔۔معاذاللّٰہ۔۔۔ اسلام کے اِجماعی فیصلوں سے برگشتہ ہوگئے ہیں۔ جس طرح پاکستان میں مسٹر پرویز اِسلامی عنوانات کو ہی اپنا موضوعِ سخن بنا رہے ہیں اور ان کے قلم کی جولانگاہ یہ اسلامی موضوعات ہی ہیں۔ تاہم انہیں یہاں پاکستان کے اُونچے درجے کے علماء اور محققین کا اِعتماد حاصل نہیں اور علمی ابواب میں ان لوگوں کی رائے نہ صرف غلط ہے، بلکہ کفر کی سرحدوں سے ملتی ہے، اس طرح مصر کے آزاد خیال پروفیسر شلتوت بھی وہاں کے علمی، دِینی اور تحقیقی حلقوں میں کسی اِعتماد کے لائق نہیں رہے ہیں، انہوں نے جب وہ تحریر لکھی تھی جسے کہ یہ قادیانی حضرات آئے دن اس طرح شائع کرتے رہتے ہیں، گویا کہ یہ فتویٰ آج چھپ کر آیا ہے، تو وہاں کے اکابر علماء نے اسی وقت اس کی تردید

فرمادی تھی اور مختلف رسائل وجرائد نے اس پر پُرزور رَدِّعمل فرمایا تھا۔ بہرحال مصر کے معتمد عالم اور حکومتِ مصر کے سابق مفتیٔ اعظم کا یہ تحقیقی فیصلہ قارئین ’’دعوت‘‘ کے پیشِ خدمت ہے۔ ترجمہ مولانا منظور احمد صاحب (چنیوٹ) نے کیا ہے۔

(اِدارہ)

’’واعلم ان عیسٰی علیہ السلام لم یقتل ولم یصلب کما قال تعالٰی: ومَا قَتَلُوہُ وَمَا صَلَبُوہُ وَلٰكِن شُبِّہَ لَہُم وقال: ومَا قَتَلُوہُ یَقِینًا۔ فاعتقاد النصاریٰ القتل وصلبہ کفر لا ریب فیہ وقد اخبر ﷲ تعالٰی انہ رفع إلیہ عیسٰی کما قال: وَرَافِعُكَ اِلَیَّ، وقال: بَل رَّفَعَہُ اللہُ إِلَیْہِ فیجب الإیمان بہ والجمھور علٰی انہ رفع حیا من غیر موت بجسدہ وروحہ إلی السماء والخصوصیۃ لہ علیہ السلام ھی فی رفعہ بجسدہ وبقاء وفیھا إلی الأمد المقدر لہ۔

واما التوفی المذکور فی ھٰذہ الآیۃ وفی قولہ تعالٰی: فَلَمَّا تَوَفَّیتَنِی فالمراد منہ ما ذکرنا علی الروایۃ الصحیحۃ عن ابن عباس والصحیح من الأقوال کما قالہ القرطبی وھو إختیار الأنباری وغیرہ۔

وَاِن مِّن اَہلِ الكِتٰبِ اِلَّا لَیُوٴمِنَنَّ بِہٖ قَبلَ مَوتِہٖ ای ما احد من اھل الکتاب الموجودین عند نزول عیسٰی علیہ السلام آخر الزمان إلَّا لیؤْمننَّ بأنہ عبدﷲ ورسولہ وکلمتہ قبل ان یموت عیسٰی علیہ السلام فتکون الأدیان کلھا دینًا واحدًا وھو دین الإسلام الحنیف دین إبراھیم علیہ السلام، ونزول عیسٰی علیہ السلام ثابتٌ فی الصحیحین وھو من اشراط الساعۃ۔‘‘

(صفوۃ البیان لمعان القرآن ص:۱۰۹،۱۱۰)

ترجمہ:۔۔۔ ’’اور جاننا چاہئے کہ عیسیٰ علیہ السلام نہ تو قتل ہوئے ہیں اور نہ ہی سولی دئیے گئے ہیں، جیسا کہ ارشاد تعالیٰ ہے: ’’وَمَا قَتَلُوہُ وَمَا صَلَبُوہُ وَلٰكِن شُبِّہَ لَہُم‘‘ ، اور اِرشاد ہے: ’’وَمَا قَتَلُوہُ یَقِینًا‘‘ انہوں نے عیسیٰ علیہ السلام کو قتل بھی نہیں کیا اور سولی بھی نہیں دیا، لیکن ان کے لئے ایک شخص کو عیسیٰ علیہ السلام کے ہم شکل بنادیا گیا اور یہ امر یقینی ہے کہ انہوں نے حضرت عیسیٰ علیہ السلام کو قتل نہیں کیا۔ لہٰذا عیسائیوں کا قتل اور صلیب کا عقیدہ رکھنا بلاشبہ کفر ہے اور اللّٰہ تعالیٰ نے قرآنِ حکیم میں خبر دِی ہے کہ عیسیٰ کو اس نے اپنی طرف اُٹھالیا ہے، جیسا کہ اِرشاد فرمایا: ’’وَرَافِعُكَ اِلَیَّ‘‘ میں تجھے اپنی طرف اُٹھالوں گا۔ اور فرمایا: ’’بَل رَّفَعَہُ اللہُ إِلَیْہِ‘‘ بلکہ اللّٰہ تعالیٰ نے عیسیٰ علیہ السلام کو اپنی طرف اُٹھالیا ہے، لہٰذا اس پر (جسمانی رفع پر) اِیمان لانا واجب ہے اور جمہور علمائے اسلام کا اس بات پر اِتفاق ہے کہ عیسیٰ علیہ السلام کو موت یا نیند طاری کئے بغیر زِندہ آسمان پر اُٹھالیا گیا ہے اور جسم سمیت آسمان پر اُٹھایا جانا اور وہاں ایک مدّتِ مقرّرہ تک مقیم رہنا آپ ہی کی خصوصیت ہے۔

اور لفظِ ’’توفی‘‘ جو اس آیت اور آیت: ’’فَلَمَّا تَوَفَّیْتَنِیْ‘‘ میں مذکور ہے، اس سے مراد وہی ہے جو ہم نے ابنِ عباسؓ کی صحیح روایت کی بنا پر تحریر کردیا ہے، اور مفسرین کے اقوال میں سے صحیح قول وہی ہے جو ہم نے ذِکر کیا ہے، جیسا کہ اِمام قرطبیؒ کے علاوہ دیگر علمائے کرام نے بھی تصریح کی ہے۔

’’وَإِن مِّنْ أَہْلِ الْکِتَابِ إِلاَّ لَیُؤْمِنَنَّ بِہِ قَبْلَ مَوْتِہِ‘‘ کی تفسیر میں مفتیٔ اعظم فرماتے ہیں: آخری زمانے میں عیسیٰ علیہ السلام کے نازل ہونے کے وقت جو اہلِ کتاب بھی موجود ہوں گے، وہ عیسیٰ علیہ السلام کی موت سے پہلے اس بات پر اِیمان لائیں گے کہ وہ اللّٰہ کے بندے اور اس کے رسول ہیں اور اس کے کلمہ ہیں۔ اور تمام مذاہب کی جگہ ایک ہی مذہب رہ جائے گا، اور وہ اِبراہیمی دِینِ اسلام ہے، اور عیسیٰ علیہ السلام کا (آسمان سے) نازل ہونا صحیح بخاری اور صحیح مسلم میں ثابت ہے اور یہ نزولِ سماوی قیامت کی نشانیوں میں سے ایک نشانی ہے۔‘‘

’’والمراد علی القرائتین انہ صلی ﷲ علیہ وسلم آخر انبیاء ﷲ ورسلہٖ فلا نبی ولا رسول بعدہ إلٰی قیام الساعۃ، فمن زعم النبوۃ بعدہ فھو کذَّابٌ، اَفَّاکٌ وکافرٌ بکتاب ﷲ وسُنَّۃ رسولہ، ولذا افتینا بکفر طائفۃ القادیانیۃ اَتباع المفتون غلام احمد القادیانی الزاعم ھو واَتباعہ انہ نبیٌّ یوحی إلیہ وانہ لا یجوز مناکحتھم ولا دفنھم فی مقابر المسلمین۔‘‘ (صفوۃ البیان لمعان القرآن ص:۱۸۱، لفضیلۃ الاُستاذ الشیخ الحسنین مخلوف، مفتی الدیار المصریۃ السابق وعضو جماعۃ کبار العلماء، طبع اُولٰی ۱۳۷۰ھـ)

ترجمہ:۔۔۔ ’’زیرِ آیت خاتم النّبیین تحریر فرماتے ہیں اور لفظ خاتم کی مراد زیر وزبر والی دونوں قراء توں کی بنا پر یہ ہے کہ آنحضور صلی اللّٰہ علیہ وسلم نبیوں اور رسولوں کے آخر میں آنے والے ہیں، آپ کے بعد قیامت تک کوئی نبی اور کوئی رسول نہیں بنایا جائے گا۔ لہٰذا حضور صلی اللّٰہ علیہ وسلم کے بعد جو شخص بھی نبوّت کا دعویٰ کرے، وہ پرلے درجے کا جھوٹا، بہت بڑا بہتان باندھنے والا، اور اللّٰہ تعالیٰ کی کتاب اور اس کے رسول کی سنت کا منکر ہے۔ اسی لئے ہم علمائے حق نے مرزا غلام احمد قادیانی کی متبع تمام جماعت کے کافر ہونے کا فتویٰ دیا ہے۔ مرزا غلام احمد قادیانی او راس کی تمام جماعت کا یہ دعویٰ کہ وہ نبی ہے اور اس کی طرف وحی کی جاتی ہے، کفر ہے۔ ہم یہ بھی فتویٰ دیتے ہیں کہ نہ ان کے ساتھ رشتہ کیا جائے اور نہ ان کو مسلمانوں کے قبرستانوں میں دفن کیا جائے۔‘‘

(عبقات ص:۱۰۵ تا ۱۰۸)

حیات ورفع الی السماء پر اِشکال کا جواب

سوال:۔۔۔ اگر مسیح زندہ آسمان پر بلا اِیذا یہود چلا گیا تو وہ مسیح کا ہم شکل جو مصلوب ہوا تھا، اس کی نعش کدھر گئی؟ اگر وہ مصلوب کوئی اور تھا تو حواریوں کو اس کے چرانے کی کیا ضرورت تھی؟

جواب:۔۔۔ بحکم آنکہ دروغ گو را حافظہ نہ باشد! پہلا اِلزام جو پیر صاحب پر لگایا تھا، یعنی اتباع قول عیسائیاں جلدی خیال سے جاتا رہا۔ اب فرمائیے یہ قول کس کا ہے اور صریح قول اللّٰہ تعالیٰ کے مخالف ہے یا نہیں؟ دیکھو: ’’وَإِذْ کَفَفْتُ بَنِیْ إِسْرَائِیْلَ عَنکَ إِذْ جِئْتَہُمْ بِالْبَیِّنَاتِ‘‘ (المائدۃ:۱۱۰) یعنی اے مسیح! من جملہ ہماری نعمتوں کے ایک نعمت یہ بھی ہے تم پر کہ ہم نے بنی اِسرائیل کو جب انہوں نے تیرے ایذا اور قتل کا اِرادہ کیا، روک دیا، اور تم کو ان کی ایذا سے بچالیا۔ مسیح کا قبل الرفع ۳۳سال کا ہونا، یا ۱۲۰، یا ۱۵۰ کہیں قرآن میںمذکور نہیں، ہم کو حواریوں سے کیا مطلب؟ آپ ہی چونکہ ان کے تابع ہیں، ان سے دریافت فرمالیں! خیر تبرّعاً ہم ہی سمجھا دیتے ہیں۔۔۔! جب حواریوں کو اِبتدا میں صلیب پر چڑھانے کے وقت دھوکا لگا تو اپنے اسی زعم کے مطابق نعش مصلوب کو بھی قبر سے چرایا۔

(فتاویٰ مہریہ ص:۴۲)

رفع الی السماء کے وقت عمرِ عیسیٰ علیہ السلام پر اِشکال کا جواب

سوال:۔۔۔ پیر صاحب! عیسائیوں کے اس قول کی تائید کرتے ہیں کہ مسیح ۳۳سال کی عمر میں آسمان پر چلے گئے ہیں، مگر اپنے نانا صاحب سیّد الاوّلین والآخرین صلی اللّٰہ علیہ وسلم کے اس قول کو کیوں نہیں مانتے جو مستدرک اور طبرانی میں موجود ہے: ’’واخبرنی ان عیسَی ابن مریم عاش عشرین ومائۃ سنۃ‘‘۔

جواب:۔۔۔ ناظرین، علمائے کرام اس میں نہایت ہی متعجب ہیں کہ اس سوال کو اہلِ اسلام کے عقیدۂ اِجمالیہ کے مدعی کی نسبت سے کیا خیال کیا جائے؟ آیا مناقضہ ہے، یا معارضہ یا منع؟ رفع خواہ ۳۳سال کے بعد ہوا ہو یا ۱۲۰سال یا۱۵۰ سال کے علیٰ حسب اختلاف الروایات حیاتِ مسیح الی الآن کو منافی نہیں، قطع نظر اس جہالت سے اِمامِ جلیل حافظ عمادالدین ابنِ کثیرؒ نے ۳۳سال مطابق حدیث صحیح کے لکھا ہے، اور خازن اور ابنِ سعد اور احمد اور حاکم نے اس کو صحابہ عظامؓ کی طرف منسوب کیا ہے۔

’’فإنہ رفع ولہ ثلاث وثلاثون سنۃ فی الصحیح وقد ورد ذالک فی حدیث فی صفۃ اھل الجنَّۃ انھم علٰی صورۃ آدم ومیلاد عیسٰی ثلاث وثلاثین سنۃ وامَّا ما حکاہ ابن عساکر عن بعضھم انہ رفع ولہ مائۃ وخمسون سنۃ فشاذ غریب بعید۔‘‘

(ابن کثیر ص:۲۴۵)

’’قال ابن عباس: ارسل ﷲ عیسٰی علیہ السلام وھو ابن ثلاثین سنۃ فمکث فی رسالتہ ثلاثین شھرًا ثم رفعہ ﷲ إلیہ۔‘‘

(تفسیر خازن ص:۵۰۴)

’’واخرج ابن سعد واحمد فی الزھد والحاکم من سعید بن المسیب قال: رفع عیسٰی ابن ثلاث وثلاثین سنۃ۔‘‘

(فتاویٰ مہریہ ص:۴۱،۴۲)

رفع ونزولِ مسیح علیہ السلام

سوال:۔۔۔ کیا فرماتے ہیں علمائے دِین شرعِ متین مسائلِ ذیل میں جو نمبروار درج کئے جاتے ہیں:

۱:۔۔۔ حضرت عیسیٰ علیہ السلام جسمِ عنصری سے آسمان پر اُٹھائے گئے یا صرف رُوح؟

۲:۔۔۔ عیسیٰ علیہ السلام اب تک زندہ ہیں یا نہیں؟ اگر زِندہ ہیں تو کیا کھاتے ہیں؟ کیونکہ انسانی زندگی کا مدار اس پر ہے۔

۳:۔۔۔ حضرت عیسیٰ علیہ السلام کا نزول آسمان سے کب ہوگا؟ اور کس شریعت پر ان کا عمل ہوگا؟ اور اپنے آپ کو نبی کہلائیں گے یا اُمتی؟

۴:۔۔۔ حضرت عیسیٰ علیہ السلام کس ذریعے سے آسمان پر گئے؟ ہوا، یا بجلی، یا کسی تخت پر سوار ہوکر چلے گئے؟

۵:۔۔۔ حضرت عیسیٰ علیہ السلام کہاں دفن ہوں گے؟ اور کتنی مدّت دُنیا میں رہیں گے؟

۶:۔۔۔ حضرت عیسیٰ علیہ السلام کی حیات ونزولِ آسمانی سے اِنکار کرنا کفر ہے یا نہیں؟

۷:۔۔۔ نبی اور رسول میں کیا فرق ہے؟ اور خلیفہ کے کیا معنی ہیں اور اس کی تعریف کیا ہے؟

۸:۔۔۔ مجدّد کے کیا معنی ہیں اور کس کو کہتے ہیں؟ اور مرزا غلام احمد قادیانی نے جو دعویٰ کیا کہ میں نبی اور رسول اور مجدّدِزمان اور کرشن جی ہوں، اب اس کو کیا مانا جائے؟ مسلمان یا اس کے برعکس یا اس کے دعوے کے موافق؟

۹:۔۔۔ مرزاقادیانی کو کوئی شخص نبی یا رسول یا مجدّد وکرشن جی مانے یا صرف اس کے افعال کو اچھا سمجھے تو ایسے شخص کا مذبوحہ یا ایسے شخص کے ساتھ کھانا پینا، ناطہ لینا دینا، از مذہبِ اہلِ سنت والجماعت جائز ہے یا نہیں؟ قرآن مجید واحادیث سے بلاتأخیر تحریر فرمائیں۔

جواب۱:۔۔۔ حضرت عیسیٰ علیہ السلام کا رَفعِ جسمانی ہوا ہے نہ کہ صرف رُوحانی، کیونکہ قرآن شریف میں رُوح کا ذِکر نہیں، صرف قتل وصلیب کی تردید کی گئی ہے کہ:’’وَمَا قَتَلُوہُ وَمَا صَلَبُوہُ‘‘ یعنی عیسیٰ علیہ السلام کو نہ انہوں نے قتل کیا اور نہ سولی پر چڑھایا۔ اس نصِ قرآنی سے رَفعِ جسمانی ثابت ہے، کیونکہ قتل اور صلیب کا فعل جسم پر وارِد ہوتا ہے نہ کہ رُوح پر۔ پس جس چیز کو قتل اور صلیب سے بچایا، اس کو اُٹھایا، اور رُوح کو نہ کوئی قتل کرسکتا ہے اور نہ صلیب پر چڑھاسکتا ہے۔ اس سے ثابت ہے کہ جسم کا رَفع ہوا، کیونکہ قتل اور صلیب سے جسم ہی بچایا گیا۔

جسم ورُوح مرکبی کی حالت کا نام عیسیٰ تھا۔ ’’وَمَا قَتَلُوہُ وَمَا صَلَبُوہُ‘‘ (النساء:۱۵۷) میں جو ضمیریں ہیں، وہ حضرت عیسیٰ علیہ السلام جو کہ رُوح وجسم کی مرکبی حالت کا نام ہے، ان کی طرف راجع ہیں۔ جب عیسیٰ علیہ السلام کو مرکبی حالت میں بچایا گیا اور اس حالت میں اُٹھایا گیا جس سے ثابت ہوا کہ رَفع جسمانی ہوا، کیونکہ صرف رُوح نہ کھاتا ہے اور نہ ہاتھ اُٹھاکر دُعا کرسکتا ہے، پس جسم مع رُوح کا رَفع بحالت زندگی ہوا۔ چنانچہ شیخ شہاب الدین المعروف ابنِ حجر ’’تلخیص الحبیر‘‘ (مطبوعہ مکہ مکرمہ، مطبع عباس احمد البائر) ج:۳ ص:۴۶۲ پر لکھتے ہیں:

’’واما رفع عیسٰی فاتفق اصحاب الأخبار والتفسیر علٰی انہ رفع ببدنہ۔‘‘

’’یعنی اس پر اِتفاق ہے حدیثوں اور تفسیروں کا کہ حضرت عیسیٰ علیہ السلام اسی بدن کے ساتھ بحالتِ زندگی اُٹھائے گئے۔‘‘

۲:۔۔۔ حضرت عیسیٰ علیہ السلام زندہ ہیں جیسا کہ اِجماع سے ثابت ہے جیسا اُٹھایا گیا۔ ان کے کھانے پینے اور بول وبراز کا جواب یہ ہے کہ آسمانی کرہ ہر ایک زمین سے کئی حصے زیادہ ہے اور جدید علوم حکمت سے ثابت ہے کہ ہر ایک دُنیاوی اشیاء آسمانی تأثیرات سے معرضِ ظہور میں آتی ہیں، اور اللّٰہ تعالیٰ فرماتا ہے کہ: ’’وَفِی السَّمَآءِ رِزقُكُم‘‘ یعنی تمہارا رِزق یعنی روزی آسمان میں ہے۔

دوم:۔۔۔ حضرت آدم علیہ السلام کا ہبوط آسمان سے نصوصِ قرآنی سے ثابت ہے، پس جو کھانا پینا وغیرہ حضرت آدم وحوّا علیہما السلام کو ملتا تھا، وہی حضرت عیسیٰ علیہ السلام کو ملتا ہے، یہ کیونکر ثابت ہوا کہ حضرت عیسیٰ علیہ السلام کو کھانا نہیں ملتا اور بھوکے رہتے ہیں؟ کوئی آسمان پر گیا ہے اور حضرت عیسیٰ علیہ السلام کی شکایت سن کر آیا ہے تو بتائے۔۔۔! یہ صرف علومِ حکمت وفلسفہ سے ناواقفیت کا باعث ہے کہ ایسے ایسے اِعتراض کئے جاتے ہیں۔ جب آسمان پر ہیولے یعنی مادّہ اور عناصر موجود ہیں تو آسمانی مخلوق کو رِزق کا ملنا کیا قیاسِ فاسد ہے؟ جبکہ علومِ جدیدہ سے ثابت ہوگیا ہے کہ مریخ، چاند وسورج وغیرہ اجرامِ فلکی میں نہریں اور جنگل ہیں اور آبادیاں ہیں، تو یہ اِعتراض بالکل غلط ہے کہ عیسیٰ علیہ السلام کھاتے کہاں سے ہوں گے؟

سوم:۔۔۔ جب نصِ قرآنی (البقرۃ:۵۷) سے ثابت ہے کہ بنی اسرائیل کے واسطے خوانچے بالکل تیار پکا پکایا آسمان سے نازل ہوتا تھا، تو پھر ایسے اِعتراض مضامینِ قرآنیہ سے ناواقفیت کا باعث ہے۔

۳:۔۔۔ حضرت عیسیٰ علیہ السلام کا نزول قیامت کی دس نشانیوں میں سے ایک نشانی ہے (ترمذی شریف ج:۲ ص:۴۲ ابواب الفتن)۔ حضرت عیسیٰ علیہ السلام کا نزول، دابۃ الارض کا نکلنا، دجال کا خروج وغیرہ وغیرہ، پس جب قیامت آنے کو ہوگی، تب حضرت عیسیٰ علیہ السلام کا نزول بھی ہوگا۔ معراج میں رسول اللّٰہ صلی اللّٰہ علیہ وسلم نے حضرت اِبراہیم وموسیٰ وعیسیٰ ۔۔۔علیہم السلام۔۔۔ کو دیکھا تو قیامت کے بارے میں گفتگو ہوئی، حضرت محمد صلی اللّٰہ علیہ وسلم فرماتے ہیں کہ پہلے بات حضرت اِبراہیم علیہ السلام پر ڈالی گئی، انہوں نے فرمایا کہ: مجھ کو خبر نہیں کہ قیامت کب ہوگی؟ پھر حضرت موسیٰ علیہ السلام پر بات ڈالی گئی تو انہوں نے بھی فرمایا کہ: مجھ کو خبر نہیں! پھر بات حضرت عیسیٰ علیہ السلام پر ڈالی گئی، انہوں نے فرمایا کہ قیامت کی تو مجھ کو بھی خبر نہیں، مگر اللّٰہ تعالیٰ کا میرے ساتھ وعدہ ہے کہ میں زمین پر جاکر دَجال کو قتل کروں گا (ابنِ ماجہ ص:۲۹۹، باب فتنۃ الدجال وخروج عیسَی ابن مریم)۔(۱)

اس حدیث سے ثابت ہے قیامت سے پہلے حضرت عیسیٰ علیہ السلام کا نزول ہوگا اور دجال بھی نکلے گا۔ پس ثابت ہوا کہ قربِ قیامت میں حضرت عیسیٰ علیہ السلام کا نزول ہوگا اور اس کا علم اللّٰہ تعالیٰ کو ہے۔

(۱)عن عبدﷲ بن مسعود قال: لما کان لیلۃ اسری برسول ﷲ صلی ﷲ علیہ وسلم لقی اِبراھیم وموسٰی وعیسٰی فتذاکروا الساعۃ، فبدؤُا بإبراھیم، فسألوہ عنھا، فلم یکن عندہ منھا علم، ثم سألوا موسٰی، فلم یکن عندہ منھا علم، فرد الحدیث إلٰی عیسَی ابن مریم، فقال: قد عھد إلیَّ فیم دون وجبتھا فأما وجبتھا فلا یعلمھا إلَّا ﷲ فذکر خروج الدجال قال فأنزل فأقتلہ۔

۴:۔۔۔ حضرت عیسیٰ علیہ السلام کا رَفعِ جسمانی بذریعہ بدلیوں کے ہوا، جیسا کہ اِنجیل اعمال باب آیت:۹ میں لکھا ہے کہ یہ کہ وہ ان کے دیکھتے دیکھتے اُوپر اُٹھایا گیا، اور بدلی نے اسے ان کی نظروں سے چھپالیا، یہ بدلی کا لفظ ثابت کر رہا ہے کہ رَفع جسمانی، ورنہ رُوح اُٹھانے کے واسطے کبھی بدلی نہیں آتی، پس مسیح آسمان پر بدلی کے ذریعے سے اُٹھائے گئے ہیں۔

۵:۔۔۔ حضرت عیسیٰ علیہ السلام ۴۵برس زمین پر رہ کر فوت ہوں گے، جیسا کہ حدیث کے الفاظ ہیں:’’فیدفن معی فی قبری‘‘ (مشکوٰۃ ص:۴۸۰) یعنی حضرت عیسیٰ علیہ السلام میرے مقبرے میں مدفون ہوں گے۔ چونکہ گنجائش ان مختصر جوابوں میں اس قدر نہیں کہ تمام حدیثیں لکھی جائیں، اگر کسی نے اِنکار کیا تو پھر پوری حدیثیں لکھی جائیں گی۔

۶:۔۔۔ حضرت عیسیٰ علیہ السلام کا نزول اشراط الساعۃ میں سے ایک شرط ہے، یعنی قیامت کی نشانیوں میں سے ایک نشانی ہے، جیسا کہ قرآن مجید میں ہے: ’’وَإِنَّہُ لَعِلْمٌ لِّلسَّاعَۃِ‘‘ (الزخرف:۶۱) یعنی حضرت عیسیٰ علیہ السلام کا نزول قیامت کی دس نشانیوں میں سے ایک نشانی ہے، یہ مسئلہ اُصول کا ہے کہ:’’إذا فات الشرط فات المشروط‘‘ یعنی جب شرط فوت ہو تو مشروط بھی فوت ہوجاتا ہے۔ جب نزولِ عیسیٰ علیہ السلام شرط ہے قیامت کی، جب شرط یعنی نزولِ عیسیٰ سے اِنکار ہوا تو مشروط یعنی قیامت سے بھی اِنکار ہوا، اور یہ ظاہر ہے کہ قیامت کا اِنکار کفر ہے، پس ثابت ہوا کہ نزولِ عیسیٰ کا منکر، منکرِ قیامت ہے اور قیامت کا منکر ہرگز مسلمان نہیں۔ نزول کے واسطے حیات شرط ہے، کیونکہ طبعی مردے کبھی واپس نہیں آتے، زندہ شخص دوبارہ واپس آسکتا ہے، جس سے ثابت ہے کہ حیاتِ مسیح کا منکر نزول کا اِصالۃً منکر ہے اور کافر ہے۔

۷:۔۔۔ نبی اور رسول میں فرق ہے کہ نبی صاحبِ کتاب وشریعت نہیں ہوتا، اور رسول صاحبِ شریعت ہوتا ہے۔ حضرت شیخ اکبر محی الدین ابنِ عربیؒ اپنی کتاب ’’فصوص الحکم‘‘ فصل:۱۲ میں لکھتے ہیں:

’’نبی وہ ہے جو خلق کے پاس ہدایت کے لئے اور اس کمال کا راستہ بتلانے کے لئے بھیجا گیا ہو جو حضرت علیمیہ میں ان کے اعیانِ ثابتہ کی اِستعداد کے مقتضا پر ان کے لئے مقدّر ہے، اور وہ نبی کبھی صاحبِ شریعت ہوتا ہے جیسے رُسل علیہم السلام ہیں، اور کبھی صاحبِ شریعتِ جدید نہیں ہوتا، بلکہ پہلی شریعت میں اس کے حقائق کو ان کی اِستعداد کے موافق تعلیم کرتا ہے جیسے بنی اِسرائیل کے انبیاء ہیں۔‘‘

شیخ اکبرؒ کی عبارت سے صاف ظاہر ہے کہ رسول صاحبِ شریعتِ جدید ہوتا ہے اور نبی صاحبِ شریعتِ جدید نہیں ہوتا۔ یعنی نبی صرف نبی ہوتا ہے، اور رسول نبی بھی ہوتا ہے اور رسول بھی۔

خلیفہ تو صاحبِ حکومت ہوتا ہے اور حدودِ شریعت کا نگہبان ہوتا ہے وہ رسول ونبی نہیں ہوتا۔ بعد خاتم النّبیین کے صرف خلفاء ہوں گے جو شریعت کی حفاظت کریں گے۔ صحیح حدیث میں ہے کہ رسول اللّٰہ صلی اللّٰہ علیہ وسلم نے فرمایا کہ بنی اِسرائیل ادب سکھاتے جاتے تھے، نبیوں سے جب ایک نبی فوت ہوتا تو دُوسرا نبی مبعوث ہوتا، مگر چونکہ میرے بعد کوئی نبی نہیں ہے، یعنی غیرتشریعی نبی جو شریعتِ سابقہ کی پیروی کرے اور خود بھی نبی کہلائے نہ ہوگا، اس لئے میری اُمت کے امیر یا خلیفے یعنی بادشاہ حدودِ شریعت کی

نگہبانی کریں گے، اور چونکہ میں خاتم النّبیین ہوں اس واسطے نبی کوئی نہیں کہلائے گا۔ مشکوٰۃ شریف ص:۵۵۱ میں حدیث ہے مفصل دیکھنا ہو تو دیکھ لیں، اور خلیفوں کی صفات وغیرہ کا بھی ذِکر اس کتاب میں ہے، یہاں گنجائش نہیں کہ صفاتِ خلیفہ لکھی جائیں۔ مختصر یہ ہے کہ بزدل نہ ہو، بہادر ہو، تاکہ جنگ میں بھاگ نہ جائے اور اس قابل ہو کہ بیرونی دُشمن اسلام کا مقابلہ کرسکے اور جنگ سے ہرگز نہ گھبرائے اور حدودِ شریعت کی نگہبانی کرسکے اور حدود جاری کرے، تاکہ ملک میں امن قائم رہے۔

۸:۔۔۔ مجدّد کی تعریف رسول اللّٰہ صلی اللّٰہ علیہ وسلم نے خود ہی فرمادی ہے کہ: ’’من یجدّد لھا دینھا‘‘ (۱) یعنی مجدّد ہر ایک صدی کے سر پر ہوا کرے گا، جو دِینِ اسلام کو تازہ کردیا کرے گا۔ مرزا غلام احمد قادیانی ہرگز مجدّد نہ تھے، کیونکہ دِینِ محمدی کو ہرگز تازہ نہیں کیا اور نہ کسی مردہ سنتِ نبوی کو زِندہ کیا، بلکہ دِینِ عیسوی کو زِندہ کیا اور عیسائیوں کے مسئلہ ابن اللّٰہ کی تصدیق کی، دیکھو اِلہام مرزاقادیانی: ’’انت مِنِّی بمنزلۃ ولدی‘‘ یعنی اے مرزا! تو ہمارے ولد یعنی بیٹے کی جابجا ہے۔ (دیکھو صفحہ:۸۶ حقیقۃ الوحی، خزائن ج:۲۲ ص:۸۹)۔ دُوسری طرف مرزاقادیانی کا دعویٰ ہے کہ میں مثل عیسیٰ ہوں اور عیسیٰ بقول عیسائیوں کے خدا کا بیٹا ہے تو مرزاقادیانی نے حضرت عیسیٰ کو خدا کا بیٹا ہونا اپنے اِلہام سے ثابت کردیا، کیونکہ جب مثل عیسیٰ بمنزلتہ یعنی بجائے خدا کے بیٹے کے ہے تو اَصل عیسیٰ ضرور اَصل بیٹا خدا کا ثابت ہوا، کیونکہ جب مثیل مسیح (یعنی غلام احمد قادیانی جو مثیل مسیح ہونے کا مدعی ہے) کو خدا کہتا ہے تو میرے بیٹے کی جابجا ہے تو ثابت ہوا کہ اصل مسیح خدا کا اصلی بیٹا ہے۔ مجدّدِ دِینِ محمدی تو نصِ قرآن: ’’لَمْ یَلِدْ وَلَمْ یُولَدْ‘‘ کے برخلاف ہرگز یہ نہیں کہہ سکتا ہے کہ خدا نے مجھ کو اِلہام کیا ہے کہ تو میرے بیٹے کی جابجا ہے۔ پھر مرزاقادیانی نے مجسم خدا جو کہ عیسائیوں کا مسئلہ تھا اس کو تازہ کیا ہے کہ آپ اپنی کتاب ’’کتاب البریہ‘‘ ص:۸۵ (خزائن ج:۱۳ ص:۱۰۳) پر لکھتے ہیں کہ: ’’میں نے اپنے ایک کشف میں دیکھا خود خدا ہوں اور یقین کیا کہ وہی ہوں۔‘‘ جب مرزاقادیانی خود خدا بن گئے، پھر مرزاقادیانی نے تو یہ غضب کیا کہ خدا کے نطفے سے حقیقی صلبی بیٹے بن بیٹھے، چنانچہ اپنی کتاب ’’اربعین‘‘ نمبر۳ ص:۳۴ (خزائن ج:۱۷ ص:۴۲۳) پر لکھتے ہیں کہ مجھ کو اِلہام کیا کہ: ’’انت من مائنا وھم من فشل‘‘ یعنی اے مرزا! تو ہمارے پانی (نطفے) سے ہے اور وہ لوگ خشکی سے۔ اس اِلہام میں تو مرزاقادیانی حضرت عیسیٰ علیہ السلام اور عیسائیوں کو بھی مات کرگئے اور خدا کے حقیقی بیٹے بن گئے۔ اب آپ خود فیصلہ کریں کہ مرزاقادیانی دِینِ محمدی کے مجدّد ہیں یا دِینِ عیسوی کے۔۔۔! جن جن باطل مسائل کو ۱۳سو برس سے اہلِ اسلام نے مٹایا تھا وہ مرزاقادیانی نے اسلام میں داخل کئے اور پھر ’’مجدّدِ دِینِ محمدی‘‘۔۔۔!

کار شیطان میکند نامش ولی

گر ولی ایں است لعنت بر ولی

(مولانا رُومؒ کا شعر ہے کہ: شیطانی کام کرے اور ولی کہلائے، اگر یہ ولی ہے تو اس ولی پر لعنت!)

اگر یہی مجدّد کا نشان ہے تو بے شک ایسے مجدّد کا نہ آنا اُمتِ محمدی کے واسطے بہتر ہے۔ پھر مرزاقادیانی کا دعویٰ کرشن ہونے

(۱) ابوداوٗد، باب فی ذکر المھدی ج:۲ ص:۲۳۲۔

کا بھی ہے، یعنی وہ کہتے ہیں کہ خدا نے مجھ کو اِلہام کیا ہے رودرگوپال تیری مہماگیتا میں لکھی گئی ہے۔ دیکھو: ’’لیکچر سیالکوٹ‘‘ ص:۳۴، (خزائن ج:۲۰ ص:۲۲۹)۔ اگر مرزاقادیانی کا یہ اِلہام سچ ہے تو پھر مرزاقادیانی کھلے بندوں اسلام سے خارج ہیں، کیونکہ کرشن جی کا اوتار مرزاقادیانی تب ہی ہوسکتے ہیں جب ان کے مذہب کی پیروی کریں، اور کرشن جی کا مذہب یہی تھا جو آج کل آریہ صاحبان اہلِ ہنود کا ہے۔ یعنی قیامت سے اِنکار اور آواگون یعنی تناسخ کا اِقرار، اور قیامت کا اِنکار صریح کفر ہے۔ پس مرزاقادیانی اس پر مقرّر کردہ اُصولوں سے کہ میں متابعتِ تامہ محمد صلی اللّٰہ علیہ وسلم کے باعث محمد ہوگیا ہوں، درستی اُصول کی پابندی سے یعنی متابعتِ تامہ کرشن سے کرشن ہوئے۔ جب کرشن ہوئے تو تناسخ کے قائل ہوئے اور کافر ثابت ہوئے۔ میں نیچے کرشن کا مذہب لکھتا ہوں۔ کرشن جی ارجن کو فرماتے ہیں:

’’سوچ لو ہم تم اور سب راجے مہاراجے کبھی تھے یا نہیں؟ آئندہ ان کا کیا جنم ہوگا؟ ہم سب گزشتہ جنموں میں بھی پیدا ہوئے تھے اور اگلے جنموں میں پیدا ہوں گے۔ جس طرح انسانی زندگی میں لڑکپن، جوانی اور بڑھاپا ہوا کرتا ہے، اسی طرح انسان بھی مختلف قالب قبول کرتا ہے اور پھر اس قالب کو چھوڑ دیتا ہے۔‘‘

(دیکھو: گیتا مصنفہ کرشن جی مہاراج اشوک ۲۲ رادھائے رام)

شیخ فیضی نے بھی گیتا کا ترجمہ کیا ہے، وہ بھی سن لو:

1. زکار نکو میرود بہشت

   بقعر جہنم بر درکار زشت

2. بقید تناسخ کند داورش

   بانواع قالب دراں آردش

3. بہ تہائے معہود در میروند

   بجسم سگ وخوگ در میروند

(ص:۱۳۶، گیتا مترجمہ فیضی تقطیع خورد)

اب صاف ہوگیا کہ کرشن جی قیامت کے منکر تھے، جب مرزاقادیانی قیامت کے منکر ہوئے، تو کافر ہوئے، کیونکہ متابعتِ تامہ سے یہ درجہ پایا ہے اور متابعتِ تامہ یہ ہے کہ پورا پورا پیرو ہو، پس کرشن جی کی پیروی یہی ہے کہ قیامت سے اِنکار کیا جائے اور تناسخ مانا جائے وغیرہ وغیرہ۔

۹:۔۔۔ جب مرزاقادیانی اُصولِ اسلام کے پابند ہی نہیں رہے جس امر کے واسطے ایک لاکھ چوبیس ہزار پیغمبر آئے تو قیامت کی خبر دیتے آئے اور تناسخ کی تردید کرتے آئے۔ پھر جب مرزاقادیانی نے قیامت سے اِنکار کردیا تو مسلمان کیسے؟ اب تو یہ معاملہ ہے:

’’جس جگہ تھا نورِ اِیماں اب وہاں ہے آواگون!‘‘

یعنی تناسخ اور مرزاقادیانی کے مرید بھی اسی اِعتقاد کے ہوں گے، کیونکہ پیر ومرید کا اِعتقاد ایک ہی ہوتا ہے، پس اگر مرزاقادیانی کا یہ اِلہام سچا ہے کہ میں کرشن ہوں تو پھر ہرگز مسلمان نہیں، اور مریدوں کو بھی ساتھ ہی لے ڈُوبے ہیں۔ پس ان سے لین دین اور معاملات مسلمانوں والے نہیں ہوسکتے، تاوقتیکہ توبہ نہ کریں اور تجدیدِ اِسلام نہ کریں۔

(فتاویٰ نظامیہ ج:۲ ص:۱۹۸ تا ۲۰۴)

✨ 🌟 ✨

بابِ یازدہم

نزولِ حضرت عیسیٰ علیہ السلام

سوال:۔۔۔ حضرت عیسیٰ علیہ السلام کب آسمان سے نازل ہوں گے؟

جواب:۔۔۔ قرآنِ کریم اور اَحادیثِ طیبہ میں حضرت عیسیٰ علیہ السلام کی تشریف آوری کو قیامت کی بڑی نشانیوں میں شمار کیا گیا ہے، اور قیامت سے ذرا پہلے ان کے تشریف لانے کی خبر دِی ہے۔ لیکن جس طرح قیامت کا معین وقت نہیں بتایا گیا کہ فلاں صدی میں آئے گی، اسی طرح حضرت عیسیٰ علیہ السلام کے نزول کا وقت بھی معین نہیں کیا گیا کہ وہ فلاں صدی میں تشریف لائیں گے۔

قرآنِ کریم میں حضرت عیسیٰ علیہ السلام کا تذکرہ کرتے ہوئے فرمایا گیا ہے: ’’وَإِنَّہُ لَعِلْمٌ لِّلسَّاعَۃِ فَلَا تَمْتَرُنَّ بِہَا‘‘ (الزخرف:۶۱) اور بے شک وہ نشانی ہے قیامت کی، پس تم اس میں ذرا بھی شک مت کرو۔‘‘ بہت سے اکابر صحابہؓ وتابعینؒ نے اس آیت کی تفسیر میں فرمایا ہے کہ حضرت عیسیٰ علیہ السلام کا نازل ہونا قربِ قیامت کی نشانی ہے۔ اور صحیح ابنِ حبان میں خود آنحضرت صلی اللّٰہ علیہ وسلم سے بھی یہ تفسیر منقول ہے (موارد الظمآن ص:۴۳۵، حدیث نمبر۱۷۵۸)۔

حافظ ابنِ کثیرؒ لکھتے ہیں:

’’یہ تفسیر حضرت ابوہریرہؓ، ابنِ عباسؓ، ابوالعالیہؒ، ابومالکؒ، عکرمہؒ، حسن بصریؒ، قتادہؒ، ضحاکؒ اور دیگر حضرات سے مروی ہے، اور آنحضرت صلی اللّٰہ علیہ وسلم سے اس مضمون کی متواتر اَحادیث وارِد ہیں کہ آپ صلی اللّٰہ علیہ وسلم نے عیسیٰ علیہ السلام کے قیامت سے قبل تشریف لانے کی خبر دِی ہے۔‘‘

(تفسیر ابن کثیر ج:۴ ص:۱۳۲)

حضرت عبداللّٰہ بن مسعود رضی اللّٰہ عنہ آنحضرت صلی اللّٰہ علیہ وسلم کا اِرشاد نقل کرتے ہیں کہ: ’’شبِ معراج میں میری ملاقات حضرت اِبراہیم، حضرت موسیٰ اور حضرت عیسیٰ ۔۔۔علیہم الصلوات والتسلیمات۔۔۔ سے ہوئی، تو آپس میں قیامت کا تذکرہ ہونے لگا کہ کب آئے گی؟ پہلے حضرت اِبراہیم علیہ السلام سے دریافت کیا گیا، انہوں نے فرمایا کہ مجھے اس کا علم نہیں، پھر موسیٰ علیہ السلام سے پوچھا گیا، انہوں نے بھی لاعلمی کا اِظہار کیا۔ پھر حضرت عیسیٰ علیہ السلام کی باری آئی تو انہوں نے فرمایا کہ: قیامت کے وقوع کا ٹھیک وقت تو خداتعالیٰ کے سوا کسی کو معلوم نہیں، البتہ میرے رَبّ کا مجھ سے ایک عہد ہے کہ قیامت سے پہلے دجال نکلے گا تو

میں اس کو قتل کرنے کے لئے نازل ہوں گا، وہ مجھے دیکھ کر اس طرح پگھلنے لگے گا جیسے سیسہ پگھلتا ہے، پس اللّٰہ تعالیٰ اس کو میرے ہاتھ سے ہلاک کردیں گے، یہاں تک کہ شجر وحجر بھی پکار اُٹھیں گے کہ اے مسلم! میرے پیچھے کافر چھپا ہوا ہے اس کو قتل کردے۔ قتلِ دجال کے بعد لوگ اپنے اپنے علاقے اور ملک کو لوٹ جائیں گے۔ اس کے کچھ عرصے بعد یأجوج مأجوج نکلیں گے، وہ جس چیز پر سے گزریں گے، اسے تباہ کردیں گے، تب لوگ میرے پاس ان کی شکایت کریں گے، پس میں اللّٰہ تعالیٰ سے ان کے حق میں بددُعا کروں گا، پس اللّٰہ تعالیٰ ان پر یکبارگی موت طاری کردیں گے، یہاں تک کہ زمین ان کی بدبو سے متعفن ہوجائے گی، پس اللّٰہ تعالیٰ بارش نازل فرمائیں گے جو ان کے اَجسام کو بہاکر سمندر میں ڈال دے گی۔ پس میرے رَبّ کا مجھ سے یہ عہد ہے کہ جب ایسا ہوگا تو قیامت کی مثال پورے دِنوں کی حاملہ اُونٹنی کی سی ہوگی، جس کے بارے میں اس کے مالک نہیں جانتے کہ اچانک دِن میں یا رات میں کسی وقت اس کا وضعِ حمل ہوجائے‘‘

(مسندِ احمد ج:۱ ص:۳۷۵، ابنِ ماجہ ص:۲۹۹، باب خروج الدجال وعیسَی ابن مریم، مستدرک حاکم ج:۵ ص:۶۸۷ حدیث:۸۵۴۹، باب مذاکرۃ الانبیاء فی امر الساعۃ، ابنِ جریر ج:۱۷ ص:۹۱، سورۃ الانبیاء:۹۶ زیر آیت: ’’وَہُم مِّن کُلِّ حَدَبٍ یَنسِلُونَ‘‘)۔

حضرت عیسیٰ علیہ السلام کے اس اِرشاد سے جو آنحضرت صلی اللّٰہ علیہ وسلم نے نقل کیا ہے، معلوم ہوا کہ ان کی تشریف آوری بالکل قربِ قیامت میں ہوگی۔

سوال:۔۔۔ نیز آپ کی کیا کیا نشانیاں دُنیا پر ظاہر ہوں گی؟

جواب:۔۔۔ آپ کے زمانے کے جو واقعات احادیثِ طیبہ میں ذِکر کئے گئے ہیں، ان کی فہرست خاصی طویل ہے، مختصراً:

⭐ :۔۔۔ آپ سے پہلے حضرت مہدیؓ کا ظہور۔

⭐ :۔۔۔ آپ کا عین نمازِ فجر کے وقت اُترنا۔

⭐ :۔۔۔ حضرت مہدیؓ کا آپ کو نماز کے لئے آگے کرنا اور آپ کا اِنکار فرمانا۔

⭐ :۔۔۔ نماز میں آپ کا قنوتِ نازلہ کے طور پر یہ دُعا پڑھنا: ’’قتل ﷲ الدَّجَّال‘‘

⭐ :۔۔۔ نماز سے فارغ ہوکر آپ کا قتلِ دجال کے لئے نکلنا۔

⭐ :۔۔۔ دجال کا آپ کو دیکھ کر، سیسے کی طرح پگھلنے لگنا۔

⭐ :۔۔۔ ’’بابِ لُد‘‘ نامی جگہ پر ۔۔۔جو فلسطین، شام میں ہے۔۔۔ آپ کا دجال کو قتل کرنا، اور اپنے نیزے پر لگا ہوا دَجال کا خون مسلمانوں کو دِکھانا۔

⭐ :۔۔۔ قتلِ دجال کے بعد تمام دُنیا کا مسلمان ہوجانا، صلیب کے توڑنے اور خنزیر کو قتل کرنے کا عام حکم دینا۔

⭐ :۔۔۔ آپ کے زمانے میں امن وامان کا یہاں تک پھیل جانا کہ بھیڑیے بکریوں کے ساتھ، اور چیتے گائے بیلوں کے ساتھ چرنے لگیں، اور بچے سانپوں کے ساتھ کھیلنے لگیں۔

⭐ :۔۔۔ کچھ عرصہ بعد یأجوج مأجوج کا نکلنا اور چارسو فساد پھیلانا۔

⭐ :۔۔۔ ان دنوں میں حضرت عیسیٰ علیہ السلام کا اپنے رُفقاء سمیت کوہِ طور پر تشریف لے جانا اور وہاں خوراک کی تنگی پیش آنا۔

⭐ :۔۔۔ بالآخر آپ کی بددُعا سے یأجوج مأجوج کا یک دم ہلاک ہوجانا اور بڑے بڑے پرندوں کا ان کی لاشوں کو اُٹھاکر سمندر میں پھینکنا۔

⭐ :۔۔۔ اور پھر زور کی بارش ہونا اور یأجوج مأجوج کے بقیہ اجسام اور تعفن کو بہاکر سمندر میں ڈال دینا۔

⭐ :۔۔۔ حضرت عیسیٰ علیہ السلام کا عرب کے ایک قبیلہ بنوکلب میں نکاح کرنا اور اس سے آپ کی اولاد ہونا۔

⭐ :۔۔۔ فج الروحا نامی جگہ پہنچ کر حج وعمرے کا اِحرام باندھنا۔

⭐ :۔۔۔ آنحضرت صلی اللّٰہ علیہ وسلم کے روضۂ اطہر پر حاضری دینا اور آپ صلی اللّٰہ علیہ وسلم کا روضۂ اطہر کے اندر سے جواب دینا۔

⭐ :۔۔۔ وفات کے بعد روضۂ اطہر میں آپ کا دفن ہونا وغیرہ وغیرہ۔

⭐ :۔۔۔ آپ کے بعد ’’مقعد‘‘ نامی شخص کو آپ کے حکم سے خلیفہ بنایا جانا اور مقعد کی وفات کے بعد قرآنِ کریم کا سینوں اور صحیفوں سے اُٹھ جانا

⭐ :۔۔۔ اس کے بعد آفتاب کا مغرب سے نکلنا، نیز دابۃ الارض کا نکلنا اور مؤمن وکافر کے درمیان امتیازی نشان لگانا وغیرہ وغیرہ۔

شبہات

نزولِ عیسیٰ علیہ السلام کے وقت ان کی پہچان کیونکر ہوگی؟

سوال:۔۔۔ یہ کس طرح ظاہر ہوگا کہ آپ ہی حضرت عیسیٰ علیہ السلام ہیں؟

جواب:۔۔۔ آپ کا یہ سوال عجیب دِلچسپ سوال ہے۔۔۔! اس کو سمجھنے کے لئے آپ صرف دو باتیں پیشِ نظر رکھیں۔

اوّل:۔۔۔ کتبِ سابقہ میں آنحضرت صلی اللّٰہ علیہ وسلم کے بارے میں پیش گوئی کی گئی تھی، اور آپ صلی اللّٰہ علیہ وسلم کی صفات وعلامات ذِکر کی گئی تھیں، جو لوگ ان علامات سے واقف تھے، ان کے بارے میں قرآنِ کریم کا بیان ہے کہ وہ آپ کو ایسے پہچانتے ہیں جیسا اپنے لڑکوں کو پہچانتے ہیں۔(۱) اگر کوئی آپ سے دریافت کرے کہ انہوں نے آنحضرت صلی اللّٰہ علیہ وسلم کو کیسے پہچانا تھا کہ آپ ہی نبیٔ آخرالزمان ہیں؟ تو اس کے جواب میں آپ کیا فرمائیں گے؟ یہی ناکہ آنحضرت صلی اللّٰہ علیہ وسلم کی صفات جو کتبِ سابقہ میں مذکور تھیں، وہ آپ صلی اللّٰہ علیہ وسلم کی ذاتِ اقدس پر منطبق کرنے کے بعد ہر شخص کو فوراً یقین آجاتا تھا کہ آپ وہ نبیٔ آخرالزمان ہیں۔ اسی طرح حضرت عیسیٰ علیہ السلام کی جو صفات آنحضرت صلی اللّٰہ علیہ وسلم نے ذِکر کی ہیں، ان کو سامنے رکھ کر حضرت

(۱) ’’الَّذِیْنَ آتَیْنَاہُمُ الْکِتَابَ یَعْرِفُونَہُ کَمَا یَعْرِفُونَ أَبْنَاء ہُمْ‘‘ (البقرۃ:۱۴۶)۔

عیسیٰ علیہ السلام کی شخصیت کی تعیین میں کسی کو اَدنیٰ سا شبہ بھی نہیں ہوسکتا۔ ہاں! کوئی شخص ان اِرشاداتِ نبویہ سے ناواقف ہو، یا کج فطری کی بنا پر ان کے چسپاں کرنے کی صلاحیت سے محروم ہو، یا محض ہٹ دھرمی کی وجہ سے اس سے پہلو تہی کرے، تو اس کا مرض لاعلاج ہے۔۔۔!

دوم:۔۔۔ بعض قرائن ایسے ہوا کرتے ہیں کہ ان کی موجودگی میں آدمی یقین لانے پر مجبور ہوجاتا ہے، اور اسے مزید دلیل کی اِحتیاج نہیں رہ جاتی۔ مثلاً: آپ دیکھتے ہیں کہ کسی مکان کے سامنے محلے بھر کے لوگ جمع ہیں، پورا مجمع افسردہ ہے، گھر کے اندر کہرام مچا ہوا ہے، درزی کفن سی رہا ہے، کچھ لوگ پانی گرم کر رہے ہیں، کچھ قبر کھودنے جارہے ہیں۔ اس منظر کو دیکھنے کے بعد آپ کو یہ پوچھنے کی ضرورت نہیں رہے گی کہ کیا یہاں کسی کا اِنتقال ہوگیا ہے؟ اور اگر آپ کو یہ بھی معلوم ہو کہ فلاں صاحب کافی مدّت سے صاحبِ فراش تھے اور ان کی حالت نازک تر تھی تو آپ کو یہ منظر دیکھ کر فوراً یقین آجائے گا کہ ان صاحب کا اِنتقال ہوگیا ہے۔

سیّدنا عیسیٰ علیہ السلام کی تشریف آوری کی خاص کیفیت، خاص وقت، خاص ماحول اور خاص حالات میں آنحضرت صلی اللّٰہ علیہ وسلم نے بیان فرمائی ہے۔ جب وہ پورا نقشہ اور سارا منظر سامنے آئے گا تو کسی کو یہ بحث کرنے کی ضرورت نہیں ہوگی کہ یہ واقعی عیسیٰ علیہ السلام ہیں یا نہیں؟

تصوّر کیجئے۔۔۔! حضرت مہدیؓ عیسائیوں کے خلاف مصروفِ جہاد ہیں، اتنے میں اِطلاع آتی ہے کہ دجال نکل آیا ہے۔ آپ اپنے لشکر سمیت بہ عجلت بیت المقدس کی طرف لوٹتے ہیں اور دجال کے مقابلے میں صف آرا ہوجاتے ہیں۔ دجال کی فوجیں اِسلامی لشکر کا محاصرہ کرلیتی ہیں، مسلمان انتہائی تنگی اور سراسیمگی کی حالت میں محصور ہیں۔ اتنے میں سحر کے وقت ایک آواز آتی ہے: ’’قد اتاکم الغوث‘‘ ۔۔۔تمہارے پاس مددگار آپہنچا۔۔۔ اپنی زبوں حالی کو دیکھ کر ایک شخص کے منہ سے بے ساختہ نکل جاتا ہے کہ: ’’یہ کسی پیٹ بھرے کی آواز معلوم ہوتی ہے!‘‘ پھر اچانک حضرت عیسیٰ علیہ السلام دو فرشتوں کے کاندھوں پر ہاتھ رکھے، سفید منارہ کے پاس نزول فرماتے ہیں، اور عین اس وقت لشکر میں پہنچتے ہیں جبکہ صبح کی اِقامت ہوچکی ہے اور اِمام مصلیٰ پر جاچکا ہے، وغیرہ وغیرہ۔

یہ تمام کوائف جو رسول اللّٰہ صلی اللّٰہ علیہ وسلم نے بیان فرمائے ہیں، جب وہ ایک ایک کرکے لوگوں کی آنکھوں کے سامنے آئیں گے تو کون ہوگا جو حضرت عیسیٰ علیہ السلام کی شناخت سے محروم رہ جائے گا۔۔۔؟ آنحضرت صلی اللّٰہ علیہ وسلم نے سیّدنا عیسیٰ علیہ السلام کی صفات وعلامات، ان کا حلیہ اور ناک نقشہ، ان کے زمانۂ نزول کے سیاسی حالات اور ان کے کارناموں کی جزئیات اس قدر تفصیل سے بیان فرمائی ہیں کہ عقل حیران رہ جاتی ہے۔ جب یہ پورا نقشہ لوگوں کے سامنے آئے گا تو ایک لمحے کے لئے کسی کو ان کی شناخت میں تردّد نہیں ہوگا، چنانچہ کسی کمزور سے کمزور روایت میں بھی یہ نہیں آتا کہ ان کی تشریف آوری پر لوگوں کو ان کے پہچاننے میں دِقت پیش آئے گی، یا یہ کہ ان کے بارے میں لوگوں میں اِختلاف ہوجائے گا، کوئی ان کو مانے گا اور کوئی نہیں مانے گا۔ اس کے برعکس یہ آتا ہے کہ مسلمان تو مسلمان، دجال کے لشکر سے نمٹنے کے بعد غیرمذاہب کے لوگ بھی سب کے سب مسلمان ہوجائیں گے اور دُنیا پر صرف اسلام کی حکمرانی ہوگی۔

یہ بھی عرض کردینا مناسب ہوگا کہ گزشتہ صدیوں سے لے کر اس رواں صدی تک بہت سے لوگوں نے مسیحیت کے دعوے کئے، اور بہت سے لوگ اصل ونقل کے درمیان تمیز نہ کرسکے، اور ناواقفی کی بنا پر ان کے گرویدہ ہوگئے، لیکن چونکہ وہ واقعتا ’’مسیح‘‘ نہیں تھے، اس لئے وہ دُنیا کو اِسلام پر جمع کرنے کے بجائے مسلمانوں کو کافر بناکر ان کے درمیان اِختلاف وتفرقہ ڈال کر چلتے بنے، ان کے آنے سے نہ فتنہ فساد میں کمی ہوئی، نہ کفر وفسق کی ترقی رُک سکی۔ آج زمانے کے حالات ببانگِ دہل اِعلان کر رہے ہیں کہ وہ اس تاریک ماحول میں اتنی روشنی بھی نہ کرسکے جتنی کہ رات کی تاریکی میں جگنو روشنی کرتا ہے، وہ یہ سمجھے کہ ان کی من مانی تأویلات کے ذریعے ان کی مسیحیت کا سکہ چل نکلے گا، لیکن افسوس کہ ان پر حضرت عیسیٰ علیہ السلام کے بارے میں اِرشاد فرمودہ علامات اتنی بھی چسپاں نہ ہوئیں جتنی کہ ماش کے دانے پر سفیدی۔ کسی کو اس میں شک ہو تو آنحضرت صلی اللّٰہ علیہ وسلم کے اِرشاد فرمودہ نقشے کو سامنے رکھے اور آپ صلی اللّٰہ علیہ وسلم کی اِرشاد فرمودہ ایک ایک علامت کو ان مدعیوں پر چسپاں کرکے دیکھے، اُونٹ سوئی کے ناکے سے گزر سکتا ہے مگر ان مدعیوں پر حضرت عیسیٰ علیہ السلام کی صفات وعلامات منطبق نہیں ہوسکتیں۔ کاش! ان لوگوں نے بزرگوں کی یہ نصیحت یاد رکھی ہوتی:

بصاحب نظرے بنما گوہر خود را

عیسیٰ نتواں گشت بہ تصدیق خرے چند

(آپ کے مسائل اور اُن کا حل ج:۱ ص:۲۳۷ تا ۲۴۱)

حضرت عیسیٰ علیہ السلام کس عمر میں نازل ہوں گے؟

سوال:۔۔۔ ہم سب مسلمانوں کا عقیدہ ہے کہ حضرت عیسیٰ علیہ السلام دُنیا میں دوبارہ تشریف لائیں گے۔ حدیث کی روشنی میں بیان کریں کہ وہ دوبارہ اس دُنیا میں پیدا ہوں گے یا پھر اس عمر میں تشریف لائیں گے جس عمر میں آپ کو آسمان پر اللّٰہ تعالیٰ نے اُٹھالیا؟ میں ایک مرتبہ پھر آپ سے گزارش کروں گا کہ جواب ضرور دیں، اس طرح ہوسکتا ہے کہ آپ کی اس کاوش سے چند قادیانی اپنا عقیدہ دُرست کرلیں۔ یہ ایک قسم کا جہاد ہے، آپ کی تحریر ہمارے لئے سند کا درجہ رکھتی ہے۔

جواب:۔۔۔ حضرت عیسیٰ علیہ السلام جس عمر میں آسمان پر اُٹھائے گئے، اسی عمر میں نازل ہوں گے، ان کا آسمان پر قیام، ان کی صحت اور عمر پر اَثراَنداز نہیں۔ جس طرح اہلِ جنت، جنت میں سدا جوان رہیں گے اور وہاں کی آب وہوا ان کی صحت اور عمر کو متأثر نہیں کرے گی۔

حضرت عیسیٰ علیہ السلام جہاں اس وقت قیام فرما ہیں، وہاں زمین کے نہیں، آسمان کے قوانین جاری ہیں۔ قرآنِ کریم میں فرمایا گیا ہے کہ: ’’تیرے رَبّ کا ایک دن تمہاری گنتی کے حساب سے ایک ہزار برس کے برابر ہے۔‘‘(۱)

اس قانونِ آسمانی کے مطابق ابھی حضرت عیسیٰ علیہ السلام کو یہاں سے گئے ہوئے دو دِن بھی نہیں گزرے، آپ غور

(۱) ’’وَإِنَّ یَوْماً عِندَ رَبِّکَ کَأَلْفِ سَنَۃٍ مِّمَّا تَعُدُّونَ‘‘ (الحج)۔

فرماسکتے ہیں کہ صرف دو دِن سے انسان کی صحت وعمر میں کیا کوئی نمایاں تبدیلی رُونما ہوجاتی ہے؟

مشکل ہے کہ ہم معاملاتِ اِلٰہیہ کو بھی اپنی عقل وفہم اور مشاہدہ وتجربہ کے ترازو میں تولنا چاہتے ہیں، ورنہ ایک مؤمن کے لئے فرمودۂ خدا اور رسول سے بڑھ کر یقین واِیمان کی کونسی بات ہوسکتی ہے؟

حضرت عیسیٰ علیہ السلام کے دوبارہ پیدا ہونے کا سوال تو جب پیدا ہوتا کہ وہ مرچکے ہوتے، زندہ تو دوبارہ پیدا نہیں ہوا کرتا، اور پھر کسی مرے ہوئے شخص کا کسی اور قالب میں دوبارہ جنم لینا تو ’’آواگون‘‘ ہے جس کے ہندو قائل ہیں۔ کسی مدعیٔ اِسلام کا یہ دعویٰ ہی غلط ہے کہ حضرت عیسیٰ علیہ السلام کی رُوحانیت نے اس کے قالب میں دوبارہ جنم لیا ہے۔

(آپ کے مسائل اور اُن کا حل ج:۱ ص:۲۴۵،۲۴۶)

قادیانی عقیدے میں مسیح کی رُوحانیت کے متعدّد نزول

سوال:۔۔۔ قادیانیوں کے لٹریچر سے حضرت مسیح علیہ السلام کے بارے میں کیا نتائج اخذ کئے جاسکتے ہیں؟ مہربانی فرماکر جواب سے نوازیں۔

جواب:۔۔۔ قادیانیوں کے لٹریچر کا ماحصل نتیجہ یہ نکلتا ہے کہ جس طرح ایک رُوح کے لئے ایک بدن ضروری نہیں، وہ مختلف اوقات میں مختلف اَجسام میں اُترسکتی ہے، پس قادیانیوں کے نزدیک مسیح ایک فرد کا نام نہیں، یہ ایک رُوح ہے جو مختلف اوقات میں مختلف اجسام میں اُترتی رہی ہے، اور یہ ممکن ہے کہ قربِ قیامت میں وہ کسی بدن میں جلالی طور پر ظاہر ہو اور دُنیا کی صف لپیٹ دی جائے۔ مرزا غلام احمد قادیانی لکھتا ہے:

’’غور سے اس معرفت کے دقیقے کو سنو کہ حضرت مسیح کو جو دو دفعہ یہ موقع پیش آیا کہ ان کی رُوحانیت نے قائم مقام طلب کیا، اوّل جبکہ ان کے فوت ہوجانے پر چھ سو برس گزرگیا اور یہودیوں نے اس بات پر حد سے زیادہ اِصرار کیا کہ وہ نعوذباللّٰہ بدکار، مکار اور کاذب تھا، اور اس کا ناجائز طور پر تولد تھا، اس لئے وہ مصلوب ہوا۔۔۔۔۔۔ تب بہ اعلامِ اِلٰہی مسیح کی رُوحانیت جوش میں آئی اور اس نے ان تمام اِلزاموں سے اپنی بریت چاہی اور خداتعالیٰ سے اپنا قائم مقام چاہا تب ہمارے نبی اکرم صلی اللّٰہ علیہ وسلم مبعوث ہوئے۔‘‘

(آئینہ کمالات اسلام ص:۳۴۲ خزائن ج:۵ ص:۳۴۲)

الغرض! قادیانی عقیدے کے مطابق رُوحِ مسیح کا پہلا جوش نبی اکرم صلی اللّٰہ علیہ وسلم کی صورت میں ظاہر ہوا۔

دُوسرا جوش مرزا غلام احمد قادیانی کی صورت میں قادیان میں اُترا ۔۔۔نعوذباللّٰہ۔۔۔ اور مسیح کی رُوحانیت کا تیسرا جوش قیامت کے قریب ایک جلالی صورت میں ظاہر ہوگا، تب دُنیا کا اِختتام ہوگا۔ اس بات کے بارے میں مرزا نے لکھا ہے کہ یہ بات کشف کے ذریعے مجھ پر منکشف ہوئی، قادیانیوں کے لٹریچر سے یہ چیز عیاں ہوتی ہے۔

مرزا غلام احمد قادیانی نے خود لکھا ہے:

’’ہمیں اس سے اِنکار نہیں کہ ہمارے بعد کوئی اور بھی مسیح کا مثل بن کر آئے۔‘‘

(اِزالہ اوہام ص:۵۵، خزائن ج:۳ ص:۱۷۹)

’’ممکن ہے اور بالکل ممکن ہے کہ کسی زمانے میں کوئی ایسا مسیح بھی آجائے جس پر حدیثوں کے بعض ظاہری الفاظ صادق آسکیں، کیونکہ یہ عاجز اس دُنیا کی حکومت اور بادشاہت کے ساتھ نہیں آیا۔‘‘

(اِزالہ اوہام ص:۲۰۰، خزائن ج:۳ ص:۱۷۹)

قادیانیوں کا لٹریچر خود مرزا کے دعوؤں کی تردید کرتا ہے کہ حضرت عیسیٰ علیہ السلام فوت نہیں ہوئے بلکہ حضرت عیسیٰ علیہ السلام قیامت کا ایک نشان ہیں، اور جب تک وہ نشان ظاہر نہ ہو اور تمام اہلِ کتاب ان پر اِیمان نہ لے آئیں، وہ علامات پوری نہ ہوں گی جو قرآن نے ان کی آمد کی بتلائی ہے، اور اس پر چودہ سو سال سے اُمت کا اِجماع چلا آرہا ہے، پس حضرت عیسیٰ علیہ السلام کی شہادت کے قول سے مرزاقادیانی کے لئے مسیح کی سیٹ خالی نہیں کرائی جاسکتی، یہ قادیانیوں کی دھوکادہی اور ڈھکوسلہ بازی ہے۔ اللّٰہ تعالیٰ ہم سب کو قادیانیوں کے جدید حملوں سے محفوظ فرمائے، آمین! (مزید دلائل کا ذوق ہو تو اعلیٰ حضرت گولڑوی کی تصانیف کا مطالعہ کریں، اِن شاء اللّٰہ اِیمان واِیقان میں اِضافہ ہوگا)۔ واللّٰہ اعلم بالصواب!

(فتاویٰ حکیمیہ ص:۳۲۹،۳۳۰)

احادیث اور نزولِ مسیح علیہ السلام

سوال:۔۔۔ حضرت مسیح کے نزول کے بارے میں جو اَحادیث کتب میں وارِد ہیں، کیا یہ صحت کے اِعتبار سے دُرست ہیں؟ اس کے علاوہ حضرت عیسیٰ علیہ السلام کے آسمان پر اُٹھائے جانے اور دوبارہ نزول کی کیا حکمتیں ہوسکتی ہیں؟ مہربانی فرماکر وضاحت فرمائیں۔

جواب:۔۔۔ پہلی بات تو یہ ہے کہ تمام اَئمہ حدیث نے نزولِ مسیح کے بارے میں وارِدشدہ احادیث کی صحت کو تسلیم کیا ہے، اکثر احادیث حدِ تواتر کو پہنچی ہوئی ہیں، لہٰذا نزولِ مسیح علیہ السلام کا عقیدہ رکھنا ضروری ہے۔ باقی چند اَحادیث کو نقل کرنے کے بعد چند حکمتیں عرض کرتے ہیں۔

حیات ونزولِ حضرت عیسیٰ علیہ السلام حدیث کی روشنی میں:

حضرت ابوہریرہ رضی اللّٰہ عنہ سے روایت ہے کہ آنحضرت صلی اللّٰہ علیہ وسلم نے فرمایا:

’’لینزل ابن مریم حَکَمًا عادلًا فلیکسرن الصلیب ولیقتلن الخنزیر ولیضعن الجزیۃ ولیترکن القلاص فلا یسعی علیھا ولتذھبن الشحناء والتباغض والتحاسد ولیدعون إلی المال فلا یقبلہ احد۔‘‘

(رواہ مسلم ج:۱ ص:۸۷)

’’بخدا عیسیٰ ابنِ مریم کا نزول ہوگا، جو عدل وانصاف سے فیصلے فرمائیں گے، صلیب توڑ ڈالیں

گے، خنزیر کو قتل کریں گے، اور جزیہ موقوف کردیں گے، اُونٹوں کو کھلا چھوڑ دیا جائے گا اور ان سے کوئی شخص کام نہیں لے گا، لوگوں کے دِلوں سے کینہ، بغض اور حسد نکل جائے گا، انہیں مال لینے کے لئے بلایا جائے گا اور کوئی مال لینے والا نہیں آئے گا۔‘‘

اس حدیث میں جزیہ موقوف کرنے کا بھی بیان کیا گیا ہے، لہٰذا یاد رہے کہ اس سے یہ لازم نہیں آتا کہ حضرت عیسیٰ علیہ السلام دِینِ اسلام کے بعض اَحکام کو منسوخ کردیں گے، بلکہ آنحضرت صلی اللّٰہ علیہ وسلم خود اس کے ناسخ ہیں، کیونکہ آپ نے خود جزیہ کی مدّت نزولِ مسیح تک بیان فرمائی ہے۔ دُوسری وجہ یہ بھی ہے کہ حضرت عیسیٰ علیہ السلام کے نزول کے بعد تمام کفار اور مشرکین مسلمان ہوجائیں گے تو جزیہ عائد کرنے کی کوئی وجہ نہیں رہے گی۔ قرآنِ حکیم نے بھی تصریح کردی ہے:

’’وَإِن مِّنْ أَہْلِ الْکِتَابِ إِلاَّ لَیُؤْمِنَنَّ بِہِ قَبْلَ مَوْتِہِ‘‘

(النساء:۱۵۹)

ترجمہ:۔۔۔ ’’اہلِ کتاب میں سے ہر شخص حضرت عیسیٰ علیہ السلام کے وصال سے پہلے ان پر اِیمان لے آئے گا۔‘‘

اور اَبھی تک یہودی اِیمان نہیں لے آئے اور نہ ہی عیسائیوں کا اس پر اِیمان ہے، بہرحال حضرت عیسیٰ علیہ السلام کا تشریف لانا ضروری ہے تاکہ یہودی اِیمان لاکر مسلمان ہوجائیں۔

حضرت ابوہریرہ رضی اللّٰہ عنہ سے روایت ہے کہ آنحضرت صلی اللّٰہ علیہ وسلم نے فرمایا:

’’کیف انتم إذا نزل ابن مریم فیکم وإمامکم منکم۔‘‘

(رواہ مسلم ج:۱ ص:۸۷)

’’اس وقت کیا شان ہوگی جب حضرت عیسیٰ علیہ السلام کا نزول ہوگا اور اِمام تم میں سے کوئی شخص ہوگا۔‘‘

حضرت جابر بن عبداللّٰہ رضی اللّٰہ عنہ سے روایت ہے کہ آنحضرت صلی اللّٰہ علیہ وسلم نے فرمایا:

’’لا تزال طائفۃ من اُمَّتی یقاتلون علی الحق ظاھرین إلٰی یوم القیامۃ، قال: فینزل عیسَی ابن مریم فیقول امیرھم: تعال صل لنا! فیقول: لا! إن بعضکم علٰی بعض اُمراء، تکرمۃ ھٰذہ الاُمَّۃ۔‘‘

(رواہ مسلم ج:۱ ص:۸۷)

’’میری اُمت کا ایک گروہ ہمیشہ حق کے لئے لڑتا رہے گا اور قیامت تک حق پر قائم رہے گا اور ثابت رہے گا، یہاں تک کہ حضرت عیسیٰ علیہ السلام تشریف لائیں گے، مسلمانوں کا امیر حضرت عیسیٰ علیہ السلام سے کہے گا: آئیے نماز پڑھائیے! حضرت عیسیٰ علیہ السلام فرمائیں گے: نہیں! تمہیں میں سے بعض، بعض کی اِمامت کریں گے۔‘‘

آنحضرت صلی اللّٰہ علیہ وسلم نے فرمایا: حضرت عیسیٰ علیہ السلام کا یہ قول اس اُمت کی فضیلت ظاہر کرنے کے لئے ہوگا۔

حضرت ابوہریرہ رضی اللّٰہ عنہ سے روایت ہے کہ آنحضرت صلی اللّٰہ علیہ وسلم نے فرمایا:

’’میرے اور عیسیٰ علیہ السلام کے درمیان نبی نہیں، اور وہ اُتریں گے جب ان کو دیکھو تو پہچان لو، وہ قامت کے درمیانے ہیں، سرخ وسفید ہیں، دو زَرد کپڑوں میں اُتریں گے، سر کے بال ایسے معلوم ہوں گے کہ گویا ان سے پانی ٹپکتا ہے، اگرچہ پانی نہیں ہوگا، لوگوں سے جہاد کریں گے، صلیبی قوّت توڑ دیں گے، خنزیر کو قتل کریں گے، جزیہ موقوف کریں گے، اس وقت سوائے اسلام کے تمام اَدیان کا خاتم ہوگا، دجال کو ختم کریں گے، زمین میں چالیس برس رہیں گے، پھر وفات پائیں گے اور مسلمان ان پر نماز پڑھیں گے۔‘‘ (۱)

(ابوداؤد ج:۲ ص:۲۳۸)

حضرت عبداللّٰہ بن عمروؓ سے روایت ہے کہ آنحضرت صلی اللّٰہ علیہ وسلم نے فرمایا کہ حضرت عیسیٰ ابن مریم زمین پر اُتریں گے، شادی کریں گے اور اولاد پیدا ہوگی، پینتالیس سال زمین پر ٹھہریں گے، پھر فوت ہوں گے اور میرے مقبرے میں دفن ہوں گے، قیامت کے دن ہم اور عیسیٰ ابن مریم علیہ السلام ایک مقبرے سے اِکٹھے اُٹھیں گے اور ہمارے دائیں بائیں ابوبکر وعمر ہوں گے۔(۲)

حضرت علامہ محی الدین ابن عربیؒ لکھتے ہیں:

’’فی حدیث معراج فلما دخل بجسدہ فإنہ لم یمت إلی الآن بل رفعہ ﷲ إلی ھٰذہ السماء واسکنہ بھا وحکمہ فیھا وھو شیخنا الذی رجعنا علٰی یدہ ولہ بنا عنایۃ عظیمۃ ولا یفضل عنا ساعۃ وارجو ان ادرکہ فی نزولہ إن شاء ﷲ تعالٰی۔‘‘

(فتوحات مکیۃ ج:۲ ص:۳۴۱، باب:۳۶۷)

’’حدیثِ معراج میں ہے کہ وہ داخل ہوئے تو ان کو حضرت عیسیٰ جسم کے ساتھ ملے، کیونکہ وہ اب تک نہیں مرے بلکہ اللّٰہ تعالیٰ نے ان کو آسمان تک اُٹھایا اور اس میں بسایا اور اس کا حکم اس میں چلتا رہا، اور وہ ہمارے سچے شیخ ہیں، جن کے ہاتھ پر ہم نے اللّٰہ تعالیٰ کی طرف رُجوع کیا، ان کو ہم پر مہربانی ہے اور ہم سے وہ غفلت نہیں کرتے، مجھے اُمید ہے کہ اللّٰہ تعالیٰ نے چاہا تو میں ان کے زمین پر نازل ہونے کا زمانہ پالوں گا۔‘‘

(۱)عن ابی ھریرۃ عن النبی صلی ﷲ علیہ وسلم قال: لیس بینی وبینہ یعنی عیسٰی علیہ السلام نبی وانہ نازل فإذا رایتموہ فاعرفوہ رجل مربوع إلی الحمرۃ والبیاض بین ممصرتین کأن رأسہ یقطر وإن لم یصبہ بلل، فیقاتل الناس علی الإسلام فیدق الصلیب ویقتل الخنزیر ویضع الجزیۃ ویھلک ﷲ فی زمانہ الملل کلھا إلَّا الإسلام ویھلک المسیح الدجال فیمکث فی الأرض اربعین سنۃ ثم یتوفی فیصلی علیہ المسلمون۔

(۲) عن عبدﷲ بن عمرو قال: قال رسول ﷲ صلی ﷲ علیہ وسلم: ینزل عیسی ابن مریم إلی الأرض فیتزوج ویولد لہ ویمکث خمسًا وأربعین سنۃ ثم یموت فیدفن معی فی قبری فأقوم أنا وعیسی ابن مریم فی قبر واحد بین ابی بکر وعمر۔ رواہ ابن الجوزی فی کتاب الوفاء۔ (مشکوٰۃ ص:۴۸۰، الفصل الثالث)۔

حکمتِ نزولِ عیسیٰ علیہ السلام بلحاظِ ختمِ نبوّت

عالمِ اَرواح میں جو آنحضرت صلی اللّٰہ علیہ وسلم کے بارے میں انبیائے کرام علیہم السلام سے عہد لیا گیا، اس کا ذِکر قرآن یوں کرتا ہے:

’’وَإِذْ أَخَذَ اللہُ مِیْثَاقَ النَّبِیِّیْنَ لَمَا آتَیْتُکُم مِّن کِتَابٍ وَحِکْمَۃٍ ثُمَّ جَاء کُمْ رَسُولٌ مُّصَدِّقٌ لِّمَا مَعَکُمْ لَتُؤْمِنُنَّ بِہِ وَلَتَنصُرُنَّہُ قَالَ أَأَقْرَرْتُمْ وَأَخَذْتُمْ عَلَی ذَلِکُمْ إِصْرِیْ قَالُواْ أَقْرَرْنَا قَالَ فَاشْہَدُواْ وَأَنَاْ مَعَکُم مِّنَ الشَّاہِدِیْنَ‘‘

(آل عمران:۸۱)

’’یاد کرو اس وقت کو جب لیا اللّٰہ تعالیٰ نے نبیوں سے عہد کہ جو کچھ میں نے دیا کتاب اور حکمت اور پھر آئے تمہارے پاس عظیم الشان رسول تصدیق کرے تمہارے پاس والی کتاب کی، تو اس رسول پر اِیمان لاؤگے اور اس کی مدد کروگے۔ فرمایا: کیا تم نے اِقرار کیا اور اس شرط پر ہمارا عہد قبول کرلیا؟ بولے: ہم نے اِقرار کرلیا! فرمایا: تم اب گواہ رہو اور میں بھی تمہارے ساتھ گواہ ہوں۔‘‘

اس نصرت کے مطابق تمام انبیائے کرام علیہم السلام نے خاتم النّبیین صلی اللّٰہ علیہ وسلم کی نبوّت کو اِعتقاداً اور اِقراراً تسلیم کیا اور نصرت بالواسطہ بھی آنحضرت صلی اللّٰہ علیہ وسلم کی تمام انبیائے کرام نے تصدیق کردی اور اپنی اُمتوں کو آپ صلی اللّٰہ علیہ وسلم کے نبی ہونے اور اِمداد دینے کی تاکید فرمائی۔ تمام انبیائے کرام علیہم السلام آنحضرت صلی اللّٰہ علیہ وسلم کے بارے میں بشاراتِ بعثت دیتے رہے جو کتبِ سماویہ میں موجود ہیں۔ حدیثِ معراج میں آپ صلی اللّٰہ علیہ وسلم نے تمام انبیائے کرام علیہم السلام کی اِمامت فرمائی۔ دُوسری عملی صورت یہ ہوئی کہ آپ صلی اللّٰہ علیہ وسلم سے قریب نبی حضرت عیسیٰ علیہ السلام کو آخری زمانے تک زندہ رکھ کر نبی ہونے کے باوجود اُمتی کی پوزیشن میں خدمتِ دینِ محمدی کے لئے آسمان سے نازل فرمانا طے کیا گیا، تاکہ حضرت عیسیٰ علیہ السلام تمام انبیائے سابقین کے نمائندے کے طور پر شرعِ محمدی کی خدمت ونصرت عملی رنگ میں انجام دیں اور آنحضرت صلی اللّٰہ علیہ وسلم کے فیضانِ نبوّت کو نمایاں کردیں، یہ عملی تکمیل آئندہ کسی نبی کے ذریعے ممکن نہ تھی، کیونکہ آپ صلی اللّٰہ علیہ وسلم کے بعد نبوّت کا دروازہ بند ہے، پس اس طرح نصرتِ دِینِ محمدی کے لئے اللّٰہ تعالیٰ نے انتظام فرمایا۔

حکمتِ نزولِ مسیح علیہ السلام بلحاظِ فتنِ عالمی واِصلاحِ عمومی:

۱:۔۔۔ آپ کے نزول کا ایک مقصد دجالی فتنے کا اِستیصال اور قتلِ دجال ہے، دجال مدعی اُلوہیت ہوگا، اس جرم میں اسے قتل کریں گے اور اس سے آپ کو اللّٰہ ماننے والی قوم بھی باطل قرار پائے گی، اور نصاریٰ کو ذہن نشین ہو جائے گا کہ اللّٰہ تعالیٰ کے سوا کسی اور کو اللّٰہ ماننا ایسا عقیدہ ہے جو موجب سزا قتل ہے۔

۲:۔۔۔ یہود آپ کے قتل اور مصلوب ہونے کے مدعی تھے، جب آپ کے ہاتھوں دجال یہودی اور اس کے ماننے والے قتل کئے جائیں گے تو یہ عملاً یہود کے اس جھوٹے دعوے کی تردید اور سزا ہوگی۔

۳:۔۔۔ کفر وطاغوت کی اِنتہا ہوچکی ہوگی، اِصلاحِ اَحوال کی تمام کوششیں ناکام ہوچکی ہوں گی، پس اس وقت عیسیٰ علیہ السلام کا نزول ہوگا، تاکہ آپ کی ذات سے کفر وطاغوت کا خاتمہ ہو، کیونکہ جتنی بڑی بُرائی ہوگی، اس طرح کی رُوحانی قوّت درکار ہوتی ہے جس سے بُرائی کا خاتمہ ہوسکے گا۔ دجالی فتنہ بہت بڑا ہوگا:’’ما بین خلق آدم إلٰی قیام الساعۃ امر أکبر من الدَّجَّال‘‘ (رواہ مسلم ج:۲ ص:۴۰۵) ’’دجالی فتنے سے بڑا کوئی فتنہ پیدائشِ حضرت آدم علیہ السلام سے قیامت تک نہیں۔‘‘

⭐ :۔۔۔ موجودہ دور کے عالمی فتنوں اور ایٹمی تباہیوں کے بانی یہود اور نصاریٰ ہیں۔

⭐ :۔۔۔ اِشتراکیت کا بانی ’’کارل مارکس‘‘ یہودی ہے۔

⭐ :۔۔۔ ایٹم بم کا موجد ’’شوبن ہار‘‘ یہودی ہے۔

⭐ :۔۔۔ سامراجیت کی بنیاد مسیحی طاقتوں نے قائم کی ہے۔

⭐ :۔۔۔ مسلمانوں کو بگاڑنے والی بھی عیسائی قومیں ہیں۔

اس لئے ضروری ہوا کہ ایک اِسرائیلی پیغمبر جو مسیحی اقوام کا پیشوا ہے انہی کے ہاتھوں ان کی اُمت کے پیدا کردہ فساد کا خاتمہ ہو۔ الغرض! عیسائی اقوام نے مادّی اور سائنسی اور ایٹمی جو فساد بپا کیا ہے اور زمینی قوتیں اس کے مقابلے سے عاجز ہیں اور اَب بجز حضرت عیسیٰ علیہ السلام کے نزول کے بغیر اس کی اِصلاح ناممکن ہے۔ پس اللّٰہ تعالیٰ کی تدبیر نے یہ سارا اِنتظام پہلے سے کر رکھا ہے جو آج عملاً واضح ہوتا جارہا ہے کہ نزولِ مسیح علیہ السلام ضروری ہے۔

(فتاویٰ حکیمیہ ص:۳۳۴ تا ۳۳۷)

نزولِ مسیح علیہ السلام قرآن وسنت کی روشنی میں

سوال:۔۔۔ قرآن وسنت کی روشنی میں بتائیں کہ نزولِ مسیح کی حقیقت کیا ہے؟ ایک مسلمان کو اس پر کیا عقیدہ رکھنا چاہئے؟ اور قادیانی جن احادیث اور آیات سے اپنے موقف کا اِستدلال کرتے ہیں، ان کا کیا جواب ہے؟ مہربانی فرماکر تفصیلی جواب سے نوازیں۔

جواب:۔۔۔ سب سے پہلی بات تو یہ ہے کہ دِینِ اسلام عقلی نہیں بلکہ نقلی ہے، یعنی عقلاً نہیں پہنچا، بلکہ نقلاً پہنچا ہے۔ اور دُوسری بات یہ ہے کہ جن ذرائع سے دِین ہم تک پہنچا ہے، ان پر اِعتقاد کرنا ضروری ہے، کیونکہ قرآن وسنت، فقہ، اُصولِ فقہ، وغیرہ جملہ علوم جو دِین کی معرفت کا سبب ہیں، یہ سب ان کی وساطت سے ملے ہیں۔ تیسری بات یہ ہے کہ قرآن وسنت کو اسلاف نے ہم سب سے بہتر سمجھا ہے، اور وہ سب سے بہتر اور مخلص تھے، کیونکہ حدیثِ نبوی ہے:

’’خیر اُمَّتی قرنی ثم الذین یلونھم ثم الذین یلونھم‘‘

(مشکوٰۃ، باب مناقب الصحابۃ ص:۵۵۳)

چوتھی بات یہ ہے کہ جن مسائل وعقائد پر پوری اُمت کا اِجماع واِتفاق آرہا ہو، اس کو تسلیم کرنا ضروری ہے، لہٰذا ان سب باتوں کو سمجھنے کے بعد اَب ہم تفصیلی جواب عرض کرتے ہیں، اور ان کے ممکنہ اِعتراضات کا جواب بھی دیتے ہیں۔

نزولِ عیسیٰ علیہ السلام پر اِجماعِ اُمت:

حضرت عیسیٰ علیہ السلام کا آسمان کو اُٹھایا جانا، اور اس وقت زندہ ہونا، اور آخری زمانے میں نزول فرمانا، اس پر اِجماعِ اُمت ہے۔ اِمام ابنِ عطیہ سے اِجماع کے یہ الفاظ منقول ہیں:

’’حیات المسیح بجسمہ إلی الیوم ونزولہ من السماء بجسمہ العنصری مما اجمع علیہ الاُمَّۃ وتواتر بہ الأحادیث‘‘

(تفسیر المحیط ج:۲ ص:۷۵۶)

’’حضرت مسیح علیہ السلام کا جسم کے ساتھ اس وقت زندہ ہونا اور جسدِ عنصری کے ساتھ آسمان سے اُتر کر آنا، ایسا عقیدہ ہے جس پر پوری اُمت کا اِتفاق ہے اور آنحضرت صلی اللّٰہ علیہ وسلم کی متواتر اَحادیث سے ثابت ہے۔‘‘

تفسیر جامع البیان میں ’’اِنِّی مُتَوَفِّیكَ‘‘ کے تحت یہ الفاظ نقل کئے گئے ہیں:

’’والإجماع علٰی انہ حیٌّ فی السماء ینزل یقتل الدَّجَّال ویؤَید الدِّین‘‘

(تفسیر جامع البیان ج:۳ ص:۲۹۱، بألفاظ غیرہ)

حضرت اِمام جلال الدین سیوطی رحمۃاللّٰہ علیہ لکھتے ہیں کہ:

’’الإجماع علٰی انہ رفع ببدنہ حیًّا‘‘

’’اس پر اِجماع ہے کہ حضرت عیسیٰ علیہ السلام بدن کے ساتھ زندہ اُٹھائے گئے ہیں۔‘‘

قرآن اور حیاتِ مسیح علیہ السلام:

’’وَمَکَرُواْ وَمَکَرَ اللہُ وَاللہُ خَیْرُ الْمَاکِرِیْنَ‘‘

(آل عمران:۵۴)

’’یہود نے حضرت مسیح علیہ السلام کے خلاف تدبیر کی اور اللّٰہ تعالیٰ نے ان کو بچانے کی تدبیر کی، اللّٰہ تعالیٰ کی تدبیر سب تدبیر کرنے والوں کی تدبیر سے بہتر ہے۔‘‘

اس آیت کا ماحصل یہ ہے کہ یہود نے حضرت مسیح علیہ السلام کے خلاف تدبیر کی کہ ان کو بے عزّت کرکے سولی پر چڑھادیا، لیکن اللّٰہ تعالیٰ کی تدبیر بچانے والی تھی، لہٰذا اللّٰہ تعالیٰ کی تدبیر غالب رہی کہ اللّٰہ تعالیٰ نے ان کو آسمان پر اُٹھالیا اور یہود ان کا بال تک بیکا نہ کرسکے۔

’’إِذْ قَالَ اللہُ یَا عِیْسَی إِنِّیْ مُتَوَفِّیْکَ وَرَافِعُکَ إِلَیَّ وَمُطَہِّرُکَ مِنَ الَّذِیْنَ کَفَرُواْ وَجَاعِلُ الَّذِیْنَ اتَّبَعُوکَ فَوْقَ الَّذِیْنَ کَفَرُواْ إِلَی یَوْمِ الْقِیَامَۃِ ثُمَّ إِلَیَّ مَرْجِعُکُمْ فَأَحْکُمُ بَیْنَکُمْ فِیْمَا کُنتُمْ فِیْہِ تَخْتَلِفُونَ‘‘ (آل عمران:۵۵)

’’جس وقت کہا اللّٰہ تعالیٰ نے: اے عیسیٰ! میں لے لوں گا تجھ کو اور اُٹھالوں گا تجھ کو اپنی طرف اور پاک کردوں گا تجھ کو کافروں سے اور رکھوں گا ان کو جو تیرے تابع ہیں غالب ان لوگوں پر جو اِنکار کرتے ہیں

قیامت کے دن تک، پھر میری طرف تم سب کو آنا ہے، پھر میں فیصلہ کروں گا جس بات میں تم جھگڑتے تھے۔‘‘

لفظ ’’توفی‘‘ کی تفسیر:

التوفی الإماتۃ وقبض الروح وعلیہ إستعمال العامۃ والإستیفاء، واخذ الحق وعلیہ إستعمال البلغا۔ ’’توفی‘‘ کا لفظ عوام کے نزدیک موت دینے اور جان لینے کے لئے اِستعمال ہوتا ہے، لیکن بلغاء کے نزدیک اس کے معنی پورا وصول کرنا اور ٹھیک لینا ہے، گویا موت پر ’’توفی‘‘ کا اِطلاق اور حیثیت سے ہے کہ اس میں کسی خاص عضو سے نہیں، بلکہ پورے بدن سے جان لی جاتی ہے، تو اگر اللّٰہ تعالیٰ نے کسی کی جان بدن سمیت لی تو اس پر ’’توفی‘‘ کا اِطلاق بطریقِ اَولیٰ ہوگا، رُوح مع الجسم لینا ’’توفی‘‘ کے مفہوم میں داخل ہے، عام طور پر چونکہ رُوح بدن کے بغیر لی جاتی ہے اس لئے موت پر بھی ’’توفی‘‘ کا اِطلاق کثرت سے آیا ہے۔

حضرت عیسیٰ علیہ السلام پر لفظِ ’’توفی‘‘ کے اِستعمال کی حکمت:

قرآنِ حکیم نے لفظ ’’توفی‘‘ اس لئے اِستعمال کیا کہ حضرت عیسیٰ علیہ السلام کی حالت چونکہ عام حالات سے مختلف تھی، اس لئے اہم ترین موقع پر بھی اللّٰہ تعالیٰ نے حضرت عیسیٰ علیہ السلام کے حق میں موت کا اِطلاق نہیں کیا، بلکہ لفظ ’’توفی‘‘ کا اِستعمال کیا، جو بیک وقت قبضِ رُوح اور قبضِ رُوح مع الجسم دونوں کو شامل ہے۔ یہ اِستدلال غلط ہے کہ جب فاعل اللّٰہ تعالیٰ ہو اور مفعول ذِی رُوح ہو تو ’’توفی‘‘ موت کے معنی میں ہوگا۔ (نوٹ) بالفرض اگر موت کے معنی کے اندر بھی مان لیا جائے تو حضرت ابنِ عباسؓ کے شاگرد ضحاکؒ نے معالم میں تقدم وتأخر کا قول نقل کیا ہے۔

’’مُتَوَفِّیْکَ‘‘ ’’میں تم کو موت دُوں گا، زمین پر اُتارنے کے بعد۔‘‘

اس کی دلیل یہ ہے، اللّٰہ تعالیٰ نے اِرشاد فرمایا:

’’اللہُ یَتَوَفَّی الْأَنفُسَ حِیْنَ مَوْتِہَا وَالَّتِیْ لَمْ تَمُتْ فِیْ مَنَامِہَا‘‘

(الزمر:۴۲)

’’اللّٰہ تعالیٰ جان لیتا ہے موت کے وقت اور وہ جان بھی لیتا ہے جو نیند کی حالت میں مرے نہیں۔‘‘

فاعل اللّٰہ تعالیٰ ہے اور مفعول ذِی رُوح ہے، مگر لفظ ’’توفی‘‘ کا اِطلاق نیند پر ہو رہا ہے، یعنی ’’توفی‘‘ عدمِ موت پر دلالت کر رہا ہے، پس حضرت عیسیٰ علیہ السلام کے متعلق ’’توفی‘‘ کے لفظ میں موت کا معنی مراد نہیں، بلکہ اُٹھالینے کا معنی مراد ہے۔

یہودی محاصرے کے وقت حضرت عیسیٰ علیہ السلام کی پریشانی کی وجوہات

حضرت عیسیٰ علیہ السلام کو یہودی محاصرے کے وقت جو پریشانی لاحق تھی اس کی وجوہات درج ذیل اُمور کی وجہ سے تھیں کہ میں یہود کی دست بُرد اور جو ر وستم سے بچ جاؤں گا یا نہیں؟ اس کے جواب میں فرمایا گیا:

’’یَا عِیْسَی إِنِّیْ مُتَوَفِّیْکَ‘‘

(آل عمران:۵۵)

’’میں تم کو لے لوں گا اور ان کی دست بُرد سے بچالوں گا۔‘‘

’’وَإِذْ کَفَفْتُ بَنِیْ إِسْرَائِیْلَ عَنکَ‘‘ (المائدۃ:۱۱۰)

’’میں بنی اِسرائیل کو تم تک پہنچنے سے روکوں گا۔‘‘

حضرت عیسیٰ علیہ السلام کو دُوسری یہ تشویش لاحق تھی کہ میرا بچانا زمین کے کسی حصے میں ہوگا، یا کوئی اور صورت ہوگی؟ اس کے جواب میں فرمایا: ’’وَرَافِعُکَ إِلَیَّ‘‘ کہ میں تجھ کو اپنی طرف آسمان پر اُٹھالوں گا۔ تیسری وجہ یہ تھی کہ آپ اپنی والدہ محترمہ کے بارے میں پریشان تھے کہ خاندان والے حضرت مریم علیہا السلام پر داغ لگاتے تھے، اس کے متعلق کیا اِنتظام ہوگا؟ اس کے متعلق فرمایا گیا:

’’وَمُطَہِّرُکَ مِنَ الَّذِیْنَ کَفَرُواْ‘‘ (آل عمران:۵۵)

’’میں منکرین سے تم کو اور تمہاری والدہ کو پاک کردوں گا۔‘‘

کہ میرے اُٹھائے جانے کے بعد میرے متبعین یعنی اُمت کا منکرین کے مقابلے میں کیا حال ہوگا؟ توا للّٰہ تعالیٰ نے جواباً فرمایا کہ:

’’وَجَاعِلُ الَّذِیْنَ اتَّبَعُوکَ فَوْقَ الَّذِیْنَ کَفَرُواْ إِلَی یَوْمِ الْقِیَامَۃِ‘‘ (آل عمران:۵۵)

’’قیامت تک تیرے متبعین تیرے منکرین پر غالب ہوں گے۔‘‘

یہ وعدہ آج بھی ایک حقیقت کی طرح زندہ ہے، قرآنِ حکیم نے یہودیت کے ناپاک عزائم کا اِنکشاف کرکے حیاتِ مسیح علیہ السلام پر روشنی ڈالی ہے:

’’وَبِکُفْرِہِمْ وَقَوْلِہِمْ عَلَی مَرْیَمَ بُہْتَاناً عَظِیْماً. وَقَوْلِہِمْ إِنَّا قَتَلْنَا الْمَسِیْحَ عِیْسَی ابْنَ مَرْیَمَ رَسُولَ اللہِ وَمَا قَتَلُوہُ وَمَا صَلَبُوہُ وَلَـکِن شُبِّہَ لَہُمْ وَإِنَّ الَّذِیْنَ اخْتَلَفُواْ فِیْہِ لَفِیْ شَکٍّ مِّنْہُ مَا لَہُم بِہِ مِنْ عِلْمٍ إِلاَّ اتِّبَاعَ الظَّنِّ وَمَا قَتَلُوہُ یَقِیْناً. بَل رَّفَعَہُ اللہُ إِلَیْہِ وَکَانَ اللہُ عَزِیْزاً حَکِیْماً. وَإِن مِّنْ أَہْلِ الْکِتَابِ إِلاَّ لَیُؤْمِنَنَّ بِہِ قَبْلَ مَوْتِہِ وَیَوْمَ الْقِیَامَۃِ یَکُونُ عَلَیْہِمْ شَہِیْداً‘‘

(النساء:۱۵۶تا۱۵۹)

’’یہود نامسعود کے دِلوں پر بندشِ ہدایت کی مہر لگ چکی ان کے کفر کی وجہ سے اور حضرت مریم علیہا السلام پر بڑا بہتان باندھنے کی وجہ سے اور اس وجہ سے کہ وہ کہتے ہیں کہ ہم نے عیسیٰ بن مریم کو، جو اللّٰہ تعالیٰ کے رسول تھے، قتل کرڈالا، اور انہوں نے ان کو قتل نہ کیا اور نہ ہی سولی پر چڑھایا، لیکن شبہ پڑگیا ان کو، اور جو حضرت عیسیٰ علیہ السلام کے متعلق اِختلاف کرتے تھے وہ شک میں ہیں، ان کو علم نہیں صرف اٹکل پچو پر چلتے ہیں، اور انہوں نے یقینا حضرت عیسیٰ علیہ السلام کو قتل نہیں کیا، بلکہ ان کو اللّٰہ تعالیٰ نے اپنی طرف اُٹھالیا اور وہ غالب اور حکمت والا ہے، اور اہلِ کتاب کا کوئی گروہ نہیں مگر وہ حضرت عیسیٰ پر ان کے وصال سے پہلے اِیمان لائے گا اور وہ ان کے اعمال پر گواہ ہوں گے۔‘‘

آیت کے چند اُمور:

آیت کے مندرجہ ذیل اُمور قابلِ توجہ ہیں:

حضرت عیسیٰ علیہ السلام نہ قتل ہوئے اور نہ ہی سولی پر چڑھائے گئے، قتل اور صلیب کے قائل قطعاً غلطی پر ہیں، جیسے یہود ونصاریٰ وغیرہ۔ ’’وَمَا قَتَلُوہُ یَقِیْناً‘‘ کے بعد ’’بَل رَّفَعَہُ اللہُ إِلَیْہِ‘‘ فرمایا گیا کہ حضرت عیسیٰ علیہ السلام قتل نہیں ہوئے، اللّٰہ تعالیٰ نے ان کو اپنی طرف اُٹھالیا۔ ’’وَمَا قَتَلُوہُ‘‘ اور ’’بَل رَّفَعَہُ اللہُ‘‘ میں ضمیر حضرت عیسیٰ علیہ السلام کی طرف راجع ہے، اور ’’عیسیٰ‘‘ نام ہے جسم اور رُوح کا، یعنی عیسیٰ جو مجموعہ رُوح وجسم کا ہے اس پر قتل واقع نہیں ہوا، بلکہ بجائے قتل کے رَفع اِلی اللّٰہ واقع ہوا ہے۔ یہ ایک حقیقت نفس الامری ہے کہ یہاں جس ذات سے قتل کے نفی ہو رہی ہے، اسی کے لئے رَفع کا اِثبات ہو رہا ہے، اور قتل نہ صرف جسم کا ممکن ہے، اور نہ صرف رُوح کا، بلکہ جسم اور رُوح دونوں کے مجموعے پر قتل واقع ہوسکتا ہے اور قتل کا مفہوم بھی واضح ہے کہ: ’’کسی خارجی مؤثر کے الگ کیا جائے‘‘ پس جب غیرمقتول جسم مع رُوح ہے تو مرفوع الی اللّٰہ بھی جسم ورُوح کا مجموعہ ہوگا، رُوحانی رفع مراد لینا دُرست نہیں ہے، کیونکہ رَفع حضرت عیسیٰ علیہ السلام پر واقع ہوا ہے تو جب تک اس کے خلاف قرینہ نہ ہو تو جسمانی ہی مراد ہوگا، جیسے ’’أَبَوَیْہِ عَلَی الْعَرْشِ‘‘ (یوسف:۱۰۰) حضرت یوسف علیہ السلام نے اپنے والدین کو تخت پر اُٹھالیا، جس کا معنی ومفہوم جسم ورُوح دونوں کا اُٹھانا ہے، نہ کہ والدین کی رُوح کو اُٹھانا ہے۔

’’وَرَفَعْنَا لَکَ ذِکْرَکَ‘‘ (الم نشرح:۴) ’’اے نبی!ہم نے آپ کے ذِکر کو آپ کے لئے بلند کیا۔‘‘

اس آیت میں بھی جہاں رُوحانی طور پر مراد ہوگا وہاں رُوح اور جسم دونوں بھی مراد ہوں گے، واقعہ معراج اس کی عملی تفسیر ہے کہ اللّٰہ تعالیٰ نے جسم مع الروح دونوں کو بلند کیا، ویسے بھی آنحضرت صلی اللّٰہ علیہ وسلم رُوح مع الجسم پوری اُمت پر بلند ہیں، اگر رُوحانی رَفع مراد لیا جائے تو کئی وجوہات کی بنا پر غلط ہے، ہم یہاں پر چند وجوہات کا ذِکر کرتے ہیں۔ مجاز کو بلاقرینہ اِختیار کرنا دُرست ہے، اس کے برعکس قرینہ کی موجودگی کے باوجود مجاز کا اِختیار کرنا غلط ہے۔ عدم قرینہ کی بنا پر مجاز کا اِختیار کرنا دُرست ہے، لیکن قرآنِ حکیم میں جہاں بھی رَفع اِستعمال ہوا ہے، وہاں اس کا قرینہ موجود ہے:

’’یَرْفَعِ اللہُ الَّذِیْنَ آمَنُوا مِنکُمْ وَالَّذِیْنَ أُوتُوا الْعِلْمَ دَرَجَاتٍ‘‘

(المجادلۃ:۱۱)

اس مقام پر جسمانی رفع مراد ہی نہیں، بلکہ رُوحانی یعنی دِینی رَفع مراد ہے، لہٰذا یہاں پر درجات بطور لفظ قرینہ موجود ہے۔

’’تِلْکَ الرُّسُلُ فَضَّلْنَا بَعْضَہُمْ عَلَی بَعْضٍ مِّنْہُم مَّن کَلَّمَ اللہُ وَرَفَعَ بَعْضَہُمْ دَرَجَاتٍ‘‘

(البقرۃ:۲۵۳)

اس آیت میں بھی رفعِ جسمانی مراد نہیں، بلکہ درجات بطور لفظ قرینہ موجود ہے۔

’’وَرَفَعْنَا بَعْضَہُمْ فَوْقَ بَعْضٍ دَرَجَاتٍ‘‘(الزخرف:۳۲) یہاں بھی درجات بطور قرینہ لفظاً موجود ہے۔ اس کے برعکس: ’’وَمَا قَتَلُوہُ یَقِیْناً. بَل رَّفَعَہُ اللہُ إِلَیْہِ‘‘ کا مطلب واضح ہے کہ یہود نے حضرت عیسیٰ علیہ السلام کو قتل نہیں کیا، بلکہ اللّٰہ تعالیٰ نے ان کو اپنی طرف اُٹھالیا۔ اگر رُوحانی رفع مراد لیا جائے تو معنی یہ ہوا کہ یہود نے حضرت عیسیٰ علیہ السلام کو قتل نہیں کیا، بلکہ اللّٰہ تعالیٰ نے ان کا

مرتبہ بلند کیا جو خلافِ حقیقت ہونے کے ساتھ قرآن میں تحریف ہوگی۔

نکتہ:۔۔۔ میرا رُوحانی رفع مراد لینے والوں سے سوال ہے کہ کیا حضرت عیسیٰ علیہ السلام اس واقعہ سے چالیس سال قبل پیغمبر کی حیثیت سے زمین پر نہیں رہے تھے؟ جب رہے تھے تو اس وقت ان کو مرتبے کی بلندی حاصل نہیں تھی؟ ہر حال میں تھی، اور جب یہ ایک حقیقت ہے کہ پیغمبر کو آغاز سے ہی مرتبے کی بلندی حاصل ہوتی ہے تو پھر اس کڑے وقت میں محض رُوحانی بلندی کی تخصیص کا کیا فائدہ؟ اُمید قوی ہے کہ عقلِ سلیم رکھنے والوں کے لئے اس میں وافر مقدار میں نصیحت وعبرت موجود ہے، جو وہ سمجھنے کے بعد حق کو پالیتے ہیں۔ آغاز سے ہی مرتبے کی بلندی ہونے کے باوجود یہاں پر بھی محض مرتبے کی بلندی مراد لینے سے ایسی تخصیص بے فائدہ ہوگی۔

’’وَمَا قَتَلُوہُ یَقِیْناً. بَل رَّفَعَہُ اللہُ إِلَیْہِ‘‘ (النساء) میں لفظ ’’بل‘‘ کا اِستعمال بھی قابلِ توجہ ہے، لفظ ’’بل‘‘ کا اِستعمال دو مقابل چیزوں میں ہوتا ہے، لہٰذا یہاں اگر رَفع سے رُوحانی رَفع اور مرتبے کی بلندی مراد لی جائے تو مقابلہ فوت ہوجائے گا، جس سے لفظ ’’بل‘‘ کا اِستعمال غلط ہونے پر معنی یہ ہوگا کہ: ’’یہود نے حضرت عیسیٰ کو مصلوب ومقتول نہیں کیا، بلکہ اللّٰہ تعالیٰ نے ان کا مرتبہ بلند کیا۔‘‘ اس وجہ سے کہ اگر کوئی پیغمبر یا مؤمن ناحق مقتول ومصلوب ہوجائے تو وہ شہید ہوگا، اور شہید کا مرتبہ بلند ہوتا ہے، تو اس کا مقابلہ ’’بَل رَّفَعَہُ اللہُ إِلَیْہِ‘‘ کے لئے دُرست ہوگا۔ یہ مرزاقادیانی کی بدترین تحریف ہے جو بائبل کے خلاف جاتی ہے، حقیقتاً یہ ہے کہ اللّٰہ تعالیٰ نے رُوحانی رَفع ہر نبی ورسول کو عطا کیا ہے، خصوصاً نبی اکرم صلی اللّٰہ علیہ وسلم کو پوری کائنات میں سب سے بڑھ کر رُوحانی رَفع عطا فرمایا، اگر رُوحانی رَفع کا معنی ہوتا اور رَفع جسمانی مراد نہ ہوتا تو ’’بَل رَّفَعَہُ اللہُ إِلَیْہِ‘‘ کے الفاظ ہر نبی کے حق میں مذکور ہوتے۔ بالخصوص آنحضرت صلی اللّٰہ علیہ وسلم کے حق میں یہ الفاظ وارِد نہ ہونا اس چیز کی دلیل ہے کہ اس آیت سے مراد حضرت عیسیٰ علیہ السلام کا رَفع جسمانی ہے اور یہ رَفع جسمانی حضرت عیسیٰ علیہ السلام کے ساتھ ہی خاص ہے۔ اس آیت کے آخری الفاظ بھی دال ہیں:

’’وَإِن مِّنْ أَہْلِ الْکِتَابِ إِلاَّ لَیُؤْمِنَنَّ بِہِ قَبْلَ مَوْتِہِ‘‘ اس میں قدرت وقوّت کا اِظہار کیا گیا ہے، لفظ ’’عزیز‘‘ رفع جسمانی پر دلالت کر رہا ہے، لفظ ’’حکیماً‘‘ بھی اسی طرف اِشارہ کر رہا ہے، یعنی اللّٰہ تعالیٰ کا آسمان پر اُٹھانا حکمت پر مبنی ہے، آیتِ کریمہ کا خطاب خود دلیل ہے:

’’وَإِن مِّنْ أَہْلِ الْکِتَابِ إِلاَّ لَیُؤْمِنَنَّ بِہِ قَبْلَ مَوْتِہِ‘‘

(النساء:۱۵۹)

یعنی اہلِ کتاب کا کوئی فرقہ نہ ہوگا مگر حضرت عیسیٰ علیہ السلام پر اِیمان لائیں گے موت سے پہلے۔ ’’بِہٖ‘‘ اور ’’مَوْتِہٖ‘‘ دونوں ضمیروں کا مرجع عیسیٰ ہے۔ لفظ ’’لَیُؤْمِنَنَّ‘‘ میں نون تاکید ثقیلہ ہے اور فعل مضارع کو مستقبل سے مختص کرتا ہے۔ لہٰذا اس مضمونِ آیت کا تعلق نزولِ قرآن کے مابعد زمانے سے ہے، اور ایسے زمانے سے ہے کہ حضرت مسیح کو اہلِ کتاب سے زمینی تعلق قائم رہے، تاکہ وہ آپ کے ہاتھ پر اِسلام قبول کرسکیں۔ پس ہمارا دعویٰ آیتِ کریمہ سے ہی ثابت ہوگیا کہ حضرت مسیح علیہ السلام کا نزول برحق ہے، حضرت ابوہریرہ رضی اللّٰہ عنہ فرماتے ہیں:

’’فاقرؤُا إن شئتم: وَإِن مِّنْ أَہْلِ الْکِتَابِ إِلاَّ لَیُؤْمِنَنَّ بِہٖ‘‘

(رواہ البخاری والمسلم، مشکوٰۃ ص:۴۷۹، الفصل الاوّل، باب نزول عیسیٰ علیہ السلام)

اس حدیث کا مطلب یہی ہے کہ نزولِ مسیح من السماء کے بعد اہلِ کتاب ان پر اِیمان لائیں گے۔ ’’مَوْتِہٖ‘‘ کی ضمیر اہلِ کتاب کی طرف لوٹانا صحیح نہیں ہے۔

وجہ:۔۔۔ اہلِ کتاب کی طرف نہ لوٹانے کی وجہ یہ ہے کہ انتشار ضمائر شان بلاغت کے خلاف ہے۔ ’’مَوْتِہٖ‘‘ کی قید لگانے سے معنی یہ ہوگا کہ ہر کتابی اپنے مرنے سے پہلے حضرت عیسیٰ علیہ السلام پر اِیمان لائے گا، حالانکہ اِیمان تو مرنے سے پہلے لایا جاتا ہے، جیسے: نماز، روزے کو مرنے سے پہلے ادا کیا جاتا ہے۔ مرنے سے پہلے اِیمان لائیں گے ایسا ہے جیسے کوئی یہ کہے کہ: ’’میں نے روٹی کھائی مرنے سے پہلے‘‘، ’’پانی پیا مرنے سے پہلے‘‘ یہ ایک حقیقت کے خلاف ہے کہ حالتِ نزع میں اِیمان لانا تو معتبر بھی نہیں ہے، اگر حالتِ نزع کے وقت اِیمان کو معتبر تسلیم کرلیا جائے تو فرعون کا اِیمان بھی معتبر تسلیم کرنا پڑے گا، جس کا تصوّر کرنا بھی عبث ہے۔ اس کے علاوہ نزع کے وقت تو ہر کافر اپنے نبی پر اِیمان لاتا ہے، تو حضرت عیسیٰ علیہ السلام کے ساتھ اس امر کی تخصیص کرنے کا کیا فائدہ ہوا؟ لہٰذا ’’مَوْتِہٖ‘‘ میں ضمیر کا مرجع حضرت عیسیٰ علیہ السلام کو ہی ماننے سے قرآنی مفہوم صحیح ہوگا، ورنہ نہیں۔

’’وَإِنَّہُ لَعِلْمٌ لِّلسَّاعَۃِ فَلَا تَمْتَرُنَّ بِہَا وَاتَّبِعُونِ ہَذَا صِرَاطٌ مُّسْتَقِیْمٌ. وَلَا یَصُدَّنَّکُمُ الشَّیْطَانُ إِنَّہُ لَکُمْ عَدُوٌّ مُّبِیْنٌ‘‘ (الزخرف) ’’ (حضرت عیسیٰ علیہ السلام) قیامت کی نشانی ہیں، قیامت میں شک نہ کرو، اور میری پیروی کرو، یہی سیدھی راہ ہے، شیطان تم کو اس بات کے ماننے سے نہ روکے، وہ تمہارا کھلا دُشمن ہے۔‘‘

حضرت عیسیٰ علیہ السلام کا قیامت کی علامت ہونے کی وجہ

حضرت عیسیٰ علیہ السلام کے قیامت کی علامت ہونے کی تین وجوہات ہوسکتی ہیں، جو یہ ہیں:

۱:۔۔۔ بلاباپ پیدائش۔

۲:۔۔۔ مُردوں کو دوبارہ زِندہ کرنا۔

۳:۔۔۔ نزول یعنی آسمان سے نازل ہونا۔

ان تینوں وجوہات کی بنا پر آپ کی شخصیت کا آسمان سے نازل ہونا قربِ قیامت کی نشانی ٹھہرایا گیا۔ ’’إِنَّہُ‘‘ کی ضمیر کا مرجع حضرت عیسیٰ علیہ السلام ہیں، علامہ ابنِ جریرؒ نے اس آیت کی تفسیر میں ایک متواتر حدیث نقل کی ہے کہ آسمان سے حضرت عیسیٰ علیہ السلام کا قیامت سے پہلے نزول ہوگا، اسی وجہ سے آپ کے آسمان سے نازل ہونے کو علامت قربِ قیامت قرار دیا گیا ہے۔ محض بلاباپ ہونے کی بنا پر نہیں بلکہ آسمان سے نازل ہونے کی بنا پر حضرت عیسیٰ علیہ السلام کو قربِ قیامت کی علامت ٹھہرایا گیا اور یہی مدد اِلٰہی ہے کہ حضرت عیسیٰ علیہ السلام کا آسمان سے قربِ قیامت میں نزول ہے جو اس عقیدے سے روک دے وہ شیطان ہے۔’’یَصُدَّنَّکُمُ الشَّیْطَانُ‘‘ تم کو حضرت عیسیٰ علیہ السلام کے آسمان سے نازل ہونے کے عقیدے سے شیطان روک نہ دے، لہٰذا

ثابت ہوا کہ حضرت عیسیٰ علیہ السلام کا آسمان سے نازل ہونے کو نہ ماننا فعل شیطانی ہے اور روکنے والا اور نہ ماننے والا شیطان ہے۔

’’إِذْ قَالَتِ الْمَلآئِکَۃُ یَا مَرْیَمُ إِنَّ اللہَ یُبَشِّرُکِ بِکَلِمَۃٍ مِّنْہُ اسْمُہُ الْمَسِیْحُ عِیْسَی ابْنُ مَرْیَمَ وَجِیْہاً فِیْ الدُّنْیَا وَالآخِرَۃِ وَمِنَ الْمُقَرَّبِیْنَ‘‘

(آل عمران:۴۵)

’’اس وقت کو یاد کرو جبکہ فرشتوں نے کہا کہ اے مریم! بے شک اللّٰہ تعالیٰ تم کو بشارت دیتے ہیں، ایک کلمے کی جو من جانب اللّٰہ ہی ہوگا، اس کا نام مسیح ابنِ مریم ہوگا، بآبرو ہوں گے دُنیا میں اور آخرت میں اور من جملہ مقربین میں سے ہوں گے۔‘‘

اس آیت میں حضرت عیسیٰ علیہ السلام کو مقرّب فرمایا گیا ہے۔

’’لَّن یَسْتَنکِفَ الْمَسِیْحُ أَن یَکُونَ عَبْداً لِّٰلہِ وَلاَ الْمَلآئِکَۃُ الْمُقَرَّبُونَ‘‘

(النساء:۱۷۲)

’’مسیح کو اللّٰہ تعالیٰ کے بندے ہونے سے عار نہیں اور نہ ملائکہ مقربین کو عار ہے۔‘‘

قرب سے مراد جسمی وحسی وسماوی ہے۔ علامہ فخرالدین رازی رحمۃاللّٰہ علیہ لکھتے ہیں کہ حضرت عیسیٰ علیہ السلام کو مقربین میں سے لیا گیا ہے جو اس اَمر کی دلیل ہے کہ حضرت عیسیٰ علیہ السلام آسمان پر ملائکہ کی صحبت میں ہیں۔

(فتاویٰ حکیمیہ ص:۳۳۸-۳۴۴)

نزولِ عیسیٰ علیہ السلام کا ثبوت تواتر سے

سوال:۔۔۔ نزولِ عیسیٰ علیہ السلام بوقتِ قیامت کیا آیتِ قرآنیہ سے ثابت ہے، اگر ثابت ہے تو کس آیت سے؟ اگر نہیں ثابت ہے، اس پر تواتر ہے یا اِجماع ہے یا نہیں؟ اس کا اِنکار باعثِ کفر ہے یا نہیں؟

جواب:۔۔۔حامدًا ومصلیًا! اکثر مفسرین نے آیتِ قرآنی: ’’وَإِن مِّنْ أَہْلِ الْکِتَابِ إِلاَّ لَیُؤْمِنَنَّ بِہِ قَبْلَ مَوْتِہِ وَیَوْمَ الْقِیَامَۃِ یَکُونُ عَلَیْہِمْ شَہِیْداً‘‘ (النساء:۱۵۹) میں ضمیر کو حضرت عیسیٰ علیہ السلام کی طرف راجع قرار دے کر اس سے نزولِ عیسیٰ علیہ السلام مراد لیا ہے۔ چنانچہ بخاری شریف کی روایت بھی اسی کی تائید کرتی ہے:

’’عن ابن شھاب ان سعید بن المسیب سمع ابا ھریرۃ قال: قال رسول ﷲ صلی ﷲ علیہ وسلم: والذی نفسی بیدہ! لیوشکن ان ینزل بینکم ابن مریم حکمًا عدلًا یکسر الصلیب ویقتل الخنزیر ویضع الحرب ویفیض المال حتّٰی لا یقبلہ احد، حتّٰی تکون السجدۃ الواحدۃ خیر من الدُّنیا وما فیھا۔ ثم یقول ابو ھریرۃ: واقرؤُا إن شئتم: وَإِن مِّنْ أَہْلِ الْکِتَابِ إِلاَّ لَیُؤْمِنَنَّ بِہِ قَبْلَ مَوْتِہِ وَیَوْمَ الْقِیَامَۃِ یَکُونُ عَلَیْہِمْ شَہِیْداً‘‘ (بخاری ج:۱ ص:۴۹۰)

اور آیتِ قرآنی: ’’وَإِنَّہُ لَعِلْمٌ لِّلسَّاعَۃِ فَلَا تَمْتَرُنَّ بِہَا وَاتَّبِعُونِ ہَذَا صِرَاطٌ مُّسْتَقِیْمٌ‘‘ (الزخرف:۶۱) کی ایک قراء ت: ’’لَعَلَم للساعۃ‘‘ (بفتح اللام) ہے، یعنی نزولِ عیسیٰ علیہ السلام علاماتِ قیامت میں سے ہے۔ قال مجاھد وانہ لعلم للساعۃ ای آیۃ للساعۃ خروج عیسَی ابن مریم علیہ السلام قبل یوم القیامۃ وھٰکذا روی عن ابی ھریرۃ وابن عباس وابی

العالیۃ وابی مالک وعکرمۃ والحسن وقتادۃ وضحاک وغیرھم (عقیدۃ الإسلام)۔

نیز اَحادیثِ متواترہ سے بھی نزولِ عیسیٰ علیہ السلام ثابت ہے، چنانچہ ابنِ کثیرؒ نے اپنی تفسیر میں اس کی صراحت کی ہے:

’’وإنہ سینزل قبل یوم القیامۃ کما دلَّت علیہ الأحادیث المتواترۃ التی سنوردھا إن شاء ﷲ قریبًا۔‘‘

(تفسیر ابن کثیر مع البغوی ج:۲ ص:۱۴)

اس مسئلے سے متعلق بہت سے رسائل چھپ چکے ہیں، مثلاً: التصریح بما تواتر فی نزول المسیح، عقیدۃ الإسلام فی حیات عیسٰی علیہ السلام وغیرہ کا مطالعہ کرلیا جائے۔

عقیدۂ نزولِ عیسیٰ علیہ السلام پر اِیمان لانا فرض ہے، اس کا اِنکار کفر ہے، اور اس کی تأویل کرنا زَیغ وضلال اور کفر واِلحاد ہے۔

’’فالإیمان بھا واجب والإنکار عنھا کفر والتأویل فیھا زیغ وضلال وإلحاد نزل اھل الإسلام فی حیاۃ عیسٰی علیہ الصلاۃ والسلام‘‘

(مقدمۃ عقیدۃ الإسلام ص:۳۱)

(فتاویٰ محمودیہ ج:۱۲ ص:۱۴۶ تا ۱۴۸)

نزولِ رُوحانی کی نہیں، جسمانی کی ضرورت ہے

سوال:۔۔۔ اسلامی دوران یعنی رسالتِ محمدیہ میں نزولِ جسمانی ابنِ مریم کی کیا ضرورت ہے؟ بنی آدم پر تسلط شیطانی رُوحانی ہے، جس کے دفعیہ کے لئے نزولِ مسیح بھی رُوحانی ہونا چاہئے، مسیحیوں کا خود عقیدہ ہے کہ مسیح کا نزولِ ثانی جلالی ہوگا۔

شیخ قاسم علی اوورسیئر

جواب:۔۔۔ جتنے انبیائے کرام علیہم السلام آئے ہیں، وہ ایسے ہی اوقات میں آئے کہ شیطان کا لوگوں پر غلبہ تھا۔’’اسْتَحْوَذَ عَلَیْہِمُ الشَّیْطَانُ‘‘ (المجادلۃ:۱۹) تو کیا انبیاء کی پیدائش جسمانی تھی یا رُوحانی؟ ’’وَجَعَلْنَا لَہُمْ أَزْوَاجاً وَذُرِّیَّۃً‘‘ (الرعد:۳۸) ۔ مسیحیوں کا عقیدہ جلالی کے معنی ہیں: باحکومت۔ ہمارا بھی یہی عقیدہ ہے، بلکہ ہمارے زمانے کے غیراَصلی مسیح قادیانی کا بھی یہی عقیدہ ہے، ملاحظہ ہو: ’’براہین احمدیہ‘‘ (ص:۴۹۹، خزائن ج:۱ ص:۵۹۳)، اور ’’اِزالہ اوہام‘‘ (ص:۱، خزائن ج:۳ ص:۵۱)۔

(فتاویٰ ثنائیہ ج:۲ ص:۱۵۲،۱۵۳)

نزولِ عیسیٰ علیہ السلام کے متعلق قرآن وحدیث کی وضاحت

سوال:۔۔۔ حضرت عیسیٰ علیہ السلام کے نزول کے بارے میں میرے اور بہت سے اَحباب کے ذہنوں میں کافی

اُلجھن پائی جاتی ہے، میں نے اس موضوع پر تمام احادیث کا بھی بڑی باریک بینی سے مطالعہ کیا ہے، قرآن کا بھی، لیکن میں نے ان دونوں چیزوں میں بڑا تضاد پایا ہے، یا پھر ہماری عقلِ ناقص کا قصور ہے۔

قرآنی آیات واحادیث سے قطع نظر سب سے پہلے اگر ہم عقلی دلائل سے اسی عقیدے کا جائزہ لیں تو کیا یہ بات سامنے نہیں آتی کہ یہ عقیدہ شیعوں اور یہودیوں سے منتقل ہوکر ہماری جماعت میں آگیا ہے، تمام مذاہب میں یہ عقیدہ کسی نہ کسی شکل میں پایا جاتا ہے، نزولِ عیسیٰ اور زِندہ اُٹھائے جانے کے بارے میں قرآن خاموش ہے، اور اَحادیث میں ملتا ہے، لیکن تضاد ہے۔

اِمام الہند مولانا ابوالکلام آزادؒ، اِمامِ اِنقلاب مولانا عبیداللّٰہ سندھیؒ وغیرہ جیسی اہم شخصیات بھی حضرت عیسیٰ علیہ السلام کے نزول کی منکر ہیں۔ میرے خیال میں عقیدۂ ختمِ نبوّت اور عقیدۂ نزولِ مسیح ایک جگہ جمع نہیں ہوسکتے۔ کیا یہ بات اِسرائیلی روایات سے منتقل ہوکر تو ہمارے پاس نہیں آگئی؟ حضرت عیسیٰ علیہ السلام کی وفات اور سولی پر چڑھانے کی سمجھ آتی ہے، مگر رَفع کی سمجھ نہیں آتی۔ اگر حضرت عیسیٰ علیہ السلام آئیں گے تو کیا کریں گے؟

میری گزارش پر تنقیدی نگاہ ڈال کر قرآن وحدیث کی روشنی میں اپنے حتمی خیالات سے آگاہ فرمائیں۔

ڈاکٹر ہمایوں مرزا، سیالکوٹ

جواب:۔۔۔ محترم ڈاکٹر ہمایوں مرزا صاحب! السلام علیکم ورحمۃ اللّٰہ وبرکاتہ

آپ کے خط میں اُٹھائے گئے نکات پر ہماری دیانت دارانہ رائے یہ ہے کہ آپ نے صرف ایک پہلو پر نظر فرمائی ہے جو منفی ہے، اور مثبت پہلو سے صَرفِ نظر فرمائی ہے، جبکہ ناقد کے لئے دونوں پر نظر رکھنا لازم ہوتا ہے۔ میں مختصراً ہی کچھ لکھ سکوں گا، تفصیلاً ان موضوعات پر سب کچھ لکھا جاچکا ہے۔ آپ جیسے حساس آدمی کی نظر سے اوجھل نہ ہونا چاہئے۔

آپ نے حضرت عیسیٰ علیہ السلام کے بارے میں اپنی جس اُلجھن کا ذِکر فرمایا ہے، اگر اس کے بارے میں قرآنی آیات، احادیث یا باقی معلومات جو آپ کے ذہن اور مطالعے میں محفوظ ہیں، اگر آپ ان کو ذِکر فرمادیتے تو غور وفکر کی راہیں کھلتیں اور اِفہام وتفہیم میں سہولت ہوتی۔ آپ کے دلائل کا وزن بھی معلوم ہوتا اور ہمیں غور کرنے کے لئے کوئی نکتہ ہاتھ آتا۔

آپ نے لکھا ہے:

’’میں نے اس موضوع کی تمام احادیث کا بھی بڑی باریک بینی سے مطالعہ کیا ہے ، اور اس بارے میں قرآن کیا کہتا ہے، وہ بھی میری نظر سے گزرا ہے، لیکن میں نے ان دونوں میں بڑا تضاد پایا ہے۔‘‘

(ملخصاً)

لیکن آپ نے پورے خط میں کوئی ایک تضاد بھی ثبوت میں پیش نہیں کیا، جس کا مطلب یہ ہے کہ: ’’آیات واحادیث میں ہرگز کوئی تضاد نہیں، تضاد آپ کے ذہن اور فہم میں ہے۔‘‘

قرآنی آیات واحادیث سے قطع نظر، آپ مسلمان ہیں، قرآنی آیات واحادیث سے آپ ایک آن کے لئے بھی قطع نظر نہیں کرسکتے، تاوقتیکہ اللّٰہ ورسول کے حکم سے آزاد ہوجائیں۔ عقلی دلائل قرآن وسنت کے بعد آتے ہیں۔ یاد رکھیں! عقل چراغِ راہ

ہے، منزل نہیں ہے۔ بہت افسوس ہے کہ آپ بلادلیل ان عقائد کو یہودیوں کی طرف سے فرما رہے ہیں۔ جناب! یہود ونصاریٰ ہوں یا کوئی اور، اسلام دُوسروں کی ہر بات کو رَدّ نہیں کرتا، وہ تو اہلِ کتاب کو دعوت دیتا ہے:

’’قُلْ یَا أَہْلَ الْکِتَابِ تَعَالَوْاْ إِلَی کَلَمَۃٍ سَوَاء بَیْنَنَا وَبَیْنَکُمْ أَلاَّ نَعْبُدَ إِلاَّ اللہَ وَلاَ نُشْرِکَ بِہِ شَیْئاً وَلاَ یَتَّخِذَ بَعْضُنَا بَعْضاً أَرْبَاباً مِّن دُونِ اللہِ‘‘

(آل عمران:۶۴)

’’ایسی بات کی طرف آؤ جو ہم میں تم میں یکساں (مشترک) ہے، یہ کہ ہم اللّٰہ کے سوا کسی کی عبادت نہ کریں اور اس کا شریک کسی کو نہ کریں، اور ہم میں کوئی ایک دُوسرے کو رَبّ نہ بنائے اللّٰہ کے سوا۔‘‘

دیکھا! کتابی کافروں سے ایک نکتۂ وحدت پر متحد ہونے کی فرمائش ہو رہی ہے۔ کیا یہود ونصاریٰ یا ہندو، پارسی کوئی بھی خدا کو ماننے کا اِعلان کرے تو ہم اس کی اس بات سے انکار کریں گے؟ اگر وہ جان ومال، عزّت کی حرمت کا اِعلان کریں تو ہم مخالفت کریں گے؟ اگر وہ انبیائے کرام ۔۔۔علیہم السلام۔۔۔ کی نبوّت ورِسالت اور قیامت پر اِیمان لانے کا اِعلان کریں تو ہم ان باتوں میں بھی ان کی مخالفت کریں گے؟ اگر کوئی یہودی، بدکاری، شراب، جوا، قتلِ ناحق، سود، رِشوت وغیرہ کے خلاف تحریک چلائے تو ہم ان بُرائیوں کی حمایت کریں گے کہ یہودیت ہے؟ قرآنِ کریم نے واضح حکم دیا ہے:

’’وَتَعَاوَنُواْ عَلَی الْبرِّ وَالتَّقْوَی وَلاَ تَعَاوَنُواْ عَلَی الإِثْمِ وَالْعُدْوَانِ‘‘

(المائدۃ:۲)

’’نیکی اور پرہیزگاری میں ایک دُوسرے کی مدد کرو، اور گناہ وزیادتی میں ایک دُوسرے کی مدد مت کرو۔‘‘

پس اِسرائیلی روایات تمام کی تمام نہ قابلِ رَدّ ہیں، نہ قابلِ تسلیم، جو اِسلامی اَحکام وروایات کے موافق ہیں، ان کو تسلیم کیا جائے گا، جو مخالف ہیں، ان کو رَدّ کیا جائے گا۔ رسول اللّٰہ صلی اللّٰہ علیہ وسلم فرماتے ہیں:

’’حدثوا عن بنی إسرائیل ولا حرج۔‘‘ (ترمذی ج:۲ ص:۹۱)

’’بنی اِسرائیل سے باتیں نقل کرو، کوئی حرج نہیں۔‘‘

کیا یہ عقیدہ یہود یا شیعہ سے نقل ہوکر ہمارے ہاں آگیا ہے؟

آپ کا یہ فرمانا کہ:

’’حیاتِ مسیح یا اِمام مہدی کا عقیدہ شیعہ اور یہود سے ہوکر ہماری جماعت میں آگیا ہے۔‘‘

دُرست نہیں۔ نہ اس پر آپ نے کوئی ثبوت دیا، نہ حوالہ، جبکہ صحیح احادیث سے یہ دونوں باتیں ثابت ہیں اور حیاتِ مسیح کا مسئلہ تو خود قرآنِ کریم میں موجود ہے۔

آپ کا یہ فرمانا بھی غلط ہے کہ:

’’قرآنِ کریم حضرت عیسیٰ علیہ السلام کے زِندہ اُٹھائے جانے اور دوبارہ نزول کے متعلق بالکل

خاموش ہے، یہ عقیدہ ہمیں صرف اور صرف احادیث میں ملتا ہے۔‘‘

جی نہیں! آپ کو مغالطہ ہوا ہے، یہودی، مسیح علیہ السلام کے دُشمن تھے، انہوں نے آپ کو گرفتار کرنے اور قتل کرنے کا منصوبہ بنایا، جسے اللّٰہ تعالیٰ نے اپنی قدرت سے ناکام کردیا، قرآن میں ان کے اس قول کو َردّ کیا گیا ہے کہ:

’’إِنَّا قَتَلْنَا الْمَسِیْحَ عِیْسَی ابْنَ مَرْیَمَ رَسُولَ اللہِ وَمَا قَتَلُوہُ وَمَا صَلَبُوہُ وَلَـکِن شُبِّہَ لَہُمْ… بَل رَّفَعَہُ اللہُ إِلَیْہِ‘‘

(النساء:۱۵۷،۱۵۸)

’’ہم نے مسیح اللّٰہ کے رسول کو قتل کیا ہے، حالانکہ حقیقت یہ ہے کہ انہوں نے نہ اس کو قتل کیا، نہ آپ کو سولی دی، بلکہ ان کے لئے ان کی شبیہ کا ایک بنادیا گیا ۔۔۔۔۔۔۔۔ (پھر فرمایا) بلکہ اللّٰہ نے ان کو اپنی طرف اُٹھالیا۔‘‘

پھر اِرشاد فرمایا:

’’وَإِن مِّنْ أَہْلِ الْکِتَابِ إِلاَّ لَیُؤْمِنَنَّ بِہِ قَبْلَ مَوْتِہِ‘‘

(النساء:۱۵۹)

’’کوئی اہلِ کتاب میں سے ایسا نہیں جو ان کی موت سے پہلے ان پر اِیمان نہ لائے۔‘‘

’’رَفع‘‘ یعنی اُٹھانے کا لفظ قرآن میں کہیں وفات اور موت کے معنی میں اِستعمال نہیں ہوا تو یہاں بھی موت کے معنی میں نہیں، بلکہ رَفع یعنی اُوپر اُٹھانے کے معنی میں ہی اِستعمال ہوا ہے جو اس کا حقیقی معنی ہے۔

احادیثِ مقدسہ:۔۔۔ حضرت نواس بن سمعان رضی اللّٰہ عنہ سے روایت ہے کہ رسول اللّٰہ صلی اللّٰہ علیہ وسلم نے علاماتِ قیامت میں سے دجال کا ذِکر فرمایا، اس کے شعبدے بیان فرمائے، اسی اثنا میں آگے چل کر آپ نے فرمایا:

’’ھو کذالک إذ بعث ﷲ المسیح بن مریم فینزل عند المنارۃ البیضاء شرقی دمشق بین مھرودتین واضعًا کفَّیہ علٰی اجنحۃ ملَکین إذا طاْطاَ رأسہ قطر وإذا رفعہ تحدر منہ جمان کاللؤْلؤْ فلا یحل لکافر یجد من ریح نفسہ إلَّا مات ونفسہ ینتھی حیث ینتھی طرفہ فیطلبہ حتّٰی یدرکہ بباب لد فیقتلہ ثم یأتی عیسٰی قوم قد عصمھم ﷲ منہ فیمسح عن وجوھھم ویحدثھم بدرجاتھم فی الجنَّۃ۔۔۔۔۔۔۔۔۔۔‘‘

(الصحیح المسلم ج:۲ ص:۴۰۱)

’’دجال اسی حال میں ہوگا کہ اچانک اللّٰہ تعالیٰ مسیح بن مریم علیہ السلام کو بھیجے گا، وہ جامع دمشق کے سفید مشرقی منارے کے پاس اُتریں گے، زَرد رنگ کی دو چادروں میں ملبوس، دو فرشتوں کے پروں پر ہاتھ رکھے ہوئے، سر جھکائیں تو پسینے کے قطرے گریں گے اور جب سر اُٹھائیں گے تو موتیوں کی طرح قطرے جھڑیں گے، ان کے سانس کی خوشبو جو کافر سونگھے گا، مرجائے گا، ان کے سانس وہاں تک پہنچیں گے جہاں تک ان کی نگاہ پہنچے گی، آپ دجال کو تلاش کریں گے، بابِ لُدّ کے پاس اسے پکڑ کر قتل کردیں گے، پھر عیسیٰ

علیہ السلام ان لوگوں کے پاس تشریف لائیں گے جن کو اللّٰہ تعالیٰ نے اس سے بچایا ہوگا، ان کے چہروں سے غبار پونچھیں گے اور جنت میں ان کے درجے انہیں بتائیں گے۔‘‘

علاماتِ قیامت کے بارے میں طویل حدیث کا صرف متعلقہ حصہ ہم نے نقل کردیا ہے۔ نیز رسول اللّٰہ صلی اللّٰہ علیہ وسلم فرماتے ہیں:

’’لا یدخل المدینۃ رعب المسیح الدجال ولھا یومئذ سبعۃ ابواب علٰی کل باب ملَکان۔‘‘

(صحیح بخاری ج:۲ ص:۱۰۵۵)

’’مسیحِ دجال کا رُعب مدینہ منوّرہ میں داخل نہ ہوگا، اس دن مدینہ منوّرہ کے سات دروازے ہوں گے، ہر دروازے پر دو فرشتے پہرہ دیں گے۔‘‘

آقائے دوجہان صلی اللّٰہ علیہ وسلم فرماتے ہیں کہ مسیحِ دجال مدینہ منوّرہ کے نواح میں آئے گا:

’’ترجف ثلاث رجفات فیخرج إلیہ کل کافر ومنافق۔‘‘

(ایضًا)

’’مدینہ منوّرہ میں تین زلزلے آئیں گے جن کے نتیجے میں ہر کافر ومنافق اس کی طرف چل نکلے گا۔‘‘

حضرت عبداللّٰہ بن عمرؓ فرماتے ہیں: رسول اللّٰہ صلی اللّٰہ علیہ وسلم لوگوں میں کھڑے ہوئے، اللّٰہ تعالیٰ کے شایانِ شان حمد وثنا فرمائی، پھر دَجال کا ذِکر فرمایا اور فرمایا: میں تمہیں اس کے بارے میں خبردار کرتا ہوں اور کوئی نبی ایسا نہیں گزرا جس نے اپنی قوم کو اس سے خبردار نہ کیا ہو، لیکن میں تمہارے سامنے اس کے متعلق ایسی بات کہتا ہوں جو کسی نبی نے اپنی قوم کو نہیں بتائی:

’’إنَّہ اعور، وإن ﷲ لیس بأعور۔‘‘

(ایضًا)

’’بے شک وہ کانا ہے، جبکہ اللّٰہ اس عیب سے پاک ہے۔‘‘

رسول اللّٰہ صلی اللّٰہ علیہ وسلم فرماتے ہیں:

’’فینزل عیسَی ابن مریم فإذا رآہ عدو ﷲ ذاب کما یذوب الملح فی الماء فلو ترکہ لانذاب حتّٰی یھلک ولٰکن یقتلہ ﷲ بیدہ فیریھم دمہ فی حربتہ۔‘‘

(الصحیح المسلم ج:۲ ص:۳۹۲)

’’عیسیٰ علیہ السلام اُتریں گے، لوگوں کی اِمامت فرمائیں گے، جب ان کو اللّٰہ کا دُشمن (دجال) دیکھے گا تو پگھلنے لگے گا جیسے پانی میں نمک حل ہوتا ہے، اگر آپ اسے چھوڑ دیں تو پگھل کر ہی ہلاک ہوجائے، لیکن اللّٰہ تعالیٰ اس کو آپ کے ہاتھ سے قتل کرے گا، پھر اس کا خون نیزے میں لگا ہوا لوگوں کو دِکھائے گا۔‘‘

اِختصار کے پیشِ نظر یہ چند صحیح احادیث پیش کی گئی ہیں، اب ایک مسلمان تو اپنے نبی صلی اللّٰہ علیہ وسلم کے فرمان پر اِعتماد ویقین کرتا ہے، رہے آپ کے اِمامانِ اِنقلاب۔۔۔! تو ان کے دلائل آپ تلاش کرکے ہمیں بھی بتائیں، ہمیں اپنے آقا صلی اللّٰہ

علیہ وسلم کے فرمان پر اِطمینان ہے اور ہم اس کے خلاف کسی رائے کو ذرّہ بھر وقعت نہیں دیتے، بلکہ بالکل سرے سے وقعت ہی نہیں دیتے اور اسے پائے حقارت سے ٹھکراتے ہیں۔

آپ کے تمام خدشات کا جواب ہوگیا ہے، لیکن حرف بہ حرف ظاہر ہے کہ ہمیں بیسیوں صفحات پُر کرنا پڑے، جس کے لئے ہمارے پاس وقت بھی نہیں، فرصت بھی نہیں اور کسی اُصول کی پابندی نہ کرنے والے حضرات کی آرا پر وقت ضائع کرنا ضروری بھی نہیں۔ اگر ان باتوں پر کسی کے پاس قرآن وسنت سے یا کم از کم عقل سے ہی کوئی مضبوط دلیل ہے تو پیش کرے۔ ویسے بولتے چلے جانا اور نصوص کی پروا نہ کرنا، کسی مسلمان کی رَوِش نہیں۔ ہم نے جو لکھا، باحوالہ لکھا ہے، ہم اپنے عقائد پر مطمئن ہیں، اللّٰہ تعالیٰ سب کو ہدایت واِطمینان دے، آمین۔

واللّٰہ اعلم!

عبدالقیوم خان

(منہاج الفتاویٰ ج:۱ ص:۴۴۷-۴۵۳)

نوٹ:۔۔۔ مولانا ابوالکلام آزاد، یا مولانا عبیداللّٰہ سندھی ۔۔۔رحمہما اللّٰہ۔۔۔ کی طرف نزولِ مسیح کے اِنکار کی نسبت بھی قادیانی دجل کا شاہکار ہے۔ یہ دونوں حضرات جمیع اُمتِ مسلمہ کی طرح حیات ونزولِ مسیح کے قائل تھے۔

(مرتب)

بیان اِمام الہند مولانا ابوالکلام آزاد

عرصہ ہوا، میں نے مرزاقادیانی کا نوشتہ ’’براہین احمدیہ‘‘ (ص:۴۹، خزائن ج:۱ ص:۵۹۳) میں پڑھا تھا کہ آیت: ’’ہُوَ الَّذِی اَرسَلَ رَسُولَہُ بِالہُدٰی وَدِینِ الحَقِّ لِیُظہِرَہٖ عَلَی الدِّینِ كُلِّہٖ‘‘ سیاسی طور پر حضرت عیسیٰ علیہ السلام کے حق میں ہے، جب حضرت عیسیٰ علیہ السلام دوبارہ اس دُنیا میں آئیں گے تو سب اَدیان پر اِسلام کو غلبہ ہوگا۔‘‘ میں، بلکہ بہت سے مسلمان، مرزاقادیانی کی اس تحریر کے مطابق حضرت عیسیٰ علیہ السلام کی آمد کے منتظر رہے، جب ہماری آنکھیں پتھراگئیں تو خداخدا کرکے قادیان سے آواز آئی کہ جس عیسیٰ موعود کے تم منتظر تھے وہ میں ہوں، تو بیساختہ ہمارے منہ سے نکلا:

1. خواستیم آنچہ ما فراز آمد

   آب از جوئے رفتہ باز آمد

اس لئے ہم اس سیاسی غلبے کے منتظر رہے جو جناب مرزاقادیانی نے ’’براہین احمدیہ‘‘ کے صفحہ:۴۹۹، خزائن ج:۱ ص:۵۹۳ پر مسیحِ موعود (کی آمد سے متعلق) لکھا تھا اور ہم بہت خوش تھے کہ اب مسلمانوں کو ایک ایسا رُوحانی لیڈر مل گیا، جو اُن کو اِسلام کے پہلے عروج پر بلکہ اس سے بھی اُوپر پہنچائے گا، مگر واقعات نے ثابت کردیا کہ:

جو آرزو ہے اس کا نتیجہ ہے انفعال

اب آرزو یہ ہے کہ کوئی آرزو نہ ہو!

آہ! ہماری بدنصیبی اور سیاہ بختی کی کوئی حد نہیں رہی، جبکہ ہم نے اس مسیحِ موعود کو یہ کہتے سنا جو ہم کو غیروں کی غلامی سے آزاد

کرانے اور دِینِ اسلام کو بامِ عروج پر پہنچانے کو آیا تھا، اس کی قلم کے لکھے ہوئے الفاظ جب ہم نے پڑھے کہ: ’’انگریزوں کی حکومت کو اُولِی الاَمرِ مِنكُم کی حکومت سمجھو‘‘

(رسالہ ’’ضرورتِ امام‘‘ بہ تعبیرِ الفاظ، ص:۲۳، خزائن ج:۱۳ ص:۴۹۳)۔

ساتھ ہی اس کے یہ امر ہماری حیرت میں اِضافہ کرنے کو کافی سے زیادہ ثابت ہوا، جب ہم نے ان کی تحریروں میں یہ بھی پڑھا کہ:’’إنّ یأجوج ومأجوج ھم النصاریٰ من الروس والأقوام البرطانیۃ ۔ انگریزی قوم یأجوج مأجوج ہے۔‘‘

(حمامۃ البشریٰ ص:۲۸، خزائن ج:۷ ص:۲۰۹،۲۱۰)

ہم حیران ہوئے کہ اِلٰہی! یہ دو مقدمات کیسے صحیح ہیں۔۔۔؟

1:۔۔۔ انگریز یأجوج مأجوج ہیں۔ 2:۔۔۔ انگریز ہمارےاُولِی الاَمرِ مِنكُم ہیں۔

ان دونوں مقدموں کا نتیجہ منطقی اُصول سے تو یہی برآمد ہوتا ہے کہ ہم (مرزائی، یا مرزا کو ماننے والے) یأجوج مأجوج کے متبع ہیں، واللّٰہ! یہ نتیجہ سمجھ کر ہمارے دِل کانپ اُٹھے کہ اِلٰہی! یہ کیا ماجرا ہے؟ وہ عیسیٰ مسیحِ موعود جو مسلمانوں کے سیاسی غلبے اور دِینی ترقی کے لئے آئے تھے، انہوں نے آج اپنے اَتباع کو یأجوج مأجوج کے ماتحت رہنے کا، بلکہ ان کو اپنے میں سے جاننے کا حکم دیتے ہیں، یا للعجب۔۔۔!

اس کے علاوہ ہم نے دُنیا کے واقعات پر غور کیا تو ناقابلِ تردید صداقت یہ پائی کہ مرزاقادیانی کے پیدا ہونے اور دعویٔ مسیحیت کرنے سے پہلے مسلمانوں کی سیاسی حالت جو تھی، وہ آج سے بہت اچھی تھی، دُنیا کے بہت سے ملکوں میں ان کی آزاد حکومتیں تھیں، ان کو سیاسی اِعزاز حاصل تھا، مگر جوں ہی مسیحِ موعود نے ظہور فرمایا، وہ سیاسی کیفیت تبدیل ہونے لگی، یہاں تک کہ یہ منحوس آواز بھی ہم نے سنی کہ قسطنطنیہ پر غیر مسلمانوں کا قبضہ ہوگیا، جو بہادر، جواںمرد ۔۔۔غیرمسیحِ موعود۔۔۔ کی ہمت سے اُٹھ گیا،لِلّٰہِ الْحَمْدُ!

یہ تو ہوئی مسلمانوں کی سیاسی کیفیت! اس کے علاوہ مذہبی کیفیت میں بھی اسلام کچھ ترقی نہ کرسکا۔ نہ مسلمانوں کی مردُم شماری میں نمایاں ترقی ہوئی، نہ سیاسی اُمور میں کچھ کامیاب ہوئے، بلکہ جس مذہبِ عیسویت کو مٹانے کے لئے ۔۔۔فرضی۔۔۔ حضرت مسیحِ موعود تشریف لائے تھے، اس کی دِن دُگنی، رات چوگنی ترقی ہوئی۔ دُور نہ جائیں اور کبوتر کی طرح ہم آنکھیں بند نہ کریں، تو ہم کو مسیحِ موعود مرزاقادیانی کے اپنے ملک میں نظر آتا ہے کہ ان کے دعوے سے پہلے عیسائی چند نفوس تھے، مگر آج صرف پنجاب میں نصف کروڑ کے قریب پہنچ گئے ہیں۔

یہ ہیں واقعات جو ہم کو مرزاقادیانی کے مذہبی اور ملکی رہنما بنانے میں مانع ہیں، اور بے ساختہ ہمارے قلم سے یہ شعر نکل رہے ہیں:

1. یہ مان لیا ہم نے کہ عیسیٰ سے سوا ہو

   جب جانیں کہ در ودل عاشق کی دوا ہو

(اہلحدیث امرتسر ص:۴، ۱۲؍صفر ۱۳۴۳ھ)

(فتاویٰ ثنائیہ ج:۱ ص:۳۷۵ تا ۳۷۷)

خروجِ دجال ونزولِ عیسیٰ علیہ السلام

سوال:۔۔۔ پنجاب کے بعض عالم کہتے ہیں کہ دجال کا کچھ وجود نہیں، دجال یہی حاکم ظالم ہیں، اور جنت ونار اس کی ہی ریل گاڑی ہے، اور حضرت عیسیٰ علیہ السلام فوت ہوگئے، عیسیٰ موعود میں ہوں، اس واسطے علمائے دِین دار اہلِ سنت والجماعت سے اِستفتاء ہے کہ پنجاب کے اس عالم کے یہ اقوال سچ ہیں یا محض غلط؟ بیان کرو کہ عوام کا شک وشبہ رفع ودفع ہوجائے۔

جواب:۔۔۔ آنحضرت صلی اللّٰہ علیہ وسلم سے بارہ تیرہ صحابی وصحابیہ حذیفہ بن اُسید الغفاری وابوہریرہ وعمران بن حصین وعبداللّٰہ بن مسعود وانس بن مالک وحذیفہ بن یمان ونواس بن سمعان وابوسعید خدری وابی بکرہ وفاطمہ بنت قیس وعبداللّٰہ بن عمر وابی عبیدۃ بن الجراح واسماء بنت یزید بن السکن ومغیرہ بن شعبہ ۔۔۔رضی اللّٰہ عنہم۔۔۔ روایت کرتے ہیں کہ قربِ قیامت کے دجال ظاہر ہوگا، اور شبیہ عبدالعزیٰ بن قطن کے ہوگا، کہ یہ مشرکین میں سے گزرا ہے، اور وہ مثل اَبر کے تمام دُنیا میں پھیل جائے گا اور قیام اس کا چالیس دن ہوگا۔ ایک دن مثل برس کے، اور ایک دن مہینے بھر کا ہوگا، اور ایک دن ہفتے بھر کا ہوگا، باقی دن اپنے حال پر بدستور رہیں گے۔ صحابہؓ نے عرض کیا کہ: برس دن کی نماز کیونکر اَدا ہوگی؟ آیا ایک دن کی نماز کافی ہوگی؟ فرمایا: نہیں! وقت کا اندازہ کرکے پانچوں نمازیں پڑھتے رہنا۔ اور مشکوٰۃ شریف، باب العلامات بین یدی الساعۃ وذکر الدجال ص:۴۷۴ میں دجال کا اَحوال دیکھنا چاہئے، یہاں ایک دو حدیثیں نقل کی جاتی ہیں، اور دجال کے بعد حضرت عیسیٰ علیہ السلام اُتریں گے اور وہ دجال کو قتل کریں گے۔ اور مشکوٰۃ میں ایک خاص باب نزول عیسیٰ علیہ السلام کا منعقد کیا ہے، سب اَحوال عیسیٰ علیہ السلام کے نزول کا اس باب میں دیکھنا چاہئے اور عیسیٰ علیہ السلام کے نزول کا بیان صحیح بخاری ومسلم وغیرہ میں مفصلاً مذکور ہے اور قرآن شریف میں سورۂ زُخرف سے نازل ہونا حضرت عیسیٰ علیہ السلام کا صاف واضح ہوتا ہے۔وانہ ای عیسٰی لعلم للساعۃ تعلم بنزولہ وقرأ ابن عباس بفتحتین للمبالغۃ کذا فی الکمالین۔ (۱) اور اسی طرح سے تفسیر مدارک وبیضاوی وکبیر ومعالم وغیرہ میں مذکور ہے۔

وانہ بدر ستیکہ عیسیٰ علیہ السلام لعلم للساعۃ علم است مرساعت را یعنی بدو بدانیند، کہ نزدیک است قیامت چہ یکے از علامات قیامت نزولِ عیسیٰ علیہ السلام است کہ بعد از تسلط دجال از آسمان برزمین فرود آید، نزدیک منارۂ بیضاء درطرف شرقی دمشق وجامہ رنگین پوشیدہ باشد وہر دو کف دست خود را بر بالہائے دو فرشتہ نہادہ در رخسارہ مبارکش عرق کردہ چون سر درپیش افگند قطرات از وریش ریزان گردد وچوں سر بالا کند آں قطرہا بر روئے وے چون مروارید روان شود، ونفس وے بر ہر کافر کہ رسد، مبیرد، وہر جا کہ چشم وے افند نفس وے برسد، پس در طلب دجال رواں گردد، در بابِ لُدّ کہ موضعے است در ولایتِ شام بد ورسد واورا بکشد انگہ یاجوج ماجوج بیروں آیند، وعیسیٰ علیہ السلام بکوہ طور بر ومومناں را وآنجا متحصن گردد، القصہ چوں معلوم شد، کہ عیسیٰ علیہ السلام نشانہ قربِ قیامت است، کذا فی التفسیر الحسینی۔

(۱) اور وہ یعنی عیسیٰ علیہ السلام قیامت کی نشانی ہیں، آپ کے نازل ہونے سے قیامت کے وقت کا قرب معلوم ہوجائے گا۔ عبداللّٰہ بن عباسؓ ’’لعلم‘‘ کو مبالغے کے لئے بفتحتین پڑھتے تھے، کمالین میں ایسا ہی منقول ہے۔

اور اس آیت کی مفسر حدیثیں صحاحِ ستہ کی ہیں،کما لا یخفی علی الماہر بھٰذا الفن، س منکر نزول حضرت عیسیٰ علیہ السلام کا فاسق ہے، بلکہ کافر، کیونکہ صریح نص کا منکر ہے اور تأویل اس کی باطل اور مردود وخلاف سبیلِ مؤمنین کے ہے۔ ’’وَمَن یُشَاقِقِ الرَّسُولَ مِن بَعْدِ مَا تَبَیَّنَ لَہُ الْہُدَی وَیَتَّبِعْ غَیْرَ سَبِیْلِ الْمُؤْمِنِیْنَ نُوَلِّہِ مَا تَوَلَّی وَنُصْلِہِ جَہَنَّمَ‘‘ (۱) (النساء:۱۱۵) کا مصداق ہے۔ وانہ لعلم للساعۃ وان عیسٰی العلم للساعۃ ای شرط من اشراطھا تعلم بہ فسمی الشرط الدال علی الشیء علما لحصول العلم بہ وقرأ ابن عباس یعلم وھو العلامۃ انتھی ما فی التفسیر الکبیر مختصرًا وانہ لعلم للساعۃ یعنی نزول من اشراط الساعۃ تعلم بہ وقرأ ابن عباس وابوھریرۃ وقتادۃ وانہ لعلم للساعۃ بفتح اللام والعین ای امارۃ وعلامۃ۔ انتھی ما فی معالم التنزیل۔ (۲)

مشکوٰۃ کے ’’باب العلامات بین یدی الساعۃ وذکر الدجال‘‘ (ص:۴۷۳) میں ہے:

’’عن النواس بن سمعان رضی ﷲ عنہ قال: ذکر رسول ﷲ صلی ﷲ علیہ وسلم الدَّجَّال فقال: إن یخرج وانا فیکم فأنا حجیجہ دونکم، وإن یخرج ولست فیکم فأمرؤٌ حجیج نفسہٖ وﷲ خلیفتی علٰی کل مسلم، انہ شاب قطط عینہ طافیۃ کأنی اشبہہ بعبدالعزَّی بن قطن، فمن ادرکہ منکم فلیقرأ علیہ فواتح سورۃ الکھف، وفی روایۃ: فلیقرأ علیہ بفواتح سورۃ الکھف فإنھا جوارکم من فتنتہ، إنہ خارج خلۃ بین الشام والعراق، فعاث یمینًا وعاث شمالًا، یا عبادﷲ فاثبتوا! قلنا: یا رسول ﷲ! وما لبثہ فی الأرض؟ قال: اربعون یومًا، یوم کسنۃ، ویوم کشھر، ویوم کجمعۃ، وسائر ایامہ کأیامکم۔ قلنا: یا رسول ﷲ! فذالک الیوم الذی کسنۃ ایکفینا فیہ صلاۃ یوم؟ قال: لا! اقدروا لہ قدرہ۔ قلنا: یا رسول ﷲ! وما إسراعہ فی الأرض؟ قال: کالغیث استدبرتہ الریح فیأتی علی القوم فیدعوھم فیؤْمنون بہ فیأمر السماء فتمطر والأرض فتنبت، فتروح علیھم سارحتھم اطول ما کانت ذری واسبغہ ضروعًا وامدہ خواصر ثم یأتی القوم فیدعوھم فیردون علیہ قولہ فینصرف عنھم فیصبحون ممحلین لیس بأیدیھم شیء من اموالھم، ویمر بالخربۃ فیقول لھا: اخرجی کنوزک! فتتبعہ کنوزھا کیعاسیب النحل، ثم یدعو

(۱) جو آدمی واضح ہدایت، واضح ہوجانے کے بعد بھی رسول کی نافرمانی کرے اور اِیمانداروں کی راہ چھوڑ کر کوئی اور راہ اِختیار کرے تو ہم اس کو جدھر جاتا ہے، جانے دیں گے اور بالآخر اس کو جہنم میں ڈال دیں گے۔

(۲) اور وہ قیامت کا ایک نشان ہیں، یعنی عیسیٰ علیہ السلام قیامت کی نشانیوں میں سے ایک نشانی ہیں، ان کے آنے سے قیامت کا وقت قریب ہونا معلوم ہوجائے گا، شرط دال علی الشیء کو علم سے تعبیر کیا، کیونکہ ان کے آنے سے قیامت کا علم ہوجائے گا، عبداللّٰہ بن عباسؓ نے اس کو علم پڑھا ہے، جس کے معنی نشانی ہیں، تفسیر کبیر کا خلاصہ ختم ہوا۔ عیسیٰ علیہ السلام کا نزول قیامت کی نشانیوں میں سے ہے۔ عبداللّٰہ بن عباسؓ، ابوہریرہؓ، قتادہؒ وغیرہ نے اس کو علم پڑھا، ہے، جس کے معنی علامت اور نشانی ہے۔

ممتلیا شبابًا فیضربہ بالسیف فیقطعہ جزلتین رمیۃ الغرض ثم یدعوہ فیقبل ویتھلل وجھہ یضحک فبینما ھو کذالک إذ بعث ﷲ المسیح بن مریم فینزل عند المنارۃ البیضاء شرقی دمشق بین مھزودتین واضعًا کفیہ علٰی اجنحۃ ملَکین إذا طأطأَ راْسہ قطر وإذا رفعہ تحدر منہ مثل جمان کاللؤْلؤْ، فلا یحل لکافر یجد من ریح نفسہ إلا مات، ونفسہ ینتھی حیث ینتھی طرفہ، فیطلبہ حتّٰی یدرکہ بباب لُدّ فیقتلہ ثم یأتی عیسٰی قوم قد عصمھم ﷲ منہ فیمسح عن وجوھھم ویحدثھم بدرجاتھم فی الجنَّۃ، فبینما ھو کذالک إذ اوحی ﷲ إلٰی عیسٰی إنِّی قد اخرجت عبادًا لی لا یدان لأحد بقتالھم، فحرز عبادی إلی الطور، فیبعث ﷲ یأجوج ومأجوج وھم من کل حدب ینسلون، فیمر اوائلھم علٰی بحیرۃ طبریۃ فیشربون ما فیھا ویمر آخرھم فیقول: لقد کان بھٰذہ مرۃ ماء، ثم یسیرون حتّٰی ینتھوا إلی الجبل الخمر وھو جبل بیت المقدس فیقولون: لقمت قتلنا من فی الأرض ھلم فلنقتل من فی السماء! فیرمون بنشابھم إلی السماء فیرد ﷲ علیھم نشابھم مخضوبۃ دمًا ویحصر نبی ﷲ واصحابہ حتّٰی یکون راس الثور لأحدھم خیرًا من مائۃ دینار لأحدکم الیوم، فیرغب نبی ﷲ عیسٰی واصحابہ فیرسل ﷲ علیھم النغف فی رقابھم فیصبحون فرسی کموت نفس واحدۃ ثم یھبط نبی ﷲ عیسٰی واصحابہ إلی الأرض فلا یجدون فی الأرض موضع شبر إلَّا ملأہ زھمھم ونتنھم فیرغب نبی ﷲ عیسٰی واصحابہ إلی ﷲ فیرسل ﷲ طیرًا کأعناق البخت فتحملھم فتطرحھم حیث شاء ﷲ ………………… ثم یرسل ﷲ مطرًا لا یکِنُّ منہ بیت مدر ولا وبر فیغسل الأرض حتّٰی یترکھا کالزلفۃ ثم یقال للأرض: انبتی ثمرتک وردی برکتک فیومئذ تاکل العصابۃ من الرُّمَّانۃ ویستظلون بقحفھا ویبارک فی الرسل حتی ان اللقحۃ من الإبل لتکفی الفئام من الناس واللقحۃ من البقر لتکفی القبیلۃ من الناس، واللقحۃ من الغنم لتکفی الفخذ من الناس، فیناھم کذالک إذ بعث ﷲ ریحًا طیبۃ فتأخذھم تحت آباطھم فتقبض روح کل مؤْمن وکل مسلم ویبقی شرار الناس یتھارجون فیھا تھارج الحمر فعلیھم تقوم الساعۃ۔‘‘

(رواہ مسلم ج:۲ ص:۴۰۱، ۴۰۲، باب ذکر الدَّجَّال، الروایۃ الثانیۃ، وھی قولھم تطرحھم النھبل إلٰی قولہ سبع سنین، رواہ الترمذی)

ترجمہ:۔۔۔ ’’حضرت نواس بن سمعانؓ کہتے ہیں کہ آنحضرت صلی اللّٰہ علیہ وسلم نے دجال کا ذِکر کیا، پس فرمایا: اگر وہ میری موجودگی میں ظاہر ہوا تو تم سب کی طرف سے میں اس سے جھگڑوں گا، اگر میرے

بعد نکلا، تو ہر شخص خود اس سے جھگڑے گا، اور اللّٰہ میرا خلیفہ ہے ہر مسلمان پر۔ وہ دجال جوان ہوگا، گھونگریالے بال والا، اس کی آنکھ نکلی ہوئی ہوگی، یعنی کانا ہوگا، بس ایسا ہوگا، جیسے عبدالعزیٰ بن قطن کو جانتے ہو، سو جو اس کو پائے، تو اس پر سورۂ کہف کی اِبتدائی آیتیں ضرور پڑھ لے، کیونکہ وہ اس کے فتنے سے اس کو بچائیں گی، وہ شام اور عراق کے درمیان میں سے نکلنے والا ہے، اور داہنے بائیں (گویا ہر طرف) دوڑنے والا ہے، سو اللّٰہ کے بندو! ثابت رہنا۔ ہم نے عرض کیا: یا رسول اللّٰہ! وہ زمین میں کس قدر ٹھہرا رہے گا؟ فرمایا: چالیس دن! ایک دن سال بھر کا، ایک دن مہینہ بھر کا، ایک دن ہفتہ بھر کا، اور باقی دن یہ تمہارے معمول کے دن ہوں گے۔ ہم نے عرض کیا: حضرت! تو اس سال بھر کے دن میں ایک دن کی نماز ہم کو کافی ہوگی؟ فرمایا: نہیں! ان معمولی دنوں کے اندازے سے پڑھتے رہنا (اور مہینے اور ہفتے بھر کا دِن بھی اسی قیاس پر) ہم نے پوچھا: حضرت! اس کا جلد جلد پھرنا زمین میں کیسا ہوگا؟ فرمایا: جیسے ہوا اَبر کو پھیلاتی ہے، سو وہ دجال ایک قوم کے پاس آئے گا، اور ان کو اپنے دِین طرف بلائے گا، وہ اس کا کہنا مان لیں گے، تو آسمان کو حکم کرے گا، خوب بارش ہوگی، اور زمین میں سبزی خوب اُگے گی، اور ان کے مویشی کھاکھاکر خوب پلیں گے، اور دُودھیلے ہوں گے۔ اور ایک قوم کے پاس آئے گا، ان کو بھی اپنی طرف بلائے گا، وہ اس کا کہنا نہ مانیں گے، وہاں سے چلا آئے گا، اور وہاں بارش بند ہوجائے گی، اور وہ لوگ نہایت مفلس ہوجائیں گے، پاس کچھ بھی تو نہ رہے گا۔ اور کھنڈرات میں جائے گا، اس کو کہے گا: اپنے سب خزانے نکال! تو سب کے سب دفینے نکل کر اس کے ساتھ شہد کی مکھیوں کی طرح ہولیں گے۔ اور پھر ایک جوان کو بلائے گا، اور پھر اس کو تلوار سے مار کر دو ٹکڑے کردے گا، اور اِدھر اُدھر نشانے کی طرف پھینک دے گا، اور پھر اس کو بلاکر دوبارہ مارے گا، اور وہ شخص منہ چمکتا ہوا ہنسے گا۔ سو دجال اسی اوج موج میں ہوگا کہ اتنے میں اللّٰہ تعالیٰ مسیح عیسیٰ بن مریم علیہما السلام کو (آسمان سے) اُتارے گا، سو وہ دو رنگین کپڑے پہنے ہوئے دمشق کے شرقی سفید منارے پر اُتریں گے، دو فرشتوں کے بازوؤں پر ہاتھ رکھے ہوئے، سر کو جھکائیں گے تو پسینے کے قطرے گریں گے، اور جب سر اُٹھائیں گے تو موتیوں کے سے قطرے اُتریں گے، سو جس کافر کو ان کے سانس کی بو پہنچے گی، بس مرہی جائے گا، اور جہاں تک ان کی نظر پہنچے گی،و ہیں تک ان کا سانس پہنچے گا، سو اس کو بابِ لُدّ پر پاکر مار ڈالیں گے۔ فقط۔‘‘

یہ ترجمہ ہم نے نواس بن سمعان رضی اللّٰہ عنہ کی حدیث کا بقدرِ ضرورت کیا ہے، سو سائل کو ثبوت خروجِ دجال لعنہ اللّٰہ اور نزول حضرت عیسیٰ مسیح ابن مریم علیہما السلام میں کافی وافی شافی ہے، جس کو تفصیل درکار ہو، مشکوٰۃ شریف میں پورے باب کو تحقیق کی نظر سے دیکھ لے۔ یہی خلاصہ صحاحِ ستہ وغیرہ کتبِ حدیث کا ہے۔ اگر کوئی نہ مانے تو اس کو اِختیار ہے۔ اور وہ بعض عالم پنجاب کے

جو اس کے خلاف قائل ہیں، وہ نادان، جاہل وپاگل اور کاذب ہیں، بلکہ اہلِ علم کے زُمرے کی بو سے بھی بے نصیب اور محروم ہیں، اور من جملہ فرَقِ اہلِ اِلحاد ہیں، نعوذ باﷲ من شرہ!

حررہٗ ابواِسماعیل یوسف حسین الخائفوری عفی عنہ

’’وَاِنَّہُ لَعِلمٌ لِّلسَّاعَۃِ‘‘ اور بے شک عیسیٰ علیہ السلام خبر دینے والے ہیں قیامت کی، یعنی ان کا اُترنا آسمان سے ایک نشانی ہے قیامت کی، دجال کے پیدا ہونے کے بعد حضرت عیسیٰ علیہ السلام آئیں گے، اور دَجال کو قتل کریں گے، پھر یأجوج مأجوج پیدا ہوکر سارے عالم کو خراب کریں گے، حضرت عیسیٰ علیہ السلام مؤمنوں کو لے کر کوہِ طور پر جاکر چھپیں گے، غرضیکہ حضرت عیسیٰ علیہ السلام نشانی ہیں قیامت کی، تمام ہوئی عبارت شاہ عبدالقادر دہلوی رحمۃاللّٰہ علیہ کی۔

پس پنجاب کا وہ عالم بلاشبہ نصوصِ مذکورہ بالا کا منکر ملحد ہے، بلکہ کافر، کما لا یخفی علی الماھر بالشریعۃ الغراء۔

حررہٗ خادم العلماء الطاف حسین فاضل پوری

فی الواقع جواب اوّل ودوم بلاریب صحیح ہے، کیونکہ قریب قیامت کے ظاہر ہونا دَجال کا، بعد اس کے اُترنا حضرت عیسیٰ علیہ السلام کا آسمان سے، اور قتل کرنا دجال کا برحق ہے، اور منکر اس کا ضال ومضل وملحد وبددِین اور مخالف اِجماع مسلمین کا ہے، چنانچہ کتبِ صحاحِ ستہ ودیگر کتبِ سیر اس پر شاہدِ عدل ہیں، اور تأویل مرزاقادیانی اور اس کے حواری کی نزدیک اہلِ حق کے باطل ومردود ہے۔

سیّد محمد نذیر حسین

(فتاویٰ نذیریہ ج:۱ ص:۱۲ تا ۱۷)

✨ 🌟 ✨

بابِ دوازدہم

بعد نزولِ عیسیٰ علیہ السلام کی حیثیت نبی کی یا اُمتی؟

عیسیٰ علیہ السلام بحیثیت نبی کے تشریف لائیں گے یا بحیثیت اُمتی کے؟

سوال:۔۔۔ حضور صلی اللّٰہ علیہ وسلم کے دور میں حضرت عیسیٰ علیہ السلام تشریف لائیں گے، کیا حضرت عیسیٰ علیہ السلام بحیثیت نبی تشریف لائیں گے یا حضور صلی اللّٰہ علیہ وسلم کے اُمتی ہونے کی حیثیت سے؟ اگر آپ بحیثیت نبی تشریف لائیں گے تو حضور صلی اللّٰہ علیہ وسلم ’’خاتم النّبیین‘‘ کیسے ہوئے؟

جواب:۔۔۔ حضرت عیسیٰ علیہ السلام جب تشریف لائیں گے تو بدستور نبی ہوں گے،(۱) لیکن آنحضرت صلی اللّٰہ علیہ وسلم کی تشریف آوری سے ان کی شریعت منسوخ ہوگئی اور ان کی نبوّت کا دور ختم ہوگیا، اس لئے جب وہ تشریف لائیں گے تو آنحضرت صلی اللّٰہ علیہ وسلم کی پیروی کریں گے (۲) اور آنحضرت صلی اللّٰہ علیہ وسلم کے اُمتی کی حیثیت سے آئیں گے۔ ان کی تشریف آوری ختمِ نبوّت کے خلاف نہیں، کیونکہ نبی آخرالزمان آنحضرت صلی اللّٰہ علیہ وسلم ہیں۔ حضرت عیسیٰ علیہ السلام کو نبوّت آنحضرت صلی اللّٰہ علیہ وسلم سے پہلے مل چکی تھی۔

(آپ کے مسائل اور اُن کا حل ج:۱ ص:۲۴۶)

حضرت عیسیٰ علیہ السلام بعد نزول نبی ہوں گے یا اُمتی؟

سوال:۔۔۔ کیا فرماتے ہیں علمائے دِین ومفتیانِ شرعِ متین بیچ اس مسئلہ اِستفتاء کے:

۱:۔۔۔ کیا حضرت محمد صلی اللّٰہ علیہ وسلم آخری نبی ہیں؟ آپ صلی اللّٰہ علیہ وسلم کے بعد نبوّت کا دعویٰ کرنے والا اور اس دعوے کی تصدیق کرنے والا مؤمن ہے یا کافر؟

۲:۔۔۔ کیا حضرت عیسیٰ علیہ السلام کو آسمانوں پر زِندہ اُٹھایا گیا؟ اگر اُٹھایا گیا ہے تو آپ قربِ قیامت میں نزول فرمائیں گے؟ اگر ہاں، تو بحیثیت اُمتی کے یا نبی کے؟

(۱) فإن قیل: قد ورد فی الحدیث نزول عیسٰی بعدہ، قلنا: نعم! لٰکنہ یتابع محمدًا علیہ السلام لأن شریعتہ قد نسخت فلا یکون إلیہ وحی ونصب الأحکام بل یکون خلیفۃ رسول ﷲ علیہ السلام۔ (شرح العقائد النسفیۃ للتفتازانی ص:۱۳۸، طبع خیر کثیر کراچی)

(۲) ینزل عیسٰی ابن مریم مصدقًا بمحمد صلی ﷲ علیہ وسلم وعلٰی ملّتہ۔ (الحاوی للفتاویٰ ج:۲ ص:۱۵۶، طبع دار الکتب العلمیۃ، بیروت)۔

نوٹ:۔۔۔ جوابات قرآنی دلائل سے دئیے جائیں۔

حکیم سیّد عبدالمجید دہلوی

مالک شاہی مطب، منڈی پھلروان

شاہ پور، صوبہ پنجاب، پاکستان

جواب۱:۔۔۔ حامدًا ومصلیًا! حضرت محمد صلی اللّٰہ علیہ وسلم کا ’’خاتم النّبیین‘‘ ہونا، قرآنِ کریم میں مذکور ہے: ’’مَّا کَانَ مُحَمَّدٌ أَبَا أَحَدٍ مِّن رِّجَالِکُمْ وَلَکِن رَّسُولَ اللہِ وَخَاتَمَ النَّبِیِّیْنَ وَکَانَ اللہُ بِکُلِّ شَیْءٍ عَلِیْماً‘‘ (الاحزاب:۴۰) لہٰذا جو شخص آپ صلی اللّٰہ علیہ وسلم کے بعد نبوّت کا دعویٰ کرے وہ شخص نصِ قرآنی کا منکر ہے، اور قرآن شریف کی کسی ایک آیت کا اِنکار بھی کفر ہے۔ یہی حال اس شخص کا ہے جو ایسے مدعیٔ نبوّت پر اِیمان لائے اور اس کی تصدیق کرے۔

۲:۔۔۔ حضرت عیسیٰ علیٰ نبینا وعلیہ السلام کو زِندہ آسمان پر اُٹھایا گیا ہے: ’’وَمَا قَتَلُوہُ یَقِیْناً. بَل رَّفَعَہُ اللہُ إِلَیْہِ‘‘ (النساء۱۵۷، ۱۵۸) اور قربِ قیامت آپ نزول فرمائیں گے۔ احادیث میں اس کی تصریح موجود ہے اور آپ اس وقت اپنی نبوّت کی دعوت نہیں دیں گے، بلکہ حضور صلی اللّٰہ علیہ وسلم کی ملت کی دعوت دیں گے۔ اور خود اُن کی نبوّت بھی مسلوب نہیں ہوگی بلکہ وہ محفوظ رہے گی۔

’’اخرج الطبرانی فی الکبیر والبیھقی فی البعث بسند جید عن عبدﷲ بن مُغَفَّلْ قال: قال رسول ﷲ صلی ﷲ علیہ وسلم: یلبث الدَّجَّال فیکم ما شاء ﷲ ثم ینزل عیسَی ابن مریم مصدقًا بمحمد وعلٰی ملّتہ إمامًا مھدیًّا وحَکمًا عدلًا فیقتل الدَّجَّال۔‘‘

(الحاوی للفتاویٰ ج:۲ ص:۱۵۶)

’’إنّ عیسٰی علیہ السلام مع بقائہ علٰی نبوۃ معدود فی امۃ النبی صلی ﷲ علیہ وسلم وداخل فی زمرۃ الصحابۃ فإنہ اجتمع بالنبی صلی ﷲ علیہ وسلم وھو حی مؤْمنًا بہ ومصدقًا وکان اجتماعہ بہ مرات فی غیر لیلۃ الإسراء من جملتھا بمکۃ روی ابن عدی فی الکامل عن انس قال بینا نحن مع النبی صلی ﷲ علیہ وسلم إذا رأینا بردًا ویدًا فقلنا یا رسول ﷲ! ما ھٰذا البرد الذی رأینا والید؟ قال: قد رأیتموہ؟ قلنا: نعم! قال: ذالک عیسَی ابن مریم سلم علی۔‘‘

(الحاوی للفتاویٰ ج:۲ ص:۱۶۱، طبع بیروت)

’’انما یحکم عیسٰی بشریعۃ نبینا صلی ﷲ علیہ وسلم بالقرآن والسُّنَّۃ عن ابی ھریرۃ قال: قال رسول ﷲ صلی ﷲ علیہ وسلم: الا ان ابن مریم لیس بینی وبینہ نبی ولا رسول إلَّا انہ خلیفتی فی امتی من بعدی۔‘‘

(الحاوی للفتاویٰ ج:۲ ص:۱۶۱، طبع بیروت)

’’قال الذھبی فی تجرید الصحابۃ: عیسَی ابن مریم علیہ السلام نبی وصحابی فإنہ رای النبی صلی ﷲ علیہ وسلم فھو آخر الصحابۃ موتًا۔‘‘

(الحاوی للفتاویٰ ج:۲ ص:۱۶۱، طبع بیروت)

اس مسئلے پر علمائے حق کے مستقل رسائل شائع شدہ ہیں، علامہ سیوطیؒ کا ایک رسالہ ہے: ’’کتاب العلام بحکم عیسیٰ علیہ

السلام‘‘ علامہ سبکیؒ کا ایک رسالہ ہے، مولانا انور شاہ صاحب کشمیریؒ کا بھی ایک رسالہ ہے: ’’عقیدۃ الاسلام فی حیات عیسیٰ علیہ السلام‘‘ نیز شروحِ حدیث: بذل المجہود، فتح الباری، عینی وغیرہ میں بھی اس کی تصریح ہے۔ فقط واللّٰہ سبحانہ وتعالیٰ اعلم!

(فتاویٰ محمودیہ ج:۱ ص:۱۱۲ تا ۱۱۴)

بعد نزول حضرت عیسیٰ علیہ السلام کی نبوّت کی حیثیت

سوال:۔۔۔ حضرت عیسیٰ علیہ السلام جب آسمان سے تشریف لائیں گے، تو کیا وہ اس وقت بھی نبی رہیں گے اور ان پر وحی آئے گی یا وہ نبوّت سے معزول ہوکر آئیں گے؟

جب حضرت عیسیٰ علیہ السلام دوبارہ تشریف لائیں گے تو وہ تابعِ شریعتِ محمدیہ ہوں گے یا صاحبِ شریعت نبی ہوں گے؟ اگر وہ تابعِ شریعتِ محمدیہ ہوں گے تو شرعی اَحکام یعنی قرآنِ کریم میں درج شدہ اَوامر ونواہی اور سنتِ رسولِ کریم صلی اللّٰہ علیہ وسلم کا علم انہیں کیونکر حاصل ہوگا؟ اگر زبانِ عربی اور شریعت کے اَحکام کسی مولوی صاحب سے پڑھیں تو یہ اَمر ایک نبی کی شان کے خلاف نظر آتا ہے، اور پڑھیں بھی تو کس فرقے کے مولوی سے؟ تمام اسلامی فرقوں کا آپس میں اختلاف ہے، حتیٰ کہ ایک دُوسرے کو کافر کہنے سے دریغ نہیں کرتے۔ اگر اس دُنیا میں وہ وحی کے ذریعے شریعتِ اسلامی کے اَحکام حاصل کریں، جس طرح ہمارے حضورِ اکرم صلی اللّٰہ علیہ وسلم حاصل کیا کرتے تھے، یعنی وحی سے، یا پردے کے پیچھے سے، یا فرشتے کی وساطت سے، جیسا کہ قرآنِ کریم میں آتا ہے: ’’وَمَا کَانَ لِبَشَرٍ أَن یُکَلِّمَہُ اللہُ إِلَّا وَحْیْاً أَوْ مِن وَرَاء حِجَابٍ أَوْ یُرْسِلَ رَسُولاً فَیُوحِیَ بِإِذْنِہِ مَا یَشَاء ُ إِنَّہُ عَلِیٌّ حَکِیْمٌ. وَکَذَلِکَ أَوْحَیْنَا إِلَیْکَ رُوحاً مِّنْ أَمْرِنَا‘‘ (الشوریٰ:۵۱، ۵۲) تو اس صورت میں بھی وہ ایک صاحبِ شریعت نبی بن جائیں گے۔ یا اگر آسمان پر بھی شریعت کے اَحکام کا علم حاصل کریں تو بھی بشر ہونے کے لحاظ سے مندرجہ بالا انہیں تین صورتوں سے حاصل کریں گے۔ پس شریعت کے اَحکام یعنی اَوامر ونواہی براہِ راست بذریعہ وحی حاصل کرنے کی وجہ سے صاحبِ شریعت نبی بن جائیں گے، حالانکہ ہمارے نبی صلی اللّٰہ علیہ وسلم آخری شریعت والے نبی ہیں۔ اس اِشکال کا تفصیلی جواب دے کر ثوابِ دارین حاصل کریں۔

جواب:۔۔۔ ان کی نبوّت سلب نہیں ہوگی، بلکہ وہ محفوظ رہے گی، اور وہ اَحکام اپنی سابقہ محفوظ نبوّت کے تحت جاری نہیں فرمائیں گے جو اُن کی اُمت کے ساتھ مخصوص تھے، بلکہ حضورِ اکرم صلی اللّٰہ علیہ وسلم کی شریعت کے موافق جاری فرمائیں گے۔

ممکن ہے کہ عین وقت پر شریعتِ محمدیہ کے متعلق ان کو بذریعہ وحی علم ہوجائے۔ یہ بھی ممکن ہے کہ حضرتِ اقدس صلی اللّٰہ علیہ وسلم سے علم حاصل کریں، کیونکہ قبرِ اَطہر میں حی ہیں۔ یا رُوحِ عیسوی، رُوحِ محمدی سے مستفیض ہوجائے۔ یہ بھی ممکن ہے کہ خود اِنجیل

میں اس شریعت کے اَحکام کا علم ہو۔ یہ بھی ممکن ہے کہ دونوں کی ملاقات جب ہوئی، اُس وقت علم حاصل کرلیا ہو۔ یہ بھی ممکن ہے کہ براہِ راست قرآنِ کریم سے ان کو علم حاصل ہوجائے۔

’’ثم علمہ بأحکام شرعا اما بعلمھا من القرآن فقط إذ لم یفرط فیہ من شیء انما احتجنا إلٰی غیرہ لحضورنا وقد کانت احکام نبینا صلی ﷲ علیہ وسلم کلھا مأخوذۃ من القرآن ومن ثم قال الشافعی: کل ما حکم بہ النبی صلی ﷲ علیہ وسلم فھو مما فھمہ من القرآن فلا یبعد ان عیسٰی صلی ﷲ علیہ وسلم یکون کذالک او بروایۃ السنۃ عن نبینا صلی ﷲ علیہ وسلم اخرج ابن عدی عن انس بیننا نحن مع رسول ﷲ صلی ﷲ علیہ وسلم إذ رأینا بردًا ویدًا فقلنا: یا رسول ﷲ! ما ھٰذا البرد الذی رأینا والید؟ قال: قد رأیتموہ؟ قلنا: نعم! قال: ذالک عیسَی ابن مریم سلم علی۔ وفی روایۃ ابن عساکر عنہ: کنت اطوف مع النبی صلی ﷲ علیہ وسلم حول الکعبۃ إذا رأیتہ صافح شیئًا ولم ارہ، قلنا: یا رسول ﷲ! رأیناک صافحت شیئًا ولا نراہ۔ قال: ذالک اخی عیسَی ابن مریم انتظرتہ حتّٰی قضی طوافہ فسلمت علیہ وحینئذٍ فلا مانع انہ حینئذٍ تلقی عن النبی صلی ﷲ علیہ وسلم احکام شریعۃ المخالفۃ لشریعۃ الْإِنجیل لعلمہ انہ سینزل وانہ یحتاج لذالک فاخذھا منہ بلا واسطۃ۔ وفی حدیث ابن عساکر الا ان ابن مریم لیس بینی وبینہ نبی ولا رسول إلَّا انہ خلیفۃ فی اُمَّتی من بعدی وقد صرح السبکی بأنہ یحکم بشریعۃ نبینا صلی ﷲ علیہ وسلم بالقرآن والسُّنَّۃ اما لکونہ یتعلمھا من نبینا صلی ﷲ علیہ وسلم شفاھا بعد نزولہ من قبرہ ویؤَیدہ حدیث ابی یعلٰی والذی نفسی بیدی! لینزلن عیسَی ابن مریم ثم لئن قام علٰی قبری وقال: یا محمد! لأجیبنہ اما بکونہ اوحاھا إلیہ فی کتابہ الإنجیل او غیرہ إلٰی قولہ یوحی إلیہ وحی حقیقی کما فی حدیث مسلم وغیرہ عن النواس بن سمعان رضی ﷲ عنہ وفی روایۃ صحیحۃ نعنی ھو کذالک إذ اوحی إلیہ یا عیسٰی! انی قد اخرجت عبادًا لی لا بد لأحد بقتالھم، حول عبادی إلی الطور وذالک الوحی علٰی لسان جبریل إلٰی قولہٖ وعیسَی ابن مریم بأن علٰی نبوّتہ ورسالتہ إلٰی آخر ما قال اھ۔ فقط واللہ وتعالیٰ اعلم!‘

(فتاویٰ حدیثیۃ ص:۲۴۲،۲۴۳، طبع قدیمی)

حررہ العبد محمود غفرلہٗ

دارالعلوم دیوبند

۷؍۱۳۹۳ھ؍۸ھ

(فتاویٰ محمودیہ ج:۱۵ ص:۱۲۶ تا ۱۳۰)

حضرت عیسیٰ علیہ السلام وقتِ نزول نبی ہوں گے یا اُمتی؟

سوال:۔۔۔ میرا ایک قادیانی سے واسطہ پڑا، اس نے مرزا غلام احمد قادیانی کی نبوّت کے لئے دلیل دی کہ حضور نبی اکرم صلی اللّٰہ علیہ وسلم خاتم النّبیین نہیں بلکہ نبی آتے رہیں گے، جیسے حضرت عیسیٰ علیہ السلام کا تشریف لانا، مُسلَّمہ عقائد میں سے ہے، پھر ختمِ نبوّت کیسی؟ آیا حضرت عیسیٰ علیہ السلام دوبارہ آئیں گے اور وہ نبی ہوں گے یا اُمتی؟ وضاحت فرمادیں۔

زاہدالحق، کامونکی

جواب:۔۔۔ محترم زاہدالحق صاحب! السلام علیکم ورحمۃاللّٰہ وبرکاتہ

جی ہاں! حضرت عیسیٰ علیہ السلام جب قربِ قیامت دُنیا میں تشریف لائیں گے تو نبی ہی ہوں گے، ان کو قرآن کی تعلیم وہی خدا دے گا جس نے پہلے ان کو توراۃ واِنجیل کی تعلیم دی ہے۔ قادیانی، جھوٹے دجال کی طرح، اسکول ماسٹروں سے نہ پڑھیں گے، نہ کسی انسان کی شاگردی کریں گے، نبی صرف خدا کے شاگرد ہوتے ہیں، کسی مخلوق کے نہیں۔ قرآنِ کریم میں سورۃ النساء میں ہے:

’’بَل رَّفَعَہُ اللہُ إِلَیْہِ‘‘ (النساء:۱۵۸) بلکہ اللّٰہ نے ان کو اپنی طرف اُٹھالیا ہے۔

’’وَإِن مِّنْ أَہْلِ الْکِتَابِ إِلاَّ لَیُؤْمِنَنَّ بِہِ قَبْلَ مَوْتِہِ وَیَوْمَ الْقِیَامَۃِ یَکُونُ عَلَیْہِمْ شَہِیْداً‘‘ (النساء:۱۵۹)

’’کوئی اہلِ کتاب (کتابی) ایسا نہیں جو اُن کی موت سے پہلے ان پر اِیمان نہ لائے اور قیامت کے دن آپ ان پر گواہ ہوں گے۔‘‘

حالانکہ آج سے دو ہزار سال پہلے تمام کتابی آنجناب پر اِیمان نہیں لائے، کوئی ایک یہودی بھی آپ پر اِیمان نہیں لایا، بلکہ یہود نے آپ کی سخت مخالفت کی۔ پس یہ پیشین گوئی ابھی پوری ہونی ہے۔ رہی یہ بات کہ دُنیا میں دوبارہ کب تشریف لائیں گے؟ سو یہ بات اللّٰہ ہی جانے کب تشریف لائیں گے؟ ہاں! ان کا تشریف لانا قیامت کی نشانیوں میں سے ایک نشانی ہے، ہم اللّٰہ کے فرمان پر اِیمان رکھتے ہیں۔ کیسے آئیں گے؟ جو اللّٰہ لے گیا ہے، وہی فرشتوں کے ہمراہ بادلوں کے درمیان ان کو دوبارہ لائے گا۔

محترم! آپ مرزائیوں سے ایسی باتوں میں نہ اُلجھیں۔ مرزاقادیانی نے اپنی نبوّت کا دعویٰ کیا، وہ جھوٹا، لعنتی، مرتد، جہنمی تھا۔ رسول اللّٰہ صلی اللّٰہ علیہ وسلم، اللّٰہ کے آخری رسول ہیں، آپ صلی اللّٰہ علیہ وسلم کے بعد کوئی نبی نہیں بنایا جائے گا، نہ ہی بنایا گیا ہے، واللّٰہ اعلم!

عبدالقیوم خان

(منہاج الفتاویٰ ج:۱ ص:۴۵۳،۴۵۴)

رفع ونزولِ مسیح ختمِ نبوّت کے منافی؟

سوال:۔۔۔ مسلمانوں کا عام عقیدہ ہے کہ مسیح علیہ السلام جسدِ عنصری کے ساتھ آسمان پر اُٹھائے گئے اور واپس تشریف لائیں گے۔ برائے رفع شبہ سوالاتِ ذیل کا جواب مطلوب ہے:

۱:۔۔۔ مخالفین نے سب نبیوں کو تکلیف دی، درپے قتل ہوئے، لیکن آسمان پر کوئی نہ اُٹھایا گیا، مسیح علیہ السلام کے لئے ضرورتِ رفع کیا تھی؟

۲:۔۔۔ ’’مَّا کَانَ مُحَمَّدٌ أَبَا أَحَدٍ مِّن رِّجَالِکُمْ وَلَکِن رَّسُولَ اللہِ وَخَاتَمَ النَّبِیِّیْنَ‘‘ (الاحزاب:۴۰) ، حدیث:’’لَا نبی بعدی‘‘ (ترمذی) اس حدیث اور آیت نے کسی نئے اور پُرانے نبی کے آنے کی نفی کردی، اس لئے عہدِ رسالتِ محمدیہ میں حضرت مسیح علیہ السلام کا نزولِ جسمانی ممتنع اور محال ہے۔ رہا یہ خیال کہ ابنِ مریم علیہ السلام بحیثیت اِمامت نازل ہوں گے، سو یہ گمان بھی دو وجہ سے ناجائز ہے:

۱- یہ کہ کوئی نبی اپنے منصبِ نبوّت سے معزول اور معطل نہیں ہوسکتا۔

۲- یہ کہ اس خاص زمانے میں اِمامت مہدی کے لئے مقرّر ہے۔

لہٰذا ابنِ مریم علیہ السلام جو اِسرائیلی نبی ہیں، اُمتِ محمدیہ کی ظاہری اِمامت کے لئے مستحق نہیں ہوسکتے۔

شیخ قاسم علی، اوورسیئر پنشنر

جواب:۔۔۔ پہلے نبی کو دوبارہ بھیجنا منظورِ خدا تھا، حضرت مسیح علیہ السلام کو دوبارہ بھیجنا ہے تاکہ ان کے ہاتھ سے اِشاعتِ اِسلام ہو۔ پچھلی مسلسل زندگی ختمِ نبوّت کے منافی نہیں، حضرت مسیح علیہ السلام دوبارہ آکر نبوّت سے معزول نہ ہوں گے، بلکہ بحال رہیں گے، ان کا کام قرآن کی تبلیغ بہ تفہیمِ اِلٰہی جیسے حضرت ہارون علیہ السلام کی تھی۔ اس پر کیا سوال، نبوّت سے معزول کیسے ہوئے؟ انبیاء کی جماعت اللّٰہ کے نزدیک سب ایک ہے، ’’تِلكَ اُمَّۃٌ قَد خَلَت‘‘ (البقرۃ:۱۳۴)

(فتاویٰ ثنائیہ ج:۱ ص:۳۷۲،۳۷۳)

نزولِ مسیح ختمِ نبوّت کے منافی نہیں

سوال:۔۔۔ اگر حضرت عیسیٰ علیہ السلام نزول خواہد فرمود وباز خواہد آمد آنحضرت صلی اللّٰہ علیہ وسلم چگونہ خاتم الانبیاء شد؟

جواب:۔۔۔ معنی خاتم النبی آنست کہ بعد اَز نبوّتِ محمد ۔۔۔صلی اللّٰہ علیہ وسلم۔۔۔ ہیچ نبی پیدا نشود، نبوّتِ سابقہ مستمرہ مخالفِ ختمِ نبوّت نیست۔

(فتاویٰ علمائِ حدیث ص:۱۰۲)

قربِ قیامت میں حضرت عیسیٰ علیہ السلام کا نزول ختمِ نبوّت کے منافی نہیں

سوال:۔۔۔ کیا فرماتے ہیں علمائے کرام مسئلہ ذیل کے بارے میں کہ جب حضرت عیسیٰ علیہ السلام قیامت کے قریب آسمانوں سے نزول فرمائیں گے تو بحیثیتِ پیغمبر نزول فرمائیں گے یا اِمام الانبیاء صلی اللّٰہ علیہ وسلم کے اُمتی کی حیثیت سے؟

جواب:۔۔۔ حضرت عیسیٰ علیہ السلام کا زِندہ آسمانوں پر اُٹھایا جانا اور قیامت کے قریب ان کا نازل ہونا اور پھر متبع شریعتِ محمدی بن کر کچھ عرصہ اس دُنیا میں رہنا اُمتِ مسلمہ کا متفقہ عقیدہ ہے۔ قرآنی آیات اور اَحادیثِ متواترالمعنی سے اس کا ثبوت ملتا ہے۔ حضرت عیسیٰ علیہ السلام کی ذاتی حیثیت یقینا نبی اور پیغمبر کی ہوگی، انبیائے سابقین ۔۔۔علیہم الصلوٰۃ والسلام۔۔۔ کی طرح آپ پر اللّٰہ کی طرف سے وحی بھی ہوگی، اس کے باوجود آپ شریعتِ محمدی کے تابع ہوں گے، البتہ یہ وحی شریعتِ محمدی کو بدلنے کے لئے نہیں ہوگی، بلکہ اُس وقت کے حالات کے اِعتبار سے ضروری اَحکام ہوں گے۔ لہٰذا آپ نزول کے بعد دو صفات کے ساتھ متصف ہوں گے، ایک شانِ نبوّت اور دُوسرا شانِ اُمتِ محمدیہ، لیکن آپ کی یہ شانِ نبوّت حضور صلی اللّٰہ علیہ وسلم کی ختمِ نبوّت کے منافی

نہیں ہوگی، اس لئے کہ ختمِ نبوّت کا مطلب یہ ہے کہ حضور نبی کریم صلی اللّٰہ علیہ وسلم کے بعد کسی کو بھی منصبِ نبوّت سے نہیں نوازا جائے گا، اور حضرت عیسیٰ علیہ السلام آنحضرت صلی اللّٰہ علیہ وسلم سے پہلے نبی بن کر آئے تھے۔

’’لما قال الإمام فخرالدین الرازی: تحت قولہ تعالٰی: ’’وَإِن مِّنْ أَہْلِ الْکِتَابِ إِلاَّ لَیُؤْمِنَنَّ بِہِ قَبْلَ مَوْتِہِ‘‘ ای قبل موت عیسٰی المراد ان اھل الکتاب الذین یکونون موجودین فی زمان نزولہ لا بد ان یؤْمنوا بہٖ، قال بعض المتکلمین: انہ لا یمنع نزولہ من السماء إلی الدنیا الا انہ انما ینزل عند ارتفاع التکالیف او بحیث لا یعرف إذ لو نزل مع بقائِ التکالیف علٰی وجہ یعرف انہ عیسٰی علیہ السلام لکان اما ان یکون نبیًّا ولا نبی بعد محمد صلی ﷲ علیہ وسلم او غیر وغیر ذالک جائز علی الأنبیاء وھٰذا إشکال عندی ضعیف لأن انتھاء الأنبیاء إلٰی مبعث محمد صلی ﷲ علیہ وسلم فعند مبعثہ انتھت تلک المدۃ فلا یبعد ان یصیر بعد نزول تبعًا لمحمد صلی ﷲ علیہ وسلم۔‘‘

(تفسیر کبیر ج:۱۱،۱۲ ص:۱۰۴، سورۃ النساء:۱۵۹)

قال العلامۃ ابن البزاز الکردی: واما الإیمان بسیّدنا علیہ السلام فیجب بأنہ رسولنا فی الحال وخاتم الأنبیاء والرسل فإذا آمن بأنہ رسول ولم یؤْمن بأنہ خاتم الرسل لا ینسخ دینہ إلٰی یوم القیامۃ لا یکون مؤْمنًا وعیسٰی علیہ السلام ینزل إلی الناس ویدعوا إلٰی شریعتہ وھو سائق لاُمَّتہٖ إلٰی دینہٖ۔‘‘ (فتاویٰ بزازیۃ علٰی ھامش الھندیۃ ج:۶ ص:۳۲۷، نوع فیما یتصل بھا مما یجب کفارہ من اھل البدع، الثالث فی الأنبیاء، ومثلہ فی شرح الفقہ الأکبر ص:۱۱۲)

(فتاویٰ حقانیہ ج:۱ ص:۲۲۸)

سوال:۔۔۔ اگر حضرت عیسیٰ علیہ السلام باز نزول فرماید از عہدۂ نبوّت معزول شدہ باز آید یاچہ؟

جواب:۔۔۔ نے زیرا کہ آں نبوّت سابقہ خادمۂ نبوّتِ محمدیہ ہست۔

(فتاویٰ علمائِ حدیث ص:۱۰۲)

حضرت عیسیٰ علیہ السلام کا بعد اَز نزول تعلیم حاصل کرنا

سوال:۔۔۔ در آیتِ کریمہ: ’’وَیُعَلِّمُہُ الكِتٰبَ وَالحِكمَۃَ وَالتَّورٰۃَ وَالاِنجِیلَ‘‘ ثابت است کہ حضرت عیسیٰ علیہ السلام بجز توراۃ دیگر کتاب نخواندہ، پس تبلیغِ قرآن چگو نہ خواہد کرد؟

جواب:۔۔۔ بعد نزول از سماء بوحی اِلٰہی تعلیم یابد چنانکہ تعلیم توراۃ ہم بوحی اِلٰہی حاصل کردہ بود۔واللّٰہ اعلم!

(’’اہلِ حدیث‘‘ امرتسر، ۲۶؍جمادی الاولیٰ ۱۳۴۵ھ)

(فتاویٰ علمائِ حدیث ص:۱۰۳)

بابِ سیزدہم

قادیانی شبہات کے جوابات

علمائے حق کی کتب سے تحریف کرکے قادیانیوں کی دھوکادہی

سوال:۔۔۔ مکرمی ومحترمی مولانا صاحب، السلام علیکم ورحمۃ اللّٰہ!

ملتان سے آپ کا ایڈریس منگوایا، اس سے قبل بھی میں نے آپ کو خط لکھے تھے، شاید آپ کو یاد ہو، مگر اَب آپ کا ایڈریس بھول جانے کی وجہ سے ملتان سے منگوانا پڑا۔

عرض ہے کہ میں ایف ایس سی (میڈیکل) کرلینے کے بعد آج کل فارغ ہوں، میڈیکل کالج میں ایڈمشن میں ابھی کافی دیر ہے، اس لئے جی بھر کر مطالعہ کر رہا ہوں۔ مجھے شروع ہی سے مذہب سے لگاؤ ہے، ایک دوست (جو کہ احمدی ہے) نے مجھ اپنے لٹریچر سے چند رسائل دئیے، میں نے پڑھے۔ مولانا مودودی مرحوم کے رسائل ’’ختمِ نبوّت‘‘ اور ’’قادیانی مسئلہ‘‘ بھی پڑھے، اور احمدیوں کی طرف سے ان کے جوابات بھی۔ مولانا کے دلائل وشواہد کمزور دیکھ کر بڑی پریشانی ہوئی۔ آپ کا پمفلٹ ’’شناخت‘‘ بھی پڑھا، مگر اس کا جواب نہیں ملا۔ البتہ آج کل قاضی محمد نذیر (قادیانی) کی کتاب ’’تفسیر خاتم النّبیین‘‘ پڑھ رہا ہوں جو آپ کی شائع کردہ آیت خاتم النّبیین کی تفسیر کا جواب ہے۔ جس میں آپ نے مولانا محمد انور شاہ صاحبؒ کے فارسی مضمون کا ترجمہ وتشریح کی ہے۔ اصل کتاب نہیں پڑھ سکا، اس لئے جواب کے اِستحکام کو محسوس کرنا قدرتی امر ہے۔ بہرحال احمدی لٹریچر پڑھ کر میں یہ سمجھ سکا ہوں کہ ہمارے علماء کوئی ایسی بات پیش نہیں کرتے جس سے احمدی لاجواب ہوجائیں، وہ ہر ایک بات کا مدلل جواب دیتے ہیں، وہ مشائخ کی عبارت دے کر ثابت کرتے ہیں کہ ان کا نظریہ وہی ہے جو اِن مشائخِ عظام کا تھا۔ اس بات سے بڑی اُلجھن ہوتی ہے۔ کیا ہم ان شواہد کو جھٹلاسکتے ہیں؟ آخر ایسی باتیں لکھنے کا کیا فائدہ ہے جن کا مدلل جواب دیا جاسکتا ہے؟ آخر ایسی باتیں کیوں نہیں لکھی جاتیں جن سے دُودھ کا دُودھ اور پانی کا پانی ہوجائے؟ پھر کسی کو دُودھ میں پانی ڈالنے کی جسارت نہ ہو۔ اگر ہم سچے ہیں تو ہماری سچائی مشکوک کیوں ہوجاتی ہے؟ جواب کا اِنتظار رہے گا۔

احقر عبدالقدوس ہاشمی

جواب:۔۔۔ اس ناکارہ نے قادیانیوں کی کتابیں بھی پڑھی ہیں، اور قادیانیوں سے زبانی اور تحریری گفتگو کا موقع بھی بہت آتا رہا ہے، قادیانی غلط بیانی اور خلطِ مبحث کرکے ناواقفوں کو دھوکا دیتے ہیں۔ ہمارے اور ان کے بنیادی مسئلے دو ہیں۔ ایک: ختمِ نبوّت، دُوسرا: نزولِ عیسیٰ۔ یہ دونوں مسئلے ایسے قطعی ہیں کہ بزرگانِ سلف میں ان میں کبھی اِختلاف نہیں ہوا، بلکہ ان کے منکر کو قطعی

کافر اور خارج اَزاِسلام قرار دِیا گیا ہے۔ قادیانی صاحبان اپنا کام چلانے کے لئے اکابر کے کلام میں سے ایک آدھ جملہ جو کسی اور سیاق میں ہوتا ہے، نقل کرلیتے ہیں، کبھی کسی نے غلطی سے کسی بزرگ کا قول غلط نقل کردیا، اسی کو اُڑالیتے ہیں، ان کے ناواقف قاری یہ سمجھ کر کہ جن بزرگوں کا حوالہ دیا گیا ہے، وہ بھی قادیانیوں کے ہم عقیدہ ہوں گے، دھوکے میں مبتلا ہوجاتے ہیں۔ یہاں اس کی صرف ایک مثال پر اِکتفا کرتا ہوں۔

آپ نے بھی پڑھا ہوگا کہ قادیانی، حضرت مولانا محمد قاسم نانوتویؒ کی کتاب ’’تحذیرالناس‘‘ کا حوالہ دیا کرتے ہیں کہ آنحضرت صلی اللّٰہ علیہ وسلم کے بعد بھی نبی آسکتا ہے، اور یہ کہ یہ امر خاتم النّبیین کے منافی نہیں۔ حالانکہ حضرتؒ کی تحریر اسی کتاب میں موجود ہے کہ: ’’جو شخص خاتمیتِ زمانی کا قائل نہ ہو، وہ کافر ہے‘‘ چنانچہ لکھتے ہیں:

’’سو اگر اِطلاق اور عموم ہے تب تو خاتمیتِ زمانی ظاہر ہے، ورنہ تسلیم لزومِ خاتمیتِ زمانی بدلالت اِلتزامی ضرور ثابت ہے، ادھر تصریحاتِ نبوی مثل: ’’انت مِنِّی بمنزلۃ ھارون من موسٰی، إلَّا انہ لا نبی بعدی‘‘ او کما قال (مشکوٰۃ ص:۵۶۳، باب مناقب علی ابن ابی طالبؓ) جو بظاہر بطرزِ مذکورہ اسی لفظ خاتم النّبیین سے مأخوذ ہے، اس باب میں کافی ہے۔ کیونکہ یہ مضمون درجہ تواتر کو پہنچ گیا ہے، پھر اس پر اِجماع بھی منعقد ہوگیا، گو اَلفاظِ مذکورہ بہ سندِ تواتر منقول نہ ہوں۔ سو یہ عدم تواترِ الفاظ، باوجود تواترِ معنوی یہاں ایسا ہی ہوگا جیسا تواترِ اَعدادِ رکعاتِ فرائض ووتر وغیرہ، باوجودیکہ الفاظِ حدیث مشعر تعدادِ رکعات متواتر نہیں، جیسا اس کا منکر کافر ہے، ایسا ہی اس کا منکر کافر ہوگا۔‘‘

(تحذیرالناس، طبع جدید ص:۱۸، طبع قدیم ص:۱۰)

اس عبارت میں صراحت فرمائی گئی ہے کہ:

الف:۔۔۔ خاتمیتِ زمانی، یعنی آنحضرت صلی اللّٰہ علیہ وسلم کا آخری نبی ہونا، آیت خاتم النّبیین سے ثابت ہے۔

ب:۔۔۔ اس پر تصریحاتِ نبوی متواتر موجود ہیں، اور یہ تواتر رکعاتِ نماز کے تواتر کی مثل ہے۔

ج:۔۔۔ اس پر اُمت کا اِجماع ہے۔

د:۔۔۔ اس کا منکر اسی طرح کافر ہے، جس طرح ظہر کی چار رکعت فرض کا منکر۔

اور پھر اسی ’’تحذیرالناس‘‘ میں ہے:

’’ہاں! اگر بطور اِطلاق یا عموم مجاز اس خاتمیت کو زمانی اور مرتبی سے عام لے لیجئے تو پھر دونوں طرح کا ختم مراد ہوگا، پر ایک مراد ہو تو شایانِ شانِ محمدی خاتمیت مرتبی ہے نہ زمانی، اور مجھ سے پوچھئے تو میرے خیالِ ناقص میں تو وہ بات ہے کہ سامع منصف اِن شاء اللّٰہ اِنکار ہی نہ کرسکے، سو وہ یہ ہے کہ‘‘

(طبع قدیم ص:۹، طبع جدید ص:۱۵)

اس کے بعد یہ تحقیق فرمائی ہے کہ لفظ ’’خاتم النّبیین‘‘ سے خاتمیتِ مرتبی بھی ثابت ہے اور خاتمیتِ زمانی بھی۔ اور

’’مناظرۂ عجیبہ‘‘ میں جو اسی ’’تحذیرالناس‘‘ کا تتمہ ہے، ایک جگہ فرماتے ہیں:

’’مولانا! حضرت خاتم المرسلین صلی اللّٰہ علیہ وسلم کی خاتمیتِ زمانی تو سب کے نزدیک مُسلَّم ہے، اور یہ بات بھی سب کے نزدیک مُسلَّم ہے کہ آپ صلی اللّٰہ علیہ وسلم اوّل المخلوقات ہیں۔۔۔۔۔۔۔‘‘

(مناظرۂ عجیبہ ص:۹، طبع جدید)

ایک اور جگہ لکھتے ہیں:

’’البتہ وجوہ معروضہ مکتوب تحذیرالناس تولدِ جسمانی کی تأخیرِ زمانی کے خواستگار ہیں، اس لئے کہ ظہورِ تأخرِ زمانی کے سوا تأخرِ تولدِ جسمانی اور کوئی صورت نہیں۔‘‘

(مناظرۂ عجیبہ ص:۱۰)

ایک اور جگہ لکھتے ہیں:

’’اور اگر مخالفتِ جمہور اس کا نام ہے کہ مُسلَّماتِ جمہور باطل اور غلط اور غیرصحیح اور خلاف سمجھی جائیں، تو آپ ہی فرمائیں کہ تأخرِ زمانی اور خاتمیتِ عصرِ نبوّت کو میں نے کب باطل کیا؟ اور کہاں باطل کیا؟

مولانا! میں نے خاتم کے وہی معنی رکھے جو اہلِ لغت سے منقول ہیں، اور اہلِ زبان میں مشہور کیونکہ تقدم وتأخر مثل حیوان، انواعِ مختلفہ پر بطور حقیقت بولا جاتا ہے، ہاں تقدم وتأخر فقط تقدم وتأخر زمانی ہی میں منحصر ہوتا تو پھر درصورت ارادۂ خاتمیتِ ذاتی ومرتبی البتہ تحریفِ معنوی ہوجاتے، پھر اس کو آپ تفسیر بالرائے کہتے تو بجا تھا۔‘‘

(مناظرۂ عجیبہ ص:۵۲)

’’مولانا! خاتمیتِ زمانی کی میں نے تو توجیہ کی ہے، تغلیط نہیں کی، مگر ہاں! آپ گوشہ عنایت وتوجہ سے دیکھتے ہی نہیں تو میں کیا کروں۔ اخبار بالعلۃ مکذب اخبار بالمعلول نہیں ہوتا، بلکہ اس کا مصداق ومؤید ہوتا ہے، اوروں نے فقط خاتمیتِ زمانی اگر بیان کی تھی تو میں نے اس کی علت یعنی خاتمیتِ مرتبی کو ذِکر اور شروع تحذیر ہی میں اِبتدائے مرتبی کا بہ نسبت خاتمیتِ زمانی ذِکر کردیا۔‘‘

(مناظرۂ عجیبہ ص:۵۳)

ایک جگہ لکھتے ہیں:

’’مولانا! معنی مقبول خدام والا مقام ۔۔۔۔۔۔۔ مختار احقر سے باطل نہیں ہوتے، ثابت ہوتے ہیں۔ اس صورت میں بمقابلہ ’’قضایا قیاساتھا معھا‘‘ اگر من جملہ ’’قیاسات قضایا معھا‘‘ معنی مختار احقر کو کہئے تو بجا ہے، بلکہ اس سے بڑھ کرلیجئے، صفحہ نہم کی سطر دہم سے لے کر صفحہ یازدہم کی سطر ہفتم تک وہ تقریر لکھی ہے جس سے خاتمیتِ زمانی اور خاتمیتِ مکانی اور خاتمیت مرتبی تینوں بدلالت مطابقی ثابت ہوجائیں اور اسی تقریر کو اپنا مختار قرار دیا ہے، چنانچہ شروع تقریر سے واضح ہے۔

سو پہلی صورت میں تو تأخرِ زمانی بدلالت اِلتزامی ثابت ہوتا ہے، اور دلالتِ اِلتزامی اگر دربارۂ توجہ

الی المطلوب، مطابقی سے کمتر ہو، مگر دلالتِ ثبوت اور دِل نشینی میں مدلول التزامی مطابقی سے زیادہ ہوتا ہے، اس لئے کہ کسی چیز کی خبر تحقق اس کے برابر نہیں ہوسکتی کہ اس کی وجہ اور علت بھی بیان کی جائے۔ حاصلِ مطلب یہ کہ خاتمیتِ زمانی سے مجھ کو اِنکار نہیں، بلکہ یوں کہئے کہ منکروں کے لئے گنجائشِ اِنکار نہ چھوڑی۔ افضلیت کا اِقرار ہے، بلکہ اِقرار کرنے والوں کے پاؤں جمادئیے۔‘‘

(مناظرۂ عجیبہ ص:۷۱)

ایک اور جگہ لکھتے ہیں:

’’اپنا دِین واِیمان ہے کہ رسول اللّٰہ صلی اللّٰہ علیہ وسلم کے بعد کسی اور نبی کے ہونے کا اِحتمال نہیں، جو اس میں تأمل کرے، اس کو کافر سمجھتا ہوں۔‘‘

(مناظرۂ عجیبہ ص:۱۴۴)

حضرت نانوتویؒ کی یہ تمام تصریحات اسی ’’تحذیرالناس‘‘ اور اس کے تتمے میں موجود ہیں، لیکن قادیانیوں کی عقل وانصاف اور دیانت وامانت کی داد دیجئے کہ وہ حضرت نانوتویؒ کی طرف یہ منسوب کرتے ہیں کہ: ’’آنحضرت صلی اللّٰہ علیہ وسلم آخری نبی نہیں، بلکہ آپ کے بعد بھی نبی آسکتے ہیں‘‘ جبکہ حضرت نانوتویؒ اس اِحتمال کو بھی کفر قرار دیتے ہیں، اور جو شخص ختمِ نبوّت میں ذرا بھی تأمل کرے، اسے کافر سمجھتے ہیں۔

اس ناکارہ نے جب مرزاقادیانی کی کتابوں کا مطالعہ شروع کیا تو شروع شروع میں خیال تھا کہ ان کے عقائد خواہ کیسے ہی کیوں نہ ہوں، مگر کسی کا حوالہ دیں گے تو وہ تو صحیح ہی دیں گے، لیکن یہ حسنِ ظن زیادہ دیر قائم نہیں رہا، حوالوں میں غلط بیانی اور کتربیونت سے کام لینا مرزاقادیانی کی خاص عادت تھی، اور یہی وراثت ان کی اُمت کو پہنچی ہے۔

اس عریضے میں، میں نے صرف حضرت نانوتویؒ کے بارے میں ان کی غلط بیانی ذِکر کی ہے، ورنہ وہ جتنے اکابر کے حوالے دیتے ہیں، سب میں ان کا یہی حال ہے، اور ہونا بھی چاہئے! جھوٹی نبوّت، جھوٹ ہی کے سہارے چل سکتی ہے۔۔۔! حق تعالیٰ شانہ‘ عقل واِیمان سے کسی کو محروم نہ فرمائیں۔

(آپ کے مسائل اور اُن کا حل ج:۱ ص:۲۱۳ تا ۲۱۷)

قادیانی اپنے کو ’’احمدی‘‘ کہہ کر فریب دیتے ہیں

سوال:۔۔۔ آپ کے مؤقر جریدے کی ۲۹؍دسمبر کی اِشاعت میں یہ پڑھ کر تعجب ہوا کہ جہاں قادیانی حضرات کے مذہب کا شناختی کارڈ فارم میں اِندراج ہوتا ہے، وہاں شناختی کارڈ میں اس کا کوئی اِندراج نہیں ہوتا۔ یہ ایک ایسی فروگزاشت ہے جس سے فارم میں اِندراج کا مقصد ہی فوت ہوجاتا ہے۔ یہاں میں یہ گزارش کروں گا کہ قادیانیوں کے لئے لفظ ’’احمدی‘‘ کا اِندراج کسی طور جائز نہیں۔ یہ غلطی اکثر سرکاری اِعلانات میں بھی سرزد ہوتی ہے، اس کی غالباً وجہ یہ ہے کہ بہت سے حضرات اس بات سے واقف نہیں ہیں کہ قادیانیوں نے لفظ ’’احمدی‘‘ اپنے لئے کیوں اِختیار کیا ہے؟ وہ کہتے ہیں کہ: ’’قرآن مجید میں جو الفاظ ’’اِسمُہُ اَحمَدُ‘‘ آئے ہیں، وہ دراصل مرزاقادیانی کی مراجعت کی پیش گوئی ہے۔‘‘ حالانکہ چودہ سو سال سے جملہ مسلمین کا یہی اِعتقاد رہا ہے کہ لفظ’’اَحمَدُ‘‘ حضور مقبول رسول اللّٰہ صلی اللّٰہ علیہ وسلم کے لئے آیا ہے، اور آپ کا نام ’’احمدِ مجتبیٰ‘‘ بھی تھا۔ اور شاید مرزاقادیانی کے والد

بزرگوار کا بھی یہی اِعتقاد ہو، جنہوں نے آپ کا نام ’’غلام احمد‘‘ رکھا تھا۔ اسی طرح اِنجیل میں لفظ ’’فارقلیط‘‘ علمائے اسلام کے نزدیک حضور صلی اللّٰہ علیہ وسلم ہی کی آمد کی طرف اِشارہ ہے، کیونکہ ’’فارقلیط‘‘ معرّب یونانی لفظ ’’پیری کلی ٹاس‘‘ کا، جو بذاتِ خود ترجمہ ہے عبرانی زبان میں ’’احمد‘‘ کا، جس زبان میں پہلے اِنجیل لکھی گئی تھی اسے بھی حضور صلی اللّٰہ علیہ وسلم کے ورودِ مسعود کی پیش گوئی شمار کیا جاتا رہا ہے، لیکن قادیانی حضرات اسے بھی مرزاقادیانی کی آمد کی پیش گوئی شمار کرتے ہیں، چنانچہ بجائے ’’قادیانی‘‘ کے لفظ ’’احمدی‘‘ کا اِستعمال قادیانی حضرات کے موقف اور ان کے پروپیگنڈے کو تقویت دینے کے مترادف ہے۔ اس لئے میرا اَدنیٰ مشورہ یہ ہے کہ اس جماعت کے لئے لفظ ’’قادیانی‘‘ ہی اِستعمال کرنا مناسب ہے۔

جواب:۔۔۔ آپ کی رائے صحیح ہے۔ قادیانیوں کا ’’اِسمُہُ اَحمَدُ‘‘ کی آیت کو مرزاقادیانی پر چسپاں کرنا ایک مستقل کفر ہے۔ مرزا غلام احمد قادیانی ’’تحفہ گولڑویہ‘‘ (ص:۹۶، خزائن ج:۱۷ ص:۲۵۴) میں لکھتا ہے:

’’یہی وہ بات ہے جو میں نے اس سے پہلے اپنی کتاب اِزالہ اوہام میں لکھی تھی، یعنی یہ کہ میں اسمِ احمد میں آنحضرت صلی اللّٰہ علیہ وسلم کا شریک ہوں۔‘‘

(آپ کے مسائل اور اُن کا حل ج:۱ ص:۲۰۴، ۲۰۵)

ایک قادیانی کا خود کو مسلمان ثابت کرنے کے لئے گمراہ کن اِستدلال

سوال:۔۔۔ بخدمت جناب مولانا محمد یوسف صاحب لدھیانوی مدظلہٗ

السلام علیٰ من اتبع الہدیٰ!

جنابِ عالی! گزارش ہے کہ جناب کی خدمت میں مکرم ومحترم جناب بلال انور صاحب نے ایک مراسلہ ختمِ نبوّت کے موضوع پر لکھ کر آپ کی خدمت میں اِرسال کیا تھا، آپ نے مراسلے کے حاشیہ پر اپنے ریمارکس دے کر واپس کیا ہے، یہ مراسلہ اور آپ کے ریمارکس خاکسار نے مطالعہ کئے ہیں، چند ایک معروضات اِرسالِ خدمت ہیں، آپ کی خدمت میں مؤدّبانہ اور عاجزی سے درخواست ہے کہ خالی الذہن ہوکر، خداتعالیٰ کا خوف دِل میں پیدا کرتے ہوئے، ایک خداترس اور محقق انسان بن کر، ضد وتعصب، بغض وکینہ دِل سے نکال کر ان معروضات پر غور فرماکر، اپنے خیالات سے مطلع فرمائیں۔ یہ عاجز بہت ممنون ومشکور ہوگا۔

۱:۔۔۔ جناب بلال صاحب نے آپ کی خدمت میں عرض کی تھی کہ ہم اللّٰہ تعالیٰ کے فضل وکرم سے مسلمان ہیں، کیونکہ قرآن مجید پر، جو خداتعالیٰ کا آخری کلام ہے، اس پر اِیمان رکھتے ہیں، آنحضرت صلی اللّٰہ علیہ وسلم کو خاتم النّبیین مانتے ہیں، لا اِلٰہ اِلَّا اللّٰہ محمد رسول اللّٰہ پر کامل اِیمان رکھتے ہیں، تمام آسمانی کتابیں، جن کی سچائی قرآن مجید سے ثابت ہے، ان سب پر اِیمان رکھتے ہیں، صوم اور صلوٰۃ اور زکوٰۃ اور حج تمام ارکانِ اسلام پر اِیمان رکھتے ہیں، اور اِسلام پر کاربند ہیں۔

آپ نے ریمارکس میں لکھا ہے کہ:

’’منافقین اسلام بھی اپنے مسلمان ہونے کا اِقرار کرتے تھے، مگر اللّٰہ تعالیٰ نے ان کو منافق قرار دیا

ہے، یہی حال قادیانیوں کا ہے۔‘‘

مکرم جناب مولانا صاحب! یہ آپ کی بہت بڑی زیادتی، جسارت اور نااِنصافی ہے اور ضد وتعصب اور بغض وکینہ کی ایک واضح مثال ہے۔ سوال یہ ہے کہ جن لوگوں کو قرآن شریف میں منافق ہونے کا سرٹیفکیٹ دیا گیا ہے، وہ کسی مولوی یا مفتی کا قول نہیں ہے، اور نہ ہی آنحضرت صلی اللّٰہ علیہ وسلم نے ان کے منافق ہونے کا فتویٰ صادر فرمایا تھا، یہ حکم اللّٰہ تعالیٰ کی طرف سے نازل ہوا تھا اور ان کو منافق کہنے والی اللّٰہ تعالیٰ کی علیم وخبیر ہستی تھی جو کہ انسانوں کے دِلوں سے واقف ہے کہ جس کے علم سے کوئی بات پوشیدہ نہیں ہے۔ اللّٰہ تعالیٰ کے علاوہ کیا آپ ثابت کرسکتے ہیں کہ آنحضرت صلی اللّٰہ علیہ وسلم نے خود، یا آپ کے خلفاءؓ نے اپنے زمانے میں کسی کے متعلق کفر یا منافق کا فتویٰ صادر کیا ہو؟ اگر آپ کے ذہن میں کوئی مثال ہو تو تحریر فرمائیں، یہ عاجز بے حد آپ کا ممنون ومشکور ہوگا۔

۲:۔۔۔ مکرم مولانا! اگر آپ کے اس اُصول کو دُرست تسلیم کرلیا جائے کہ کسی انسان کا اپنے عقیدہ کا اِقرار تسلیم نہ کیا جائے تو مذہبی دُنیا سے اِیمان اُٹھ جائے گا۔ اس حالت میں ہر فرقہ دُوسرے فرقے پر کافر اور منافق ہونے کا فتویٰ صادر کردے گا، اور کوئی شخص بھی دُنیا میں اپنے عقیدے اور اپنے اِیمان کی طرف منسوب نہ ہوسکے گا، اور ہر ایک شخص کے بیان کو تسلیم نہ کرنے کی صورت میں وہ شخص اپنے بیان میں جھوٹا اور منافق قرار دِیا جائے گا، اور یہ سلوک آپ کے مخالفین آپ کے ساتھ بھی روا رکھیں گے، اور آپ کو بھی اپنے عقیدے اور اِیمان میں مخلص قرار نہ دیں گے، کیا آپ اس اُصول کو تسلیم کریں گے؟

کیا خداتعالیٰ اور اس کے مقدس رسول آنحضرت صلی اللّٰہ علیہ وسلم نے آپ کو ایسا کہنے کی اِجازت دی ہے؟ دُنیا کا مُسلَّمہ اخلاقی اُصول جو آج تک دُنیا میں رائج ہے اور مانا گیا ہے، وہ یہ ہے کہ جو شخص اپنا جو عقیدہ اور مذہب بیان کرتا ہے، اس کو تسلیم کیا جاتا ہے۔ آپ ایک مسلمان کو مسلمان اس لئے کہتے ہیں کہ وہ اپنے آپ کو مسلمان کہتا ہے، ایک ہندو کو ہندو اس لئے کہتے ہیں کہ وہ اپنے آپ کو ہندو کہتا ہے، اسی طرح ہر سکھ کہلانے والے، عیسائی کہلانے والے اور دیگر مذاہب کی طرف منسوب ہونے والوں سے معاملہ کیا جاتا ہے اور اس اخلاقی اُصول کو دُنیا میں تسلیم کیا گیا ہے، اور ساری دُنیا اس پر کاربند ہے، پس جب تک احمدی اس بات کا اِقرار کرتے ہیں کہ وہ:

1 ۱- اللّٰہ تعالیٰ پر اِیمان رکھتے ہیں۔

۲- اس کے سب رسولوں کو مانتے ہیں۔

۳- اللّٰہ تعالیٰ کی سب کتابوں پر اِیمان رکھتے ہیں۔

۴- اللّٰہ تعالیٰ کے سب فرشتوں کو مانتے ہیں۔

۵- اور بعث بعد الموت پر بھی اِیمان رکھتے ہیں۔

اور اسی طرح پانچ ارکانِ دِین پر عمل کرتے ہیں، اور آنحضرت صلی اللّٰہ علیہ وسلم کو خاتم النّبیین دِل وجان سے تسلیم کرتے

ہیں، اور اِسلام کو آخری دِین مانتے ہیں، اور قرآن مجید کو اللّٰہ تعالیٰ کی آخری اِلہامی کتاب تسلیم کرتے ہیں۔ اس وقت تک دُنیا کی کوئی عدالت، دُنیا کا کوئی قانون، دُنیا کی کوئی اسمبلی اور دُنیا کا کوئی حاکم اور کوئی مولوی، مُلَّاں اور مفتی، جماعت کو اِسلام کے دائرے سے نہیں نکال سکتی، اور نہ ہی ان کو کافر یا منافق کہہ سکتے ہیں، اس لئے کہ ہمارے پیارے نبی دِل وجان سے پیارے آقا حضرت خاتم النّبیین صلی اللّٰہ علیہ وسلم نے بیان فرمایا ہے کہ ایک دفعہ حضرت جبرائیل علیہ السلام نے حضور سے پوچھا ’’ایمان‘‘ کیا ہے؟ حضور نے فرمایا:

2 اللّٰہ تعالیٰ پر اِیمان لانا، اس کے فرشتوں پر، اس کی کتابوں پر، اس کے رسولوں پر اور بعث بعدالموت پر۔ حضرت جبرائیل علیہ السلام نے فرمایا: درست ہے۔

پھر حضرت جبرائیل علیہ السلام نے پوچھا: یا رسول اللّٰہ! اسلام کیا ہے؟ آنحضرت صلی اللّٰہ علیہ وسلم نے فرمایا: ’’شہادت دینا کہ اللّٰہ تعالیٰ کے سوا کوئی معبود نہیں اور میں اللّٰہ کا رسول ہوں، قائم کرنا نماز کا، زکوٰۃ ادا کرنا، رمضان کے روزے رکھنا، اور اگر اِستطاعت ہو تو ایک بار حج کرنا۔ حضرت جبرائیل علیہ السلام بولے: دُرست ہے۔ آنحضرت صلی اللّٰہ علیہ وسلم نے صحابہؓ سے مخاطب ہوکر فرمایا کہ یہ جبرائیل علیہ السلام تھے جو اِنسان کی شکل میں ہوکر تمہیں تمہارا دِین سکھلانے آئے تھے۔

(ملاحظہ ہو: صحیح بخاری، کتاب الایمان ج:۱ ص:۱۲، باب سوال جبریل)

3 آنحضرت صلی اللّٰہ علیہ وسلم نے فرمایا:

۱- یہ ماننا کہ اللّٰہ تعالیٰ کے سوا کوئی معبود نہیں اور میں اللّٰہ کا رسول ہوں۔

۲- نماز قائم کرنا۔

۳- رمضان کے روزے رکھنا۔

۴- زکوٰۃ دینا۔

۵- زندگی میں ایک بار حج کرنا (صحیح بخاری، کتاب الایمان ج:۱ ص:۶)۔

4 آنحضرت صلی اللّٰہ علیہ وسلم نے فرمایا: جو شخص ہماری طرح کی نماز پڑھتا ہے، ہمارے قبلے کی طرف منہ کرتا ہے، اور ہمارے ذبیحے کو کھاتا ہے، وہ مسلمان ہے، اور اللّٰہ اور اس کے رسول کی حفاظت اس کو حاصل ہے، پس اے مسلمانو! اس کو کسی قسم کی تکلیف دے کر خداتعالیٰ کو اس کے عہد میں جھوٹا نہ بناؤ۔

(بخاری، جلد اوّل، باب فضل استقبال القبلۃ، کتاب الصلوٰۃ ص:۵۶)

5 حضرت شاہ ولی اللّٰہ محدث دہلویؒ فرماتے ہیں کہ حضور صلی اللّٰہ علیہ وسلم نے ایک موقع پر فرمایا: ’’ایمان کی تین جڑیں ہیں، ان میں سے ایک یہ ہے کہ جو شخص لا اِلٰہ اِلَّا اللّٰہ کہہ دے تو اس کے ساتھ کسی قسم کی لڑائی نہ کر، اور اس کو کسی گناہ کی وجہ سے کافر نہ بنا اور اِسلام سے خارج مت قرار دے۔

پس مسلمان کی یہ وہ تعریف ہے جو آنحضرت صلی اللّٰہ علیہ وسلم نے بیان فرمائی اور جس کی تصدیق حضرت جبرائیل علیہ السلام نے کی۔

اس کے مطابق اللّٰہ تعالیٰ کے فضل وکرم سے جماعتِ احمدیہ اسلام کے دائرے میں داخل ہے اور مسلمان اور مؤمن ہے۔ اب اِنصاف آپ کریں کہ آپ کا بیان کہاں تک دُرست اور حق پر مبنی ہے؟

دوبارہ جماعتِ احمدیہ کے عقیدے پر غور کرلیجئے!

جن پانچ چیزوں پر اِسلام کی بنیاد رکھی گئی ہے وہ ہمارا عقیدہ ہے، ہم اس بات پر اِیمان لاتے ہیں کہ خداتعالیٰ کے سوا کوئی معبود نہیں اور سیّدنا حضرت محمد مصطفی صلی اللّٰہ علیہ وسلم اس کے رسول اور خاتم الانبیاء ہیں۔

ہم اِیمان لاتے ہیں کہ ملائک حق، اور حشر حق، اور روزِ حساب حق، اور جنت حق، اور جہنم حق، اور جو کچھ اللّٰہ تعالیٰ نے قرآن مجید میں بیان فرمایا ہے، اور جو کچھ ہمارے نبی آنحضرت صلی اللّٰہ علیہ وسلم نے فرمایا ہے وہ حق ہے، اور ہم اِیمان لاتے ہیں کہ جو شخص شریعتِ اسلام میں سے ایک ذرّہ کم کرے یا زیادہ کرے، وہ بے اِیمان اور اِسلام سے برگشتہ ہے، اور ہم ٹھیک ٹھیک اسلام پر کاربند ہیں۔ غرض وہ تمام اُمور جن پر سلف صالحین کا اِعتقادی اور عملی طور پر اِجماع تھا، اور وہ اُمور جو اہلِ سنت کی اِجماعی رائے سے اِسلام کہلاتے ہیں، ان سب کا ماننا فرض جانتے ہیں۔

اور ہم آسمان اور زمین کو گواہ کرتے ہیں کہ یہی ہمارا مذہب ہے اور جو شخص مخالف اس مذہب کے کوئی اور اِلزام ہم پر لگاتا ہے، وہ تقویٰ اور دیانت کو چھوڑ کر ہم پر اِفترا کرتا ہے، اور قیامت کے دن ہمارا اس پر دعویٰ ہے کہ کب اس نے ہمارا سینہ چاک کرکے دیکھا کہ ہم باوجود ہمارے اس قول کے دِل سے ان اقوال کے مخالف ہیں؟

ان حالات میں اب کس طرح ہم کو منکرِ اِسلام کہہ سکتے ہیں؟ اگر تحکم سے ایسا کریں گے تو آپ ضدی اور متعصب تو کہلاسکیں گے، مگر ایک خداترس اور متقی اِنسان کہلانے کے مستحق نہیں ہوسکتے۔

اُمید ہے کہ آپ اِنصاف کی نظر سے اس مکتوب کا مطالعہ فرماکر اس کے جواب سے سرفراز فرمائیں گے۔

محمد شریف

جواب:۔۔۔ بِسْمِ اﷲِ الرَّحْمٰنِ الرَّحِیْمِ

مکرم ومحترم ھدانا ﷲ وإیَّاکم إلٰی صراط مستقیم!

جناب کا طویل گرامی نامی، طویل سفر سے واپسی پر خطوط کے انبار میں ملا۔ میں عدیم الفرصتی کی بنا پر خطوط کا جواب ان کے حاشیہ میں لکھ دیا کرتا ہوں۔ جناب کی تحریر کا لبِ لباب یہ ہے کہ جب آپ دِین کی ساری باتوں کو مانتے ہیں تو آپ کو خارج اَز اِسلام کیوں کہا جاتا ہے؟

میرے محترم! یہ تو آپ کو بھی معلوم ہے کہ آپ کے اور مسلمانوں کے درمیان بہت سی باتوں میں اِختلاف ہے۔ ان میں سے ایک یہ ہے کہ آپ مرزا غلام احمد قادیانی کو نبی مانتے ہیں، اور مسلمان اس کے منکر ہیں۔ اب ظاہر ہے کہ مرزاقادیانی اگر واقعتاً

نبی ہیں تو ان کا اِنکار کرنے والے کافر ہوئے، اور اگر نبی نہیں تو ان کو ماننے والے کافر۔ اس لئے آپ کا یہ اِصرار تو صحیح نہیں کہ: ’’آپ کے عقائد ٹھیک وہی ہیں جو مسلمانوں کے ہیں۔‘‘ جبکہ دونوں کے درمیان کفر واِسلام کا فرق موجود ہے، آپ ہمارے عقائد کو غلط سمجھتے ہیں، اس لئے ہمیں کافر قرار دیتے ہیں، جیسا کہ مرزا غلام احمد قادیانی، حکیم نوردِین قادیانی، مرزا محمود قادیانی اور مرزا بشیر احمد قادیانی، نیز دیگر قادیانی اکابر کی تحریروں سے واضح ہے، اور اس پر بہت سی کتابیں اور مقالے لکھے جاچکے ہیں۔

اس کے برعکس ہم لوگ آپ کی جماعت کے عقائد کو غلط اور موجبِ کفر سمجھتے ہیں، اس لئے آپ کی یہ بحث تو بالکل ہی بے جا ہے کہ مسلمان، آپ کی جماعت کو دائرۂ اسلام سے خارج کیوں کہتے ہیں؟ البتہ یہ نکتہ ضرور قابلِ لحاظ ہے کہ آدمی کن باتوں سے کافر ہوجاتا ہے؟ اس کا جواب یہ ہے کہ وہ تمام باتیں جو آنحضرت صلی اللّٰہ علیہ وسلم سے تواتر کے ساتھ منقول چلی آتی ہیں، اور جن کو گزشتہ صدیوں کے اکابر مجدّدِین بلااِختلاف ونزاع، ہمیشہ مانتے چلے آئے ہیں ۔۔۔ان کو ’’ضروریاتِ دِین‘‘ کہا جاتا ہے۔۔۔ ان میں سے کسی ایک کا اِنکار کفر ہے، اور منکر کافر ہے، کیونکہ ’’ضروریاتِ دِین‘‘ میں سے کسی ایک کا اِنکار آنحضرت صلی اللّٰہ علیہ وسلم کی تکذیب اور پورے دِین کے اِنکار کو مستلزم ہے۔ جیسا کہ قرآن مجید کی ایک آیت کا اِنکار، پورے قرآن مجید کا اِنکار ہے، اور یہ اُصول کسی آج کے مُلَّا، مولوی کا نہیں، بلکہ خدا اور رسول صلی اللّٰہ علیہ وسلم کا اِرشاد فرمودہ ہے اور بزرگانِ سلف ہمیشہ اس کو لکھتے آئے ہیں۔ چونکہ مرزاقادیانی کے عقائد میں بہت سی ’’ضروریاتِ دِین‘‘ کا اِنکار پایا جاتا ہے، اس لئے خدا اور رسول صلی اللّٰہ علیہ وسلم کے حکم کے تحت مسلمان ان کو کافر سمجھنے پر مجبور ہیں۔ پس اگر آپ کی یہ خواہش ہے کہ آپ کا حشر اِسلامی برادری میں ہو تو مرزاقادیانی اور ان کی جماعت نے جو نئے عقائد اِیجاد کئے ہیں، ان سے توبہ کرلیجئے، ورنہ ’’لَكُم دِینُكُم وَلِیَ دِّینِ‘‘ ، وَالسَّلٰمُ عَلٰی مَنِ اتَّبَعَ الہُدٰی!

(آپ کے مسائل اور اُن کا حل ج:۱ ص:۲۰۷ تا ۲۱۲)

قرآن پاک میں احمد کا مصداق کون ہے؟

سوال:۔۔۔ قرآن پاک میں ۲۸ویں پارے میں سورۂ صف میں موجود ہے کہ عیسیٰ علیہ السلام نے فرمایا کہ میرے بعد ایک رسول آئے گا اور اس کا نام احمد ہوگا، اس سے مراد کون ہیں؟ جبکہ قادیانی، مرزاقادیانی مراد لیتے ہیں۔

جواب:۔۔۔ اس سے آنحضرت صلی اللّٰہ علیہ وسلم مراد ہیں، کیونکہ صحیح بخاری اور صحیح مسلم کی حدیث میں ہے کہ آنحضرت صلی اللّٰہ علیہ وسلم نے فرمایا: میرے کئی نام ہیں، میں محمد ہوں اور میں احمد ہوں (مشکوٰۃ ص:۵۱۵، باب اسماء النبی صلی اللّٰہ علیہ وسلم وصفاتہ)۔(۱) قادیانی چونکہ حضور صلی اللّٰہ علیہ وسلم پر اِیمان نہیں رکھتے، اس لئے وہ اس کو بھی نہیں مانیں گے۔

(آپ کے مسائل اور اُن کا حل ج:۱ ص:۲۲۸،۲۲۹)

قادیانی کے دروازۂ نبوّت تاقیامت کھولنے کے معنی

سوال:۔۔۔ فتنۂ قادیان کے سلسلے میں ایک مسئلہ محض اپنی تشفیٔ قلب کے لئے دریافت کرنا چاہتا ہوں۔ یہ جو اِلزام ہے

(۱)عن جبیر بن مطعم قال: سمعت النبی صلی اللّٰہ علیہ وسلم یقول: إنَّ لِی اسمائً، انا محمد وانا احمد وانا الماحی الذی یمحو اللّٰہ بی الکفر، وانا الحاشر، الذی یحشر الناس علٰی قدمیَّ، وانا العاقب الذی لیس بعدہ نبیٌّ۔ متفق علیہ۔ (مشکوٰۃ ص:۵۱۵)۔

کہ انہوں نے اِجرائے نبوّت کا دروازہ کھول کر فتنۂ عظیم برپا کردیا، اس کے جواب میں وہ لوگ یہ کہتے ہیں کہ اِجرائے نبوّت یعنی ظہورِ مسیح تو اہلِ سنت کا متفقہ مسئلہ ہے، اب گفتگو صرف تعیین شخصی میں رہ جاتی ہے کہ اس دعویٔ مسیحیت کا مصداق کون شخص ہے؟ اور اس میں خطائے اِجتہادی کی پوری گنجائش ہے۔ اس پر کچھ مختصراً اِرشاد فرمادیجئے۔

جواب:۔۔۔ اس کا دعویٰ صرف مسیح ہی کے ساتھ خاص نہیں، جس میں شبہ مذکورہ فی السوال کی گنجائش ہو وہ تو مسیح، غیرمسیح سب کے لئے نبوّت کو ممکن کہتا ہے، اس کے رسائل میں اس کی تصریح ہے، پھر مسیح میں بھی بقائے نبوّتِ سابقہ (جو کہ موصوف کا کمالِ ذاتی ہے، جو بعد عطا کے سلب نہیں ہوتا بدوں ظہور آثارِ خاصہ تشریع وغیرہ جیسا خود عالمِ برزخ میں یہ کمال سب حضرات کے ذوات میں باقی ہے) عطائے نبوّت کو مستلزم نہیں، اور منافی ختمِ نبوّت کے عطائے نبوّت ہے، جس کا وہ اپنی ذات کے لئے مدعی ہے، کیونکہ پہلے موجود نہ تھا، تاکہ اس نبوّت کو نبوّتِ سابقہ کہا جاسکے نہ بقا بہ شان مذکور اور یہ بالکل ظاہر ہے۔ (’’النور‘‘ ص:۸، صفر المظفر ۱۳۵۵ھ)

(اِمدادُالفتاویٰ ج:۶ ص:۱۱۵)

قادیانیوں کے دلائل اور ان کے جوابات

سوال:۔۔۔ ایک شخص حضور نبی کریم صلی اللّٰہ علیہ وسلم کی ختمِ نبوّت کے بعد مرزا غلام احمد قادیانی کی نبوّت کے ثبوت اور حقانیت کے لئے مندرجہ ذیل دلائل پیش کرتا ہے:

قادیانی کے دلائل:۔۔۔ ’’مَّا کَانَ مُحَمَّدٌ أَبَا أَحَدٍ مِّن رِّجَالِکُمْ وَلَکِن رَّسُولَ اللہِ وَخَاتَمَ النَّبِیِّیْنَ وَکَانَ اللہُ بِکُلِّ شَیْءٍ عَلِیْماً‘‘ (الاحزاب:۴۰)۔

ہمارا عقیدہ:۔۔۔ واضح ہو کہ یہ قرآن پاک کی آیت ہے اور اللّٰہ تعالیٰ کا کلام ہے، اس کے کل یا جز سے اِنکار کرنا ہمارے نزدیک موجبِ کفر ہے، پس ہم جماعتِ احمدیہ والے سیّدنا حضرت محمد صلی اللّٰہ علیہ وسلم کو خاتم النّبیین تسلیم کرتے ہیں، اور جو آپ صلی اللّٰہ علیہ وسلم کو خاتم النّبیین نہ مانے، وہ ہمارے نزدیک مسلمان ہی نہیں۔ لیکن لفظِ ’’خاتم‘‘ کا حقیقی معنی ومفہوم سمجھنا ضروری ہے، یہ ہمارا دعویٰ ہے کہ دُنیا کی کسی بھی لغت میں لفظِ ’’ختم‘‘ مقام درج میں آکر خاتم کا معنی بند کرنے والا یا روکنے والا نہیں ہے، حضرت محمد صلی اللّٰہ علیہ وسلم سے پہلے کا محاورہ یا عرب کا مقولہ یا کسی عرب شاعر کا کوئی شعر تمام عربی لٹریچر میں موجود نہیں، اور نہ ہی حضرت محمد صلی اللّٰہ علیہ وسلم کے بعد کسی بھی عربی کتاب میں ’’خاتم‘‘ کا لفظ بند کرنے اور روکنے کے معنی میں اِستعمال نہیں ہوا ہے، چنانچہ لغات کی چند مشہور کتابیں ملاحظہ ہوں:

1. لفظ

   معنی

2. نمبر۱ خاتم

   نگینہ، مہر، جس پر نام وغیرہ کندہ کئے جاتے ہیں۔

لسان العرب، تاج العروس، صحاح قاموس جوہری۔

1. نمبر۲ خاتم

   انگشتری: مثل خاتم الذھب یعنی سونے کی انگوٹھی۔

لسان العرب، تاج العروس، صحاح قاموس جوہری۔

2. نمبر۳ خاتم

   گھوڑے کی جو تھوڑی سی سفیدی ہوتی ہے۔

قاموس، تاج العروس، منتہی الادب۔

3. نمبر۴ خاتم

   گھوڑی کے تھنوں کے پاس کا حلقہ بھی خاتم کہلاتا ہے۔

قاموس، تاج العروس، منتہی الادب۔

4. نمبر۵ خاتم

   گدی کے نیچے جو گڑھا ہوتا ہے، اس کو بھی خاتم کہتے ہیں۔

قاموس، تاج العروس، منتہی الادب۔

5. نمبر۶ خاتم

   مہر کا نقش جو کاغذ پر اُتر آتا ہے۔

لسان العرب وغیرہ۔

6. نمبر۷ خاتم النّبیین

   نبیوں کی زینت اور رونق۔

مجمع البحرین جلد نمبر۱۔

۱:۔۔۔ اسی طرح مُلَّا علی قاریؒ ’’موضوعاتِ کبیر‘‘ ص:۴۹ میں خاتم النّبیین کا یہ معنی کرتے ہیں کہ آنحضرت صلی اللّٰہ علیہ وسلم کے بعد کوئی ایسا نبی نہیں آئے گا جو آپ صلی اللّٰہ علیہ وسلم کے دِین کو منسوخ کرے اور آپ صلی اللّٰہ علیہ وسلم کی اُمت سے نہ ہو۔

۲:۔۔۔ شاہ ولی اللّٰہ محدث دہلویؒ ’’تفہیماتِ اِلٰہیہ‘‘ میں فرماتے ہیں کہ آنحضرت صلی اللّٰہ علیہ وسلم پر نبیوں کے ختم ہونے سے مراد یہ ہے کہ آپ صلی اللّٰہ علیہ وسلم کے بعد کوئی شخص ایسا نہ ہوگا جس کو اللّٰہ تعالیٰ لوگوں کے لئے شارع نبی بناکر بھیجے۔

۳:۔۔۔ ’’مجمع البحار‘‘ (مصنفہ: شیخ محمد طاہرؒ) میں حضرت عائشہؓ کی روایت ہے کہ یہ تو کہو کہ آنحضرت صلی اللّٰہ علیہ وسلم خاتم النّبیین ہیں، لیکن یہ نہ کہو کہ آپ کے بعد کوئی نبی نہیں۔

۴:۔۔۔ ’’تفسیر صافی‘‘ میں ہے کہ حضور صلی اللّٰہ علیہ وسلم نے حضرت علیؓ سے فرمایا کہ: ’’اے علی! میں خاتم الانبیاء ہوں اور تو خاتم الاولیاء ہے‘‘ تو کیا اس سے یہ مراد لیا جائے کہ حضرت علیؓ کے بعد کوئی ولی نہیں ہوگا؟

۵:۔۔۔ ’’دیلمی‘‘ کی حدیث ہے کہ: ’’میں فقراء المؤمنین کے ساتھ سب سے پہلے جنت میں جاؤں گا، اور میں اپنے سے پہلے اور بعد کے سب نبیوں کا سردار ہوں۔‘‘

۶:۔۔۔ حضرت محمد صلی اللّٰہ علیہ وسلم نے حضرت عباسؓ کو ’’خاتم المہاجرین‘‘ کہا ہے، تو کیا حضرت عباسؓ کے بعد کسی نے ہجرت نہیں کی؟

۷:۔۔۔ سیّدنا حضرت محمد صلی اللّٰہ علیہ وسلم خاتم بمعنی مہر کے ہیں اور مہر کا کام تصدیق کرنا ہے، ایک سرکاری ملازم اس لئے مہر لگاتا ہے کہ میں تصدیق کرتا ہوں کہ یہ رقم یا تنخواہ میں نے وصول کی ہے نہ کہ کسی اور نے۔

۸:۔۔۔ ایک عدالت کا حاکم اس لئے مہر لگاتا ہے کہ میں تصدیق کرتا ہوں کہ یہ نوشتہ یا پروانہ میرے علم اور حکم سے جاری ہوا ہے۔

۹:۔۔۔ ایک بادشاہ اس لئے مہر لگاتا ہے کہ میں تصدیق کرتا ہوں کہ یہ فرمان یا تحریر میرے علم اور حکم سے لکھا یا جاری ہوا۔

۱۰:۔۔۔ ایک ڈاک خانہ خط پر اس لئے مہر لگاتا ہے کہ تصدیق کی جاتی ہے کہ یہ خط فلاں مقام سے فلاں تاریخ اور وقت پر روانہ ہوا یا پہنچا۔

۱۱:۔۔۔ ایک اپیل نویس اپنی مہر اس واسطے لگاتا ہے کہ میں تصدیق کرتا ہوں کہ مندرجہ وثیقے کی عبارت میری تحریر کردہ ہے۔

۱۲:۔۔۔ کسی پارسل، بوتل یا بند خط پر مہر اس لئے لگائی جاتی ہے کہ یہ چیزیں میں نے بند کی ہیں، اگر مہر سلامت نہ رہے تو اس کے اندر کی چیز کے سلامت ہونے کا اِعتبار جاتا رہتا ہے۔

۱۳:۔۔۔ کسی مہر کے واسطے یہ ضروری ہے کہ وہ کسی تحریر کے لازماً آخر میں ہو، خواہ آغاز پر خواہ انجام پر، مراد اس سے مہرکنندہ کی تصدیق ہوتی ہے نہ کہ اس تحریر کا بند ہونا اور بند کرنا۔

یہ تو قادیانی کے دلائل تھے۔ آپ حضرات سے اِستدعا ہے کہ ان دلائل کے دندان شکن جوابات تحریر فرماکر اس نوپید فتنہ کا قلع قمع کرنے میں تعاون فرمائیں۔

جواب:۔۔۔ تمام اُمتِ مسلمہ کا یہ اِجماعی اور متفق علیہ عقیدہ ہے کہ حضور سیّد دوعالم صلی اللّٰہ علیہ وسلم اللّٰہ تعالیٰ کے آخری نبی ہیں، آپ صلی اللّٰہ علیہ وسلم کے بعد کوئی نبی نہیں آئے گا، سوائے حضرت عیسیٰ ابنِ مریم علیہ السلام کے، وہ قربِ قیامت میں آسمانوں سے نزول فرمائیں گے اور دِینِ محمدی کا اِحیاء اور تجدید کریں گے اور شریعتِ محمدی کے تابع ہوں گے۔ باقی قادیانی بدبخت اس اِجماعی عقیدے کو چھوڑ کر لفظ ’’خاتم‘‘ کے غیرمرادی اور غیرمعتبر معانی کے پیچھے لگ گئے اور ’’خاتم النّبیین‘‘ کا جو اِجماعی معنی ہے، جس پر تمام اُمت کا اِتفاق ہے، جو آنحضرت صلی اللّٰہ علیہ وسلم نے خود سمجھایا اور صحابہ کرامؓ نے سمجھا تھا، اور اُمت کے تمام محققین، محدثین، مفسرین، اَئمہ کرام اور علمائے حق کا اسی پر اِتفاق ہے، لیکن بدبخت قادیانیوں نے ان کا سمجھا ہوا معنی جھٹلایا اور خود اپنے من گھڑت معنی کو معتبر قرار دِیا۔

قال ﷲ تعالٰی:

’’مَّا کَانَ مُحَمَّدٌ أَبَا أَحَدٍ مِّن رِّجَالِکُمْ وَلَکِن رَّسُولَ اللہِ وَخَاتَمَ النَّبِیِّیْنَ وَکَانَ اللہُ بِکُلِّ شَیْءٍ عَلِیْماً‘‘

(الاحزاب:۴۰)

فَقَالَ رَسُوْلُ ﷲِ صَلَّی ﷲُ عَلَیْہِ وَسَلَّمَ: ’’اَنَا خَاتَمُ النَّبِیِّیْنَ لَا نَبِیَّ بَعْدِیْ، وَلَا رَسُوْلَ بَعْدِیْ، وَلَا اُمَّۃَ بَعْدِیْ۔۔۔۔۔۔‘‘ یہ کئی احادیث کا مجموعہ ہے اور یہ مضمون کئی احادیث میں وارِد ہوا ہے (تفسیر القرآن العظیم ج:۴ ص:۷۱۴)۔ ’’لَا‘‘ نفیٔ جنس کا ہے، جب یہ اپنے مدخول پر آجاتا ہے تو اس کا بیخ نکال جاتا ہے، یعنی حضورِ انور صلی اللّٰہ علیہ وسلم نے ’’خاتم النّبیین‘‘ کا معنی نبیوں

کا خاتمہ کرنے کا لیا، اسی لئے فرمایا: ’’لَا نَبِیَّ بَعْدِیْ وَلَا رَسُوْلَ بَعْدِیْ ۔۔۔إلخ‘‘ کہ میرے بعد کوئی نبی آنے والا نہیں، نہ تشریعی، نہ ظلّی، نہ بروزی، مگر قادیانی بدبختوں ۔۔۔علیہم ماعلیہم۔۔۔ نے خاتم النّبیین سے مراد حضور صلی اللّٰہ علیہ وسلم کا لیا ہوا معنی چھوڑ کر، اور خود بھی لغت کے تمام معنوں کو چھوڑ کر، صرف ’’تصدیق‘‘ اور ’’مہر‘‘ کا معنی لیا، جو تمام کے لئے ہوئے معنی سے مخالف اور متضاد ہے۔

مُلَّا علی قاریؒ نے جو ’’موضوعاتِ کبیر‘‘ میں آیت خاتم النّبیین کا معنی کرتے ہوئے فرمایا ہے کہ: ’’آنحضرت صلی اللّٰہ علیہ وسلم کے بعد کوئی ایسا نبی نہیں آئے گا جو آپ صلی اللّٰہ علیہ وسلم کے دِین کو منسوخ کردے، اور آپ صلی اللّٰہ علیہ وسلم کی اُمت سے نہ ہو۔‘‘ تو یہ حضرت عیسیٰ بن مریم علیہ السلام کی طرف اِشارہ ہے کہ آئیں گے، مگر شرعی نبی نہیں، بلکہ آنحضرت صلی اللّٰہ علیہ وسلم کے دِین کے حامی بن کر آئیں گے۔

شاہ ولی اللّٰہ محدث دہلوی رحمہ اللّٰہ کا قول ’’تفہیمات الکبیر‘‘ میں بھی بالکل ٹھیک ہے، قادیانی اس پر عمل نہیں کرتے، کیونکہ وہ پھر نئے نبی کے آنے کے قائل ہیں۔

ضروری اِنتباہ:۔۔۔ قادیانیوں کی تحریرات میں سب دھوکا ہے، سادہ لوح مسلمانوں کو دھوکے سے بے دِینی کی طرف مائل کرتے ہیں، خاتم النّبیین اور ختمِ نبوّت کے اِجماعی عقیدے کے یہ لوگ منکر ہیں، لوگوں میں خود کو مسلمان ظاہر کرنے اور عوام الناس کو اپنے دام میں پھنسانے کے لئے اس قسم کے الفاظ ظاہر کرتے ہیں تاکہ ان سادہ لوح لوگوں کو دھوکا دے سکیں، ان کے پلید مذہب کی حقیقت خود ان کی اپنی تحریرکردہ کتابوں سے واضح ہوتی ہے، اگر آپ قادیانی مذہب کی حقیقت سے آگاہی حاصل کرنا چاہیں تو مندرجہ ذیل کتابیں منگواکر مطالعہ کریں تاکہ اِیمان بھی تازہ ہو اور دِین واِیمان کے ڈاکوؤں کے فریب سے بھی نجات ملے: ۱-عشرہ کاملہ، ۲-ختمِ نبوّت، ۳-تحقیق الکفر والیمان بآیات القرآن، ۴-دعاویٔ مرزا، ۵-مسیحِ موعود کی پہچان، ۶-قادیانیوں کے کفر پر علمائے اسلام کا فتویٰ۔ یہ کتابیں طبع شدہ ہیں اور عام ملتی ہیں، کسی بھی مشہور کتب خانے سے منگواکر ضرور مطالعہ کریں۔

لفظِ ’’خاتم‘‘ کی لغوی تحقیق

خاتم کا معنی لغت کی رُو سے:

۱:۔۔۔ ’’صراح‘‘ ص:۲۸۸ میں ہے:

’’ختم کردن، مہر کردن،ختمت الشی فہو مختوم، ختم شد وتمام گردانیدن یقال خَتَمَ ﷲُ لَہٗ بِالْخَیْرِ، اتمام خواندن قرآن، اختتام بپایان بردن، نقیض الافتتاح، خاتم بفتح التاء وکسرہا، خاتم بالتاء، خاتام بالالف انگشتری جمع خواتیم، خاتم الشیٔ آخرہٗ، ومحمد صلی اللّٰہ علیہ وسلم خاتم الانبیاء بفتح، صلوٰۃ اللّٰہ علیہ وعلیہم اجمعین، گلے وموم مہر کنندہ وقولہٗ تعالیٰ: ’’خِتٰمُہُ مِسكٌ‘‘ ۔‘‘

۲:۔۔۔ اور ’’غیاث‘‘ ص:۱۵۳ پر :

’’ختام بکسر موم ومک وغیرہ کہ براں مہر کنندہ۔‘‘

۳:۔۔۔ ’’المنجد‘‘ ص:۱۶۵:

’’الختم ما یتختم بہ الختام الطین او کل ما یتختم بہ علی الشیء جمع ختم الختم کل ما یتختم بہ الخاتم جمع الخواتیم، الختام ما یختم بہ وعاقبت کل شیء۔ جو آنحضرت صلی اللّٰہ علیہ وسلم پر صادق آتا ہے۔

۴:۔۔۔ ’’مفردات القرآن‘‘ لامام راغب الاصفہانی ص:۱۴۲ پر ہے:

’’وخاتم النَّبیین لأنہ ختم النبوۃ ای تممھا بمجیئہ۔‘‘

مذکورہ بالا حوالہ جات سے بخوبی معلوم ہوتا ہے کہ لفظِ ’’خاتم‘‘ ختم کرنے اور منتہی الشیٔ کے معنی میں بھی اِستعمال ہوا ہے۔ اور خبیث قادیانی کے دھوکے کو دیکھو کہ یہ لفظ کہیں بھی ختم کرنے اور اِنتہا واِختتام الشیٔ کے معنی میں نہیں لایا، خاص کر اِمام راغب اصفہانی ؒ کی صرح کے الفاظ۔ ’’المنجد‘‘ کا مصنف تو عیسائی ہے، مسلمان نہیں، اس عیسائی کے الفاظ دیکھیں کہتا ہے: ’’عاقبت کل الشیء اور یہ معنی آنحضرت صلی اللّٰہ علیہ وسلم پر صادق آتا ہے۔‘‘ اگر بالفرض کسی لغت میں لفظ خاتم بمعنی ختم کرنے والا نہ بھی ہو، تب بھی ہمارے مدعا اور اِجماعی عقیدے پر اَثرانداز نہیں ہوسکتا، اس لئے کہ ہمارے نزدیک لغات کی کتابیں معتبر ہی نہیں ہیں اور نہ ہم اپنے مدعا کے ثبوت کے لئے ان سے اِستدلال کرنے کے پابند ہیں، بلکہ ہمارا یہ دعویٰ قرآن پاک کے قطعی اور یقینی نصوص، احادیثِ صحیحہ اور اِجماعِ اُمت سے ثابت ہے، قرآن وحدیث کو چھوڑ کر لغات کی کتابوں سے اِستدلال کرنے والا حد درجے کا زِندیق اور ملحد ہے، اسلام سے کوسوں دُور، اِرتداد کی شدید ظلمات میں پڑا ہوا ہے، اسلامی حکومت پر واجب ہے کہ جو شخص قادیانی مذہب اِختیار کرے تو عدمِ رُجوع کی صورت میں اُسے سزائے موت دے۔

قال ﷲ تعالٰی:

’’مَّا کَانَ مُحَمَّدٌ أَبَا أَحَدٍ مِّن رِّجَالِکُمْ وَلَکِن رَّسُولَ اللہِ وَخَاتَمَ النَّبِیِّیْنَ وَکَانَ اللہُ بِکُلِّ شَیْءٍ عَلِیْماً‘‘

(الاحزاب:۴۰)

قال الحافظ ابن کثیر تحت ھٰذہ الآیۃ:

’’فھٰذہ الآیۃ نص فی انہ لا نبی بعدہ وإذا کان لا نبی بعدہ فلا رسول بعدہ بالطریق الأولٰی، والاخریٰ لأن مقام الرسالۃ اخص من مقام النبوۃ، فإن کل رسول نبی ولا ینعکس، وبذالک وردت الأحادیث المتواترۃ عن رسول ﷲ صلی ﷲ علیہ وسلم من حدیث جماعۃ من الصحابۃ۔‘‘

(تفسیر القرآن العظیم ج:۳ ص:۴۹۳، مطبوعۃ مصطفٰی محمد مصر)

(فتاویٰ حقانیہ ج:۱ ص:۳۹۲ تا ۳۹۶)

غلام احمد قادیانی کے وسوسوں کا جواب

سوال:۔۔۔ مرزاقادیانی کے بارے میں شرعی حکم اور اس کے بیان کئے گئے وسوسوں کا جواب، نیز یہ کہ اس کے عقائدِ

فاسدہ کیا تھے؟ اور اس بدبخت شخص کا پس منظر کیا ہے؟ اور اُصولاً مسلمانوں کا ان سے کیا اِختلاف ہے؟ تفصیل تحریر فرمائیں۔

ساجد گیلانی، لاہور

جواب:۔۔۔ محترم ساجد گیلانی صاحب! السلام علیکم ورحمۃ اللّٰہ وبرکاتہ!

قادیانی کافر ومرتد ہیں۔ مرزاقادیانی ذہناً نیم پاگل اور انگریزوں کا ایجنٹ تھا۔ قادیانی وسوسوں کا مختصر جواب حاضر ہے۔

رسول اللّٰہ صلی اللّٰہ علیہ وسلم کو قرآنِ کریم میں آخری نبی بتایا گیا ہے۔ نبی شریعت والا اور بلاشریعت کی کوئی بات قرآن وحدیث میں نہیں۔ یہ قادیانی مرتدین کی باطل تأویلیں ہیں، چونکہ قرآن وسنت کے خلاف ہیں، لہٰذا مردود ہیں۔

حضور صلی اللّٰہ علیہ وسلم نے اپنے کسی صاحبزادے کو نبی نہیں فرمایا، یہ صریح جھوٹ ہے، ثبوت دیں۔ اگر زِندہ رہتا تو نبی ہوتا، تعلیق المحال بالمحال ہے، یعنی اللّٰہ کے علم میں نہ انہوں نے زِندہ رہنا تھا، نہ نبی ہونا تھا، جیسے قرآن میں ہے:

’’قُلْ إِن کَانَ لِلرَّحْمَنِ وَلَدٌ فَأَنَا أَوَّلُ الْعَابِدِیْنَ‘‘

(الزخرف:۸۱)

’’آپ فرمائیں اگر اللّٰہ رحمن کا بیٹا ہوتا تو میں سب سے پہلے اس کی عبادت کرتا۔‘‘

تو کیا اس سے اللّٰہ کے بیٹے کا جواز نکل آیا؟ نہ بیٹا ممکن، نہ اس کی عبادت کرنا۔ یونہی نہ آپ صلی اللّٰہ علیہ وسلم کے صاحبزادے حضرت اِبراہیم کا زِندہ رہنا ممکن، نہ نبی بننا، کیونکہ اللّٰہ کے علم میں یہی طے تھا۔ ’’لَا نَبِیَّ بَعْدِیْ‘‘ والی حدیث پاک کا جواب مرتد کے پاس نہ تھا، اس لئے اس نے جھلاکر پوچھا اس کا کیا تک تھا؟ اس سے پوچھیں اس آیت کا کیا تک ہے کہ بیٹا ہوتا تو کیا اس کا یہ مطلب ہوگا کہ اللّٰہ کا بیٹا ہوسکتا ہے؟

قرآنِ کریم میں حضور صلی اللّٰہ علیہ وسلم کو خاتم النّبیین، یعنی آخری نبی کہا گیا ہے۔ حدیث پاک میں ’’لَا نَبِیَّ بَعْدِیْ‘‘ سے اس کی تشریح وتفسیر کردی گئی کہ میرے بعد کوئی نبی نہیں۔ ایک مسلمان کے لئے یہی کافی ہے۔

اللّٰہ نے کہیں بھی قرآن میں یہ نہیں فرمایا کہ حضرت عیسیٰ علیہ السلام کو اس طرح وفات دی جس طرح باقی نبیوں کو۔ پس یہ مرزائی مرتد کا جھوٹ ہے۔ وہ زندہ آسمان پر ہیں اور قیامت کے قریب تشریف لائیں گے، جیسا قرآن وحدیث میں وضاحت ہے۔ اس مختصر میں تفصیل کی گنجائش نہیں۔

قرآنِ کریم میں ’’اَسرٰی بِعِبدِہٖ‘‘ فرمایا گیا ہے، یعنی اللّٰہ نے اپنے بندے کو سیر کرائی اور بندہ مکمل زندہ انسان پر بولا گیا ہے، صرف رُوح کو معراج ہوتی تو بروحہ کہہ دینا کوئی مشکل نہ تھا۔ اللّٰہ کو عربی زبان خوب آتی ہے۔

حضرت عیسیٰ علیہ السلام بنی اِسرائیل کے نبی ہیں۔ حضرت اِمام مہدی علیہ الرضوان حضور صلی اللّٰہ علیہ وسلم کی اُمت کے مجدّد اور مصلح ہوں گے۔ دونوں الگ الگ شخصیتیں ہیں۔ ایک کیسے ہوگئیں؟ قادیانی چونکہ اپنے مرتد کو کبھی مسیح اور کبھی مہدی کہتے ہیں، جیسا کہ اس نے خود ایسے دعوے کئے ہیں، اس لئے وہ دونوں کو ایک کہتے ہیں، حالانکہ قادیانی مرتد ایک پاگل بیوقوف شخص تھا، اس نے تو اپنی کتاب ’’براہین‘‘ وغیرہ میں اپنے آپ کو آدم، نوح، موسیٰ، عیسیٰ، مریم اور نہ جانے کیا کیا لکھا ہے، کیا ان تمام پاکیزہ ہستیوں کو بھی

ایک ہی کہا جائے گا؟ اگر اِیمان نہیں تو کم از کم عقل کو ہی اِستعمال کرلیتے۔ اگر یہ تمام حضرات ایک نہیں تو مرزا ان سب کا معجون ومرکب کیسے بن گیا؟ کیا ایک ہی شخص کبھی موسیٰ، کبھی عیسیٰ، کبھی داؤد، کبھی اِبراہیم، کبھی یہ، کبھی وہ بن سکتا ہے؟ اگر نہیں اور یقینا نہیں، تو اس قادیانی مرتد کے پاگل ہونے اور گمراہ ہونے میں کیا شک رہ گیا؟ اللّٰہ تعالیٰ آپ کو اپنی حفظ وامان میں رکھے، آمین! والسلام۔

واللّٰہ اعلم!

عبدالقیوم خان

(منہاج الفتاویٰ ج:۱ ص:۳۵۷-۳۵۹)

مسئلۂ ختمِ نبوّت پر ایک دِلچسپ مناظرہ

(جمع وترتیب: مولانا اِحتشام الحق آسیاآبادی)

اَلْحَمْدُ لِلّٰہِ وَکَفیٰ وَسَلَامٌ عَلٰی عِبَادِہِ الَّذِیْنَ اصْطَفیٰ، اَمَّا بَعْدُ!

میرے مربیٔ رُوحانی حضرت مفتی (رشید احمد لدھیانویؒ) صاحب دامت برکاتہم کی اِبتدائی تدریس کے زمانے میں ایک قادیانی مناظر سے اِتفاقاً ملاقات ہوگئی، قادیانی کے ساتھ ان کا ایک شاگرد بھی تھا، ملتے ہی قادیانی مناظر نے اپنی تعریف اور مہارت پر کافی تقریر کی اور کہا کہ: ’’میں نے بوعلی سینا کی کتابیں پڑھی ہیں، عیسائیوں اور آریوں سے بہت سے مناظرے کئے ہیں‘‘ خوب اپنی قابلیت اور مہارت جتاتا رہا اور حضرتِ والا خاموشی سے سنتے رہے، اس کے بعد مسئلہ جریانِ نبوّت پر بات شروع کردی۔ ذیل میں اس مختصر مگر دِلچسپ مناظرے کی رُوئیداد پیش کی جارہی ہے، جس میں خاص طور سے حضراتِ علمائے کرام کے لئے بڑی کارآمد اور مفید باتیں آگئی ہیں۔ اِختصار کی خاطر حضرتِ والا کو ’’مفتی صاحب‘‘ اور قادیانی کو ’’قادیانی مناظر‘‘ کے عنوان سے ذِکر کیا جائے گا۔ (آسیاآبادی)

حضرت مفتی صاحب:۔۔۔ آپ کا اصل دعویٰ تو اِثبات نبوّتِ مرزا ہے، مسئلہ جریانِ نبوّت آپ کے دعویٔ نبوّت پر دلیل کے لئے صغریٰ کا کام دیتا ہے یا کبریٰ کا؟

قادیانی مناظر:۔۔۔ یہ ہماری دلیل نہیں ہے، بلکہ اس مسئلے کو ہم اس لئے بیان کرتے ہیں کہ مرزاقادیانی کی نبوّت پر بحث کرتے ہوئے اکثر علماء یہ بحث اَزخود چھیڑ دیتے ہیں کہ نبوّت ختم ہوچکی ہے، اس لئے ہمیں یہ بحث کرنا پڑتی ہے۔

حضرت مفتی صاحب:۔۔۔ یہ بحث آپ اس عالم سے کریں جو اسے چھیڑے، مجھ سے براہِ راست اپنے دعویٰ نبوّتِ مرزا پر بحث کریں، اس لئے کہ میں تو اس کا قائل ہوں کہ بفرضِ محال اگر نبوّت جاری ہو تو بھی مرزاقادیانی نبی نہیں ہوسکتے۔

حضرتِ والا کے اس اِصرار کے باوجود قادیانی مناظر جریانِ نبوّت ہی پر بحث کرنے پر مصر رہے۔ اصل وجہ یہ ہے کہ قادیانی مناظر اس مسئلے میں اصل مدعا کی طرف آتے ہوئے گھبراتے ہیں، انہیں یہ معلوم ہے کہ مرزاقادیانی کی نبوّت کو ثابت کرنے کے آگے کانٹوں کا انبار ہے، اس لئے حضرتِ والا ارخاء عنان کے لئے جریانِ نبوّت ہی پر بحث کرنے پر رضامند ہوگئے کہ کہیں وہ یہ

نہ سمجھیں کہ کسی کمزوری کی بنا پر اس بحث سے پہلوتہی کررہے ہیں۔ چنانچہ اب بحث شروع ہوتی ہے۔

حضرت مفتی صاحب:۔۔۔ یہ بحث ہے تو بالکل فضول، مگر جب آپ اپنے اصل مدعا کی طرف آنا نہیں چاہتے اور اسی پر مصر ہیں کہ جریانِ نبوّت ہی پر بحث ہو تو چلئے اس پر فرمائیے۔

قادیانی مناظر:۔۔۔ حضرت آدم علیہ السلام سے لے کر حضور اکرم صلی اللّٰہ علیہ وسلم تک بالاتفاق نبوّت جاری رہی، حضور صلی اللّٰہ علیہ وسلم کے بعد آپ کا یہ دعویٰ ہے کہ نبوّت ختم ہوگئی۔ جو شخص متفق علیہ حقیقت کے خلاف کا قائل ہوتا ہے، وہ مدعی کہلاتا ہے، اور مدعی کے ذمہ دلیل بیان کرنا ہوتا ہے۔ آپ مدعی ہیں، لہٰذا ختمِ نبوّت پر دلیل بیان کریں۔

حضرت مفتی صاحب:۔۔۔ آپ میرا مدعی ہونا تسلیم کرتے ہیں؟

قادیانی مناظر:۔۔۔ (ذرا ہچکچاکر) ہاں! اس حیثیت سے کہ آپ متفق علیہ حقیقت کے خلاف کے قائل ہیں۔

حضرت مفتی صاحب:۔۔۔ آپ حیثیت وغیرہ چھوڑیں اور صاف اس کا اِقرار کریں کہ آپ مجھے مدعی مانتے ہیں۔

قادیانی مناظر:۔۔۔ (دبی ہوئی زبان میں) ہاں! آپ مدعی ہیں۔

قادیانی مناظر کو حضرت مفتی صاحب مدظلہم کے مدعی تسلیم کرنے میں تردّد اس لئے ہو رہا تھا کہ مناظرے میں ہر شخص مدعی بننے سے بچنے کی کوشش کرتا ہے، مگر یہاں خود حضرت مفتی صاحب اپنے مدعی ہونے کا ان سے اِقرار لے رہے ہیں۔

حضرت مفتی صاحب:۔۔۔ یہ بتائیے کہ آپ کے ہاں نبوّتبشرط لا شیء جاری ہے لا بشرط شیء؟

قادیانی مناظر:۔۔۔ آپ علمی اِصطلاحات اِستعمال نہ کریں، عام فہم زبان میں بات کرنا چاہئے۔

حضرت مفتی صاحب:۔۔۔ یہاں عوام کا کوئی ایسا مجمع نہیں، اس لئے علمی اِصطلاحات کے اِستعمال میں کوئی حرج تو نہیں، مع ھٰذا آپ کی خواہش کی رعایت کرتا ہوں، میرا مطلب یہ ہے کہ آپ کے ہاں مطلق نبوّت جاری ہے یا النبوۃ المطلقۃ؟

قادیانی مناظر:۔۔۔ دونوں میں کیا فرق ہے؟

حضرت مفتی صاحب:۔۔۔ میں نے خیال کیا کہ آپ بوعلی سینا کی کتابیں دیکھے ہوئے ہیں، اس لئے سمجھ جائیں گے۔ مطلب یہ ہے کہ آپ کے ہاں نبوّت کی دو قسمیں ہیں: تشریعی اور ظلّی، یہ دونوں قسمیں جاری ہیں یا ایک؟

قادیانی مناظر:۔۔۔ ایک قسم جاری ہے، یعنی ظلّی، تشریعی نبوّت ختم ہوگئی۔

حضرت مفتی صاحب:۔۔۔ حضرت آدم علیہ السلام سے لے کر حضورِ اکرم صلی اللّٰہ علیہ وسلم تک نبوّت تشریعی جاری تھی، آپ اس کے ختم ہوجانے کے قائل ہیں۔ متفق علیہ حقیقت کے خلاف کہہ رہے ہیں، اس لئے آپ مدعی ٹھہرے۔ آپ اس پر دلیل بیان کریں۔

قادیانی مناظر:۔۔۔ میں مدعی نہیں ہوں۔

حضرت مفتی صاحب:۔۔۔ بعینہٖ جس طریقے سے آپ نے مجھے مدعی ٹھہرایا، اسی طریقے سے آپ مدعی بن رہے ہیں۔

قادیانی مناظر:۔۔۔ میں کسی طرح مدعی نہیں ہوں۔

حضرت مفتی صاحب:۔۔۔ جس طریقے سے مجھے مدعی بنایا تھا، بعینہٖ اسی طریقے سے آپ مدعی بن گئے، اب اگر آپ مدعی نہیں تو میں بھی مدعی نہیں، قصہ ہی ختم ہوگیا۔

قادیانی مناظر:۔۔۔ (مجبور ہوکر اپنے مدعی ہونے کا بادِلِ ناخواستہ اِقرار کرتے ہوئے دلیل پیش کرتے ہیں) نبوّت تشریعہ کے لئے کچھ شرائط ہیں (ان شرائط کی تفصیل بیان کرنے سے بچنے کے لئے کہا کہ) یہ شرائط آپ کو معلوم ہی ہیں۔

حضرت مفتی صاحب:۔۔۔ مجھے ان شرائط کا علم نہیں، آپ ہی بیان کریں، نیز یہ بھی بتائیے کہ ان شرائط کا وجود ممکن ہی نہیں یا ممکن تو ہے واقع نہیں؟

قادیانی مناظر:۔۔۔ ممکن ہے، مگر واقع نہیں۔